ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کیہڑی سب توں اہم ترین گل سی جیہڑی میں حیاتی وِچ کدی سِکھی؟ میں کہواں گا کہ ایہہ سی جدوں میں جانیا کہ مسیحیت حقیقی اے! میں لاس اینجلز دے بپتسمہ دین آلے پہلے چینی گرجا گھر وِچ ڈاکٹر ٹموتھی لِن Dr. Timothy Lin توں سکھیا سی کہ مسیحیت حقیقی اے۔ اُو اِک نایاب مبلغ سن، اِک شخص جیہڑا واقعی چہ خداوند وِچ یقین رکھدا سی۔ جدوں اِک بندہ واقعی چہ خداوند وِچ یقین رکھدا اے تے ایہہ گل اُوہنوں علیحدہ کر دیندی اے۔ ایہہ گل اُوہنوں دوجے مبلغاں توں مختلف کر دیندی اے تے کِدرے معتبر کر دیندی اے۔

ڈاکٹر ٹموتھی لِن چین توں آئے ہوئے اِک پادری سن۔ اُو امریکہ اُودھوں تیکر نئیں آئے سن جدوں تیکر کہ اُو اِک بالغ شخص نئیں ہو گئے۔ جیہدے تے اُو یقین رکھدے تے جیس گل دی منادی کردے سن اُو ایہہ اے جِنہوں میں ’’جیوندی جاگدی مسحیت‘‘ کہنا واں۔ جی نئیں، اُو اُو نئیں اے جِنہوں لوکی پینتیکوست مشن آلے یا کرشماتی مشن آلے کہندے ہون گے – ایہدے باوجود اُو روح دی معموری، آسیباں، فرشتیاں، خدا وَلوں ’’پیغاماں‘‘ وِچ، حقیقی دعاواں دے حقیقی جواباں وِچ، حیاتِ نو وچ پاک روح دے نازل کیتے جان وچ یقین رکھدے سن۔ مختصراً، اُو ’’جیتی جاگدی‘‘ مسیحیت وچ یقین رکھدے سن۔ اُوہناں نے اُو گل چین ای وچ اِک نوجوان ہستی دی حیثیت نال جان لئی سی۔ خُود اُوہناں دے اپنے پیو نے اپنی ساری حیاتی اوتھے اِک پادری دی حیثیت نال لنگھا دِتی سی۔

بے شمار لوکی مینوں دس چُکے نے، ’’ایس گرجا گھر وچ بنن آلے کسی وی چینی مبلغ دے مقابلے وچ تُسی زیادہ ڈاکٹر لِن وانگوں لگدے ہو۔‘‘ ڈاکٹر کیگن نے اُو گل فیر مینوں گذشتہ جمعرات نوں دسی۔ میں اُوہنوں اِک عزت افزائی سمجھنا واں کیوں جے ڈاکٹر لِن ’’جیتی جاگدی‘‘ مسیحیت وچ یقین رکھدے سن۔

اُوہناں ساریاں وریاں دے دوران اوتھے ٹکے رہنا میرے لئی واقعی چہ کافی مشکل سی، کیوں جے زیادہ اوقات وچ ای واحد سفید فام مُنڈا اوتھے ہوندا سی۔ لیکن میں جاننا سی مینوں رُکنا ای سی، کہ اوتھے رُکنا میرے لئی خُدا دی مرضی سی۔ تے ایہہ اوتھے ای سی کہ میں جو کُج میں جاننا واں زیادہ تر اوتھوں ای سِکھیا، ڈاکٹر ٹموٹھی لِن توں۔ میں اُوہناں دے نال ہر اِک گل تے تے متفق نئیں آں، لیکن میرے خیال وچ اُوہناں وگرا آں۔ میں جیتی جاگدی مسیحیت وچ یقین رکھنا واں!

تہانوں واقعی چہ ڈاکٹر لِن وانگوں سوچنا ہووے گا جے تُسی افسیوں چھ باب دا دوجا ادھا حصہ سمجھنا چاہندے اُو۔ میں بے شمار تبصرہ نگاراں نوں جیہڑے ایس حوالے توں پریشان ہو چکے نے پڑھ چُکیا واں۔ میں اگلے چند منٹاں وچ تہانوں ایہہ سمجھان دی کوشش کراں گا۔ مہربانی نال افسیوں 6:10 کھولو۔ ایہہ سیکوفیلڈ بائبل وچ صفحہ 1255 تے اے۔ مہربانی نال کھلو جاؤ جدوں میں باب چھ، آیات 10 تا 12 پڑھاں۔

