ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ہُن میں ایس واعظ وَل جیس طرح میں عام طور تے منادی کرنا واں اُوس توں مختلف انداز وِچ تبلیغ کرن جا رہیا آں۔ میں چاہنا واں کہ تُسی اپنی بائبل مرقس 4 باب لئی کھولو۔ میں تہانوں بیج بون آلے دی تمثیل دی وضاحت کرن جا رہیا آں۔ ایہہ متی، مرقس تے لوقا وچ پائی جاندی اے۔ لیکن اَج رات اسی ایہدا مرقس وچوں مطالعہ کرن جا رئے آں۔ تمثیل اِک کہانی اے جیہڑی یسوع نے روحانی سچائی نوں سادہ بنان تے مثال دین لئی دسی۔

ایس تمثیل دی سچائی کی اے؟ اُو ایہہ اے – لوکاں دی اِک بوہتی وڈی اکثریت جیہڑی خوشخبری نوں سُنندی اے نجات نئیں پائے گی! بڑی حد تیکر، لوکاں دی اِک بوہتی وڈی تعداد جیہڑے سُنندے نے کہ نجات کیویں پائی جاوے نجات نئیں پان گے۔ اُو جہنم وچ جان گے! ہجوم جہنم وچ جان گے۔ صرف اِک نِکی تعداد نجات پائے گی۔ ایہہ گل اج بے شمار لوکاں نوں حیرت وچ پا دیندی اے۔ اُو کہندے نے، ’’میں یقین نئیں کردا خُدا کسی نوں جہنم وچ بھیجے گا۔‘‘ اُودوں تُسی کہندے اُو، ’’لیکن بائبل دا خُدا لوکاں نوں جہنم وچ بھینجدا اے۔‘‘ اُو کہندے نے، ’’میں اُوس خُدا وچ یقین نئیں کردا۔ میرا خُدا اینج کدی وی نئیں کرے گا۔‘‘ اُوہناں دا مطلب ہوندا اے کہ جیہڑا خُدا اُوہناں نے خُود اپنے ذہناں وچ بنایا ہویا ہوندا اے ایویں نئیں کردا۔ مگر اسی اُوس خُدا دے بارے وچ گل نئیں کر رئے آں جیہڑا تُسی خود اپنے ذہن وچ بناندے اُو۔ اُو ’’بارہ قدم Twelve Step‘‘ جیہدے بارے وچ لوکی گلاں کردے نے ’’خُدا جیویں دا تُسی اُوہنوں سمجھدے اُو۔‘‘ لیکن میں اُوس جھوٹے خُدا دے بارے وچ وی گل نئیں کر رہیا واں۔ اُو خُدا جیہڑا تُسی اپنے ذہناں وچ ’’تراشدے‘‘ اُو اِک جھوٹا خُدا اے۔ اُو خُدا ’’جیویں دا تُسی اُوہنوں سمجھدے اُو‘‘ اِک جھوٹا خُدا ہوندا اے۔ میں اُوس خُدا دے بارے وچ گل کر رہیا واں جیویں دا تُسی اُوہنوں نئیں سمجھ پاندے! ایہہ اُو خُدا اے جیہنے خُود نوں مکمل طور تے بائبل وچ آشکارہ کیتا۔ اُو بائبل دا خُدا اے! تے کوئی دوجا اے ای نئیں! میں اُوس جھوٹے خُدا دے بارے وچ گل نئیں کر رہیا جیہدا تُسی یقین کردے اُو۔ میں اِک حقیقی خُدا دے بارے وچ گل کر رہیا واں – جیہڑا ساڈے تے بائبل وچ ظاہر کیتا گیا اے۔ تہاڈا جھوٹا خُدا لوکاں نوں جہنم وچ نئیں بھیجدا۔ مگر حقیقی خُدا بھیجدا اے۔ متی 7:13 وچ خُداوند یسوع مسیح نے کہیا کہ بے شمار لوکی جہنم وچ ’’ہلاکت لئی‘‘ جان گے۔ اُوہنوں اگلی آیت وچ خُداوند یسوع مسیح نے کہیا اُو جیہڑے نجات پان تعداد وچ ’’تھوڑے‘‘ نے – انتہائی چند اِک بِلاشُبہ۔ تے ایس تمثیل دا اہم ترین نکتہ ایہہ ای اے۔

