ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

غالباً سب توں زیادہ اہم واعظ جِنہاں دی میں کَدی تبلیغ کیتی جون 2009 دے وِچ پیش کیتے گئے سن۔ ایہہ پنج واعظ خُداوند دے وسیلے ناں جس نوجوان شخص نوں منادی کر منادی کردے ہویا تُسی سُنیا اُس دے مسیح چ ایمان لہیا کر تبدیل ہوون لئی استعمال ہوئے۔ ایہہ اُو واعظ سن جہیڑے جان سیموئیل کیگن John Samuel Cagan نے اپنے مسیح وِچ ایمان لہیاں توں پہلاں سُنے سی۔ چونکہ میں پُریقین آں کہ جان اِک انتہائی عظیم مبلغ بنے گا، ایس لیے اُو پنج واعظ جہیڑے اُوس دی مسیح دے وِچ ایمان لہیان دی تبدیلی دے وِچ استعمال ہوئے غالباً سب توں اہم ترین آلے سن جنہاں دی میں کدی منادی کراں گا۔ مسیح وِچ ایمان لہیان دی تبدیلی دے لئی منادی کرنا اَج کل مُکدا جان ڈیا اے۔ لیکن منادی ہی اُو طریقۂ کار اے جہیڑا خُداوند نے گنہگاروں نوں مسیح وِچ ایمان لہیا کے تبلیغ کرن لئی اہم ذریعے دی حیثیت نال بخشیا اے۔ بائبل کہندی اے، ’’جِدوں تیکر مبلغ اُنہاں نوں خوشخبری نہ سُنائے اُو کیویں سُنن گے؟‘‘ (رومیوں10:14)۔ درج ذیل پنج واعظ جان کیگن نے نجات پان توں بالکل پہلے سُنے سی۔ میں اُہدی ساری دی ساری گواہی ایس پیغام دے اخیر چ پڑھاں گا۔ لیکن میں پہلاں اُنہاں پنج واعظاں دی جھلک تہاںوں پیش کراں گا جنہاں نوں جان نے اپنی تبدیلی توں پہلاں سُنیا سی۔ جیہڑے نکات میں ایس شام کرن جا ریا واں اُو اُناں پنج واعظاں دے عنوانات نے۔

I۔ پہلا، ’’اُنہاں لئی حوصلہ افزائی جیہڑے نجات توں دور نئیں Encouragement to Those who are Not Far from Salvation‘‘ (7 جُون، 2009 کے اِتوار کے صبح تبلیغ کیا گیا)۔

اُوس واعظ دی تلاوت سی ’’توں خُدا دی بادشاہی تو دور نئیں اے‘‘ (مرقس12:34)۔ پاک روح یقینی طور تے ایس بندے دے دِل وِچ کم کر رہیا سی، کیوں تاں صرف خُدا دا روح ای اِک بندے دی خُدا دے لئی مخالفت نوں تے اُوس دے مسیح نوں رد کردے رہن نوں توڑ سکدا اے۔ اِک غیر نجات یافتہ بندہ خُدا دے خلاف بغاوت وِچ ہوندا اے تے مسیح دا دشمن ہوندا اے۔ میں نے اِک دوجے نوجوان بندے دے بارے چہ دسّیا جنہے مینوں پوچھیا سی، ’’یسوع نوں صلیب تے کیوں قربان ہونا پہیا سی؟‘‘ ایس لڑکے نے مینوں کہندیاں ہویا سُنیا سی ’’یسوع صلیب تے ساڈے گناہواں دا کفارہ ادا کرن لئی مُویا سی۔‘‘ اُوس نے مینوں اُو گَل کئی وریاں توں بار بار کہندیاں ہویا سُنی سی، لیکن اُوس دے انہے کیتے ہوئے ذہن نے ایس گل نوں کدی وی قبول نئیں کیتا سی۔ تہاںوں اُنہاں لفظاں دے بارے وِچ گہرائی دے نال سوچنا چاہئی دا اے، ’’مسیح صلیب تے ساڈے گناہواں دا کفارہ ادا کرن لئی قربان ہویا سی۔ کی ایہہ گل تہانوں مسیح دے کول آن لئی روکدی اے؟ کی تُسی ایس گل توں خوفزدہ ہو کہ دوجے لوکی کی کہن گے؟ پُل جاؤ اُو کی کہن گے۔ اُنہاں دے لفظاں نال کدی وی کوئی فرق نئیں پئے گا جِدوں تُسی جہنم وچ ہوو گے۔ اپنے گناہوواں توں مُکھ موڑو تے مسیح دے کول آؤ۔ جہنم توں بچن لئی ہور کوئی دوجی راہ نئیں اے۔

II۔ دوجا، ’’جدید کیلوِن اِزم تے حقیقی تبدیلی Modern Calvinism and Real Conversion ‘‘(7 جون، 2009 دے اِتوار دی شام نوں منادی کیتی گئی)۔

