ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

حال ای وِچ میں اِک مبلغ دی اپنے گھر دے باہر گنہگاراں دے اِک گروہ نوں بُرا بھلا کہندیاں ہویاں ویڈیو ویکھی۔ اُو اُوہناں تے چلائے جا رہیا سی، ’’تُسی جہنم چہ جا رئے اُو!‘‘ تُسی ہمیشہ دے لئی جہنم دے شعلیاں وِچ بَلّو گے!‘‘ میں ویڈیو نوں بند کر دِتا تے واقعی چہ خود وِچ بیماری جیہئی محسوس کیتی۔ اُوس مبلغ وَلوں ہمدردی دا اِک لفظ وی ادا نئیں ہویا سی، اُوہناں پریشان تے گمراہ برگشتہ لوکاں دے لئی دُکھ دا اِک لفظ وی ادا نئیں ہویا سی۔ گواچی ہوئی گمراہ دُںیا دے لئی یسوع دے پیار دا اِک ماڑا جیہا تزکرہ وی نئیں کیتا گیا۔

مینوں کوئی اِک وی مثال ایہو جئی یاد نئیں آ پائی جیتھے یسوع نے اینج گمراہ ہجوم نوں منادی کیتی ہووے۔ جی ہاں، یسوع نے سخت الفاظ ادا کیتے۔ جی ہاں، اُوہنے لوکاں نوں دسیا کہ اُو جہنم وِچ جا رئے نے۔ لیکن اُوہنے اُو الفاظ شریعت دے عالمین تے فریسیاں لئی رکھ چھڈے سن – اُوہدے زمانے دے جھوتے مذہبی رہنما۔ میں مورمنز، کاتھولکس، بگڑے ہوئے لوکاں تے ایتھوں تیکر کہ کیمپساں وِچ کالج دے طالب علماں دے خلاف مبلغین نوں چیخدیاں چلاندیاں ہویاں تے اُوہناں نوں بُرا بھلا کہندے ہویاں سُن چکیا واں۔ لیکن جیویں جیویں میں وڈیرا ہوندا جا رہیا واں اُوہنا ای میں سوچنا واں کہ اُوہناں دی منادی مسیح دی مثال دی پیروی نئیں کردی۔ جیویں جیویں میں وڈیرا ہوندا جا رہیا واں میں سوچنا واں کہ یسوع نے اپنی شدید ترین مذمتی گلاں ساڈے زمانے دے مذہبی رہنماواں دے لئی رکھ چھڈیاں ہون گئیاں۔ اُو جیہڑے فریسیاں وانگوں نے، جیہڑے خوشخبری دے بجائے مذھبیت دی تعلیم دیندے نے، اُو جیہڑے فُلر وگری سیمنریاں وِچ بائبل تے حملے کردے نے، اُو جیہڑے پیسے دے لئی منادی کردے نے، اُو جیہڑے آپئے دی مدد دے لئی نفسیات دی منادی کردے نے، اُو جیہڑے ’’ایہدا ناں لیو تے دعویٰ کرو‘‘ دے علم الہٰیات دی منادی کردے نے، اُو جیہڑے کم امیر ہو جان دی خوشحالی دے پیغام دی منادی کردے نے، تے اُو جیہڑے نام نہاد کہلائی جان آلی گنہگاراں دی دعا دے الفاظ بُڑبُڑان دے ذریعے توں نجات دی منادی کردے نے۔ جی ہاں! میں سوچنا واں، جے یسوع اَج ایتھے ہوندا، تے اُو منادی کردا، ’’تُسی جہنم وِچ جا رئے اُو۔‘‘ لیکن ایس قسم دی زیادہ تر منادی اُو ساڈے زمانے دے جھوتے اُستاداں تے مبلغین دے لئی محفوظ رکھدا! – اُوہناں لوکاں دے لئی جیہڑے اپنی اِتوار دی شام دیاں عبادتاں نوں بند کر دیندے نے، تے اِتوار دی رات نوں اپنے نوجوان لوکاں نوں رفاقت دے لئی کسی وی تھاں تے نہ ہون دے لئی چھڈ دیندے نے، اُوہناں لوکاں دے لئی جیہڑے مٹی وانگوں خشک آیت بہ آیت بائبل دے مطالعے دی منادی کردے نے، جیہڈا ہدف مذہبی لیکن گواچے ہوئے لوکی ہوندے نے جیہڑے صرف اِتوار دی سویرے ای آندے نے، اُوہناں لوکاں دے لئی جیہڑے راک موسیقی نوں متعارف کرواندے نے – تے اپنے گرجا گھراں وِچوں – انجیلی بشارت دی منادی نوں ختم کر رئے نے، اُوہناں لوکاں دے لئی جیہڑے کہندے نے کہ یسوع دا لہو مر چکیا اے تے گمراہ مرداں تے عورتاں نوں اُوہناں دے گناہ توں پاک صاف کرن دے لئی مذید ہُور میسر نئیں اے! میرے خیال چہ یسوع اُوہناں دی ہیکلاں وِچوں پیسیاں دی میزاں نوں اُلٹا دیندا تے اُوہناں نوں کہندا،

