ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
آسمان وِچ مَقدِس تے
|
ایہہ اِک ہزار سال توں وی زیادہ قبل از مسیح دی گل سی۔ عبارنی لوکی صحرا وِچ سن۔ موسیٰ نے مصر وِچوں نکلن چہ اُوہناں دی رہنمائی کیتی سی۔ ہُن موسیٰ کوہ سینا تے اُوتے گیا سی۔ اُوتھے خدا نے اُوہدے نال کلام کیتا۔ اُوہنے اُوہنوں عبادت گاہ بنان دے لئی کہیا۔ اُو عبادت گاہ [مَقدِس] اِک سادہ جیہا خیمہ سی۔ عبرانی کاہن اُوس خیمہ گاہ [عبادت گاہ یا مَقدِس] وِچ لہو دی نذر چڑھاندے سی۔ خدا دی موجودگی خیمہ گاہ [عبادت گاہ یا مَقدِس] وِچ نازل ہوئی۔
ڈاکٹر جے ورنن میگی Dr. J. Vernon McGee نے کہیا، ’’اُو عبادت گاہ [مَقدِس] کہلاندی سی، جیہدے پہلو دے چوکھٹے، جیہرے دوویں پاسویوں سونے دے نال ڈھکے ہوئے سن، کھڑے کیتے جا سکدے سی۔ ایہہ پیمائش وِچ تی ہتھ لمبا تے دس ہتھ چوڑا [تقریباً پینتالی فٹ لمبا تے پندرہ فٹ چوڑا] سی‘‘ (بائبل وِچوں Thru the Bible، تھامس نیلسن پبلیشرزThomas Nelson Publishers، 1983، صفحہ558؛ عبرانیوں8:5)۔
مَقدِس کا نہایت اندرونی حصہ پاک تر ترین سی۔ ایہہ باقی دے مَقدِس توں اِک پردے دے نال علیحدہ سی۔ صرف کاہن ای اُوتھے جا سکدا سی تے سال وِچ صرف اِک وری کفارے دے دِن۔ ڈاکٹر میگی نے لکھیا، ’’کفارے دے عظیم دِن، سردار کاہن علیحدہ کرن آلے پردے وِچوں لنگ کے اندرونی حصے پاک تر ترین مَقدِس وِچ جاندا سی‘‘ (ibid.)۔ مَقدِس کے پاک تر ترین حصے میں عہد دا صندوق سی، اِک صندوق جیہڑا لکڑی نال بنیا ہویا سی تے سونے دے نال ڈھانپیا ہویا سی۔ ’’عہد دا صندوق اعلیٰ ترین زیبائش دے سرپوش نال ڈھکیا ہویا سی جیہڑی کفارہ گاہ کہلاندی سی… سال وِچ اِک وری سردار کاہن کفارہ گاہ تے لہو رکھدا سی، تے ایہو ای سی جیہڑا ایہنوں عبادت گاہ بناندا سی۔ اُو خداوند دے وسن دی تھاں سی؛ یعنی کہ، اُو تھاں جِتھے خداوند اسرائیل دے بچیاںنال ملیا‘‘ (میگیMcGee، ibid.)۔ ایہہ اُو تھاں سی جیتھے سال وِچ اِک وری لوکاں دے کفارے دے طور تے لہو اُنڈیلا جاندا سی۔ لفظ ’’کفارےatonement‘‘ دا مطلب ہوندا اے ’’ڈھانپنا۔‘‘ لہو گناہ نوں ڈھانپن دے طور تے پیش کیتا جاندا سی۔
اُوس عبادت گاہ نوں محض کسی پرانے طریقے نال تعمیر نئیں کیتا جا سکدا سی۔ خروج دی کتاب وِچ خداوند نے موسیٰ نوں دسیا سی کہ ایہنوں کیویں تعمیر کرنا سی۔ خداوند نے کہیا،
’’اُوس عارضی مَقدِس دے خیمہ تے اُوہدے سارے سامان دا جیہڑا نمونہ میں تینوں وکھاواں، ٹھیک اُوہدے مطابق اُوہنوں بناویں‘‘ (خروج 25:9).
