دعا تے دعائیہ جلسیاں تے ڈاکٹر لِن دی تعلیمات | Dr. Lin's Teachings on Prayer and Prayer Meetings

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

تبصریاں وِچوں بوہتے سارے صحیح طریقے نال ایس آیت دے نال نئیں نمٹدے نے۔ مثال دے طور تے، اِک معروف تبصرہ کہندا اے، ’’ساری زمین تے عمومی حالت بے اعتقادی وِچوں اِک ہووے گی۔‘‘ لیکن ایہہ نئیں اے جیس دی یسوع ایس حوالے وِچ گل کر رہیا اے۔ ایتھے اُو زمانے دے خاتمے تے عام اِرتداد دے بارے وِچ گل نئیں کر رہیا اے، نا ای یسوع سوال کر رہیا اے کہ آیا جدوں اُو واپس آندا اے تے کی کوئی سچے مسیحی ہون گے۔ درحقیقت، یسوع نے پطرس نوں ایس دا بالکل متضاد کہیا سی،

’’میں ایس چٹان تے اپنی کلیسیا قائم کراں گا تے موت وی اُوہدے تے غالب نا آنے پائے گی‘‘ (متی16: 18)۔

کِھلو جاؤ تے ’’تاج تے تخت شاید فنا ہو جان گے Crowns and Thrones May Perish‘‘ گاؤ! ایہہ گیتاں دی ورق تے نمبر 4 اے، چوتھا بند۔

تخت تے تاج فنا ہو جان گے، سلطنتاں دا عروج و زوال ہوندا اے،
   مگر یسوع غیرمتغیر دی کلیسیا ہمیشہ قائم رہوے گی؛
جہنم دے پھاٹک اُو کدی وی نئیں پا سکدے جیہڑا کلیسیا قائم کردی اے؛
   ساڈے کول خود مسیح دا اپنا وعدہ اے، تے اُو کدی وی نئیں ٹُٹے گا۔
ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو۔
(’’ودھی چلو، مسیحی سپاہیو Onward, Christian Soldiers‘‘ شاعرہ سابین بارنگ گوولڈ Sabine Baring-Gould، 1834۔1924)۔

متی16: 18 سانوں اُو وکھاندی اے، ایس نال کوئی فرق نئیں پیندا کہ کیہنا گہرا تے ہولناک بوہتا وڈا اِرتداد ہو سکدا اے، فیر وی بے شمار مسیحی نجات پان آلے ایمان دے نال موجود ہون گے جدوں مسیح واپس آئے گا۔ بے شمار حقیقی مسیحی بادلاں وِچ یسوع دا اِستقبال کرن دے لئی چُک لہئے جان گے، خصوصی طور تے چین وِچوں تے تیجی دُنیا دے دوجے حصیاں وِچوں، جیتھے اَج کل سچا حیاتِ نو اے۔

’’کیوں جے خداوند خود وڈھی للکار تے مقرب فرشتہ دی واج تے خدا دے نرسنگے دے پھونکے جان دے نال آسمان توں اُترے گا تے اُو سارے جیہڑے مسیح وِچ مر چکے نے زندہ ہو جان گے۔ فیر اَسی جیہڑے زندہ باقی ہون گے اُوہناں دے نال بدلاں تے چُک لہئے جان گے تاکہ ہوا وِچ خداوند دا اِستقبال کریے تے ہمیشہ اُوہدے نال رہیے‘‘ (1۔تسالونیکیوں4: 16۔17)۔

ایتھوں تیکر کہ خود بوہتی وڈی مصیبت دے دِناں وِچ لوکاں دے بوہتے وڈے وڈے اِکٹھ [ہجوم] نجات پان گے۔

’’ہر قوم، قبیلہ، اُمت تے اہلِ زبان دی اِک ایہو جئی وڈھی بھیڑ موجود اے جیس دا شمار کرنا ممکن نئیں‘‘ (مکاشفہ7:9)۔

’’ایہہ اُو لوکی نے جیہڑے بڑی مصیبت وِچوں نکل کے آئے نے۔ اُوہناں نے اپنے جامے برّہ دے لہو وِچ دھو کے سفید کیتے نے‘‘ (مکاشفہ 7:14).

