ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایتھوپیا دے خواجہ سرا توں اِسی شاید اے پوچھیے، ’’نبی ایہہ گلاں کیس دے بارے چہ کہندا اے؟ اپنے یا کسی ہور دے بارے چہ؟‘‘ (اعمال8:34)۔ جیویں کہ 53 ویں باب وِچ، اَسی شک نئیں کر سکدے کہ اشعیا نے اِیتھے خداوند یسوع مسیح دی گل کیتی سی۔ یقیناً ایہہ اُوہناں پیشن گوئیاں وِچوں اِک سی جیدے بارے چہ یسوع نے اشارہ کیتا سی جِدوں اُوہنے یروشلم دے وَل جاندیاں ہویا شاگرداں نال گل کیتی تے آکھیا،

’’ویکھو، اَسی یروشلیم جا رئے آں تے نبّیاں نے جو کُج اِبنِ آدم دے بارے وِچ لکھیا اے اُو پورا ہووے گا۔ اُو غیر یہودی لوکاں دے حوالہ کیتا جائے گا۔ تے اُو اُوہدا مذاق اُڑان گے، بے عزت کرن گے تے اُس تے تُھکن گے۔ اُوہنوں کوڑیاں نال مارن گے تے قتل کر دین گے۔ لیکن تیجے دِن اُو فیر زندہ ہو جائے گا‘‘ (لوقا18:31۔33)۔

یسوع نے اُوہناں نوں دَسّیا سی کہ غیر یہودی اُوہدا مذاق اُڑان گے، بے عزت کرن گے تے اُوہدے تے تُھکن گے۔ اُوہنوں کوڑیاں نال مارن گے تے قتل کر دین گے۔ تے اُوہنے آکھیا کہ ایس سب دے بارے وِچ ’’نبیاں وَلوں‘‘ پیشن گوئی کیتی گئی سی۔ ایس لئی ساڈی تلاوت اُوہناں وِچوں اِک رہ چکی اے جیدا اُوہنے اشارہ دِتّا،

’’میں اپنی کنڈ مارن آلیاں نوں تے اپنی داڑھی نوچن آلیاں دے حوالے کر دِتّی: تضحیک تے تُھک توں بچن لئی میں اپنا مُنہ نئیں لُکایا‘‘ (اشعیا50:6)۔

فیر اَسی واضح طور تے ویکھنے آں کہ اُو پیشن گوئی پوری ہوئی۔ رومی گورنر، پینطوس پیلاطوس نے اُوہنوں کوڑے لگوائے۔ فیر رومی سپاہیاں نے

’’…کنڈیاں دا تاج بنا کے اُوہدے سر تے رکھیا۔ ایس دے بعد اُو اُوہنوں سلام کر کر کے کہن لگے کہ اے یہودیاں دے بادشاہ! اَسی آداب بجا لانے آں۔ نال ای اُو یسوع دے سر تے سرکنڈا ماردے سن تے اُوس تے تُھکدے سن‘‘ (مرقس15:17۔19)۔

میں ایس لئی پُریقین آں کہ ایہہ ناصرت دا یسوع ای سی، ساڈے گناہ بخشواں آلا، جنہے پیشن گوئی دے ایناں لفظاں نوں لفظ بہ لفظ پورا کیتا،

’’میں اپنی کنڈ مارن آلیاں نوں تے اپنی داڑھی نوچن آلیاں دے حوالے کر دِتّی: تضحیک تے تُھک توں بچن لئی میں اپنا مُنہ نئیں لُکایا‘‘ (اشعیا50:6)۔

آؤ جوزف ہارٹ نوں ایہہ منظر بیان کرن دیئے،

ویکھو یسوع کیس قدر صبر دے نال کِھلوتا اے،
   ایس قدر ہولناک جگہ تے ذلت دی حالت وِچ!
جتھے گنہگاراں نے قادرِ مطلق دے ہاتھاں نوں بن دِتّا،
   تے اپنے خالق دے مُنہ تے تُھک دِتّا۔

