راہ، حق تے حیاتی | The Way, The Truth, and The Life

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جدوں اَسی یوحنا دا 13 واں تے 14 واں باب پڑھنے آں تے اَسی ویکھنے آں کہ شاگرد کیس قدر اَنّے سی۔ اُو یسوع دے نال تِن وریاں توں سن تے اُو ہلے وی اَنّے ای سن۔ اُوہناں نے بیماراں نوں دِتی سی تے آسیباں نوں کڈیا سی تے فیر وی اُو اَنّے ای سن۔ ایہہ گل سانوں حیرت چہ مبتلا کر دیندی اے کہ اُو چاروں انجیلاں نوں پڑھ سکدے نے تے ایہہ گل ویکھ نئیں سکدے! یسوع نے اُوہناں نوں بار بار دسیا کہ اُو مصلوب ہون دے لئی جا رہیا سی، تے کہ اُو مرن دے لئی جا رہیا سی، تے کہ اُو مُردیاں وِچوں جی اُٹھن دے لئی جا رہیا سی۔

’’فیر اُوہنے بارہ [شاگرداں] نوں اپنے نال لہیا تے اُوہناں نوں کہیا، ویکھو، اَسی اُوتے یروشلیم دے لئی جا رئے آں، تے اُو ساریاں گلاں جیہڑیاں انبیاء دی معرفت ابنِ آدم دے لئی لکھی گئیاں سن اُو پوری ہو جان۔ کیوں جے اُوہنوں غیر یہودیاں دے حوالے کر دِتا جائے گا، تے اُو اُوہنوں ٹھٹھوں وِچ اُڑان گے تے بے عزت کرن گے، تے اُوہدے تے تھوکن گے: تے اُو اُوہنوں کوڑیاں نال مارن گے، تے قتل کر ڈالیں گے: تے تیجے دِن اُو دوبارہ جی اُٹھے گا۔ تے اُوہناں نوں ایہناں وِچوں کوئی وی گل سمجھ چہ نئیں آئی: تے ایہہ گلاں جیہڑیاں کہی گئیاں تے اُوہناں دا مطلب اُوہناں توں لُکیا رہیا‘‘ (لوقا18:31۔34؛ اِس دے علاوہ ویکھو متی12:38۔42؛ 16:21۔23؛ 17:22۔23؛ 20:17۔19؛ مرقس10:32۔34)۔

اُوہدے شاگرداں نے اُوس بنیادی سچائی نوں نئیں سمجھیا سی۔ ’’ایہہ گلاں جیہڑیاں کہی گئیاں تے اُوہناں دا مطلب اُوہناں کولوں لُکیا رہیا۔‘‘ اُوہناں نے خوشخبری نوں نئیں سمجھیا سی! ایتھے اَسی یسوع نوں شاگرداں دے نال آخری کھانا کھاندیاں ہویاں پانے آں۔ انتہائی اگلے ای دِن اُوہنوں مصلوب کیتا جانا اے۔ ایہدے باوجود اُوہدے شاگرد خوشخبری دی سب توں بوہتی سادہ سچائیاں دے متعلق اَنّے نے!

