ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

درجِ ذیل سی۔ ایچ۔ سپرجیئن C. H. Spurgeon وَلوں دِتے گئے واعظ ’’دعا وِچ ترتیب تے دلیلOrder and Argument in Prayer‘‘ تے مشتمل اے۔ سپرجیئن دے خیالات نوں سادہ انگریزی وِچ مختصر کیتا گیا اے۔ ڈاکٹر ہائیمرز تے ڈاکٹر کیگن دی مدد توں، اضافے وِچ، میں نے کُج خیالات تے بائبل دی آیات دا اضافہ کیتا اے۔

اُوس آیت وِچ جیہڑی بالکل ہُنے پڑھی گئی، ایوب خدا نوں لبھدا تے اُوہدے کولوں دعا منگنا چاہندا اے۔ اُو خدا دے نال محض اِک عام طریقے نال گل کرنا نئیں چاہندا سی۔ ایوب دی نیت وِچ کُج انتہائی شدید سنجیدگی سی۔ اُو اینج دعا منگنا چاہندا سی: ’’میں اپنا حال اُوہدے سامنے بیان کردا تے اپنے مُںہ توں دلائل پیش کردا‘‘ (ایوب23:4)۔ ایس دعا وِچ حقیقی دعا دے بارے وِچ – سنجیدہ دعا دے بارے وِچ سیکھن دے لئی دو گلاں نے۔

I۔ پہلی گل، سجنیدہ دعا ترتیب وِچ – منظم طریقے نال ہوندی اے۔

ایوب نے کہیا، ’’میں اپنا حال اُوہدے سامنے بیان کردا‘‘ (ایوب23:4)۔

سوچو اُوس آیت دے بارے وِچ جیس دے لئی تُسی دعا منگن دے لئی جا رئے اُو۔

سوچو اُوس گل دے بارے وچ جیہدے لئی تُسی دعا منگن لئی جا رئے اُو۔ اُوہدے بارے وچ سوچو جیہڑا تُسی واقعی وچ چاہندے اُو۔ اُوسی اِک گل تے توجہ مرکوز کرو۔ ایہہ تہاڈے لئی اہم ہونی چائیدی اے۔ جیس کسی نے جان آر۔ رائس John R. Rice توں اِک دعا منگن دی گزارش کیتی، اُوہناں نے کدی وی ایہدے لئی دعا منگن تے اتفاق نئیں کیتا۔ ایہدے بجائے اُو اُوس بندے نوں کہہ دے کہ اُو خُدا توں دعا منگن گے کہ اُو ایس گل دی دعا منگن لئی اُوس بندے تے بوجھ لدّ دوے۔ ورنہ اُو سچے طور تے اُو گزارش کروانا نئیں چاہندا تے اُوہدی دعا اِک حقیقی دعا نئیں ہووے گی۔ تُسی واقعی وچ چاہندے کی اُو؟ جواب لبّو تُسی کیوں ایہہ چاہندے اُو۔ سمجھن دی کوشش کرو ایہہ کیوں رونما نئیں ہویا اے۔ ایہدے بارے وچ سوچو کیوں ایہہ تہاڈی قوت توں باہر اے۔ جے تُسی ایہدے بارے وچ جذبۂ شوق توں سرشار نئیں اُو تے خُدا توں سرشاری دا جذبہ منگو۔ مطمئن دعاواں دا رُجحان غیر منظم ہووے گا۔ مطمئن دعاواں جوش دے بغیر ہوندیاں نے۔ جے تُسی کسی شے نوں جوش دے بغیر کرنا شروع کردے اُو، تے تُسی غالباً تیار نئیں ہوندے۔ خود نوں دعا منگن توں پہلاں تیار کرو۔ خاص طور تے جے تُسی دعا وچ رہنمائی کرن جا رئے اُو، چاہے گھر وچ یا گرجا گھر وچ، بِنا تیاری کیتے دعا منگن تے انحصار مت کرو۔ تہاڈے دِل نوں جیہڑا کم کر رئے اُو اُوہدے لئی تیار ہونا چائیدا اے۔ تہاڈی توبہ دا مرکز صُورتِ حال تے ہونا چائیدا اے۔ تہانوں کُج نہ کُج چائیدا اے۔ تہانوں شدت دے نال کُج نہ کُج چائیدا اے۔ لیکن تُسی اُوہنوں حاصل نئیں کر سکدے۔ ایہہ تہاڈی قوت توں باہر اے۔ ایہہ تہاڈے قابو توں باہر اے۔ تے ایویں تُسی کائنات دے خُدا دے کول یسوع دے ناں وچ جان آلے اُو۔ تُسی خُدا نوں قائل کرن دی کاوش وچ خُدا دے کول پہنچو گے۔ خُدا نوں قائل کرو کہ اُوہنوں تہانوں تہاڈی لوڑ دے مطابق دینا چائیدا اے۔ اُو اِک سنجیدہ صورتحال اے۔ ایہنوں بغیر محتاط سوچ دے نئیں کرنا چائیدا۔ جیہڑی دعا تُسی منگن جا رئے اُو اُوہدے بارے وچ سوچو۔