کنڈیاں نال اُہدے متھے تے گہرے زخم لگے سن،
   بدن دے ہر حصے تے لہو دیاں دھاراں وگن ڈیاں سن،
یسوع دے پینڈے تے گنڈاں آلے کوڑیاں دیاں سٹّاں سن،
   لیکن اُوہدے دِل نوں تیز کوڑیاں نے چیر چھڈیا سی۔
(’’یسوع دی شدید چاہت His Passion‘‘ شاعر جوزف ہارٹ، 1712۔1768؛
   پادری توں ترمیم کیتا ہویا)۔

’’میں اپنی کنڈ مارن آلیاں نوں تے اپنی داڑھی نوچن آلیاں دے حوالے کر دِتّی: تضحیک تے تُھک توں بچن لئی میں اپنا مُنہ نئیں لُکایا‘‘ (اشعیا50:6)۔

اَج دی رات میں تہاڈے لئی مصیبتاں توں پرہیا ہویا نجات دہندہ لایا آں۔ تے میں پیلاطوس دے نال کہناں آں، ’’ایس بندے نوں غور نال ویکھو۔‘‘ اپنے دِلاں نوں بدلو تے اُوہدی شدید چاہت تے نظر پاؤ۔ ویکھو کہ اُو کون اے، اُوہنے کیہو جئی مثال قائم کیتی اے، تے خستہ حال گنہگاراں نوں دائمی اَگ توں بچان لئی اُوہنے کی کُج کیتا اے۔

I. پہلی گل، اُوہنوں بحیثیت متجسّم خُدا دے ویکھو۔

خُدا انسان دی شکل چہ تھلے زمین تے انساناں دے وِچکار رہن لئی آیا۔ اُو اشعیا 50:2 وِچ کہندا اے، ’’میں آیا۔‘‘ خُدا پُتر آسماناں توں تھلے ’’آیا‘‘ تے ساڈے وِچکار رہیا۔

ابتدا وِچ کلام سی تے کلام خُدا دے نال سی تے کلام ای خُدا سی تے کلام مجسم ہویا تے ساڈے وِچکار خیمہ زن ہویا (تے اَسی اُوہدے وِچ باپ دے اِکلوتے پُتر وگرا جلال ویکھیا) جیہڑا فضل تے سچائی نال معمور سی‘‘ (یوحنا1:1،14)۔

’’اُو جلال وِچ اُتے چکیا گیا‘‘ (1۔ تیموتاؤس3:16)۔

قدیم مسیحی یسوع نوں ’’خُدا دا خُدا، نور دا نور، سچے خُدا دا خُدا، اِکلوتا نئیں بنیا‘‘ کہن لئی سچی طور تے ٹھیک سن۔

اہدے بارے وِچ سوچو تے تُسی ویکھو گے کہ ایہہ اِک انتہائی شاندار عقیدہ اے جیہڑا ہُن تک انسان دے ذہن وِچ پیدا ہویا۔ سپرجئیں نے آکھیا،

کی ایہہ بالکل تصدیق شُدہ نئیں سی، ایہہ قطعی طور تے ناقابلِ یقین ہووے گا کہ لامحدود خُدا جیس نے ساریاں چیزاں پیدا کیتیاں، جو سی تے ہے، تے جو آن آلا اے، قادرِ مطلق، ہر چیز دا علم رکھن آلا، تے ہر جگہ تے اِک ای ویلے وِچ حاضر رہن آلا، جدوں اُوہنوں ساڈی کمترین مٹی دی پوشاک وِچ خود نوں پردہ نشین کرن لئی درحقیقت بے عزت کیتا گیا سی۔ اُو تمام چیزاں دا خالق سی، تے فیر وی خود دے نال اِتحاد وِچ، اِک تخلیق دا روپ لین لئی اُوہنے اپنے آپ نوں بے عزت کروایا… ساڈے خداوند دی انسانیت کوئی جناتی یا تصوراتی نئیں سی… انسانی شکل وِچ محض ظہور نئیں ہویا: تمام شک و شبہ توں بالا تر ’’کلام مجسّم ہویا تے ساڈے وِچکار خیمہ زن ہویا۔‘‘ مینوں پرکھو تے ویکھو،‘‘ اُوہنے آکھیا، ’’روح دیاں کوئی ہڈیاں یا گوشت نئیں ہوندا جیوین کہ تُسی مینوں ویکھدے اُو‘‘ (سی۔ ایچ۔ سپرجئین، ’’دین داری دے عظیم بھید،‘‘ دی میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پِلگِرم اشاعت خانے، دوبارہ اشاعت 1979، جلد 28، ورقہ 698).