ایہہ پولوس رسول دا افسیوں وچ مسیحیاں لئی اخیرلا بیان اے۔ اُوہنے جو کُج اُوہناں ابتدائی مسیحیاں نوں کہیا اُوہدی اَج سانوں ساریاں نوں شدت نال لوڑ اے۔

I. پہلی گل، رسول روحانی جنگ دی گل کردا اے۔

’’میرے پراہوو، اخیرلی گل ایہہ اے کہ تُسی خداوند وچ تے اُوہدی قوت نال معمور ہو کے مضبوط بن جاؤو۔ خُدا دے دِتے ہوئے سارے ہتھیاراں نال لیس ہو جاؤ تاں جے تُسی ابلیس دے منصوبیاں دا مقابلہ کر سکو۔ کیوں جے سانوں لہو تے گوشت یعنی اِنسان توں بئیں بلکہ تاریکی دی دُنیا دے حاکماں، اِختیار آلیاں تے شرارت دی رُوحانی فوجاں نال لڑنا اے جیہڑی آسمانی مقاماں وچ نے‘‘ (افسیوں 6:10۔12).

تُسی تشریف رکھ سکدے اُو۔ رسول سانوں دسدا اے کہ اسی میدان جنگ وچ حیاتی بسر کر رئے آں۔ مسیحی حیاتی اِک جنگ دی حیاتی اے۔ اسی شیطان تے اُوہدے آسیباں دے نال جنگ وچ آں۔ ڈاکٹر اے۔ ڈبلیو۔ ٹوزر Dr. A. W. Tozer نے ایہہ دُنیا: کھیل دا میدان یا اک میدانِ جنگ؟ This World: Playground or Battleground (کرسچن پبلیکیشنز، 1988، صفحات 1۔4) کہلایا جان آلا اِک مضمون لکھیا۔ ڈاکٹر ٹوزر نے کہیا،

     ابتدائی دِناں وچ… لوکاں نے تصور کر لہیا سی کہ دُنیا اِک میدانِ جنگ اے۔ ساڈے آباؤاِجداد ابلیس تے گناہ وچ یقین رکھدے سن تے جہنم وچ جیہڑی اِک قوت نوں پیدا کردی اے دی حیثیت نال یقین رکھدے سن، تے اُو خُدا تے راستبازی وچ یقین رکھدے سن تے جنت وچ دوجے دی حیثیت نال یقین رکھدے سن۔ اُوہناں دی انتہائی فطرت دی وجہ نال، ایہہ قوتاں اِک دوجے دے نال ہمیشہ لئی گہری، سنجیدہ، عمر بھر دی دشمنی وچ پے گئیاں۔ انسان، ساڈے آباؤاجداد نے منعقد کیتا، اُوہنوں کسی اِک پاسے دا چناؤ کرنا سی – اُو غیر جانبدار نئیں ہو سکدا سی۔ اُوہدے لئی ایہنوں حیاتی یا موت ہونا چائیدا اے، جنت یا جہنم ہونا چائیدا اے، تے جے اُو خُدا ول ہو جان نوں چُنندا اے تے اُوہنوں خُدا دے دشمناں دے نال کھُلی جنگ دی توقع کرنی ہووے گی۔ ایہہ جنگ اصلی تے خطرناک ہووے گی تے اُوس ویلے تیکر جاری رہوے گی جدوں تیکر ایتھے [زمین تے] حیاتی برقرار اے، ibid.، صفحہ2 .

لیکن ڈاکٹر ٹوزر نے کہیا کہ ایہہ گل ساڈے زمانے وچ بدل گئی۔ اُوہناں نے کہیا، ’’بنیاد پرست مسیحیاں دی اِک کثیر اکثریت دے ذریعے اُوس تصور نوں کہ ایہہ دُنیا اِک میدانِ جنگ دے بجائے اِک کھیل دا میدان اے ہُن عملی طور تے تسلیم کر لہیا گیا اے‘‘ (ibid.، صفحہ4)۔