ایہہ اِک سادہ جئی کہانی اے جیہڑی یسوع مسیح نے دسی۔ اُوہنے کہیا کہ اِک کسان بیج بون لئی باہر گیا۔ جدوں اُو بیج پھیلا رہیا سی، اُوہناں وچوں کُج سڑک دے کنارے ڈِگے۔ چڑیاں نے آ کے چھیتی ای اُوہنوں نوں چُگ لہیا۔ بیجاں وچوں کُج ہُور پتھریلی تھاں تے ڈِگیا جیتھے مٹی گہری نئیں سی۔ بیج پُھوٹ تے چھیتی گیا، لیکن جدوں سورج نکلیا تے جل گیا تے جڑ نہ پھڑن دی وجہ توں سُکھ کے مر گیا۔ کُج بیج کنڈیاں تے جھاڑیاں وِچ ڈگیا۔ جھاڑیاں نے پھیل کے اُوہنوں دبا لہیا تے اُو پھل نہ لہایا۔ سب توں اَخیر وِچ، کُج بیج چنگی زمین تے ڈِگیا، ایہہ اُگیا تے ودھ کے چنگی فصل لہایا۔ ایہہ تمثیل اے۔ ایہہ اِک سادہ سی نکی جیہئی کہانی اے – مگر ایہہ سانوں اِک انتہائی اہم سچائی ظاہر کردی اے – انتہائی چند اِک لوکی جیہڑی خوشخبری نوں سُنندے نے بچائے جان گے!

تمثیل وِچ چار قسماں دی مٹی چار قسم دے لوکاں دی نمائندگی کردی اے جیہڑے خوشخبری نوں سنندے نے۔ بیج خداوند دا کلام اے، جیہڑی بائبل اے، یسوع مسیح دے ذریعے توں نجات دے بارے وِچ پیغام۔ ہر اُو بندہ جیہڑا ایس گرجا گھر وِچ آندا اے خوشخبری نوں سُنندا اے۔ ایس دے بارے وِچ اُو کی کردے نے تمثیل وِچ موجود چار اقسام دی مٹی دے ذریعے توں ظاہر کیتے گئے نے۔

I۔ پہلی گل، اُو جہیڑے خوشخبری نوں سُنندے تے فوراً ای اُوہنوں بُھل جاندے نے، گمشدہ یا گمراہ لوکی نے۔

مرقس4:15 تے نظر پاؤ۔

’’ہُور کُج لوکی جنہاں نوں کلام سُنایا جاندا اے راہ دے کنارے آلے نے۔ جونہی کلام دا بیج بویا جاندا اے، شیطان آندا اے تے اُوہناں دے دِل توں اُو کلام کڈ کے لے جاندا اے‘‘ (مرقس 4:15).

ایہہ اُو لوکی نے جیہڑے ساڈے گرجا گھر وِچ اِک یا دو وری آندے نے۔ اُو خدا دا کلام سُنندے نے جیہڑا نجات دا پیغام اے۔ مگر پرندے آندے نے تے اُوہنوں چُگ لیندے نے‘‘ (مرقس4:4)۔ اُو پرندے جنہاں نے بیج کھادا، شیطان تے اُوہدے آسیباں نوں ظاہر کردے نے۔ ’’شیطان فوراً آندا اے تے اُوس کلام نوں جیہڑا اُوہناں دے دِلاں وِچ بیجا گیا سی لے جاندا اے۔‘‘ (مرقس4:15)۔