’’اے شریعت دے عالمو تے فریسیو، اے ریاکارو! تہاڈے تے افسوس! کیوں جے تُسی آسمان دی بادشاہی نوں لوکاں دے داخلے دے لئی بند کر رکھیا اے۔ کیوں جے نا تے آپئے داخل ہوندے اُو تے نا اُوہناں نوں جیہڑے داخل ہونا چاہندے نے داخل ہون دیندے اُو‘‘ (متی23:13)۔

’’اے شریعت دے عالمو تے فریسیو، اے ریاکارو! تہاڈے تے افسوس! کیوں جے تُسی پیالے تے رکابی نوں باہروں تے صاف کردے اُو مگر اُوہناں وِچ لُوٹ تے ناراستی بھری ہوندی اے‘‘ (متی23:25)۔

’’اے شریعت دے عالمو تے فریسیو، اے ریاکارو! کیوں جے تُسی اُوہناں قبراں وانگوں اُو جِنہاں تے سفیدی پھری ہوئی اے تے باہروں تے خوبصورت وکھائی دیندیاں نے لیکن اندروں مُردیاں دیاں ہڈیاں تے ہر طرح دی غلاظت نال بھری ہوندیاں نے‘‘ (متی23:27)۔

’’اے سانپو، اے افعی دے بچو! تُسی جہنم دی سزا توں کیویں بچو گے؟‘‘ (متی23:33)۔

جی ہاں، میرے خیال وِچ مسیح ساڈے دور تے ساڈے زمانے وِچ جھوتے مبلغین تے جھوٹے اُستاداں دے لئی اینج ای منادی کردا!

لیکن اُوہنے اینج کدی وی اُوہناں گنہگاراں دے ہجوماں نوں جیہڑے اُوہنوں سُنن دے لئی آندے سی اینج منادی نئیں کیتی۔ اُوہناں دے لئی تے اُو ’’اِک غمگین انسان سی جیہڑا رنج توں آشنا سی۔‘‘ اُوہنے کھو تے عورت دے نال نرمی نال گل کیتی سی، حالانکہ اُو پنج وری ویاہ کر چکی سی تے جدوں یسوع اُوہنوں ملیا سی تے اُو زنا دی حیاتی بسر کر رئی سی۔ اُو اُوہناں دے نال نرمی نال گل کردا سی جیہڑے بیمار تے مر رئے سن، ’’تے جِنہیاں نے [اُوہدی پوشاک] دا کِنارا وی چھویا اُو مکمل صحت یاب ہو گئے (متی36:14)۔ اُوس عورت دے نال جیہڑی زنا کردی ہوئی پھڑی گئی سی اُو نرمی نال بولیا سی، ’’میں تیہنوں مجرم نئیں ٹھہراندا، رخصت ہو تے آئیندہ گناہ توں دور رہنا‘‘ (یوحنا11:8)۔ اپنے لاگے سولی تے ڈاکو نوں اُوہنے کہیا، ’’اَج ای توں فردوس وِچ میرے نال ہووے گا‘‘ (لوقا43:23)۔ مفلوج شخص نوں یسوع نے کہیا، ’’پُتر، اِطمینان رکھ، تیرے گناہ بخشے گئے‘‘ (متی2:9)۔ اُوس گنہگار عورت نوں جِنہے اُوہدے پیراں دا بوسہ لہیا سی، یسوع نے کہیا، ’’تیرے گناہ معاف ہوئے‘‘ (لوقا48:7)۔

کی یسوع کدی ہنسا وی نئیں سی؟ وہ شاید ہنسا ہووے لیکن ایہہ گل بائبل وِچ درج نئیں اے۔ صحائف دے صفحیاں تے سانوں دسیا گیا اے کہ اُو ’’اِک غمگین انسان سی تے جیہڑا رنج توں آشنا سی‘‘ (اشعیا3:53)۔ تے صحائف دے صفحیاں تے سانوں تِن وری دسیا گیا کہ اُو رویا سی، تے ساڈی تلاوت وِچ اَسی ایہہ اُوہدی شخصیت دا حصہ سی – تے اِک اہم حصہ سی۔ بے حِس بُدھا نوں روندیاں ہوئیاں تصور کرنا بوہتا ای دشوار اے – بے حِس رومی خداواں دے بارے چہ اَتھرو ونگاندے ہوئے سوچنا ناممکن۔ یسوع دے اَتھرو سانوں اِنساناں دے دُکھاں وَل اُوس دے دِل دی شدید محبت نوں وکھاندے نے۔