میرے خیال وچ سانوں تسلیم کر لینا چائیدا اے کہ ڈاکٹر ٹوزر دُرست سن۔ اَج انجیلی بشارت دا پرچار کرن آلے مسیحی شیطان تے آسیباں دے بارے وچ سُننا ای نئیں چاہندے نے۔ اُو سوچنا ای نئیں چاہندے کہ اُو بدی دی قوتاں دے نال اِک کائناتی جنگ وچ سپاہی نے۔ میرے خیال وچ ایس گل دی اہم ترین وجہ ایہہ اے کہ اُوہناں وچوں بے شمار تے مسیح وچ ایمان لہیا کے تبدیل وی نئیں ہوئے نے۔ اُوہناں دیاں اکھاں روحانی کشمکش لئی انھیاں نے۔ جدوں اُو رسول نوں کہندا ہویا سُنندے نے، ’’خُداوند وچ مضبوط رہ‘‘ تے اُوہناں نوں معلوم اے ایہدا مطلب کی ہوندا اے۔ اُوہناں نوں کیوں معلوم نئیں اے؟ کیوں جے اُو ’’خُداوند وچ‘‘ نئیں نے تے چونکہ اُو خُداوند یسوع وچ نئیں نے تے ایس لئی ایہہ ممکن ای نئیں کہ اُو اُوہدے توں قوت پا سکن! ڈاکٹر ایس۔ ڈی۔ ایف۔ سالمنڈ Dr. S. D. F. Salmond نے کہیا کہ قوت پان دا عمل ’’صرف مسیح دے نال ملاپ وچ اثر کر سکدا اے‘‘ (’’افسیوں دے ناں مراسلہ،‘‘ مفسر دا یونانی نیا عہدنامہ The Expositor’s Greek New Testament، جلد سوئم، عئیرڈمینزEerdmans، n.d.، صفحہ 382)۔

ڈاکٹر جے ورنن میگی Dr. J. Vernon McGee نے کہیا، ’’تُسی خود اپنی قوت تے خود اپنی طاقت وچ شیطان تے قابو نئیں پا سکدے۔ پولوس یقین طور تے دو یونانی الفاظ تے ڈرامہ کر رہیا اے: خدا دے خدا دے پانوپلئین panoplian [بکترarmor] دی لوڑ پیندی اے ابلیس دے methodias [حربیاں، جعل سازیاں، تے طریقیاں] نوں پورا کرن دے لئی موجود نے۔ ’خدا وِچ محفوظ رہوو‘ – اُو ای واحد تھاں اے جیہدھروں تُسی تے میں قوت پانے آں‘‘ (جے۔ ورنن میگی، ٹی ایچ۔ ڈیJ. Vernon McGee, Th.D.، بائبل وِچوں Thru the Bible، جلد پنجم، تھامس نیلسن پبلیشرز Thomas Nelson Publishers، 1983، صفحات278، 279؛ افسیوں6: 10، 11 تے غور طلب گل)۔

تہانوں پہلی تھاں تے ای بچائے جان دے لئی ایمان دے وسیلے توں مسیح دے لئی آنا چائیدا اے۔ تے تہانوں بار بار دعا دے وِچ اُوہدے کول آنا چائیدا اے کہ ’’اُوہدے جلال دی قوت‘‘ نوں اِک صلیب دے سپاہی دی حیثیت نال پا لوو!

II. دوجی گل، رسول ساڈے دشمناں دے بارے وِچ دسدا اے۔

مہربانی نال کھلو جاؤ جدوں میں افسیوں6:12 آیت دی تلاوت کراں۔

’’کیوں جے سانوں لہو تے گوشت یعنی انسان نال نئیں بلکہ تاریکی دی دُنیا دے حاکماں، اِختیار آلیاں تے شرارت دی روحانی فوجاں نال لڑنا اے جیہڑیاں آسمانی مقاماں تے نے‘‘ (افسیوں 6:12).

آپ تشریف رکھ سکدے اُو۔

پہلی تے دوجی صدی تے مسیحی اُوہناں آسیباں توں نہایت باخبر سن جِنہاں دے بارے وِچ پولوس ایس آیت وِچ دس رہیا اے۔ اپنی کتاب ابتدائی کلیسیا وِچ انجیلی بشارت دا پرچارEvangelism in the Early Church وِچ ڈاکٹر مائیکل گرین Dr. Michael Green نے کہیا کہ اُو ابتدائی مسیحی یقین رکھدے سن کہ

