توں مینوں کیوں چھڈ دِتا؟ | Why Hast Thou Forsaken Me?

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع گتسمنی باغ وِچ دعا توں اُٹھیا۔ اُوہنوں ’’سردار کاہن وَلوں پیجے گئے افسراں تے لوکاں دے اِکٹھ‘‘ دا سامنا کرنا پیہا سی۔ اُو اپنے ہتھاں چہ ’’مشعلاں چراغ تے ہتھیار‘‘ لہیائے سن (یوحنا18:3)۔ اُوہناں نے یسوع نوں لہیا تے تے اُوہنوں سردار کاہن دے کول لے گئے (متی26:57)۔ اُوہناں نے یسوع تے کفر کہن دا اِلزام دھریا۔ فیر اُوہناں نے اُوہدے مُنہ تے تُھکیا۔ اُوہناں نے اپنے مُکیاں نال اُوہنوں ماریا۔ اُوہناں نے اپنے ہتھاں دیاں تلیاں نال اُوہنوں چنڈاں ماریاں۔ اُوہناں نے اُوہدی داڑھی دے وال پُٹے (اشعیا50:6)۔

سردار کاہن تے بزرگاں نے یسوع نوں قتل کرن دا فیصلہ کیتا۔ اُو اُوہنوں رومی گورنر، پیلاطُوس دے کول لَے گئے۔ پیلا طوس نے اُوہدے کولوں سوال پوچھیا۔ فیر پیلاطوس نے ہجوم نوں کہیا، ’’مینوں کی کرنا چائیدا اے… یسوع دے نال جیہڑا مسیح کہلاندا اے؟‘‘ لوکی چیخن لگے، ’’اینوں مصلوب کرو‘‘ (متی27:22)۔ پیلاطوس نے اپنے ہتھ دھوتے تے کہیا، ’’میں ایس راستباز دے لہو توں بری ہونا واں‘‘ (متی27:24)۔ فیر پیلاطوس نے یسوع نے کوڑے لوائے تے اُوہنوں مصلوب کیتے جان لئی پیج دِتا۔ رومی سپاہیاں نے یسوع دے لہو لہان پِنڈے تے اِک سرمئی لبادہ پا دِتا۔ اُوہناں نے کنڈیاں دا اِک تاج بُنیا تے اُوہنوں اُوہدے سر وِچ گھونپیا۔ اُوہناں نے اُوہدے سجے ہتھ چہ اِک سرکنڈا پھڑایا، ’’تے اُو اُوہدے اَگے گوڈے ٹیک ٹیک کے مخول کرن لگے کہ اے یہودیاں دے بادشاہ آداب!‘‘ (متی27:29)۔ اُوہناں نے اُوہدے مُنہ تے تُھکیا تے اُوہدے کولوں سرکنڈا لے لیا تے اُوہدے نال اُوہدے سر نوں پیٹینا شروع کر دِتا۔ تے جدوں اُو اُوہدا مخول اُڑا چکے تے اُوہناں نے اُو لبادہ اُوہدے پِنڈے توں لایا تے اُوہدے اپنے کپڑے اُوہنوں پیہیائے۔ اُو اُوہنوں مصلوب کیتے جان لئی لے گئے۔

اُوہدے لئی نہ سونے دا نہ چاندی دا کوئی تاج سی،
   اُوہدے سر تے دھرن لئی کوئی سرتاج نئیں سی؛
لیکن لہو نے اُوہدی پیشانی سجائی تے ایہہ داغ جیہڑا اُوہنے سہیا اُوہنوں قابلِ قدر کیتا
   تے جیہڑا تاج اُوہنے پایا اُو اُوہنوں گنہگاراں نے بخشیا سی۔
اِک کٹھن صلیب اُوہدا تخت بنی،
   اُوہدی بادشاہی صرف دِلاں ای تے سی؛
اُوہنے اپنا پیار سُرخی مائل رَتے رنگ چہ لکھیا،
   تے اپنے سر تے کنڈیاں نال بُنیا تاج پایا۔
(’’اِک کنڈیاں دا تاج A Crown of Thorns‘‘ شاعر عرّہ ایف۔ سٹانفِلIra F. Stanphill، 1914۔1993).