تہاڈے وِچوں زیادہ تر لوکاں نوں ایہہ گل معلوم اے کہ میرے دِل وِچ وِنسٹن چرچل دے لئی خاص اِحترام اے۔ لیکن تُسی اُوہنوں اُونچ نئیں جانندے جیویں انگلستان اُوہنوں دوجی جنگ عظیم دے دوران جانندا سی۔

مقدس پولوس دا کتھیڈرل، بمباری دے دوران

یوسف کرش دی کِھیچی ہوئی مشہور تصویر توں اُوہدے صرف سخت چہرے نوں جانندے ہوو گے۔ لیکن اُوہناں لمبے مہینیاں دے دوران جِنہاں وِچ ھٹلر دے بمباں دے ذریعے نال لندن نوں گٹڑ کیتا جا رہیا تے جلایا جا رہیا سی، تے انگریز لوکاں نے اکثر اُوہنوں اِک دوجی طرح ای ویکھیا سی۔ اِک رات دی بمباری دے بعد، اُو لوکی اُوہنوں، اُوہناں دے گھراں دی تباہ شدہ عمارتاں وِچوں اپنے رخساراں تے وگدے اتھروواں دے نال لنگہدے ہوئے ویکھدے سن۔

لندن دی بمباری دے دوران چرچل

اُو اِک تباہ شُدہ پناہ گیا دے باہر رُکدا اے جیتھے چالیس بالغ تے بچے اِک رات پہلاں مارے گئے سن۔ اِک ہجوم اِکٹھا ہو جاندا اے، جدوں چرچل اپنی اَکھاں توں اَتھرو پونجھدا اے، ہجوم چلاندا اے، ’’اَسی سوچیا سی توں آئے گا!‘‘ اِک بُڈھی عورت کہندی اے، ’’ویکھیا تُسی، ایہنوں واقعی چہ فکر اے، اُو رو رہیا اے۔‘‘ فیر ہجوم وِچ کوئی ہُور پکاردا اے، ’’اَسی ایہنوں برداشت کر سکنے آں، تُسی ھٹلر نوں دس دینا، اَسی ایہنوں برداشت کر سکنے آں!‘‘ ھٹلر شاید اُوہناں دے گھراں نوں تے اُوہناں دے شہراں نوں بمباں دے نال تباہ کر دیندا لیکن صرف اُوہناں دی روحاں نوں تباہ کرن دے نال ای اُو اُوہناں نوں تباہ کر سکدا سی۔ ایہہ کہیا جاندا اے کہ نازیاں دی جنگی مشیناں دی قوت تے قابو پان دے لئی اپنے لوکاں دے لئی چرچل دے اَتھروواں نے کسی ہُور شے تے مقابلے چہ بوہتا زیادہ کم کیتا۔ اُو رویا کردا سی جدوں اُو لوکاں نوں تباہ شُدہ سڑک تے اِک لائن وِچ کھلوتا ویکھدا سی جیہڑے اپنی چڑیاں دے لئی بیج خریدنے واسطے کھلوتے واری دا انتظار کردے سی۔ اُو رویا کردا سی جدوں اُو ملبے وِچ مُردہ تے مردے ہوئے بچیاں دے جسماں نوں ویکھدا۔ اُو کدی وی خوف دی وجہ توں نئیں رویا سی لیکن ہمیشہ اپنے مُلک دے لوکاں دے دُکھاں دی وجہ توں رویا سی۔

جی نئیں چرچل عقیدے دے لحاظ توں مسیحی نئیں سی۔ لیکن اُوہنے اپنی وڈیری میتھوڈِسٹ آیا مسز یاوریسٹ توں اِک مسیحی وانگوں جذبات نوں محسوس کرنا سِکھ لہیا سی۔ اُوہناں دی تصویر چرچل دے بستر دے لاگے ای اُوہناں دے مرن تیکر لٹکی ہوئی سی۔ ایویں، میرے خیال وِچ ساڈے زمانے دے کسی دوجے رہنما دے مقابلے وِچ چرچل دے اِک مسیحی دے جذبات سن۔ ایہہ گل سوچنی ناممکن اے کہ آیت اللہ خمینی، یا ولہ دیمیر پیوٹن Vladimir Putin، یا باراک اوباما اپنے لوکاں دے دُکھاں دے لئی ہمدردی دی وجہ توں روئے ہون گے۔ ہمدردی اِک مسیحی خاصیت اے – جیہدی یسوع نے پہلی صدی دی سرد رومی دُنیا نوں تعلیم دِتی سی، ’’اُو غمگین انسان سی جیہڑا رنج توں آشنا سی‘‘ (اشعیا3:53)۔