واعظ دی تلاوت کہندی سی، جےکوئی مسیح وِچ اے تے اُو نواں مخلوق اے: پرانیاں شینواں جاندیاں رہیاں؛ ویکھو، اُو نویاں ہو گیاں‘‘ (2 کرنتھیوں5:17)۔ میں کِیلون اِزم دے عقائد دے خلاف منادی نئیں کردا۔ ایس دے بجائے میں کہیا سی کہ عقیدے وِچ ایمان تہانوں نجات نئیں دے گا۔ ایتھوں تیکر کہ سچے عقیدے وِچ یقین وی تہاںوں نجات نئیں دے گا۔ میں کہیا سی کہ سچے عقیدے وِچ برقرار ہنا تہاںوں کدی وی نجات نئیں دے گا۔ تہانوں اپنے گناہواں دی سزایابی وِچ آنا چائی دا اے۔ تہانوں اپنے گناہواں دا اعتراف کرنا چائی دا اے۔ تہانوں یسوع آپئے دے کول آنا چائی دا نئیں تے تُسی جہنم وِچ چلے جاؤ گے۔ جِدوں تُسی اپنے گناہواں توں اُکتا جاؤ گے – تد تے صرف تد ای – تُسی اپنے بچاؤ دے لئی مسیح دی ضرورت نوں محسوس کر پاؤ گے۔ جے تُسی اپنے بدکار دِل نوں بدلن لئی مسیح دی خواہش نہیں کردے، تے تُسی کدی وی مسیح وِچ ایمان لہیا کے تبدیل نہیں ہوو گے۔ کی تُسی اپنے دِل دے گناہواں دی بھرپوری توں شرمندہ نئیں ہوندے؟ کی ایہہ تہاںوں پریشان نئیں کردی؟ ایہنوں کرنا چائی دا اے جے تُسی کدی وی مسیح وِچ ایمان لہیا کے تبدیل ہوون دی اُمید رکھدے اُو۔ صرف جِدوں تُسی اپنے گناہ توں بھرپور دِل دے نال اُکتا جاندے اُو اُہدوں ای مسیح دا پاک صاف کرن آلا لہو تہاڈے لئی اہم بن جاندا اے۔ سپرجیئن نے آکھیا، ’’جیویں ساری زندگی متاثر ہوندی اے ایویں ای دِل دی حقیقی تبدیلی نوں ہونا چائی دا اے۔‘‘ مسیح وِچ ایمان لہیان دی تبدیلی اُوس ویلے رونما ہوندی اے جِدوں اِک گمراہ گہنگار اپنے گناہواں دی سزایابی نو محسوس کردا اے تے اُنہاں توں نفرت کردا اے۔

اُوس واعظ وِچ میں سپرجیئن دے واعظ توں اِک پیراگراف دا حوالہ دیتا سی، ’’کی مسیح وِچ ایمان لہیا کے تبدیل ہونا ضروری اے؟‘‘ سپرجیئن نے کہیا،

مسیح وِچ ایمان لہیان آلی تمام سچی تبدیلیاں وِچ بنیادی معاہدے دے چار نکات ہوندے نے: اِیس تمام وِچ پیشمان گناہ دا اِک اعتراف ہونا چائی دا اے، تے ایس دی معافی لئی یسوع دے ول نظراں ہونیاں چائی دیاں نے، تے دِل دی ایک حقیقی تبدیلی ہونی چائی دی اے۔ ایویں ای بعد دی ساری دی ساری زندگی متاثر ہونی چائی دی اے تے جِتھے اے ضروری نکات نئیں پائے جاندے تے اُوتھے مسیح وِچ ایمان لہیاں دی کوئی وی خالص تبدیلی نئیں ہوندی (سی۔ ایچ۔ سپرجیئن C. H. Spurgeon، ’’کی مسیح وِچ ایمان لہیا کے تبدیل ہونا ضروری ہوندا اے؟ Is Conversion Necessary?‘‘ میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پلگِرم اشاعت خانے Pilgrim Publications، 1971، جلد XX، صفحہ 398)۔

III۔ تیجا، ’’صرف دعا تے روزہ رکھن دے وسیلے نال Only by Prayer and Fasting‘‘ (14 جُون، 2009 دے اِتوار دی سویر منادی کیتی گئی)۔