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

اتل کیتی جان آلی جگت تیکر جان لئی یسوع اپنی صلیب چُک کے لے گیا سی۔ اُو صلیب دے بوجھ نال بار بار ڈگیا سی۔ آخر کار سپاہیاں نے شمعون قرینی نامی اِک بندے نوں صلیب چُکن تے مجبور کیتا۔ جدوں اُو کلوری تے پہنچے تے اُوہناں نے اُوہنوں کھٹی مَے پین لئی دِتی جِنوں اُوہنے ٹھکرا دِتا۔ سپاہیاں نے اُوہدے ہتھاں تے پیراں نوں کِلاں نال صلیب تے جڑ دِتا۔ اُوہناں نے صلیب نوں سیدھا کھڑا کیتا۔ ’’تے اُوتھے ای بیہہ کے اُوہدی نگرانی کرن لگے‘‘ (متی27:36)۔

اُوہناں نے صلیب تے اُوہدے سر دے اُوتے دی تھاں تے اِک تختی تے اُوہدا اِلزام لکھ کے لایا۔ تختی تے لکھیا سی، ایہہ یسوع اے یہودیاں دا بادشاہ۔ دو ڈاکوواں نوں وی اُوہدے نال مصلوب کیتا گیا سی، اِک نوں اُوہدے سجے تے دوجے نوں کھبے پاسے۔ اُو لوکی جیہڑے صلیب دے کولوں لنگ رئے سی اُوہنوں لعن طعن کردے سی۔ اُوہناں نے کہیا، ’’جے توں خُدا دا پُتر اے تے صلیب توں تھلے اُتر آ‘‘ (متی27:40)۔ سردار کاہناں نے وی اُوہدا ایہہ کہندے ہویاں مخول اُڑایا، ’’اینے ہُوراں نوں وچایا لیکن اپنے آپ نوں نئیں بچا سکیا، ایہہ تے اسرائیل دا بادشاہ اے! جے ہُن وی صلیب توں اُتر آئے تے اَسی ایدے تے ایمان لے آواں گے‘‘ (متی27:42)۔

اُوہنے ہاتھی دند دے تخت تے حکومت نئیں کیتی سی،
   اُو کلوری دی صلیب تے مریا سی؛
گنہگاراں لئی اُوہنے اُوتھے اپنا سب کج شمار کیتا لیکن ہار گیا،
   تے اُوہنے اپنی بادشاہی دا صلیب اُتوں جائزہ لہیا۔
اُوہدا تخت اِک بوسیدہ صلیب بن گئی،
   اُوہدی بادشاہی صرف دلاں وچ سی؛
اُوہنے اپنا پیار گہرے لال رنگ نال لکھیا سی،
   تے اپنے سر تے کنڈیاں دا تاج پایا سی۔

یسوع نوں سویرے نو وجے مصلوب کیتا گیا سی۔ دوپہر بارہ وجے زمین تے انیرا چھا گیا تے سہہ پہر 3:00 وجے تیکر چھایا رہیا۔ 3:00 وجے یسوع اُوچی واج نے چیخ پہیا، ’’ایلی، ایلی، لما شبقتانی؟ جیس دا مطلب ہوندا اے، اے میرے خُدا، اے میرے خُدا، توں مینوں کیوں چھڈ دِتا؟‘‘ ’’اِک کھٹن صلیب اُوہدا تخت بنی A rugged cross became His throne۔‘‘ اینوں گاؤ!

اِک کٹھن صلیب اُوہدا تخت بنی،
اُوہدی بادشاہی صرف دِلاں ای تے سی؛
اُوہنے اپنا پیار سُرخی مائل رَتے رنگ چہ لکھیا،
تے اپنے سر تے کنڈیاں نال بُنیا تاج پایا۔

یسوع نے پکاریا سی، ’’اے میرے خُدا، اے میرے خُدا، توں مینوں کیوں چھڈ دِتا؟‘‘ صلیب توں اُوہدی ایہہ پکار تِن گلاں نوں ظاہر کردی اے۔

I۔ پہلی گل، صلیب توں یسوع دا پکار اُٹھنا پرانے عہد نامے دی اِک پیشن گوئی نوں پورا کردا اے ۔

’’اَے میرے خُدا! اَے میرے خُدا! تُوں مینوں کیوں چھڈ دِتا؟‘‘ (زبُور 22:1).