یسوع رات دے کھانے دے بعد اُوہناں دے پیر دھو رہیا اے۔ پطرس اُوہنوں کہندا اے، ’’توں میرے پاؤں ہرگز نئیں دھون پائے گا۔‘‘ یسوع کہندا اے، ’’جے میں تینوں نہ دھوواں تے توں میرا شاگرد نئیں رہ سکدا۔‘‘ پطرس کہندا اے، ’’خداوند، صرف میرے پیر ای نئیں ہتھ تے سر وی دھو دے‘‘ (یوحنا13:8، 9)۔ اُوہناں نے انکساری و عاجزی دی لُوڑ نوں نئیں سمجھیا سی (13:14۔17)۔ فیر یہوداہ دوجے شاگرداں وِچوں باہر جاندا اے تے یسوع نوں دھوکہ دیندا اے (13:30)۔ فیر پطرس کہندا اے، ’’اے خداوند، تو کیتھے جا رہیا اے؟‘‘ (یوحنا13:36)۔ یسوع پطرس نوں کہندا اے کہ اُو اُوہدے نال ہُنے نئیں جا سکدا لیکن اُو بعد چہ جائے گا (یوحنا13:36)۔ پطرس نوں کوئی اندازہ نئیں سے کہ یسوع آسمان چہ واپس جان دے بارے وِچ گل کر رہیا سی۔ لیکن پطرس سوچے سمجھے بغیر چھیتی نال کہندا اے، ’’میں تیری خاطر اپنی جان نثار کر دیاں گا‘‘ (یوحنا13:37)۔ یسوع نے کہیا، ’’ایس توں پہلاں کہ مُرغ بانگ دے تو تِن وری میرا انکار کر چکیا ہووے گا‘‘ (یوحنا13:38)۔ فیر یسوع نے کہیا، ’’میں تہاڈے لئی تھاں تیار کرن اُوتھے جا رہیا آں‘‘ (یوحنا14:2)۔ اُوہناں نوں کوئی اندازہ نئیں سی کہ اُو واپس آسمان وِچ جان دے بارے چہ گل کر رہیا سی۔ توما فوراً سوچے بغیر کہندا اے، ’’اے خداوند، سانوں راستے دا کی پتا، اَسی تے ایہہ وی نئیں جانندے کہ تو کیتھے جا رہیا اے؟‘‘ (یوحنا14:5)۔ جیویں کہ میں کہیا، یسوع دے شاگرد ایہناں سادہ جیہئی سچائیاں دے بارے چہ مکمل طور تے اَنّے سن۔ یوحنا 3:3 تے سیکو فیلڈ بائبل دی غور طلب گل اُوہناں دے مکمل اَنّے پن دے بارے وِچ وضاحت کردی اے،

خدا دی بادشاہت نوں ’’ویکھن‘‘ یا اُوس وِچ ’’داخل ہون دے لئی‘‘ نئے جنم دی ضرورت فطرتِ انسان دی ذہنی قوت دی قلت وِچوں پنپدی اے۔ پاویں کِیہنا ای نعمتاں آلا، یا اخلاق آلا یا نفیس انسان ہووے، فطرتاً انسان روحانی سچائیاں توں مکمل طور تے اَنّا ہوندا اے تے بادشاہت وِچ داخل ہون دے لئی بیکار ہوندا اے؛ کیوں جے اُو نا ای تے اُو سمجھ سکدا اے نا ای فرمانبرداری کر سکدا اے تے نا ای خداوند نوں خوش کر سکدا اے۔

میں اُوس بیان دے نال مکمل طور تے متفق آں، مسیح میں ایمان نہ لہایا ہویا بندہ ’’گناہواں تے قصوراں وِچ مُردہ‘‘ ہوندا اے (افسیوں2:1)۔ جیویں کہ سیکوفیلڈ بائبل دی غور طلب گل نے کہیا، ’’فطرتاً انسان روحانی سچائیاں توں مکمل طور تے اَنّا ہوندا اے۔‘‘ تے اینج دی ای حالت یسوع دے مصلوب کیتے جان توں اِک راتی پہلاں اُوس ویلے شاگرداں دی وی سی۔ اُوہناں نے تِن وریاں تیکر یسوع دی پیروی کیتی سی مگر روحانی طور تے اُو ہلے وی مُردہ لوک ای سن! کیوں جے

’’جیس وِچ خدا دا پاک روح نئیں اُو خدا دی گلاں قبول نئیں کردا کیوں جے اُو اُوہدے نیڑے بے وقوفی دی گلاں نے تے نا ای اُو اُوہناں نوں سمجھ سکدا اے کیوں جے اُو صرف پاک روح دے زریعہ سمجھی جا سکدیاں نے‘‘ (1۔ کرنتھیوں 2:14).

