ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پولوس رسول اپنی حیاتی وچ بوہتی وڈی وڈی آزمائشاں توں لنگیا سی۔ اُوہناں نے اُوہنوں پنج وری موت دی حد تیکر پیٹا سی – مسیح دی خوشخبری دی منادی کرن لئی۔ اُوہنوں سنگسار کیتا گیا۔ اُو تِن وری سمندری جہازاں دی تباہی دے دوران رہیا سی۔ اُو تقریباً سمندر وچ ڈُب ای چُکیا سی۔ اُو لُٹیا گیا سی۔ اُو پُکھ تے پیاس تے روزیاں وچوں لنگ چُکیا سی۔ اُو قید کٹ چُکیا سی۔ جدوں تُسی 2۔ کرنتھیوں دا گیارہواں باب پڑھو تے ایہہ تقریباً ناممکن وکھائی دیندا اے کہ اِک شخص مسیح لئی اینیاں تکلیفاں برداشت کر سکدا اے جیہنی اُوہنے برداشت کیتیاں۔

بیشک میں کدی وی پولوس رسول نوں نئیں ملیا۔ لیکن میں اِک بندے نوں جاننا واں جیہنے تکلیفاں برداشت کیتیاں جیویں پولوس نے کیتیاں سن۔ اُوہدا ناں رچرڈ ورمبرانڈ Richard Wurmbrand سی۔ اُوہدی اہم کتاب مسیح لئی اذیت سہی Tortured for Christ کہلاندی اے۔ پادری ورمبرانڈ نے خوشخبری دی منادی کرنے دی وجہ توں اشتراکیت پسنداں دی قید وچ چودہ ورے لنگہائے۔ اُوہنوں موت دی حد تیکر پُکھا رکھیا گیا سی۔ اٹھارہ وری اُوہناں دے جسم وچ تپتی گرم لوہے دیاں دلاخاں چُبھائی گئیاں سی۔ اُوہناں دے پیراں نوں ایس قدر شدت دے نال پیٹا گیا سی کہ اُو منادی کرن لئی کھلوتے نئیں ہو سکدے۔ جدوں کدی وی اُوہناں نے ساڈے گرجا گھر وچ منادی کیتی اُوہناں نوں اپنے چھِتر لہانے پیندے سی تے تے اِک کُرسی وچ بیہنا پیندا سی۔ اُو قید توں اِک معجزے دے وسیلے نال وَچ نکلے سی۔ جے تُسی اُوہناں دی کتاب مسیح لئی اذیت سہی Tortured for Christ کدی نئیں پڑھی تے مینوں اُمید اے کہ تُسی اُوہدی اِک کاپی ساڈیاں کتاباں دی دُکان توں خریدو گے۔ ایہہ اِک مختصر جئی کتاب اے۔ میں سال وچ اِک وری ایہنوں پڑھن دی عادت بنا چُکیا واں۔ میں ایہنوں ماسوائے بائبل دے، کسی دوجی کتاب دے مقابلے وچ زیادہ وری پڑھ چُکیا واں۔

کیس گل نے پولوس تے پادری ورمبرانڈ نوں جاری رکھیا؟ کیوں اُوہناں نے ہمت نئیں ہاری تے مسیح توں مُنہ نئیں موڑیا؟ پولوس نے وجہ پیش کیتی کہ اُو اینج دی آزمائشاں تے سختیاں وچوں لنگ سکدا اے۔ اُوہنے کہیا،

’’اسی ویکھی ہوئی شیواں تے نئیں بلکہ اندیکھی شیواں تے نظر کرنے آں۔ کیوں جے ویکھی ہُوئی شیواں چند روزہ [عارضی] نے مگر اندیکھی ہمیشہ لئی نے‘‘ (2۔کرنتھیوں4:18).

