یوناہ – خُدا دے حضور توں نٹھیا | Jonah Fleeing from God!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایس حوالے دا مرکزی موضوع اُوہناں لفظاں وچ پنہاں اے، ’’لیکن یوناہ خُدا دے حضور توں تُرسیس ول نسیا‘‘ (یوناہ 1:3). یوناہ خُدا دی فرمانبرداری کرنا نئیں چاہندا سی۔ اُو نینوا دے بے دین شہر وچ جانا تے خوشخبری دا پرچار کرنا نئیں چاہندا سی۔ اُو اپنی حیاتی لئی خُدا دے مقصد توں نٹھ کھلوتا سی۔ اُوہنے خُدا لئی خود نوں وقف نئیں کیتا سی۔ ذاتی طور تے، میں یقین نئیں کردا اُوہنے ہُنے تیکر نجات پائی سی۔ خُدا نے اُوہدے دِل نال کئی وری گل کیتی سی، یوناہ نوں نینوا دے شہر جان تے خوشخبری دا پرچار کرن لئی کہیا سی۔ مگر یوناہ نے خُدا نوں ’’نئیں‘‘ کہیا سی۔ اُو ٹھہرنا چاہندا سی جیتھے اُو اِسرائیل وچ محفوظ سی۔ ایس لئی اُو خُدا دی حضوری وچوں اِک بحری جہاز تے تُرسیس لئی نسیا، اُوس تھاں توں بوہتی دور جیتھے خُدا اُوہنوں چاہندا سی۔

اَج دی سویر تہاڈے وچوں کُج اُوہدے وانگوں نے۔ ایتھے ’’گرجا گھر وچ پروان چڑھے‘‘ کُج بچے نے جیہڑے خُدا دے حضور توں نٹھ رئے نے۔ تُسی ساڈے گرجا گھر وچ ٹکدے اُو کیوں جے تہاڈے ماں پیو ایتھے نے۔ لیکن اپنے دِل وچ تُسی ’’آزاد‘‘ ہونا چاہندے اُو۔ تُسی سوچدے اُو، میں ایس بے راز حیاتی وچ ہمیشہ لئی پھنسنا نئیں چاہنا واں۔ میں نوجوان آں! میں اپنی حیاتی دے نال کُج ہور کرنا چاہنا واں۔ گرجا گھر میرے لئی اِک قید خانے وانگوں اے! مینوں باہر جان دیو!‘‘ تُسی ایہہ گل اُچی اواج نال نئیں کہندے اُو، مگر ایہہ تہاڈے دِل وچ ہوندی اے۔ تُسی واقعی وچ ساری تبلیغ تے دعاؤاں توں ’’آزاد‘‘ ہونا چاہندے اُو۔ تُسی خواہش کردے اُو تُسی یوناہ وانگوں ہو جاؤ!

’’لیکن یوناہ خُدا دے حضور توں تُرسیس ول نسیا‘‘ (یوناہ1:3)۔

آیت تِن نوں اُچی اواج نال پڑھو (لوکی پڑھدے نے)۔

مگر خُدا دے حضور توں نسن وچ کوئی خوشی یا مُسرت نئیں ہوندی اے۔ تُسی کدی وی اُوویں سکون نئیں پاؤ گے۔ یوناہ نوں نئیں مِلیا سی تے نہ ای تہانوں ملے گا۔ اپنے دِل وچ سکون پان لئی واحد راہ اپنے گناہ لئی توبہ کرنا اے، تے ایس کورس نوں اپنے دِل دا مرکزی موضوع بنانا اے،

خُداوندا! میں آ رہیا واں!
میں ہُنے تیرے کول آ رہیا واں!
مینوں دُھو ڈال، مینوں لہو وچ پاک صاف کر ڈال
جیہڑا کلوری تے وگیا سی۔
(’’اے خُداوند میں آ رہیا واں I Am Coming, Lord، شاعر لوئیس ہارٹسو Lewis Hartsough ، 1828۔1919)۔

I۔ پہلی گل، تُسی کدی وی اپنے دِل وچ مطمئن نئیں ہو سکدے جدوں تُسی خُدا توں نٹھ رئے ہوندے اُو۔