ساری دی ساری دُنیا تے اُوہنوں ڈھانپن آلی فضا دا غلاف شیاطین نال بھریا پہیا اے؛ صرف بت پرستی ای نئیں، بلکہ حیاتی دی ہر قسم تے حیاتی دا ہر رُخ اُوہناں دی حکمرانی ہیٹاں نے۔ اُو تختاں تے بیٹھے نے، اُو کھٹولہیاں وِچ منڈلاندے نے۔ زمین تے سچی مُچی اِک جہنم سی، حالانکہ ایہنے خدا دا اِک تخلیق ہونا جاری رکھیا ہویا سی۔ ایس جہنم تے ایس دے سارے شیاطین نال مقابلہ کرن دے لئی مسیحیاں دے کول ایہو جئے ہتھیاراں تے عبور حاصل سی جیہڑے ناقابلِ شکست سن… مسیحی دُنیا وِچ آسیباں نوں نٹھان آلیاں دی حیثیت نال گئے… جیہڑا اُوس مسیحی دعوےٰ دی پشت پناہی کردا اے کہ یسوع نے صلیب تے شیطانی قوتاں تے فتح پائی سی، کہ اُو نجات دلان دے لئی آیا سی (مائیکل گرین، پی ایچ۔ ڈی۔ Michael Green, Ph.D، ابتدائی کلیسیا وِچ انجیلی بشارت دا پرچار Evangelism in the Early Church، عئیرڈمینز Eerdmans، 2003، صفحات 263، 264)۔

خود ساڈے اپنے زمانے وِچ، ڈاکٹر جے ورنن میگی نےکہیا،

دشمن روحانی اے۔ ایہہ شیطان اے جیہڑا اپنی شیطانی قوتاں دی رہنمائی کردا اے۔ ہُن سانوں ایہہ پہنچانن دی لوڑ اے کہ جنگ کیتھے ہو رئی اے۔ میرے خیال چہ گرجا گھر نے بوہتی حد تیکر روحانی جنگ دی بصیرت گنوا دِتی اے (ibid.، صفحہ 280؛ افسیوں6: 12 تے غور طلب گل)۔

ڈاکٹر مارٹن لائیڈ جونز Dr. Martyn Lloyd-Jones نے وی ایہہ ای گل کہی۔ اُوہناں نے کہیا، ’’اَج کلیسیا دی بیمار [بُری] حالت دی اہم وجوہات وِچوں اِک وجہ ایہہ حقیقت اے کہ شیطان نوں بُھلایا جا چکیا اے… کلیسیا نشے وِچ تے جھانسے وِچ اے؛ اُو کشمکش دے بارے وِچ بالکل وی آگاہ نئیں اے‘‘ (مسیحی جنگ The Christian Warfare، دی بینر آف ٹرتھ ٹرسٹ The Banner of Truth Trust، 1976، صفحات292، 106)۔

کوئی تعجب دی گل نئیں کہ مغربی بپتسمہ دین آلیاں نے پچھلے ورے 200,000 لوکاں نوں گنوا دِتا۔ تے اُو ایس ورے ایس توں وی بوہتے لوکاں نوں گنوا رئے نے۔ ایہہ نام نہاد کہلان آلے ایونجیلیکلز گرجا گھراں توں پسپا ہو کے نٹھ رئے نے۔ اُو جنسی انقلاب توں خوفزدہ نے، اُو اُوباما توں خوفزدہ نے، اُو ہر اِک گل توں خوفزدہ نے! مگر سانوں خوفزدہ ہون دی لوڑ نئیں اے جے مسیح دے قوت وِچ لباس زیب تن کیے ہوئے آں!

III. تیجی گل، رسول ساڈے بکتر دے بارے وِچ گل کردا اے۔

مہربانی نال کِھلو جاؤ جدوں میں آیات 13 توں 17 دی تلاوت کراں،

’’چنانچہ تُسی خدا دے سارے ہتھیار باندھ کے تیار ہو جاؤ تاکہ جدوں اُوہناں دے حملہ کرن دا بُرا دِن آئے تے تُسی اُوہناں دا مقابلہ کر سکو تے اُہناں نوں پوری طرح شکست دے کے قائم رہ سکو۔ ایس مقصد دے لئی تُسی سچائی نال اپنی کر کس لوو، خدا دی راستبازی دا بکتر پہن لوو۔ صلح دی خوشخبری دی تیاری دے جوتے پا کے تیار ہو جاؤ۔ تے ایہناں دے علاوہ ایمان دی سِپر چُکے رکھو تاکہ اُوہدے نال تُسی شیطان دے سارے آتشین تیراں نوں بجھا سکو۔ تےنجات دا خُود [ہیلمٹ] تے روح دی تلوار نوں جیہڑی خدا دی تلوار اے لے لو‘‘ (افسیوں 6: 13۔17).