اپنی دعا نوں منظم کرو۔ کُج لوکی دعا دے بارے وچ سوچدے نے کہ بار بار اُوہناں گزارشاں دے مجموعے نوں دھراندے رہنا دعا ہوندی۔ کُج لوکی شاید سوچدے نے کہ دعا اُوہناں ای گلاں نوں ہر وری جدوں اُو دعا منگدے نے کہنا ہوندا اے۔ ہر کوئی ہر وری اُوس ای گل لئی دعاواں منگدا اے، تے اُوہنے اپنی دعا دے بارے وچ سوچیا ای نئیں ہوندا اے۔ اُوہنے خُدا دے نال اپنی گزارش وچ خود نوں صرف کرن لئی اِک لمحہ وی نئیں سوچیا ہوندا۔ کُج لوکی دعا نوں مذھبی لفظاں دے ادا کرن وگرا سوچدے نے۔ لیکن لفظاں دا انتخاب اِک مخلص دلیل دی تھاں نئیں لے سکدا۔ جے میں تہاڈے کولوں کُج پیسے منگنا چاہناں واں، تے میں اپنی دلیل نوں زبردست بنان لئی کلّے وڈے وڈے لفظاں تے ای انحصار نئیں کراں گا۔ تُسی قائل نئیں ہوو گے جے میں اچانک ای اپنے لفظاں دے ذخیرے نوں بدل دینا واں، مگر جیہڑا کُج میں کہیا اُوہدا متن کوئی معنی نئیں دیندا۔ مذھبی لفظ اِک مربوط سوچ دی تھاں نئیں لیندے۔

کُج لوکی خُدا توں چیخ چیخ کے گل کرن نوں دعا بنا دیندے نے۔ لیکن اِک بندے دی اُچی واج اِک دلیل دا متبادل نئیں ہوندی اے۔ نا ای اِک گل توں دوجی گل دیوانہ وار جانا دلیل دا متبادل ہوندا اے۔ جے کوئی مخصوص التجا تہاڈے لئی اہم اے، تے ایہدے وچ کوئی سمجھداری نئیں ہوندی کہ تُسی چھیتی نال دوجی اِلتجا ول ودھ جاؤو تے فیر اگلی ول، پہلی آلی دے معاملے نوں مکمل طور تے فریق مُقدمہ دا بیان دِتے بغیر ادھورا چھڈ کے۔ کُج لوکی انتہائی عام لفظاں وچ دعا منگدے نے: ’’پیارے خُدایا، گرجا گھر نوں برکت دے، گمراہ لوکاں نوں نجات دے، مینوں تے میرے خاندان نوں برکت دے۔‘‘ لیکن ایہنوں کہن وچ انتہائی زیادہ سوچنا نئیں پیندا۔ ایہہ خلوص دی قِلت دا ثبوت اے۔ اُو منظم تے معقول دعا نئیں ہوندی۔