’’رنج و الم دا انسان،‘‘ کیہو جیہا ناں اے
   خدا دے پُتر دے لئی جیہڑا آیا سی
تباہ حال خستہ لوکاں نوں بچان دے لئی!
   ھیلیلویاہ! کیہو جیہا اِک نجات دہندہ!

پاک صحائف وِچ سانوں تِن وری دسیا گیا اے کہ یسوع رویا سی۔

I۔ پہلی وری، یسوع شہر تے رویا سی۔

اِک سویرے اُو گدھے دی سواری کردے ہویاں یروشلم وِچ آیا۔ لوکاں دا اِک بہوتا وڈا ہجوم جیہڑا اُوہدے مگر مگر ٹُر رہیا سی نعرے لان لگا، ’’ابنِ داؤد نوں ہوشعنا: مبارک اے اُو جیہڑا خداوند دے ناں توں آندا اے! عالم بالا تے ہوشعنا‘‘ (متی9:21)۔ ایہہ کھجوراں دے اِتوار تے یسوع دا ’فاتحانہ داخلہ‘‘ کہلاندی اے۔

’’کھجوراں دے اِتوار‘‘ دے موقعے تے یسوع دا فاتحانہ داخلہ۔

لیکن سانوں بوہتا ای کم دسیا جاندا اے کہ ایہدا اختتام اُوس دِن کینج ہویا سی،

’’یروشلیم دے نیڑے اَپڑ کے یسوع نے شہر تے نظر پائی تے اُوہنوں اُوہدے تے رونا آ گیا‘‘ (لوقا19:41)۔

ڈاکٹر ڈبلیو۔ اے۔ کرسویل Dr. W. A. Criswell اُوہناں تِن عظیم ترین مبلغین وِچوں اِک سن جنہاں نوں [اپنی حیاتی وِچ] میں کدی وی سُنیا اے۔ اُو تقریباً سٹھ وریاں تیکر ٹیکساس دے شہر ڈلاس وِچ بپتسمہ دین آلے پہلے چینی گرجا گھر دے پادری سن۔ اپنے واعظاں وِچوں اِک [واعظ] دے وِچ، ڈاکٹر کرسویل نے اِک مبلغ دے بارے چہ دسیا جیہڑا حال ای وِچ اِک بہت وڈے شہر وِچ اِک گرجا گھر دی نظامت دے لئی گیا سی۔

     ’’جدوں اُوہدے لئی منادی دا ویلہ آیا تے اُو اوتھے نئیں سی۔ اِک مناد نوں کہیا گیا کہ مبلغ نوں لبھ کے لاوے۔ جدوں اُوہنے اُوہنوں لبھا تے اُو اپنے دفتر وچ سی، باری دے کول کھلوتا ہویا، منتشر شہر دی وسیع پسماندہ علاقے تے نظر پا رہیا سی۔ جدوں اُوہنے باہر اُوہناں پسماندہ عمارات تے نظر پائی، تے اُو پادری رو رہیا سی۔ مناد نے اُوہنوں کہیا، ’محترم، لوکی انتظار کر رئے نے تے تہاڈی منادی کرن دا ویلہ ہو چُکیا اے۔‘ پادری صاحب نے جواب دِتا، ’میں ذرا لوکاں دے غماں تے تنگدستیاں تے صدمیاں تے مایوسیاں وچ گھِر گیا سی۔ ذرا ویکھو۔ ذرا ویکھو‘ – جدوں اُوہنے شہر ول اشارہ کیتا۔ مناد نے جواب دِتا، ’جی ہاں، محترم، میں جاننا واں۔ لیکن تُسی چھیتی ای ایہدے عادی ہو جاؤو گے۔ تہاڈے تبلیغ کرن دا ویلہ ہو چُکیا اے۔‘‘‘