تُسی تشریف رکھ سکدے اُو۔

غور کرو کہ رسول کہندا اے، ’’خدا دے سارے ہتھیار باندھ کے تیار ہو جاؤ‘‘ – بنانا نئیں، بلکہ تیار رہنا۔ سارے ہتھیار لین دے لئی مفت چہ نے۔ ڈاکٹر میگی نے کہیا، ’’ہتھیاراں دا ہر ٹکڑا مسیح دے بارے چہ دسدا اے۔‘‘اُو سچائی اے (آیت 14الف)۔ اُو ساڈی راستبازی اے (آیت 14ب)۔ اُو ساڈی پیراں دی راستبازی دی راہواں وِچ ہنمائی کردا اے (آیت 15)۔ اُو ساڈی ڈھال [سِپر] اے۔ اُو ساڈی نجات دا خُود [ہیلمٹ] اے (آیت 16)۔ ایہہ سارے دے سارے دفاع کردے نے۔ ایہہ سانوں دسدا اے کہ مسیح ساڈا تحفظ اے۔ جدوں تُسی اُوہدے تے پروہسا کردے اُو تے تُسی مسیح وِچ ایمان لہیا کے تبدیل ہو جاندے اُو۔ مسیح تہانوں اِیہناں تحفظات دے نال محفوظ کردا اے جدوں تُسی اُوہدی حضوری وِچ حیاتی بسر کردے نے۔ مسیح ساڈا دفاع کردا اے۔ جدوں تُسی اُوہدے تے پروہسا کردے اُو تے تُسی مسیح وِچ ایمان لہیا کے بدل جاندے نے، تے مسیح تہانوں ایہناں دفاع کرن آلے ہتھیاراں دے نال لباس پہنادا اے جدوں تُسی اُوہناں دی حضوری وِچ وسدے اُو۔

فیر رسول کہندا اے، ’’روح دی تلوار نوں جیہڑی خدا دا کلام اے‘‘ لے لؤ (آیت17)۔ ایہہ ای وجہ اے کہ تُہانوں بائبل دا مطالعہ کرنا چائیدا اے تے ایہنوں جِنہا وی تُسی یاد کر سکدے اُو کر لینا چائیدا اے۔ میری حیاتی وِچ ایہو جئے دور آ چکے نے جدوں اِک آیت جیس نوں میں کافی عرصے پہلاں حفظ کیتا سی مینوں فیر یاد آ گئی تے شیطان نوں شکست دین وِچ میری مدد کیتی۔ میں اُو رات کدی وی نئیں بُھل پاواں گا جدوں اُو الفاظ ’’اُوہدے اُوس جلالی فضل دی ستائش ہووے جیہڑا اُوہنے اپنے عزیز پُتر دے وسیلے توں سانوں مفت وِچ عنائت فرمایا‘‘ (افسیوں1: 6) مینوں یاد آ گئے تے مینوں مکمل مایوسی توں نجات دلائی۔ جیس قدر بوہتی بائبل دی آیتاں تُسی یاد کردے جاؤ گے اُوسی قدر بوہتا تُسی جانندے جاؤ گے کہ روح دی تلوار خدا دا کلام اے۔ میری حیاتی دی آیت فلپیوں4: 13 اے،

’’جیہڑا مینوں طاقت بخشدا اے اُوہدی مدد توں میں سب کُج کر سکنا واں۔‘‘

پنجا وریاں توں بوہتے عرصے تیکر اُو آیت خوف تے کمزوری دے خلاف میری تلوار رہ چکی اے۔ زبور ستائیس بے شمار وری میری تلوار رہ چکیا اے جدوں میں مایوس کُن حالات وِچ سی، خصوصی طور تے آخیرلی دو آیتاں۔ تہانوں ایہناں نوں حفظ کر لینا چائیدا اے۔ اُو ایمان دی لڑائی وِچ تہاڈے لئی مددگار ثابت ہون گیاں۔

IV۔ چوتھی گل، رسول، بالاآخری جنگجو دی لڑائی دی گل کردا اے۔

مہربانی نال کِھلو جاؤ جدوں میں آیات 18 تے 19 دی تلاوت کراں۔

’’پاک روح دی ہدایت نال ہر ویلے تے ہر طرح دعا تے منت کردے رہوو تے ایس غرض نال جاگدے رہوو تے سارے مقدساں دے لئی بِلاناغہ دعا کردے رہوو۔ میرے لئی وی دعا منگو تاکہ جدوں کدی مینوں بولن دا موقع ملے تے مینوں پیغام سنان دی توفیق ہووے تے میں خوشخبری دے بھید نوں دلیری نال ظاہر کر سکاں‘‘ (افسیوں6: 18، 19)۔

تُسی تشریف رکھ سکدے اُو۔

مینوں کوئی ایہو جئی گل یاد اے جِنہوں لیونارڈ ریون ھِل Leonard Ravenhill نے کہیا۔ مینوں یاد نئیں آ رہیا اُو اُوہناں نے کیتھے کہیا سی، لیکن ایہہ میرے ذہن وِچ ٹکی رہ گئی۔ ریون ھِل نے کہیا، ’’دعا اُو جنگ اے۔‘‘ ایہہ گل نئیں اے کہ دعا سانوں جنگ دے لئی تیار کردی اے۔ جی نہیں! دعا ای اُو جنگ اے!

