ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

حال ای وِچ میں دو نوجوان لوکاں نوں کہندے سُنیا کہ مینوں 25 وریاں پہلاں جیس بوہتی وڈی تقسیم یا پھوٹ توں ساڈا گرجا گھر لنگہیا اُوہدے بارے چہ گلاں کرن توں مُڑ جانا چائیدا اے۔ اُوہناں نے کہیا کہ مینوں مستقبل تے گلاں کرنی چائیدیاں نے تے اُوہناں ہولناک گلاں دے بارے چہ جِنہاں توں ساڈے لوکی ماضی وِچ لنگہے گل نئیں کرنی چائیدی۔ ہُن میں ہمیشہ تنقیداں نوں سُننا واں، خصوصی طور تے بیلیاں وَلوں تنقیداں نوں۔ تے ایہہ نوجوان لوکی میرے بیلی نے۔ لیکن اُو بلکل ای غلط نے! مکمل طور تے غلط! درحقیقت میں صحیح طور تے گرجا گھر دی اُوس ہولناک پھوٹ تے منادی کر ای نئیں پایا۔ تے خدا نے میرے تے ظاہر کیتا کہ مینوں ایس تے فیر توں تے بار بار تبلیغ کرنی چائیدی اے – جدوں تیکر کہ ایس دا پیغام تہاڈے دِلاں وِچ گھر نہ کر جائے تے تہاڈی حیاتی نوں بدل نہ ڈالے! تے فیر مینوں ایس دی ایس توں وی بوہتی منادی کرنی چائیدی اے! جی ہاں، بوہتی ہور بوہتی تے بوہتی ساری – دوبارہ تے بار بار!

کہانی سادہ جئی اے۔ ماضی وِچ اُوس ویلے ساڈے کول تقریباً 500 توں زیادہ لوکی سن۔ لیکن ساڈے گرجا گھر دا اِک مخصوص ’’رہنما سی جیہڑا کہندا سی میں انتہائی منفی سی۔ اُوہنے کہیا میں لوکاں نوں بوہتی زیادہ ای تقاضا کرنا واں۔

اُوہنے مینوں جابر تے آمر کہیا کیوں جے میں اُو تبلیغ کردا سی جیس دی منادی مسیح نے کیتی سی – ’’جیہڑا کوئی اپنی صلیب چُک کے میرے پِچھے نئیں ہوندا اُو میرا شاگرد نئیں ہو سکدا‘‘ (لوقا14:27)۔ تے ایویں چار سو لوکاں نے ساڈے گرجا گھر نوں چھڈ دِتا، اِک ’’آسان‘‘ حیاتی پان دے لئی۔ اُوہدے نال کی ہویا؟ خوب، اُو ’’سابقہ رہنما‘‘ اُوہناں وِچوں تقریباً صرف چودہ یا پندرہ لوکاں نوں اپنے اُوس ’’آسان‘‘ اِتوار دی – سویر – صرف تھوڑے ای جئے گرجا گھر وِچ رکھ پایا۔ باقی لوکی ہوا وِچ تِتر بِتر ہو گئے۔ اُوہناں وِچوں کوئی وی کدی وی فتح یاب مسیحی نا بن پایا یا خدا دے لئی کوئی بوہتا کم نئیں کر پایا۔ اُوہناں دی روحانی حیاتی خشک ہو گئی تے اُو خزان دے پتے وانگوں اُڑا دِتے گئے۔ مسیح نے کہیا، ’’جیہڑا کوئی ہل تے ہتھ رکھ کے پِچھے نوں ویکھدا اے اُو خدا دی بادشاہی دے لائق نئیں اے‘‘ (9:62)۔

