مصیبت تے پریشانی دے ویلے چہ دُعّا | Prayer in Times of Trouble and Distress

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جیہڑی آیتاں اِک لمحہ پہلاں مسٹر پرودھوم نے پڑھیاں نہایت ای اہم نے (لوقا22: 39۔46)۔ اُو گتسمنی دے باغ وِچ ساڈے خداوند دے دعا منگن دے بارے وِچ لوقا دی وضاحت پیش کردا اے۔ سانوں ایس حوالے نوں عزت و تکریم نال پڑھنا چائیدا اے۔ سانوں اُوہناں دے نال اُونج ای برتاؤ کرنا چائیدا اے جیویں موسیٰ نے کیتا سی – جدوں خدا نے اُوہنوں دسیا، ’’اپنے پیراں توں جوتا اُتار کیوں جے جیس تھاں توں کِھلوتا اے اُو پاک اے‘‘ (خروج3: 5)۔

اُوہناں دے فسح دا کھانا کھا چکن دے بعد تے عشائے ربانی لے چکن دے بعد – یسوع اُوہناں نوں کمرے توں کڈ کے باہر ادھی رات دی تاریکی وِچ لے گیا۔ اُو اُوہناں نوں معمول دے مطابق اُوس تھاں تے لے گیا جِیتھے اُو اکثر دعا منگیا کردا سی، گتسمنی دے باغ وِچ۔ جدوں اُو اُوس تھاں تے پہنچے تے یسوع نے اُوہناں نوں کہیا، ’’دعا منگو تاکہ آزمائش چہ نہ پیہؤو۔‘‘ اُو اُوہناں توں تقریباً ایہناں ای دور ٹر گیا جِنہی دور تُسی اِک پتھر سُٹ سکدے اُو – تے اُوہنے دعا منگنی شروع کیتی،

’’اے باپ! جے تیری مرضی ہووے تے ایس پیالے نوں میرے اَگوں ہٹا لے لیکن فیر وی میری مرضی نئیں بلکہ تیری مرضی پوری ہو‘‘ (لوقا22: 42)۔

میں ایس واعظ نوں بشپ جے۔ سی۔ رائیلیBishop J. C. Ryle (1816۔1900) دے اِک حوالے توں اخذ کر رہیا آں۔ جان چارلس رائیلی دی پیدائش اِک دولت مند گھرانے وِچ ہوئی سی۔ اُوہناں نے اُوہنوں گریجوایشن دے لئی آکسفورڈ پیج دِتا سی۔ اُو اِک خوش مزاج امیر لڑکا سی۔ اُو اِک کھلاڑی وی سی، جیہڑا کشتی رانی تے کرکٹ وِچ تمغے جِیتیا کردا سی۔ اُوہنے سیاست وِچ جان دا منصوبہ بنایا، جیہڑا اُوس ویلے خاندان دی دولت دی وجہ توں ممکن ہو گیا۔ فیر اُوہدے ابو دا کاروبار ٹھپ ہو گیا تے اُوہنوں انگلستان دی مسنٹری وِچ جانا پیہا۔ اُوہدے بوہتے عرصے بعد اُوہنے لکھیا، ’’مینوں ماڑا جیہا وی شک نئیں اے کہ ایہہ بہتری دے لئی سی۔ جے میں [مالی طور تے] تباہ نا ہویا ہوندا تے میں کدی وی اِک پادری نہ بنندا، کدی وی واعظ دی منادی نہ کردا تے کدی وی کوئی کتاب یا کتابچہ نہ لکھ پاندا۔‘‘ 1880 وِچ اُو لِیورپولLiverpool دا بشپ بن گیا۔ اُوہنے اُوس شہر دے گمراہ لوکاں نوں جیتن دے لئی انجیلی بشارت دا پرچار کرن آلے ہال بنوائے تے گرجا گھر تعمیر کروائے۔ 19ویں صدی دے عظیم ترین مبلغاں وِچوں اُو اِک سی۔ اُو شخص جیہڑا اُوہدے بعد لِیورپول وِچ آیا اُوہنے کہیا، ’’اُو ثابت قدم شخص سی جیہدا دِل اِک بچے وگرا سی۔ گتسمنی وِچ مسیح دی دعا تے اُوہدا تبصرہ پڑھن نال مینوں ایس قدر بوہتی برکت ملی کہ میں ایس واعظ وِچ اُوہدے خیال نوں تہاڈے نال شریک کرن دا فیصلہ کیتا۔ یسوع نے دعا منگی سی،

