ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

I کرنتھیوں دے پہلے دو باباں توں اَسی کی سِکھ سکنے آں؟ سب توں اہم ترین گلاں وِچوں اِک ایہہ اے جیہڑی اَسی ابتدائی مسیحیاں دے بارے چہ جاننے آں۔ تُسی ایہناں دو باباں نوں ایہہ ویکھے بغیر نہئیں پڑھ سکدے کہ اُو مسیح نوں کیس قدر مرکز چہ رکھ ہوئے سن۔ اُو جیہڑا سوچدے سن کہ اُو عقلمند سن اُوہناں نے مسیح نوں مسترد کیتا، ’’ہلاک ہون آلیاں دے لئی تے سولی دا پیغام بیوقوفی اے لیکن اَسی نجات پان آلیاں دے لئی خدا دی قدرت اے‘‘ (1: 18)۔ ’’مگر اَسی اُوس مسیح مصلوب دی منادی کرنے آں‘‘ (1: 24)۔ ’’مسیح یسوع جِنہوں اُوہنے ساڈے لئی حکمت، راستبازی، پاکیزگی تے مخلصی ٹھہرایا‘‘ (1: 30)۔ ’’کیوں جے میں فیصلہ کیتا ہویا سی کہ جدوں تیکر تہاڈے وِچکار رہواں گا مسیح یعنی مسیح مصلوب دی منادی دے سِوا کسی ہُور گل تے زور نہئیں دیاں گا‘‘ (2: 2)۔ ڈاکٹر جے۔ ورنن میگی Dr. J. Vernon McGee نے کہیا،

پولوس نے فلسفیانہ بحث نوں نہئیں چھیڑیا سی … اُو صرف تے صرف مسیح دی سولی دی منادی دی نال منسلک رہیا سی۔ اُوہنے مصلوب کیتے ہوئے نجات دہندہ دی منادی کیتی سی۔ ایہہ اُوس قسم دی مذھبی خدمت اے جیس دی اَج شدت دے نال لوڑ اے (جے۔ ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، جلد پنجم، تھامس نیلسن پبلیشرز Thomas Nelson Publishers، 1983، صفحہ13؛ 1کرنتھیوں2: 2 تے غور طلب گل)۔

’’جے کوئی فخر کرنا چاہئے تے خداوند تے فخر کرے‘‘(I کرنتھیوں1: 31).

اُو یونانی لفظ جیس نے ’’جلالglory‘‘ دا ترجمہ کیتا اُوہدا مطلب ’’فخر کرنا‘‘ ہوندا اے – بڑھا چڑھا کے پیش کرنا، جیس دے لئی فخر کیتا جائے۔ رسول سانوں مسیح نوں ودھا چڑھا کے پیش کرن دے لئی کہہ رہیا اے – مسیح تے فخر کرن دے لئی کہہ رہیا اے – مسیح دے بارے چہ بڑھائی ظاہر کن دے لئی کہہ رہیا اے – ’’خداوند تے فخر کرن‘‘ دے لئی کہہ رہیا اے۔ ابتدائی مسیحی، مسیح دے بارے چہ ایس قدر گل بات کردے سن کہ بے اعتقادے کہیا کردے سی اُو اِک مُردہ یہودی دی پرستش کردے نے! ڈاکٹر مائیکل گرینDr. Michael Green نے کہیا، روم چہ پیلاٹائینPalatine پہاڑی تے شاہی خادم مُنڈیاں دے مکانات چہ [مسیح دے بارے چہ گل کرن دے لئی] ایتھے ایس فیصلے دی دِل نوں چھو لین آلی اِک مثال اے۔ ایتھے اِک انتہائی ابتدائی تیسری صدی دی تصوی اے جِنہوں [اِک بچے نے] اپنے ہتھاں نال بنایا سی، جیس چہ اِک مُنڈا پرستش کرن آلے انداز چہ اِک ہاتھ اُتّے کیتے ہوئے کِھلوتا اے۔ اُوہدی پُرجوش عبادت دا موضوع سولی تے اِک ہستی اے، اِک بندہ جیس دا سر کھوتے وگرا اے۔ اُوہدے ہیٹاں لکھیا ہویا اے، ’الیگژامیناس اپنے خدا دی پرستش کردا اے۔‘ واضح طور تے خادماں وِچوں اِک مسیحی سی، تے ایہدے بارے چہ شرمندہ سی۔ اُوہدے ہم جماعت اُوہدی ایس گل تے ڈٹے رہن دے لئی اُوہدا کینہ پروری نال مذاق اُڑاندے سن۔ مگر اُو شرمسار نہئیں سی… اِک ہُور لکھائی کسی دوجے ہتھ دی لکھی ہوئی [کہندی اے] ’الیگژامیناس وفادار اے۔‘ شاید ایہہ اُوس ظالمانہ کارٹون دے لی خود اُوہدا اپنا ردعمل ہووے۔ میرے خیال چہ ایہہ اُوہدا اپنا ردعمل سی‘‘ (مائیکل گرین ڈی۔ ڈی۔ Michael Green, D.D.، ابتدائی کلیسیا وِچ انجیلی بشارت دا پرچار Evangelism in the Early Church، ولیم بی۔ عیئرڈ مینز اشاعتی کمپنی William B. Eerdmans Publishing Company، 1970، صفحات 174،175)۔

