زمانیاں دے بوہتی وڈی تقسیم – فضل بمقابلہ اعمال

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

دُنیا بھر دے سارے مذاہب صرف دو لفظاں نال تقسیم ہوندے نے: فضل تے اعمال۔ بائبل کہندی اے کہ فضل تے اعمال متضاد نے۔ جے ایہہ، ایہہ اے تے فیر ایہہ اُو نئیں ہو سکدا۔ ساڈی تلاوت کہندی اے، ’’جے خدا نے اُوہناں نوں اپنے فضل دی وجہ توں چُنیا تے صاف ظاہر اے اُوہناں دے اعمال دی وجہ توں نئیں چُنیا۔‘‘ اعمال دے وسیلے توں نجات، فضل دے وسیلے آلی نجات نئیں ہو سکدی۔ فضل دے وسیلے توں نجات، اعمال دے وسیلے آلی نجات نئیں ہو سکدی۔ دوویں اِکہو نال نئیں ہو سکدیاں۔ یا تے ایہہ پہلی اے یا دوجی!

اعمال دے وسیلے توں نجات پانا کی ہوندا اے؟ ایس دا مطلب ہوندا اے کہ جے تُسی کافی اعمال کردے اُو – جے تُسی نیک کم کردے اُو، تے تُسی خدا نوں مطمئین کر سکدے اُو۔ کسی نا کسی طرح نیک ہون دے وسیلے توں تُسی جنت وِچ جا سکدے اُو۔ تُسی ایہہ گل ہر ویلے سُنندے اُو۔ ’’میں بوہتا نیک آں۔‘‘ ’’میں کوئی بُرا انسان نئیں آں۔‘‘ ’’میں زیادہ تر لوکاں دے مقابلے وِچ بہتر آں۔‘‘ ’’میں اِک چنگا انسان ہون دی کوشش کر رہیا آں۔‘‘ اُو سارا کُج اعمال دے وسیلے توں نجات پان دی غلطی اے۔

فضل دے وسیلے توں نجات پانا کی اے؟ ایس دا مطلب ہوندا اے کہ تُسی نیک ہون دی وجہ توں جنت وِچ نئیں جا سکدے، کیوں جے تُسی نیک نئیں ہو سکدے۔ تُسی باطن وِچ گناہ توں بھرپور ہوندے اُو۔ تہاڈی گناہ آلی فطرت ہوندی اے۔ تُسی کدی وی خدا دی حضوری وِچ پاک صاف نئیں ہو سکدے۔ تُسی نیک بنن دی کوشش دے ذریعے توں کدی وی جنت وِچ نئیں پہنچ سکدے۔ تہانوں فضل دے وسیلے نال نجات پانی چائیدی اے۔ ’’فضل‘‘ دا مطلب خدا دی اُو محبت، اُو حمایت، اُو رحم ہوندا اے – جیس دے تُسی مستحق نئیں ہوندے۔ تُسی ایہنوں حاصل نئیں کر سکدے۔ فضل اِک تحفہ اے۔ اُو تحفہ کی اے؟ ’’خدا دا تحفہ ساڈے یسوع مسیح دے وسیلے توں دائمی حیاتی اے‘‘ (رومیوں6: 23)۔

فضل تے اعمال متضاد ہوندے نے۔ اُوہناں دے وِچکار اِک تقسیم ہوندی اے۔ میں ایہنوں ’’زمانیاں دی اِک بوہتی وڈی تقسیم‘‘ کہنا آں۔ اَج دی راتی اَسی تین طریقیاں نال اُوس تقسیم تے نظر پان جا رئے آں۔