یسوع نے جان بُجھ کے پاک صحیفے دی ایس آیت نوں پورا کیتا سی۔ زبور 22 پندرہ نکات پیش کردا اے جیہڑے پورے ہوئے سن جدوں یسوع صلیب تے سی۔ ابتدائی کلیسیا وِچ بے شمار مصنفین زبور 22 نوں ’’پنجویں انجیل‘‘ کہندے نے۔ زبور22:18 آیت کہندی اے، ’’اُو میرے کپڑے آپس چہ ونڈدے نے تے میری پوشاک تے پرچی پاندے نے۔‘‘ بالکل ایہو ای سی جیہڑا سپاہیاں نے صلیب دے پہلو چہ مسیح دی پوشاک دے نال کیتا سی۔ زبور 22:16 آیت کہندی اے، ’’اُوہناں نے میرے ہتھ تے میرے پیر چھید ڈالے۔‘‘عبرانی چہ لفظ ’’چھید ڈالن pierced‘‘ دا مطلب ہوندا اے ’’کھودنا، چھیدنا، یا کھوکھلا کرنا‘‘ (جان گِل John Gill)۔ زکریاہ12:10 آیت کہندی اے، ’’جِنہوں اُوہناں نے چھیدیا سی اُو اُوس تے ماتم کرن گے۔‘‘ عبرانی وِچ لفظ ’’چھیدناpierced‘‘ دا مطلب ہوندا اے ’’چُھرا گھونپنا، سوراخ کرنا، زور نال گزار دینا‘‘ (Strong)۔ سیکوفیلڈ دا مطالعۂ بائبل کہندا اے،

زبور 22 مصلوبیت دے ذریعے نال موت دی کھیچی گئی اِک تصویر اے۔ (ہتھاں، بازوواں، موڈیاں، تے کولہیاں) دی ہڈیاں دے جوڑ اُکھڑنا (آیت14)؛ بہتی تکلیف دے وجہ نال حد توں وَدھ کے پیسینے دا نِکلنا (آیت14)؛ دِل دا اندروں پگھل جانا یا گھائل ہو جانا (آیت14)؛ قوت دا مُک جانا تے شدید ترہے [پیاس] لگنا (آیت15)؛ ہتھاں تے پیراں دا چھیدے جانا (آیت16)؛ جُزوی ننگ ہونا جیہڑا حیا نوں ٹھیس پہنچاندا اے (آیت17)، اُو ساریاں دیاں ساریاں گلاں موت دے اُوس انداز لئی ضمنی نے۔ حاصل شُدہ خیالات بالکل اُوہی نے جیہڑے مسیح دی مصلوبیت وِچ پورے ہوئے سن۔ آیت 1 دی غم توں نڈھال چیخ (متی27:46)؛ دوجی آیت چہ روشنی تے تاریکی دا دورانیہ (متی27:45)… 18 ویں آیت چہ پرچی [قرعہ] دا پایا جانا (متی27:35)، ساریاں دیاں ساریاں گلاں واقعی چہ پوری ہویاں سن۔ جدوں ایس گل نوں یاد کیتا جاندا اے کہ صلیب دا دِتا جانا قتل کرن لئی رومی طریقہ اے نا کہ یہودی، تے اِلہام دا ثبوت ناقابل مزاحمت ہو جاندا اے (سیکوفلیڈ دا مطالعۂ بائبل The Scofield Study Bible، صفحہ 608؛ زبور22 تے غور طلب گل)۔

زبور 22 خُدا دے پُتر دے مستقبل وِچ ہون آلی مصلوبیت دی اِک حیران کُن انبیانہ تفصیل اے۔ ایہہ زبور اپنی تکمیل توں 1000 سال پہلاں لکھیا گیا سی تے مسیح دی تکلیفاں نوں تصویری تفصیل چہ بیان کردا اے، مصلوبیت دے طریقہ کار نوں جانن توں وی بہت عرصہ پہلاں… (ھنری ایم۔ مورس، پی ایچ۔ ڈی۔، Henry M. Morris, Ph.D.، دفاع کرن والیاں دا مطالعۂ بائبل The Defender’s Study Bible، ورلڈ پبلیشرزWorld Publishers، ایڈیشن 1995، صفحہ 608؛ زبور22:1 تے غور طلب گل)۔

