ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بائبل خدا دا لکھیا ہویا کلام اے۔ ساڈے متن وچ جیس یونانی لفظ دا ترجمہ ’’الہٰام توں دِتا گیا‘‘ اے اُو تھیوپنیوسٹوس theopneustos اے، جیہدا مطلب اے ’’خُدا دا پھُونکا ہویا۔‘‘ اصل عبرانی تے یونانی وچ بائبل دا ہر لفظ خُدا وَلّوں پھونکا گیا سی، جیہڑا نبیاں تے رسولاں دے ذریعے دِتا گیا سی۔ 2 پطرس دی کتاب سانوں دسدی اے کہ ’’خُدا دے مقدس لوکی روح القدس توں متاثر ہوندے ہوئے بولے‘‘ (2۔ پطرس1: 21)۔ یونانی لفظ جیہدا ترجمہ ’’منتقل‘‘ کیتا گیا اے فعل فیرو pherō توں آیا اے۔ ایس ای لفظ نوں اعمال27: 15 وچ ایہہ بیان کرن لئی استعمال کیتا گیا اے کہ ہوا اِک بحری [بادبانی] جہاز نوں کیویں منتقل کردی اے۔ خُدا نے نبیاں تے رسولاں نوں بالکل اوہی لفظ لکھن دی تحریک دِتی جیہڑے اُو چاہندا سی کہ اُو لکھن۔

بائبل لوکاں دے خیالات یا آراؤں دی کتاب نئیں اے۔ دُنیاوی کالجاں وچ بے ایمان پروفیسر پڑھان گے کہ لکھن آلے جو کُج سوچدے نے اُوہنوں لکھ دیندے نے۔ لیکن بائبل کہندی اے، ’’نبوت پرانے زمانے وچ انسان دی مرضی نال نئیں آئی، بلکہ خُدا دے مقدس لوکی روح القدس توں متاثر ہوندے ہوئے بولے‘‘ (2۔ پطرس 1:21)۔ بائبل ’’انسان دی مرضی نال‘‘ نئیں لکھی گئی۔ جیویں کہ سی ایچ سپرجئین C. H. Spurgeon، مبلغین دے شہزادے، نے کہیا، ’’ایہہ کتاب زندہ خُدا دی تحریر اے؛ ہر خط نوں خُداوند دی انگلی نال لکھیا گیا سی۔ اُوہدا ہر لفظ لازوال بُلیاں توں ادا ہویا، ہر جملہ روح القدس وَلّوں لکھیا گیا سی‘‘ (نیو پارک سٹریٹ دی واعظ گاہ توںNew Park Street Pulpit، واعظ 15، 18 مارچ 1855 دی تبلیغ)۔

کیوں جے بائبل خُدا دا کلام اے، ایہہ بالکل سچ اے۔ ایہہ ہر اُوس موضوع تے سچ اے جیہدے تے ایہہ گل کردی اے۔ یسوع نے خُدا باپ نوں کہیا، ’’تیرا کلام سچا اے‘‘ (یوحنا17: 17)۔ فیر، مسیح نے کہیا، ’’صحیفے نوں توڑا یا تبدیل نئیں کیتا جا سکدا‘‘ (یوحنا10: 35)۔ بائبل تاریخ دی نصابی کتاب دے طور تے نئیں لکھی گئی سی، لیکن جدوں ایہہ تاریخ دی گل کردی اے تے ایہہ غلطی دے بغیر سچائی اے۔ بائبل سائنس دی نصابی کتاب دے طور تے نئیں لکھی گئی سی، لیکن جدوں ایہہ سائنس تے گل کردی اے تے ایہہ غلطی دے بغیر سچائی اے۔ مسیح توں پندرہ سو وریاں پہلاں، ایوب دی کتاب نے کہیا کہ خُدا ’’زمین نوں کسی شے تے لَمکا دیندا اے‘‘ (ایوب26: 7)۔ جدوں لوکاں نے سوچیا کہ زمین پانی وچ تیردی اے، یا کچھوے دی پشت تے آرام کردی اے، تے خُدا جانندا سی کہ ساڈا سیارہ خلا وچ تیردا اے۔ مسیح نوں ست سو وریاں پہلاں، بائبل نے کہیا کہ خُدا ’’زمین دے دائرے تے بیٹھیا اے‘‘ (اشعیا40: 22)۔ جدوں لوکی سمجھدے سن کہ زمین چپٹی اے تے خُدا جانندا سی کہ ایہہ گول اے۔ جی ہاں، بائبل جیتھے وی بولدی اے غلطی دے بغیر سچائی اے۔