اَسی اُوہناں نوں دسنے آں کہ مسیح اُوہناں دے گناہواں دی ادائیگی دے لئی سولی تے مریا سی۔ شیطان اُوہناں نوں دسدا اے، ’’تہاڈا کوئی گناہ نئیں اے۔ تُسی اِک نیک انسان اُو۔‘‘ ایویں اُوس ابلیس دے ذریعے توں جیہڑا اُوہناں دے ذہناں وِچ کم کردا اے کلام چھیتی نال کڈ لہیا جاندا اے۔ اَسی کہنے آں، ’’مسیح تہانوں دائمی حیاتی بخشن دے لئی مُردیاں وِچوں جی اُٹھیا۔‘‘ ابلیس کہندا اے، ’’اُوہدے تے یقین مت کرو! ایہہ اِک جادوئی کہانی اے، پریاں دی کہانی۔‘‘ ایویں اُوس ابلیس دے ذریعے توں جیہڑا اُوہناں دے ذہنا وِچ کم کردا اے کلام چھیتی نال کڈ لہیا جاندا اے۔ یسوع نے کہیا کہ ابلیس ’’اِک جھوٹا اے‘‘ (یوحنا8:44)۔ اُو تہانوں نجات پان تے خوشخبری تے یقین رکھن توں باز رکھن دے لئی تہاڈے نال جھوٹ بولدا اے۔ اُو تہانوں اپنے غلام دی حیثیت نال رکھنا چاہندا اے!

اَسی ہر اِتوار نوں بے شمار لوکاں نوں خوشخبری سُنن دے لئی لے کے آنے آں۔ اُوہناں وِچوں بوہتی سارے تے کدی وی واپس ای نئیں آندے۔ اَسی اُوہناں نوں نجات دا پیغام دینے آں۔ اَسی اُوہناں نوں دوپہر دا کھانا (یا رات دا کھانا) تے اِک شاندار سالگرہ دی دعوت پیش کرنے آں۔ اَسی گرجا گھر آن نوں سُہکھا یا آسان بنانے آں۔ مگر اُوہناں وِچوں بوہتی سارے کسی اِک گل نوں وی جیس دی میں منادی کرنا آں یاد نئیں رکھدے۔ کیوں؟ کیوں جے ’’شیطان فوراً آندا اے تے اُوس کلام نوں جیہڑا اُوہناں دے دِلاں وِچ بیجا گیا سی لے جاندا اے،‘‘ ایہہ وجہ اے! باز لوکی، منادی دا اُوہناں تے کوئی وی اثر ہوئے بغیر کئی وری آندے نے۔ کیوں؟ کیوں جے ہر وری اُو ابلیس دی منندے نے تے اُو اُوہناں دے دِلاں وِچوں کلام کڈ کے لے جاندا اے۔ اَسی ایتھوں تیکر کہ اُوہناں نے حرف بہ حرف واعظ دا مسودہ گھر لے جان تے پڑھن لئی فراہم کرنے آں۔ کی اُو واقعی چہ اُوہنوں پڑھدے نے تے اُوہدے بارے وِچ سنجیدگی نال سوچدے نے؟ جی نئیں، اُو اینج نئیں کردے۔ میں جاننا واں کہ اُوہناں وِچوں زیادہ تر تے جدوں گھر پہنچدے نے تے مسودے نوں ردی دی ٹوکری وِچ سُٹ دیندے نے۔ میں ایہہ گل جاننا آں۔ لیکن اَسی اینج کردے رہنا جاری رکھنے آں۔ اَسی اینج کردے رہنا جاری کیوں رکھنے آں؟ کیوں جے یسوع نے کہیا، ’’راہواں تے کھیتاں دیاں باڑھاں وَل نکل جا تے لوکاں نوں مجبور کر کہ اُو آں‘‘ (لوقا14:23)۔ کیوں جے خداوند نے سانوں دسیا،

’’تے توں میرا کلام اُوہناں نوں سُنانا خواہ اُو سنن یا نہ سُنن کیوں جے اُو سرکش ہو چکے نے‘‘ (حزقی ایل 2:7).