ڈاکٹر جان آر۔ رائس Dr. John R. Rice نے پرانے عہد نامے دی اِک دے بعد دوجی پیشن گوئی دی فہرست دی ترتیب دِتی جیہڑی پوریاں ہویاں سن جدوں یسوع نوں مصلوب کیتا گیا سی۔ اُوہناں نے کہیا، ’’ایہہ ناممکن اے کہ ایناں پیشن گوئیاں دا پورا ہونا حادثاتی ہووے۔ پس سادے کول پاک صحائف دے اِلہافی ہون تے مسیح دی الوہیت دا انتہائی ثبوت موجود اے (لوقا24:25۔27)۔ صرف اِک احمق ای یقین نئیں کرے گا۔ چونکہ خُدا نے [اُوس یسوع دی مصلوبیت] تے خصوصی زور پایا … تے اسی ویکھنے آں کہ ایہہ خدا دے منصوبے دا دِل اے‘‘ (جان آر۔ رائس، ڈی۔ ڈی۔ John R. Rice, D.D.، باغیچۂ بائبل The Bible Garden، خُدا دی تلوار پبلیشرز Sword of the Lord Publishers، 1982، صفحہ 31)۔

II۔ دوجی گل، صلیب توں یسوع دا پکارنا کسی نہ کسی طرح جہنم وِچ اِک گنہگار دی عکاسی کردا اے۔

’’اَے میرے خُدا! اَے میرے خُدا! تُوں مینوں کیوں چھڈ دِتا؟‘‘ (متی 27:46).

یسوع صلیب تے جہنم وچ نئیں گیا سی۔ ڈاکٹر فریڈرک کے۔ پرائز Dr. Frederick K. Price غلط طور تے اُوس جھوٹے عقیدے دی تعلیم دیندے نے۔ کوئی وی مقدس صحیفہ نئیں کہندا کہ یسوع نے ’’جہنم وچ ساڈے گناہواں لئی تکلیف برداشت کیتی،‘‘ جیویں کہ ڈاکٹر پرائز کہہ چکے نے۔

ایدے باوجود میں ڈاکٹر جان آر۔ رائس دے نال متفق آں کہ یسوع دی اذیت آمیز پکار، ’’اَے میرے خُدا! اَے میرے خُدا! تُوں مینوں کیوں چھڈ دِتا؟‘‘ جہنم چہ گنہگار دی تکلیفاں برداشت کرن دی اِک تصویر اے۔ ڈاکٹر رائس نے کہیا،

اسی یقین کرنے آں کہ صلیب تے مسیح دیاں تکلیفاں کسی نہ کسی طور جہنم وچ تکلیفاں دی منظر کشی اے۔ صلیب تے یسوع پکار اُٹھا سی، ’’میں پیاسا واں،‘‘ بالکل جیویں جہنم وچ دولت مند شخص نوں پیاس لگی سی (لوقا 16:24). کی تُسی اُوس دولت مند شخص نوں ’’اَے میرے خُدا! اَے میرے خُدا! تُوں مینوں کیوں چھڈ دِتا؟‘‘ پکاردیاں ہویاں تصور کر سکدے اُو۔ جہنم حقیقی اے۔ گناہ نوں عذاب، حقیقی جسمانی تکلیف … خُدا کولوں جدائی لہیانی چائیدی اے۔ جہنم وچ گنہگار فیر وی اَنّے ای رہن گے، فیر وی بدکار ای رہن گے، فیر وی پُچھن گے، ’’کیوں؟‘‘ (1۔ کرنتھیوں 2:14). یہوداہ اپنے عذاب زدہ ذہن وچ، ایہہ گل جانندا سی کہ اُوہنے بے گناہ معصوم لہو نوں دھوکہ دِتا سی (متی 27:4)، لیکن اپنے گناہواں توں باز نئیں آیا سی (رائسRice، ibid.، صفحات 31، 32)۔

ایویں، صلیب توں یسوع دا پکار اُٹھنا کسی نہ کسی طور جہنم وچ گنہگاراں دے پکارن دی عکاسی کردا اے،

’’اَے میرے خُدا! اَے میرے خُدا! تُوں مینوں کیوں چھڈ دِتا؟‘‘ (متی 27:46).

کسی لئی وی جیہڑا جہنم وچ جاندا اے کوئی اُمید نئیں ہوندی اے۔ یسوع سانوں دس چکیا اے کہ غیر نجات یافتہ لوکاں دے نال کی ہوندا اے جدوں اُو مر جاندے نے۔ اُو اُوہناں نوں کہے گا،

’’اَے لعنتی لوکو! میرے اگوں دُور ہو جاؤ تے اُوس ہمیشہ ہمیشہ جلدی رہن آلی اگ وچ ٹُر جاؤ‘‘ (متی 25:41).