جی ہاں، میں ’’اُوہناں 39‘‘ لوکاں تے منادی کرن لگا واں جِنہاں نے ایس عمارت نوں بچایا۔ میں اُوہناں چار سو لوکاں تے منادی کرن جا ریا آں جِنہاں نے گرجا گھر نوں چھڈیا تے دُنیا چہ واپس ٹُر گئے! جی ہاں، میں [منادی] کرن جا رہیا آں! گرجا گھر وِچ پروان چڑھے کُج باغی بچے تے پرانی غلطیاں دہران آلے کہندے نے، ’’اُو کینسر چہ مبتلا اِک وڈیرا بندہ اے ہُور اُو کُج بوہتا نئیں کہئے گا۔‘‘ ایس مغالطے وِچ نہ رہنا! میں ہُنے مریا نئیں آں! تے میں ایہنا ای اَج دی سویر ماڑا جیہا وی اینٹی نو میئین اِزم antinomianism تے نئی کمزور انجیلی بشارت دی تعلیم دے پرچار توں نفرت کرنا واں جِنہا چالی ورے پہلاں کردا سی! جی ہاں، نفرت ای درست لفظ اے۔ میں ایہدے نال نفرت کرنا واں! نفرت – نفرت! اِک بوہتی وڈی جئی نفرت، کیوں جے خود مسیح ایہدے نال نفرت کردا سی! بائبل کہندی اے، ’’برائی نال نفرت کرو، تے اچھائی نال محبت‘‘ (عاموس5:15)۔

مسیح نے اُوہناں کمزور، اینٹی نومیئین، نئی انجیلی بشارت دی تعلیم دا پرچار کرنے آلے سُست لودیکیہ دے لوکاں نوں کہیا – ایہہ اے جیہڑا مسیح کہندا اے، ’’میں تینوں اپنے مُنہ توں اُگل دیاں گا‘‘ (مکاشفہ 3:16)۔ جی ہاں! میں اپنے مُنہ توں باہر تیری اُلٹی کر دیاں گا‘‘ (رائری Ryrie، NASV مارجن)۔ میں تیرے قے کر دیاں گا! میں تیری قے کر دیاں گا! میں تیری اُلٹی کر دیاں گا، میں تینوں تھوک دیاں گا، اُگل دیاں گا – اپنے مُوہوں باہر!‘‘ اُوس آیت دے بارے وچ ڈاکٹر چارلس سی۔ رائری Dr. Charles C. Ryrie نے کہیا، ’’اُو نیم گرم یا غیرجانبدار یا مفاہمانہ… کلیسیا خُداوند توں گِھن کردی اے، تے اپنے مقصد لئی نقصان دا باعث ہوندی اے‘‘ (رائری مطالعۂ بائبل Ryrie Study Bible؛ مکاشفہ3:16 تے غور طلب گل)۔

لودیکیہ دے نیم گرم لوکاں لئی علاج کی اے؟ انجیلی بشارت دی نئی تعلیم دی کاہلی تے بغاوت لئی علاج کی اے؟ علاج ایتھے ای ساڈی تلاوت وچ ای موجود اے:

’’خُدا دی بادشاہی وچ داخل ہون لئی سانوں بہتیریاں مصیبتاں دا سامنا کرنا لازم اے‘‘(اعمال14:22).

پولوس رسول تے اُوہدا معاون برنباس لُسترہ، اکُنیم تے انطاکیہ لئی واپس لوٹے۔ اُو اوتھے اُوہناں شہراں وچ واپس اُوہناں نئے مسیحیاں نوں تعلیم دین لئی گئے سن۔ ڈاکٹر تھامس ھیل Dr. Thomas Hale نے ایہہ رائے پیش کیتی۔ اُوہناں نے کہیا،

     اِک تھاں تے صرف اِک ای وری خوشخبری دی منادی کر دینا کافی نئیں ہوندا اے۔ اُوہناں نئے ایمانداراں نوں تعلیم دینا تے اُوہناں نوں ایمان وچ قائم رکھنا وی ضروری ہوندا اے۔ تے ایہی سی جیہڑا پولوس تے برنباس نے کیتا۔ اُوہناں نے [مسیح وچ ایمان لہیا کے تبدیل ہون آلے نئے] لوکاں نوں خبردار کیتا کہ خُدا دی بادشاہی وچ داخل ہون لئی اُوہناں نوں مشکلات نوں برداشت کرنا پئے گا۔ جے اُو مسیح دی وراثت وچ رفیق ہونا چاہندے نے تے اُوہناں نوں اُوہدے لئی مصیبتاں وی برداشت کرنی چائیدیاں نے (تھامس ھیل، ایم۔ڈی۔ Thomas Hale, M.D.، نئے عہد نامے تے لاگو تبصرہ The Applied New Testament Commentary، چیریعٹ وِکٹر اشاعتی گھر Chariot Victor Publishing، 1997؛ اعمال14:22 تے غور طلب گل)۔