اُہدی تلاوت سی، ’’اَیس قسم دی بدروح دعا تےروزے توں علاوہ کسی ہور طریقے نال نئیں نکل سکدی‘‘ (مرقس9:29)۔ میں کہیا سی کہ اُو الفاظ ’’تے روزہ رکھنا‘‘ کڈ دیتے گئے سی کیوں جے دو پرانے مسوّدے، جنہاں دی نقل گنوسٹک Gnostic بدعتیاں نے کیتی سی، اُنہاں نے اُناں دو لفظاں نوں چھڈ دیتا، ایویں اُناں کلیسیاواں نوں کمزور کر دِتا جیہڑیاں دورِ حاضرہ دی بائبلاں نوں استعمال کردیاں نے۔ اِیس دے باوجود قدیم مسوّداں دی انتہائی اکثریت وِچ اُو الفاظ ’’دعا تے روزہ رکھنا‘‘ موجود نے۔ چین وِچ اُو الفاظ اُنہاں دی بائبلاں وچ ہین۔ ایہو ای اِک وجہ اے کہ اُناں دے ہاں مسلسل حیاتِ نو جاری نے، جِدوں کہ اُو جیہڑے مغرب وِچ نے، دورِ حاضرہ دے اپنے ترجمیاں دے نال کدی کدی ای سچے، معیاری حیاتِ نو دا تجربہ کردے نے۔ لیکن ساڈے لئی اپنی کلیسیاواں دے وِچ تبدیلی لہیاون لئی بے شمار نوجوان لوکیاں لئی دعا منگن تے روزہ رکھن دے ویلیاں دا ہونا ضروری اے۔ سانوں اُنہاں لئی روزہ رکھنا تے دعا مانگنی چائی دی اے کہ اُو اپنے گناہ نوں محسوس کر سکن، توبہ کرن تے مصلوب کیتے گئے تے جی اُٹھے مُنّجی دے نال اِک حقیقی سامنا کر سکن تے اُوس دے قیمتی لہو دے نال پاک صاف ہو جان۔ واعظ دا آخیر حمدوثنا دے گیت ’’برف توں زیادہ سفید‘‘ میں سے اِک آیت دے نال ہویا۔ ایہہ آیت کہندی اے، ’’خُداوند یسوع، تینوں ویکھدیاں ہویاں میں بے صبری نال انتظار کرنا آں، ہونئے آ، تے میرے وِچ اِک نوے دِل دی تخلیق کر دے۔‘‘ لیکن جس ویلے ساڈے گرجا گھر دے وِچ مسیحی روزہ رکھن ڈئے سن تے دعاوآں منگن ڈئے سن تے جان کیگن John Cagan نے روزہ رکھن دے خیال دا غصہ منایا۔ ایس گل نے اُنہاں نوں ناراض کر دِتا – حالانکہ اُنہاں نےوی جلد ای مسیح وِچ ایمان لہیا کے تبدیل ہو جانا سی جیویں اُنہاں دے ماں پیو نے اُنہاں دی نجات لئی دعاوآں منگیاں تے روزہ رکھیا سی!

IV۔ چوتھا، ’’ضمیر تے مسیح وِچ ایمان لہیا کے تبدیل ہونا Conscience and Conversion‘‘(14 جون، 2009 نوں اِتوار دی شام نوں تبلیغ کیتی گئی)۔

