مقامی گرجا گھر دی اہمیت | The Importance of the Local Church

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کُج لوکی شاید کہندے ہون کہ میں مقامی گرجا گھر دے بارے چہ بوہتی زیادہ گل کرنا آں۔ لیکن میرا خیال اینج نہئیں اے۔ میرے خیال چہ پرانے خیالات دے بپتسمہ دین آلیاں دا مقامی گرجا گھر تے زور ڈالنا ای بالکل اُو گل اے جیس دی ایس نسل نوں لوڑ اے۔ اَسی گرجا گھر وِچ لوکاں دے اضافے تے بے شمار خیالات سُن چکے آں جِنہاں نے ساڈی مدد نہئیں کیتی۔ سانوں مقامی گرجا گھر تے پرانے زمانے دی بپتسمہ دین آلیاں دی تعلیم وَل واپس راغب ہو جانا چائیدا اے۔ کوئی وی گل سانوں پریشانی تے اِرتداد دے ایہناں دِناں وِچ استقامت نہئیں بخش سکدی۔

’’تے خداوند کلیسیا وِچ نجات پان آلیاں دی تعداد چہ روز بروز اضافہ کردا رہندا سی‘‘ (اعمال 2: 47).

ایہہ آیت کیس بارے چہ گل کر رئی اے؟ پہلاں میں تہانون دساں گا کہ ایہہ آیت کیس بارے چہ نہئیں کر رئی اے۔ ایہہ فرقہ تے گل نہئیں کر رئی اے۔ ایہہ جیس کلیسیا تے گل کر رئی اے اُو میتھوڈسٹ فرقہ نہئیں سی، یا پریسبائی ٹیرئین فرقہ نہئیں سی یا کاتھولک فرقہ نہئیں سی۔ جدوں ایہہ آیت پیش کیتی گئی سی تےکوئی فرقے نہئیں ہویا کردے سن! دوجی گل، ایہہ کسی گرجا گھر دی عمارت دے بارے چہ گل نہئیں کر رئی اے۔ پہلی صدی وِچ گرجا گھراں دی کوئی عمارتاں نہئیں ہویا کردیاں سن۔ نئے عہدنامے نوں پڑھو تے تُسی ایہہ گل بوہتی چھیتی ای ویکھ پاؤ گے۔ اَج، جدوں لوکی گرجا گھراں دے بارے چہ گل کردے نے، اُو اکثر عمارت دے بارے چہ گل کر رئے ہوندے نے۔ اُو کہندے نے، ’’کی اُو اِک خوبصورت گرجا گھر نہئیں اے؟‘‘ اُو اِک عمارت دے بارے وِچ گل کر رئے ہوندے نے۔ لیکن اُوتھے کوئی وی گرجا گھر دی عمارتاں نہئیں سن جدوں ایہہ آیت لکھی گئی سی۔ ایہہ اِک عمارت دے بارے وِچ گل نہئیں کر سکدی۔ پہلی صدی وِچ مسیحی عبادت گزارن دے لئی لوکی گھراں وِچ اِکٹھے ہویا کردے سن! ایس لئی ساڈی تلاوت اِک گرجا گھر دی عمارت وَل نشاندہی نہئیں کر رئی اے! تیجی گل، ایہہ ’’عالمگیری کلیسیا‘‘ دے بارے وِچ گل نہئیں کر رئی اے۔ ایس آیت وِچ اُوس بارے چہ کوئی خیال نہئیں اے۔ ایہہ سادگی نال حقیقی لوکاں دے بارے وِچ گل کر رئی اے، جیہڑے واقعی چہ اِکٹھے ہویا کردے سن، اِک حقیقی تھاں تے، اِک مقامی گرجا گھر وِچ! ایہہ جانی جاندی سی بطور ’’اُو کلیسیا جیہڑی یروشلیم وِچ سی‘‘ (اعمال8: 1)۔

’’تے خداوند کلیسیا وِچ نجات پان آلیاں دی تعداد چہ روز بروز اضافہ کردا رہندا سی‘‘ (اعمال 2: 47).