آیت 23 تے اپنے تبصرے وچ، ڈاکٹر ھیل نے نشاندہی کیتی کہ اُو سارے لوکی جنہاں نوں پولوس تے برنباس نے تعلیم دِتی سی نئے مسیحی سن۔ اُوہناں نے کہیا ایتھوں تیکر کہ اُوہناں کلیسیاواں وچ ’’وڈھیرے‘‘ خود نئے ایمانداراں وچوں سن‘‘ (ibid.، آیت23)۔ پولوس تے برنباس نے ایہناں نئے نویلے مسیحیاں نوں تعلیم دِتی سی کہ ’’خدا دی بادشاہی وچ داخل ہون لئی سانوں بہتیریاں مصیبتاں دا سامنا کرنا لازم اے‘‘ (اعمال 14:22). میتھیو ھنریMathew Henry دا تبصرہ کہندا اے، ’’نا صرف اُوہناں نوں ای چائیدا اے، بلکہ سانوں وی چائیدا اے: ایس گل نوں شمار کر دِتا جانا چائیدا اے کہ اُو سارے لوکی جیہڑے آسمان وچ جان گے اُوہناں نوں بوہتی زیادہ مصیبتاں تے اذیتاں دی توقع رکھنی چائیدی اے… کوئی سوچے گا ایہہ تے اُوہناں لئی دھلا دین آلی گل ہووے گی، تے اُوہناں نوں خستہ حال کر دوے گی۔ جی نئیں… ایہہ اُوہناں نوں مُستحکم ہون وچ مدد دوے گی، تے اُوہناں نوں مسیح لئی قائم کر دوے گی… ’اُو سارے جیہڑے مسیح یسوع وچ دیندار حیاتی بسر کرن گے اذیتاں برداشت [کرن گے]‘… اُو سارے جیہڑے مسیح دے شاگرد ہونا چاہندے نے اپنی صلیب چُکی چائیدی اے‘‘ (ساری بائبل تے میتھیو ھنری دا تبصرہMathew Henry’s Commentary on the Whole Bible؛ اعمال14:22 تے غور طلب گل)۔

یسوع، میں اپنی صلیب چُک لئی اے، سب کُج چھڈن تے تیری پیروی کرن لئی؛
   مفلس تے حقیر جانیا گیا، اکیلا چھڈیا گیا، ہُن توں تیرے تے ای میرا آسرا اے؛
ہر مہربان آرزو مر چکی اے، اُو تمام جیہدی میں کوشش کیتی تے اُمید کیتی تے جانیا؛
   ایس دے باوجود میری حالت کِنّی مالدار اے، خُدا تے آسمان ہُنے تیکر میرے اپنے نے!
(’’یسوع، میں اپنی صلیب چُک لئی اے Jesus, I My Cross Have Taken‘‘ شاعر ھنری ایف۔ لائٹ Henry F. Lyte، 1793۔1847)۔

’’خُدا دی بادشاہی وچ داخل ہون لئی سانوں بہتیریاں مصیبتاں دا سامنا کرنا لازم اے‘‘ (اعمال14:22).

I۔ پہلی گل، مسیح وچ ایمان لہیا کے تبدیل ہون دی بہتیریاں مصیبتیں۔

تلاوت ایہدے بارے وچ دسدی اے، ’’خُدا دی بادشاہی وچ داخل ہون لئی سانوں بہتیریاں مصیبتاں دا سامنا کرنا لازم اے۔‘‘ اُو یونانی لفظ جیہنے بہتیریاں مصیبتاں tribulation‘‘ دا ترجمہ کیتا ’’تھلِپسسthlipsis‘‘ اے۔ ایہدا مطلب ہوندا اے ’’دباؤ، ذہنی اذیت، بوجھل، اِنتشار انگیز‘‘ (Strong)۔ بائبل وچ مسیح تے ایمان لہیا کے تبدیل ہون آلے اُوہناں عظیم مثالی لوکاں دے بارے وچ سوچو۔ یعقوب دی تبدیلی اُوہناں وچوں اِک اے۔

’’یعقوب کلَّا رہ گیا تے اِک بندہ پوپھٹن تیکر اُوہدے نال کُشتی لڑدا رہیا۔ جدوں اُوس بندے نے ویکھیا کہ اُو یعقوب تے غالب نئیں آ سکدا تے اُوہنے یعقوب دی ران دے جوڑ نوں اینج چھُویا کہ اُوس بندے نال کُشتی لڑدے لڑدے اُوہدی نس چڑھ گئی‘‘ (پیدائش 32:24، 25).