پس، یسوع اپنے آمد تے نجات دلان آلے ایمان دی غیر موجودگی دے بارے وِچ گل نئیں کر رہیا سی، جدوں اُوہنے کہیا،

’’فیر وی جدوں ابنِ آدم آئے گا تے کی اُو زمین تے ایمان پائے گا؟‘‘ (لوقا18: 8)۔

میرے دیرینہ پادری صاحب، ڈاکٹر ٹموتھی لِن Dr. Timothy Lin (1911۔2009) دے کول بائبل دے بارے وِچ بوہتی سمجھ سی۔ اُوہناں نے عبرانی زبان تے ہم جَدّی زبان وِچ پی ایچ ڈی کیتی ہوئی سی۔ 1950 دی دہائی وِچ، باب جونز یونیورسٹی دے گریجوایٹ سکول وِچ، اُوہناں نے درجہ بہ درجہ علم الہٰیات، بائبل دا علم الہٰیات، عبرانی وِچ پرانا عہدنامہ، بائبلی آرامی، کلاسیکل عربی، پیشیتّہ شامی زبان Peshitta Syriac دی تعلیم دِتی سی۔ بعد چہ اُو ڈاکٹر جیمس ہڈسن ٹیلر سوئم Dr. James Hudson Taylor III دی تھاں تے چینی ایونجیلیکل سیمنری دے صدر منتخب ہوئے سن۔

ڈاکٹر لِن نے ساڈی تلاوت دی سچی تاویل یا وضاحت پیش کیتی سی،

’’فیر وی جدوں ابنِ آدم آئے گا تے کی اُو زمین تے ایمان پائے گا؟‘‘ (لوقا18: 8)۔

I۔ پہلی گل، مستقل مزاجی نال دعا منگن دی اہمیت۔

ڈاکٹر ٹموتھی لِن بائبل دے اِک عظیم عالم سن جِنہاں نے بے شمار امریکی سیمنریاں وِچ تعلیم دِتی سی تے تائیوان وِچ اُو چینی ایونجیلیکل سیمنری دے صدر سن۔ اُو نئی امریکی معیاری بائبل (NASB) وِچ پرانے عہدنامے دے ترجماناں وِچوں وی اِک سن۔ ڈاکٹر لِن چوّوی وریاں تیکر میرے پادری صاحب رئے سن۔ میں بِنا کوئی سوال کیتے کہہ سکنا واں، میرے ہُن تیکر دے جانن آلے پادری صاحبان وِچوں ڈاکٹر لِن سب توں بوہتے مؤثر پادری صاحب سن۔ جدوں میں اُوہناں دے گرجا گھر دا رُکن سی تے میں ویکھیا خدا نے اِک حیاتِ نو پیجیا جیس وِچ بے شمار سینکڑوں لوکاں نے نجات پائی سی تے کلیسیا وِچ آئے سن۔ ڈاکٹر لِن نے کہیا،

لفظ ’’ایمان‘‘ نوں بائبل وِچ وسیع طور تے استعمال کیتا جا چکیا اے۔ ایس دے بالکل دُرست معنیاں نوں صرف ایس دے بوہتے محتاط سیاق و سباق دے معائنے دے بعد ای واضح کیتا جا سکدا اے۔ ایس آیت توں پہلاں تلاوت اِک تمثیل اے، جیہڑی وکھاندی اے کہ سانوں سارے ویلے دعا منگدے رہنا چائیدا اے تے دِل چھوٹا نئیں کرنا چائیدا اے [لوقا18:1۔8الف]، جدوں کہ [لوقا18:9۔14] آیت دے بعد دی تلاوت اِک فریسی تے اِک محصول لین آلے دی دعا دی تمثیل اے۔ ایویں، ایس آیت دا سیاق و سباق [لوقا18:8] واضح طور تے نشاندہی کردا اے کہ ایتھے لفظ ’’ایمان‘‘ دعا وچ ایمان لئی حوالہ دیندا اے۔