تے فیر ڈاکٹر کرسویل نے کہیا،

ایس ای گل توں میں اپنے گرجا گھر وچ، سارے گرجا گھراں چہ خود وچ خوفزدہ ہونا واں۔ اسی ایہدے عادی ہو جانے آں۔ لوکی گمراہ نے – تے کی ہویا؟ اُوہناں دے کول کوئی اُمید نئیں – تے ایہنوں بھُلا دیندے نے۔ ایس گل وچ اسی مسیح نالوں وکھرے آں۔ ’یروشلیم دے نزدیک پہنچ کے یسوع نے شہر تے نظر پائی تے اُوہنوں اُوہدے تے رونا آ گیا۔‘‘ (ڈبلیو۔ اے۔ کرسویل، پی ایچ۔ ڈی۔ ہمدردانہ مسیح The Compassionate Christ، کریسینڈو کُتب پبلیکیشنز Crescendo Book Publications، 1976، صفحہ 58)۔

جدوں اُوس دِن کوہِ زیتون تے یسوع کھلوتا سی تے اُوہنے یروشلیم تے نظر پائی سی جیہڑا کیہنے سوچیا ہووے گا کہ صرف چالی وریاں بعد ایہہ ختم ہو چُکیا ہووے گا؟ کیہنے سوچیا ہووے گا کہ اِک نسل دے بعد رومیوں دے لشکر دے جنرل ٹائٹس نے پھاٹکاں تے کندھاں نوں ڈگوا دِتا ہووے گا تے خُدا دی ہیکل نوں نظر آتش کروا دِتا ہووے گا؟ کُج وی نئیں بچیا ہووے گا ماسوائے اِک پتھر دی کندھ دے حصے دے جیہڑا پاک ہیکل دے آلے دوالے رہیا سی۔ ’’تہاڈا گھر تہاڈے لئی ویران چھڈیا جاندا اے۔‘‘ تے اُو رو پیا۔ یسوع شہر وچ نقصان تے رو پیا سی۔

کوئی کہندا اے، ’’لیکن پادری صاحب، اسی کی کر سکنے آں؟ اسی سارے لوکاں نوں بچا نئیں سکدے۔ اسی تے ایتھوں تیکر کہ زیادہ تر لوکاں نوں وی نئیں بچا سکدے۔ لیکن اسی لوکاں وچوں کُج نوں بچا سکنے آں۔ تُسی انجیلی بشارت دے پرچار لئی بُدھ یا جمعرات دی شام نوں آ سکدے اُو۔ تُسی ہفتے دی رات نوں انجیلی بشارت دے پرچار لئی آ سکدے اُو! تُسی جا سکدے اُو تے اُوہناں نوں اِتوار دی دوپہر نوں لہیا سکدے اُو! تُسی اینج کر سکدے اُو! کسی دِن ساڈے شہر دیاں سڑکاں کوڑے تے دھویں تے لہو تے موت نال بھر جان گئیاں۔ کسی دِن ایہدے لئی انتہائی تاخیر ہو چُکی ہووے گی کہ تُسی کسی نوں بچا سکو۔ ہُن، ایس ای لمحے، سُولی دے سپاہیاں تے برّے دے پیروکاراں دی حیثیت نال جاؤ۔ ہُن ای بیچارے، گمراہ یا گمشدہ گنہگاراں دی مدد کرن دا لمحہ اے کہ اُو مسیح نوں لبھ پان، معافی نوں لبھ پان، تے اُمید نوں لبھ پان! ’’تے یروشلیم دے نزدیک پہنچ کے یسوع نے شہر تے نظر پائی تے اُوہنوں اُوہدے تے رونا آ گیا۔‘‘

II۔ دوجی وری، یسوع ہمدردی وچ رویا سی۔

اُوہنے اپنے شاگرداں نوں دسیا، ’’ساڈا بیلی لعزر… مر چُکیا اے‘‘ (یوحنا11:11، 14)۔ اُوہنے کہیا، مینوں اُوہنوں جگان لئی جانا اے‘‘ – یعنی کہ، اُوہنوں مُردیاں وچوں زندہ کرن لئی جانا ہووے گا۔ تے ایس لئی اُو لعزر دے گھر لئی بیت عنیاہ گئے۔ کافر ’’قبرستان‘‘ دا دسدے نے۔ لیکن مسیحی ’’مُردے دفنان دے مقام‘‘ دا کہندے نے – جیہڑا کہ اِک یونانی لفظ اے جیدا مطلب ہوندا اے سونے دی اِک تھاں، جیتھے اسی اپنے مُردیاں نوں رکھنے آں جدوں تیکر کہ یسوع آ کے اُوہناں نوں بیدار نئیں کردا۔ ایہی اے جیہڑا یسوع لعزر دے نال کرن لئی جا رہیا اے۔ لیکن اُوہنے معجزے نوں اُوہدی الوہیت تے اُوہدی قوت نوں ظاہر کرن لئی چار دِن دا انتظار کیتا تاں جے اُو اُوہدا یقین کرن۔