تلاوت سی، ’’اُنہاں دا ضمیر وی ایس گل دی گواہی دیندا اے تے اُنہاں دے خیالات وی کدی اُنہاں تے اِلزام لگاندے نے، کدی اُنہاں نوں برّی ٹھہراندے نے‘‘ (رومیوں2:15)۔ ضمیر قوت وِچ اُو تعمیر ہوندی اے جیہڑی ساڈے وِچ اخلاقی فیصلیاں نوں جاری کر دی اے، ساڈے اعمال نوں منظور یا نامنظور کردی اے، ساڈے خیالات یا ساڈے منصوبے سانوں دسدی اے کہ اَسی غلط کیتا اے، تے سانوں دسدی اے کہ اِسی اہدے لئی تکلیف سہن دے حقدار آں۔ آدم نے گناہ کیتا سی تے اُوس دا ضمیر غلیظ ہو گیا سی، اَیس لئی اُوہنے اپنے گناہ لئی مختلف بہانے لبھے سن۔ ایہہ ثبوت کہ اُنہاں دے ضمیراں دی ایہہ تباہ حالی نسلِ انسانی وِچ منتقل ہوندی اے اُو حقیقت ہے کہ اُنہاں دے پہلے پُتر قائین نے اپنے پرآ [بھائی] نوں قتل کیتا تے کسی وی سزایابی نوں محسوس نئیں کیتا تے اپنے گناہ دا بہانا لبھیا۔ جنہا بہوتا اِک بندہ گناہ کردا اے اُونہا ای بہوتا اُس دا ضمیر تباہ حال تے غلیظ بنّدا جاندا اے۔ لوکی اپنے ضمیراں نوں بہوتے توں بہوتا گناہ کرن دے ذریعے نال جُھلسا لیندے نے، ’’ایہہ گلاں جوٹھے بندیاں دی ریاکاری دے باعث ہوون گئیاں جنہاں دا دِل گرم لوہے دی سلاخاں نال داغیا گیا سی‘‘ (1 تیموتاؤس4:2)۔ میں نے اپنے گرجا گھر دے وِچ نوجوان لوکاں نوں دسّیا کہ اُو اپنے ضمیراں نوں جُھلسا دیندے نے، اپنیاں ماواں دے نال جوٹھ بولن دے نال، سکول وِچ نقل کرن نال، چیزاں چرآن نال، اِنہاں توں وی وڈے وڈے گناہواں دے نال اپنے ضمیراں نوں جھلسا دیندے نے – جنہاں دا میں ایس گرجا گھر دے وِچ ذکر نہیں کراں گا۔ تُسی جاندے اُو کہ اُو کہیڑے نے۔ تُسی جاندے ہو کہ ہُن تہاڈے لئی قصور وار محسوس کرنا تقریباً ناممکن ہو چکیا اے – کیونکہ تُسی بار بار گناہ کر چکے اُو، خُدا تے کئی وری ہنسدے رہے اُو جِدوں تُسی گناہ کردے سی تےایویں اپنے ضمیراں نوں تباہ کر چکے اُو۔ میں تہاڈی مدد کرن لئی کی کر سکناں آں؟ اے تُسی ہو جیہڑے اپنے ضمیراں نوں پہچان توں پرے دی حد تیکر ساڑھ چکے اُو۔ میں تہاڈے تے صرف ترس کھا سکناں آں – ایک تباہ ہوئی مخلوق دی طرح جس دا نہ کوئی مستقبل اے تے جس دی نہ کوئی اُمید اے۔ میں صرف تہاڈے تے ترس کھا سکناں آں۔ میں تہاڈی مدد نئیں کر سکدا، کیونکہ تُسی پہلاں توں تباہ و برباد ہو چکے ہو تے سزاوار قرار دِتے جا چکے اُو۔ یسوع نے کہیا، ’’جیہڑا ایمان نئیں لہیاندا اُوس تے پہلاں ہی توں سزا دا حکم ہو چکیا ہوندا اے‘‘ (یوحنا3:18)۔ تُہاڈا جہنم وِچ جانا اِناں ای یقینی ہوندا اے جیویں کہ تُسی پہلاں ای توں اُوتھے ای اُو۔ تے کُج وی ایہو جہیا نئیں اے جیہڑا میں آکھاں یا کر پاواں تے اُو تہاڈی مدد کر سکدا ہووے۔ صرف خُدا ای تہانوں تہاڈے گناہ دی سزا دے سکدا اے۔ اگر اُوس نے پہلاں ای تہانوں تہاڈے گناہ دے کُج سزا دے دیتی اے تے ایس گل دی کوئی ضمانت نئیں کہ اُو کدی وہی تہانوں دوبارہ سزا دے گا۔ انتہائی اکثر واری اُو جنہاں نے کدی گناہ دی سزایابی دا تجربہ کِیتا ہوندا اے کدی وی خُدا دے روح نال دوبارہ ملاقات نئیں کر پاندے۔ آخیر جیہڑا تمسخر تے حماقت تُسی کر چکے ہوندے اُو، تے تُسی اِک لمحے لئی وی سزایابی دے حقدار نئیں ہوندے۔ جے تُسی اپنی گناہ دی سزایابی نے گواچ چکدے اُو تے خُدا شاید ایہہ تہانوں دوبارہ کدی وی نئیں دے گا۔ آ جاؤ، ایس توں پہلاں کہ خُدا اِک فقیر نوں پسند کر لے! عجز تے انکساری دے نال جھکے ہوئے آؤ، ایہہ جاندے ہویاں کہ خُدائے قادرِ مطلق دے کول تہاڈے لئی کوئی وی فضیلت نئیں اے۔ ایہاںاں ساریاں وریاں دے دوران تُسی اپنے دِل وِچ اُوس دے چہرے تے تُھوکیا ہوندا اے۔ ایس دے بارے وِچ سوچو! تُسی اپنے انتہائی روئیے دے نال مسیح دے چہرے تے تھُک چکے ہوندے اُو۔ ہُن مسیح تہاڈی کسی وی شے دا مقروض نئیں اے۔ ہُن مسیح دے کول تہاڈے لئی کوئی وی فضیلت نئیں اے۔ اُہدے کول تہاڈے لئی صرف قہر، سزا تے جہنم دیاں لپٹاں نے۔ بالکل ہُنے ای تُسی شاید سوچن ڈئے اُو، ’’ایہہ سچی گل اے – خُدا دا میرے تے کوئی وی حق نئیں ماسوائے جہنم دے شعلہیاں توں۔ میں کسی وی شے دا حقدار نئیں آں۔‘‘ فیر، جے تُسی ایہو جہیا محسوس کرو تے میں تہاڈے نال ایہو اِلتجا کرنا آں اُوس عورت دی ونگر یسوع دے کول ٹُرے آؤ جیہڑی یسوع دے کول آئی سی تے اُوس دے پیراں نوں چومیا سی۔ اُوس بدنصیب کیڑے وانگوں جیہڑے تُسی ہو ٹُرے آؤ۔ روندیاں ہویا تے اُہدے سامنے ماتم کردیاں ہویاں ٹُرے آؤ، جیویں جان بنعیئن John Bunyan نے کیتا سی؛ جیویں وائٹ فیلڈ نے کیتا سی – رحم لئی روندیاں ہویاں تے چیخاں ماردیاں ہویاں۔ شاید اُو تہاڈے تے رحم کر لے۔ لیکن میں صرف ’’شاید‘‘ آکھن ڈہیا آں – کیونکہ تہاڈی نجات پان دا ویلہ شاید پہلے ہی لنگ چکیا اے۔ تُسی شاید پہلاں ای گناہ کر کے فضل دے دِن نوں ہمیشہ لئی دور کر چکے اُو۔ مسیح دے کول روندیاں ہویاں ٹُرے آؤ – تے شاید اُو تہانوں اِک ہور موقع فراہم کر دیوے – حالانکہ ایہہ تہاڈے معاملے دے وِچ بالکل وی یقینی نئیں اے کہ اُو کرے گا۔ ایتھے منبر دے سامنے ایس جگہ تے چلے آؤ۔ گُھٹنیاں تے ہو جاؤ تے رحم لئی رووؤ۔ مسیح شاید تہاڈی سُن لے تے تہانوں اُوس دے پاک لہو دے نال پاک صاف ہوون دا اِک دوجا موقع فراہم کر دیوے گا۔ صرف اُوس ہی دا لہو ’’ساڈے ضمیر نوں ایہو جئے کاماں توں ہور وی زیادہ پاک کرے گا جنہاں دا انجام موت اے تاکہ اَسی زندہ خُدا دی عبادت کریے‘‘ (عبرانیوں9:14)۔