کیوں جے بائبل خُدا دا کلام اے، غلطی دے بغیر سچائی، ایہہ روحانی شیواں دے بارے وچ ساڈے علم دا واحد تے اِکلوتا معتبر ذریعہ اے۔ پطرس رسول نے بائبل نوں ’’نبوت دا اِک زیادہ یقینی کلام… اِک روشنی جیہڑی تاریک تھاں تے چمکدی اے‘‘ کہیا (2 پطرس 1:19)۔ اسی خُدا دے بارے وچ ایہدے اپنے مکاشفہ، بائبل دے بغیر کدی نئیں جان سکدے سی۔ جی ہاں، اسی ستاریاں نوں ویکھ سکنے آں تے جان سکنے آں کہ اِک خالق ہونا چائیدا اے۔ لیکن اُو کون اے، تے کی اُو ساڈی پرواہ کردا اے؟ جیویں کہ ڈاکٹر ڈبلیو اے کرسویل (1909-2002)، ڈلاس، ٹیکساس دے فرسٹ بپٹسٹ چرچ دے طویل عرصے توں پادری، نے کہیا،

اسی ستاریاں تے کائنات دا مطالعہ کر سکنے آں تے اِک بنیادی تے صحیح نتیجے تے پہنچ سکنے آں کہ جیہنے وی ایس وسیع و عریض کائنات نوں تخلیق کیتا اُو یقیناً لامتناہی، قادر مطلق طاقت دا مالک سی۔ لیکن، اُو کون اے؟ تے اُوہدا ناں کی اے؟ تے اُو کینج دا اے؟ اسی ستاریاں دا ہمیشہ لئی مطالعہ کر سکنے آں تے کدی نئیں جان سکدے۔

ایہہ خُدا دی خود شناسی دا تقاضا اے۔ جے اُو اپنے آپ نوں ظاہر نئیں کردا اے، تے اسی اُوہنوں کدی نئیں جان سکدے۔ تے ایہہ بائبل دا پیغام اے۔ خُدا ساڈے توں زبان وچ، الفاظ وچ گل کردا اے۔ خُدا اپنے اعمال کردا اے، جیہڑے ساڈے سامنے رکھے ہوئے نے، مقدس صفحہ تے لکھے ہوئے نے۔ تے اسی اُوہدے خیالات نوں سوچ سکنے آں، اسی اُوہنوں حرکت کردے ہوئے ویکھ سکنے آں، اسی اُوہدے پیغام نوں اپنے دلاں وچ محسوس کر سکنے آں، تے اسی اپنی روحاں نوں جواب دے سکنے آں۔ ایس ای لئی بائبل نوں خود منکشف کرن لئی، خُدا دے خود مکاشفہ لئی دِتا گیا اے۔ خُدا اپنے آپ نوں پیش کردا اے، اپنے آپ نوں مقدس صحیفیاں دے صفحات وچ ظاہر کردا اے۔ (ڈبلیو اے کرسویل پی ایچ ڈی۔ W. A. Criswell, Ph.D.، ’’خدا دا خود مکاشفہThe Self-Revelation of God،‘‘ 19 اکتوبر 1980 دی تبلیغ)۔