ایہہ آیت سانوں اِک کامیاب مسیحی حیاتی بسر کرن لئی راز فراہم کردی اے۔ سانوں اُوہناں شیواں تے نظر نئیں پانی چائیدی جیہری ویکھی جا سکدیاں نے۔ سانوں اندیکھی شیواں تے نطر پانی چائیدی اے۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I. پہلی گل، اُوہناں شیواں تے نظر مت پاؤ جیہڑیاں ویکھی جا سکدیاں نے۔

کیوں نئیں؟ کیوں جے ایہہ لنگ جان آلی خوش فہمیاں ہوندیاں نے۔

زیادہ تر لوکی اپنی تمام تر توجہ ایس دُنیا دیاں شیواں تے مرکوز رکھدے نے۔ اُو انتہائی پُرجوش ہوندے نے جدوں اُو کالج توں گریجوایشن مکمل کردے نے۔ فیر اُو ذہنی دباؤ دا شکار ہو جاندے نے جدوں اُو اِک چنگی ملازمت نئیں لبھ پاندے۔ اُو خوش ہوندے نے جدوں لوکی کہندے نے اُو کیہنے چنگے نے۔ لیکن اُو اُداس ہو جاندے نے جدوں لوکی اُوہناں تے تنقید کردے نے۔ اُو ہمیشہ خود نوں خوش کرن لئی ایس دُنیا وچ کُج شیواں نوں لبھدے رہندے نے۔ تے اُو ایہہ کدی وی نئیں لبھ پاندے۔

میں حال ای وچ نیل گیبلر Neal Gabler دی لکھی ہوئی والٹ ڈزنی Walt Disney (وِنٹیج کُتب Vintage Books، 2006) سی طویل سوانحِ حیات پڑھ کے ختم کر چُکیا واں۔ ڈزنی اِک تحریکی شخصیت سن۔ اُوہناں نے کروڑوں ڈالرز کمائے، لیکن اُو اُوہناں دا مقصد نئیں سی۔ اُو کم کرن دے عادی سن، اِک دے بعد دوجی نئی شے تخلیق کرن دی تحریک وچ۔ اُوہناں نے پہلاں بصری کارٹون بنائے۔ لیکن اُو مطمئن نئیں ہوئے۔ اُوہناں نے ’’سنو وائٹ تے ست بونے Snow White and the Seven Dwarfs‘‘ تخلیق کیتا‘‘ – جیہنوں اِک شاہکار دی پزیرائی ملی۔ لیکن اُو مطمئن نئیں ہوئے۔ اُوہناں نے ’’پینوکیوPinocchio،‘‘ ’’ڈمبوDumbo،‘‘ ’’بیمبیBambi،‘‘ ’’سینڈریلاCinderella،‘‘ ٹریژر آئیلینڈ Treasure Island،‘‘ ’’ایلیس اِن ونڈر لینڈ Alice in Wonderland،‘‘ پیٹر پین Peter Pan،‘‘ ’’لیڈی اینڈ دی ٹریمپ Lady and the Tramp،‘‘ سلیپینگ بیوٹی Sleeping Beauty،‘‘ میری پوپینز Mary Poppins،‘‘ تے ’’دی جنگل بُک The Jungle Book‘‘ نوں تخلیق کیتا۔ لیکن اُو مطمئن نئیں ہوئے۔ اُوہناں نے ڈزنی لینڈ تعمیر کیتا تے ڈزنی ورلڈ دی تعمیر دا آغاز کیتا۔ لیکن اُو مطمئن نئیں ہوئے۔ اُوہناں نے ’’ماحولیاتی تحفظ، خَلا دا جائزہ، ایٹمی توانائی، شہری منصوبہ بندی نوں مشہور کیتا [تے] تفریح دی دُنیا وچ سب توں زیادہ قوت نال بھرپور سلطنت تعمیر کیتی‘‘ (ibid.، صفحہ632)۔ اُوہناں نے اپنی فلماں لئی بے شمار اکیڈیمی ایوارڈز جِتے۔ لیکن اُو مطمئن نئیں ہوئے۔ دی لاس اینجلز ٹائمز The Los Angeles Times نے کہیا، ’’کوئی وی تعجب کر سکدا اے کہ اِک عظیم ترین میراث کیویں اِک بندے دے ذریعے نال حاصل کیتی جائے‘‘ (.ibid)۔ لیکن اُو مطمئن نئیں ہوئے۔ اُوہناں نے اپنے پیو دے مذہب نوں مسترد کیتا تے کدی وی گرجا گھر نئیں گئے۔