جیویں جیویں اَسی ’’اَخیرلے دِناں‘‘ دے گہرائی وَچ جا رئے آں لوکی تدریجی طور تے خدا دے خلاف باغی ہوندے جا رئے نے۔ ایس طرح ابلیس تے اُوہدے آسیب لوکاں دے دِلاں تے ذہناں وِچوں خدا دے کلام نوں اُکھاڑ پھینکن دے زیادہ توں زیادہ اہل ہوندے جا رئے نے۔ چالی وریاں پہلاں تُسی باہر اِک بورڈ آویزاں کر سکدے سی جیہدے تے لکھا ہوندا، ’’ایتھے شامی 7:00 وجے بائبل دا مطالعہ ہوندا اے۔‘‘ محض اُوس طرح دے آویزاں بورڈ نوں پڑھ کے ای، اُوہناں وِچوں بے شمار نوجوان لوکی آ جاندے۔ یقینی طور تے اُو آندے۔ مگر اُو پاویں کیہنے وی بُرے سن، اُو اَج دے نوجوان لوکاں توں کہیں درجے بہتر سن! اَج زیادہ تر نوجوان لوکاں دے ایس قدر سخت دِل نے کہ اِک بوہتی وڈھی ہتھوڑی دے نال وی اُوہناں تیکر نئیں پہنچ پاؤ گے! ایس دے باوجود اِسی جُتے ہوئے آں، ’’پاویں اُو سنن یا پاویں اُو [نا] سُن پان‘‘ – کیوں جے خدا نے سانوں اینج کرن دے لئی کہیا اے! تے بعض اِک وری تے اَسی کسی نہ کسی نوں لبھ لہنے آں جیہڑا چُنیدہ لوکاں وِچوں اِک ہوندا اے، جیہڑا خوشخبری نوں سُنندا تے نجات پا لیندا اے۔ لیکن ایہہ گل ہُن زیادہ توں زیادہ نایاب ہوندی جا رئی اے جیویں جیویں ایہہ زمانہ خاتمے دے قریب ہوندا جا رہیا اے تے ایس موجودہ زمانے دا اِختتام ہوندا جا رہیا اے۔ میں قائل ہو چکیا واں کم از کم ایتھے امریکہ وِچ، کہ خداوند ساڈے لوکاں تے ’’گمراہی دا اینج اثر پائے گا کہ اُو جھوٹ نوں سچ تسلیم کرنا شروع کر دین گے‘‘ (2 تسالونیکیوں2:11)۔ ایہدے باجود اَسی ایہہ گل وی جاننے اں کہ خدا، پُرکشش فضل دے وسیلے توں، ایہناں شیطانی تے آسیبی دِناں وِچ وی، چُنیدہ لوکاں نوں کِھیچے گا! اَسی بوہتے وڈے وڈے ہجوماں دی تلاش نئیں کر رئے آں۔ اَسی ایہدھر اُودھر اُوہناں چند اِک لوکاں نوں لبھ رئے آں جِنہاں نوں خدا نے نجات پان دے لئی چُنیا ہویا اے۔ کیوں جے یسوع نے کہیا، ’’تُسی مینوں نئیں چُنیا بلکہ میں تہانوں چُنیا اے‘‘ (یوحنا15:16)۔ خدا اُوہناں لوکاں نوں جِنہاں نوں اُوہنے خود مختیار فضل دے وسیلے توں چنیا اے اندر لے آئے گا! ھیلیلویاہ! لیکن اُو جنہاں نوں خدا نے نئیں چُنا ’’فوراً شیطان نوں [آن] دین گے تے اُوہناں دے دِلاں وِچ جیہڑا کلام بیجیا گیا سی اُوہنوں [لے جان] دین گے‘‘ (مرقس4:15)۔ تہاڈے بارے چہ کی خیال اے؟ کی تُسی خدا دے چُنیدہ لوکاں وِچوں اِک ہو – یا کی تُسی شیطان نوں تہاڈے دِل وِچوں خدا دے کلام نوں اُکھاڑ سُٹن دیو گے – تے اپنے گناہ وِچ حیاتی بسر کرن تے مرن دے لئی ٹُر جاؤ گے؟ کیوں جے یسوع نے کہیا، ’’سَدے ہوئے تے بُہتیرے نے مگر چُنے ہوئے گھٹ نے‘‘ (متی22:14)۔

II۔ دوجی گل، اُو جیہڑے خوشخبری نوں سُنندے نے تے خوشی دے نال ایس نوں قبول کردے نے مگر جدوں آزمائش وِچ پیہندے نے تے برگشتہ تے گمراہ ہو جاندے نے۔

مرقس4:16۔17 آیت تے نظر پاؤ۔

’’تے ایویں ای بعض لوکی اُوس پتھریلی زمین وانگوں ہوندے نے جیہدے تے بیج ڈِگدا اے۔ اُو خدا دے کلام نوں سُنندے ای قبول کر لیندے نے۔ مگر اُو کلام اُوہناں وِچ جڑ نئیں پھڑ پاندا۔ چنانچہ اُو کُج دِناں تیکر ای قائم رہندے نے تے جدوں اُوہناں تے ایس کلام دی وجہ توں مصیبت یا ایذا برپا ہوندی اے تے اُو فوراً ڈِگ جاندے نے‘‘ (مرقس 4:16۔17).