’’تیرا کلام [بائبل] سچ اے۔‘‘ بائبل خدا تے روحانی سچائی دے بارے چہ ساڈے علم دا کامل ذریعہ اے۔ ایسی لئی زبور نویس نے لکھیا، ’’میں ہر چیز دے بارے چہ تیرے سارے حکماں نوں درست سمجھنا آں؛ تے میں ہرجھوٹی راہ توں نفرت کرنا آں‘‘ (زبور119: 128)۔ اشعیا نبی نے کہیا، ’’شریعت تے گواہی [بائبل] دے لئی: جے اُو ایس کلام [بائبل] دے مطابق نئیں بولدے تے ایہہ ایس لئی اے کہ ایہناں چہ روشنی نئیں اے‘‘ (اشعیا8: 20)۔ کوئی وی کتاب جیہڑی بائبل نال متصادم ہووے اُو غلط اے۔ کوئی وی پروفیسر جیہڑا بائبل دے خلاف گل کردا اے اُو جھوٹا اُستاد اے۔ کوئی وی مبلغ جیہڑا بائبل دے خلاف گل کردا اے جھوٹا نبی اے! ایہناں دے گل نہ سنو۔ خدا دے کلام بائبل نوں پڑھو تے ایہدے تے عمل کرو!

کیوں جے بائبل خدا دا کلام اے، غلطی دے بگیر سچائی، ایس نوں پڑھنا تہانوں چنگا لگے گا۔ ایہنوں پڑھو کیوں جے تہانوں ایہدے نال رہن دے لئی کہیا جاندا اے۔ یسوع نے کہیا، ’’انسان صرف روٹی نال ای زندہ نئیں رئے گا، بلکہ ہر اُوس گل نال جیہڑی خدا دے مُنہ توں نکلدی اے‘‘ (متی4: 4)۔ بائبل پڑھن دے بُہتیرے فائدے نے۔ میں ایہناں وِچوں تہانوں چند اِک پیش کرنا آں۔

بائبل نوں پڑھنا – خاص طور تے جے تُسی ایہدی اِک آیات نوں حفظ کردے اُو تے ایہدے بارے وِچ سوچدے اُو – تہانوں گناہ توں بچائے گی۔ جیویں کہ زبور نویس نے لکھیا، ’’میں تیرا کلام اپنے دِل چہ چُھپا رکھیا اے، تاکہ میں تیرے خلاف گناہ نہ کراں‘‘ (زبور119: 11)۔ فیر اَسی پڑھنے آں، ’’اِک نوجوان اپنی راہ کِدروں صاف کردا اے؟ اپنے کلام دے مطابق ایس تے دھیان دین نال‘‘ (زبور119: 9)۔ نوجوان لوکو، جے تُسی بائبل پڑھن چہ بوہتا ویلہ لنگہاؤ گے تے انٹرنیٹ تے بے وقوف بنان تے ویڈیو گیمز کھیلڈن وِچ گھٹ ویلہ لنگہاؤ گے، تے تُسی اِک بہتر انسان بنو گے! مبشر ڈی ایل مودی نے اپنی بائبل چہ ایہہ الفاظ لکھے، ’’ایہہ کتاب مینوں گناہ توں دور رکھے گی، تے گناہ مینوں ایس کتاب توں دور رکھے گا۔‘‘ تے میں اُوہناں نال متفق آں!