مگر خُدا ہُن وی یوناہ نوں بُلا رہیا سی۔ آیت تِن نوں فیر اُچی اواج نال پڑھو،

’’لیکن یوناہ خُدا دے حضور توں تُرسیس ول نسیا‘‘ (یوناہ1:3)۔

یوناہ وانگوں، تہاڈے وچوں کُج پہلاں ای توں خُدا دے حضور توں نٹھ رئے نے۔ تُسی اُوس ویلے لئی پہلاں ای توں اپنے آپ نوں تیار کر رئے اُو جدوں تُسی خُدا دی حضوری نوں چھڈ سکو تے دُنیا وچ اپنی خواہشاں نوں پورا کرن دی تلاش وچ نکل پاؤ۔ مگر خُدا تہانوں آسانی نال جان نئیں دوے گا۔ آیت 4 نوں اُچی اواج نال پڑھو۔

’’اُودوں خُداوند نے سمندر تے اینج دی آندھی بھیجی کہ جہاز دے ٹکڑے ٹکڑے ہو جان دا خطرہ پیدا ہو گیا‘‘ (یوناہ1:4)۔

خُدا نے سمندر وچ تیز آندھی بھیجی، تے جہاز دے ٹکڑے ٹکڑے ہو جان دا خطرہ پیدا ہو گیا سی۔ خُدا یوناہ نوں کی دس رہیا سی؟ خُدا کہہ رہیا سی، ’’واپس آ جا، میرے کول واپس آ جا۔ اُو کر جیہڑا میں کہیا ورنہ تُو کدی وی سکون نئیں پائے گا۔‘‘ اُوس کورس نوں فیر گاؤ،

خُداوندا! میں آ رہیا واں!
میں ہُنے تیرے کول آ رہیا واں!
مینوں دُھو ڈال، مینوں لہو وچ پاک صاف کر ڈال
جیہڑا کلوری تے وگیا سی۔

جے مسیح تے پرہوسا نئیں کردے اُو تے اُوہدے لئی حیاتی بسر نئیں کردے اُو تے تُسی اپنی روح وچ کدی وی سچے طور توں اطمینان محسوس نئیں کر پاؤ گے۔ میں بالکل ہُنے چند اِک اینج دے لوکاں دے بارے وچ سوچ رہیا واں جنہاں نے سوچیا سی کہ اسی غلطی تے سی۔ اُو ناجائز تعلقات پان لئی نٹھ کھلوتے۔ اُوہناں نے سوچیا سی کہ اُو گل اُوہناں نوں خوش کر دوے گی۔ یوناہ وانگوں، اُو خُدا دی حضوری توں نٹھ کھلوتے سی۔ مگر اُو اَج دی سویر بدقسمت تے ناخوش نے! اُوہناں نے سوچیا سی اُو خُدا توں پِچھا چھُڑا لین گے، مگر خُدا اُوہناں دیاں حیاتیاں وچ اِک طاقتور یا قوی آندھی بھیج چُکیا اے تے گناہ دا بپھردا ہویا سمندر قریب قریب اُوہناں دیاں حیاتیاں نوں پہلاں ای توں ٹکڑے ٹکڑے کر چُکیا اے۔ مینوں ڈر اے کہ چھیتی ای اُوہناں دیاں حیاتیاں مکمل طور تے حیاتی دے طوفاناں وچ کُچلی جان گئیاں! بوہتی چھیتی! اوہ، میں کیس قدر چاہنا واں کہ اُوہناں دے دِل خُدا دے روح دے ذریعے نال ٹوٹ چُکے ہون! میں کیس قدر چاہنا واں کہ اُو ٹوٹ چُکے ہون تے گناہ دی سزایابی دے تحت روئے ہون! میں کیس قدر چاہنا واں اُو مکمل طور تے اپنی حیاتیاں نوں مسیح لئی وقف کر چُکے ہون! میں کیس قدر چاہنا واں اُوہناں نے ساڈے کورس نوں شدید گرمجوشی تے سچائی نال گایا ہووے۔ کھلوو تے ایہنوں فیر گاؤ