ایہہ پتھریلی زمین آلے لوکی پہلے گروپ دے اُلٹ نے۔ اُو خوشخبری نوں مسرت تے خوشی دے نال قبول کردے نے۔ تے گرجا گھر آندے نے تے ایس نال محبت کردے نے۔ اُو اُسی ویلے شوق و ذوق دے نال حمد و ثنا دے گیت گاندے نے۔ اُو دعائیہ اِجلاس وِچ آندے نے۔ اُو انجیلی بشارت دا پرچار کرن دے لئی جاندے نے۔ ایہہ گل بوہتی شاندار ہوندی اے! اُو ایس نوں چاہندے نے! اُو واعظوں دے مسودے گھر لے کے جاندے نے تے اُوہناں نوں غور دے نال پڑھدے نے۔

لیکن کُج نہ کُج غائب ہوندا اے۔ اُو ’’جڑ نئیں پھڑدے‘‘ نے۔ اُوہناں نے مسیح وِچ جڑ نئیں پھڑی ہوندی، اُو ’’اُوہدے چہ جڑ نئیں پھڑے ہوئے ہوندے‘‘ (کُلسیوں2:7)۔ تے ’’اُو کُج ویلے دے لئی ای مضبوط ہوندے نے۔‘‘ ڈاکٹر جے ورنن میگی Dr. J. Vernon McGee نے کہیا، اُو واقعی وِچ پُرجوش ہو جاندے نے، لیکن مسیح دے نال اُوہناں دا تعلق حقیقی نئیں ہوندا۔ ایہہ محض اِک جذباتی اُٹھان ہوندی اے‘‘ (بائبل وِچوں Thru the Bible، متی13:20، 21 تے غور طلب گل) ۔

کُج عرصے دے بعد اُوہناں نوں پتا چلدا اے کہ ایس دے سبب توں گرجا گھر وِچ ہون دے نال اُوہناں نوں پریشانی ہوندی اے۔ کوئی نہ کوئی مسئلہ کھڑا ہو جاندا اے تے گرجا گھر وِچ آن جیہی گل محسوس نئیں کردے۔ جدوں گرجا گھر وِچ ہون دی وجہ توں کوئی مصیبت یا ایذا برپا ہوندی اے تے ’’فوراً! خلاف ورزی کردے نے۔‘‘ ایس دا مطلب ہوندا اے، واقعی وِچ، ’’اُو ڈِگ جاندے [برگشتہ ہو جاندے] نے‘‘ (ویکھو نئی امریکی بائبل NIV)۔ ایہہ اکثر کرسمس تے نئے سال دی ’’چُھٹیاں‘‘ دے دوران ہوندا اے۔ اُو جانندے نے کہ اَسی اُوہناں کولوں چاہنے آں کہ او کرسمس دی صیافت وِچ، کرسمس دی شام دی عبادت وِچ، تے سال دے اَخیرلے دِن دی شام نوں نئے سال دی رات دی عبادت وِچ آن۔ اُو آن دا منصوبہ بناندے نے۔ لیکن فیر کُج نہ کُج ہو جاندا اے، اُو بے اعتقاداں دے نال کسی دوجی دعوت وِچ مدعو کیتے جاندے نے، یا کُج نہ کُج ہُور رونما ہو جاندا اے۔ اُو دُنیا دی گلاں وِچ آ جاندے نے – تے پُھر نال اُڑ جاندے نے، ٹُر جاندے نے، پہلی وری ذرا ماڑی جیہئی ’’تکلیف‘‘ یا پریشانی ہوندی اے۔ کی تُسی ’’برگشتہ‘‘ ہو جاؤ گے جدوں تہانوں ’’چُھٹیاں‘‘ دے ذریعے توں آزمائش ہووے گی؟ کی تُسی گمراہ بیلیاں دے نال اِک دُنیاوی دعوت وِچ ٹُر جاؤ گے؟ ہر سال اَسی چند اِک لوکاں نوں جنہاں دی مسیح وِچ کوئی حقیقی جڑ نئیں ہوندی ویکھنے آں، جیہڑے چھٹیاں وِچ چھیتی نال برگشتہ ہو جاندے نے۔