بائبل دا مطالعہ تہانوں حیاتی گزارن دا طریقہ وکھائے گا۔ ’’تیرا کلام میرے قدماں دے لئی چراغ اے، تے میرے راستے دے لئی روشنی‘‘ (زبور119: 105)۔ خدا نے یسوع نوں کہیا، ’’شریعت دی ایہہ کتاب تیرے مُنہ توں نئیں نکلے گی۔ لیکن توں اُوہدے تے دِن رات غوروفکر کرے گا، تاکہ اُوہدے چہ جو کُج لکھیا اے اُوہدے مطابق عمل کرن دا مشاہدہ کر سکے: کیوں جے فیر ای توں اپنی راہ نوں ترقی دے گا، تے فیر تینوں چنگی کامیابی لبھے گی (یوشع1: 8)۔ ساڈا متن کہندا اے کہ صحیفہ ’’نفع بخش [اُمید] اے… راستبازی دی تعلیم دے لئی: تاکہ خدا دا بندہ کام [بالغ، مکمل] ہووے، سارے چنگے کاماں دے لئی مکمل طور تے تیار ہو جا [چنگا کرن دے لئی تیار تے قابل ہو]۔‘‘ بائبل تہاڈے لئی ایہو ای کرے گی۔ ایہہ تہانوں اِک بالغ مسیحی بنا دیوے گی! بائبل نوں پڑھو تے اُوہی کرو جو ایہہ کہندی اے! ایہہ بے دین معاشرہ کہندا اے، ’’جو تہانوں لگدا اے اُو ای کرو۔‘‘ لیکن جیویں کہ ساڈے پادری صاحب نے منادی کیتی اے، ’’اُو کرو جو بائبل کہندی اے، نہ کہ جو تُسی محسوس کردے اُو۔‘‘ جے تُسی اُو ای کردے اُو جو بائبل کہندی اے، تے تُسی کدی وی غلط نئیں ہووے گے!

بائبل پڑھن دے ہُور وی بُہتیرے فائدے نے – لیکن میں تہانوں صرف اِک ہور پیش کرنا آں۔ بائبل تہانوں مسیح چہ نجات دے بارے وِچ دسے گی۔ پولوس رسول نے ’’مقدس صحیفیاں دے بارے چہ لکھیا، جیہڑے تہانوں ایمان دے ذریعے نجات دے لئی عقلمند بنا سکدے نے جیہڑے مسیح یسوع وِچ نے‘‘ (2۔ تیموتاؤس3: 15)۔ بائبل تہانوں دسدی اے کہ تُسی اِک گنہگار اُو، ’’کیوں جے ساریاں نے گناہ کیتا اے، تے خدا دے جلال توں محروم نے‘‘ (رومیوں3: 23)۔ تے بائبل تہانوں دسدی اے کہ ’’مسیح صحیفیاں دے مطابق ساڈے گناہواں دے لئی مریا‘‘ (1۔ کرنتھیوں15: 3)۔ بائبل تہانوں دسدی اے کہ ’’اُوہدے پُتر یسوع مسیح دا لہو سانوں سارے گناہواں توں پاک صاف کردا اے‘‘ (1۔ یوحنا1: 7) تے ایہہ کہ تُسی اُوہدے تے پروہسا کر کے اپنے گناہواں توں معافی حاصل کر سکدے اُو، ’’خداوند یسوع مسیح تے یقین رکھ، تے توں تے تیرا سارا خاندان نجات پائے گا‘‘ (اعمال16: 31)۔ بائبل تہانوں یسوع مسیح وَل اشارہ کردی اے، جیہڑا تہاڈے گناہ دی ادائیگی دے لئی صلیب تے مر گیا، تے تہاڈے گناہ نوں دھون دے لئی اپنی لہو وگایا، تے تہانوں حیاتی دین دے لئی مُردیاں وِچوں جی اُٹھیا۔ میں کرنا آں کہ تُسی چھیتی ای مسیح تے پروہسا کرو گے!