تصوراتی شے دی حقیقی موجودگی دی تاویل دے اِتحاد دی رو نال، یسوع انسانی روپ وِچ خُدا اے۔ اُو متجسّم خُدا اے، پاک تثلیث دی دوجی ہستی، کلام مجسم ہویا!

ایہہ ساڈی تلاوت نوں اِنسانی ذہن لئی ناقابلِ فہم و سماعت دے طور تے آشکارہ کردا اے! ایتھے اِک خُدا انسانی شکل وِچ اپنے آپ نوں اذیت دین تے اپنی تضحیک کران دی اجازت دے رہیا اے! ایہہ انسانی سوچ توں بالا تر اے کہ متجسم خُدا آکھے،

’’میں اپنی کنڈ مارن آلیاں نوں تے اپنی داڑھی نوچن آلیاں دے حوالے کر دِتّی: تضحیک تے تُھک توں بچن لئی میں اپنا مُنہ نئیں لُکایا‘‘ (اشعیا50:6)۔

ایتھے کائنات دا خالق و مالک، تے اُو سب کُج جو اُہدے وِچ شمار ہوندا اے، گنہگار لوکاں نوں اِجازت دیندا اے کہ اُہدی کمر تے زور نال مارن تے اُوہدی داڑھی دے وال پُٹن! ایتھے میرا خُدا لائقِ مذمت گنہگاراں نوں اپنے مقدس چہرے تے تُھکن دی اِجازت دیندا اے!

ویکھو یسوع کیس قدر صبر دے نال کِھلوتا اے،
   ایس قدر ہولناک جگہ تے ذلت دی حالت وِچ!
جتھے گنہگاراں نے قادرِ مطلق دے ہاتھاں نوں بن دِتّا،
   تے اپنے خالق دے مُنہ تے تُھک دِتّا۔
(’’یسوع دی شدید چاہت His Passion‘‘ شاعر جوزف ہارٹ)۔

II. دوجی گل، اُوہنوں ساڈی مثال دےطور تے ویکھو۔

’’میں اپنی کنڈ مارن آلیاں نوں تے اپنی داڑھی نوچن آلیاں دے حوالے کر دِتّی: تضحیک تے تُھک توں بچن لئی میں اپنا مُنہ نئیں لُکایا‘‘ (اشعیا50:6)۔

خُداوند دے خادم دے طور تے، یسوع نے گنہگاراں نوں اپنی کمر تے مارن دی، اپنی داڑھی دے وال پُٹن دی، تے اپنے چہرے تے تُکھن لئی اجازت دِتی۔ اُو چاہندا تے اُوہناں دے تھلوں زمین نوں چیر کے کھول سکدا سی جیویں کہ کورح دے نال ہویا سی، یا اُوہناں نوں بھسم کرن لئی اَگ لا دیندا، جیویں کہ علیجاہ نے کیتا۔ لیکن اُو ’’برّہ وانگوں ذبح کرن لئی لے جایا گیا، جیویں اِک بھیڑ اپنے وال کُترن آلایاں دے آگے خاموش رہندی اے، ایس طرح اُوہنے وی اپنا مُنہ نئیں کھولیا‘‘ (اشعیا53:7)۔ تے پطرس رسول نے کہیا،