I۔ پہلی گل، اَسی مسیح دی مثال وِچ ویکھنے آں کہ جدوں اَسی مصیبت دے ویلے وِچ ہونے آں تے سانوں کی کرنا چائیدا اے۔

سانوں کی کرنا چائیدا اے ایس دی مثال یسوع سانوں پیش کردا اے۔ اپنے مصلوب کیتے جان توں اِک راتی پہلاں جدوں اُو گتسمنی دے باغ وِچ داخل ہویا، اُو دوزانو ہویا، تے دعا منگی‘‘ (لوقا22: 41)۔

یسوع مصیبت وِچ سی۔ ساری نسل انسانی دے گناہواں دے وزن نے اُوہنوں کُچلنا شروع کر دِتا سی۔ اُو اِک شدید اذیت وِچ سی۔ لہٰذا اُوہنے دعا منگی۔ ساری دی ساری بائبل دعا نوں مصیبت دے ویلے وِچ ساڈے لئی اِک علاج دی حیثیت توں پیش کردی اے۔ زبور50: 15 آیت کہندی اے، ’’مصیبت دے دِن مینوں پکار: میں تینوں نجات دلاواں گا۔‘‘ یعقوب رسول نے کہیا، ’’جے تہاڈے وِچوں کوئی مصیبت زدہ اے؟ تے اُوہنوں چائیدا اے کہ اُو دعا کرے‘‘ (یعقوب5: 13)۔ دعا اُو علاج سی جیہڑا ایوب نبی نے استعمال کیتا سی جدوں اُوہدی جائیداد تے اُوہدے بچے اُوہدے توں چھن گئے سن۔ دعا اُو علاج سی جِنہوں حزقی ایل نے استعمال کیتا جدوں اُوہنوں شاہ اسُور کولیکس دا دھمکی آمیز خط ملیا سی۔ تے دعا اُو علاج ے جِنہوں گتسمنی دے باغ وِچ اِستعمال کرن نال خود خدا دا پُتر نئیں شرمایا سی۔ اپنی اذیت دی گھڑی وِچ اُوہنے دعا منگی۔

آؤ مسیح دی دوا یا علاج نوں استعمال کرن وِچ دھیان دیئے جے اَسی مصیبت دے ویلے وِچ سکون چاہنے آں۔

پریشانی تے غم دے موسماں وِچ،
میری جان نے اکثر راحت پائی اے،
تے اکثر آزمائش دے پھندے توں بچ گیا،
دعا دی پیاری گھڑی وِچ تیری واپسی توں۔
(’’دعا دی پیاری گھڑیSweet Hour of Prayer‘‘ شاعر ولیم ڈبلیو۔ والفورڈ William W. Walford، 1772۔1850)۔

اُو پہلی ہستی جیس وَل سانوں رُخ کرنا چائیدا اے خدا اے۔ اُو پہلا پیغام جیہڑا سانوں پیجنا چائیدا اے اُوہدے لئی ای ہونا چائیدا اے۔ ساڈے دِلاں دی کسی وی گھبراہٹ نوں سانوں روکن نئیں دینا چائیدا اے۔ کُچل ڈالن آلے کسی وی دباؤ نوں سانوں دعا منگن توں روکن نئیں دینا چائیدا اے۔ شیطان تہانوں دعا نہ منگن دے لئی جھوٹی وجوہات پیش کرے گا۔ آؤ اَسی اُوہناں آزمائشاں توں چوکنا رہیے جیہڑیاں ساڈی مصیبتاں نوں ودھان وِچ رکاوٹ بنندیاں نے۔ جے تُسی ہُور کُج نئیں کہہ سکدے تے تُسی ’’اے باپ، میری مدد کر‘‘ کہہ سکدے اُو (لوقا22: 42)۔