ایس دا مطلب ایہہ نہئیں ہوندا اے کہ لوکاں دا اِک فرقے وِچ اِضافہ ہویا سی، یا اِک ’’گرجا گھر‘‘ دی عمارت وِچ، یا کہ اِک ’’عالمگیری کلیسیا‘‘ وِچ اِکٹھے ہوئے سن۔ جی نہئیں! ایس دا مطلب اُوہی مطلب ہوندا اے جیہڑا ایہہ کہندی اے۔ خداوند نے یروشلیم وِچ کلیسیا وِچ اِضافہ کیتا سی ’’جیویں کہ نجات پان آلیاں نوں ہونا چائیدا اے‘‘! ایس دا مطلب جو ایہہ کہندی اے اُو ایہو ای اے! جو ایہہ کہندی اے اُو ای ایس دا مطلب ہوندا اے!

لفظ ’’کلیسیا‘‘ یونانی لفظ ’’ایکلیسیا ekklesia‘‘ دا انگریزی وِچ ترجمہ اے۔ ایہہ اِک مُرّکب لفظ اے، جیہرا حرف ربط ’’ek‘‘ (باہر out) تے فعل ’’کیلیو kaleo‘‘ (بُلانا) نوں جوڑ رہیا اے، جیس دا لفظی طور تے مطلب ’’بُلائے جان آلے لوکی‘‘ اے‘‘ (حوالہ ویکھو کرسویل دا مطالعۂ بائبل The Criswell Study Bible، افسیوں5: 23 تے غور طلب گل)۔

ڈاکٹر ڈبلیو۔ اے۔ کرسویل Dr. W. A. Criswell نے نشاندہی کیتی کہ ’’’کلیسیا‘ اُوہناں لوکاں دا گروہ ہوندی اے، جِنہاں نوں گناہ توں باہر تے مسیح وِچ ایمان دے لئی بے اعتقادی نلا باہر بُلا لیہیا گیا ہوندا اے، جِنہاں نے ایماندارں دے بپتسمہ دے ذریعے توں اُوس ایمان دی گواہی دی ہوندی اے تے خود نوں اپنی مرضی نال رفاقت وِچ اِکٹھا کیتا ہوندا اے‘‘ (ibid.)۔ ایہہ اِک چنگی تعریف اے۔ کلیسیا لوکاں دا اِک گروہ ہوندی اے جِنہاں نے نجات پائی ہوندی اے تے اِک رفاقتی گروہ دی تشکیل دے لئی اِکٹھے ہوئے ہوندے نے۔ ایہہ اے جیس دے بارے وِچ اعمال2: 47 آیت گل کر رئی اے!

’’تے خداوند [یروشلیم دی] کلیسیا وِچ نجات پان آلیاں دی تعداد چہ روز بروز اضافہ کردا رہندا سی‘‘ (اعمال 2: 47).

ایہہ ای وجہ اے کہ میں اکثر کہنا آں، ’’تنہا کیوں رہیا جائے؟ گرجا گھر دے لئی – گھر چلے آؤ! گمشدہ کیوں رہیا جائے؟ یسوع دے کول گھر چلے آؤ تے نجات پا جاؤ۔‘‘ کی میں گرجا گھر آن نوں مسیح دے کول آن دے نال پیچیدہ کر رہیا آں؟ بالکل وی نہئیں! میں بارہا کہنا آں کہ مسیح دے کول آنا تے گرجا گھر آنا دو مختلف گلاں نے۔ اگر تُسی گرجا گھر مسیح دے کول آئے بغیر آندے اُو تے تُسی جہنم وِچ جاؤ گے! صرف مسیح ای تہانوں بچا سکدا اے! میں اکثر اعمال 16: 31 آیت دا حوالہ دینا آں، ’’خداوند یسوع مسیح تے ایمان لیہیا تے توں بچا لیہیا جائے گا۔‘‘ اَسی ایس گل نوں انتہائی واضح کر دینے آں۔ نجات تے گرجا گھر دی رُکنیت دو مختلف گلاں نے۔ تنہا کیوں رہیا جائے؟ گرجا گھر دے لئی – گھر چلے آؤ! گمشدہ کیوں رہیا جائے؟ مسیح دے لئی – گھر چلے آؤ! اُو نعرہ جیہڑا اَسی استعمال کرنے آں ایس گل نوں نہایت واضح کر دیندا اے کہ نجات تے گرجا گھر دی رُکنیت دو مختلف گلاں نے۔

’’تے خداوند کلیسیا وِچ نجات پان آلیاں دی تعداد چہ روز بروز اضافہ کردا رہندا سی‘‘ (اعمال 2: 47).