ہر کوئی اُچی اواج نال دعا منگے کہ خُدا کسی وی دوجے بندے نوں ایویں نسن نہ دوے جیویں اُوہناں لوکاں نے کیتا (دعا)۔ ہر کوئی دعا منگے کہ اُو ہُن وی مسیح وچ ایمان لہیا کے تبدیل ہو جان، ایس توں پہلاں کہ ہمیشہ لئی بوہتی تاخیر ہو جاوے (دعا)۔ ایہہ پہلا نکتہ اے۔ تُسی کدی وی اپنے دِل وچ اِطمینان نئیں پا سکدے جدوں تُسی خُدا توں تے گرجا گھر توں نسن دے بارے وچ سوچ رئے اُو۔ اوہ، اُوس کورس نوں گاؤ؛ جدوں تُسی ایہنوں گاؤ تے دِل نال گاؤ! اُو کرو جو ایہہ کہندا اے، ورنہ تُسی کدی وی اپنے دِل وچ سکون نئیں پاؤ گے۔

II۔ دوجی گل ایہہ اے – جدوں تُسی خُدا دی مرضی نال نٹھ رئے ہوندے اُو تے شیطان تہانوں گہری نیند سُلا دیوے گا!

’’ اُودوں سارے ملاح خوفزدہ ہو گئے تے اپنے اپنے دیوتا نوں پکارن لگے تے جہاز نوں ہلکا کرن دی غرض نال اپنا مال و اِسباب سمندر وِچ سُٹ دِتا۔ لیکن یوناہ جہاز دے اندر پیہا گہری نیندر سو رہیا سی‘‘ (یوناہ1: 5)۔

’’لیکن یوناہ جہاز وِچ تھلے [اِک کمرے وِچ] اندر پیہا سو رہیا سی۔‘‘ اُو کیویں سو سکدا سی جدوں کہ جہاز ٹُوٹے ٹُوٹے ہون آلا سی؟ اُو اِک قدرتی نیندر نئیں سی۔ یقینی طور تے خود شیطان نے یوناہ نوں نیند وِچ مبتلا کیتا سی۔ ویکھو شیطان کیوں سیمسون نوں نیندر وِچ مبتلا کردا اے! اُو اِک مضبوط نوجوان شخص سی، مگر شیطان نے اُوہنوں نیند وِچ سووایا سی، تے دلیلہ نے اُوہدے وال کٹ دِتے – تے فلسطینیاں نے اُوہنوں پھڑ لہیا تے اُوہدیاں اَکھاں کڈ دِتیاں۔

دھیان کرو! شیطان تہانوں نیند وِچ مبتلا کرن دے بعد – اُو تہاڈی روحانی ’’اَکھاں‘‘ ہمیشہ دے لئی کڈ سکدا اے۔ بالکل ایہو ای سیمسون دے نال ہویا سی! یوناہ خدا دے حضور توں نٹھن دے لئی کِھلو گیا سی تے شیطان نے اُوہنوں نیند وِچ مبتلا کر دِتا! آیت چھے نوں سنو،

’’لہٰذا جہاز دے کپتان نے اُوہدے کول جا کے کہیا، تُو کیویں سو سکدا اے؟ اُٹھ تے اپنے خُداوند نوں پکار۔ شاید اُو ساڈی سُنے تے اسی ہلاک نہ ہوئیے‘‘ (یوناہ1:6)۔

جہاز دے کپتان نے کہیا، ’’اپنی نیند توں جاگ! خُدا تون دعا منگ!‘‘ ایتھے کوئی نہ کوئی اَج دی سویر اے جیہنوں جاگن تے خُدا نوں پکارن دی لوڑ اے! دعا کرو کہ اُو جاگ جان تے نجات لئی مسیح دی تلاش کرن! (دعا)۔

یوناہ خُدا توں نٹھ رہیا سی۔ اُو جہاز دے پیندے وچ سویا پیا سی۔ اُو کیویں اینج خوش رہ سکدا سی؟ مطمئین مسیحی ہون لئی صرف اِک ای راہ اے۔