V۔ پنچواں، ’’خُشک ہڈیاں دی وادی The Valley of Dry Bones‘‘ (میں ایس واعظ دی منادی اوُس سویر کیتی سی جِدوں جان کیگن مسیح وِچ ایمان لہیا کے تبدیل ہوئے سن، 21 جون، 2009)۔

تلاوت سی، ’’خُداوند خُدا اِنہاں ہڈیاں نوں ایویں کہندا اے: میں ٹہاڈے وِچ روح پاواں گا تے تُسی زندہ ہو جاؤ گی‘‘ (حزقی ایل37:5)۔ میرا نئیں خیال جان اِیس واعظ دی وجہ توں مسیح وِچ ایمان لہیا کے تبدیل ہوئے سی۔ میرا نئیں خیال اُو واقعی اینوں سُن رئے سی۔ میرے خیال چہ ایہہ پہلے چار واعظ سن جیہڑے اُنہاں نوں مسیح وِچ ایمان لہیا کے تبدیل ہوون لئی استعمال ہوئے سی۔ تُسی اِس گل نوں جان دی گواہی وِچ ویکھو گے جِدوں میں اِینوں پڑھاں گا – اُنہے میری بے عزتی کیتی سی۔ درحقیقت، جان میرے توں نفرت کردا سی۔ ایتھوں تیکر کہ جدوں میں اَیس واعظ دی تبلیغ کرن ڈِیا سی تے جان نے کہیا، اُس نے ‘‘اینوں ٹھکران دی شدید کوشش کیتی سی، کہ نہ سُنے… میں لمحات گنن ڈِیا سی جدوں تیکر اُو واعظ ختم نہ ہو جاندا، لیکن پادری صاحب نے منادی نوں جاری رکھیا۔‘‘ ایہو ای وجہ اے کہ اُو اپنی گواہی وِچ کدی وی اُس سویر میں جو کچھ آکھیا اُہدے وِچوں کسی وی گل دا تزکرہ نئیں کردا۔ اِک وی لفظ نئیں۔ جان نے کہیا، ’’ایتھوں تیکر کی جدوں بُلاوا دِتّا گیا تے میں مزاحمت کیتی سی۔‘‘ تے اُنہے کہیا، ’’پادری صاحب نے مینوں نصیحت کیتی، تے مینوں مسیح دے کول آن لئی کہیا، لیکن میں نئیں گیا۔‘‘

ایہہ گل اہم اے۔ ایہہ اہم اے کیونکہ بالکل ایویں ای تہاڈے وِچوں کُج لوکی محسوس کردے نے۔ تُسی میری بے عزتی کردے اُو۔ تُسی مینوں ناپسند کردے اُو۔ تُسی مینوں سُننا پسند نئیں کردے۔

لیکن اُوس سویر جان دے نال کُج ہور رونما ہویا سی۔ میرے خیال وِچ جے میں ٹیلی فون دی کتاب وِچوں چند اِک ورقے ای پڑھے ہوندے تاں وی اُو مسیح وِچ ایمان لہیا کے تبدیل ہو گیا ہوندا۔ میں ایہہ گل کیوں کہنا واں؟ کیونکہ پہلے آلے چار واعظ اُہدے سخت دِل وِچ گُھس گئے سی، خُصوصی طور تے ضمیر تے میرا واعظ ویکھیا تُسی، خُدا نے آپئے اُس واعظ نوں تے باقی تِیناں واعظاں نوں اُنہوں اُہدے گناہ دے بارے وِچ سوچن لئی مجبور کرن واسطے استعمال کِیتا سی۔ تے اُہنوں احساس ہو چکیا سی کہ اُہدی جدوجہد میرے خلاف نئیں سی۔ اُہنوں احساس ہو چکیا سی کہ اُو واقعی چہ خُدا دے خلاف جدوجہد کر رہیا سی۔ ہُن اُہدی گواہی نوں سُنو تے تُسی ویکھو گے کہ جان دے مسیح وِچ ایمان لہیا کر تبدیل ہون وِچ آپئے میرا اپنا بوہتا گھٹ ہتھ اے۔ ایہہ خُدا ای سی جِنہے پہلے چاراں واعظاں نوں اُہنوں گناہ دی سزایابی دے تحت لہیان لئی استعمال کیتا سی۔ ایہہ خُدا ای سی جنہے اُوس ویلے ’’اِیس قدر قوت دی بھرپوری دے نال [اُہنوں] مسیح ول کھیچیا سی۔ ایہہ میں بالکل وی نئیں سی۔ ’’اُو کیویں اِک مبلغ دے بغیر سُن سکدے نے؟‘‘ سچ ہے۔ لیکن ایہہ خُدا ہی اے جیہڑا مبلغ دے واعظاں نال گنہگاراں نوں مسیح وِچ ایمان لہیا کے تبدیل ہُون لئی استعمال کردا اے۔ جیویں یوناہ نبی نے کہیا، ’’نجات خُداوند ولوں [ہوندی] اے‘‘ (یوناہ2:9)۔ ُہن اُہدے بارے چہ سوچو جدوں میں جان سیموئیل کیگن دی مسیح وِچ ایمان لہیا کے تبدیل ہون دی مکمل گواہی نوں پڑھاں گا۔