اُو 15 دسمبر، 1966 وِچ گُردے دے سرطان دی وجہ توں وفات پا گئے۔ ہسپتال توں اُوہناں دے نرس نے اُوہناں دے خاندان آلیاں نوں خط لکھیا، ’’میں والٹ دی اُوہناں دے آخیرلے دِناں وِچ دیکھ بھال کیتی، تے محض چاہنی آں کہ تُسی جان جاؤ اُو بیچارہ بندہ کینا خوفزدہ سی‘‘ (ibid.، صفحہ631)… ’’اُو موت توں ایس قدر دھشت زدہ ہو چکے سن کہ اُوہناں نے اپنی [دفنان] دی ہدایات [وصیت] تیکر نئیں بنائی۔ اُوہناں نے آزادی دا صدارتی میڈل جیتیا سی، سب توں وڈا اعزاز جیہڑا ساڈی قوم کر سکدی اے۔ لیکن اُو بالکل وی کسی اُمید توں بغیر فوت ہو گئے۔ بائبل کہندی اے، ’’اُو دولت مند بندہ مر… گیا، تے دفنایا گیا؛ تے جہنم وِچ اُوہنے عذاب وِچ مبتلا ہو گے اَکھاں تاں چُکیاں‘‘ (لوقا16:22، 23)۔

پولوس رسول تے پادری ورمبرانڈ جنت وِچ گئے۔ والٹ ڈزنی ’’ہمیشہ دی سزا وِچ‘‘ گئے (متی25:46)۔

’’اسی ویکھی ہوئی شیواں تے نئیں بلکہ اندیکھی شیواں تے نظر کرنے آں۔ کیوں جے ویکھی ہُوئی شیواں چند روزہ [عارضی] نے مگر اندیکھی ہمیشہ لئی نے‘‘ (2۔کرنتھیوں4:18).

خُدا نئیں چاہندا کہ تُسی جہنم وِچ جاؤ۔ اُو ’’نئیں چاہندا کہ کوئی بندہ ہلاک ہووے بلکہ چاہندا اے کہ سارے لوکاں نوں توبہ کرن دا موقع لبھے‘‘ (2پطرس3:9)۔ ایہہ ای وجہ اے کہ خدا اَسی ساریاں نوں بار بار وکھاندا اے کہ ایس دُنیا دی شیواں صرف عارضی نے۔ ڈاکٹر کیگن دی حیاتی دی آیت 1 یوحنا17:2 اے،

’’تے دُنیا تے اُوہدی خواہش دوویں مُک جان گئیاں لیکن جیہڑا خدا دی مرضی تے چلدا اے اُو ہمیشہ تیکر باقی رہندا اے‘‘ (1۔ یوحنا 2:17).