تُسی وی ایہو ای قسم دے چال چلن لئی سَدّے گئے اُو: کیوں جے مسیح نے تہاڈے لئی دُکھ چُک کے اِک مثال قائم کر دِتی اے تاکہ تُسی اُوہدے قدماں دے نشاناں تے ٹُر سکو۔ اُوہنے نہ کوئی گناہ کیتا نہ اُوہدے مُنہ توں کوئی مکر دی گل نکلی: نہ اُوہنےگالاں کھا کے وی کدی گال کڈی، نہ دُکھ پا کے کسی نوں دھمکایا، بلکہ اپنے آپ نوں خُدا دے حوالے کر دِتا جیہڑا انصاف دے نال عدالت کردا اے‘‘ (1۔ پطرس2:21۔23)۔

اَسی شاید خُدا نوں اپنی زندگیاں تے دولت دین لئی تیار ہوئیے، لیکن جَدوں ساڈے نال بُرا سلوک کیتا جاندا اے تے ساڈے تے بُہتان لایا جاندا اے تے اَسی واپس مُڑن لئی تیار ہو جانے آں۔ لیکن یسوع بغیر اپنے آپ دا دفاع کیتیاں بدترین گنہگاراں توں اپنی تضحیک کروان تے اِک بہروپیا کہلوان لئی تیار سی۔ اَسی کی کہنے آں جدوں ساڈے دوست تے رشتہ دار سانوں منافق آکھ کے بُلاندے نے، تے ساڈے مسیحی ہون دے سبب توں ساڈے بارے وِچ بُریاں گلاں کردے نے؟ سانوں یاد رکھنا چائی دا اے کہ یسوع نے ’’اپنی صلح و سلامتی تے امن برقرار رکھیا،‘‘تے ہور کُج وی نئیں کہیا جدوں اُوہدے تے مصلوب ہون تو اِک رات پہلے جھوٹے گواواں وَلّوں اِلزامات لائے گئے (متی26:63)۔ جدوں پیلاطوس نے اُوہنوں کہیا، ’’ویکھ ایہہ [لوکی] تیرے خلاف کی کہہ رئے نے، کی توں سُن نئیں رہیا؟‘‘ لیکن یسوع نے جواب چہ اِک لفظ وی نئیں کہیا؛ تے ایس گل تے گورنر نوں بڑا تعجب ہویا‘‘ (متی27:13۔14)۔

میں انتہائی مشکلاں دے نال ایہہ سبق سیکھیا سی جدوں میں ’’یسوع دی آخری آزمائش‘‘ نامی گستاخانہ فلم دے خلاف مظاہرے دے دوران یسوع دا دفاع کیتا سی۔ جھوٹے گواہ میرے تے سامیت خلافی تے دغابازی دے اِلزامات دے لئی جوق در جوق نکل آئے سن۔ ایہہ قطعی طور تے جھوٹ سی۔ میں اپنے دِل تے جان دے نال اِسرائیل دی ریاست تے یہودی لوکاں نوں ہمیشہ توں پیار کردا رہیا آں تے کردا رہواں گا۔ لیکن میں خاموشی وِچ اُوہناں اِلزامات نوں برداشت کرنا سیکھیا جدوں زندگی بھر دے بیلی یسوع دا دفاع کرن تے میرے خلاف ہو گئے سی۔ وی وریاں وِچ میں خود اپنے دفاع وِچ بہت گھٹ کُج کہیا۔ صرف کُج عرصہ پہلاں ای میں اپنے گرجا گھر دی گواہی نوں بچان لئی اِنہاں جھوٹے الزام عائد کرن آلے لوکاں دے خلاف اِک بیان دِتا۔ یسوع نے کہیا،

’’لوکی تہاڈے نال کینہ رکھن، تے تہاںوں خود توں الگ کر دین، تےتہاڈی بےعزتی کرن تےتہاڈے ناں نوں بُرا جان کے کٹ دین۔ انسان دے پُتر دی خاطر، اُوس دِن خوش ہونا تے خوشی دے مارے اُچھلنا: کیوں جے، تہانوں آسمان تے وڈا اجر حاصل ہووے گا: ایس لئی اُنہاں دے باپ دادا نے نبیّاں دے نال وی ایہو جہیا سلوک کیتا سی‘‘ (لوقا6:22۔23)۔