’’جہنم وچ اُوہناں دا کیڑا مردا نئیں تے اگ وی کدی نئیں بجھدی‘‘ (مرقس 9:44).

’’تے اُوہنے عالمِ ارواح چہ عذاب وچ مبتلا ہو کے اپنیاں اکھاں اُتے چُکیاں‘‘ (لوقا 16:23).

اُو جنہاں نے ہلے تیکر نجات نئیں پائی اے اُوہناں لئی صلیب تے جِناں عذاباں وچوں یسوع گزریا سی جہنم وچ اُو عذاب اُوہناں لئی ہمیشہ تیکر لئی جاری رہن گے۔ اُو متواتر ’’دائمی اگ‘‘ وچ عذاب چُکدے رہن گے (متی 25:41). ایہہ لگدا اے کہ اُو متواتر چیخدے رہن گے، ’’اے میرے خُدا، اے میرے خُدا، تُوں مینوں کیوں چھڈ دِتا؟‘‘ جی ہاں، اسی اعتقاد رکھنے آں کہ صلیب تے مسیح دیاں تکلیفاں کسے نہ کسے طوح جہنم وچ گمراہ گنہگاراں دیاں تکلیفاں دی اِک تصویر اے۔ ایس ای وجہ توں اسی تہانوں اِلتجا کرنے آں کہ مسیح تے پرہوسا کرو تے ایسے ویلے اپنے گناہواں توں نجات پاؤ، ایس توں پہلاں کہ بوہتی دیر ہو جائے۔

جے تُسی ایناں واعظاں نوں بالکل ہُنے ای بھُل جاندے اُو تے تُسی کدی وی نجات نئیں پاؤ گے۔ جان کیگن John Cagan تے میں پچھلے اِتوار دی راتی عبادت دے بعد اِک کُڑی نوں شدت نال دسیا۔ دس منٹاں بعد میں اُوہنوں رفاقتی ہال وچ ہنسدیاں تے لطیفے سُناندیاں ہویاں ویکھیا۔ اُو کدی وی اپنے گناہواں دیاں سزاواں توں فرار نئیں پا سکے گی جدوں تیکر کہ اُو سنجیدہ نئیں ہوندی۔ تُسی کدی وی نجات نئیں پاؤ گے جے تُسی واعظاں نوں سُنن دے بعد اپنے گناہواں دے بارے چہ سنجیدگی نال نئیں سوچدے۔ یسوع کیوں ایس قدر شدید تکلیفاں وچوں لنگیا سی؟ اُوہنے ایسا تہاڈے گناہ دا کفارہ ادا کرن لئی کیتا سی۔ لیکن جے تُسی اپنے گناہ دے بارے وچ سوچدے نئیں اُو تے خُود نوں معاف کیتے جان لئی اپنے لئی مسیح دی لُوڑ نوں تُسی محسوس نئیں کرو گے۔ ایہہ ای وجہ اے کہ تُسی مسیح تے پرہوسا نئیں کردے۔ تہانوں گھر وچ واعظاں دے ایناں مسوّدیاں نوں پڑھنا چائیدا اے۔ ایس واعظ نوں پڑھو تے اج رات نوں بستر تے جان توں پہلاں ایدے بارے وچ سوچو۔ کل سویرے اپنے گناہ دے بارے وچ سوچدے ہویاں گرجا گھر آؤ۔ تُسی کدی وی یسوع دے وسیلے نال نجات نئیں پاؤ گے جدوں تیکر تُسی انج نئیں کرو گے! تہانوں اپنے گناہ دی سزایابی چہ ہونا چائیدا اے!

III۔ تیجی گل، صلیب توں یسوع دا پکار اُٹھنا ظاہر کردا اے کہ اُو ساڈے گناہ دی ادائیگی دی خاطر قربان ہو گیا سی۔

یسوع بہتی اُوچی واج چہ چِلایا، ایلی، ایلی، لما سبقتانی، جیدا مطلب اے، اے میرے خُدا! اے میرے خُدا! توں مینوں کیوں چھڈ دِتا؟‘‘ (متی 27:46).