جے تُسی عدالت وچ اِک منصف دے سامنے بولن لئی جا رے اُو، تے تُسی اُوس بارے وچ سوچو گے جیہڑا تُسی کہن لئی جا رئے سی۔ تُسی احتیاط نال غور کرو گے کہ جیہڑا تُسی منگن لئی جا رئے اُو۔ تُسی اُوس بارے وچ سوچو کہ تُسی کیویں منصف نوں جیہڑا کُج تُسی چاہندے اُو دین لئی قائل کرو کرن جا رئے اُو۔ میں وی بحث کراں گا کہ اُوس گفتگو لئی تہاڈی تیاری تے وابستگی گزارش دی سنجیدگی دی نسبت توں ودھے گی۔ جے تُسی کم تے اپنے مالک توں کُج منگن لئی جا رئے اُو، تے تُسی سوچو گے کہ تُسی کی کہن جا رئے اُو تے تُسی اُو گل کیویں کہو گے۔ دعا وچ خُدا دے نال وی اینج ای کرو۔ خُدا دے کول سرسری خیالات دے نال مت جاؤو۔ خُدا دے کول نامکمل تصورات دے نال مت جاؤو۔ خود تے لاگو کرو۔

صورتحال دے کئی رُخاں تے غور کرو۔ کیویں حالات نا صرف تہاڈے تے بلکہ تہاڈے اِردگرد دے لوکاں تے وی اثر انداز ہوندے نے۔ کیویں صورتحال خُدا دے جلال تے اثرانداز ہوندی اے؟ کیویں صورتحال خُدا دی منسٹری تے اُوہدی بادشاہت دی ترقی تے اثرانداز ہوندی اے؟ اِلتجا دے قبول نہ ہون دے اثرات کی ہون گے؟ کی ہووے گا جے خُدا تہاڈی اِلتجا نوں منظور کر لیندا اے؟ ہر صورتحال دے بے شمار رُخ ہوندے نے۔ اِک انفرادی سانحہ یا اِلتجا صرف تہاڈے تجربے دے نال شروع یا ختم نئیں ہوندی اے۔ ایہہ اِلتجا اہم اے۔ ایہہ تہاڈے لئی اہم اے۔ ایہہ شاید تہاڈے خاندان لئی یا تہاڈے گرجا گھر لئی یا تہاڈے بیلی لئی یا ہو سکدا اے ایتھوں تیکر کہ خُدا لئی وی اہم ہووے۔ یاد رکھو کہ خُدا سُن رہیا ہوندا اے۔ خُدا کسی انسانی مالک یا منصف دے مقابلے وچ بوہتا زیادہ اعلیٰ تے عظیم ہوندا اے۔

دعا وچ تہاڈا روئیہ کینج دا ہونا چائیدا اے؟ یاد رکھو کہ ماسوائے ’’خاک تے راکھ‘‘ دے اَسی کُج وی نئیں آں (پیدائش18:27)۔ ساڈا خود اپنی ذات وِچ خدا کولوں کُج وی منگن دا کوئی وی حق نئیں ہوندا۔ لیکن یسوع مسیح دے ذریعے توں اَسی ’’فضل دے تخت دے کول دلیری نال‘‘ جا سکنے آں (عبرانیوں4:16)۔ مسیح وِچ تے اُسی دے ذریعے توں ُتسی باپ دے کول براہ راست جا سکدے اُو۔ جے تُسی یسوع دے ناں وِچ دعا منگدے اُو تے اُو تہاڈی اُونج ای سُنے گا جیویں اُو اپنے پُتر یسوع مسیح دی سنندا اے۔ جے تُسی مسیح تے پروہسا کیتا اے، تے اُوسی دے ذریعے توں تُسی خدا دے پُتر یا دِھی اُو۔ ایہہ کوئی ماڑی جئی سوچ نئیں اے۔ تُسی یسوع دی وجہ توں لاڈلے اُو تے قبول کیتے جاندے او۔ خُدا تہاڈی سُنے گا!