خداوند نے موسیٰ نوں دسیا، ’’اُوہنوں اُوسی طریقے دے نال تعمیر کرنا جیویں میں کہواں! اُوسی نمونے دی پیروی کرنا جیہڑا میں تینوں وکھاواں!‘‘ اُوہنے موسیٰ نوں بالکل صحیح طرح نال وکھایا ایہنوں کیویں تعمیر کرنا اے۔ اُوہنے موسیٰ نوں حکم دِتا کہ ہر اِک شے نوں ’’اُوہناں دے ٹھیک اُوسی نمونے دے مطابق بنانا جیہڑا اُوہنوں پہاڑ تے وکھایا سی‘‘ (خروج25:40)۔
بائبل نے ایہدے بارے وِچ نئے عہدنامے وِچ دسیا، ساڈی تلاوت وِچ،
’’جدوں موسیٰ خیمہ بنان نوں سی تے خدا نے اُوہنوں ہدایت کیتی کہ ویکھ، جیہڑا نمونہ تینوں پہاڑ تے وکھایا گیا سی اُوسی تے مطابق ساریاں شیواں بناویں‘‘ (عبرانیوں 8:5).
اُو نمونہ کیہڑا سی جیہڑا خداوند نے موسیٰ نوں دِتا سی؟ فن تعمیر توں تعلق رکھن آلا اُو منصوبہ کی سی؟ اُوس عبادت گاہ نوں آسمان چہ ہیکل دے نمونے دی پیروی وِچ تعمیر کیتا گیا سی۔ جی ہاں، بائبل سانوں دسدی اے کہ ایویں آسمان وِچ اِک ہیکل اے۔ ایہہ کہندی اے، ’’خدا دا مَقدِس جیہڑا آسمان وِچ اے کھول دِتا گیا تے اُوہدے اندر اُوہدے عہد دا صندوق نظر آن لگا‘‘ (مکاشفہ11:19)۔ اُوتھے آسمان وِچ اِک مَقدِس اے، اُوہدے وِچ عہد دے صندوق دے نال (اُوس لفظ ’’عہدنامہ Testament‘‘ دا مطلب ہوندا اے ’’عہد‘‘)۔ زمین تے عبادت گاہ اُوہدی نقل دے طور تے تعمیر کیتی گئی سی۔ بائبل کہندی اے، ’’خیمہ شہادت کا مَقدِس آسمان وِچ کھول دِتا گیا… تے سارا مَقدِس خدا دے جلال تے اُوہدی قدرت دے دھویں دے نال بھر گیا‘‘ (مکاشفہ15:5، 8)۔ خدا دی موجودگی آسمان وِچ مَقدِس وِچ بسدی اے، بالکل جیویں ایہہ زمین تے عبادت گاہ وِچ بسی سی۔
اُوتھے آسمان وِچ اِک مَقدِس اے۔ تے خدا نے موسیٰ نوں اُوس مَقدِس دے ’’نمونے‘‘ دے مطابق عبادت گاہ تعمیر کرن دے لئی کہیا سی۔ اُوہنے موسیٰ نوں کہیا، ’’ویکھیں… جہیڑا نمونہ تینوں پہاڑ تے وکھایا گیا سی اُوہدے مطابق ساریاں شیواں بنائیں‘‘ (عبرانیوں8:5)۔
کوئی کہہ سکدا اے، ’’تہانوں کیویں معلوم اُوتھے آسمان وِچ اِک مَقدِس اے؟ میں تے اُوہنوں کدی وی نئیں وکھیا۔‘‘ اَج راتی ایتھے کسی نے وی آسمان وِچ مَقدِس نوں نئیں وکھیا۔ سانوں ایہدے بارے وِچ کیویں معلوم ہوندا اے؟