دُنیا وِچ چھ ہزار مذاھب نے۔ ساریاں وِچوں صرف اِک اعمال دے وسیلے توں نجات پان دی تعلیم دیندا اے۔ اُو کہندے نے کہ تُسی جنت وِچ اپنے اعمال دے وسیلے توں جا سکدے اُو۔ اعمال دی گزرگاہ اِک اُوکھا راستہ اے خدا دا اُوہدے فضل دے لئی شکر ہووے! ہندو اعمال وِچ یقین رکھدے نے – پیدا ہون توں لے کے مرن تیکر دے بے شمار اعمال۔ تہانوں ہندو خداواں دی پرستش کرنی پیہندی اے تے صرف سبزیاں نوں ای کھانا پیندا اے، تے دعاواں گنگنانیاں ہوندیاں نے تے مسلسل غوروفکر کرنا ہوندا اے۔ اُو دوجے جنم وِچ یقین رکھدے نے، کہ تُسی کسی دوجے جنم وِچ کوئی دوجا جسم اختیار کر کے واپس ایس دُنیا وِچ آندے اُو۔ جے تُسی مذہبی نئیں رہئے اُو تے تُسی اِک کم رُتبے دی ہستی یا اِک جانور دی حیثیت توں واپس آندے اُو۔ جے تُسی بوہتے سارے اعمال کردے اُو تے تُسی اِک اعلیٰ رُتبے دی ہستی دی حیثیت توں واپس ایس دُنیا وِچ آندے اُو۔ سب توں اعلیٰ ترین شے جیہڑی تُسی ہو سکدے ہو اُو اِک گائے اے! تہانوں کروڑوں وریاں تیکر اعمال کرنے پیہندے نے، تے اَخیر وِچ تہاڈا انعام ایہہ ہوندا اے کہ تُسی ہستیٔ وجود توں باہر ہو جاندے اُو۔ بُدھ مت دے لوکی تقریباً اینج دے ای ہوندے نے۔ مگر دوجا جنم اِک جھوٹ اے جیہڑا شیطان نے لوکاں نوں نجات توں دور رکھن دے لئی ایجاد کیتا اے۔ بائبل کہندی اے، ’’انسان دا اِک وری مرنا تے اُوہدے بعد عدالت دا ہونا مقرر اے‘‘ (عبرانیوں9: 27)۔ تہانوں ایس حیاتی وِچ نجات پان دے لئی مسیح چہ پروہسا کرنا ہوندا اے، ورنہ ہمیشہ دے لئی انتہائی دیر ہو جائے گی۔

کاتھولک کلیسیا اعمال دے وسیلے توں نجات دی تعلیم دیندی اے۔ اُو کہندے نے کہ جے تُسی اِک بچے دی حیثیت نال بپتسمہ لے لیندے اُو تے ایہہ آدم دے گناہ نوں دھو ڈالڈا اے۔ فیر اپنی ساری حیاتی دے لئی تہانوں نجات پان دے لئی شدید محنت کرنی پیندی اے۔ تُسی اِک کاہن دے اَگے اپنے گناہواں دا اعتراف کردے اُو۔ تہاڈے اعتراف کر چکن دے بعد تُسی عبادت دے لئی جاندے اُو۔ تُسی دعا منگدے اُو۔ تُسی پیسے دیندے اُو۔ تُسی روزہ رکھدے اُو۔ جے تُسی واقعی چہ نیک بننا چاہندے اُو تے تہانوں شادی نئیں کرانی چائیدی اے۔ کُڑیاں راہبات تے مُنڈے کاہن بن جاندے نے۔ فیر وی، تہاڈے مرن دے بعد، تُسی اِک تھاں تے جاندے اُو جِنہوں پورگیٹوری [وقتی عذاب دی تھاں] Purgatory کہندے نے تے تُسی جنت وِچ جا سکن توں پہلاں اِک ملین وریاں تیکر اُوتھے جلدے اُو۔ اعمال دی راہ اِک ہولناک راہ اے۔ خدا دا اُوہدے فضل دے لئی شکر ہووے!