خداوند نے مینوں اُو سچائی ابتدائجی عمر وِچ ای وکھانی شروع کر دِتی سی۔ اُوہناں نے مینوں ایسٹر دے موقع تے بطخ دا اِک بچہ دِتا۔ میں ایس قدر خوش سی، میں خوشی نال اُتے تھلے چھالاں مار رہیا سی۔ لیکن اُو بطخ دا بچہ میرے پیراں ہیٹاں آ گیا، تے میرے کولوں مارا گیا۔ میں کئی دِناں تیکر روندا رہیا! میرا اَبّا جدوں میں دو وریاں دی عمر دا سی تے چھڈ کے ٹُر گئے سن۔ فیر ساڈا گھر ہتھاں توں نکل نکل گیا۔ فیر کونچیتا نامی میری پیاری نِکی جیہئی بچی کُتیا گڈی ہیٹاں آ گئی جدوں میں اُوہنوں ویکھ رہیا سی۔ میں اُوہناں اپنی باہنواں وِچ تھام لہیا تے اُوہنوں اُٹھن دی اِلتجا کیتی – لیکن اُو مر چکی سی۔ اُو اِک اَٹھ وریاں دی بچے دے لئی اِک ہولناک گل سی۔ جدوں میں خوفزدہ سی تے میری دادی نے مینوں اپنے ہتھاں وِچ جکڑ لہیا تے فیر میں سو گیا۔ فیر میں اُوہنان دے سوکھے ہوئے بدن نوں اِک تابوت وِچ ویکھیا تے میں درختاں وَل نٹھ گیا۔ بعد چہ میں اپنے مترائے پیو دی ماں نوں کُرسی وِچ مردیاں ویکھیا۔ میں اُوہناں نوں اِک گندم دی بوری وانگوں اپنے موڈھیاں تے لد کے لے گیا۔ میں اُوہناں نوں ہسپتال وِچ چھڈیا تے فیر کدی وی اُوہناں نوں دوبارہ نئیں ویکھیا۔ ایس دے بعد مینوں بائبل وِچ یقین کرن تے آزاد خیال سیمنری وِچوں برادری توں کڈ دِتا گیا۔ میں ایس قدر شکست خوردہ ہو گیا کہ میں مذہبی خدمت نوں خیرآباد کہیا تے اَدھی راتی تاریکی وِچ پیدل ٹُر پہیا۔ میں اِک گرجا گھر شروع کیتا۔ فیر میرے سارے بیلی میرے خلاف ہو گئے۔

’’فیر میں کہیا، میں اُوہناں دا ذکر نہ کراں گا نہ اُوہناں دے ناں توں فیر کدی بولاں گا، تے اُوہدا کلام میرے دِل وِچ اَگ وانگوں دہکدا اے، گویا میری ہڈیاں وِچ اَگ بند کیتی گئی ہووے۔ جِنہوں میں ضبط کردیاں کردیاں تھک گیا، تے میرے توں رہیاں نئیں جاندا‘‘ (یرمیاہ 20:9).

میں واقعی چہ اُوہی محسوس کیتا سی جیہڑا یرمیاہ نبی نے محسوس کیتا سی – تے میں جان گیا مینوں دوبارہ تبلیغ کرنی ای سی۔

ہر انسان دی حیاتی دے تجربات ایسی طرح دِل دُکھاندے نے۔ خُدا کیوں اینج ہون دیندا اے؟ اُو سانوں دُںیا توں پرے ہٹانا چاہندا اے۔ اُو چاہندا اے اَسی ویکھیے کہ ایہہ دُںیا صرف اِک خواب اے – اِک خواب جیہڑا چھیتی ای دُھندلا جائے گا۔

میں اُوس وڈھے گھر وِچ بیٹھا آں جیہڑا میرا ماں نے سانوں دِتا سی۔ میں کدی وی نئیں سوچیا سی میں ایس وگرا گھر حاصل کر پاواں گا۔ میں اُوتھے رات وِچ اکلا بیٹھنا واں – تے میں سوچنا واں، ’’میں ایتھے بوہتے ویلے تیکر نئیں رہ پاواں گا۔ کوئی ہُور ایہنوں اپنا لئے گا – تے میں مر چکیا ہوواں گا۔‘‘ میں اَگے ودھنا واں تے اپنی ووہٹی دا ہتھ پھـڑ لہنا واں جدوں میں سون دے لئی جاناں واں۔ کدی نہ کدی، ایس ویلے توں بوہتا عرصہ دور نئیں، میں جا چُکیا ہوواں گا۔ میں فیر اُوہدے لئی صرف اِک یاداشت رہ جاواں گا۔ کیوں خُدا سانوں غماں دے اِیہناں زمانیاں وِچ لنگہن وِچ رہنمائی بخشدا اے؟ اُو سانوں سادی حِسّاں تے ساڈے بُتاں، تے ساڈی خوشی فہمیاں توں پرے کھینچنا چاہندا اے جیہڑے چھیتی ای مُک جان گے۔