تُسی پیارے سکون دی چاہت کردے رئے اُو،
   تے ایمان دے ودھن لئی چاہت کردے رئے اُو،
تے سنجیدگی نال، شدید گرمجوشی نال دعا منگدے رئے اُو؛
   لیکن تُسی سکون نئیں پا سکدے یا مکمل طور تے برکت نئیں پا سکدے،
جدوں تیکر سب کُج الطار تے نچھاور نہ کر دیو۔
   کی تہاڈا سب کُج قربانی دی الطار تے پیا اے؟
تہاڈے دِل نوں کی روح قابو کردا اے؟
   تُسی صرف برکت پا سکدے اُو تے سکون تے پیارا آرام پا سکدے اُو،
جیویں ای تُسی اُوہنوں اپنا بدن تے جان حوالے کردے اُو۔
   (’’کی تہاڈا سب کُج الطار تے اے؟ Is Your All on the Altar?‘‘ شاعر علیشاہ اے۔ ھوفمین Elisha A. Hoffman، 1839۔1929)۔

کی تہاڈا سب کُج قربانی دی الطار تے پیا اے؟
تہاڈے دِل نوں کی روح قابو کردا اے؟
تُسی صرف برکت پا سکدے اُو تے سکون تے پیارا آرام پا سکدے اُو،
جیویں ای تُسی اُوہنوں اپنا بدن تے جان حوالے کردے اُو۔

III۔ تیجی گل ایہہ اے – تہاڈا گناہ لُکہیا نئیں رئے گا۔

’’تے مُلاحواں نے آپس چہ کہیا، آؤ اسی قُرعہ پائیے تے معلوم کرو کہ ایس آفت لئی کون ذمہ دار اے۔ اُوہناں نے قُرعہ پایا تے قُرعہ یوناہ دے ناں تے نکلیا‘‘ (یوناہ1:7)۔

’’تے قُرعہ یوناہ دے ناں تے نِکلیا۔‘‘ ایہہ اے جیہڑا اخیرلے کھانے [عشائے ربانی] دے موقع تے رونما ہویا سی۔ یسوع نے کہیا، ’’تہاڈے وچوں اِک مینوں دھوکہ دے گا‘‘ (متی 26: 21). شاگرداں وچوں ہر اِک نے کہیا، ’’کی ایہہ میں آں؟‘‘ بالاآخر، ’’قرعہ یہوداہ دے ناں تے نکلیا۔‘‘ اُوہنے کہیا، ’’آقا، کی ایہہ میں آں؟‘‘ یسوع نے اُوہدے تے نظر پائی ’’تے جدوں اُوہنے نوالہ ڈبو لہیا تے اُو اُوہنے یہوداہ نوں دِتا… تے اُوس نوالہ دے بعد شیطان اُوہدے وچ سما گیا‘‘ (یوحنا13:26۔27)۔

’’قُرعہ یوناہ دے ناں تے نکلیا۔‘‘ قرعہ یہوداہ دے ناں تے نکلیا۔ شیطان اُوہدے وچ سما گیا۔ اُو رات وچ باہر نکلیا، بے چین، آوارہ، غیر مطمئین، آسیب زدہ! ایہنوں فیر گاؤ!

’’تے اُوہنے جواب دِتا کہ مینوں چُک کے سمندر وچ سُٹ دیو تے سمندر ساکن ہو جائے گا۔ میں جاننا واں کہ ایہہ وڈا طوفان میری غلطی دے باعث تہاڈے اُتے آیا اے‘‘ (یوناہ 1:12).

اُوہنے اُوہناں نوں کہیا کہ اُوہنوں مار ڈالو۔ یہوداہ نے خود نوں قتل کر لہیا سی۔ یوناہ نے مُلاحواں نوں کہیا کہ اُوہنوں سمندر وچ چُک کے سُٹ دیو تے مار ڈالو۔ جدوں شیطان تہاڈے تے قابو پا لیندا اے، تے تُسی محسوس نئیں کردے کہ حیاتی جین لئی قیمتی اے۔ اُوہناں نے گلوکار پرنس Prince نوں چند اِک دِن قبل لبھیا سی۔ اخبار نے کہ اُو نشہ لین دے باعث مریا سی۔ اِک خاتون جنہاں نوں میں جاننا واں اُوہناں نے ایس قدر زیادہ خُدا دی مزاحمت کیتی سی کہ اُوہناں دا ذہن چٹخ گیا سی۔ اُوہناں نے زہر دی اِک بوتل پیتی تے مر گئی۔ بے شمار لوکی جیہڑے خود نوں مار نئیں پاندے اُوہناں [دے اوسان خطا ہو] ’’چٹخ‘‘ جاندے نے۔ اُو کسی دوجی طرح نال ’’چٹخ‘‘ جاندے نے۔

جدوں شیطان تہاڈے تے قابض ہو جاندا اے، جدوں گناہ تہانوں لبھ لیندا اے، تے تہاڈی اوسان خطا ہو جاندا اے! اوسان خطا ہون [چٹخن] دے بے شمار طریقے نے!