ایہہ سانوں نظریہ علم یا علمیات epistemology موضوع تے لے جاندا اے۔ ’’علمیاتepistemology‘‘ فلسفے وِچ اِک لفظ اے۔ ایہہ سانوں شیواں دے بارے وِچ کیویں پتا چلدا اے دے بارے وِچ موضوع اے۔ اَسی کیویںhow جاننے آں جیہڑا اَسی جاننے آں؟ سانوں آسمان دے بارے وِچ کیویں پتا چلدا اے؟ اِک بندہ اِک گل کہندا اے، تے دوجا کوئی ہور گل کردا اے۔ تُسی ایہنوں ہر کدرے ویکھ سکدے اُو۔ لوکی ایویں گلاں کردے نے جیویں بوہتے وڈے ماہرین ہون، لیکن اُو کُج بوہتا نئیں جانندے۔ لیکن لوکی سارا ویلہ آسمان [جنت] دے بارے وِچ گلاں کردے نے۔
بالکل ایسے ویلے تھیٹراں وِچ ’’جنت چہ 90 منٹ 90 Minutes in Heaven‘‘ نامی فلم وکھائی جا رئی اے۔ ایہہ اِک بندے دے بارے وِچ اے جیہڑا کہندا اے کہ اُو اِک گڈی دے حادثے چہ مر گیا سی تے اُتے جنت وِچ گیا سی۔ اُوتھے اُوہنے اپنی مُردہ پردادی نال گل کیتی سی تے جنت دی کوائر وِچ گان دا موقع حاصل کیتا سی۔ اُوس تمام دے بعد اُو واپس زمین تے آ گیا سی۔ اُوس قسم دا احمقانہ کباڑ ویکھن دے لئی مت جاؤ! گذشتہ سال ’’جنت حقیقت وِچ اےHeaven is For Real‘‘ نامی اِک فلم سی۔ ایہہ اِک بچے دے بارے وِچ سی جِہنے کہیا کہ اُو اُتے جنت وِچ گیا سی جدوں اُوہدی سرجری ہو رئی سی۔ اُوتھے اُوہنے اپنے مُردہ پردادے نال، اپنی مُردہ بہن تے یسوع نال ملاقات کیتی سی۔ میں خوش آں کہ میں اُو نئیں ویکھی!
چند اِک وریاں پہلاں میں اِک خاتون نال ملاقات کیتی سی جِہنے مینوں دسیا کہ چالی راتاں تیکر یسوع نے اُوہنوں نیندر توں جگایا، اُوہنوں جہنم وِچ لے جایا گیا، تے فیر اُوہنوں اُوہدی خواب گاہ وِچ واپس لے آیا گیا۔ اُوہنے اپنی کہانی ’’جہنم دا الہٰی انکشافA Divine Revelation of Hell‘‘ نامی کتاب وِچ دسّی۔ بے شمار لوکاں نے اُو کتاب خریدی۔ لوکی بے شمار قسم دیاں کہانیاں دسدے نے۔ لوکی کہندے نے کہ اُوہناں نے اِک نور ویکھیا سی جدوں اُو مر رئے سن تے فیر واپس آ گئے۔ کوئی اِک گل کردا اے تے کوئی دوجی گل۔ لیکن سانوں آسمان [جنت] دے بارے چہ معلوم کیویںhow ہوندا اے؟