جیہڑا تُسی منگن جا رئے اُو اُوہدے بارے چہ سوچو۔ جیہڑا تُسی منگدے اُو اُوہنوں واضح کرو۔ یسوع نے سانوں دعا منگن دے لئی کہیا، ’’ساڈی روز دی روٹی اَج سانوں دے‘‘ (متی6:11) دعا دے بارے چہ شاگرداں نوں اپنی تعلیم وِچ یسوع نے مثال دِتی، ’’اے دوست، مینوں تِن روٹیاں دے‘‘ (لوقا11:15)۔

جے تُسی کسی شے لئی دعا منگنا چاہندے اُو تے اُوسی شے لئی دعا منگو۔ ابراہام نے دعا منگی، ’’کاش اسمٰعیل ای تیری رحمت دے سائے وِچ جیوندا رئے!‘‘ (پیدائش17:18)۔ سپرجیئن Spurgeon نے کہیا۔ ’’’اسمٰعیل ای کہوو جے تہاڈا مطلب ’اسمٰعیل‘ ای اے۔‘‘

جے تُسی کسی دے مسیح وِچ ایمان لہیا کے تبدیل ہون دے لئی دعا منگ رئے اُو تے اُوس بندے دا ناں لے کے دعا منگو۔ جدوں تُسی دعا وِچ رہنمائی کر رئے ہوندے اُو، تے خدا اَگے اُوس بندے دا ناں اپنے خیالات وِچ ای لینا کافی ہوندا اے۔ لیکن جے بولیا نا وی جائے فیر وی تُسی خدا توں بالکل اُوسی طرح جیہدے لئی تُسی دعا منگ رئے اُو گل کر سکدے اُو۔ خدا تہاڈے دِل دے کراہن نوں تے گل کرن نوں سُن سکدا اے۔ جے تُسی اِک التجا دے لئی دعا منگ رئے اُو تے خصوصی طور تے اُوسی دے لئی منگو۔ ’’مینوں ایہہ ملازمت حاصل کرن وِچ مدد دے۔‘‘ ’’میری بیماری نوں شفا دے (یا کسی دوجے بندے دی بیماری نوں)۔‘‘ میری ناواں نوں تے فون نمبراں نوں حاصل کرن وِچ مدد فرما۔ اُوہناں لوکاں دے دِلاں تے ذہناں نوں کھول ڈال جِنہاں نوں اَج دی راتی میں مِلاں گا تاکہ اُو مینوں اپنے ناں تے فون نمبر دے دین۔‘‘

جے تُسی دعاواں وِچ نٹھنا شروع کر دیو گے اُوہناں [دعاواں] دے بارے وِچ سوچے بغیر، تے تُسی دعا وِچ ’’رٹے رٹائے جملے دہرا‘‘ رئے ہوندے اُو۔ یسوع نے کہیا، ’’جدوں تُسی دعا کرو تے غیر یہودیاں وانگوں رٹے رٹائے جملیاں نوں ای نہ دہراندے رہیا کرو۔ اُو لوکی ایہہ سوچدے رہندے نے کہ اُوہناں دے بوہتا بولن دی وجہ توں اُوہناں دی سُنی جائے گی‘‘ (متی6:7)۔ جے تُسی، ہر وری جدوں دعا منگدے اُو، سوچے سمجھے بغیر ای عام انداز نال دعاواں دی اِک فہرست نوں تیزی نال ادا کردے جاندے اُو – گھر تے یا گرجا گھر وِچ – تے تُسی رٹی رٹائی دعاواں منگ رئے ہوندے اُو۔ تُسی شاید اِک کاتھولک روزری یا اِک بُدھ مت آلیاں دے منتر دا جاپ بُڑبُڑا رئے ہوندے اُو۔