ایتھے تین سادہ جیہئے نکات نے جیہڑے میں اَج دی سویرے سامنے لیہیاواں گا:

I۔ پہلی گل، گرجا گھر آن تہاڈی تنہائی نوں شفا بخشے گا۔

تہانوں ایہہ گل سمجھ لیہنی چائیدی اے میں کیس نال مخاطب آں۔ میں تہاڈے نال مخاطب آں! ایہہ لفظ بہ لفظ ساڈی ویب سائٹ تے چھپدا اے – ساری دُنیا وِچ – 32 زباناں وِچ۔ شاید کُج لوکی اینج ہون جیہڑے ایہہ پڑھ رئے نے تے جیہڑے تنہائی محسوس نہئیں کردے۔ میں نہئیں جانندا۔ میں تے ایہہ گل جاننا آں کہ زیادہ تر نوجوان لوکی اَج تنہائی محسوس کردے نے۔

ساڈا گرجا گھر لاس اینجلز دے علاقے وِچ، انتہائی زیادہ انجیلی بشارت دا پرچار کردا اے – خصوصی طور تے بے شمار دُنیاوی کالجاں دے کیمپساں وِچ تے دوجی تھاواں تے جیتھے نوجوان لوکی اِکٹھے ہوندے نے۔ ایس ای گل دے نتیجے وِچ ایہہ گرجا گھر اَج کالج تے ہائی سکول دے بچیاں نال بھریا ہویا اے – تے میں تہاڈے نال گل کر رہیا آں! میں جاننا آں کہ تُسی تنہا اپو جیویں میں سی گرجا گھر وِچ شمولیت اِختیار کرن توں پہلاں۔ سارے نوجوان لوکی تنہا نے – تے تُسی وی اُو – کم از کم کُج نہ کُج مدت دے لئی۔ تے میں کہہ رہیا آں کہ خدا نہئیں چاہندا کہ تُسی تنہا رہوو۔ باغ عدن وِچ خداوند نے کہیا، ’’اِنسان دا تنہا رہنا ٹھیک نہئیں اے‘‘ (پیدائش2: 18)۔ خداوند نے آدم دی پسلی وِچوں حوّا نوں تخلیق کیتا تاکہ اُو تنہا نہ رہووے (حوالہ ویکھو2: 18، 21۔22)۔ خدا نہئیں چاہندا سی کہ انسان تنہا رہے۔ تے خدا نہئیں چاہندا کہ تُسی وی تنہا رہوو۔ ایہہ گل اُوہناں وجوہات وِچوں اِک اے کہ خدا نے ایہہ مقامی نئے عہدنامے دا بپتسمہ دین آلا گرجا گھر تخلیق کیتا – تاکہ تُسی تنہا نہ رہوو۔

’’تے خداوند کلیسیا وِچ نجات پان آلیاں دی تعداد چہ روز بروز اضافہ کردا رہندا سی‘‘ (اعمال 2: 47).

اِک چینی لڑکی نے جیہڑی ساڈے نال صرف چند اِک ہفتے رہی میہنوں ایہہ ای۔ میل لکھی۔ اُوہدی انگریزی ہُنے بالکل دُرست نہئیں ہوئی اے، لیکن اُوہنے اپنے دِل نال گل کیتی سی۔

ڈاکٹر ہائیمرز، تہاڈی منادی شاندار اے! تُسی میہنوں مسیح تے بھروسہ کرن تے نجات پا لین دے بارے وِچ تعلیم دیندے اُو! تُسی میہنوں سچائی نوں جاننا سیکھاندے اُو! میں تہاڈی تبلیغ ہُور زیادہ سُننا چاہنی آں! میں ایس گرجا گھر وِچ ہمیشہ دے لئی آں چاہنی آں! میں اپنے گرجا گھر دے لئی رو رو کے دعا منگ رئی آں، میں دعا منگنی آں کہ پاک روح ساڈے گرجا گھر تے نازل ہووے! میں تہاڈے لئی وی دعاواں منگنی آں کہ تُسی اپنی تبلیغ وِچ بہتر توں بہترین ہوندے چلے جاؤ!!! ایہہ گرجا گھر واقعی چہ میرا دوجا گھر اے! دراصل ایہہ میرا مرکزی گھر ہووے گا! اُو گھر جیس نوں میں اِک طویل مدت توں تلاش کردی رئی آں!