ڈاکٹر میرل ایم۔ اُونگر Dr. Merril F. Unger ڈلاس علم الہٰیات دی سینمری وِچ اِک پروفیسر سن۔ اُوہناں نے اِک شاندار کتاب لکھی جیہڑی بائبلی آسیبیت Biblical Demonology (کریگل پبلیکیشنز Kregel Publications، دوبارہ اشاعت 1994) کہلاندی اے۔ میں سُن چکیا واں کہ کُج جسمانی نیت آلے مبلغین کہندے نے ایہہ خطرناک کتاب اے۔ میرے خیال وِچ ایہہ اُو مبلغین نے جیہڑے خطرناک نے! اُو کیویں آسیباں، پاک روح تے دعا دی قوت نال مسلسل آگاہ رئے بغیر تبلیغ کر سکدے نے؟ کوئی تعجب دی گل نئیں کہ گذشتہ سال اُوہناں دے گرجا گھراں توں 200,000 مغربی بپتسمہ یافتہ لوکی نٹھ گئے! کوئی تعجب دی گل نئیں کہ بے شمار خود مختیار بپتسمہ دین آلے گرجا گھر اپنی اِتوار دی شام دی عبادتاں نوں بند کر رئے نے! کوئی تعجب دی گل نئیں کہ ساڈے بپتسمہ دین آلے گرجا گھر 88 % خود اپنے ای نوجوان لوکاں نوں دُنیا وِچ ہار جاندے نے! اُو مبلغیں جیہڑے آسیباں، تے دعا دی قوت دے بارے وِچ نئیں سوچدے، قطعی طور تے ساڈے گرجا گھراں وِچ وحشیانہ اِرتداد نوں رُکن دے لئی کُج وی نئیں کر سکدے۔ لیکن مشہور و معروف عالم ڈاکٹر وِلبر ایم سمتھ Dr. Wilbur M. Smith نے آسیبیت تے اُونگر دی کتاب نوں بوہتا سراہا۔ ڈاکٹر سمتھ نے کہیا، ’’میں محسوس کر چکیا واں کہ [ایس کتاب نوں] اَج انجیل دی مذھبی خدمت سرانجام دین آلے ہر فرد دے ہتھاں وِچ ہونا چائیدا اے‘‘ (ڈاکٹر اُونگر دی کتاب دا تعارف Introduction to Dr. Unger’s Book، صفحہ xi)۔ میرے خیال چی ڈاکٹر وِلبر ایم سمتھ بالکل سچے سن۔ جے تُسی ایہہ پڑھ رئے اُو یا ساڈی ویب سائٹ تے ایہنوں ویکھ رئے اُو تے میں تہاڈی اُونگر دی کتاب نوں خریدن تے اُوہنوں اِک ایہو جئے پادری نوں دین دے لئی جیس دے کول اُو نئیں اے حوصلہ افزائی کرنا آں۔

ڈاکٹر اُونگر نے بجا طور تے کہیا، ’’دعا دے معاہدے نوں [افسیوں6: 18، 19 آیت وِچ] جنگجو دے سہاریاں دے طور تے … یا دوجے ہتھیاراں دے طور تے نئیں لینا چائیدا اے… افسیوں 6 وِچ دعا ای اصلی کشمکش اے جیس وِچ دشمن [شیطان] شکست پاندا [ہاردا] اے تے فتح جیتدی جاندی اے، نا صرف ساڈے لئی بلکہ مناجات دے وسیلے توں دوجیاں دے لئی وی‘‘ (ibid.، صفحہ223؛ افسیوں6:19، 20 پر تبصرے؛ اصرار میرا)۔

پال کوک Paul Cook نامی اِک برطانوی پادری نے جنت توں آگ Fire from Heaven (ایونجیلیکل پریس بُکس Evangelical Press Books) نامی کتاب لکھی۔ ہر اِک نوں اُو کتاب پڑھنی چائیدی اے۔ اُوہناں نے کہیا، ’’سانوں پاک روح دی تازہ فراہمیاں دے لئی بار بار دعا منگنی چائیدی اے… ایس دا مطلب ہوندا اے کہ سانوں منگدے تے دعا کردے رہنا چائیدا اے۔ اِبتدائی کلیسیائیں ایہہ کردی سن، تے اینج ای سانوں وی کرنا چائیدا اے۔ خدا دے سارے کماں دا اِنحصار ایسی تے اے… پاک روح وَلوں تازہ شفا بخشی [قوت] … سانوں روح دی قوت دی تازہ فراہمیاں دی تلاش جاری رکھنی چائیدی اے‘‘ (محترم پال ای۔ کوک Rev. Paul E. Cook، جنت توں آگ: غیرمعمولی حیاتِ نو دے زمانے Fire From Heaven: Times of Extraordinary Revival، ibid.، صفحات120، 121)۔