آزمائش دے دِناں وِچ نجات دہندہ دے اُو الفاظ میرے لئی بہت سکون دا باعث رہ چکے نے۔ میرا نئیں خیال کہ سانوں ایس قدر چھیتی اپنا دفاع کرنا چائی دا اے جدوں دُنیا ساڈے تے یسوع دی خاطر الزامات لاندی اے۔ ’’آخری آزمائش‘‘ دے مظاہرے دے دوران اِک بندے نے عملی طور تے میرے مُنہ تے تُھکیا۔ میں خبراں دے سینکڑوں کیمریاں دے سامنے اپنے چہرے تے وگدے ہوئے تُھک دے نال کِھلوتا رہیا۔ میں یسوع توں سیکھیا کہ بدلہ نئیں لینا چائی دا، کیوں جے اُوہنے ’’اپنے چہرے نوں تضحیک تے تُھکے جان تے‘‘ نئیں لُکایا سی۔ میں بعد چہ وی اُوس بندے دے نال رواداری ورتن دی بہترین کوشش کیتی۔ بیچارہ! بعد چہ اُوہدا قتل ہو گیا۔ خُدا جاندا اے کہ میں اُوس لئی تے اُوس دے خاندان لئی کیس قدر دُکھ محسوس کیتا تے اتھرو وگائے۔

ساڈی ایس تلاوت تے سپرجئین نے اپنے اِک واعظ وِچ آکھیا، ’’تہانوں کھٹ تو کھٹ ترین ہونا چائی دا اے، بے شک، پاویں لوکی تہاڈی تحقیر کرن تے تہاںوں ٹُھکران، کیوں جے ایہو ای راستہ دائمی جلال لئی اے‘‘ (تضحیک تے تُھکیا جانا،‘‘ دی میٹروپولیٹن عبادت گاہ دی واعظ گاہ The Metropolitan Tabernacle Pulpit، پِلگِرم اشاعت خانہ، دوبارہ اشاعت 1972، جلد 25، ورقہ 431).

آؤ ساڈے وِچوں ہر اِک نوں اَج دے اِنہاں بدی دے دِناں وِچ جدوں لوکی ساڈا مخُول اُڑان تے اُوس دے پیروکار ہون تے ساڈے خلاف گلاں کرن یسوع دی ایس مثال نوں یاد رکھنا چائی دا اے۔ سپرجئین نے آکھیا،

کی تُسی تکلیفاں تے درداں توں چُور چُور اُو…؟ یسوع اُوہناں دے بارے چہ بہت چنگی طرح توں جاندا اے، کیوں جے اُوہنے ’’اپنی کنڈ مارن آلیاں دے حوالے کر دِتی سی۔‘‘ کی تُسی بہتان توں… برداشت کردے اُوْ ’’اُوہنے تضحیک تے تُھک توں بچن لئی اپنا مُنہ نئیں لُکایا۔‘‘ کی تہاڈا مذاق اُڑایا گیا…؟ کی بے فضلی نے تہاڈی دُنیاداری دا مذاق اُڑایا؟ یسوع تہاڈے نال ہمدردی کر سکدا اے، کیونکہ تُسی جاندے اُو کہ اُوہناں نے اُہدے نال کیہو جئی ناپاک تمسخری کیتی سی۔ ہر چُبھن جیہڑی تہاڈے دِل نوں چیر دیندی اے تہاڈے خُداوند نے اپنا حصہ برداشت کیتا اے۔ جاؤ تے اُوہنوں دَسّو۔ کافی لوکی تہانوں سمجھ نئیں پان گے۔ باقی تمام وِچوں مختلف نظر آندے ہوئے تُسی ایک داغدار پرندہ اُو، تے اُو تہاڈے تے ٹھونگے مارن گے؛ لیکن یسوع ایہہ جاندا اے، کیونکہ اُو وی اِک داغدار پرندہ سی… اپنے آپ نوں اُوہدے لئی لے جاؤ تے اُو تہاڈے نال ہمدردی کرے گا (سپرجیئن، ibid.)۔