تے ساڈے خُداوند دا بیان اِک ماتم اے کہ اُوہدی کلیسیا اُوہدی دوجی آمد دی شام دعا وچ ایمان نوں کھو دوے گی (ٹموتھی لِن، پی ایچ۔ ڈی۔ Timothy Lin, Ph.D.، کلیسیا دی نشوونما دا راز The Secret of Church Growth، لاس اینجلز دا پہلا چینی بپٹسٹ گرجا گھر First Chinese Baptist Church of Los Angeles، 1992، صفحات 94۔95)۔

ڈاکٹر لِن نے کہیا کہ لوقا18: 1۔8 وِچ تمثیل دا نکتہ اے کہ مسیحیاں نوں دعا منگدے رہنا چائیدا اے تے دھیمے نئیں پڑھنا چائیدا اے۔ آیت 8 ظاہر کردی اے کہ زمانے دے خاتمے تے، جِنہاں دِناں وِچ اَسی حیاتی لنگہا رئے آں، مسیحیاں دے کول مستقل مزاجی دے نال دعا وِچ ایمان نئیں ہووے گا۔ ایس لئی اَسی تلاوت تے ایہہ کہن دے ذریعے نال تبصرہ کر سکنے آں،

’’فیر وی جدوں ابنِ آدم آئے گا تے کی اُو زمین تے [مستقل مزاجی نال دعا منگن آلیاں وِچ] ایمان پائے گا؟‘‘ (لوقا18: 8)۔

اَج کل دے بے شمار گرجا گھراں دے دعائیہ جلسے دراصل متروکہ نے [یا ہفتے دے وِچکار چہ مطالعۂ بائبل وِچ صرف اِک یا دو چھوٹی جیہئی دعاواں دے نال بدل چکے نے]۔ ایس طرح دی دُکھ بھری حالت دا سامنا کرن دے لئی کافی توں بوہتے گرجا گھراں دی تعداد مکمل طور تے ایس اہم تنبیہہ نوں نظر انداز کر دیندی اے تے تسکین دے لئی اپنی ایس احمقانہ حرکت وِچ [اکثر] سرے توں ای اپنے دعائیہ جلسیاں نوں منسوخ کر دیندے نے۔ ایہہ سچ وِچ [اِک] علامت اے کہ خدا دی دوجی آمد قریب ای اے! اَج کل، بے شمار [گرجا گھر دے اراکین] اپنے خداوند دے مقابلے چہ ٹیلی ویژن دی بوہتی پرستش کردے نے… ایہہ واقعی چہ بوہتی دُکھی کر دین آلی گل اے!... اخیرلے دِناں دے کلیسیائیں دکھاوا… دعائیہ جلسیاں وَل شدید طور تے سرد مہری [دلچسپی دا فقدان] ظاہر کردیاں نے (ٹموٹھی لِن، پی ایچ۔ ڈی۔ Timothy Lin, Ph.D.، ibid.، صفحہ 95)۔

ایویں لوقا18: 8 مسیح دی آمدِ ثانی توں پہلاں کلیسیاواں وِچ دعا دے فقدان دی اِک علامت پیش کردی اے، اُوس زمانے دی اِک علامت جیس وِچ اَسی حیاتی بسر کر رئے آں، دعا دے فقدان دی اِک علامت، ناکہ نجات دلان آلے ایمان دی مکمل کمی۔ کلیسیاواں دے وِچ دعا دا فقدان اُوہناں علامتاں وِچوں اِک اے کہ اَسی ساڈے خداوند دی آمدِ ثانی توں پہلاں، اَخیرلے دِناں وِچ حیاتی لنگہا رئے آں۔

مینوں دعا کرنا سِکھا، خداوندا، مینوں دعا کرنا سِکھا؛
ایہو ای دِن تے رات میرے دِل دی پکار اے؛
میں تیری مرضی تے تیری راہ دا منتظر آں؛
مینوں دعا کرنا سِکھا، خداوندا، مینوں دعا کرنا سِکھا۔
(’’مینوں دعا کرنا سِکھا Teach me to Pray، شاعر البرٹ ایس۔ ریٹسز Albert S. Reitz ، 1879۔ 1966)۔