جے تُسی گرجا گھر دے ہر دعائیہ اِجلاس وِچ ایہہ ای گل کہندے رہندے اُو صرف کھڑا ہون دے قابل ہون دے لی تے کُج نہ کُج کہن دے لئی تے جواب دی توقع مت رکھو۔ تُسی کیس گل دی دعا منگن جا رئے اُو اُوس گل دے بارے وِچ سوچو۔ تُسی خدا کولوں منگ رئے اُو – اِک ہستی – کسی مخصوص گل دے لئی۔ فیر خدا نال گل کرو تے جیہڑا تُسی چاہندے اُو اُوس دے کولوں منگوں۔

II۔ دوجی گل، سنجیدہ دعاواں دلائل – تے وجوہات دا استعمال کردیاں نے۔

ایوب نے کہیا، ’’میں… اپنے مُنہ توں دلائل پیش کردا‘‘ (ایوب23:4)۔ ’’میں اپنے مُنہ نال وجوہات پیش کردا کیوں خدا نوں مینوں اُو دینا چائیدا اے جیہڑا میں اُوہدے کولوں منگنا واں۔‘‘ کیس قسم دے دلائل – وجوہات – دا استعمال کیتا جانا چائیدا اے؟

پہلے، خدا دی صفات دے بارے وِچ گل کرو – اُو کینچ لگدا اے۔ ابراہام نے خدا کولوں سدوم نوں تباہ کرن دے لئی دعا نئیں منگی سی۔ اُوہنے کہیا،

’’کی تُوں راستبازاں نوں وی بدکاراں دے نال ای نیست و نابود کر دَوویں گا؟ جے اُوس شہر وِچ پنجا راستبا ہون تے کی ہووے گا؟ کی تُوں واقعی اُوہنوں تباہ کر دَویں گا تے اُوہناں پنجا راستبازاں دی خاطر، جیہڑے اُوس [شہر] وِچ ہون گے، اُوہنوں نئیں بخشے گا؟ توں ایہہ ہرگز نئیں ہون دے گا کہ راستبازاں نوں بدکاراں دے نال مار دِتا جائے تے راستبازاں تے بدکاراں دوواں دے نال یکساں سلوک کِیتا جائے۔ توں اینج ہرگز نئیں ہون دے گا! کی ساری دُنیا دا منصف اِنصاف توں کم نئیں لے گا؟‘‘ (پیدائش 18:23۔25).

ابراہام نے خدا دے اِنصاف دے لئی اِلتجا کیتی سی۔ اُو کہہ رہیا سی، ’’جے اُوتھے 50 راستباز لوکی ہوندے، تے کہ توں اُوہناں نوں بدکاراں دے نال ای تباہ کر دَویں گا؟‘‘ کی ایہہ انصاف ہووے گا؟ ’’کی ساری دُنیا دے منصف نوں اِنصاف نال کم نئیں کرنا چائیدا اے؟‘‘ درحقیقت، اُوہنے دعا منگنی جاری رکھی سی جدوں تیکر کہ خدا نے اِتفاق نئیں کر لہیا کہ جے اُوتھے 10 راستباز لوکی وی ہوئے تے اُو شہر نوں تباہ نئیں کرے گا۔ غور کرو ابراہام مستقل ڈٹیا رہیا سی۔ ابراہام دے کول قہر دے بجائے وجہ منگن دی جرأت سی۔ ابراہام دے کول گناہ دے بجائے رحم طلب کرن دے لئی ایمان سی۔ ایس قِسم دی دلیل وِچ ملوث ہون دے لئی ابراہام دے کول خدا دی صفات وِچ کافی اعتماد سی۔ ابراہام بے ادب نئیں سی۔ ابراہام دے کول خدا دے لئی ایس قدر احترام سی کہ اُو خدا دے کردار دے معیار یا خصوصیت دے لئی اِلتجا کر سکدا سی۔ جے ابراہام نوں یقین نہ ہوندا کہ خدا منصف سی، تے اُو خاموش رہن وِچ ای عقلمندی سمجھدا۔ لیکن، ابراہام جانندا سی کہ خدا منصف سی۔ ایسے لئی ابراہام نے بحث کیتی تے خدا نوں وجہ پیش کیتی۔