ڈاکٹر ڈیوڈ ایف۔ ویلز Dr. David F. Wells مذھبی سُدھار دے اِک معروف عالمِ الہٰیات نے۔ اُوہناں نے کہیا، ’’ایہناں [لوکاں] دی خود عظمی، جیہدی لوڑ ہوندی اے، اُوہدے قیمت چکان دا کوئی اِرادہ نئیں ہوندا جے پیغام تے حقیقت وِچ ایمان لہیانا پیہئے… ایہہ [نام نہاد کہلان آلے] ’مذھب تبدیل کرن آلے لوکی‘ ایس طریقے نال اپنی حیاتی نوں پلٹدا ہویا ویکھن توں انکار کر دیندے نے۔ ایتھے، اَج امریکہ وِچ ایس طرح دے واضح طور تے بے شمار لوکی نے‘‘ (ڈیوڈ ایف۔ ویلز، پی ایچ۔ ڈی۔ David F. Wells, Ph.D.، پروٹسٹنٹ ہون دے لئی حوصلہ The Courage to be Protestant، عئیرڈ مین اشاعتی کمپنی Eerdmans Publishing Company، 2008، صفحہ 89)۔

ڈاکٹر جے ورنن میگی ایہنا لوکاں نوں ’’الکا سیلٹزر مسیحی Alka-Seltzer Christians [الکا سیلٹزر انگریزی زبان وِچ، گیس ہون دی وجہ توں بُلبلیاں آلا پانی، جیویں سوڈا واٹر ہوندا اے] کہندے نے۔ اُوہناں وِچ بوہتے زیادہ بُلبلے بنندے نے… اُوہناں دا مسیح دے نال کوئی حقیقی تعلق نئیں ہوندا۔ ایہہ محض اِک جذباتی اُٹھان ہوندی اے۔ اُو پتھریلی زمین آلے لوکی ہوندے نے‘‘ (ibid.)۔

III۔ تیجی گل، اُو جیہڑے خوشخبری نوں سُنندے نے مگر ایس دُنیا دی فکراں، دولت دا فریب تے دوجی شیواں دے لالچ وِچ گمراہ یا گمشدہ ہو جاندے نے۔

مرقس4:18، 19 تے نظر پاؤ۔

’’جھاڑیاں وِچ ڈِگن آلے بیج توں مُراد اُو لوکی نے جیہڑے کلام نوں سُنندے تے نے لیکن ایس دُنیا دی فکراں، دولت دا فریب تے دوجی شیواں دا لالچ آڑے آ کے ایس کلام نوں دبا دیندا اے تے اُو بے پھل رہ جاندا اے‘‘ (مرقس 4:18،19).

ڈاکٹر میگی نے کہیا، ’’ابلیس سڑک دے کنارے آلے لوکاں نوں ہتھیا لیندا اے، تے جسمانی نیت پتھرلی زمین آلے لوکاں نوں ٹھکانے لگا دیندی اے مگر سُنن آلے ایس قسم دے لوکاں دے لئی کلام نوں دُنیا دبا ڈالدی اے۔ دُنیا دیاں فکراں اپنی تھاں بنا لیندی اے… میں ویکھ چکیا واں کہ بوہتے زیادہ بے شمار لوکاں نے دُنیا دے فکراں نوں خدا دے کلام تے قبضہ جمان دِتا اے‘‘ (ibid.)۔

اَسی ایس گل نوں کئی وری ہوندے ہوئیاں ویکھ چکے آں۔ کُج نوجوان گرجا گھر آندے نے تے مسیح وِچ ایمان لہیا کے تبدیل ہوندے ہوئے ویکھائی دیندے نے۔ فیر، کُج عرصہ دے بعد، اُو گریجوایشن کر لیندے نے تے پیسے کمانا شروع کر دیندے نے۔ اُوہناں دے ہاں بچہ ہوندا اے۔ اُو دوجی شیواں دا لالچ کرنا شروع کر دیندے نے۔ ایس گل نوں نمایاں کرن دے لئی میں نئی امریکی بائبل NIV دا حوالہ دیاں گا۔ ایہہ کہندی اے اُو، ’’کلام سُنندے نے، مگر ایس حیاتی دی فکراں، دولت دا فریب تے دوجی شیواں دا لالچ آڑے آ کے ایس کلام نوں دبا دیندا اے