جدوں تیکر یسوع مُردیاں وِچوں جی نئیں اُٹھیا تے عیدِ پاشکا دے اِتوار دی راتی اُوہناں دے کول نئیں آیا شاگرد اِک مسیح وِچ ایمان نہ لہیائی ہوئی حالت وِچ روحانی طور تے مُردہ ای رئے سن! کوئی کہندا اے، ’’ایہہ گل کیتھے کہی گئی اے؟‘‘ اَسی اِرتداد دے ایہناں دِناں وِچ مسیح وِچ ایمان لہیا کے تبدیل ہون دے بارے وِچ کیس قدر اَنّے ہو چکے آں! ایہہ گل چاروں انجیلاں دے آخر وِچ کہی گئی سی! (ویکھو یوحنا20:19۔22؛ لوقا24:36۔45؛ وغیرہ)۔ ایہہ گل مینوں بھونچکا کر دیندی اے کہ آخری دِناں وِچ بے شمار مبلغین نوں اِک ایہو جیہئی سادہ جئی گل نئیں معلوم! کوئی تعجب دی گل نئیں اے کہ اُو خوشخبری دے بارے وِچ ہُن مذید ہُور منادی نئیں کردے! میں شاذونادر ای کدی ایہو جئے مبلغین نوں سُننا واں جیہڑے ہُن خوشخبری دی منادی کردے نے! اَسی اُوہناں نوں سُنا کردے سن۔ لیکن اَس ہُن اُوہناں نوں نئیں سُنندے، گھٹ توں گھٹ امریکہ وِچ تے نئیں! مینوں ایویں وکھائی دیندا اے کہ بے شمار مبلغین ایہنے ای اَنّے نے جیہنا کہ توما رسول سی جیہنے کہیا، ’’جدوں تیکر میں کِلاں دے سوراخ اُوہدے ہتھاں وِچ ویکھ کے اپنی اُنگلی اُوہناں وِچ واڑ نئیں لیندا تے اپنے ہتھ نال اُوہدی پسلی نا چھو لوں اُودھوں تیکر یقین نئیں کراں گا‘‘ (یوحنا20:25)۔ توما بالکل اُونج دا ای ہو گیا سی جیویں کے باقی سارے رئے سن۔ اُو اِک بے اعتقادہ سی، اِک غیرنجات یافتہ انسان، اِک گمراہ انسان۔ تے ایہہ ایہو ای گمراہ انسان توما سی جیس نے یسوع توں پُچھیا سی، ’’اے خداوند، اَسی نئیں جانندے [توں کیتھے جا رہیا اے] تے اَسی راہ کیویں جان سکنے آں؟‘‘ (یوحنا14:5)۔

یسوع توما تے باقی شاگرداں توں ناراض نئیں اے۔ توما نے آسمان [جنت] دے بارے وِچ پُچھیا سی تے اُوتھے کیویں جایا جائے۔ یسوع نے اُوہنوں ایہہ کہہ کے جواب دِتا سی،

’’راہ حق تے حیاتی میں واں: میرے وسیلہ توں بغیر کوئی پیو دے کول نئیں آندا‘‘ (یوحنا14:6)۔

ایس [واعظ] وِچوں باقی میں رابرٹ میورے میخائین Robert Murray McCheyne (1813۔1843) توں اخذ کر رہیا واں، جیہڑے سکاٹ لینڈ دے اِک عظیم مبلغ نے تے جِنہاں نے صرف 29 ورے دی عمر وِچ اپنے مرن توں پہلاں، اپنے گرجا گھر وِچ خدا دا پیجیا ہویا حیاتِ نو ویکھیا سی۔ رابرٹ میخائین نے کہیا، ’’[یوحنا14:6] توں تعلق رکھدیاں ہویاں جیہڑی کہ انجیلی نجات دی اِک مکمل وضاحت دی حیثیت اے، آؤ ایہدے مختلف حصیاں نوں ویکھو۔‘‘

یسوع خود آسمان [جنت] وِچ جان دی راہ اے۔ ایہہ آرٹیکل [’’داthe‘‘] ’’میں راہ واں I am the way‘‘ اِسم صفت اے۔ نا صرف یسوع سانوں خدا دی راہ وکھاندا اے – اُو ای خدا دی راہ اے۔ ہُور کوئی دوجی راہ نئیں اے! صرف یسوع ای تہانوں خدا وَل لے جا سکدا اے!