اَج وی خدا اُوہی اے۔ بائبل کہندی اے، ’’میں کدی تبدیل نا ہون آلا خداوند آں‘‘ (مُلاکی3:6)۔ بائبل کہندی اے، ’’یسوع مسیح کل تے اَج بلکہ ابد تیکر یکساں اے‘‘ (عبرانیوں13:8)۔ خدا ہُنے وی اُونج ای اے جیویں اُوس ویلے سی۔ تُسی خدا کولوں دعا منگ سکدے اُو تے اُو تہاڈی سُنے گا، بالکل جیویں خدا نے اُوس ویلے سُنیا سی جدوں لوکاں نے اُوہدے اَگے دعا منگی سی۔ قانون دی عدالت وِچ، وکیل اکثر سابقہ ویلے دے لئی اپیل کردے نے۔ سابقہ ویلہ اِک سابقہ سانحہ ہوندا اے جیہڑا کہ اُوسی وگری صورتحال وِچ اِک مثال دے طور تے منیا جاندا اے۔ جدوں تُسی بائبل نوں پڑھدے اُو یا بائبل دی منادی نوں سُندے اُو، یاد کرو جیہڑا تُسی پڑھیا ہوندا اے جیہرٓ کہیا گیا اے۔ ایس بارے وِچ سوچو کیویں خدا نے جیہڑا ماضی وِچ کِیتا سی اُوہدے تے لاگو ہو سکدا اے جیہڑا خدا اَج کر سکدا اے۔ خدا تہاڈے حیاتی وِچ جو کر چکیا اے اُوہدے تے توجہ مرکوز کرو۔ ایہنوں اِک حوالے دی حیثیت نال اِستعمال کرو جیہڑا خدا مستقبل وِچ کر سکدا اے۔ یاد رکھو جیہڑا کُج خدا تہاڈے اِردگرد لوکاں دی حیاتیاں وِچ کر چکیا اے۔ یسوع نے اپنے شاگرداں نوں چُکنا رہن دے دعا منگن دے لئی کہیا۔ قبول ہو جان آلی دعاواں وِچ خدا دی قدرت دے پُل دے ذریعے توں ظاہر ہون آلے غیر متعلقہ واقعات نوں جوڑو۔ ایس بارے وِچ سوچو کیویں ایہہ خدا دے کردار دے نال مطابقت رکھدے نے۔ اُو یاد رکھو جیہڑا ماضی وِچ خدا کر چکیا اے۔ خدا کون اے [ایس دے] لئی اِلتجا کرو۔ خدا کولوں اُوسی طریقے نال دعا منگو جیویں بائبل وِچ عظیم لوکاں نے دعا منگی۔

دوجی گل، تُسی خدا دی وجودیت دے لئی اِلتجا کر سکدے اُو۔ ایلیاہ نے بعل دے نبیاں دا سامنا کیتا سی۔ خدا نے ایہناں جھوٹے نبیاں دی دعاواں دا جواب نئیں دِتا سی۔ لیکن ایلیاہ نے خدا کولوں خود ایس دی اپنی قربانی نوں قبول کرن دے لئی دعا منگی سی۔ ایلیاہ نے کہیا،

’’اَے خداوند، ابرہام، اِضحاق اور اِسرائیل دے خدا! اَج پتا لگ جاوے کہ اِسرائیل وِچ توں ای خدا اے تے میں تیرا خادم آں تے میں نے ایہناں ساریاں گلاں نوں تیرے ای حکم توں کِیتا اے۔ مینوں جواب دے اے خداوند، مینوں جواب دے تاکہ اے لوکی جانن کہ اے خداوند توں ای خدا اے‘‘ (1۔ سلاطین 18:36۔37).