میری گواہی
21 جُون، 2009
جان سیموئیل کیگن دے ولوں

     میں مسیح چہ ایمان لہیا کے اپنے تبدیل ہون دے ویلے نوں اِیس قدر نمایاں تے قریبی طور تے یاد کر سکنا واں کہ مسیح نے کِنّا وڈا فرق پایا سی اُہدے موازنے وِچ الفاظ بہتے گھٹ پے جاندے نے۔ اپنی مسیح وِچ ایمان لہیان دی تبدیلی توں پہلے میں غصے تے نفرت دے نال پرہیا ہویا سی۔ میں اپنے گناہ وِچ فخر محسوس کردا سی تے لوکاں نوں تکلیف دین چہ خوشی محسوس کردا سی، تے خود نوں اُہناں دے نال شریک کر لیندا سی جیہڑے خُدا توں نفرت کردے سی؛ میرے لئی گناہ کوئی ایہو جئی ’’غلطی‘‘ نئیں سی جیس تے افسوس کیتا جاندا۔ میں نے جان بوج کے اپنے آپ نوں اِس راہ تے پایا سی۔ خُدا نے میرے اُتّے ایہوں جئے طریقیاں نال کم کرنا شروع کِیتا کہ میں کدی اُمید وی نئیں کیتی سی کہ میری دُنیا میرے ای اردگرد ڈھینی شروع ہو گئی سی۔ میرے مسیح وِچ ایمان لہیا کر تبدیل ہون توں پہلاں دے اُو ہفتے مرن وانگوں محسوس ہوندے سی: میں سُتّا نئیں، میں ہنسیا نئیں، میں کسی وی قسم دا سکون نہ لبھ پایا۔ ساڈے گرجا گھر وِچ انجیلی بشارت دے پرچار دے اِجلاس ہون ڈئے سن تے میں واضح طور تے اُہناں تے حقارت دا اِظہار کرنا یاد کر سکنا آں جدوں میں مکمل طور تے اپنے پادری صاحب دے اپنے پیو دا احترام نہ کیتا۔
     اُوس عرصے وِچ پاک روح نے انتہائی یقینی طور تے مینوں میرے گناہ دی سزایابی وِچ کِیتا، لیکن اپنی تمام تر ہمت دے نال میں نےاُہناں تمام خیالاں نوں جیہڑے خُدا تے مسیح وِچ ایمان لہیا کے تبدیل ہون دے بارے چہ سی ٹھکرا دِیتا سی۔ میں اَیس بارے وِچ سوچن توں ای انکار کر دِتّا، ایس دے باوجود میں ایس قدر زیادہ اذیت وِچ پین دے احساس نوں روک نہ پایا۔ 21 جون، 2009 دے اِتوار دی سویر تیکر، میں پوری طرح توں تھکن دے نال چور ہو چُکیا سی۔ میں اِیس تمام توں ایس قدر تھک چکیا سی۔ میں خود نال نفرت کرنا شروع کر دِتّی سی، اپنے گناہ توں نفرت کرن لگا تے اُوس نے مینوں کیہو جہیا محسوس کرن تے مجبور کر دِتّا۔
     جدوں ڈاکٹر ہائیمرز تبلیغ کرن ڈئے سی، میرا تکبر اُوس نوں فوری طور تے ٹھکران لئی کوشش کرن ڈہیا سی، نہ سُنن لئی، لیکن اُو جیویں جیویں منادی کرن ڈئے سی میں واقعی چہ اپنے تمام گناہ نوں اپنی روح تے محسوس کر سکدا سی۔ میں واعظ دے ختم ہون لئی لمحات گنن ڈہیا سی لیکن پادری صاحب نے منادی کرنا جاری رکھیا، تے میرے گناہ کدی وی نہ ختم ہون آلے بد توں بدترین ہوندے چلےگئے۔ میں اُہناں ڈنگاں دے خلاف مذید ہور کُج نئیں کر پا رہیا سی، مینوں نجات پاہنی ای سی! ایتھوں تیکر کہ جدوں بُلاوا دِتّا گیا تے میں مزاحمت کیتی، لیکن میں بالکل وی ہور برداشت نئیں کر سکدا سی۔ میں جان گیا سی کہ میں اُو انتہائی بدترین گنہگار سی جیہڑا میں ہو سکدا سی اور کہ خُدا مینوں جہنم وِچ سزا دین لئی دیانتدار سی۔ میں جدوجہد کرن نال ایس قدر تھک چُکیا سی، میں ہر اُوس چیز توں جو میں سی اِیس قدر تھک چکیا سی۔ پادری صاحب نے مینوں نصیحت کیتی تے مینوں مسیح دے کول آن لئی کہیا، لیکن میں نہ آ سکیا۔ ایتھوں تک کہ مینوں میرے سارے گناہ نے سزایابی دِتّی میں ہلے وی یسوع نوں نہ پا سکیا۔ ایہہ گھڑیاں سب توں بدترین وچوں سی جہیو جہیا میں محسوس کِتّا سی کہ جے میں نجات نہ حاصل کر پایا تے مینوں فیر صرف جہنم وِچ ای جانا پئے گا۔ میں نجات پان لئی ’’کوششاں کر رہیا‘‘ سی، میں مسیح تے پرہوسا کرن لئی ’’کوششاں کر رہیا‘‘ سی تے میں کر نئیں پا رہیا سی، میں بس خود وِچ مسیح لئی ہمت نئیں جُتا پا رہیا سی، اور ایس گل نے مینوں ایس قدر نااُمید محسوس کرن تے مجبور کر دِتّا۔ میں محسوس کیتا کہ میرا گناہ مینوں جہنم وِچ دھکیلن ڈہیا سی ایس توں باوجود میں محسوس کر سکدا سی میری ڈھٹائی میرے اتھرواں نوں زبردستی روک رئی سی۔ میں ایس کشمکش وِچ جکڑیا جا چکیا سی۔