ایہہ اہم ترین گلاں وِچ اِک اے جیس دے لئی تہانوں ہر روز دعا منگنی چائیدی اے – تے خصوصی طور تے ساڈے روزے دے روز، ہفتہ دے دِن۔ ڈاکٹر جان آر رائس Dr. John R. Rice نے کہیا، ’’پاک روح دی قوت دعا منگن تے روزے رکھن دے جواب وِچ ملدی اے‘‘ جان آر۔ رائس، ڈی۔ ڈی۔ John R. Rice, D.D.، دعا: منگنا تے پاناPrayer: Asking and Receiving، خُداوند دی تلوار اشاعت خانے Sword of the Lord Publishers، 1970، صفحہ 225)۔

’’پاک روح دی ہدایت نال ہر ویلے تے ہر طرح دعا تے منت کردے رہوو تے ایس غرض نال جاگدے رہوو تے سارے مقدساں دے لئی بِلاناغہ دعا کردے رہوو‘‘ (افسیوں 6:18).

ویکھیا تُسی، دعا ای جنگ اے۔ میں تہاڈے کولوں چاہنا واں کہ تفصیل نال دعا منگو (جے ممکن ہووے) تے اُوہناں دا ناں لے کے دعا منگو جیہڑے گمراہ نے۔ میں تہاڈے کولوں چاہنا واں کہ خدا دے روح دے لئی دعا منگو کہ اُو اُوہناں نوں ساڈے گرجا گھر وِچ کھینچ لہیائے، کہ انجیل دی سچائیاں دے لئی اُوہناں دے ذہناں نوں منور کرے، کہ اُوہناں نوں گناہ دی سزایابی وِچ لہیائے، کہ اُوہناں نوں مسیح وَلوں اُوہدے قیمت لہو دے وسیلے توں گناہ توں پاک صاف ہون دے لئی کھینچے۔ دعا ای جنگ اے۔ میں تہاڈے کولوں ایہہ وی چاہنا واں کہ دعا منگو کہ میرے تے ظاہر کرے کہ مینوں کی منادی کرنی اے، کہ خدا کولوں دعا منگو اُو منادی نوں بے اعتقاداں دے دِلاں وِچ استعمال کرے، کہ رفاقت دے دور نوں بخشن دے لئی دعا منگو۔ عوامی دعاؤاں وچ، ایس گل نوں یقینی بناؤ کہ جدوں کوئی دعا وچ رہنمائی کر رہیا ہووے تے تہانوں جواب واضح ہووے۔ ایس گل نوں یقینی بناؤ کہ تہاڈا ذہن پوری طرح نال اُوس گل تے ہووے جیس گل دی دعا اُو بندہ منگ رہیا ہووے – تے ہر مناجات دے بعد ’’آمین‘‘ کہو۔ ایہدے علاوہ، ایس گل نوں یقینی بناؤ کہ ساڈے روزے آلے دِن دے دوران ہفتے نوں بے شمار وری دعا منگو۔ ایتھے میں تہانوں فیر تہاڈے ہفتے دے روز دعا منگن لئی بنیادی جُز پیش کر رہیا واں، جدوں کہ تُسی روزہ رکھ رئے اُو۔ آمین۔ تُسی شیطان دے نال جنگ وچ دعائیہ جنگجو اُو! تُسی عظیم لوکی اُو! خُدا تہانوں برکت دیوے!