بائبل پڑھنا تہانوں کئی طریقیاں نال مدد دیوے گا۔ ساڈے گرجا گھر دے لوکی ہر روز بائبل پڑھدے نے۔ اَسی پڑھن دے عبادت نال تعلق رکھن آلے [عقیدت مندانہ] چارٹ دی پیروی کرنے آں۔ ہر ہفتہ نوں اَسی تہانوں آں آلے ہفتے دی تلاوت دینے آں۔ عام طور تے اَسی نئے عہدنامے وِچوں اِک باب تے پرانے عہدنامے وِچوں تین ابواب نوں ہر روز پڑھنے آں۔ ایس منصوبے تے عمل کردے ہوئے، اَسی ہر سال پوری بائبل پڑھنے آں! بے شمار لوکاں نے بائبل نوں نئیں پڑھیا اے۔ ایہہ اِک وڈی، ایتھوں تیکر کہ ناممکن شے وانگوں لگ سکدا اے۔ لیکن ایہہ اینج ہے نئیں۔ پڑھن چہ دِن وِچ صرف 15 منٹ لگدے نے۔ کُج روز پہلاں، نئے سال دے دِن، اَسی بائبل نوں فیر دوبارہ توں پڑھنا شروع کیتا۔ جے تُسی [پڑھنا] برقرار نئیں رکھیا اے، تے نال رلن لئی ہلے وی ویلہ اے، کیوں جے اَسی ہلے بوہتا زیادہ نئیں پڑھیا اے – متی دے صرف چند ابواب تے پیدائش دے آدھے توں وی گھٹ۔ سال دے اَخیر وِچ تُسی کُج ایہو جیہا کیتا ہووے گا جیہڑا بوہتے گھٹ لوکاں نے کیا ہووے گا – تُسی بائبل نوں پڑھیا ہووے گا۔ ایہہ اِک کامیابی ہووے گی – تے ایہہ تہانوں چنگا کرے گی!

یقیناً، جے تہاڈے کول بائبل نئیں اے تے تُسی بائبل نئیں پڑھ سکدے۔ جے تہاڈے کول بائبل نئیں اے تے کل جا کے اپنے آپ دے لئی اِک بائبل خرید لو۔ کنگ جیمز بائبل انگریزی وِچ بہترین تے واحد معتبر ترجمہ اے۔

بائبل پڑھن (تے دعا کرن) دے لئی ہر روز باقاعدہ ویلہ کڈن دی کوشش کرو۔ بے شمار لوکاں دے لئی دِن دے شروع چہ اینج کرنا مددگار ثابت ہوندا اے۔ ایہہ تہاڈے دِن نوں صحیح طریقے نال شروع کرے گا تے باقی دِن تہانوں برکت دیوے گا۔ میں جاننا آں کہ لوکاں دے سکول تے کم دے مختلف شیڈول ہوندے نے، تے تُسی ایہہ ہمیشہ صبح دے ویلے نئیں کر سکدے۔ تہاڈے وِچوں کُج سکول یا کم تے اپنے دوپہر دے کھانے دے اوقات وِچ کر سکدے نے۔ جے تہاڈے کول کلاساں دے وِچکار یا کلاس دے بعد سکول وِچ ویلہ اے، تے تُسی اپنی بائبل تے نماز دے ویلے دے لئی اکیلے کسی پرسکون تھاں جا سکدے اُو۔ سکول وِچ کلاس دے دوران، یا کم دے ویلے چہ بائبل نہ پڑھو تے نہ ای دعا کرو! ایہہ مناسب نئیں اے تے ایہہ تہانوں پریشانی چہ پا سکدا اے۔ تہاڈے وِچوں کُج نوں شام تیکر انتطار کرنا پیہئے گا، گھٹ توں گھٹ کُج دِناں تے۔ لیکن کوشش کرو کہ سون توں پہلاں تیکر انتظار نہ کرو۔ تُسی سو سکدے اُو – تے ایتھوں تیکر کہ جے تُسی اینج نئیں کردے اُو تے تُسی سارا دِن خدا دے نال اکیلے کسی خاص ویلے دے بغیر گزارو گے۔

تہانوں بائبل پڑھن چہ تقریباً15 منٹ، بہوتے توں بہوتے 20 منٹ لگن گے۔ جے تُسی ساڈے گرجا گھر چہ تھوڑے ویلے دے لئی، چند ہفتیاں یا مہینیاں دے لئی آ رئے اُو، تے تہانوں ایہہ بوہتا کُج کرن نوں لگدا اے، تے بس نئے عہدنامے نوں پڑھو۔ ایس وِچ صرف چند منٹ لگن گے۔ اگلے سال تُسی پرانا تے نیا عہدنامہ دوویں پڑھ سکدے اُو۔