’’کیوں جے گناہ دی مزدوری مَوت اے‘‘ (رومیوں 6:23).

’’یقین جانو کہ تہاڈا گناہ تہانوں پھڑ لے گا‘‘ (گنتی 32:23).

یوناہ کہندا اے، ’’مینوں چُک کے سمندر وچ سُٹ دو‘‘ (یوناہ1:12)۔ اُوہدا گناہ اُوہدے دِل وچ چُبھدا اے۔ اُو سمجھا جاندا اے کہ اُو دو کوڑی دا اے – اِک گنہگار جیہڑا کسی کم دا وی نئیں۔ اوہ، کاش اُوہنے اُو اوتھے اُوہناں لہراں تے ڈِگن توں پہلاں محسوس کیتا ہوندا! کاش اُوہنے بہت پہلاں توبہ کر لی ہوندی – خُدا دے حضور توں نسن توں پہلاں۔ لیکن اُوہنے بوہتا زیادہ انتظار کیتا سی! ہُن یوناہ کہندا اے، ’’مینوں چُک کے سمندر وچ سُٹ دو‘‘ (یوناہ1:12)۔ جدوں تُسی اخیرلی عدالت وچ آندے اُو، تے تُسی اِک وی بہانہ نئیں کر پاؤ گے۔ جدوں خُدا اپنی ریکارڈ دی کتاب وچوں تہاڈے گناہواں نوں پڑھ کے سُنائے گا تے تہاڈے کول کوئی بہانا نئیں ہوئے گا۔ کوئی وی گمراہ گنہگار اِک وی بہانہ نئیں کر پائے گا۔ اُو اپنے جرم دا اقرار کرن گے۔ ’’مینوں سمندر وچ سُٹ دو‘‘– میں قصوروار آں!‘‘ مینوں جہنم وچ سُٹ دو! میں ایہدا مستحق آں!‘‘ اوہ خُدایا! سانوں دعا منگنی چائیدی اے کہ تُسی ہُنے توبہ کرو گے! جہنم وچ بوہتی تاخیر ہو جائے گی! اسی تہاڈے لئی دعا منگ رئے آں کہ ہُنے توبہ کرو! اپنے گناہواں دا اقرار وی کر لو – ورنہ تہانوں اُوہناں دی ادائیگی جہنم وچ کرنی پئے گی! اپنے گناہواں دا اقرار ہُنے کرو، ورنہ تُسی اُوہناں دا اقرار جہنم وچ آنسو وگاندے ہوئے، ماتم کردے ہوئے تے دند پیسدے ہوئے کرو گے! ایہنوں گاؤ!

IV۔ چوتھا نکتہ ایہہ اے – تہاڈے گمراہ بیلی تہاڈی مدد نئیں کر سکدے!

’’فیر وی ملاح اپنی پوری کوشش نال کنارے ول [اُوس جہاز نوں] کھیلن لگے لیکن اُو اینج نئیں کر سکدے کیوں جے سمندر پہلاں توں وی زیادہ اُوہناں دے خلاف موجزن ہوندا جا رہیا سی‘‘ (یوناہ 1:13).

’’فیر وی ملاح اپنی پوری کوشش نال کنارے ول اُوس جہاز نوں کھیلن لگے۔‘‘ اُو ملاح یوناہ دے ’’بیلی‘‘ سن۔ اُوہناں نے اُوہنوں بچان دی کوشش کیتی سی۔ اُوہناں نے اپنی پوری کوشش کیتی سی کہ یوناہ نوں سزا توں بچا لین۔ اُوہناں نے اپنی ساری قوت دے نال کم کیتا سی کہ یوناہ نوں خُدا دے ہتھاں وچ پین توں بچا لین۔

میں تہانوں کہنا اے – تہاڈے گمراہ بیلی تہانوں بچا نئیں سکدے! اُو تہاڈی مدد نئیں کر سکدے! اُوہناں وچوں نکل کے الگ ہوو، ورنہ تُسی تھلے کھِچ لیے جاؤ گے!