شکریہ!!!! شکریہ!!!! شکریہ!!!!

ایس لئی اِسی کہنے آں، ’’تنہا کیوں رہیا جائے؟ گرجا گھر دے لئی – گھر چلے آؤ!‘‘ اُوس لڑکی نے میری گل سُن لئی سی تے اُو ہر اُوس وری گرجا گھر وِچ آندی اے جدوں دروازہ کُھلا ہوندا اے!

کی اَسی اُو گل کہن نال غلطی تے آں؟ کوئی شاید کہووے، ’’ایہناں بچیاں نوں ایہہ گلاں نہ دَسوں۔ اُو شاید غلط وجہ توں گرجا گھر چلے آئے۔ ’’ٹھیک اے، بالکل وی نہ آن دے مقابلے وِچ میں چاہواں گا کہ تُسی غلط وجہ توں ای چلے آؤ! جے شاید بہت بہتر طریقے توں بچا لئے جاؤ جے تُسی آندے رہنا جاری رکھو! اُودھوں تُسی درست وجہ دے لئی آؤ گے!

جے تہاڈا آن کیوں جے تُسی تنہا اُو’’غلط وجہ‘‘ اے، تے فیر میں خود غلط وجہ توں آیا سی۔ جدوں میں تیرہ وریاں دی عمر دا سی تے پڑوسی لوکاں نے میہنوں گرجا گھر آن دے لئی مدعو کیتا سی۔ میں آیا سی کیوں جے میں تنہا سی۔ میں آندا رہیا سی کیوں جے میں تنہا سی۔ بعد وِچ میں مسیح چہ ایمان لیہیا کے تبدیل ہو گیا سی۔ ایس وِچ غلط گل کی اے؟ ایس چہ کوئی وی گل غلط نہئیں اے!

آؤ ایس گرجا گھر نوں اِک خوشگوار تھاں بنائیے! آؤ ایس نوں زمین تے سب توں زیادہ خوشگوار تھاں بنائیے! آؤ خوشخبری دے عظیم گانے تے حمدوثنا دے گیت گائیے! آؤ پرانے ویلیاں دی خوشخبری دے واعظاں دی تبلیغ کریے – تے پکاریے ’’آمین!‘‘ آؤ اِکٹھے بیہیے تے شام دا کھانا کھائیے (دوپہر دا کھانا نہئیں! دوپہر دا کھانا کُج اینج ہوندا اے جیہڑا تُسی اِک تھیلی وِچ چُکدے اُو!)۔ آؤ، ’’گرجا گھر دی حدود وِچ شام دا کھاناکھائیے، جیویں پرانے ویلیاں چہ ہویا کردا سی! آؤ، پرانے ویلیاں دی رفاقت بنائیے۔ آؤ، اُو گیت گائیے، ’’شام دا کھانا‘‘ شام دا کھانا کھان دے لئی گھر چلے آؤCome Home to Dinner۔‘‘ ایہہ تہاڈے گیتاں دے ورق تے آخری گیت دا تیجا بند اے! ایہنوں گاؤ!

وڈا شہر جیس دی دیکھ بھال کردے لوکی نظر نہئیں آندے نے؛
اُوہناں دے کول دَین دے لئی گھٹ تے پیار دی کوئی تھاں نہئیں اے۔
لیکن یسوع دے لئی گھر آؤ تے تُسی جان جاؤ گے،
اُوتھے میز تے کھانا اے تے رفاقت وِچ شرکت اے!
گرجا گھر وِچ گھر دے لئی آؤ تے کھانا کھاؤ، پیاری رفاقت دے لئی اِکٹھے ہوو؛
ایہہ اِک چنگی دعوت ہووے گی، جدوں اَسی کھانے دے لئی بیٹھاں گے!
(’’کھان دے لئی گھر آؤ Come Home to Dinner‘‘ شاعر ڈاکٹر آر۔ ایل ہائیمرز، جونئیر،
بطرزِ ’’اِک فاختہ دے پراں تے On the Wings of a Dove‘‘)۔