دُنیا وِچ صرف اِک ای مذہب اے جیہڑا فضل دے وسیلے توں نجات دی تعلیم دیندا اے۔ ایہہ بائبل دی مسیحیت اے۔ بائبل کہندی اے، ’’راسبازی دے اعمال دے وسیلے توں نئیں جیہڑا اَسی کر چکے آں، بلکہ اُوہدے رحم دے مطابق اُو سانوں نجات بخشدا اے… جیہڑا اُوہنے ساڈے تے ساڈے نجات دہندہ یسوع مسیح دے ذریعے توں بڑی کثرت نال نازل کیتا اے۔ کہ فضل دے وسیلے توں راستباز ٹھہرائے جان تے، اُوہدے فضل دی بدولت راستباز گنے جان گے تے ہمیشہ دی حیاتی دے وارث ہوواں گے جیس دی اُمید اَسی کرنے آں‘‘ (طیطُس3: 5۔7)۔ بائبل کہندی اے، ’’ساڈی ساری راستبازی غلیظ چیتھڑیاں وانگوں اے‘‘ (اشعیا64: 6)۔ خدا دی نظراں وِچ تہاڈے نیک کم گندے کپڑیاں وانگوں نے۔

مگر خدا تہاڈے نال محبت کردا اے حالانکہ تُسی اِک گندے گنہگار اُو۔ بائبل کہندی اے، ’’خدا ساڈے لئی اپنی محبت ایویں ظاہر کردا اے کہ جدوں اَسی گنہگار ای ساں تے مسیح نے ساڈی خاطر اپنی جان قربان کر دِتی‘‘ (رومیوں5: 8)۔ یسوع تہاڈے گناہ دی ادائیگی کرن دے لئی صلیب تے مریا سی۔ اُوہنے تہانوں ساریاں گناہواں توں پاک صاف کرن دے لئی اپنا لہو وگایا۔ بائبل کہندی اے، ’’پس جدوں اَسی مسیح دے لہو وگان دے باعث راستباز ٹھہرائے جان دی توفیق پائی تے سانوں ہُور وی بوہتا یقین اے کہ اَسی اُوہدے وسیلے نال غضبِ اِلہٰی توں ضرور بچاں گے‘‘ (رومیوں5: 9)۔ جے تُسی یسوع تے پروہسا کردے اُو تے تُسی خدا دے حضور وِچ پاک صاف ہوندے اُو، اپنی نیک اعمالی دی وجہ توں نئیں بلکہ مسیح دے لہو دی وجہ توں۔ نجات خدا دے خود اپنے پُتر دے دے تحفے دے وسیلے توں آندی اے۔ ’’کیوں جے خدا نے ایس جہاں نال ایس قدر محبت کیتی کہ اُوہنے اپنا اِکلوتا پُتر بخش دِتا کہ جیہڑا کوئی وی اُوہدے تے ایمان لہیائے ہلاک نہ ہووے بلکہ ہمیشہ دی حیاتی پائے‘‘ (یوحنا3: 16)۔ نجات صرف فضل ای دے وسیلے توں ہوندی اے۔ ساڈے کول پیش کرن دے لئی کوئی نیکی نئیں ہوندی۔ آؤ ہمیشہ دے لئی ساڈا پروہسا تے ساڈا دعویٰ تے ساڈا فخر مسیح دا لہو ای ہونا چائیدا اے تے ایہدے علاوہ کُج وی نئیں ہونا چائیدا، کیوں جے – اُوہدے پُتر یسوع مسیح دا لہو سانوں ساریاں گناہواں توں پاک صاف کردا اے‘‘ (1 یوحنا1: 7)۔