اُو بندہ جیہنے یعقوب نال کشتی لڑی سی خُدا دا پُتر سی، تے یعقوب نے کہیا، ’’میں خُدا نوں روبرو ویکھیا تے وی میری جان سلامت رئی۔ تے جدوں اُو فنی ایل توں ٹُریا تے سورج نکل چُکیا سی تے اُو اپنی ران دی وجہ نال [لنگڑا کے ٹُر رہیا سی،NASV]‘‘ (پیدائش32:30، 31)۔ اپنی باقی دی عمر یعقوب لنگڑا کے ٹُردا رہیا کیوں جے اُو اپنے مسیح وچ ایمان لہیا کے تبدیل ہون آلی رات نوں زخمی ہویا سی، جدوں اُوہدا ناں یعقوب توں اسرائیل وچ بدل گیا سی ’’جیہدا مطلب ہوندا اے ’ایہہ خُدا دے نال لڑدا اے‘‘‘ (رائری مطالعہ بائبل Ryrie Study Bible)۔ ماضی وچ خود اپنے مسیح وچ ایمان لہیا کے تبدیل ہون دے بارے وچ سوچو۔ کی تُسی خُدا دے نال نئیں لڑے سی؟ کی تہاڈے مسیح تے پرہوسا کرن توں پہلاں کوئی جدوجہد نئیں ہوئی سی؟

فیر پولوس دی مسیح وِچ ایمان لہیان دی تبدیلی تے غور کرو۔ اُوہدا مسیح دے نال سامنا ہویا سی جِنہے کہیا، ’’تیرے لئی ستانا مشکل ہوندا جا رہیا اے [تو مینوں کیوں ستا رہیا اے]‘‘ (اعمال9:5) ڈاکٹر ھنری ایم مورس Dr. Henry M. Morris نے کہیا اُو ’’اِک اڑیل جانور وانگوں پیش آ رہیا سی، جیہڑا اپنی لگام وِچ چُبھن دی وجہ توں درد دے خلاف بغاوت کر رہیا سی‘‘ (دفاع کرنے والوں کا مطالعۂ بائبل The Defender’s Study Bible)۔ ’’تے اُوہنے کپکپاندیاں ہویاں تے حیرت نال کہیا، خداوند، توں کی چاہنا اے کہ میں کراں؟‘‘ (اعمال9:6)۔ فیر پولوس نے اپنے مسیح وِچ ایمان لہیا کے تبدیل ہون توں پہلاں تِن دِن اَنّے پن تے روزہ رکھن وِچ لنگہائے (اعمال17:9)۔