بے شمار لوکی اٹھارویں تے اُنیسویں صدیاں دی پرانے زمانے دے انجیلی بشارت دے پرچار دے اِجلاساں وِچ ’’عبادت گاہ دی حدود وِچ بیٹھ کے شام دا کھانا کھان‘‘ دے لئی آندے سن – جدوں خدا اپنی قوت نازل کردا تے اُو بچے جیہڑے شام دا کھانا کھان دے لئی آندے سن رُکتے تے اِک مبلغ نوں منبر تے ہتھ ماردے تے بائبل نوں ہوا وِچ لہراندے ہوئے ویکھدے – تے مسیح دی خوشخبری نوں پکاردے ہوئے سُنندے۔ سانوں اَج اُوس دی لوڑ اے!

’’راستیاں تے کھیتاں دی باڑھاں وَل نکل جا تے لوکاں نوں مجبور کر کہ اُو آن‘‘ (لوقا 14: 23).

جی ہاں، گرجا گھر آن توں تہاڈی تنہائی شفا پائے گی۔ تنہا کیوں رہا جائے؟ گرجا گھر دے لئی – گھر چلے آؤ! کورس نوں فیر توں سُنو!

گرجا گھر وِچ گھر دے لئی آؤ تے کھانا کھاؤ، پیاری رفاقت دے لئی اِکٹھے ہوو؛
ایہہ اِک چنگی دعوت ہووے گی، جدوں اَسی کھانے دے لئی بیٹھاں گے!

II۔ لیکن، دوجی گل، گرجا گھر آن نال تُسی نجات نہئیں پاؤ گے۔

اِک وڈیرے مبشر انجیل کہیا کردے سن، ’’گرجا گھر جان نال تُسی کوئی مسیحی نہئیں بن جاندے جیویں کہ اِک گیراج وِچ ٹر جان نال تُسی اِک گڈی نہئیں بن پاؤ گے۔‘‘ اُو ایس نکتے تے سچے سن۔ اُو اُوہناں لوکاں نال ہمکلا سن جیہڑے سوچدے سن کہ اُو نجات پا چکے سن کیوں جے اُو ہر اِتوار نوں گرجا گھر گئے سن۔ لیکن اَج ایتھے لاس اینجلز وِچ ایس قسم دے بوہتی لوکی نہئیں نے۔ ساڈے شہر وِچ ’’دور حاضرہ‘‘ دے انتہائی کم لوکی نے جیہڑے ایس طرح نال ہُن سوچدے ہون۔ اُوہناں دے کول نجات پان دی اَج دوسری جھوٹی اُمیداں نے۔

لیکن شاید ایتھے ایس سویرے کوئی اینج دا بندہ ہووے جیہڑا اُوس طرح نال سوچدا ہووے، جیویں کہ گرجا گھر وِچ پروان چڑھیا اِک گمشدہ بچہ سوچدا اے۔ آپ اپنے دِل وِچ کہہ سکدے نے، ’’میں ہُن گرجا گھر آ رہیا آں۔ میں ٹھیک آں۔‘‘ اوہ، جی نہئیں! تہانوں اینج نہئیں سوچنا چائیدا اے! گرجا گھر جان نال تُسی کوئی مسیحی نہئیں بن جاندے جیویں کہ اِک گیراج وِچ ٹر جان دے نال تُسی اِک گڈی نہئیں بن پاؤ گے! کسی نے میہنوں اُو کہندے ہوئے سُںیا تے کہیا، ’’فیر میں گرجا گھر نہئیں آواں گا۔‘‘ ایہہ اِک خیال اے جیہڑا شیطان وَلوں آندا اے! گرجا گھر وِچ ہونا تہانوں نجات نہئیں دِلا سکدا – مگر گرجا گھر وِچ ہونا تہانوں انجیل دی منادی دے تحت لے آئے گا، تے ایویں زیادہ اُمید ہو جائے گی کہ تُسی نجات پا لوؤ گے! تہانوں انجیل دی منادی سُنن دے لئی گرجا گھر آنا چائیدا اے!