جدوں میں بارہ وریاں دی عمر دا سی تے ساڈی ماں سانوں ایریزونا دے شہر فینیکس توں کینیڈا دے شہر ٹورنٹو گڈی وِچ لے کے گئی۔ جدوں اَسی شیکاگو دے علاقے وِچ پہنچے تے اُوہناں نے اِک پولیس آلے کولوں کیہڑی شاہراہ تے جانا اے ایس بارے چہ پُچھیا۔ اُوہنے اُوہناں نوں دسیا کہ یو ٹرن لے کے واپس جان۔ اُوہنے کہیا اُو راستہ اے۔ اَسی اُوس راستے تے اِک گھنٹہ یا کُج زیادہ گڈی چلاندے رئے، مگر میں سڑک دے کنارے دے نال نال شیواں تے غور کرنا شروع کر دِتا جیہڑیاں میں پہلاں ویکھ چکیا سی۔ میں کہیا، ’’امّی میرے خیال چہ اَسی واپس اُوسی راستے تے جا رئے آں جیس توں آئے سن۔‘‘ اُوہناں نے شاہراہ دے کنارے توں گڈی اُتار کے روک لئی تے اِک ٹیکسی اُوتھے کِھلوتی سی۔ امّی نے کہیا، ’’اَسی شیکاگو دے مشرق وَل ٹورنٹو دے لئی جا رئے آں۔ کی اَسی صحیح سڑک تے آں؟‘‘ ٹیکسی ڈرائیور دے مُنہ دے اِک پاسے سگریٹ لمک رئی سی۔ اُوہنے کہیا، ’’محترمہ، تہانوں کسی نے اُلو بنایا اے! تہانوں اُوس راستے تے جانا چائیدا اے!‘‘ اُوہنے اُوس پاسے اشارہ کیتا جیتھے اَسی پہلے ای جا چکے سی۔ لہٰذا اَسی مُڑ کے گھومے تے واپس ٹر پہئے، اُوسی راستے تے جیس توں اَسی پہلی وری جا رئے سی! پولیس آلے نے سانوں غلط راستے تے پا دِتا سی! اَسی سارے غلط راستے تے جا رئے آں جدوں تیکر کہ یسوع ساڈے کول نئیں آندا۔ قدیم دُنیا وِچ کہیا جاندا سی، ’’سارے راستے روم وَل جاندے ے۔‘‘ اَج دی دُنیا وِچ اَسی کہہ سکنے آں، ’’سارے راستے جہنم وَل جاندے نے۔‘‘تنہا یسوع ای خدا وَل ’’اُو راہ‘‘ اے!

رابرٹ میخائین نے کہیا، یسوع نے آدم دے بیچارے پُتراں دے ترس کھایا جیہڑے خدا دی جنت دے لئی راہ لبہن دی بیکار جدوجہد کر رئے نے تے اُوہنے جنت نوں چھڈیا تے آسمان چہ پیو وَل جان آلی راہ نوں کھولن دے لئی ہیٹاں آیا۔ اُوہنے ایہہ کیویں کیتا؟… اُو ساڈی تھاں تے انسان بنیا۔ اُوہنے سولی تے ساڈے گناہ چُکے۔ ہُن پیہڑے توں پہیڑا قصوروار گنہگار اُوہدے لہو وِچ تر بدن دے ذریعے توں داخل ہو سکدا اے تے خدا دی جنت نوں لبھ سکدا اے تے ہمیشہ دی حیاتی جی سکدا اے۔ یسوع دے کول چھیتی آؤ، شک مت کرو؛ کیوں جے یسوع کہندا اے، ’میں ای اُو راہ ہوں۔‘‘‘

ایہہ اُو ’’گنہگار دی دعا‘‘ پڑھن نال نئیں ہوندا کہ تُسی پیو دے کول آ جاندے اُو۔ ایہہ اِک بہتر حیاتی بسر کرن نال نئیں ہوندا۔ ایہہ چند اِک گناہ چھڈ دین نال نئیں ہوندا۔ ایہہ ایتھوں تیکر کہ یسوع دے بارے چہ گلاں تے یقین کرن دے وسیلے توں وی نئیں ہوندا۔