فیر مسیحی تاریخ دے بوہتی وڈے وڈے لوکاں دے مسیح وِچ ایمان لہیا کے تبدیل ہون دے بارے وِچ پڑھو – آگسٹینAugustine دے بارے چہ، لوتھرLuther، بنعینBunyan، وائٹ فیلڈWhitefield، ویزلیWesley، سپرجیئنSpurgeon دے بارے چہ پڑھو۔ اُو سب تے سب گناہ دے بوجھ نال دبے تے شدید گہری پریشانی وِچ بوہتی وڈی مصیبتاں، ذہنی اذیتاں، بوجھل پن تے اِنتشار انگیزی وِچوں لنگہے سن – اُوہناں دے نجات دہندہ تے ایمان لہیان توں پہلاں۔ کی تُسی سوچدے اُو تُسی گھٹ توں گھٹ کم دباؤ دے کُج احساس، ذہنی اذیت تے تہاڈے گناہ دے لئی بوجھ دے بغیر واقعی چہ مسیح وِچ ایمان لہیا کے تبدیل ہو سکدے اُو؟ تُسی اِک غلط فیصلہ کر سکدے اُو۔ لیکن کوئی وی بندہ گناہ دی سزایابی دے بغیر سچے طور تے مسیح وِچ ایمان لہیا کے تبدیل نئیں ہوندا۔ شیطان کُج لوکاں نوں کہندا اے کہ اُو کمزور ہوندے نے جے اُو اَتھرو وگاندے نے۔ ایس لئی اُو ’’مردانہ پن‘‘ چہ سزایابی دی مزاحمت کردے نے۔ اُو مردانہ پن نئیں ہوندا! اُو اِک احمق دی خودسری ہوندی اے – جیہڑٓا خدا دے روح دی مزاحمت کر رہیا ہوندا اے! مسیح نال مزاحمت کر رہیا ہوندا اے جیہڑا اُوہنوں بچان دے لئی سولی تے قربان ہو گیا سی۔ کی تُسی کدی اپنے گناہواں دے لئی اَتھرو وگائے؟ ’’تُسی میرے کولوں اینج کدی وی نئیں کروا پاؤ گے،‘‘ اُو کہندا اے۔ ’’تُسی مینوں کمزور نئیں بنا پاؤ گے۔ میں کوئی ماڑی جئی گل تے رون آلا بندہ نئیں آں!‘‘ اُو شیخی ماردا اے۔ میں کہنا واں تُسی ابلیس دے مقابلے چہ کوئی بہتر نئیں اُو – جیہڑا خدائے قادرِمطلق دے اَگے جُھکن توں انکار کردے اُو۔ اِک بندہ جیہڑا اپنے گناہواں تے اَتھرو بہان توں خوفزدہ ہوندا اے دِل توں بزدل ہوندا اے۔ یعنی کہ اُو ’’he-man‘‘ نئیں ہوندا۔ یعنی کہ اُو ’’macho-man‘‘ نئیں ہوندا۔ اُو اِک روندھو بزدل ہوندا اے جیہڑا خدائے قادرِ مطلق دے اَگے اپنے گناہواں دا اعتراف کرن توں خوفزدہ ہوندا اے!

’’خُدا دی بادشاہی وچ داخل ہون لئی سانوں بہتیریاں مصیبتاں دا سامنا کرنا لازم اے‘‘ (اعمال14:22).

II۔ دوجی گل، تقدیس و تحریم دی بوہتی مصیبتاں۔

صرف مسیح وِچ ایمان لہیا کے تبدیل ہون دے ویلے ای بوہتی ساری مصیبتاں نئیں ہوندیاں نے – اِک پکا مسیحی بنن دے لئی وی بوہتی ساریاں مصیبتاں ہوندیاں نے۔ پولوس رسول نے کہیا،

’’مصیبت توں صبر پیدا ہوندا اے۔ تے صبر توں مستقل مزاجی تے مستقل مزاجی توں اُمید پیدا ہوندی اے۔ ایہو جئی اُمید سانوں مایوس نئیں کردی کیوں جے جیہڑٓا پاک روح سانوں بخشا گیا اے اُوہدے وسیلہ توں خدا دی محبت ساڈے دِلاں وِچ پائی گئی اے‘‘ (رومیوں 5:3۔5).

میں مسیح دے لہو تے جان میک آرتھر John MacArthur دے نال متفق نئیں ہونا آں۔ اُو اُوس اہم موضوع تے شدید غلطی تے نے! لیکن رومیوں 5:3 - 5 تے اُوہناں دے تبصرے وِچ اُو بالکل دُرست نے۔ اُوہناں نے کہیا، ’’بوہتیاں مصیبتاں، دباؤ دے لئی اِک لفظ دا استعمال، بالکل اُوس شکنجے وانگوں جیہڑا انگوراں یا زیتوناں وِچوں رس نچوڑدا اے۔ ایتھے اُو حیاتی بسر کرن دے عام دباؤ نئیں ہوندے، بلکہ اُو ناگزیر مشکلات ہوندیاں نے جیہڑیاں مسیح دے پیروکاراں تے آندیاں نے… ایہو جئی دشواریاں زرخیز روحانی فوائد پیدا کردیاں نے… صبر، ایہہ لفظ برداشت دی نشاندہی کردا اے، ہار مانے بغیر شدید وزن تے دباؤ دے ہیٹاں رہن دی صلاحیت… جیہڑیاں اُو مشکلاں پیدا کردیاں نے اُوہناں دی وجہ توں مسیحی بوہتی مصیبتاں وِچ جلال پاندے نے‘‘ (میک آرتھر مطالعۂ بائبل The MacArthur Study Bible)۔