مسیح نے کہیا، ’’تہانوں ئے سرے توں جنم لیہنا چائیدا اے‘‘ (یوحنا3: 7)۔ تہانوں نجات پا لین دے لئی اُوس نئے جنم دا تجربہ کرنا چائیدا اے۔

نجات تنہا فضل دے وسیلے توں ای ہوندی اے۔ کوئی وی انسانی عمل تہانوں نجات نہئیں دِلا سکدا – ایتھوں تیکر کہ گرجا گھر آنا وی۔ مسیح وِچ ایمان لیہیا کے تبدیل ہون دی واحد راہ یسوع مسیح، خدا دے پُتر دے وسیلے توں براہ راست آنا اے۔ یسوع نے کہیا،

’’اے محنت کشو تے بوجھ نال دبے ہوئے لوکو! میرے کول آؤ۔ میں تہانوں آرام بخشاں گا‘‘ (متی 11: 28).

نجات تنہا فضل ای دے وسیلے توں واحد مسیح وِچ ایمان دے ذریعے توں ملدی اے۔ تہانوں مسیح دے کول آنا چائیدا اے تے اُوہدے چہ اپنے تمام دِل دے نال ایمان لیہیانا چائیدا اے، ’’کیوں جے اِنسان دِل نال ایمان لیہیا کے راستباز ٹھہرایا جاندا اے‘‘ (رومیوں10: 10)۔ تُسی یسوع دے کول آن دے وسیلے توں ایمان لیہیا کے تبدیل ہوندے اُو۔ صرف گرجا گھر وِچ حاضری تہانوں نجات نہئیں دِلا سکدی۔

’’تے خداوند کلیسیا وِچ نجات پان آلیاں دی تعداد وِچ روز بروز اِضافہ کردا رہندا سی‘‘ (اعمال 2: 47).

تُسی واقعی چہ نجات پا چکن دے وسیلے توں ای صرف ’’کلیسیا وِچ شمار‘‘ کیتے جاندے اُو۔ تے تُسی نجات صرف یسوع تے پروہسا کرن دے وسیلے توں پاندے اُو۔

’’خداوند یسوع تے ایمان لیہیا تے توں نجات پائیں گے‘‘ (اعمال 16: 31).

’’شام دا کھانا کھان دے لئی گھر چلے آؤ Come Home to Dinner‘‘ دا تیجا بند تے کورس گاؤ۔

III۔ تیجی گل، گرجا گھر آنا تہانوں انجیل دی تبلیغ دے تحت کر دیوے گا۔

’’جیس دے بارے چہ اُوہناں نے نہئیں سُنیا تے اُو اُوہدے تے ایمان کینج لیہیان گے؟ تے اِک مبلغ دے بغیر اُو کینج سُن پان گے؟‘‘ (رومیوں 10: 14).

ایہہ پطرس دی تبلیغ سی جِنہوں خدا نے پینتیکوست دے روز لوکاں نوں نجات دین دے لئی اِستعمال کیتا سی (اعمال2: 37۔41)۔ اُودھوں اُوہناں دا شمار کلیسیا وِچ کیتا گیا سی (اعمال2: 41، 47)۔

’’اُوس دِن تقریباً تین ہزار بندیاں دے قریب اُوہناں وِچ شامل ہو گئے‘‘ (اعمال 2: 41).

پطرس دی منادی دے تحت اُو نجات پا لین دے وسیلے توں کلیسیا وِچ شمار کیتے گئے سن۔

میں انجیل دی تبلیغ کرن تے یقین رکھنا آں! میں ایس گرجا گھر وِچ ہر اِتوار نوں دو وری انجیل دی منادی کرنا آں۔ میں جاننا آں کہ اَج زیادہ تر گرجا گھراں وِچ انجیل دی منادی کرنا فیشن وِچ نہئیں اے [بُھلایا جا چکا اے]۔ مگر میں ’’فیشن وِچ‘‘ ہون دے بارے چہ لاپرواہی ورت سکنا آں! میہنوں تُسی نوجوان لوکاں نوں نجات دلان دے لئی منادی کرنی ای ہوندی اے! میرا نہئیں خیال اَسی کدی وی حیاتِ نو نوں ویکھ پان گے جے اَسی ہر اِتوار نوں اپنی عبادتاں وِچ پرانے ویلیاں دی انجیل دی تبلیغ تے واپس نہئیں آن گے!