     اچانک وریاں پہلاں دِتّے گئے اِک واعظ دے الفاظ میرے ذہن وِچ ٹکرائے: ’’مسیح دے اگے گوڈے ٹیک دے! مسیح دے اگے گوڈے ٹیک دے!‘‘ اُو خیال کہ مینوں مسیح لئی ہارنا پئے گا اُہنے مینوں ایس قدر بے چین کیتا کہ جو ہمیشہ لئی لگدا سی میں محض کر نئیں پا رہیا سی۔ یسوع نے اپنی جِند میرے لئی قربان کر دیتی سی۔ اُو حقیقی یسوع میری خاطر سُولی تے چڑھن لئی چلا گیا جِدوں میں اُہدا دشمن ای سی تے میں اُہدے اگے گوڈے نہ ٹیکاں۔ ایس خیال نے مینوں توڑ دِتّا؛ مینوں ایس تمام نوں چھڈناں ای سی۔ میں مذید ہور خود تے قابو نئیں کر پا رہیا سی، مینوں یسوع نوں پانا ای سی! اُوس گھڑی میں اُوس یسوع دے اگے گوڈے ٹیک دِتّے تے ایمان دے وسیلے نال یسوع دے کول آیا۔ اُوس ویلے مینوں ایویں لگیا جیویں مینوں خود اپنے آپ نوں مرن دینا چائی دا سی، تے فیر یسوع نے مینوں زندگی دِتّی! میرے ذہن دا کوئی عمل دخل یا مرضی شامل نئیں سی بلکہ دِل دی سی، مسیح وِچ سادے جہئے سکون دے نال، اُہنے مینوں نجات دِتی! اُہنے میرے گناہ نوں اپنے لہو وِچ پاک صاف کر دِتّا! اُس اِکوں لمحے وِچ، میں مسیح دی مزاحمت کرنی چھڈ دِتی۔ ایہہ ایس قدر واضح سی کہ مینوں صرف اُوسے تے پرہوسا کرنا سی؛ میں اُوہی بالکل صحیح لمحے نوں پہچان سکدا سی جدوں چھڈن آلا میں سی تے ایہہ واحد مسیح سی۔ مینوں گوڈے ٹیکنے ای سن! اُوس لمحے وِچ کوئی جسمانی احساس یا انّا کرن آلی روشنی نئیں سی، مینوں کسی احساس دی ضرورت نئیں سی۔ میرے کول مسیح سی! اہدے باوجود مسیح تے پرہوسا کرن چہ ایویں محسوس ہویا جیویں میری روح اُتوں میرے گناہ چُکے جا چکے نے۔ میں اپنے گناہ توں مُنہ موڑ لہیا سی، تے میں تنہا یسوع تے نظراں جما لہیاں! یسوع نے مینوں نجات دِتّی۔
     یسوع نے میرے وگرے کم تر ترین گنہگار نوں جیہڑا اِک چنگے گرجا گھر وِچ وڈّا ہویا تے فیر وی اُہدے خلاف ہویا، معاف کرن لئی کیس قدر محبت کیتی اے! مسیح لئی میری محبت دے اظہار وِچ تے میرے مسیح وِچ ایمان لہیا کے تبدیل ہون دے تجربے نوں بیان کرن لئی الفاظ ایس قدر کھٹ وکھائی دِتّے۔ مسیح نے میرے لئی اپنی جان قربان کر دِتی تے ایس لئی میں اپنا سب کُج اُہنوں دے دِتا۔ یسوع نے اپنے تخت نوں میری خاطر اِک صلیب لئی قربان کر دِتا ایتھوں تیکر کہ میں اُوس دی کلیسیا [گرجا گھر] تے تھوکیا تے اُوس دی نجات دا مذاق اُڑایا؛ میں کدی وی کیویں پورے طور تے اُوس دی محبت تے اُوس دے رحم دا اِعلان کر سکنا آں؟ یسوع نے میری نفرت تے غصے نوں دور کر دِتا تے اُوس دے بجائے مینوں محبت دِتی۔ اُہنے مینوں اِک نوے آغاز دے مقابلے لئی بہت کُج دے دِتا – اُہنے مینوں نئی زندگی دِتی۔ ایہہ صرف ایمان دے وسیلے نال سی کہ میں جان گیا یسوع نے میرے تمام گناہواں نوں دھو دِتّا سی، میں خود نوں تعجب کردا ہویا پایا میں اپنے ٹھوس ثبوت دی کم وِچ کیویں جان پایا، لیکن میں نے ہمیشہ خود نوں یاد دلایا کہ ’’ایمان اَن دیکھی شیواں دی روح ہوندا اے‘‘ تے بہت احتیاط دے نال اُو سوچن دے بعد اُو جان کے مینوں سکون ملیا کہ میرا ایمان یسوع تے قائم اے۔ یسوع ای میرا واحد جواب اے۔
     میں اُوس فضل لئی جیہڑا خُدا نے مینوں بخشیا بہت شکرگزار آں، اُہنوں بے شمار ویلیاں تے جیہڑے اُہنے مینوں مہیا کیتے، تے اپنے بیٹے ولوں اِس قدر قوت دی بھرپوری دے نال کھینچن لئی کیوں جے میں خود اپنے طور تے کدی وی یسوع دے کول جا نہ پاندا۔ ایہہ محض الفاظ نے، لیکن میرا ایمان یسوع تے قائم اے، کیوں جے اُہنے مینوں بدلیا اے، اُو ہمیشہ اُوتھے رہ رہیا اے، میرا بچان آلا، میرا سکون، تے میرا نجات دہندہ۔ اُوس دے مقابلے وِچ جنہا اُہنے مینوں پیار کیتا میری محبت کیس قدر کھٹ وکھائی دیندی اے۔ میں کدی وی اُس لئی زیادہ تیکر زندہ نہ رہ پاواں گا یا کافی مخلصی دے نال، میں کدی وی مسیح لئی کُج زیادہ نئیں کر پاواں گا۔ یسوع دی خدمت کرنا ای میری خوشی اے! اُہنے مینوں زندگی تے سکون بخشیا اِہدے باوجود کہ میں صرف نفرت کیویں کرنی اے جاندا سی۔ یسوع میری آرزو تے میری توجہ دا مرکز اے۔ میں خود تے پرہوسا نئیں کردا، لیکن تنہا اُسی یسوع وِچ اپنی اُمید رکھنا آں، کیوں جے اُس نے کدی وی مینوں ناکام نئیں کیتا۔ مسیح میرے کول آیا تے ایس لئی میں کدی وی اُہنوں نئیں چھڈاں گا۔