بوہتی سارے لوکی اپنے احساسات تے تجربات نال چلدے نے۔ دوجے آپئے اپنے ذہناں دی پیروی کردے نے۔ جے اُوہناں نوں کوئی گل سمجھ چہ نئیں آندی، تے ایہنوں ٹھکرا دیندے نے۔ اُو پرواہ نئیں کردے کہ خدا نے کہیا، ’’میرے خیالات تمہارے خیالات نئیں نے نا ای تہاڈی راہواں میریاں راہواں نے‘‘ (اشعیا8:55)۔ اُو پرواہ نئیں کردے کہ خدا نے کہیا، ’’جیویں آسمان زمین توں اُوچے نے، اُوویں میریاں راہواں تہاڈیاں راہواں توں تے میرے خیالات تہاڈے خیالات توں بُلند ترین نے‘‘ (اشعیا9:55)۔ اُو بُھل جاندے نے کہ خدا ساڈے وِچوں کسی دے وی مقابلے چہ بوہتا ہوشیار اے۔ ایس لئی جے اُوہناں نوں کسی گل دی سمجھ نئیں آندی، اُو اُوہنوں باہر کڈ سُٹدے نے! ایہو ای اے جیہڑا علم الہٰیات دے آزاد خیال لوکی کردے نے۔ جے اُو سمجھ نئیں پاندے کہ بائبل کی کہندی اے یا اُوہدے تے یقین کرنا نئیں چاہندے، اُو ایہنوں ٹھکرا دیندے نے! اُو اپنے ذہناں تے پروہوسا کردے نے خدا تے نئیں۔
ڈاکٹر جان میک آرتھرDr. John MacArthur اُوہناں وِچوں اِک نے۔ ساڈی تلاوت کہندی اے کہ خدا نے موسیٰ نوں ’’اُوہنوں پہاڑ تے وکھائے گئے نمونے دے مطابق‘‘ عبادت گاہ نوں تعمیر کرن دے لئی کہیا سی (عبرانیوں5:8)۔ ڈاکٹر میک آرتھر نوں ایہہ گل سمجھ وِچ نئیں آئی سی، ایس لئی اُو ایہنوں ٹھکراندے نے۔ جدوں اُوہناں نے اُو آیت پڑھی، اُوہناں نے کہیا،
ایس دا مطلب ایہہ ہوندا اے کہ اُوتھے آسمان وِچ اصل چہ عمارتاں نے جِنہاں دی نقل عبادت گاہ وِچ کیتی گئی، بلکہ ایہدے بجائے آسمانی حقیقتاں نوں پوری طرح نال علامتی طور تے پیش کیتا گیا سی تے زمینی عبادت گاہ دے نمونے وِچ ظاہر کیتا گیا اے (میک آرتھر دا مطالعۂ بائبل The MacArthur Study Bible؛ عبرانیوں8:5 تے غور طلب گل)۔
ڈاکٹر میک آرتھر کہندے نے ’’آسمان وِچ کوئی عمارتاں‘‘ نئیں نے، حالانکہ بائبل سانوں دسدی اے کہ اوتھے اِک مندر اے۔ اُو کیویں جانندے نے؟ اُو اوتھے کدی وی نئیں گئے۔ اُو خود اپنے دماغ تے پرہوسا کردے نے۔ جے اُوہناں نوں کُج سمجھ چہ نئیں آندا تے اُو اُوہنوں مسترد کر دیندے نے۔ ایہدے وچ تعجب دی کوئی گل نئیں کہ ڈاکٹر میک آرتھر یسوع دے لہو دے نال وی ایہی شے کردے نے۔ اُو کہندے نے کہ یسوع دا لہو گناہ توں نجات نئیں دلاندا، تے ایتھوں تیکر کہ اُو لفظ ’’لہو‘‘ صرف مسیح دی موت دی علامت اے۔ اُو کہندے نے کہ لہو ہُن وجود نئیں رکھدا، کہ اُو مٹی وچ تھلے وگ گیا سی تے ختم ہو گیا سی۔ اُو کہندے نے کہ آسمان وچ یسوع دا کوئی لہو گناہ نوں دھون لئی نئیں اے۔ اُو ایہہ نئیں سمجھ پاندے، تے ایس لئی اُو ایہنوں مسترد کردے نے۔ فیر اُو کی یقین کردے نے کہ آسمان وچ کی اے؟ خالی خلا؟ کم از کم ایہہ کُج تے اے جیہڑا اُو سمجھ سکدے نے۔ مگر خالی خلا تے گناہ نوں نئیں دھوندی۔ ایہہ صرف یسوع دا لہو اے جیہڑا ’’سانوں سارے گناہ توں پاک صاف کردا‘‘ اے (1یوحنا1:7)۔
کُج لوکی اپنے احساسات تے تجربات تے پرہوسا کردے نے۔ کُج لوکی اپنے ذہناں تے پرہوسا کردے نے۔ لیکن اسی آسمان دے بارے وچ کیویں جان سکنے آں؟ کی اسی آگاہی پا سکنے آں؟
ساڈے کول قابلِ پرہوسا شعور دا ذریعہ اے! خُدا نے ایہہ سانوں خود بائبل وچ پیش کیتا اے! پاک صحائف وچ ساڈے کول ’’پیشن گوئی دے زیادہ یقینی لفظ‘‘ نے (2۔ پطرس 19:1). بائبل کوئی شیواں دا مجموعہ نئیں اے جیہنوں لوکاں نے کافی عرصہ پہلاں بنایا۔ پطرس رسول نے لکھیا، ’’پہلاں ایہہ گل جان لوو کہ کوئی بندہ پاک کلام دی کسی نبوت دی تفسیر اپنے طور تے [اُو نئیں جیہڑا کوئی سوچدا اے] نئیں کر سکدا۔ کیوں جے نبوت دی کوئی گل انسان دی اپنی خواہش نال [اُو نئیں جیہڑا لوکی بنا لیندے نے] کدی نئیں ہوئی بلکہ لوکی پاک روح دے الہام توں خُدا وَلّوں [جیہنوں لکھن لئی خُدا نے اُوہناں نوں تحریک دِتی] کلام کردے سن‘‘ (2پطرس1:20۔21)۔
اسی آسمان دے بارے وچ جان سکنے آں – اسی جاننے آں خُدا نے بائبل وچ سانوں کسی گل دا انکشاف کیتا اے۔ لیکن خدا نے سانوں جیہڑا پاک صحائف وچ دسیا اے اُوہدے مقابلے وچ آسمان [جنت] دے بارے وچ مذید ہور زیادہ نئیں جان سکدے۔ جیہڑا کُج اسی آسمانی مُقدس دے بارے وچ جاننے آں اُو اے جیہڑا بائبل سانوں ایہدے بارے وچ دسدی اے۔ تے اُو واحد راہ جیہدے نال اسی زمین تے عبادت گاہ [مُقدس] دے سچے معنیاں نوں جاننے آں اوہی اے جیہڑا بائبل سانوں دسدی اے۔ بائبل نظریہ علم یا عملیات epistemology دے سوال دا جواب دیندی اے – اسی اُو کیویں جاننے آں جیہڑا اسی جاننے آں؟ اسی جاننے آں کیوں جے خُدا سانوں پاک صحائف وچ دسدا اے! مذہبی سُدھار وچ ایس عقیدے نوں sola scriptura کہندے نے – جیہدا مطلب ہوندا اے ’’کَلّے پاک صحائف۔‘‘ اسی روحانی گلاں دے بارے وچ بائبل توں آگاہی حاصل کرنے آں – تے صرف بائبل ای توں حاصل کردے نے!