’’اَسی اُوس مسیح مصلوب دی منادی کرنے آں‘‘ (1۔ کرنتھیوں1: 23).

دوجے کئی بندے لوکاں نوں محظوظ کرن دے لئی اِک کہانی پیش کر سکدے نے۔ کوئی ہُور کلام پاک دے طویل تفسیر و تشریح پیش کر سکدا اے۔ کوئی شاید 15 منٹ دا ’’الہٰامی پیغام‘‘ پیش کرے۔ ’’لیکن اَسی مسیح مصلوب دی منادی کرنے آں‘‘ (1کرنتھیوں1: 23)۔ ایتھے بپتسمہ دین آلی عبادت گاہ وِچ اَسی ہُنے وی ’’مسیح مصلوب دی منادی کرنے آں‘‘ (1کرنتھیوں1: 23)۔ ’’لیکن اَسی مسیح مصلوب دی منادی کرنے آں۔‘‘ ایس نال کوئی فرق نہئیں پیہندا دوجے کی کردے نے، اَسی ہر اِتوار نوں انجیل دی منادی کرنا اینج ای جاری رکھاں گے!

کی ایہہ گل لوکاں نوں کم شعور [عقل یا علم دی گہرائی نوں گھٹ] بنا دیہندی اے؟ ایہنے یقینی طور تے ساڈے لوکاں نوں تے گھٹ شعور آلے نہئیں بنایا! ساڈے کول ایتھے ایس گرجا گھر وِچ بہترین مسیحیاں وِچ کُج ایہو جئے لوکی نے کہ اُوہناں وگرے لوکی میں اپنی حیاتی وِچ کدی وی نہئیں ویکھے۔ اُوہناں وِچوں زیادہ تر ہر اِتوار دی سویرے تے اِتوار دی رات نوں میری انجیل دی تبلیغ دے تحت مسیح وِچ ایمان لیہیا کے تبدیل نہئیں ہوئے سن۔ اُوہناں نے ہر اِتوار دی سویرے تے اِتوار دی رات نوں میری انجیل دی تبلیغ دی خوراک کھائی سی۔ اُو اِتوار دی سویرے تے اِتوار دی رات، میری انجیلی تبلیغ دی ذریعے توں شاندار مسیحی بنندے چلے گئے۔

ڈاکٹر کیگن Dr. Cagan تے مسٹر پردھومMr. Prudhomme دے عِلاوہ، ساڈے گرجا گھر وِچ ہر اِک رہنما میری خوشخبری دی تبلیغ دے تحت بچایا گیا سی۔ اُوہناں نے پوری مسیحی حیاتی دے لئی، اِتوار دی سویرے تے اِتوار دی رات، انجیل دے واعظاں دے علاوہ کُج نہئیں سُنا۔ اُو لاجواب مسیحی نے۔ اُو پرانے ویلیاں دی خوشخبری دی تبلیغ دے تحت مضبوط مسیحی بن گئے!

جی نہئیں، انجیلی تبلیغ تہانوں کم شعور نہئیں بنائے گی – جدوں تیکر کہ ایہہ منادی سرسری جیہئی انجیل تے نہ ہووے! ڈاکٹر مارٹن لائیڈ جونز نے لندن وِچ اپنے بہوتے وڈے گرجا گھر وِچ ہر اِتوار دی رات نوں انجیل دی منادی کیتی – تے اکثر اِتوار دی سویرے وی۔ اُوہناں نوں بیسویں صدی دے عظیم ترین مبلغاں وِچوں اِک منیا جاندا اے۔ زیادہ عرصہ نہئیں لنگہیا کہ میں اُوہناں دے انجیلی واعظاں وِچوں اِک دی ٹیپ ریکارڈنگ سُنی۔ اُو کُلی طور تے نہایت اعلیٰ سی! جھنجھوڑ ڈالن آلی سی! اُوس قسم دی انجیلی تبلیغ نا صرف تہانوں تبدیل کرن دے لئی خدا دے وسیلے توں استعمال کیتی جائے گی – بلکہ اُو تہانوں اِک مضبوط مسیحی وی بنائے گی۔