تُسی اِک گمراہ گنہگار ہو جیویں جان کیگن سی، میں تہانوں صرف ایہو ای کہہ سکنا واں جو میں جان کیگن نوں جِدوں اُہنے نجات پائی سی واعظ دے آخیر چہ کہیا سی، ’’تُسی اِک گنہگار ہو۔ تُسی گمراہ ہو۔ کوئی وی نئیں ما سوا یسوع دے جیہڑا تہانوں نجات دے سکدا اے۔ ایہو ای وجہ اے کہ اُو سولی تے تہاڈے گناہواں دا کفارہ ادا کرن لئی قربان ہویا سی – تے اپنے لہو دے نال اُوس نوں دھو دِتّا۔ جدوں اسی گیت گائیے تے تُسی اپنی کرسیاں توں اُٹھو تے ایتھے اگے ٹُرے آؤ! ’میں گمراہ آں! اوہ، یسوع، میرے گناہواں نوں اُوس لہو نال جیہڑا توں سُولی تے وگایا سی دھو ڈال!‘ ایتھے اگے ٹُرے آؤ جدوں اسی ’صلیب دے قریب‘ دا پہلا بند گاواں گے۔‘‘ ایہہ اُوس بُلاوے دا گیت سی جیہڑا اسی اُس ویلے گایا سی جِدوں جان کیگن نے نجات پائی سی۔ تہاڈے وِچوں زیادہ تر لوکی ایہنوں جاندے نے، اینوں گاؤ۔ اور جدوں اُو گان، تُسی ایتھے سامنے الطار دے کول ٹُرے آؤ تے یسوع تے پرہوسا کرو۔

یسوع، مینوں سولی دے قریب ای رکھنا، اُوتھے اِک قیمتی چشمہ اے
   سب لئی مفت، کلوری دے پہاڑ توں ایک شفا بخشن آلی ندی بہندی اے۔
سولی تے، سولی تے، ہمیشہ میرا جلال ہووے؛
   جِدوں تیکر میری بیخود جان لبھ نئیں لہندی دریا توں پرے سکون۔
(’’سولی دے قریب Near the Cross‘‘ شاعر فینی جے۔ کراسبی Fanny J. Crosby، 1820۔1915)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلامِ مقدس وِچّوں تلاوت مسٹر ہارون ینسی Mr. Aaron Yancy نے کیتی: رومیوں10:9۔14 .
واعظ توں پہلاں کلّیاں گیت مسٹر بنجامن کینکیڈ گریفتھ Mr. Benjamin Kincaid Griffith نے گایا سی:
’’صلیب دے لاگےNear the Cross‘‘
(شاعر فینی جے۔ کرسبی Fanny J. Crosby، 1820۔1915)۔