ڈاکٹر لِن نے ایہہ وی نشاندہی کیتی کہ دعائیہ جلسیاں وِچ، تنہا انفرادی دعا وِچ اُو اِختیار تے قوت نئیں ہوندی جیہڑی اِک اجتماعی دعا وِچ ہوندی اے۔ اُوہناں نے کہیا،

لوکی اکثر کہندے نے کہ ایس توں کوئی فرق نئیں پیندا پاویں تُسی انفرادی دعا منگو یا گروہ دے نال مل کے دعا منگو، نا ای ایس توں کوئی فرق پیندا اے کہ پاویں تُسی گھر چہ تنہا دعا منگو یا گرجا گھر وِچ بھراہواں تے بہناں دے نال اِکٹھے رَل کے دعا منگو۔ ایس قسم دا بیان کیس ایہو جئے دی جیہڑا دعا دی قوت نال واقف نئیں ہوندا اِک قرین قیاس وضاحت یا کاہلی دی بِنا تے محض خود دی اپنی وجۂ تسکین ہوندی اے! ویکھو دعا دے ایس پہلو دے بارے وِچ ساڈا خداوند کی کہندا اے:

’’میں تہانوں فیر کہنا واں کہ جے تُہاڈے وِچوں [گرجا گھر وِچ] دو شخص اتفاق کر کے جو کُج چاہن کہ ہو جائے اُو میرے آسمانی باپ کی طرف سے اُوہناں دے لئی ہو جائے گا۔ کیوں جے جِتھے دو یا تِن [لوکی] میرے ناں تے اِکٹھے ہوندے نے اُوتھے میں اُوہناں دے وِچکار موجود ہونا آں‘‘ (متی18: 19۔20)۔

ہمارا خداوند پُر زور طور تے سانوں یاد دِلا چکیا اے کہ ایس الہٰی اِختیار نال اِستفادہ اِک فرد دی کوشش دے ذریعے توں کدی وی حاصل نئیں ہو سکدا، بلکہ سارے گرجا گھر دے [ذریعے توں] کیتی گئی صرف مجسم کوشش دے ذریعے توں ای ہو سکدا اے۔ دوجے لفظاں وِچ، صرف جدوں… ساری کلیسیا [گرجا گھر] یکجہتی دے نال [دعا منگدی] اے… فیر ای گرجا گھر ایس طرح دا الہٰی اِختیار مؤثر طور تے پا سکدا اے۔
اَخیرلے دِناں دے کلیسیا، تاہم، ایس سچائی دی حقیقت نوں نئیں ویکھ سکدی، نا ای خدا دی قوت [نوں پان] دا دُرست طریقۂ کار حاصل کر سکدی اے۔ ایہہ کیس قدر نقصان دی گل اے! [کلیسیا] دے کول آسمان توں الہٰی اِختیار اے، لیکن ایس نوں گروہی طور تے اِستعمال کرن دی سمجھ نئیں اے، ایس دے باوجود اُو کُچلے ہویاں یا مظلوماں دے لئی تے خدا دی موجودگی دی حقیقت دا مذید ہُور تجربہ کرن دے لئی شیطان دے کماں نوں باندھنا چاہندی اے۔ افسوس، اینج ہو نئیں سکدا! (ٹموتھی لِن، پی ایچ۔ ڈی۔ Timothy Lin, Ph.D.، ibid.، صفحات92۔93)۔

ایس طرح توں، ڈاکٹر لِن نے دعائیہ ایمان دی قطعی اہمیت دی تے گرجا گھر دے دعائیہ جلسیاں دی قطعی اہمیت دی تعلیم دِتی۔ کِھلو جاؤ تے ’’مینوں دعا کرنا سِکھا Teach Me to Pray‘‘ گاؤ۔

مینوں دعا کرنا سِکھا، خداوندا، مینوں دعا کرنا سِکھا؛
ایہو ای دِن تے رات میرے دِل دی پکار اے؛
میں تیری مرضی تے تیری راہ دا منتظر آں؛
مینوں دعا کرنا سِکھا، خداوندا، مینوں دعا کرنا سِکھا۔