وہ پہلی ہستی جس کی جانب ہمیں رُخ کرنا چاہیے خُدا ہے۔ وہ پہلا پیغام جو ہمیں بھیجنا چاہیے اُسی کے لیے ہونا چاہیے۔ ہمارے دِلوں کی کسی گھبراہٹ کو بھی ہمیں روکنے نہیں دینا چاہیے۔ کُچل ڈالنے والے کسی دباؤ کو بھی ہمیں دعا مانگنے سے روکنے نہیں دینا چاہیے۔ شیطان آپ کو دعا نہ مانگنے کے لیے جھوٹی وجوہات پیش کرے گا۔ آئیے ہم اُن آزمائشوں سے چوکنا رہیں جو ہماری مصیبتوں کو بڑھانے میں رکاوٹ بنتی ہیں۔ اگر آپ اور کچھ نہیں کہہ سکتے تو آپ ’’اے باپ، میری مدد کر‘‘ کہہ سکتے ہیں (لوقا22:42)۔

II۔ دوجی گل، مصیبت دے ویلے وِچ سانوں ویکھنا چائیدا اے کیس قسم دی دعاواں سانوں خدا توں منگنی چائیدی اے۔

اِک وری فیر خداوند یسوع مسیح سانوں اِک مثال پیش کردا اے۔ اُوہنے کہیا، ’’اے باپ، جے توں چاہے تے [غم دا] ایہہ پیالہ میرے توں ٹال دے: لیکن میری مرضی نئیں بلکہ تیری مرضی پوری ہووے‘‘ (لوقا22: 42)۔

جدوں اَسی مصیبت وِچ ہونے آں تے یسوع دے الفاظ سانوں صحیح طور نال ظاہر کردے نے کہ سانوں دعا کیویں منگنی چائیدی اے۔ یسوع وانگوں، سانوں اپنی خواہشات اپنے آسمانی باپ نوں دسنی چائیدی اے۔ مگر یسوع وانگوں، سانوں اپنی مرضیاں نوں خدا دی مرضی دے تابع کر دینا چائیدا اے۔ سانوں ایہہ گل کدی وی نئیں بُھلنی چائیدی اے کہ خدا دے کول سانوں مصیبت دے ایہناں زمانیاں وِچوں گزارن دے لئی کوئی دانشمندانہ تے چنگی وجوہات ہون گیاں۔ سانوں دھیان نال کہنا چائیدا اے، جدوں اَسی خدا کولوں ساڈی مصیبتاں نوں دور کرن دے لئی دعا منگنے آں، ’’جے تیری مرضی ہووے۔‘‘ سانوں ایہو جیہئی دعاواں نوں اینج ختم کرنا چائیدا اے ’’میری مرضی نئیں بلکہ تیری مرضی پوری ہووے‘‘ (لوقا22: 42)۔

اپنی مرضیاں نوں تابع کر دینا مسیحی کردار دے پیارے ترین فضلاں وِچوں اِک اے۔ اِک اِک روئیہ اے جیہڑا خدا دے اِک بچہ نوں لبھنا چاہیے، جے اُو یسوع وانگوں بنن دی خواہش کردا اے۔ لیکن غم دے دِناں وِچ ساڈی مرضی دے تابع ہون دے سب توں بوہتی ضرورت ہوندی اے۔ اُو جیہڑے کہہ سکدے نے، ’’میری مرضی نئیں بلکہ تیری مرضی پوری ہووے‘‘ خدا دے سکول وِچ اِک اعلیٰ درجہ پاندے نے۔

III۔ تیجی گل، ایہناں آیتاں وِچ سانوں گناہ دا ڈراؤنا پن ویکھنا چائیدا اے۔

سانوں ایہہ گل مسیح دی اذیت تے خونی پسینے توں سیکھ لینی چائیدی اے – تے اُوس ساری جسمانی تے ذہنی پریشانی نوں جیس توں اُو لنگہیا سی۔ مسیح دی اذیت تے خونی پسینے دا سبب انسان دا گناہ سی۔ گتسمنی وِچ مسیح ساڈے گناہ چُک رہیا سی۔ اشعیا نے کہیا،