اُوہدے پکار اُٹھن نوں سمجھنا مشکل اے۔ مینوں ایہہ گل پڑھنا یاد اے کہ لوتھر اپنی مطالعہ گاہ وچ نجات دہندہ دے پکار اُٹھن نوں سمجھن دی کوشش وچ، بغیر کھائے پیئے یا حرکت کیتیاں، کئی دِناں تیکر بیٹھا رہیا سی۔ اُوہنوں آخیر چہ احساس ہو گیا کہ اُو انسانی طور تے سمجھ ای نئیں سکدے کیویں پیو تے پُتر جدا ہو سکدے نے۔ کیویں تثلیث دی پہلی ہستی دوجی ہستی نوں بھُلا سکدی اے؟ اُوہناں نے بالاآخر کوششاں کرنا چھڈ دِتا سی، تے اپنے کمرے توں باہر اپنی بیوی تے بچیاں دے نال کھانا کھان لئی آ گئے سن۔ نجات دہندہ دے پکار اُٹھن دے اِسرار دے بارے وچ پیوریٹن تبصرہ نگار جان ٹریپ John Trapp (1601۔1669) نے دسیا سی۔ جان ٹریپ نے کہیا، ’’اِک بندے دی حیثیت نال، اُو پکار اُٹھیا سی ’اَے میرے خدا! اَے میرے خُدا! [تُوں مینوں کیوں چھڈ دِتا؟]،‘ جدوں کہ خُدا دی حیثیت نال، اُوہنے پشیمان ڈاکو لئی جنت مہیا کیتی سی‘‘ (جان ٹریپ John Trapp، پرانے تے نئے عہد نامے تے اِک تبصرہ A Commentary on the Old and New Testament، ٹرانسکی پبلیکیشنز Transki Publications، دوبارہ اشاعت 1997، جلد پنجم، صفحہ 276؛ متی27:46 تے غور طلب گل)۔

ڈاکٹر آر۔ سی۔ ایچ۔ لینسکی Dr. R. C. H. Lenski (1864۔1936) نے کہیا، ’’اپنی مردی ہوئی قوتاں دے نال اُو خُدا لئی پکار اُٹھدا اے تے مذید ہور خُود وچ پیو نوں نئیں ویکھدا، کیوں جے پیو تے پُتر دے درمیان علیحدگی دی اِک کنڈ کِھلو چکی اے، ناں لے کے دسیا جائے تے دُنیا دے گناہ تے اُوہناں دی لعنت جیویں کہ اُو ایس ویلے پُتر تے لدے ہوئے سن۔ یسوع خُدا دی طلب کردا اے، لیکن خُدا خود نوں ہٹا چُکیا اے۔ ایہہ پُتر نئیں اے جیہڑا پیو نوں چھڈ چُکیا اے، بلکہ پیو، پُتر نوں [چھڈ چُکیا] اے۔ پُتر خُدا لئی پکار اُٹھدا اے، تے خُدا اُوہنوں کوئی جواب نئیں دیندا اے … ایس اِسرار دے بھید نوں جانن لئی جیہڑی قریب ترین اُمید اسی کر سکنے آں اُو یسوع دے بارے وچ دُنیا دے گناہ تے لعنت دے نال ڈھکیاں ہویا ہونا، سوچنا اے تے کہ، جدوں خُدا نے یسوع ول نظر دوڑائی تے اُوہنے اُوہدے کولوں اپنا مُنہ پھیر لہیا۔ خُدا دے پُتر نے ساڈے گناہ تے اُوہدی لعنت نوں خُود تے چُک لہیا سی … اُیہو ای وجہ سی کہ یسوع پکار اُٹھیا سی ’اے میرے خُدا‘ نہ کہ ’اے میرے پیو۔‘ لیکن ایتھے مضاف الیہ possessive [’میرےmy‘] اہم اے۔ حالانکہ خُدا نے اُوہدے کولوں مُنہ پھیر لہیا سی تے اُوہنوں چھڈ دِتا سی، اُو اُوہدے لئی پکار اُٹھیا سی … اپنے خُدا دی حیثیت نال … اُو اِک بے داغ برّہ اے حالانکہ اُوہنوں اُوہدی قربانی دے لمحے وچ گناہ تے لعنت بنا دِتا گیا سی‘‘ (آر۔ سی۔ ای۔ لینسکی، پی ایچ۔ ڈی۔ R. C. H. Lenski, Ph.D.، مقدس متی دی انجیل دی تفسیر The Interpretation of St. Mathew’s Gospel، اُوگسبرگ پبلیشنگ ہاؤس Augsburg Publishing House، 1964 ایڈیشن، صفحات 1119۔1120)۔