اِک مختصر دعا دے نال اپنی بائبل پڑھنا شروع کرو۔ زبور نویس نے دعا کیتی، ’’میری اَکھاں کھول دے تاکہ میں تیری شریعت نال حیرت انگیز شیواں ویکھاں‘‘ (زبور119: 18)۔ خدا کولوں پُچھو کہ اُو تہانوں ایس دِن اپنے کلام وِچ کُج وکھائے۔ شاید تُسی صحیح الفاظ وِچ دعا کرنا چاہو گے جِنہاں دا میں زبور توں حوالہ دِتا اے۔

ختم کرن دے بعد، تُسی جو کُج پڑھیا اے ایہدے بارے وِچ سوچن دی کوشش کرو۔ ہو سکدا اے کہ تُسی دِن لنگن دے بعد وی اینج کرنا چاہو۔ زبور نویس نے لکھیا، ’’ہائے میں تیری شریعت نال کیہنا پیار کرنا آں! ایہہ سارا دِن وِچ میرا دھیان و گیان اے‘‘ (زبور119: 97)۔ ایس توں مراد بائبل تے غور کرنا اے، جیہڑا کہ خود اپنے تے ای اِک واعظ دا موضوع اے۔ میں صرف ایہنا ای کہواں گا کہ ایس دا مطلب ایہہ اے کہ تُسی خدا دے کلام وِچ کسی شے نوں سوچنا یا ’’دہراندے رہنا ہوندا اے‘‘ تاکہ ایہہ تہاڈے چہ ’’سما جائے‘‘ تے تہاڈے نال رہے۔ بائبل کہندی اے، ’’تیرے کلام دا [دل وِچ] داخلہ روشنی بخشدا اے۔ ایہہ سادہ لوح نوں سمجھ دیندا اے‘‘ (زبور119: 130)۔

جے تُسی پِچھے رہ جاؤ تے؟ ہمت نہ ہارو! اپنے آپ نال ناراض نہ ہوو۔ جے تُسی بہوتا پِیچھے نئیں ہو، تے اُوتھوں تیکر پہنچن لئی کُج ویلہ کڈو۔ جدوں تُسی ویلہ کڈو گے تے تُسی بہتر محسوس کرو گے۔ جے تُسی بوہتا پِچھے رہ جاندے اُو تے اُوس تیکر پہنچن وِچ کافی ویلہ لگدا اے، تے بس اُوسی تھاں تے شیڈول وِچ فیر توں شامل ہو جاؤ۔ اگلے سال تُسی بوہتی محنتی ہو سکدے اُو تے سارا کلام پڑھ سکدے اُو۔

جے تہانوں بائبل دا کُج حصہ پڑھنا مشکل ہووے تے کی ہووے گا؟ اینج دے الفاظ یا ناں ہو سکدے نے جِنہاں نوں تُسی سمجھ نئیں سکدے، یا شاید تلفظ ادا نئیں کر سکدے۔ کدی کدی تُسی ناواں یا تھاواں دی فہرست، یا نسب نامہ پڑھو گے کہ کون کس دا پیو سی۔ بہرحال تُسی حوالہ پڑھو۔ جے ایہو جئے الفاظ نے جِنہاں دا تُسی تلفظ ادا نئیں کر سکدے یا سمجھ نئیں سکدے اُو تے اُوہناں نوں بہرحال پڑھو تے اَگے ودھو۔ جے تہانوں کوئی اِقتباس پڑھنا اُوکھا لگدا اے تے فیر وی الفاظ پڑھو۔ بائبل دا ہر حصہ خدا کا کلام اے، جیہڑا خدا وَلوں بھونکیا جاندا اے، بغیر غلطی دے سچائی، بالکل یوحنا3: 16 وانگوں۔ جیویں جیویں تُسی اِک بہوتے تجربہ کار مسیحی بنندے جاندے اُو، تُسی ایہنوں بہتر طور تے سمجھو گے – تے تہانوں بائبل دے ایہناں حصیاں توں برکات حاصل ہووے گی جِنہاں نوں تُسی ہلے نئیں سمجھدے اُو۔