رابرٹ میخائین نے کہیا، ’’تے ہُن میرے بیلیوں، کی پیو دے کول آں دی تہاڈی راہ ایہو ای اے؟ مسیح کہندا اے، ’راہ میں واں… میرے وسیلے دے بغیر کوئی پیو دے کول نئیں جا سکدا۔‘ فیر، جے تُسی اپنے راستے توں آن دی کوشش جاری رکھدے اُو – پاویں اُو راہ مذہبی سُدھار دی خود اصلاح دی راہ یا اُمیداں ہون کہ خدا سخت نئیں ہووے گا – جے تہانوں خبردار نئیں کیتا جائے گا، تے تہانوں انصاف دے دِن معلوم پیہئے گا کہ تُسی جہنم دی اَگ وِچ ڈِگو گے۔‘‘

تہانوں مسیح دے کول آن دے وسیلے توں پیو دے کول آنا چائیدا اے۔ بچن دے لئی ہُور کوئی دوجی راہ نئیں اے، کیوں جے راہ صرف اِک ای اے ’’خدا تے انسان دے وچکار اِک صلح کران آلا، یعنی مسیح یسوع جیہڑا انسان اے‘‘ (1تیموتاؤس2:5)۔

’’ایہہ نئیں کہیا جا سکدا کہ اِک غیر تبدیل شُدہ انسان اُو سچائی جانندا اے۔ کوئی شک نئیں کہ بے شمار سچائیاں ہوندیاں نے جیہڑی اِک غیر تبدیل شُدہ انسان جانندا اے۔ اُوہنوں ریاضی دی سچائیاں شاید معلوم ہون – اُو شاید بے شمار عام سچائیاں نوں جانندا ہووے؛ لیکن ایس دے باوجود ایہہ نئیں کہیا جا سکدا کہ مسیح وِچ ایمان لہیا کے مذہب تبدیل نہ کیتا ہویا اِک انسان اُو سچائی جانندا اے، کیوں جے مسیح ای تے اُو سچائی اے‘‘ – رابرٹ میورے میخائین نے کہیا،

میرے دو مامے سن جیہڑے دوویں ای بوہتے زیادہ پڑھاکو سن۔ ماضی وِچ جنگِ عظیم دوئم وِچ، ٹیلی ویژن دے آن توں پہلاں، بے شمار لوکی بوہتی زیادہ پڑھیا کردے سی۔ اُوس زمانے وِچ لوکاں دے لئی کتاباں پڑھنا انتہائی عام گل سی۔ مگر ایہہ دوویں مامے دوجیاں دے مقابلے وِچ بوہتا پڑھیا کردے سی، ایتھوں تیکر کہ ہُن دے مقابلے وِچ جدوں ماضی وِچ کتاباں پڑھنا بوہتی عام گل سی۔

اُوہناں وِچوں اِک مامے دا ناں پورٹر Porter سی – رابرٹ پورٹر اِیلیٹ Robert Porter Elliott۔ لیکن ہر کوئی اُوہناں نوں اُوہناں دے درمیانے ناں پورٹر توں مخاطب کردا سی۔ ماما پورٹر دے ہتھاں وچ ہر ویلے اِک کتاب ہوندی سی۔ اُو فوج وچ رہ چکے سی، لیکن ہُن اُو اِک میکنک سن، جیہڑے سانتا مونیکا وچ اِک بریک شاپ [گاڑیاں دی ورکشاپ] وچ کم کردے سن۔ اُو ہمیشہ پڑھا کردے سی۔ دوپہر دے کھانے دے ویلے، کم دے بعد، ایتھوں تیکر کہ جدوں اُو ٹیلی ویژن ویکھدے سن، اُو اِک کتاب پڑھ رئے ہوندے سن۔ اُو ٹی۔ وی تے اِک نظر پاندے تے فیر تھلے کتاب تے جیہڑی اُو پڑھ رئے ہوندے سی نظر پاندے۔ اُو قتل، پُراسرار، اگاتھا کرسٹی وگری کتاباں پڑھا کردے سی۔ لیکن اُوہناں دی پسندیدہ کتاباں سائنس تے سائنس فیکشن دے بارے وچ ہویا کردیاں سن۔ اُوہناں کول واقعی وچ سائنس تے سائنس فیکشن تے سینکڑوں کتاباں سن۔ اُو حقیقی سائنس دے بارے وچ بہتیرا کُج جانندے سی، تے حتٰی کہ سائنس فیکشن دے بارے وچ زیادہ جانندے سن۔ اُو ڈارون دے ارتقاء وچ بوہتا زیادہ یقین رکھن آلے انسان سن۔ اُو ایس موضوع تے گھنٹوں گل کر سکدے سی۔