ویکھو یسوع کیس قدر صبر دے نال کِھلوتا اے،
   ایس قدر ہولناک جگہ تے ذلت دی حالت وِچ!
جتھے گنہگاراں نے قادرِ مطلق دے ہاتھاں نوں بن دِتّا،
   تے اپنے خالق دے مُنہ تے تُھک دِتّا۔

III. تیجی گل، اُوہنوں گنہگاراں دے متبادل دے طور تے ویکھو۔

’’میں اپنی کنڈ مارن آلیاں نوں تے اپنی داڑھی نوچن آلیاں دے حوالے کر دِتّی: تضحیک تے تُھک توں بچن لئی میں اپنا مُنہ نئیں لُکایا‘‘ (اشعیا50:6)۔

یاد رکھو کہ یسوع نے خود اپنے کسی گناہ لئی ایہہ درد برداشت نئیں کیتا سی، کیوں جے اُوہدا کوئی گناہ نئیں سی۔

’’لیکن اُو ساڈی خطاواں دے سبب توں گھائل کیتا گیا، تے ساڈی بداعمالی دے باعث کُچلا گیا: جیہڑی سزا ساڈے سلامتی دا باعث ہوئی اُو اُوہنے چُکی تے اُوہدے کوڑے کھان نال اَسی شفایاب ہوئے‘‘ (اشعیا53:5)۔

اشعیا 53 باب دی ایہہ آیت ساںوں واضح طور تے دستی اے کہ اُوہدے کُچلے جان تے کوڑے کھان دے نال نال اُوہدی موت، گنہگاراں نوں بچان لئی ضروری سی۔ یسوع نے آپئے اپنے آپ تے ساڈے گناہ لد لئے۔ تے بائبل سانوں دسدی اے کہ خدا نے ’’مسیح نوں جیہڑا گناہ توں واقف نئیں سی، ساڈے واسطے گناہ ٹھہرایا تاکہ اَسی مسیح وِچ خُدا دے راستباز ہو جائیے‘‘ (2۔ کرنتھیوں5:21)۔ جدوں یسوع نے تکلیفاں برداشت کیتیاں، اُوہنے ساڈے گناہواں لئی تکلیفاں نوں برداشت کیتا، اُہناں دا کفارا ادا کرن لئی، تاکہ اَسی بچائے جائیے۔ گناہ بدترین ممکن گل ہو سکدی اے۔ گناہ کوڑے کھان لئی مستحق ہوندا اے۔ گناہ اُوس تے تُھکے جان لئی اہل ہوندا اے۔ گناہ مصلوب ہون لئی اہلیت رکھدا اے۔ تے چونکہ یسوع نے ساڈے گناہ خود تے چُک لئے سن، ایسے لئی اُوہنوں کوڑے کھانے پئے۔ اُوہدے تے تُھکیا گیا۔ اُوہدی تضحیک کیتی گئی۔ جے تُسی جاننا چاہندے اُو کہ خُدا گناہ دے بارے وِچ کی سوچدا اے تے اُوہدے پُتر وَل ویکھو، کنڈ تے کوڑے کھاندیاں ہویاں، اپنی داڑھی دے وال پُٹواندیاں ہویاں، سپاہیاں توں اُوہدے مُنہ تے تُھکیا گیا جدوں اُوہنوں ساڈے گناہ دی قربانی بنایا گیا۔ جے تہانوں یا مینوں کوڑے پیندے تے ساڈی داڑھی دے وال پُٹے جاندے تے ساڈے گناہواں لئی تُھکیا جاندا تے اِہدے وِچ حیرانگی نئیں ہووے گی۔ لیکن اُو جنہے ساڈے گناہ برداشت کیتے خُدا پُتر سی۔ یسوع ساڈی تھاں تے کِھلویا سی، تے ’’ایہہ خُدا دی مرضی سی کہ اُوہنوں کُچلے؛ اُوہنوں غماں توں آشنا کرے: جدوں کہ اُوہنے [خُدا نے] اُوہدی [یسوع دی] جان نوں گناہ دی قربانی قرار دِتا‘‘ (اشعیا53:10)۔ حالانکہ ساڈا گناہ یسوع تے صرف بہتان دے طور تے لدیا گیا سی، اینے اُوہنوں انتہائی شدید گہرا درد تے تضحیک پہنچائی سی ایس توں پہلاں کہ اُوہدی ادائیگی صلیب تے ہو پاندی۔