III۔ تیجی گل، ’’یکجہتی دے نال یا اِک دِل ہو کے‘‘ دعا منگن دے اہمیت۔

مہربانی نال اعمال1: 14آیت کھولو تے ایس نوں اُوچی واج نال پڑھو۔

ایہہ ساریاں عورتاں تے یسوع دی ماں مریم تے اُوہدے پراہواں دے نال اِک دِل ہو کے دعا تے مناجات وِچ مشغول رہندے سن‘‘ (اعمال1: 14)۔

ایہہ سارے ’’اِک دِل ہو کے دعا تے مناجات وِچ مشغول رہندے سن…‘‘۔ ڈاکٹر لِن نے کہیا،

چینی بائبل ’’اِک دِل ہو کے‘‘ دا ترجمہ ’’اِک ای دِل تے اِک ای ذہن‘‘ دی حیثیت توں کردی اے۔ ایس لئی، خدا دی حضوری نوں پان دے لئی اِک دعائیہ اِجلاس وِچ ناصرف سارے شریک لوکاں نوں دعا دی حقیقت دی اہمیت نوں سمجھنا چائیدا اے، بلکہ اُوہناں نوں [دعائیہ جلسیاں وِچ] پُرخلوص نیت دے نال آنا چائیدا اے… التجاواں، دعاواں تے سفارشاں تے خدا دے لئی اِک دِل ہو کے شکرگزاری نوں پیش کرنا چائیدا اے۔ دعائیہ اِجلاس فیر کامیاب ہووے گا تے دوجی مذھبی خدمات فیر کامیابی نال ہمکنار ہون گئیاں (ٹِموتھی لِن، پی ایچ۔ ڈی۔ Timothy Lin, Ph.D.، ibid.، صفحہ 93۔94)۔

’’اِک دِل ہو کے دعا منگن‘‘ دے لئی سانوں جدوں اِک بھائی دعا وِچ رہمنائی کردا اے تے ’’آمین‘‘ کہنا چائیدا اے۔ جدوں اَسی سارے ’’آمین‘‘ کہنے آں تے اَسی ’’اِک دِل ہو کے‘‘ دعا منگ رئے ہونے آں۔

تُسی دعا وِچ ایمان دی اہمیت تے، گرجا گھر دے دعائیہ اِجلاس دی اہمیت تے، تے اِتحاد دی اہمیت ’’اِک دِل ہو کے دعا منگن‘‘ دے اہمیت تے ڈاکٹر لِن دی تعلیمات نوں سُن چکے اُو۔ ایس دے باوجود اَج دی راتی تہاڈے وِچوں کُج لوکی ساڈے دعائیہ جلسیاں وِچ شریک نئیں ہوندے نے۔ تعجب دی کوئی گل نئیں اے کہ تہاڈی روحانی حیاتی ایس قدر ناگوار اے! کی اَج دی راتی ایتھے کوئی اے جیہڑا کہووے، ’’پادری صاحب، اَج تو میں کم از کم اِک دعائیہ اِجلاس وِچ شرکت کراں گا؟‘‘ مہربانی نال اپنی اَکھاں بند کرو۔ جے تُسی اینج کرو گے تے مہربانی نال اپنا ہتھ اُوچا کرو۔ ہر کوئی مہربانی نال دعا منگے کہ خداوند ایہناں دی ایس وعدے نوں نبھان وِچ مدد کرے! ۰سارے دعا منگو)۔

جے تُسی ہُنے تیکر مسیح وِچ ایمان لہیا کے تبدیل نئیں ہوئے اُو تے میں شدت دے نال اِلتجا کرنا واں کہ گھٹ توں گھٹ ہفتے دی شام دے دعائیہ اِجلاس وِچ ضرور شرکت کرو۔ مہربانی نال اپنی اَکھاں بند کرو۔ کون کہے گا، ’’جی ہاں، پادری صاحب، میں ہر ہفتے دی رات نوں دعائیہ اِجلاس وِچ آنا شروع کر دیاں گا‘‘؟ مہربانی نال اپنا ہتھ اُوچا کرو۔ ہر کوئی اُوہناں دے لئی دعا کرے کہ اُو اپنے وعدے نوں نبھان! (سارے دعا منگو)۔