ڈاکٹر رائس نے کہیا، ’’کِنے شاندار طریقے نال، پس، یسوع مسیح نے دُنیا دے گناہواں نوں چُکیا تے اِک گنہگار دی حیثیت نال تکلیفاں برداشت کیتیاں‘‘ (رائس Rice، ibid.، صفحہ 31)۔ پولوس رسول نے کہیا،

’’کتابِ مُقدّس دے مطابق مسیح ساڈے گناہواں لئی قربان ہویا ‘‘ (1۔ کرنتھیوں 15:3).

’’اُو خُود اپنے ای پنڈے تے ساڈے گناہواں دا بوجھ چُکے ہوئے صلیب تے چڑھ گیا تاکہ اسی گناہواں دے اعتبار نال مُردہ ہو جان مگر راستبازی دے اعتبار نال زندہ ہو جان۔ اُوہدے مار کھان نال تُسی شفا پائی‘‘ (1۔ پطرس 2:24).

یسوع ساڈی جگہ تے قربان ہو گیا، ساڈے گناہواں دا کفارہ ادا کرن دی خاطر، ’’ساڈے لئی اِک لعنت ٹھہریا‘‘ (گلِتیوں3:13)۔

یسوع تہاڈے نال ایس قدر محبت کردا اے کہ تہانوں جہنم تے گناہ توں نجات دلان لئی اُو صلیب تے قربان ہو گیا۔ اُوہدی محبت تہاڈے کولوں اُوہدے لئی محبت تے ایمان دا تقاضا کردی اے۔ ڈاکٹر واٹس Dr. Watts نے کہیا، ’’محبت ایس قدر حیرتناک، ایس قدر الوہی، میری جان، میری حیاتی تے میری ہر اِک شے دا تقاضا کردی اے۔‘‘ یسوع ول رُخ کرو تے اُوہدے تے پرہوسا کرو۔ اُو تہانوں گناہ دے کفارے توں نجات دلائے گا۔ تُسی کیویں صلیب تے اپنے لئی اُوہدی محبت نوں سُن سکدے اُو، تے فیر اُوہدے بارے چہ بھُل سکدے اُو تے چند اِک منٹاں بعد اِک احمق وانگوں ہنس سکدے اُو؟ تُسی کیویں کدی وی واعظاں نوں سُنن دے بعد سنجیدہ ہوئے بغیر نجات پا سکدے اُو؟ تُسی کدی وی نجات نئیں پا سکدے جدوں تیکر کہ تہانوں شدید طور نال مسیح دی لُوڑ نئیں پیندی۔ تُسی کدی وی نجات نئیں پاؤ گے جدوں تیکر ایہہ محسوس نئیں کردے کہ تُسی یسوع دے بغیر زندہ نئیں رہ سکدے۔

اُوہنے ہاتھی دند دے تخت تے حکومت نئیں کیتی سی،
   اُو کلوری دی صلیب تے مریا سی؛
گنہگاراں لئی اُوہنے اُوتھے اپنا سب کج شمار کیتا لیکن ہار گیا،
   تے اُوہنے اپنی بادشاہی دا صلیب اُتوں جائزہ لہیا۔
اُوہدا تخت اِک بوسیدہ صلیب بن گئی،
   اُوہدی بادشاہی صرف دلاں وچ سی؛
اُوہنے اپنا پیار گہرے لال رنگ نال لکھیا سی،
      تے اپنے سر تے کنڈیاں دا تاج پایا سی۔

میں اج دی راتی تہانوں یسوع تے پرہوسا کرن دے بارے چہ کہہ رہیا واں۔ جدوں تُسی اُوہدے تے پرہوسا کردے اُو تے اُو تہاڈے گناہواں نوں معاف کرے گا تے جیہڑا لہو اُوہنے صلیب تے وگایا اُوہدے وچ اُوہناں نوں دھو ڈالے گا!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلام پاک دی تلاوت: مرقس15:29۔34 .
واعظ توں پہلاں کلیاں گیت گایا:
’’کنڈیاں دا تاج‘‘A Crown of Thorns (شاعر عرا ایف. سٹین فِل Ira F. Stanphill، 1914۔1993).