تقریباً وی وریاں پہلاں بے شمار بوہتے لوکاں نے ساڈے گرجا گھر نوں چھڈ دِتا سی۔ اُولیواس نامی اِک بندے نے سانوں چھڈیا تے اِک متبادل گرجا گھر شروع کر دِتا۔ اُوہنے ساڈے لوکاں نوں کہیا کہ میں بوہتا زیادہ سخت آں۔ اُوہناں نوں اِتوار دی شام دی عبادت وِچ جان دی کوئی لوڑ نئیں اے۔ اُوہناں نوں صبح دی عبادت دی لوڑ اے جیس دے بعد پیٹ بھر کے کھانا ہوندا اے۔ اُوہناں نوں گمراہ لوکاں نوں گرجا گھر وِچ لہیان دی کوئی لوڑ نئیں اے۔ اُوہناں نوں تے صرف خود ای گرجا گھر جان دی لوڑ پیہئے گی – تے اُو وہ جدوں اُوہناں نوں سہولت محسوس ہووے۔ ایہہ شاندار سی! اُو ایس سخت وڈیرے مبلغ توں آزاد ہو چکے سن! لیکن بوہتی چھیتی اُوہناں وِچوں بُہتیریاں نے اُوس گرجا گھر نوں چھڈ دِتا۔ اُوہناں دے بندیاں وِچوں اِک نے مسٹر پرودھوم نوں دِسیا، ’’ایہہ گرجا گھر تے محض اِک راہ دا اِسٹیشن اے، دُنیا وَل واپس جان دا راستہ۔‘‘ ایہہ سی جیہڑا ’’اُولیواس گرجا گھر دی تقسیم‘‘ وِچ ہویا سی۔ کی ایہہ فیر ہووے گا؟ جی ہاں، ایہہ ہووے گا – جے ایس دُنیا دیاں فکراں، دولت دا فریب تے دوجیاں شیواں دا لالچ تہاڈے حیاتی وِچ کلام نوں دبا دیوے! جی ہاں، ایہہ پتھریلی زمین آلے گرجا گھر دے لوکاں دے نال رونما ہووے گا! جی ہاں، ایہہ ہووے گا!

ہُن ڈاکٹرے جے۔ ورنن میگی نوں دوبارہ سُنو،

ایہہ تِن قسماں دی مٹی تِن طرح دے ایمانداراں نوں ظاہر نئیں کردی – اُو بالکل وی ایماندار نئیں نے! اُوہناں نے کلام نوں تے سُنیا سی تے صرف اُوہنوں قبول کرن دا صرف اقرار کیتا سی… دوجیاں لفظاں وِچ اُوہناں نے نجات نئیں پائی سی… صرف اِک چوتھائی نے صرف سچے طور تے نجات پائی سی۔ سچی گل کہیواں، تے خود میری اپنے مذھبی خدمت وِچ، میں نے اُوہدے مقابلے وِچ شرح فیصد ایس توں وی گھٹ پائی سی (میگی McGee، ibid.، صفحات73، 75)۔

اُو ٹُر جان گے تے تہانوں دسن گے کہ اُوہناں نے نجات پا لئی اے۔ لیکن اُو بالکل وی نجات یافتہ لوکی نئیں نے! میں مکمل طور تے ڈاکٹر میگی دے نال متفق آں۔ اُوہناں نے اُوہناں گمراہ لوکاں دے بارے وِچ کہیا، انجیلی بشارت دا پرچار کرن آلے لوکاں وِچوں ’’میں اُوہناں نوں مغربی کیلیفورنیا دی قسم دے لوکاں وِچ گرداننا واں‘‘ (ibid.، صفحہ 73)۔ ڈاکٹر ڈیوڈ ایف۔ ویلز Dr. David F. Wells نے کہیا، ’’اُو ’غیر مُضر مسیحیت‘ دی [مثالاں] نقال نے جِنہاں دے بارے وِچ انجیلی بشارت دا پرچار کرن آلے بے شمار گرجا گھر گلاں بنا رئے نے… دس وِچوں اِک توں وی گھٹ نوں بائبلی اِصطلاح وِچ مسیح دے شاگرد ہون دا کی مطلب ہوندا اے دے بارے وِچ دھندلا جیہا وی اندازہ نئیں ہوندا‘‘ (ویلز Wells، ibid.، صفحہ 91)۔ ایہدے لئی بھائیو، آمین!