ہُن یسوع لعزر دی قبر تے پہنچدا اے۔ مریم، لعزر دی بہن، جدوں یسوع قریب آندا اے تے اُوہنوں ملدی اے۔

’’جدوں یسوع نے اُوہنوں تے اُوہدے نال آن آلے یہودیاں نوں روندے ویکھیا تے دِل وچ نہایت ای رنجیدہ ہویا‘‘ (یوحنا11:33)۔

خالص یونانی وچ ایہدا مطلب ہوندا اے کہ یسوع مکمل طور توں ٹوٹ گیا، اُوہدا سینہ اُچھل رہیا سی، واویلہ کر رہیا سی، نتھنے پُھلا رہیا سی، ہانپ رہیا سی (ĕmbrimaŏmai) – شدت دے نال بے چین سی، سمندر وچ طوفان وانگوں اشتعال انگیز، شدت نال پریشان حال، انتہائی انتشار انگیز (tarassō)۔ کی تُسی کدی اینج محسوس کیتا جدوں تہاڈا کوئی انتہائی نزدیکی مر جاندا اے؟ میں کیتا اے۔ میں ٹوٹ گیا سی تے واویلہ کیتا سی تے ہانپیا سی تے دھنکنی وانگوں سینہ چلا سی۔ میں شدت دے نال پریشان حال رہیا سی، اُبلدے ہوئے پانی وانگوں اشتعال انگیز ہویا سی، شدت دے نال بے چین ہویا سی۔ میں اُوس قسم دا شدید درد تے بھاری پن اپنی حیاتی وچ صرف چند اِک وری ای محسوس کیتا سی – لیکن ایہہ گل سمجھن لئی میرے لئی اُو ای کافی سی کہ یسوع نے کی محسوس کیتا سی۔ میں اینج اُوس ویلے محسوس کیتا سی جدوں میری پیاری دادی ماں فلورزFlowers مری سی۔ میں اینج اُوس ویلے محسوس کیتا سی جدوں میری حیاتی آزاد خیال مغربی بپتسمہ دین آلی سیمنری Southern Baptist seminary وچ قید ہو کے رہ گئی سی۔ میں اینج اُوس ویلے محسوس کیتا سی جدوں میری ماں سیسیلیہ Cecelia نے وفات پائی سی۔ ایہہ غلط نئیں اے۔ یسوع سانوں وکھاندا اے خود اپنے غم دے ذریعے نال کہ کدی کدی دُکھ وی محسوس کرنا ساڈے لئی کوئی گناہ نئیں اے۔ اُو مریم تے مارتھا تے لعزر دے بیلی جیہڑے رو رئے سی کیوں جے لعزر مر گیا سی اُوہناں دے دُکھ دی وجہ نال شدید ہمدردی نال بھر گیا سی۔

یسوع جانندا سی کہ اُو چند ای منٹاں دے بعد لعزر نوں مُردیاں وچوں زندہ کر دوے گا۔ لیکن اُو موت دی انتہائی حقیقت دی وجہ نال تے اُوس غم نال جیہڑا ایہہ ساڈے تے لہیاندی اے تکلیف وچ تے ٹُٹیا ہویا اے۔ تے فیر، دو آیات دے بعد، یوحنا دے گیارہویں باب وچ، سانوں ساری بائبل وچ مختصر ترین آیت پیش کیتی جاندی اے۔ اپنی تکلیف تے سسکیاں وچ، یسوع نے کہیا، ’’تُسی لعزر نوں کیتھے رکھیا اے؟ اُوہناں نے اُوہنوں کہیا، خُداوند، ساڈے نال آ تے خود ای ویکھ لے۔‘‘ فیر مختصر ترین آیت،

’’یسوع رویا‘‘ (یوحنا11:35)۔

اُو مریم تے مارتھا دے غم وچ شامل ہویا سی کیوں جے اُو وی اُوہناں دے پراہ لعزر نال محبت کردا اے۔ تے یسوع ساڈے وی غم تے دُکھاں وچ شریک ہوندا اے۔ میں تہاڈی نسل دے نوجوان لوکاں تے ترس کھانا واں۔ بے شمار گرجا گھراں وچ اُو مذید ہور اوہی پرانے حمدوثنا دے گیت نئیں گاندے – اُو گیت جیہڑے دِلاں نوں چھوندے تے جان نوں سکون بخشدے نے۔ آج کل دے بچیاں نوں اُوہناں دے بارے وچ پتا ای نئیں اے تے ایویں پریشانی دے ویلے وچ اُو اُوہناں ول رُخ نئیں کردے۔ لیکن پرانے حمدوثنا دے گیت ای نے جنہاں نے میری جان نوں تاریکی وچوں لنگھایا۔