انجیلی تبلیغ تہانوں نجات دلائے گی تے تہانوں اِک مسیحی دی حیثیت توں تعمیر کرے گی، بالکل جیویں ایہنے بائبل دے زمانے وِچ کیتا سی۔ اعمال دی کتاب وِچ ہر واعظ، ماسوائے اِک دے، انجیلی واعظ سی۔ پولوس رسول نے کہیا،

’’جدوں تیکر تہاڈے وِچکار رہواں گا مسیح یعنی مسیح مصلوب دی منادی دے سِوا کسی ہُور گل تے زور نہئیں دیاں گا‘‘ (1۔ کرنتھیوں 2: 2).

جی ہاں، گرجا گھر دے لئی گھر چلے آؤ۔ لیکن منادی نوں وی سُنو تے یسوع دے کول چلے آؤ۔ توبہ کرو تے یسوع مسیح تے پروہسا کرو۔ اُوہدا لہو تہانوں سارے گناہواں توں پاک صاف کر دیوے گا! اُو تہاڈے گناہ دی ادائیگی دے لئی سولی تے قربان ہو گیا سی۔ اُو تہانوں دائمی حیاتی بخشن دے لئی مُردیاں وِچوں جی اُٹھیا سی! اُوہدے کول آؤ تے اُوہدے تے پروہسا کرو – تے نجات پاؤً میہنوں منادی کردے ہوئے سُنو، جیویں کہ اُوہناں دے لوکاں نے پینتیکوست تے کیتا سی تے یسوع مسیح تہانوں وی بچا لئے گا! شام دا کھانا کھان دے لئی گھر چلے آؤ Come Home to Dinner‘‘ تہاڈے گیتاں دے ورقے تے آخری گیت اے ایہنوں گاؤ۔

یسوع دے کول گھر آؤ، دسترخوان بچھ چکیا اے؛
کھان دے لئی گھر آؤ تے آؤ روٹی توڑیے۔
یسوع ساڈے نال اے ایس لئی ایہہ کہہ لین دیو،
کھان دے لئی گھر آؤ تے آؤ روٹی توڑیے!
گرجا گھر وِچ گھر دے لئی آؤ تے کھانا کھاؤ، پیاری رفاقت دے لئی اِکٹھے ہوو؛
ایہہ اِک چنگی دعوت ہووے گی، جدوں اَسی کھانے دے لئی بیٹھاں گے!

رفاقت بہوتی پیاری اے تے تہاڈے بیلی وی ایتھے ای ہوون گے؛
اَسی دسترخوان تے بیٹھاں گے تے ساڈے دِل خوشی نال لبریز ہون گے۔
یسوع ساڈے نال اے ایس لئی ایہہ کہہ لین دیو،
کھان دے لئی گھر آؤ تے آؤ روٹی توڑیے!
گرجا گھر وِچ گھر دے لئی آؤ تے کھانا کھاؤ، پیاری رفاقت دے لئی اِکٹھے ہوو؛
ایہہ اِک چنگی دعوت ہووے گی، جدوں اَسی کھانے دے لئی بیٹھاں گے!

یسوع دے کول گھر آؤ، دسترخوان بچھ چکیا اے؛
کھان دے لئی گھر آؤ تے تہانوں کھانا دِتا جائے گا۔
تہاڈے بیلی انتظار کر رئے ہون گے، ایس لئی ایہہ کہن دیو،
شام دا کھانا کھان دے لئی گھر آؤ تے آؤ روٹی توڑیے!
گرجا گھر وِچ گھر دے لئی آؤ تے کھانا کھاؤ، پیاری رفاقت دے لئی اِکٹھے ہوو؛
ایہہ اِک چنگی دعوت ہووے گی، جدوں اَسی کھانے دے لئی بیٹھاں گے!
(’’کھان دے لئی گھر آؤ Come Home to Dinner‘‘ شاعر ڈاکٹر آر۔ ایل ہائیمرز، جونئیر،
بطرزِ ’’اِک فاختہ دے پراں تے On the Wings of a Dove‘‘)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