تے جے اَسی اُوہدی اطمینان بھری رہنمائی دی پیروی کریے، تے اَسی ویکھ پاواں گے کہ ایہہ دُنیا تے صرف نظر دا اِک دھوکہ اے۔ اَسی خود اپنے آپ وِچ محسوس کرنا شروع کر دیاں گے کہ ’’ویکھی جان آلی شیواں عارضی نے،‘‘ صرف وقتی۔ کدی وی مکمل طور تے اطمینان بخش نئیں۔ کدی وی بالکل اُو نئیں جیہڑا اَسی واقعی وِچ چاہنے آں۔

II. دوجی گل، اُوہناں شیواں تے نظر پاؤ جیہڑی اندیکھی نے۔

اَسی کیویں ویکھنے آں؟ اسی ایمان دی اکھ نال ویکھنے آں۔ اسی اُو ویکھنے آں جو کوئی وی انسانی اکھ نئیں ویکھ سکدی۔ اسی اپنے دِلاں نال ویکھنے آں،

’’ایس لئی کہ اُو خدا جیہنے فرمایا کہ تاریکی وچوں نُور چمکے اوہی ساڈے دِلاں وچ چمکیا تاں جے [اسی] پہچان سکئیے کہ جیہڑا نُور مسیح دے چہرہ توں جلوہ گر اے اُو خدا دے جلال دا نُور اے‘‘ (2۔ کرنتھیوں 4:6).

خُدا دے برّے ول ویکھو،
خُدا دے برّے ول ویکھو،
کیوں جے اوہی کلیاں تہانوں وچان دے قابل اے،
خُدا دے برّے ول ویکھو۔
   (’’ خُدا دے برّے ول ویکھو Look to the Lamb of God‘‘ شاعر ایچ۔ جی۔ جیکسن H. G. Jackson، 1838۔1914)۔

جان ھس John Huss (1415-1360) لوتھر توں پہلاں اِک مذھبی اصلاح پرست سی۔ اُوہناں نے کلیاں مسیح وچ ایمان دے وسیلے نال نجات دی منادی کیتی سی۔ لوکاں نے اُوہناں نوں کھمبے نال بنھ کے زندہ جلا دِتا۔ جدوں اُو جل رئے سی تے اُوہناں نے کہیا،

جیہنی میں اپنے بُلّاں توں تعلیم دِتی ہُن میں اپنے لہو دے نال مہربند کرنا واں۔‘‘ تے ’’اُچی تے خوشی نال بھرپور اواج وچ‘‘ حمدوثنا دا اِک گیت گاندے ہوئے، جان ھس نوں کھمبے نال بنھ کے زندہ جلا دِتا گیا اُوس آقا لئی جیہنوں اُو محبت کردے سی۔

جان ھس انگریزی مذہبی اصلاح پرست وائیکلیف Wycliffe دے تحاریر توں شدید متاثر رئے سی۔ تے اُوہناں دی بُرائیاں دے خلاف منادی رومی تنظیم دے مرکزی گروہاں وچ پوپ وَلّوں زیادہ عرصہ تیکر توجہ توں محروم نہ رہ پائی۔ ھس نوں مذھبی برادری توں کَڈ دِتا گیا تے کونسٹانس دی کونسل Council of Constance دے سامنے حاضر ہون لئی بُلایا گیا۔ اوتھے اُوہناں تے غداری دا الزام لگایا گیا تے اِک بدعتی دی حیثیت نال مارن دی سزا دا حکم جاری کیتا گیا۔

اِک کاغذی مائیٹر miter [بشپ دے سر تے پہنی جان آلی نوکدار کونیاں آلی ٹوپی] اُوہناں دے سر تے پہنان لئی ایس تحریر دے نال تیار کیتی گئی ’’بدعتیاں دا سرغُنہ‘‘۔ تے جان ھس نے کہیا، ’’میرے خُداوند یسوع مسیح نے میری خاطر کنڈیاں دا تاج پہنیا سی؛ تے فیر کیوں نہ میں اُوہدی خاطر ہمیشہ لئی اینج دا ای ذلت آمیز رہن آلا ایہہ ہلکا جیہا تاج نہ پہناں؟ سچے طور تے تے اپنی مرضی نال، میں ایہہ کراں گا۔