ایلیاہ نے دعا منگی، ’’ساڈے تے ظاہر کر کے توں سچا خدا اے۔‘‘ تے خدا نے ایلیاہ نوں جواب دِتا۔ خدا نے آسمان توں اَگ برسائی تے ایلیاہ دی قربانی نوں بھسم کر دِتا۔

وریاں بعد، ایلیاہ دے آسمان وِچ چُکے جان دے بعد، اُوہدے شاگرد الیشع نے دعا منگی، ’’خداوند، ایلیاہ دا خدا کیتھے اے؟‘‘ (2سلاطین2:14)۔ ’’اے خداوند، توں کیتھے اے؟‘‘ خدا نے خود نوں ظاہر کیتا تے دریائے یردن دے پانیاں نوں الیشع دے لئی دو ٹکریاں وِچ تقسیم کیتا۔ خدا نے ظاہر کیتا کہ اُو حقیقی سی۔

تیجی گل، خدا دے وعدیاں دے بارے وِچ گل کرو – کیوں جے اُو اپنی گل تے مخلص ہووے گا۔ 2سیموئیل 7 باب وِچ، خدا نے ناتن نبی دے ذریعے داؤد نال وعدہ کیتا سی کہ داؤد دے ہاں پُتر ہووے گا، جیہڑا خدا دی ہیکل نوں تعمیر کرے گا، تے جیہڑا یروشلم وِچ اُوس دے تخت تے بیٹھے گا، تے اسرائیل دی قوم ہمیشہ تیکر بنے رہووے گا۔ داؤد نے خدا نوں کہیا،

’’تُو اپنی قوم اِسرائیل نوں مقرر کر دِتا کہ اُو ہمیشہ لئی تیری قوم بنی رہوے تے تُو اَے خداوند اُوہناں دا خدا ہویا۔ تے ہُن اَے خداوند خدا، اپنے اُوس وعدہ نوں ہمیشہ تیکر قائم رکھنا جیہڑا تُو اپنے خادم تے اُوہدے گھرانے دے متعلق کیتا اے تے جیویں تُو کہیا اوویں ای کرنا۔ تاں جے ہمیشہ تیکر تیرے ناں دی عظمت ہووے تے لوکی کہن کہ قادرِ مطلق خداوند اِسرائیل دا خُدا اے! تے تیرے خادم داؤد دا گھرانا تیرے حضُور وچ قائم رہوے! اَے قادرِ مطلق خداوند، اِسرائیل دے خدا، تُو اپنے بندہ تے ظاہر کیتا تے کہیا، میں تیرے لئی اِک خاندان دی بنیاد رکھاں گا۔ لہٰذا تیرے بندہ نوں ہمت ہُوئی کہ تیرے توں ایہہ دعا کرے۔ اَے مالک خداوند، تُو ای خدا اے، تیریاں گلاں قابلِ اعتماد نے تے تُو اپنے بندہ نال ایہنی چنگیاں گلاں دا وعدہ کیتا اے۔ ہُن اپنے بندہ دے گھرانے نوں برکت دینا منظور فرما تاں جے اُو ہمیشہ تیری نظر وچ قائم رہوے۔ کیوں جے اَے قادرِ مطلق خُداوند، تُو فرمایا اے تے تیری برکت نال تیرے بندہ دا گھرنا سدا مبارک رہوے گا‘‘ (2۔ سموئیل 7:24۔29).

داؤد نے خُدا توں اپنے وعدیاں تے قائم رہن لئی دعا منگی تے ایہناں گلاں دے ہو جان لئی دعا منگی۔ بائبل کہندی اے، ’’خُواہ ہر بندہ جھوٹا نکلے، خُدا سچا ای ٹھہرے گا‘‘ (رومیوں 3:4). دورِ حاضرہ دی انگریزی وچ اسی کہہ سکنے آں، ’’ایتھوں تیکر کہ جے ہر بندہ وی جھوٹا ہووے تے وی خُدا سچا ای اے۔‘‘ بائبل کہندی اے ’’خُداوند تہاڈا خُدا ای خُدا اے، اُو وفادار خُدا اے، جیہڑا اُوہدے نال محبت رکھن آلیاں تے اُوہدے احکام مانن آلیاں دی ہزار پُشتاں تیکر اپنی محبت دے عہد نوں قائم رکھدا اے‘‘ (اِستثنا7:9)۔ خُدا اپنے وعدیاں نوں قائم رکھدا اے۔ تُسی خُدا نوں دعا وچ اُوہدے وعدے یاد دِلا سکدے اُو۔ میں ایس موضوع تے اگلے پیغام وچ گل نوں جاری رکھاں گا۔