’’خداوند نے اَساں ساریاں دی بدکاری اُوہدے تے لد دِتی‘‘ (اشعیا53: 6)۔

سانوں پرانے عقیدے تے یقین کرنا چائیدا اے کہ مسیح ساڈے گناہواں نوں چُک رہیا سی۔

کی اَسی گناہ دی شیطانیت ویکھ پاواں گے؟ کی اَسی خدائی نفرت دے نال گناہ توں نفرت کرنا سیکھ پاواں گے؟ کی اَسی جہنم وِچ روحواں دی شدید بدنصیبی دے بارے چہ کُج جان پاواں گے؟ کی اَسی مسیح دی ناقابلِ بیان محبت دے بارے وِچ کُج نہ کُج سیکھ پاواں گے؟ کی اَسی مسیح دی اُوس ہمدردی نوں سمجھ پاواں گے جیہڑی اُو اُوہناں دے نال کردا اے جیہڑے مصیبت چہ ہوندے نے؟ تے فیر آؤ گتسمنی دے باغ چہ مسیح دی اذیت نوں اپنے ذہناں وِچ اکثر آن دیے۔ مسیح دی اذیت دی گہرائی شاید سانوں یسوع دے لئی ساڈے مقروض ہون دا کُج اندازہ دِلا دے۔ تے اَسی ویکھ پاواں گے کہ اَسی ہر اِک شے جیہڑی ساڈے کول اے اُوہدے لئی یسوع دے مقروض آں – ساڈی حیاتیاں، ساڈی مرضیاں، ساڈے دِل، ساڈی محبتاں، ساڈی اُمیداں، ساڈے خواب، تے ساڈے مستقبل۔

لیکن غم دے اتھرو کدی وی ادا نئیں کر سکدے
اُوس محبت دے قرض نوں جیس دا میں قرضدار آں؛
ایتھے، خداوند، میں خود نوں حوالے کرنا آں –
ایہو ای اے سب کُج جیہڑا میں کر سکنا آں۔
(’’افسوس! تے کی میرے نجات دہندہ دا لہو وگیا سی؟ Alas! And Did My Saviour Bleed?‘‘ شاعر آئزک واٹزIsaac Watts، 1674۔1748)۔

IV۔ چوتھی گل، اَسی مقدساں وِچوں بہترین دی کمزوری دی اِک مثال ویکھنے آں۔

سانوں دسیا گیا اے کہ جدوں ساڈا خداوند اذیت وِچ سی تے اُوہدے شاگرد سو گئے سن۔ حالانکہ مسیح نے اُوہناں نوں آزمائش دے خلاف اِک تنبیہہ دے نال دعا منگن دے لئی کہیا سی، لیکن اُو سو گئے۔ جدوں مسیح لہو دی وڈی ودی بونداں وگا رہیا سی تے اُوہدے شاگرد سو گئے سن!

’’اُوہنے اُوہناں نوں غم دے مارے سوتے پایا‘‘ (لوقا22: 45)۔

ایہہ الفاظ سانوں حلیم ہون دے تعلیم دین دے لئی دِتے گئے نے۔ اُو مسیحی جیہڑا سوچدا اے کہ ڈٹا رہ سکدا اے اُوہنوں توجہ دینی چائیدی اے کدرے ایہہ نہ ہووے کہ اُو برگشتہ ہو جائے۔ شاگرداں دا سو جانا سانوں آن آلی موت نوں ویکھن دے لئی پیش کیتا گیا اے – سانوں اُوس شاندار جی اُٹھے بدن دی چاہت کرن دے لئی پیش کیتا گیا اے جیہڑا اِسی پاواں گے جدوں مسیح واپس آئے گا۔ جدوں تیکر کہ اَسی اُوس ویلے تیکر دے لئی تھکے بغیر خدا دی پرستش کرن تے اُوہدے کولوں دعا منگن دے قابل نہ ہو جائیے – تے آسمانی تھاواں وِچ دِن تے رات اُوہدی خدمت کرن دے قابل نہ ہو جائیے۔