جے تُسی کسی گل دا مطلب نئیں سمجھدے تے کی ہووے گا؟ ہمت نہ ہارو! تُسی اپنے آپ توں پریشان نہ ہوو۔ ایہنوں پڑھو پاویں تُسی ایہنوں سمجھ نہ پاؤ۔ کسی کتاب یا انٹرنیٹ تے ایس دی تحقیق کرن توں باز آؤ۔ ایہہ تہاڈے پڑھن چہ خلل پائے گا، کافی ویلہ لگے گا، تے ہو سکدا اے کہ تہانوں فیر وی صحیح سمجھ نہ لبھے۔ تُسی مایوس ہو سکدے اُو تے ہار مانن وانگوں محسوس کر سکدے اُو۔ اینج مت کرو۔ ذرا حوالہ پڑھو۔ جیویں جیویں تُسی مسیح وِچ ودھو گے تے گرجا گھر چہ بوہتا ویلہ لنگہاؤ گے، تُسی ہُور سِکھو گے۔ اگلی وری جدوں تُسی بائبل نوں پڑھو گے، تے تُسی ایہنوں بوہتا سمجھو گے، تے ایہنوں بہتر طور تے سمجھو گے۔

تُسی سوچ سکدے اُو کہ تہاڈے کول ہر روز بائبل پڑھن دا ویلہ نئیں اے۔ اِک بندے نے اِک وری ڈی ایل مودی نوں ایہہ بہانہ بنایا۔ اُوہنے جواب دِتا، ’’میرے بیلی، جے تُسی ہر روز بائبل پڑھن وِچ مصروف اُو تے تُسی اُوس توں بوہتا مصروف اُو جِنہا کہ قادرِ مطلق خدا نے کدی چاہیا سی کہ کسی وی انسان نوں کیہنا مصروف ہونا چائیدا اے، تے تُسی کُج شیواں نوں چھڈ دیو تے بائبل نوں پڑھن دے لئی ویلہ کڈو۔‘‘ ایس تے آمین! ہر اِک دے کول بائبل پڑھن دے لئی چند منٹ ہوندے نے۔ ویلہ کڈو۔ دوجی شیواں نوں دور کرو تے خدا دا کلام پڑھو۔ بے شمار لوکی اپنے ویلے توں لاپرواہ تے غیر منظم نے۔ بائبل نوں پڑھن دے لئی ویلہ کڈنا – خود وچ – تہانوں مضبوط تے بوہتا نظم و ضبط دا حامل بنائے گا۔ تے خدا دے کلام دی سچائی تہاڈی مدد کرے گی تے تہانوں برکت دیوے گی۔

آخر وِچ، یاد رکھو کہ بائبل دا مرکزی موضوع یسوع مسیح اے۔ پوری بائبل مسیح دے گرد بنائی گئی اے تے ایس نے تہاڈے لئی کی کیتا۔ پرانا عہدنامہ مسیح دا منتظر اے۔ چار انجیلاں یسوع دے زمین تے ویلے، تےخاص طور تے اُوہدی موت تے جی اُٹھن دے بارے چہ دسدیاں نے۔ نئے عہدنامے دا بقیہ حصہ مسیح وَل واپس ویکھدا اے تے سانوں ایہدے بارے چہ مذید دسدا اے۔ مکاشفہ دی کتاب دسدی اے کہ اُو کیس طرح فیر توں دُنیا دا فیصلہ کرن تے ساریاں شیواں نوں نیا کرن دے لئی آئے گا۔ بائبل دا مقصد تہانوں مسیح تے پروہسا کرن تے اُوہدے لہو دے ذریعے معاف کر کے نجات وَل اشارہ کرنا اے۔ میں دعا کرنا آں کہ تُسی چھیتی ای یسوع تے پروہسا کرو گے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