میں اُوس تلخ مصوری دے ٹکڑے نوں اصل توں براہ راست نقل کیتا اے۔ ایہہ اُوہدی ڈٓرئنگ دی بالکل ٹھیک تصویر اے، جیہڑے دوجی صدی دے اَخیر چہ قدیم روم چہ پیلاٹائین پہاڑی تے خادم مُنڈیاں دے لئی اِک کمرے دی دیوار توں لئی گئی اے۔

جدوں میں قدیم کارٹوں تے نظر پائی تے میری اَکھاں چہ اَتھرو آ گئے۔ ایتھے اِک 10 یا 12 وریاں دا نِکّا جیہا مُنڈا یسوع دے لئی ڈٹا ہویا سی! تے اِک بُرے مُنڈے نے اُوہدے بارے چہ یسوع دی پرستش کردے ہوئے اُو تصویر بنائی سی – اِک کھوتے دے سر دے نال! میں سوچیا، ’’خداوندا الگژامیناس وگرے اِک منڈے دے لئی شکریہ!‘‘ ایہہ اُوہدے وگرے مُنڈے تے کُڑیاں سن جِنہاں نے ساری رومی دُنیا چہ مسیح دے پیغام نوں پھیلایا سی! الیگژامیناس، میں تیہنوں جنت چ ہملن دے لی منتظر رہواں گا! میں دعا منگنا آں کہ ساڈے کول گرجا گھر چہ اُوہدے وگرے نوجوان لوکی آ جان گے۔ اُو نوجوان مرد تے عورتاں جیہڑے مسیح دے بارے چہ فخر کرن گے – ایہدے نال کوئی فرق نہئیں پیہندا کہ خدا نوں بھولی ہوئی ایس نسل دے ذریعے توں اُوہناں دا کِس قدر مذاق اُڑایا جاندا اے تے ٹھٹھیاں چہ لیہیا جاندا اے!

اُوس ڈوگر خاندان تے بغیر کسی مقدمے تے کالک تھوپی گئی تے پرخچے اُڑائے گئے تے بغیر کسی قانونی توثیق دے قتل کیتا گیا۔ اُوہناں دے اُنیس بچے سن۔ بارہ وریاں پہلاں مُنڈیاں وِچوں اِک نے اپنی دو بہناں نوں نازیبا طور نال چھیڑیا۔ اُوہدے والدین نے اُوہنوں پویس دے کول لے گئے۔ اُو صرف 15 وریاں دا سی، ایس لئی ریکارڈ نوں مہر بند کر دِتا گیا۔ چند اِک ہفتیاں پہلاں ایس چھوتے جئے ارکانساس قصبے دے مُردہ ذہن پولیس چیف نے مہربند ریکارڈ نوں کھولیا تے میڈیا نوں پیش کر دِتا۔ اُوہناں نے ایس خاندان نوں مصلوب کر دِتا، اُوہناں دے گھر نوں ’’ہولناکیاں دا گھر‘‘ کیہیا۔ اُو ایہہ کیوں کر رئے نے؟ کیوں جے ڈوگر افراد اِک بپتسمہ دین آلے گرجا گھر دے اراکین نے – کیوں جے اُو مسیحی نے!!! اُو دو بہناں فوکس نیوز گئیاں کیوں جے اُو جاندیاں سن کہ اُو ای واحد تھاں اے جیتھے ہر کوئی اُوہناں دے نال مخلص ہووے گا۔ ایہہ نوجوان خواتین فوکس نیوز تے اپنے والدین دا دفاع کرن دے لئی گئیں۔ فیر میں وھوپی گولڈبرگWhoopi Goldberg دا ہیبت ناک شیطانی چہرہ اُوہناں تے چِلاندے ہوئے ویکھیا۔ ’’ایس گل چہ خدا نوں نہ گھسیٹو!‘‘ مسیحیاں نوں لیہیاؤ! اُوہناں نوں گھسیٹو! اُوہناں نوں گھسیٹو!‘‘ – اُوس ویلے توں جدوں قدیم روم وِچ مسیحی کُڑیاں نوں شیراں نال چیر پھاڑ کروان دے لئی اِکھاڑے وِچ سُٹیا گیا سی، ہُن تیکر کُج وی نہئیں بدلا اے! وھوپی گولڈبرگ نیرو بادشاہ یا کیلیگیولہ وانگوں لگیا! مسیحیاں نوں قتل کرو! اُوہناں نوں گھسیٹو! اُوہناں نوں گھسیٹو! اُوہناں نوں گھسیٹو! خدا ساڈی مدد کرے – میڈیا تے قابو کیتے ہوئے ایہناں وگرے لوکاں دے نال! ایہناں طالم تے بُرے دِناں وِچ، ایتھے اَج دی سویرے ہر اِک نوجوان ہستی دی لئی کہہ لین دیو، ’’الیگژامیناس وفادار اے۔‘‘