غور کرو کہ کلامِ پاک دی ساڈی تلاوت کہندی اے، ’’میں اپنی کنڈ مارن آلیاں دے حوالے کر دِتی۔‘‘ یسوع نے اپنی مرضی نال اپنے آپ نوں مارن آلیاں دے حوالے کیتا سی، اُوہناں دے حوالے جنہاں نے اُوہدی داڑھی دے وال پُٹے سن، تے اُوہدے مُنہ تے تُھکیا سی۔ اُوہنے خود نوں صلیب تے مرن لئی دے دِتا۔ کسی نے اُوہنوں ساڈے گناہواں نوں برداشت کرن لئی مجبور نئیں کیتا سی۔ اُوہنے ایہہ اپنی مرضی نال کیتا۔ خُدا دا پُتر اپنی مرضی نال ساڈے لئی ملعون بن گیا، ساڈے متبادل دے طور تے، ساڈے گناہ دا کفارہ ادا کرن لئی – تاکہ خُدا وَلوں سانوں معاف کیتا جا سکے تے اُوہدی نظراں وِچ راستباز ٹھہرائے جائیے۔

کی اَسی اُوہنوں سُن سکنے آں تے حیرت زدہ محسوس نہ کرئیے؟ کی اَسی یاد رکھ سکنے آں کہ خُدا دے پُتر نوں کُٹیا گیا، تے داڑھی دے وال پُٹے گئے تے اُوہدے تے تُھکیا گیا تے فیر وی اَسی اچنبھے، تعجب تے ستائش توں بھرپور نہ ہوئیے۔ اُو جیہڑا آسمان نوں بدلاں نال ڈھکدا اے اُوہنے خود اپنے چہرے نوں تضحیک تے اُوس تے تُھکے جان توں نئیں لُکایا۔ اُو جنہیں پہاڑاں دی پیٹھاں بنایاں اُوہنے خود اپنی کنڈ نوں کوڑیاں توں چیتھڑے چیتھڑے کروان توں نئیں رُکیا۔ اُو جہیڑا کائنات نوں کمربند دے نال بندا اے کہ ایہہ اکٹھی قائم رہوے اُو خود زنجیراں چہ بنیا گیا تے لوکاں وَلوں نظر انداز کیتا گیا جنہاں نوں خود اُوہنے تخلیق کیتا سی۔ جدوں آسماناں وِچ فرشتےاُوہدی حمدوثنا وِچ موسیقی دی عظیم دُھناں گاندے نے، تے کی ایہہ ممکن ہوندا نظر آئے گا کہ اُوہنوں کیلاں نال صلیب تے جڑیا گیا سی؟ میرے گمان وِچ ایس لئی اُوہدے ہاتھاں تے پیراں وِچ کیلاں دے نشان ہمیشہ رہن گے، تاکہ اَسی جدوں اُوہنوں آسماناں وِچ ویکھیے تے جو کُج اُوہنے ساڈے لئی کیتا اُوہنوں بھلن دے قابل ہو جائیے۔ میں کیویں اُوہدے پیارے چہرے نوں جلال وِچ ویکھن دے قابل ہو پاواں گا بغیر ایہہ یاد کیتیاں کہ گنہگاراں نے اُوہدی داڑھی دے وال پُٹے جدوں کہ تُھک اُوہدے پاک گلاں توں وگن ڈیا سی!