اِتور دی اِک سویر اُوہناں نوں اپنے گرجا گھر ول آندا ہویا ویکھنا انتہائی حیرانی دی گل سی۔ اُو کمرے دے سب توں پِچھے انتہائی خاموشی نال بیہہ گئے تے مینوں منادی کردا ہویا سُننے رئے۔ بعد وچ میں اُوہناں دے آن دا شکریہ ادا کیتا۔ اُوہناں نے کہیا کہ میرا واعظ انتہائی دلچسپ سی۔ اُوہدے بعد اُو ہر اِتوار نوں آئے۔ آخرکار، کئی ہفتیاں بعد، میں اُوہناں نال مسیحی بنن دے بارے وچ گل کیتی۔ اُوہناں نے نہایت احتیاط دے نال میری گل سُنی، تے میں اُوہناں نوں مسیح تے پرہوسا کرن لئی اُوہناں دی رہنمائی کر پایا سی۔ میں مشکل نال ایس گل تے یقین کر پایا! اُو ہمیشہ توں ای ایس قدر سرد فطین انسان رئے سی کہ میں اُوہناں توں اِک بچے دی حیثیت نال گل کرن وچ خوفزدہ ساں۔ اُو ہمفری بوگارٹ Humphrey Bogart وگرے کُج لگدے سی جنہاں نے موٹے شیشیاں آلی پڑھن دی عینک پہنی سی۔ لیکن مسیح وچ ایمان لہیا کے تبدیل ہو چُکن دے بعد اُو مسکرائے تے ساڈے نوجوان لوکاں نال اِک مکمل طور توں مختلف ہستی وانگوں گل بات کیتی۔ فیر اُوہناں نے میرے توں مسیحی کتاباں منگنا شروع کیتیاں۔ میں اُوہناں نوں اِرتقاء دے خلاف اِک کتاب دِتی، جیہڑی اِک موٹی، وڈی جئی کتاب سی۔ اُوہناں نے اُوہنوں شوق نال پڑھیا۔ اگلے اِتوار اُوہناں نے میرے توں ہور کتاباں منگیاں۔ میں اُوہناں نوں تقریباً چالی یا پنجاہ کتاباں لدّ دِتیاں۔ اُوہناں نے اُو ساری دی ساری پڑھیاں، تے ایتھوں تیکر کہ اُوہناں وچوں کُج نوں دو تِن وری پڑھیا۔ اُوہناں نے کدی وی کوئی دوجی قتل یا اسرار یا سائنس فیکشن دی کتاب فیر نئیں پڑھی۔ میں اُوہناں نوں بپتسمہ دِتا تے اُو ساڈے گرجا گھر اِک ایمان نال بھرپور رُکن بنے۔ مسز سیلی کُک Mrs. Sally Cook نوں ماما پورٹر بوہتی چنگی طرح یاد نے۔ فیر اُو اچانک دِل دا دورہ پین نال وفات پا گئے۔