مسیح تہاڈے گناہواں دی ادائیگی دے لئی صلیب تے قربان ہویا سی۔ اُوہنے تہاڈے گناہواں نوں دھون دے لئی اپنے لہو نوں وگایا سی۔ اُو شدید اذیت وِچوں لنگہیا سی، صلیب تے کِیلاں نال جڑیا گیا سی، ساڈے گناہواں دا کفارہ ادا کرن دے لئی۔ اُو تیجے روز مُردیاں وِچوں جی اُٹھیا سی۔ اُو خدا دے سچے ہتھ تے زندہ بیٹھا اے۔ مسیح دے کول آؤ تے تُسی اپنے گناہواں توں نجات پا لو گے۔

ساڈے وِچوں اَج دی رات کون اے جیہڑا غیر نجات یافتہ اے تے چاہے گا کہ اَسی اُوہدی تبدیلی دے لئی دعا منگیے؟ اپنی اَکھاں فیر توں بند کرو۔ مہربانی نال اپنے ہتھ نوں اُوچا کرو تاکہ اَسی تہاڈی تبدلی دے لئی دعا منگ سکیے۔ ہر کوئی مہربانی نال دعا منگے کہ اُو پانے گناہواں دی توبہ کرن تے مسیح دے کول، اُوہدے لہو وِچ پاک صاف ہون دے لئی آن! (سارے دعا منگو)۔ مہربانی نال کِھلو جاؤ تے حمدوثنا دا گیت نمبر 7 مینوں دعا منگنا سِکھا Teach Me to Pray‘‘ اپنے گیتاں دے ورق وِچوں گاؤ، سارے تِینوں بند!

مینوں دعا کرنا سِکھا، خداوندا، مینوں دعا کرنا سِکھا؛
   ایہو ای دِن تے رات میرے دِل دی پکار اے؛
میں تیری مرضی تے تیری راہ دا منتظر آں؛
   مینوں دعا کرنا سِکھا، خداوندا، مینوں دعا کرنا سِکھا۔

دعا وِچ قوت، خداوندا، دعا وِچ قوت!
   ایتھے گناہ تے دُکھ تے خدشیاں دی زمین وِچ؛
لوکی برگشتہ تے مر رئے نے، لوکی نااُمیدی وِچ نے؛
   ہائے مینوں قوت بخش دے، دعا وِچ قوت!

میری کمزور مرضی نوں، خداوند، تو ای سرے توں نیا کر سکدا اے؛
   میری گناہ توں بھرپور فطرت نوں تو ای کُچل سکنا اے؛
مینوں بالکل ہُنے ای نئی قوت دے نال لبریز کر دے؛
   دعا منگن دی قوت تے عمل کرن دی قوت بخش دے!
(’’مینوں دعا کرنا سِکھا Teach me to Pray، شاعر البرٹ ایس۔ ریٹسز Albert S. Reitz ، 1879۔ 1966)۔

ڈاکٹر چعین Dr. Chan مہربانی نال اَج دی راتی کسی اِک دے وی نجات پان دے لئی دعا وِچ ساڈی رہنمائی فرماؤ۔ جے تُسی اِک حقیقی مسیحی بنن دے بارے چہ ساڈے نال گل بات کرنا چاہندے اُو تے مہربانی نال ڈاکٹر کیگن Dr. Cagan، جان کیگن John Cagan، تے نوح سونگ Noah Song دے پیچھے ہُنے اجتماع گاہ دے پچھلے پاسے ٹُرے آؤ۔ اُو تہانوں اِک پرسکون کمرے وِچ لے جان گے جیتھے اَسی تہاڈے مسیح وِچ ایمان لہیا کے تبدیل ہون دے بارے وِچ گل بات کر سکنے آں تے دعا منگ سکنے آں۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