پہلی صدی وِچ، مسیحی کلیسیائیں قوت دی بھرپوری دے نال ودھیاں سن۔ پہلا عظیم حیاتِ نو عیدِ پاشکا تے سی، جدوں اِک ای دِن وِچ تین ہزار لوکی مسیح چہ ایمان لہیا کے تبدیل ہوئے سن۔ چھیتی ای خوشخبری دی منادی ساری رومی دُنیا چہ کیتی گئی۔ عظیم مقامی کلیسیائیں قائم ہوئیاں سن۔ خوشخبری نوں انڈیا تے افریقہ وِچ لےجایا گیا۔ ابتدائی مسیحیاں نے ای ’’خدا دا پیغام پھیلایا‘‘ (1 تسالونیکیوں1: 8)۔ اُوہںاں دا پیغام کی سی؟ اُوہناں نے منادی کیتی کہ ’’پاک کلام دے مطابق مسیح ساڈے گناہواں دے لئی مریا‘‘ (1 کرنتھیوں15: 3)۔ پولوس رسول نے کہیا، ’’میں فیصلہ کیتا ہویا سی کہ جدوں تیکر تہاڈے وِچکار رہواں گا مسیح یعنی مصلوب دی منادی دے سوا کسی ہُور گل تے زور نہ دیاں گا‘‘ (1 کرنتھیوں2: 2)۔ پولوس نے لکھیا، ’’اُوہنے تہانوں مسیح دے نال [زندہ کیتا]، تہاڈے قصوراں تے گناہواں دی وجہ توں تہاڈا حال مُردیاں وگرا سی‘‘ (افسیوں2: 1)۔ فیر توں، پولوس نے لکھیا، ’’خدا، بوہتی محبت کرن آلا تے رحم کرن چہ غنی اے۔ اُوہنے سانوں جدوں اَسی اپنے قصوراں دی وجہ توں مُردہ سن، مسیح دے نال [زندہ کیتا]، (فضل دے وسیلے نال تُسی نجات پاندے اُو)‘‘ (افسیوں2: 4۔5)۔ ایتھے کوئی اعمال نئیں نے! گمراہ تے مُردہ گنہگاراں دے لئی مسیح وِچ صرف خدا دا فضل! جی ہاں، ’’ساریاں نے گناہ کیتا اے‘‘ (رومیوں3: 23)۔ لیکن جے تُسی یسوع چہ پروہسا کردے اُو، تے تُسی ’’اُوس فضل دے سبب اُوس مخلصی دے وسیلہ توں جیہڑی یسوع مسیح چہ اے مفت راستباز ٹھہرائے جاندے اُو۔ خدا نے یسوع نے مقرر کیتا کہ اُو اپنا لہو وگائے تے انسان دے گناہ دا کفارہ بن جائے‘‘ (رومیوں3: 24۔25)۔ ایتھے کوئی اعمال نئیں نے! یسوع مسیح دے لہو دے وسیلے توں خدا دا صرف فضل اے!

نیا عہدنامہ ایس گل نوں واضح کر دیندا اے کہ نجات فضل دے وسیلے نال اے اعمال دے وسیلے نال نئیں اے۔ بائبل کہندی اے، ’’جیہڑا بندہ اپنے کم تے نئیں بلکہ بے دیناں نوں راستباز ٹھہران آلے اُوس [مسیح] تے ایمان [پروہسا] رکھدا اے اُوہدا ایمان اُوہدے لئی راستبازی گِنیا جاندا اے‘‘ (رومیوں4: 5)۔ فلپی داروغہ نے پولوس تے سیلاس نوں پُچھیا، ’’صاحبو، میں کی کراں کہ نجات پا سکاں؟‘‘ (اعمال16: 30)۔ کی اُوہناں نے اُوہنوں اِک بہتر انسان بنن دے لئی کہیا سی؟ کی اُوہناں نے اُوہنوں اپنے گناہواں دا اعتراف کرن دے لئی کہیا سی؟ جی نئیں، اُوہناں نے کہیا، ’’خداوند یسوع مسیح تے ایمان لہیا تے توں تے تیرا سارا خاندان نجات پائے گا‘‘ (اعمال16: 31)۔ ایتھے کوئی اعمال نئیں نے! مسیح چہ پروہسا کرو تے ہُور کُج وی نئیں اے۔ مسیح، صرف مسیح، مسیح دے سوا کُج وی نئیں!