بائبل کہندی اے کہ عبادت گاہ [مُقدس] کسی پرانے طریقے توں نئیں تعمیر کیتی گئی سی۔ ایہہ آسمان [جنت] وچ مُقدس دے نمونے دے مطابق تعمیر کیتی گئی سی۔ تے مُقدس وچ قربانیاں محض کسی پرانی طرز تے نئیں ادا کیتی جاندیاں سن۔ اُوہناں وچ کی معنی ہوندا سی؟
اُو عبادت گاہ [مقدِس] تے قربانیاں ’’آسمانی گلاں دی نقل تے عکس‘‘ سن (عبرانیوں 5:8). اُو اُوہناں آسمانی گلاں دی جنہاں دی اُو نمائندگی کردیاں سن شبیہہ سن۔ علم اِلہٰیات وچ، ’’تشبیہہ‘‘ پرانے عہد نامے وچ اِک بندے یا گل ہوندی اے جیہڑی اِک بوہتی وڈی پیشن گوئی دے نئے عہدنامے وچ پورا ہون دی عکاسی کردی اے یا نمائندگی کردی اے، تے شبیہہantitype کہلاندی اے۔ میں تہانوں اِک مثال پیش کرنا واں۔
بیابان وچ اسرائیل دے لوکاں نے خُدا دے خلاف گناہ کیتا سی۔ تے خُدا نے خوفناک سَپ بھیجے جنہاں نے اُوہناں نوں ڈس لہیا، تے اُوہناں وچوں بے شمار مارے گئے۔ لوکاں نے کہیا، ’’اسی گناہ کیتا‘‘ (گنتی21:7)۔
’’تے خداوند نے موسیٰ نوں کہیا، اِک سپ بنا لے تے اُوہنوں کھمبے تے ٹنگ تے سپ دا ڈسیا ہویا جیہڑا کوئی اُوہنوں ویکھ لوے گا اُو زندہ بچے گا۔ چنانچہ مُوسیٰ نے پیتل دا اِک سپ بنا کے اُوہنوں کھمبے تے ٹنگ دِتا۔ فیر جدوں کدی کسی نوں سپ ڈس لیندا تے اُو اُوس پیتل دے سپ ول ویکھدا تے زندہ بچ جاندا‘‘ (گنتی 21:8۔9).
موسٰی نے پیتل دا اِک سپ بنا کے اُوہنوں کھمبے تے ٹنگ دِتا۔ کوئی وی جیہڑا ڈسیا ہویا ہوندا سی – جے اُو پیتل دے سپ تے نظر پا لیندا – زندہ رہندا!
لیکن پیتل دے سپ دا اِک گہرا ترین معنی سی۔ اُو مسیح دی اِک تشبیہہ type سی، جیہڑا کہ اُوہدی تکمیل یا شبیہہ antitype سی۔ یسوع نے کہیا،
’’جیویں مُوسٰی نے بیابان وچ پیتل دے سپ نوں لکڑی تے ٹنگ کے اُوچّا کیتا اُوویں ای ضروری اے کہ ابنِ آدم وی اُوچّا کیتا جاوے۔ تاں جے جیہڑا کوئی اُوہدے تے ایمان لہیائے ہمیشہ دی حیاتی پائے‘‘ (یوحنا 3:14۔15).
جیویں کھمبے تے سپ نوں اُوچا کرنا اِک تشبیہہ سی، اِک تصویر سی، یسوع دی سُولی تے اُوچا کیتے جان دی۔ جے تُسی یسوع تے پرہوسے دے نال نظر پاندے اُو، تُسی اپنے گناہ توں معاف کیتے جاندے اُو۔ تُسی دائمی حیاتی دے تحفے نوں پا لوو گے۔ تُسی زندہ رہوو گے! تہانوں سزا یا جہنم نوں برداشت نئیں کرنا پئے گا۔ تُسی زندہ رہوو گے! ایہی سب کُج اے جیہڑا تہانوں کرنا ہوندا اے۔ یسوع تے نظر پان آلے زندہ رہن!