’’جے کوئی فخر کرنا چاہئے تے خداوند تے فخر کرے‘‘(I کرنتھیوں1: 31).

کسی بشر دا موازنہ اُوہدے نال نہئیں کیتا جا سکدا،
     لوکاں دے بیٹیاں دے وِچکار؛
سارے مخلص لوکاں وِچ اُو مخلص ترین اے،
     جیہڑا آسمانی کارواں نوں بھردا اے،
جیہڑا آسمانی کارواں نوں بھردا اے۔
اُوہنوں ای میں اپنی حیاتی، اپنی سانس مقروض کرنا آں،
     تے اُو ساری خوشیاں جیہڑیاں میرے کول نے؛
اُو میہنوں موت تے فتح دِلاندا اے،
     تے میہنوں قبر توں نجات دِلاندا اے،
تے میہنوں قبر توں نجات دِلاندا اے!
     (’’شاہانہ مِٹھاس تخت تے بیٹھاندی اےMajestic Sweetness Sits Enthroned‘‘ شاعر سیموئیل سٹینیٹ Samuel Stennett، 1727۔1795)۔

تُسی بائیں بازو آلے میڈیا نوں رکھ سکدے اُو! تُسی وھوپی گولڈبرگ نوں تے سارے دے سارے آزاد خیال، خدا توں نفرت کرن آلے، ہالی ووڈ دے ہجوم نوں رکھ سکدے اُو! تُسی اُوہناں نوں رکھ سکدے اُو! اُوہناں دے کول نذر کرن دے لئی کُج وی نہئیں اے! کُج وی نہئیں اے! کُج وی نہئیں اے! کُج وی نہئیں اے! – ’’الیگژامیناس وفادار اے!‘‘ ’’الیگژامیناس وفادار اے!‘‘ اینج ای ہووے، پیارے خداوند! اینج ای ہووے!

’’جے کوئی فخر کرنا چاہئے تے خداوند تے فخر کرے‘‘ (I کرنتھیوں1: 31).

اَسی گرجا گھر چہ محظوظ کیتے جان دے لئی نہئیں آنے آں۔ اَسی ایس لئی نہئیں آندے کہ ’’پرستشی ٹیماں‘‘ نوں سُنیے جیہڑیاں لاس ویگاس دے نائٹ کلباں چہ اداکاراں وانگوں گاندیاں نے۔ اَسی خود نوں بہتر بنان دے بارے چہ لطیفے یا کہانیاں سُنن دے لئی نہئیں آندے۔ اَسی ایس توں بہتر لطیفے جمی فالنJimmy Fallon توں سُن سکنے آں۔ اَسی خود نوں بہتر بنان دی کہانیاں ریڈرز ڈائجسٹ چہ پڑھ سکنے آں۔ میں گرجا گھر چہ ’’مسیحی‘‘ راک موسیقی نال چکا چوند ہون دے لئی نہئیں آندے۔ ایہہ خالی اے۔ ایہہ ساڈی روحاں نوں نہئیں چھوندا۔ ایہہ ساڈے مُنہ چہ بُرادے وگرا ذائقہ چھڈ جاندا اے۔ ایہہ خالی، کھوکھلا، ویلے دا ضیائع اے!

سان ڈیاگو دے نیڑے، اورنج کاؤنٹی دے وِچکار چہ اِک بہوتے وڈے گرجا گھر تے ہفتے دی رات دی عبادت چہ میری ووہٹی تے میں سن۔ موسیقی کاناں نوں بہرہ کر دین آلی سی۔ اُو مدہوش کر دین آلی سی۔ اُو بالکل دُرست طریقے نال دورِ حاضرہ دی جدید موسیقی سی۔ ایہہ جنسی خواہش بیدار کرن دین آلے پاگل پن دے نال اِختتام پذیر ہوئی۔ ایس نے ہر اُوس گل نوں جیہڑی میں کدی وی، کِدرے وی، کسی وی تھاں چہ سُنی سی اُوہدی حد نوں پار کر دِتا۔