لنگدیاں ہوئیاں صدیاں دے نال نال، کلیسیاواں وِچ اعمال دے وسیلے توں نجات پانا گُھسدا چلا آیا سی۔ پولوس رسول نے ایس بارے چہ خبردار کیتا سی ’’اُوہناں جھوٹے مسیحی بھراہواں وَلوں جیہڑے چوری چُھپے اَساں لوکاں وِچ گُھس آئے نے تاکہ جاسوسی کر کے اُوس آزادی نوں دریافت کرن جیہڑی مسیح یسوع دے ذریعہ سانوں حاصل ہوئی سی تے سانوں فیر توں یہودی رسم و رواج دا غلام بنا دین‘‘ (گِلتیوں2: 4)۔ اُودھوں وی، لوکی کلیسیاواں وِچ اعمال دے پیغام دے نال وڑے چلے آئے سن۔

اعمال دی پہلی غلطی سی کہ پانی نال بپتسمہ گناہ نوں دھو ڈالڈا اے۔ چوتھی تے پنجویں صدی وِچ، کڑوروں لوکاں نوں اُوہناں دے گناہ ’’دھو ڈالن‘‘ دے لئی بپتسمہ دِتا گیا۔ کُج نے اُوس ویلے تیکر انتظار کیتا جدوں تیکر کہ اُو مر نئیں رئے سن تاکہ اُو اپنے سارے گناہ پہلاں ای کر لین تے فیر ’’دھوتے‘‘ جان۔ چھٹی صدی توں سولہویں صدی تیکر دے دور وِچ، لوکی اپنے بچیاں نوں بپتسمہ دلواندے سن تاکہ جے اُو مر جان تے اُو جنت چہ جان۔ ایہہ ای وجہ اے کہ کاتھولک کلیسیا بچیاں نوں بپتسمہ دیندی اے۔ ایتھوں تیکر کہ اَج لوکی نے جیہڑے کہندے نے، ’’میں نجات پائی سی جدوں مینوں بپتسمہ ملیا سی۔ میرے سارے گناہ دُھل گئے سن۔‘‘ کیہو جیہا اِک جھوٹ! صرف ’’اُوہدے پُتر یسوع مسیح دا لہو سانوں سارے گناہواں توں پاک صاف کردا اے‘‘ (1 یوحنا1: 7)۔

چھٹی صدی توں سولہویں صدی تیکر دے دور وِچ اعمال دے وسیلے توں نجات دے جھوٹے عقائد گہرے ترین ہوندے چلے گئے۔ کاتھولک کلیسیا نے لوکاں نوں تعلیم دِتی کہ لوکی اعترافاں نال، دعاواں نال، نیک بنن نال، روزے رکھن، مقدس مقامات دی زیارت کرن تے پیسے دین دے عمل دے وسیلے توں جنت چہ جاندے نے۔ پوپ صاحبان تے بشپ صاحبان باقی دوجیاں ساریاں شیواں توں بالا تر پیسے وِچ دلچسپی رکھدے سن۔ پنج سو وریاں پہلاں اُوہناں نے کہیا جے تُسی پیسے دیو گے تے اُو تہاڈے گناہواں دی ادائیگی کر دین گے تے ایتھوں تیکر کہ تہاڈے مُردہ رشتے داراں دے گناہواں دی وی۔ جان ٹیٹزلJohn Tetzel نے کہیا، ’’جیہنی چھیتی سکّہ صندوق چہ کھنکھنائے گا اُوہنی ای چھیتی پیورگیٹوری [وقتی عذاب دی تھاں]Purgatory توں روح روانہ ہو جائے گی۔‘‘

لیکن خدا نے مارٹن لوتھرMartin Luther (1483۔1546) نامی اِک بندے نوں نجات دلائی۔ لوتھر نے اعمال دے وسیلے توں نجات پان دی سخت کوشش کیتی سی۔ اُو اِک راہب بنیا۔ اُو اِک کاہن بنیا۔ اُوہنے کئی کئی دِناں تیکر روزے رکھے تے دعاواں منگیاں۔ اُوہنے روم دی زیارت کیتی۔ مگر اُوہناں وِچوں کسی نے وی اُوہنوں خدا دے نال سکون فراہم نئیں کیتا۔ بالاآخر خدا نے اُوہنوں بائبل وِچ وکھایا کہ اُوہنوں سادہ ایمان دے نال صرف مسیح تے پروہسا کرنا اے۔ لوتھر دی حیاتی نوں رومیوں 1: 17 آیت چہ واضح کیتا گیا سی، ’’راستباز ایمان دے وسیلہ توں جیوندا رہے گا۔‘‘