رابرٹ پورٹر عیلیٹ دے نال کی رونما ہویا سی؟ اُوہناں نے کیوں سائنس فیکشن تے اِرتقاء توں مُنہ موڑ لہیا سی؟ ایہہ سادہ جئی گل سی – اُوہناں نے خُداوند یسوع مسیح نوں لبھ لہیا سی! اُوہناں نوں مذید ہور فیکشن دی لوڑ ای نئیں رئی سی۔ اُوہناں نے اُو سچائی لبھ لئی سی – یسوع، جیہنے کہیا، ’’راہ، حق تے حیاتی میں آں۔‘‘ جدوں میں آسمان وچ پہنچاں گا تے ماما پورٹر اُوہناں پہلے لوکاں وچوں اِک ہون گے جنہاں نوں میں لبّاں گا! اُو یسوع دے وسیلے نال بچائے گئے سی جیہڑا ساری سچائی دی کُنجی اے!

دوجے انکل میری امی دے وڈے پراہ لائیڈ وی۔ فلاور، جونیئر سن۔ اُو دوجی جنگ عظیم وچ ریاست ہائے متحدہ دی بحری فوج وچ رہ چُکے سن۔ پورٹر وانگوں ای، ماما لائیڈ بوہتے زیادہ پڑھن آلے اِک انسان سن۔ اُو خصوصی طور تے نہایت تخمینی تے باطنی قسم دے فلسفے metaphysics تے مشرقی مذھب تے کتاباں وچ دلچسپی رکھدے سن۔ اُوہناں دے کول اُو جِدھر کِتھے وی جاندے اُوس قسم دی اِک کتاب ہمیشہ ہویا کردی سی۔ اُو اَرضی مناظر بنان آلے اِک مالی سن مگر اُوہناں دے کول ہمیشہ قدیم مصری علامتاں آلی زبان یا اہراماں دے بارے وچ اِک کتاب ہویا کردی سی یا اُوہناں دے نال مشرقی مذھب تے کوئی کتاب ہویا کردی سی۔ اُو میرے بیلی سن، تے میں گھنٹوں اُوہناں دی قدیم اہراماں تے مشرقی مذھب دے بارے وچ گلاں سُنا کردا سی۔ حالانکہ میں کوشش کیتی کہ اُو بائبل پڑھ لیوے، اُوہناں نے کدی وی سرے توں کوئی دلچسپی ظاہر نئیں کیتی۔ اُو وی اچانک دِل دا دورہ پین نال وفات پا گئے سی۔ مگر ماما پورٹر دے برعکس، ماما لائیڈ مسیح دے بغیر ای مر گئے۔ اُو اکثر مینوں دسیا کردے سن کہ اُو سچائی نوں لبھدے پھر رئے سی۔ مگر اُو ایہنوں کدی وی تلاش نئیں کر پائے۔ اُو یسوع نوں کدی وی تلاش نئیں کر پائے، جیہڑا ساری سچائی دا اوتار اے! افسوس دے نال، جدوں میں آسمان وچ پہنچاں گا تے میں ماما لائیڈ نوں نئیں لبھاں گا – کیوں جے میں جاننا واں اُو اوتھے ہونگے یا نئیں، کیوں جے یسوع نے کہیا، ’’میں راہ… آں … میرے وسیلہ دے بغیر کوئی پیو دے کول نئیں جا سکدا‘‘ (یوحنا14:6)۔ ماما لائیڈ جہنم وچ نے۔

میرے مامیاں وچوں کیہڑا آلا تہاڈے وانگوں اے؟ کی تُسی پورٹر وانگوں اُو، جنہاں نے یسوع وچ سچائی نوں پا لہیا سی؟ یا تُسی لائیڈ وانگوں اُو جنہاں نے کدی وی نجات دہندہ نوں نئیں پایا؟