جدوں مائیٹر نوں اُوہناں دے سر تے رکھیا گیا تے بشپ نے کہیا، ’’ہُن اسی تہاڈی روح نوں ابلیس دے حوالے کرنے آں۔‘‘

جان ھس نے آسمان ول اپنیاں نظراں اُچی کردے ہوئیاں کہیا، لیکن میں اپنی تیرے ہتھاں وچ اے خُداوند یسوع مسیح سونپنا واں، میری روح جیہنوں تو مخلصی بخشی۔‘‘

جدوں کھمبے تے اُوہناں دے اردگرد زنجیر لپیٹی گئی، اُو مسکرائے تے کہیا، ’’میرا خُداوند یسوع مسیح ایہدے نالوں زیادہ سخت زنجیر نال میری خاطر بنھیا گیا سی، تے فیر مینوں کیوں ایس زنگ آلود زنجیر توں شرمندہ ہونا چائیدا اے؟‘‘ تے ایویں 6 جولائی، 1415 وچ، اُو اخیرلے ویلے تیکر جرأت مندی تے مسرت نال، فوت ہوئے۔

لیکن اُوہناں دا پیغام کھو نئیں گیا سی۔ ھس دے پیروکاراں وچوں اِک گروہ کھلویا جیہرا خود نوں یونیٹاس فراٹرم Unitas Fratrum پراہواں دا اتحاد کہلاندا سی،۔ ایس قدر زیادہ ایذا رسانی نال، اِک خفیہ بیج محفوظ کیتا گیا سی؛ ھس دے ایہناں پیروکاراں نے اپنیاں عبادتاں نوں خفیہ طور تے منعقد کیتا تے اپنی کلیسیا [گرجا گھر] دی حیاتِ نو لئی دعاؤاں منگیاں۔ اینج دی دعاؤاں سُنیاں گئیاں، جدوں 1727 وچ، اگست دے 13 ویں دِن، حرنہٹ Herrnhut وچ مسیحیاں دی موراوئعین Moravian مذھبی جماعت تے خُدا دا روح نازل ہویا۔ تے موراوئعین لوکی اُوس خوشخبری نوں جیدی منادی جان ھس نے کیتی سی دُنیا دے کونے کونے وچ لے گئے – پہلی سب توں وڈی پروٹسٹنٹ مشنری تحریک۔ (جان گرین فیلڈ John Greenfield، جدوں روح نازل ہویا When the Spirit Came، Strategic Press، n.d.، صفحہ6)۔

جے تُسی کدی وی مسیح وچ ایمان لہیا کے تبدیل نئیں ہوئے، میں تہاڈے توں اُو کرن دی تمنا رکھنا واں جو جان ھس نے کیتا سی۔ اپنے دِل تے روح نوں خُداوند یسوع مسیح لئی وقف کر دیو۔ تُسی اُوہنوں اپنیاں اکھاں توں نئیں ویکھ سکدے، لیکن تُسی اپنے دِل دے نال اُوہدے تے پرہوسا کر سکدے اُو۔ اُو تہانوں اپنے قیمتی لہو نال تمام گناہ توں پاک صاف کر دئے گا!

’’اسی ویکھی ہوئی شیواں تے نئیں بلکہ اندیکھی شیواں تے نظر کرنے آں۔ کیوں جے ویکھی ہُوئی شیواں چند روزہ نے مگر اندیکھی ہمیشہ لئی نے‘‘ (2۔کرنتھیوں4:18).

یسوع تے ہُنے پرہوسا کرو تے ویکھو گے اُو سچ اے۔ اُو اپنے لہو نال تہاڈے سارے گناہواں نوں دھو ڈالے گا، تے تُسی مسیح وچ ایمان لہیا کے تبدیل ہو جاؤ گے، سارے زمانیاں تے ہمیشہ لئی نجات پا لوو گے۔ آمین۔ ڈاکٹر چعین Dr. Chan، مہربانی نال دعا وچ ساڈی رہنمائی فرماؤ۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