دعا وچ دلیل تے ترتیب لئی محتاط خیال تے تیاری درکار ہوندی اے۔ خود نوں جیہڑا تُسی حقیقی معناں وچ خُدا توں چاہندے اُو اُوہنوں الگ تھلگ کر کے تیار کرو۔ ایہنوں یقینی بنان لئی احتیاط دے نال سوچو کہ ایس گزارش لئی تہانوں خُدا تے انحصار کرنا چائیدا اے۔ ایس گل تے قائل ہو چُکن دے بعد کہ ایس لوڑ نوں پورا کرن لئی تہانوں خُدا دی لوڑ ہوندی اے، اینج ہونا کیوں ضروری اے ایہدے لئی اپنے خیالات نوں ہدایت دیو۔ کیوں اُو گزارش اہم اے؟ کیوں ایہہ گل اہم اے کہ تہاڈی گزارش نوں ایس ای لمحے منظور ہو جانا چائیدا اے؟ اُوس خیال نوں اپنے باطن وچ اِک بوجھ تے اِک فوری ضرورت بنان دے خیال نوں آن دیو۔ اِک مربوط تے بخشش آلی دلیل دی تعمیر کرن وچ اپنی اِلتجا لئی خواہش تشویشناک ہوندی اے۔ اِک مضبوط دلیل جیہڑی دِل توں نئیں نکلی ہوندی اُوہدے نتیجے دا اِمکان نئیں ہوندا اے۔ اِلتماس نوں ہر نقطۂ نظر نال ویکھنا چائیدا اے۔ اینج دی دعاواں توں پرہیز کرنا ہوندا اے جنہاں دا اِنحصار اُچی واج تے غیر ضروری پڑھائیاں [دہرائی، رٹوں وغیرہ] تے ہوندا اے۔ سوچے سمجھے بِنا اپنی دعاواں نوں مت دہراؤ۔ انتہائی عام دعاؤاں توں پرھیز کرو۔ دعا وچ مخصوص ہوو۔ جیہڑا کُج خُدا نے بائبل وچ کیتا اے اُوہدے حوالے نال اپنی دعاواں منگو۔ جیہڑا کُج خُدا نے تہاڈی حیاتی وچ کیتا اے اُوہدے حوالے نال اپنی دعاواں منگو۔ بار بار اِک ای جئے لفظ دا منتر پڑھن نال ایس گل دا اِمکان نئیں ودھدا کہ خُدا دا ردعمل ظاہر ہو جاوے گا۔ تاہم، ایہدے بجائے مُرتب تے مُدلل دعاواں وچ خُدا دے نال وجہ بیان کرو۔ خُدا توں وجہ بیان کرو۔ خُدا دی صفات لئی گزارش کرو۔ خُدا دی وجودیت لئی دعا منگو۔ خُدا دے وعدیاں لئی اِلتجا کرو۔ خُدا اپنے وعدیاں نوں پورا کرے گا۔ خُدا تہاڈی دعا دے مخلص تے مُرتّب دلائل نوں سُنے گا۔

’’کاش کہ میں جانندا اُو مینوں کیتھے مل سکدا اے! کاش کہ میں اُوس دے مسکن تیکر جا سکدا! میں اپنا حال اُوہدے سامنے بیان کردا تے اپنے مُںہ نال دلائل پیش کردا‘‘ (ایوب 23:3۔4).

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