یسوع وِچ کیہو جیہا اِک بیلی ساڈے کول اے،
   ساڈے سارے گناہ تے غم برداشت کرن دے لئی!
چُکن دے لئی کیہو جیئی اِک رعایت
   ہر اِک گل دعا وِچ خدا کولوں…ن
کی اَسی ایہو جیہا مخلص بیلی لبھ سکنے آں،
   کون ساڈے سارے غماں وِچ شریک ہووے گا؟
یسوع ساڈی ہر کمزوری نوں جانندا اے،
   اُوہنوں دعا وِچ خداوند دے کول لے چلیے۔
(’’یسوع وِچ کیہو جیہا اِک بیلی ساڈے کول اے What a Friend We have in Jesus‘‘ شاعر جوزف سکرائی ون Joseph Scriven، 1819۔1886)۔

’’یسوع رویا‘‘ (یوحنا11:35)۔

یسوع دے قیمتی اتھرو۔ یسوع دی شدید چاہت۔ یسوع دی ہمدردی لئی خُداوندا تیرا شکر ہووے۔

جدوں میں اِک مُنڈا سی تے بالکل پہلی وری ڈاکٹر ھنری ایم۔ میک گوون Dr. Henry M. McGowan مینوں اپنے خاندان دے نال اِک بپتسمہ دین آلے گرجا گھر لے گئے۔ اُوہناں نے اِک وری مینوں دسیا سی کہ میں اُوہناں لئی اُوہناں دے پُتر وانگوں ای آں۔ میرا خاندان تے میں واپس ٹیکساس دے شہر ورنن Vernon اُوہناں نوں ملن لئی کئی وری جانے آں۔ اُوہناں ای سفراں وچوں اِک وچ اُوہناں نے مینوں اِک بغیر بحر دی نظم دِتی جیہڑی بے شمار گلاں دی وضاحت کردی اے۔ ایہہ میری سٹیونسن Mary Stevenson نامی اِک کُڑی نے لکھی سی جدوں اُو صرف 14 وریاں دی سی:

اِک راتی میں خواب ویکھیا۔
جدوں میں اپنے خدواند دے نال ساحل سمندر تے چہل قدمی کر رئی سی۔
تاریک آسمان توں پار توں میری حیاتی دے نظارے جھلک وکھلا رئے سن۔
ہر اِک نظارے دے لئی میں ریت وِچ قدماں دے دو نشاناں تے غور کیتا،
اِک دا تعلق میرے نال تے دوجے دا تعلق میرے خداوند نال سی۔

میرے اَگے میری حیاتی دے اُوس اَخیرلے نظارے دی تیز جھلک دے بعد،
میں ریت وِچ مُڑ کے قدماں دے نشاناں وَل ویکھیا۔
میں غور کیتا میری حیاتی دی راہ تے کئی وری،
خصوصی طور تے انتہائی پیہڑے ترین تے دُکھی ترین ویلیاں وِچ،
اُوتھے قدماں دے نشاناں دا صرف اِک ای جوڑا سی۔

ایس گل نے واقعی چہ مینوں پریشان کر چھڈیا، لہٰذا میں خداوند کولوں ایس گل دے بارے چہ پُچھیا۔
’’خداوندا توں کہیا سی اِک وری میں تیری پیروی کرن دا فیصلہ کر لاں،
تے توں میرے نال ساری راہ تے ٹُرے گا۔
لیکن میں غور کیتا اے کہ میری حیاتی تے غمگین تے شدید تکلیفاں آلے ویلیاں وِچ،
قدماں دے نشاناں دا صرف اِک ای جوڑا سی۔
میں جان نئیں پائی کیوں، جدوں مینوں تیری سب توں بوہتی لوڑ ہوندی اے تے توں مینوں چھڈ جائے گا۔‘‘

اُوہنے سرگوشی کیتی، ’’میرے قیمتی بچے، میں تیرے نال محبت کرنا واں تے کدی وی تیہنوں چھڈ کے نئیں جاواں گا۔
تیری آزمائشاں تے اِمتحاناں وِچ تے کدی وی نئیں۔
جدوں توں قدماں دے نشاناں دا صرف اِک ای جوڑا ویکھیا سی،
ایہہ اُوسی ویلے سی جدوں میں تیہنوں بانہواں وِچ چُکیا ہویا سی۔‘‘
   (ریت وِچ قدماں دے نشاںFootprints in the Sand‘‘ شاعر میری سٹیونسن Mary Stevenson، 1922۔1999؛ نظم لکھی گئی سن 1936 میں)۔