رابرٹ میخائین نے کہیا، ’’دوویں کلام پاک تے تجربہ اِک وگری گواہی دیندے نے کہ اسی فطری طور نال گناہواں تے قصوراں وچ مُردہ آں… سچ، اُو جیہڑے گناہواں وچ مُردہ ہوندے نے اُو نئیں جانندے کہ اُو مُردہ نے۔ ایہدے باوجود اگر پاک روح تہانوں تہاڈی گناہ نال بھرپور مُردہ فطرت دی سزایابی وچ لہیاندا اے، تے تُسی ایہنوں جان جاؤو گے… آیا تُسی خُدا دے سارے احکامات نوں برقرار رکھن دی کدی وی کوشش کیتی سی، آیا تُسی کدی وی گناہ نال بھرپور گلاں نوں نہ سوچن دی کوشش کیتی سی، آیا تُسی اپنے دِل نوں گناہ تے حرص و طمع توں دور رکھن دی کدی وی کوشش کیتی سی – جے تُسی کدی وی ایہہ کوشش کر چُکے اُو تے کی تہانوں ایہہ ناممکن نئیں لگیا؟ ایہہ جیویں مُردے نوں زندہ کرن دی کوشش کرن وانگوں سی! اوہ، کیس قدر سادہ جئی گل اے کہ تُسی مُردہ اُو – تُسی نئے سرے نال جنم نئیں لہیا! تہانوں فیر جنم لینا چائیدا اے۔ تہانوں مسیح دے نال جُڑنا چائیدا اے، کیوں جے مسیح ای اُو حیاتی اے۔‘‘

کی تہاڈی جان اِک مُرجھائی ہوئی شاخ وانگوں اے – جیہڑی خشک، بے پھل تے مُردہ ہوندی اے؟ یسوع دے کول آؤ! اُوہدے تے پرہوسا کرو۔ اُوہدے لہو دے وسیلہ نال دھل کے پاک صاف ہوو۔ اُوہدے مُردیاں وچوں جی اُٹھن دے وسیلہ نال زندہ کیتے جاؤ۔ اُودوں تُسی جان پاؤ گے کہ مسیح وچ تہاڈی حیاتی اے! تُسی پولوس رسول دے نال کہن دے قابل ہو جاؤ، ’’جیہڑا حیاتی میں ہُن لنگھا رہیا واں اُو خُدا دے پُتر تے ایمان لہیان دی وجہ نال لنگھا رہیا واں جیہنے میرے نال محبت کیتی تے میرے لئی جان دے دِتی‘‘ (گلِتیوں2:20 نئی کنگ جیمس بائبل NKJV)۔ یسوع نے کہیا،

’’راہ حق تے حیاتی میں آں: میرے وسیلہ دے بغیر کوئی پیو دے کول نئیں آندا‘‘ (یوحنا14:6)۔

اُو ایہہ کیویں کہہ پایا ہووے گا؟ کیوں جے ایہہ سچ اے۔ صرف مسیح ای خُدا دا اِکلوتا پُتر اے۔ واحد صرف اُو ای اے جیہڑا صلیب تے ساڈے گناہواں دا کفارہ ادا کرن لئی مریا سی۔ واحد صرف اُو ای اے جیہڑا مُردیاں وچوں جسمانی طور تے جی اُٹھیا سی۔ ایس ای لئی ’’[اُوہدے] وسیلہ دے بغیر کوئی پیو دے کول نئیں آندا۔‘‘ میں دعا منگنا واں کہ اج دی سویر تُسی یسوع تے پرہوسا کرو گے تے اُوہدے قیمتی لہو دے وسیلے نال سارے گناہ توں دُھل کے پاک صاف ہو جان گے!

’’رنج و الم دا انسان،‘‘ کی ناں اے
   خدا دے پُتر لئی جیہڑا آیا سی
تباہ حال تے خستہ حال گنہگاراں نوں بچان لئی!
   ھیلیلویاہ! کیہو جیہا اِک نجات دہندہ!

بے عزتی تے بیہودہ مخول نوں برداشت کردے ہوئے،
   میری تھاں تے سزا پا کے اُو کِھلوتا سی؛
اپنے لہو نال میری معافی نوں مہر لائی؛
   ھیلیلویاہ! کیہو جیہا اِک نجات دہندہ!
(’’ ھیلیلویاہ! کیہو جیہا اِک نجات دہندہ! Hallelujah, What a Saviour! ‘‘ شاعر فلپ پی۔ بِلس Philip P. Bliss، 1838۔1876)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