لوتھر، ٹیٹزل تے پوپ دے – تے اعمال دے ذریعے نجات دے خلاف اُٹھ کِھلوتا۔ ایویں اُو عظیم حیاتِ نو جیہڑا پروٹسٹنٹ مذھبی سُدھار کہلاندا اے شروع ہویا۔ مذہبی سُدھار دا پیغام سادہ سی: Sola Scriptura, sola gratia, sola fide – تنہا بائبل، تنہا فضل، تنہا [مسیح چہ] ایمان۔ پرانے ایمان چہ واپسی! پرانی خوشخبری چہ واپسی! اُوس مذہبی سُدھار حیاتِ نو نے دُنیا نوں بدل دِتا۔ لاتعداد ہزارہاں لوکی مسیح چہ ایمان لہیا کے تبدیل ہوئے سن۔ اَسی اُوہنوں اَج وی یاد کرنے آں۔ کل اَسی مذہبی سُدھار دے اِتوار نوں مناواں گے، جیہڑا پروٹسٹنٹ مذھبی سُدھار دی 498 سالگرہ اے۔

صدیاں تیکر پروٹسٹنٹ کلیسیا وِچ فضل دے وسیلے توں نجات دی سچی خوشخبری دی منادی کیتی گئی سی۔ خدا نے بے شمار حیاتِ نو پیجھے۔ مگر انیسویں صدی چہ شیطان کلیسیاواں وِچ اعمال دے وسیلے نال نجات پان نوں واڑ لہایا۔ چارلس فنیCharles Finney (1792۔1875) نے منادی کیتی کہ صیب تے مسیح دی موت تے لہو اہمیت نئیں رکھدے۔ اہم گل ایہہ سی کہ اُوس گنہگار نوں اپنی مرضی تے فیصلے دے ذریعے توں خود نوں نیک بنانا سی۔ اُو اعمال دے ذریعے توں نجات اے۔ فِنّی دا سب توں اہم ترین واعظ ’’گنہگار خود اپنے دِلاں نوں بدلن دے لئی پابند نےSinners Bound to Change Their Own Hearts‘‘ کہلایا سی۔ اُوہدے چہ مسیح کیتھے اے؟ اُوہدے چہ خدا دا فضل کیتھے اے؟ ایہہ سارے اعمال نے۔ کسی نہ کسی طور اِک گنہگار نوں کود اپنے ای دِل نوں بدلنا ہوندا اے۔ کیویں اِک گمراہ، مُردہ گنہگار اُو کر سکدا اے؟

فِنّی نے اِک فیصلے دے وسیلے توں نجات دی منادی کیتی سی۔ ایہنوں ’’فیصلہ سازیتdecisionism‘‘ کہندے نے۔ ایہہ اعمال دے زریعے توں نجات اے۔ اُوس ویلے توں لےکے، فیصلہ سازیت نے بے شمار گرجا گھراں نوں تباہ کیتا تے کڑوراں جھوٹے نجات یافتہ لوکاں نوں بنایا۔ اَج لوکی کہندے نے، ’’میں نجات پا چکا واں کیوں جے میں نے گنہگاراں دی دعا منگی سی۔‘‘ ’’میں اپنے ہتھاں نوں بُلند کیتا سی۔‘‘ ’’میں گرجا گھر وِچ اَگے آیا سی۔‘‘ ’’میں اپنی حیاتی نوں وقف کر دِتا سی۔‘‘ ایہہ انسانی فیصلے نے۔ مسیح دا فضل کیتھے اے؟ مسیح دا لہو کیتھے اے؟ ایہہ اعمال دے ذریعے توں نجات اے۔