اَسی بوہتی مصیبتاں، ذہنی دباؤ تے آزمائشاں تے صدمیاں توں لنگ کے مضبوط مسیحی بننے آں۔ جدوں میں اُوہناں دو نوجواناں نوں کہندے سُنیا کہ مینوں اولیواسOlivas آلی تقسیم دے گل نئیں کرنی چائیدی اے، میں جان گیا ایہہ شیطان دی واج سی جیہڑی اُوہناں دے ذہناں وِچ پائی گئی سی۔ میں جانندا سی اُو بالکل غلطی تے سن تے ایس گل نے اُوس ہولناک آزمائش دے بارے وِچ جیس توں ساڈے وفادار لوکی ایس گرجا گھر نوں بچان دے لئی لنگے پہلاں دے مقابلے وِچ میرا ہور زیادہ منادی کرن دے لئی اِرادہ بوہتا پختہ کر دِتا۔ تُسی کیویں کدی وی اِک پختہ مسیحی بنن دے لئی اُمید کر سکدے اُو جے تُسی آپئی اُوہناں آزمائشاں وِچوں لنگہن توں اِنکار کر دیندے اُو؟ اَسی اُوہناں لوکاں نوں جِنہاں نے ساڈے گرجا گھر نوں بچایا ’’اُو 39‘‘ کہنے آں۔ تقریباً 39 لوکاں نے مصیبتاں برداشت کیتیاں تاکہ تُسی ایس گرجا گھر دی عمدہ عمارت نوں پا سکو۔ اُوہناں نے تہاڈے لئی اپنی حیاتیاں قربان کر دِتیاں۔ تُسی اُوہناں دے بارے چہ مینوں گل نہ کرن دا کہن دی جرأت کیویں کر سکدے اُو؟ تہاڈی ہمت کیویں ہوئی! تُسی کدی وی خدا دے لئی کوئی قربانی نئیں دِتی! کوئی تعجب دے گل نئیں خدا تہانوں حقیقی نئیں لگدا! کوئی تعجب دی گل نئیں تُسی اپنے بارے چہ بُرا محسوس کردے اُو، تے اپنا جوش تے ایمان کھو چکے اُو! تہانوں ’’اُوہناں39‘‘ دی ای وانگوں اِخ چنگا مسیحی بنن دے لئی بوہتی مصیبتاں وِچوں لنگنا پئے گا۔ تُسی کیہڑیاں مصیبتاں وِچوں لنگ چکے اُو؟ کوئی وی نئیں! تُسی ایس گل دا فائدہ چُکدے اُو کہ تہاڈے لئی ہر اِک شے مہیا ہو جاندی اے! جے تُسی آزمائشاں تے سولی نوں برداشت کرن تے قربانیاں وِچوں لنگن توں انکار کردے اُو تے تُسی کدی وی اِک پختہ مسیحی نئیں بن سکدے۔ تُسی کدی وی اِک چنگے مسیحی نئیں بن سکدے جے تُسی یسوع مسیح دے لئی اپنی حیاتی نوں قربان کرن دے لئی انکار کردے اُو!

تہاڈے وِچوں کُج نے ایس واعظ نوں پسند نئیں کیتا سی جیس دی پچھلی راتی میری حیاتی دے بارے وِچ ڈٓاکٹر کیگن نے منادی کیتی سی۔ تہاڈے وِچوں کُج نے سوچیا سی اُو انتہائی منفی واعظ سی۔ ’’کیہڑا اے جیہڑا ایہناں حالاتاں توں لنگنا چاہے گا؟‘‘ تُسی سوچیا سی۔ بہت خوب، میں تہانوں دسنا آں، جے میں اُوہناں سارے حالات وِچوں نہ لنگیا ہوندا تے اَج دی سویرے گرجا گھر دی کوئی وی عمارت نہ ہوندی! جے میں اُوہناں سارے حالات وِچوں نہ لنگیا ہوندا تے تُسی وی ایتھے نا ہوندے! تُسی ’’گرجا گھر وِچ پرورش پائے ہوئے بچوں‘‘ ایتھے نہ ہوندے!ایتھوں تیکر کہ تُسی وجود ای نا رکھدے جے میں اُوس سارے حالات وِچوں نا لنگیا ہوندا! میں تہاڈے والدین دی مسیح دے لئی رہنمائی کیتی سی۔ میں اُوہناں دیاں شادیاں کرایاں سن۔ میں نے گرجا گھر دی اِک جہنمی پھوٹ وِچوں نگہبانی کیتی سی۔ تُسی گرجا گھر وِچ پروان چڑھے بچو تُسی تے ایتھوں تیکر کہ جیوندے وی نہ ہوندے جے میں اُوس سارے درد تے تکلیف وِچوں نہ لنگیا ہوندا!