یسوع ساڈے شہراں تے روندا اے – جیہڑے گواچ چُکے نے، بِنا کسی اُمید دے۔ یسوع ہمدردی وچ ساڈے نال روندا اے – جدوں اسی غماں دے لمحیاں وچوں لنگھنے آں۔

III۔ تیجی وری، یسوع جدوں ساڈے گناہواں لئی کفارہ ادا کردا اے تے ساڈے لئی روندا اے۔

عبرانیوں5:7 کہندی اے،

’’یسوع نے اِک بشر دی حیثیت نال زندگی لنگھان دے دِناں وچ پُکار پُکار کے تے اتھرو وگا وگا کے خُدا کولوں دعاواں تے التجاواں کیتیاں جیہڑا اُوہناں موت کولوں بچا سکدا سی تے اُوہدی خدا ترسی دی وجہ توں اُوہدی سُنی گئی‘‘ (عبرانیوں5:7)۔

اپنے مصلوب کیتے جان توں اِک رات پہلاں، گتسمنی دے باغ وچ جیہڑا رو رہیا سی، اُو یسوع اے۔ ڈاکٹر کرسویل نے کہیا،

گتسمنی دے باغ وچ اذیت دا مطلب کی ہوندا اے؟ جدوں اُوہنے اذیت وچ دُکھ برداشت کیتے تے دعا وچ اُوہدا ’’پسینہ زمین تے لہو دی وڈی وڈی بونداں وانگوں ٹپک رہیا سی‘‘ (لوقا22:44) … اشعیا نبی نے کہیا، ’’خُدا اُوہدی جان نوں گناہ دی قربانی قرار دیندا اے۔‘‘ اشعیا نے کہیا، ’’خُدا اُوہدی جان دا دُکھ ویکھے گا تے مطمئین ہووے گا۔‘‘ کسی طور، اِک بھید وچ جیہدے وچ اسی شامل نئیں ہو سکدے، خُدا نے اُوہنوں ساڈے لئی گناہ قرار دِتا۔ تے دُنیا دے سارے گناہواں دے بوجھ تے وزن برداشت کرن وچ، اُو شدت نال رو رو کے اتھرواں نال پُکار اُٹھیا، ’’اَے پیو، جے ممکن ہووے تے ایہہ پیالہ میرے توں ٹال دے۔‘‘ (ibid.، صفحہ 60)۔

گتسمنی وچ خُدا توں اپنی حیاتی بخش دین لئی یسوع شدید اتھروواں نال رویا سی تاں جے اگلی سویر سُولی تے خود اپنے ای بدن تے ساڈے گناہواں نوں چُک کے لے جان لئی اُو زندہ رہ سکے۔ تے سُولی تے اُو پُکار اُٹھیا، ’’ایہہ تمام ہویا‘‘ (یوحنا19:30) – تے اُوہنے اپنا سر جھکایا تے مر گیا۔ شدید رون تے اتھروواں دے نال، اُوہنوں ساڈے گناہواں دا مکمل کفارہ ادا کرن لئی سُولی تے کِلّاں نال جڑ دِتا گیا سی۔

کلوری تے پہاڑ تے، اِخ ہولناک سویرے،
   میرا نجات دہندہ مسیح، تباہ حال تے افسردہ گیا سی؛
سولی تے گنہگاراں دی موت دا سامنا کیتا،
   کہ شاید اُو اُوہناں نوں کدی وی ختم نہ ہون آلے نقصان توں بچا لے۔
مبارک ہووے منّجی! قیمتی منّجی!
ظاہر ہوندا اے کہ میں ہُن اُوہنوں کلوری دی سولی تے ویکھ لہیا اے؛
زخماں نال چور، گنہگاراں دے لئی اِلتجا کردے ہوئے –
اندھا تے بے دھیان – میرے لئی مردا ہویا!
(مبارک منّجی Blessed Redeemer‘‘ شاعر ایوِز برجیسن کرسچنسن Avis Burgeson Christiansen، 1895۔1985)۔

میں تہانوں یسوع تے پروہسا کرن دے لئی کہہ رہیا واں، جِنہے بے شمار اتھرو وگائے تے سولی تے تہانوں سزا تے گناہ توں بچان دے لئی اپنا لہو وگایا۔ اُو ہُن آسمان تے خدا دے سجّے ہتھ وَل بیٹھا اے۔ سادہ ایمان دے نال آؤ تے اُوہدے تے پروہسا کرو۔ اُوہدا قیمتی لہو تہانوں سارے گناہ توں پاک کر دے گا – آمین۔ ڈاکٹر چعین Dr. Chan، مہربانی نال دعا وِچ ساڈی رہنمائی کرو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