اَج ڈاکٹر جان میک آرتھر Dr. John MacArthur تے پال واشرPaul Washer کہندے نے، ’’جے تسی گنہگاراں دی اِک دعا پڑھ چکے اُو لیکن تُسی حیاتی گناہ دی گہرائی وِچ بسر کر رئے اُو تے تُسی گمراہ اُو۔‘‘ اُو گل سچی اے۔ مگر اُو لوکاں نوں کی کرن دے لئی کہندے نے – مسیح دے کول جان تے اُوہدے لہو وِچ پاک صاف ہون دے لئی؟ جی نئیں، اُو لوکاں نوں کہندے نے کہ اپنے گناہواں نوں کرنا چھڈ دین تے مسیح نوں اپنی حیاتی دا خداوند بنا لین۔ اُو لوکاں نوں مسیح دی پیروی اِک شاگرد دی حیثیت نال کرن دے لئی کہندے نے تے گھنٹوں بائبل دا مطالعہ کرن دے لئی کہندے نے۔ اُو گل کسی نوں وی نجات نئیں دلائے گی! اُو شریعت دی منادی کردے نے، خوشخبری دے نئیں۔ اُو اعمال دے ذریعے توں نجات دی منادی کردے نے۔ لیکن ’’انسان شریعت دے اعمال دے ذریعے توں راستباز نئیں ٹھہرایا جاندا‘‘ (گلِتیوں2: 16)۔

اَج فیصلہ سازیت دے ذریعے اعمال دے وسیلے توں نجات ساری مغربی دُنیا وِچ پائی جاندی اے۔ ایہنے کڑورہاں جھوٹے نجات یافتہ لوکاں نوں بنایا اے۔ ایتھے لاس اینجلز وِچ، اَسی لوکاں دی اِک کلیسیا تعمیر کرن دی کوشش کر رئے آں جیہڑی یسوع مسیح تے پروہسا کرن دے ذریعے توں سچے طور تے مسیح چہ ایمان لہیایا کے تبدیل ہوئی ہووے۔ تے ایہہ گل سانوں واعظ دے اَخیرلے موضوع تے لے جاندی اے۔

اِک پاسے – فضل دے وسیلے نال نجات اپنا۔ دوجے پاسے – اعمال دے ذریعے توں نجات پانا۔ تُسی کیتھے کِھلوتے اُو؟ تُسی کیہدے وَل اُو؟ ایس کمرے چہ ایتھے ایہو جئے لوکی نے جیہڑے فضل دے وسیلے توں نجات پا چکے نے۔ اُو مسیح تے پروہسا کر چکے نے تے اپنے گناہواں نوں اُوہدے لہو چہ دھو چکےنے۔

ایس گل تے تُسی کیتھے اُو؟ ایتھے اُو لوکی نے جیہڑے اعمال دے ذریعے توں نجات پان دے لئی کوشش کر رئے نے۔ اِک بندے نے کہیا، ’’مسیح میری مدد میری حیاتی نال کردا اے۔ اُو میری اِک بہتر انسان بنن دے لئی مدد کر رہیا اے۔‘‘ اُو اعمال دے ذریعے توں نجات پانا اے۔ اُو کینج تہاڈے گناہواں نوں دھو سکدی اے؟ تُسی اِک گمراہ، مُردہ، مجرم گنہگار اُو۔ کینج خدا دے حضوری وِچ اِک بہتر حیاتی تہاڈے گناہواں نوں دھو سکدی اے تے تہانوں پاک صاف کر سکدی اے؟ ایہہ نئیں کر سکدی۔

دوجی گل تُسی خود دا تجزیہ آپئے کر رئے اُو، خود اپنے ای خیالات تے احساسات دا مطالعہ کر رئے اُو – اعمال دے ذریعے توں نجات! تُسی اِک گمراہ، مُردہ، مجرم گنہگار اُو۔ تہاڈے خیالات تے احساسات تہاڈے گناہواں نوں دھو نئیں سکدے تے تہانوں خدا دی نظر وِچ دُرست نئیں کرسکدے۔ لیکن تُسی خود توں پرے ویکھن تے مسیح بخود تے پروہسا کرن توں انکار کر دیندے اُو۔ تُسی گمراہ ای رہندے اُو۔