میں واقعی وچ تہانوں جیہڑے گمراہ اُو چند لفظ کہے بغیر واعظ ختم نئیں کر سکدا۔ یسوع صلیب تے گنہگاراں نوں خُدا دے قہر توں بچان لئی مریا سی۔ یسوع مُردیاں وچوں گنہگاراں نوں اِک نیا جنم تے دائمی حیاتی بخشن لئی جی اُٹھیا۔ مگر ایہہ گلاں تہاڈے لئی خُدا دے روح دے کماں دے بغیر حقیقی نئیں بن سکدیاں۔

ایس لئی، سارے ہفتے، جدوں اسی دعا منگئیے تے گنہگاراں لئی روٹی دی دعا منگئیے۔ خُدا توں دعا منگو کہ ساڈی عبادتاں وچ تھلے پاک روح نوں اُوہناں تاریک ذہناں نوں منور کرن لئی بھیجے، تے اُوہناں نوں اُوہناں دے گناہ دا جرم محسوس کرن لئی مجبور کرے، تے اُوہناں نوں اپنے لئی یسوع مسیح دی شدید لوڑ دا احساس دلائے! ہُن لوقا11:13 تے نظر پاؤ۔ ایہہ سیکوفیلڈ بائبل دے صفحہ 1090 تے اے۔ مہربانی نال کھلو جاؤ جدوں میں اِیہدی تلاوت کراں۔

’’پس جدوں تُسی بُرے ہو کے وی اپنے بچیاں نوں چنگیاں شیواں دینا جانندے اُو تے کی آسمانی پیو اُوہناں نوں پاک روح افراط نال عطا نہ فرمائے گا جیہڑے اُوہناں توں منگدے نے؟‘‘ (لوقا 11:13).

ہُن ایتھے ایس ہفتے دعا منگن لئی گلاں دی اِک فہرست اے تے خصوصی طور تے ہفتے دے روز۔

1. اپنے روزے نوں (جیہناں ممکن ہو سکے) راز وچ رکھو۔ لوکاں نوں دسدے مت پھرو کہ تُسی روزے نال اُو۔

2. بائبل پڑھن وچ کُج ویلے صرف کرو۔ اعمال دی کتاب دے کُج حصّے پڑھو (ترجیحاً شروع دے قریب)۔

3. ہفتے دے روزے دے دوران اشعیا58:6 نوں حفظ کرو۔

4. خُدا توں دعا منگو کہ سانوں 10 یا زیادہ نئے لوکی عنایت کرے جیہڑے ساڈے نال رہن۔

5. ساڈے غیر نجات یافتہ نوجوان لوکاں دا مسیح وچ ایمان لہیا کے تبدیل ہون لئی دعا منگو۔ خُدا توں دعا منگو کہ اُوہناں لئی اُو کرے جیہڑا اُوہنے اشعیا58:6 وچ کہیا۔

6. دعا منگو اَج (اِتوار) نوں پہلی وری آن آلے لوکی فیر اگلے اِتوار نوں وی واپس کھِچے چلے آن۔ جے ممکن ہووے تے ناں لے کے دعا منگو۔

7. خُدا توں دعا منگو کہ اگلے اِتوار مینوں کی منادی کرنی اے اُو ظاہر کرے – سویر وچ تے شام وچ۔

8. ڈھیروں پانی پئیو۔ ہر اِک گھنٹے وچ تقریباً اِک گلاس۔ آغاز وچ تُسی کافی اِک وڈا پیالہ پی سکدے اُو جے تُسی ایہنوں ہر روز پین دے عادی اُو۔ بوتلاں تے قوت دین آلے مشروبات وغیرہ مت پئیو۔

9. جے تہاڈے کول اپنی صحت دے بارے وچ کوئی سوالات ہون تے روزہ رکھن توں پہلاں میڈیکل ڈاکٹر نوں مل لوو۔ (ساڈے گرجہ گھر وچ تُسی ڈاکٹر کرھیٹن چعین Dr. Kreighton Chan یا ڈاکٹر جوڈیتھ کیگن Judith Cagan نوں مل سکدے اُو۔) روزہ مت رکھو جے تہانوں اِک سنجیدہ جسمانی خرابی ہووے، جیویں کہ ذیابیطس یا اُچا فشار لہو۔ اُوہناں درخواستاں لئی دعا منگن لئی صرف ہفتے دا روز ای استعمال کرو۔

10. جمعہ نوں اپنے شام دے کھانے دے بعد اپنے روزہ دا آغاز کرو۔ جمعہ دے روز شام دا کھانا کھا چُکن دے بعد کُج وی مت کھاؤ جدوں تیکر کہ اسی گرجا گھر وچ ہفتے دی شام 5:30 تے کھانا نہ کھا لئیے۔

11. یاد رکھو کہ سب توں زیادہ اہم گل جیہدے لئی دعا منگنی اے ساڈے گرجا گھر وچ گمراہ نوجوان لوکاں دے مسیح وچ ایمان لہیا کے تبدیل ہون لئی منگنی اے – تے ایہدے علاوہ ایس ای ویلے دے دوران آن آلے نئے نوجوان لوکاں لئی کہ مستقل طور تے ساڈے ای نال رہن۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