گرجا گھر وِچ پرورش پائے بچیاں وِچوں صرف اِک بچے نے مینوں میری 75 ویں سالگرہ تے سالگرہ دا کارڈ پیجیا! ’’اُوہناں 39‘‘ وِچوں ساریاں نے مینوں کارڈز تے شکریہ دے رقعے پیجے۔ لیکن صرف اِک ای گرجا گھر وِچ پروان چڑھے بچے نے مینوں کارڈ پیجیا۔ اُو اِک بچہ اے جیہڑا ساڈے گرجا گھر وِچ پیدا ہویا تے بچایا گیا سی، تے صرف اُوسی نے، گرجا گھر وِچ پروان چڑھے سارے بچیاں وِچوں مینوں سالگرہ دا کارڈ پیجیا۔ تے صرف اُوسی نے میرے دِل نوں خوشی پہنچان لئی اِیناں لفظاں نوں لکھیا،

پیارے ڈاکٹر ہائیمرز،

     75ویں سالگرہ مبارک ہوے۔ خُدا تہانوں تے تہاڈی ساریاں ایماندارانہ خدمات تے یسوع دے لئی مذہبی خدمات سرانجام دینے تے برکت عنایت فرمائے! میں خدا دا تہاڈے وگرے اِک پادری صاحب دے لئی شکر گزار آں! یسوع دے لئی جین تے حالات دے نال جڑے رہن دے لئی شکریہ۔ تہاڈی حیاتی یسوع دے لئی اِک خوبصورت گواہی اے! اِخ ایماندار مسیحی مثال ہون دے لئی شکریہ۔ یسوع دی وجہ توں تہاڈی حیاتی اِک شاندار حیاتی اے کیوں جے تہاڈی حیاتی بے شمار دوجے لوکاں نوں چھوندی اے۔ ’’تُسی ثابت قدم رہوو تے خداوند دی خدمت وِچ ہمیشہ سرگرم رہوو۔‘‘ ڈاکٹر ہائیمرز، تُسی مینوں ایس آیت دی یاد دلاندے اُو تے ایہہ میری دعا اے کہ ایہہ گرجا گھر تیز رفتاری نا اَگے ودھے گا تے ایس گرجا گھر دے لئی تُہاڈے تخیل نوں ودھان دے لئی جدوجہد کرے گا تے یسوع دے لئی ایس نوں آتشِ گرفتہ کر دے گا! خداوند تہانوں برکت دیوے تے سلامت رکھے، یسوع دے ناں وِچ، (تے اُوہنے اپنے ناں دے دستخط کیتے)۔ اپنے ناں دے ہیٹاں اُوہنے 1یوحنا2:17 تحریر کیتی،

’’دُنیا تے اُوہدی خواہش، دوویں ختم ہو جان گئیاں لیکن جیہڑا خدا دی مرضی تے چلدا اے اُو ہمیشہ تیکر باقی رہندا اے‘‘

میں باقی دے تُسی سارے بچیاں توں ناراض نئیں آں۔ بالکل وی نئیں آں۔ میں صرف تہاڈی جاناں دے لئی خوفزدہ آں۔ میں صرف تہاڈے لئی دعا منگ رہیا آں، کدی کدی تے ساری ساری رات۔ میں تہاڈے لئی ڈرنا واں کیوں جے میں جاننا واں،

’’خُدا دی بادشاہی وچ داخل ہون لئی سانوں بہتیریاں مصیبتاں دا سامنا کرنا لازم اے‘‘ (اعمال14:22).