کُج لوکی نجات کینج حاصل کرنی چائیدی اے سیکھن دے لئی کوششاں کر رئے نے۔ اُو حقائق تے عقائد نوں سیکھنا چاہندے نے۔ اُو ساڈے گرجا گھر دے بارے چہ جاننا چاہندے نے۔ اُو گلاں نوں ’’ویکھنا‘‘ چاہندے نے۔ لیکن سیکھنا اِک انسانی عمل اے۔ تُسی اِک گمراہ، مُردہ، مجرم گنہگار اُو۔ کینج سیکھنا تہاڈے گناہواں نوں دھو سکدا اے تے خدا دی حضوری وِچ پاک صاف بنا سکدا اے؟

اپنے دِل چہ تُسی خود دے بارے چہ اِک گمراہ، مُردہ، مجرم گنہگار دے حیثیت نال نئیں سوچدے اُو۔ ایہہ ای وجہ اے کہ تُسی خود دا تجزیہ کردے اُو۔ ایہہ ای وجہ اے کہ تُسی شیواں نوں سیکھن دے لئی کوششاں کردے اُو۔ لیکن اِسی ویلے دے دوران تُسی گمراہ، مُردہ تے مجرم اُو۔ ہائے، میں خواہش کرنا وں کہ تُسی اُو ویکھ پاؤ۔ کاش خدا تہانوں گناہ دی سزایابی عطا فرمائے۔ کاش خدا تہانوں تہاڈی بے بسی وکھائے۔ کاش خدا تہانوں تہاڈی واحد اُمید دی حیثیت توں مسیح بخود نوں وکھائے تے تہانوں اُوہدے وَل کھیچے۔

تسی اِک گمراہ، مُردہ تے مجرم گنہگار اُو۔ تُسی اعمال دے وسیلے توں نجات نئیں پا سکدے! تُسی ایہدی کئی وریاں تیکر کوشش کر سکدے اُو تے فیر وی گمراہ ای رہوو گے۔ کوئی بندہ ’’شریعت دے اعمال دے سبب توں راستباز نئیں ٹھہرایا جاندا‘‘ اے (گلِتیوں2:16)۔ تُسی ’’خود دے لئی نجات نئیں پا سکدے۔‘‘ تُسی گمراہ اُو۔ تُسی مُردہ اُو۔ تُسی مجرم اُو۔ تُسی خود نوں تبدیل نئیں کر سکدے۔ تُسی ’’خود نوں نجات دلان دے لئی‘‘ کُج وی نئیں کر سکدے۔ تہانوں فضل دے وسیلےتوں ای نجات پانی چائیدی اے – جیہڑی خود تہاڈی اپنی ذات توں باہر دا اِک تحفہ اے – ورنہ تُسی سرے توں نجات پاؤ گے ای نئیں۔

اپنی ذات توں پرے ہو کے ویکھو۔ اُوتھے ماسوائے گناہ دے ہُور کُج وی نئیں اے۔ مسیح وَل نظر پاؤ! اُو تہاڈے گناہ دی ادائیگی دے لئی صلیب تے مریا سی۔ اُوہنے تہانوں گناہ توں پاک صاف کرن دے لئی اپنا لہو پیش کیتا سی، تاکہ خدا ایس [گناہ] نوں ویکھ نہ پائے۔ مسیح چہ پروہسا کرو تے ’’اُوہدے لہو دے وسیلے توں راستباز ٹھہرائے‘‘ جاؤ (رومیوں5: 9)۔ یسوع تے نظر پاؤ! اُوہدے تے پروہسا کرو! اُوہدے لہو دے وسیلے توں راستباز ٹھہرائے جاؤ! آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