ہُن یسوع اپنے سوئے ہوئے شاگرداں نوں کہندا اے، ’’تُسی سو کیوں رئے اُو؟ اُٹھ کے دعا منگو تاکہ آزمائش وِچ نہ پیہؤ‘‘ (لوقا22: 46)۔ بینجلBengel کہندا اے کہ جدوں اِسی دعا منگ رئے ہون تے کِھلو کے دعا منگنا نیندر تے قابو پان دا بہترین طریقہ اے۔ سانوں یاد رکھنا چائیدا اے کہ ساڈی مسیحی حیاتی صرف مسیح وِچ ایمان لہیا کے تبدیل ہون توں ای شروع ہوندی اے۔ سانوں ہَلے اِک لمبی راہ طے کرنی اے، تے شیطان ہر ویلے سانوں لوری سُنا کے سُلان دے لئی ہوشیار رہندا اے۔ سانوں ہمیشہ مضبوط رہن دے لئی مسیح کولوں دعا منگنی چائیدی اے۔ اُوہدے فضل دے بغیر، اَسی لڑکھڑا جاواں گے۔ ایتھوں تیکر کہ ساڈے وِچوں بہترین لوکاں دی اُمید یسوع دی ساڈی طرفداری کیتے بغیر تے ساڈی سوچاں وِچ آئے بغیر پوری نئیں ہو سکدی۔

بھائیو تے بہنو، اَسی گمراہ لوکاں نوں بے انتہا دعا کیتے بغیر مسیح دے لئی جِیتن وِچ کامیاب نئیں ہو سکدے۔ دِن دا آغاز دعا دے نال کرو۔ کھانا کھان توں پہلاں دعا کرو۔ سون توں پہلاں دعا کرو۔ بستر وِچ نیند آن دا انتظار کردے ہوئے ’’اے ہمارے باپ‘‘ دی دعا کرو۔ ہر وری جدوں تُسی دعا منگو تے ساڈے گرجا گھر دے رہنماواں وِچ مصالحت دے لئی دعا کرو۔ اُوہناں لوکاں دے لئی دعا منگو جِنہاں دے ناں تُسی انجیلی بشارت دے پرچار دے دوران حاصل کیتے۔ اُوہناں نئے لوکاں دے لئی جیہڑے گرجا گھر وِچ آئے دعا کرو۔ بیماراں دے لئی دعا کرو۔ اُوہناں لوکاں دے لئی دعا منگو جیہڑے پہلاں توں ای مسیح وِچ ایمان لہیا کے تبدیل ہو چکے نے تے ڈٹے ہوئے نے۔ میرے لئی دعا کرو کہ میں اپنا کورس ختم کرن دے قابل ہو جاواں تے گرجا گھر نوں مضبوط چھڈاں۔ اُوہناں لوکاں کے لئی دعا کرو جیہڑے ساڈی مذہبی جماعت وِچ ہُنے تیکر گمراہ نے۔

تے جے تُسی اُوہناں وِچوں اِک اُو جیہڑے ہُنے تیکر نجات یافتہ نئیں نے، تے اِسی پہلاں ای تہاڈے مسیح تے بھروسہ رکھن دے لئی اکثر دعا منگ چکے آں۔ ہمیشہ دی طرح، مینوں تہانوں یاد دِلا دینا چائیدا اے کہ یسوع نے تہانوں گناہ تے سزا توں بچان دے لئی دُکھ چُکے۔ اُوہنے گتسمنی دے باغ وِچ تہاڈے گناہ اپنے آپ تے لد لئے۔ اُوہنے تہاڈے گناہواں نوں اپنے بدن تے سولی تے چُکیا کہ اُوہناں دا مکمل کفارہ ادا کر پائے۔ اُوہنے سولی تے تہانوں سارے گناہواں توں پاک صاف کرن دے لئی اپنا قیمتی لہو وگایا۔ تہانوں حیاتی بخشن دے لئی اُو جسمانی طور تے مُردیاں وِچوں جی اُٹھیا۔ اُو ایس ویلے وی تہاڈے لئی آسمان چہ دعا منگ رہیا اے۔ اَسی دعا منگنے آں کہ تُسی اُوہدے تے پروہسا کرو، اُوہدے چہ یقین کرو، اپنی حیاتی اُوہدے سپرد کر دیو – تے اُو تہانوں اِسی ویلے بچا لئے گا، تے تمام ابدیت تیکر دے لئی تہانوں محفوظ کر دے گا۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