میں جاننا واں کہ جے تُسی ’’اُوہناں 39‘‘ نوں عزیز نئیں رکھدے – جے تُسی اُوہناں دے نال محبت نئیں کردے تے اُوہناں دے خود توں قربانی دین دی مثال دی پیروی نئیں کردے – تے تُسی کدی وی میرے خواباں تے تصورات دے اُوس عظیم گرجا گھر دا حصہ نئیں ہو سکدے۔ اِک بندہ جیہڑا اپنی گردن نوں اکڑا کے چلدا اے تے کہندا اے، ’’میں ایہہ کدی وی نئیں کراں گا،‘‘ اُو بندہ ہوندا اے جیہڑا خدا دی بادشاہت وِچ داخل نہ ہون دے خطرے وِچ ہوندا اے۔ بائبل کہندی اے، ’’اُو بندہ جیہڑا بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا۔ اُوہدا کوئی چارہ نہ ہووے گا‘‘ (اِمثال29:1)۔ یسوع نے کہیا،

’’پس یاد کر کہ توں کِنّی بُلندی توں ڈگیا اے۔ توبہ کر تے پہلاں وانگوں کام کر۔ جے تو توبہ نئیں کرے گا تے میں تیرے کول آ کے تیرے چراغدان نوں اُوہدی تھاں توں ہٹا دیاں گا‘‘ (مکاشفہ 2:5).

مہربانی نال کِھلو جاؤ تے حمدوثنا دا گیت نمبر 3 اپنے گیتاں دے ورق وِچوں گاؤ۔

سبھی کُج یسوع دے لئی! سبھی کُج یسوع دے لئی! میری ہستی دی پہنچ وِچ سارے فدیے؛
   میرے سارے خیالات تے الفاظ تے اعمال، میرے سارے دِن تے میری سارے اوقات۔
سبھی کُج یسوع دے لئی! سبھی کُج یسوع دے لئی! میرے سارے دِن تے میری سارے اوقات؛
سبھی کُج یسوع دے لئی! سبھی کُج یسوع دے لئی! میرے سارے دِن تے میری سارے اوقات؛

میرے ہتھاں نوں اُوہدی پیشکش نوں ادا کر لین دیو، میرے قدماں نوں اُوہدی راہواں وِچ دوڑ لین دیو؛
   میری اَکھاں نوں صرف یسوع نوں ویکھ لین دیو، میرے ہونٹاں نوں اُوس دی ستائش کر لین دیو۔
سبھی کُج یسوع دے لئی! سبھی کُج یسوع دے لئی! میرے ہونٹاں نوں اُوس دی ستائش کر لین دیو؛
سبھی کُج یسوع دے لئی! سبھی کُج یسوع دے لئی! میرے ہونٹاں نوں اُوس دی ستائش کر لین دیو؛

جدوں توں میری اَکھاں یسوع تے مرکوز نے، میں آلے دوالے دے سارے نظارے گنوا چکیا واں؛
   میری روح دا تصور ایس قدر پابہ زنجیر اے، مصلوب ہوئے وَل ویکھ رہیا اے۔
سبھی کُج یسوع دے لئی! سبھی کُج یسوع دے لئی! مصلوب ہوئے وَل ویکھ رہیا اے؛
سبھی کُج یسوع دے لئی! سبھی کُج یسوع دے لئی! مصلوب ہوئے وَل ویکھ رہیا اے؛
   (’’سبھی کچھ یسوع کے لیےAll For Jesus‘‘ شاعر میری ڈی۔ جیمسMary D. James، 1810۔1883)۔

تہاڈے گناہواں دی ادائیگی دے لئی مسیح صلیب تے قربان ہویا۔ تہانوں سارے گناہواں توں پاک صاف کرن دے لئی اُوہنے اپنا لہو وگایا۔ تہانوں دائمی حیاتی بخشنے دے لئی اُو مُردیاں وِچوں جی اُٹھیا۔ اُو اُتے آسمان چہ خدا باپ دے سجّے پاسے بیٹھا ہویا اے۔ جدوں تُسی گناہ توں مُنہ موڑدے تے یسوع تے پرہوسا کردے اُو تے اُو تہانوں فوراً نجات دیندا اے۔ جے تُسی یسوع دے وسیلے توں نجات پان دے بارے وِچ ساڈے نال گفتگو کرنا چاہندے اُو تے مہربانی نال ڈاکٹر کیگن دی ہُنے ای اجتماع گاہ دے پچھلے پاسے پیروی کرو۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