IV۔ چوتھی گل، اُو جیہڑے خوشخبری نوں سُنندے نے، ایہنوں قبول کردے نے، تے پھل لہیاندے نے، اُو لوکی نے جیہڑے نجات پاندے نے۔

آیت 20 تے نظر پاؤ،

’’تے ایہہ اُو لوکی نے جیہڑے اُوس چنگی زمین دی طرح نے جیتھے بیج ڈِگدا اے، اُو کلام نوں سُنندے نے، قبول کردے نے تے پھل لہیاندے نے، بعض تی گُنا، بعض سٹھ گُنا تے بعض سو گُنا‘‘ (مرقس 4:20).

ایہہ کیہڑے لوکی نے؟ تہانوں کُج ناں پیش کرنا غالباً سادہ جیہئی گل ہووے گی۔ ایہہ اُو لوکی نے جِنہاں دی تہانوں پیروی کرنی چائیدی اے۔ ایہہ اُو لوکی نے جِنہاں دے طرز تے تہانوں اپنی حیاتی بسر کرنی چائیدی اے۔ ایہہ لوکی ڈاکٹر تے مسز کیگن، ڈاکٹر مسز چعین اور مسٹر گریفتھ، مسٹر اور مسز سُنگ، مسٹر اینڈ مسز مینسیا، مسز سالازار (خصوصی طور پر وہ!)، مسٹر اور مسز سینڈرز، مسٹر اور مسز اُولیویز، مسٹر اور مسز پرودھوم، مسٹر اور مسز لِی، مسز ہائیمرز، مسٹر زبالاگا، سرجیو میلو، ایمی زبالاگا، لارا ایسکوبار، جان سیموئیل کیگن وگرے لوکی نے – یہ اُوہناں وگرے لوکی نے! میں اُوہناں وِچوں صرف چند اِک دے ناں ای لے سکنا واں! اُوہناں دی مثال دی پیروی کرو تے تُسی غلطی نئیں کرو گے! آمین! ھیلیلویاہ! یسوع دے ناں دی ستائش ہووے!

ایہہ مسیح تے پروہسا کرن توں شروع ہوندا اے۔ ایہہ مسیح وِچ پرہوسا کرن نال ودھدا اے۔ ایہہ مسیح تے پرہوسا کرن دے وسیلے توں شاگردی وِچ رواں ہوندا اے۔ جیویں کہ اِک پرانا گیت ایہنوں لکھدا اے، ’’پاویں کُج وی ہووے اُوسی وِچ پرہوسا کرنا، یسوع وِچ پرہوسا کرنا، ایہہ ای سب کُج اے! “Trusting Him whate’er befall, Trusting Jesus, that is all!” پہلے تین گروپوں وچوں کسی نے کدی وی مسیح تے پرہوسا نئیں کیتا! اُوہناں نے خود تے پروہسا کرنا جاری رکھیا سی۔ ایہہ ای وجہ اے کہ اُوہناں نے ’’جان دِتا‘‘ تے ساڈا گرجا گھر چھڈ دِتا۔ اُوہناں نے یسوع تے پرہوسا نئیں کیتا۔ اُوہناں نے خود اپنی سوچاں تے اپنے احساسات تے پرہوسا کیتا۔ خود تے پرہوسا کرن توں باز آؤ – تے مسیح تے پرہوسا کرنا شروع کرو۔ اُوس یسوع تے ہُنے پرہوسا کرو، تے اُو اپنے قیمتی لہو دے نال تہاڈے سارے گناہ پاک صاف کر دیوے گا! اُوس یسوع تے ہُنے پرہوسا کرو تے تُسی فوراً دائمی حیاتی پا لو گے! آمین! ھیلیلیویاہ! یسوع دے ناں دی ستائش ہووے!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