ویکھو یسوع کیس قدر صبر دے نال کِھلوتا اے،
   ایس قدر ہولناک جگہ تے ذلت دی حالت وِچ!
جتھے گنہگاراں نے قادرِ مطلق دے ہاتھاں نوں بن دِتّا،
   تے اپنے خالق دے مُنہ تے تُھک دِتّا۔

اُوہدا چہرہ! کیوں نئیں فرشتیاں تے تُھکیا؟ کی تہاڈے کول اُوہدے پیارے چہرے تے تُھکن دے علاوہ ہور کوئی تھاں نئیں سی؟ اُوہدا چہرہ! خُداوند ساڈی مدد کر! اُوہدا چہرہ! اُوہناں نے یسوع دے پاک چہرے تے تُھکیا! سپرجیئن نے کہیا، ’’میں خواہش کرنا آں کہ کاش انسان نوں تخلیق ہی نہ کیتا گیا ہوندا، یا کہ … اُوہنوں وجود توں بغیر ای محیط کیتا گیا ہوندا بجائے ایس دے کہ ایس قدر ہولناکیاں نوں سہن لئی زندہ رہندا‘‘ (ibid.، ورقہ428)۔ خُدا ساڈی مدد کرے! اُوہناں نے سانوں آزادی دلان آلے دے چہرے تے تُھکیا!

جے تُسی گواچ گئے اُو، میں تہانوں اُوہدے تے ہُونے ای پروہسا کرن لئی التجا کرنا آں۔ تہاڈے گناہ مُک جاندے نے جدوں تُسی اُوس تے پروہسا کردے اُو، کیوں جے اُوہنے تہاڈی تمام بدکاریاں تے تضحیک برداشت کیتی جدوں اُوہنوں صلیب تے کیلاں نال جڑیا گیا۔ تہاڈی سزا اُوسی ویلے مُک گئی سی، کیوں جے یسوع نے سب کُج برداشت کر کے ایہنوں دور کر دِتا اے – اپنی کنڈ تے، اپنے گلاں تے، اپنے مُکھڑے تے، تے اپنے زخماں وِچ جیہڑے اُوہدے ہاتھاں تے پیراں وِچ پئے۔ اُوہدے تے پروہسا کرو تے تہاڈے گناہواں دیاں تمام سزاواں مٹ جاندیاں نے تے تُسی بچائے جاندے اُو، اُس دے گناہ بخش دین آلے پیار توں تمام زمانیاں تے تمام لامحدودیت دے لئی جائز ٹھہرائے جاندے اُو! مہربانی نال کِھلو جاؤ تے حمدوثنا دا گیت نمبر7 گاؤ، ’’اوہ، کیہو جیہا اِک فوارہ!‘‘ شاعر ڈاکٹر جان آر۔ رائس۔

ساریاں حداں نوں پار کردی ہوئی ساڈے کول پیار دی اِک کہانی اے،
   اَسی دسنے آں کہ معاف کیتے ہوئے گنہگار کیہو جئے ہو سکدے نے۔
اُوتھے مفت وِچ معافی اے، کیوں جے یسوع نے برداشت کیتا اے،
   تے کلوری دی صلیب تے کفارہ ادا کیتا اے۔
اوہ، رحم دا کیہو جیہا فوارہ وَگ رہیا اے،
   مصلوب کیتے گئے لوکاں دے نجات دہندہ وَلّوں۔
سانوں آزادی دلان لئی اُوہنے جیہڑا لہو وگایا قیمتی سی،
   ساڈے تمام گناہواں لئی فضل تے معافی۔
(’’اوہ، کیہو جیہا اِک فوارہ!Oh, What a Fountain!‘‘ شاعر ڈٓاکٹر جان آر۔ رائس، 1895۔1980)۔

میں دعا منگنا آں کہ تُسی اَج دی رات یسوع تے پروہسا کرو گے۔ اُوہدا خون تہانوں تمام گناہ توں پاک صاف کر دے گا۔ اُوہدے تے ہُونے ای پروہسا کرو تے تُسی تمام زمانیاں لئی تے تمام ابدیت لئی نجات پا جاؤ گے۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ سے پہلے تلاوتِ کلام پاک کی تھی ڈاکٹر کرہیٹن ایل۔ چَین نےDr. Kreighton L. Chan لوقا 18:31۔33 .
واعظ سے پہلے اکیلے گیت گایا تھا مسٹر بنجامن کینکیڈ گریفتھ Mr. Benjamin Kincaid Griffith نے
’’مجھے کلوری کی راہ دکھاLead Me to Calvary‘‘