’’لہٰذا خدا خُود فرماندا اے کہ اُوہناں وچوں نکل کے الگ رہو … تے میں تہاڈا پیو ہوواں گا‘‘ (2۔ کرنتھیوں 6:17۔18).

انجیلی بشارت دا پرچار کرن آلے اِک نئے تبصرہ نگار نے کہیا ایہہ نجات پان لئی کوئی بُلاہٹ نئیں اے! اُو کی جانندا اے؟ اُو سارا ویلہ اپنی مطالعہ گاہ وچ بیٹھدا اے۔ اُو کدی وی تفتیشی کمرے وچ گنہگاراں نوں سُنن وچ ویلہ صرف نئیں کردا اے۔ ایہہ سب اُوہدے لئی زبانی کلامی اے۔ لیکن جے تُسی لوکاں دے نال اُو، اُوہناں نوں سُن رئے اُو – اُودوں تُسی جان جاؤ گے کہ مسیح وچ ایمان لہیا کے لوکاں دا تبدیل ہونا کیس قدر حقیقی طور تے رونما ہوندا اے!

’’لہٰذا خدا خُود فرماندا اے کہ اُوہناں وچوں نکل کے الگ رہو … تے میں تہاڈا پیو ہوواں گا‘‘ (2۔ کرنتھیوں 6:17۔18).

گمراہ لوکی تہاڈی مدد نئیں کر سکدے! بائبل کہندی اے،

’’جیہڑا کوئی دُنیا دا بیلی بننا چاہندا اے اُو اپنے آپ نوں خدا دا دشمن بناندا اے‘‘ (یعقوب 4:4).

کسی اِک لئی دعا منگو کہ اُو اپنے گمراہ بیلیاں نوں چھڈ دے ایس توں پہلاں کہ اُو اندر کھِچ لیے جان۔ (دعا)۔

تہانوں اپنے گناہواں دا اقرار کرنا ہوندا اے، ورنہ تُسی وی اندر کھِچ لیے جاؤ گے جیویں یوناہ سی! تُسی یا تے اپنے گناہواں دا اقرار کر لو – ورنہ تُسی خُدا دی سزا دے ذریعے نال اندر کھِچ لیے جاؤ گے! تہاڈے لئی ایہہ کی ہووے گا؟ مسیح دا لہو مہیا اے۔ مگر اُوہدا لہو اُوس گناہ نوں پاک صاف نئیں کرے گا جیہدا اقرار نئیں کیتا گیا۔

’’لیکن جے اسی اپنے گناہواں دا اِقرار کرو تے اُو جیہڑا سچا تے عادل اے، ساڈے گناہ معاف کر کے سانوں ساری ناراستی توں پاک کر دے گا‘‘ (1۔یوحنا 1:9).

اپنے گناہواں نوں قبول کرو۔ اُوہناں نوں باہر کڈو! اُوہدا خُدا دے سامنے اقرار کرو! اپنے گناہواں نوں قربانی دی الطار تے نکال باہر کرو!

توبہ کرو تے یسوع تے پرہوسا کرو! صرف اُودوں ای اُو تہانوں اپنے لہو دے وسیلے نال جیہڑا اُوہنے تہاڈے لئی صلیب تے وگایا سارے گناہ توں پاک صاف کر پائے گا! اُوس کورس نوں فیر گاؤ!

جے تُسی اپنے گناہواں دا اقرار کرن تے مسیح تے پرہوسا کرن لئی تیار اُو تے اپنی نشست چھڈو تے ڈاکٹر کیگنDr. Cagan، جان کیگن John Cagan، تے نوح سونگ Noah Song دے پِچھے ہُنے اجتماع گاہ دی پچھلے پاسے ٹُر جاؤ۔ اُو تہانوں اِک پُرسکون کمرے وچ لے جان گے جیتھے اسی گل بات کر سکنے آں تے دعا منگ سکنے آں۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

یوناہ – خُدا دے حضور توں نٹھیا!