بائبل کہندی اے کہ عبادت گاہ [مُقدس] وچ قربانیاں ’’آسمانی گلاں دی نقل تے عکس‘‘ سن (عبرانیوں8:5)۔ ورے وچ اِک وری، کفارے دے روز، سردار کاہن ورے وچ صرف اِک وری جاندا سی تے اُو وی لہو لے کے تاں جے اُوہنوں اپنی تے اپنی اُمت دی خطاواں لئی گزرانے‘‘ (عبرانیوں9:7)۔ یہودی سردار کاہن ورے وچ اِک وری پاک ترین مکان [مِقدِس] وچ جانوراں دا لہو لے کے جاندے سن تے خُدا دے حضور وچ کفارہ گاہ تے ایہنوں اُنڈیلدے سن۔
لیکن اُو مسیح دی سچی خونی قربانی ول اِک تشبیہہ سی۔ اسی کیویں جاننے آں؟ کیوں جے بائبل سانوں ایہہ دسدی اے! ایہہ کہندی اے کہ عبادت گاہ [مَقدِس] وچ قربانی ’’موجودہ زمین لئی [اُوس زمانے وچ] اِک شکلfigure [اِک تشبیہہ، اِک تصویر]‘‘ سی (عبرانیوں9:9)۔ ایہہ اِک تشبیہہ سی، اِک تصویر سی، جیہڑا کُج مسیح نے تہاڈے لئی کیتا اُوہدی۔ عبادت گاہ [مَقدِس] وچ جیہڑا کُج اِک جانور دے لہو دے نال کاہن نے کیتا، یسوع نے خود اپنے لہو دے نال اُو آسمانی مَقدِس وچ کیتا! بائبل کہندی اے،
’’لیکن مسیح بہتر برکتاں دا سردار کاہن بن کے آ چُکیا اے جیہڑیاں ہُن موجود نے تے اُو جیس خیمہ توں خدمت انجام دیندا اے اُو زیادہ وڈا تے کامل اے تے اِنسانی ہتھاں دا بنایا ہویا یعنی ایس دُنیا دا نئیں۔ اُو بکریاں تے بچھڑاں دا نئیں بلکہ اپنا لہو لے کے اِک ای وری پاک ترین مکان وچ داخل ہویا تے سانوں اینج دی نجات دلائی جیہڑی ابدی اے‘‘ (عبرانیوں 9:11۔12).
اُو کیتھے گیا سی؟ آسمانی مَقدس وچ پاک ترین مکان وچ! مسیح انسانی ہتھاں دے بنائے ہوئے مکان وچ جیہڑا حقیقی پاک مکان دی نقل اے داخل نئیں ہویا بلکہ آسمان ای وچ داخل ہویا‘‘ (عبرانیوں9:24)۔ اُو اوتھے کی لے کے گیا سی؟ خود اپنا لہو! ’’دوجیاں دے لہو دے نال نئیں … لیکن ہُن اِک ای وری… مسیح ظاہر ہویا تاں جے اپنے آپ نوں قربان کرن توں گناہ نوں نیست کر دیوے‘‘ (عبرانیوں9:25، 26)۔ مُقدس وچ جانوراں دی قربانیاں محض اِک تشبیہہ سن – اِک تصویر۔ یسوع نے مکمل طور تے تے ہمیشہ لئی گناہ دی ذمہ داری اپنے لہو دی خود اپنی قربانی دے نال چُک لئی!
مسیح سُولی تے تہاڈے گناہ دی ادائیگی لئی قربان ہویا۔ اُوہنے تہاڈے گناہ نوں دھو ڈالن لئی سُولی تے اپنے لہو نوں وگایا۔ اُو تہانوں حیاتی بخشن لئی مُردیاں وچوں جی اُٹھیا۔ تے اُو اپنا لہو آسمان وچ مَقدِس وچ لے کے گیا تے خُدا باپ دے حضور وچ اِک دائمی گواہی دے طور تے اوتھے کفارا گاہ تے رکھیا کہ تہاڈے گناہ ڈھانپے جان۔ جے تُسی یسوع تے پرہوسا کردے اُو، تے تہاڈے گناہ معاف کیتے جاندے نے! میں دعا منگنا واں کہ تُسی چھیتی ای اُوہدے تے پرہوسا کرو گے۔ آمین۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