فیر لوکی باہر نکل گئے۔ اُو ’’جیوندے جاگدے مُردیاں دی راتThe Night of the Living Dead‘‘ نامی فلم وِچوں نکلے زوبیز وانگوں مدہوش، بے حِس پاؤں گھسیٹدے ہوئے نکلدے وکھائی دِتے۔ کوئی وی نہئیں مسکرایا۔ کسی نے وی گل نہئیں کیتی۔ کسی نے وی اِک دوجے دی خیر خیریت نہئیں پُچھی۔ اُو تنہا آئے سن – محظوظ کیتے جان دے لئی۔ تے اُو تنہا ای باہر نکل گئے۔ ڈاکٹر ڈیوڈ ویلز Dr. David Wells نے کہیا، ’’تنہائی دورِ حاضرہ دی وبا دے۔ ایہہ منقطح کیتے جان دی وباء اے، جڑ نہ رکھن دی وباء اے، کسی مخصوص تھاں توں تعلق نہ رکھن دے بجائے عام طور تے ہر گل نال تعلق رکھن دی وباء اے۔ ایہہ تنہا ہون دی بیماری اے، توجہ نہ پان دا مرض اے، اِک لاتعلق دُنیا وِچ گم رہن دی وبا اے‘‘ (ڈیوڈ ایف۔ ویلز، پی ایچ۔ ڈی۔ David F. Wells, Ph. D.، پروٹسٹنٹ ہون دے لئی جرأت The Courage to be Protestant، عیئرڈمینز Eerdmans، 2008، صفحہ33)۔

ڈاکٹر ویلز اِک عظیم عالمِ الہٰیات نے، تے اُو دُرست نے۔ ’’تنہائی دورِ حاضرہ دی وباء اے۔‘‘ مگر اُوس بہوتے وڈے گرجا گھر دے کول تنہائی دا کوئی جواب نہئیں سی۔ اُوہدے کول دورِ حاضرہ دا جدید موسیقی دا صرف گروہ سی – تے ہر کوئی اِکیلا ای لڑکھڑاندا ہویا باہر نکلیا – جیویں کہ اُو دوجر سٹیڈیم توں کھیڈ دے بعد کردے نے! جواب کی اے؟ جواب اِک ایہو جیہا گرجا گھر اے جیہڑا یسوع مسیح بخود نوں مرکوز رکھدا اے۔ مسیح جواب اے – دورِ حاضرہ دی جدید موسیقی نہئیں مسیح جواب اے – ناکہ اِک بوہتا وڈا، تنہا ہجوم! دورِ حاضرہ دے ایہناں وڈے وڈے گرجا گھراں دے کول پیش کرن دے لئی کُج وی نہئیں اے! کُج وی نہئیں اے! کُج وی نہئیں اے! صرف مسیح نوں مرکز مانن آلے، مسیح دا اعلان کرن آلے، مسیح دی تعظیم کرن آلے اِک گرجا گھر دے کول ای جواب اے! جواب ہمیشہ تے ہمیشہ توں ای یسوع مسیح بخود وِچ اے۔ اُو نوجوان مُنڈا جیس نے دوجی صدی دے اِختتام وِچ حیاتی بسر کیتی ایہہ گل جانندا سی۔ ایہہ ای وجہ اے ’’الیگژامیناس اپنے خدا دی پرستش کردا سی!‘‘ ایہہ ای وجہ اے کہ ’’الیگژامیناس وفادار اے!‘‘

’’جے کوئی فخر کرنا چاہئے تے خداوند تے فخر کرے‘‘ (I کرنتھیوں1: 31).

نجات دے بارے چہ کی خیال اے؟ کی تُسی اُوہناں ’’وڈے وڈے‘‘ مبلغین نوں نجات کیویں پانی اے دے بارے چہ گال کردے ہوئے سُنندے اُو؟ ہائے خداوندا، میں اُوہناں نوں ہر دوجی گل دے بارے چہ بولدا ہویا سُننا آں! اُو پاک روح دے بارے چہ گل کردے نے۔ اُو نیک محسوس کرن دے بارے چہ گل کردے نے۔ اُو کامیاب ہون دے بارے چہ گل کردے نے۔ جوزف پرنس نامی اِک بندہ سی جیہڑا ایتھے تیکر کہ فضل دے بارے چہ گل کردا اے۔ مگر کیہنوں بچایا جانا اے کہ گل کون کردا اے؟ میں ایہنوں نہئیں جانندا! کون سولی دے بارے چہ گل کردا اے؟ میں ایہنوں نہئیں جانندا! کون لہو دے بارے چہ گل کردا اے؟ میں ایہنوں نہئیں جانندا! کون یسوع تے اِک مکمل واعظ دیندا اے؟ میں ایہنوں نہئیں سُنندا!

چند اِک دِن پہلاں کیوبا چہ اِک بیچارے شخص نے میہنوں اِک ای۔میل لکھی۔ ایہہ واعظ ساری دُنیا چہ جاندے نے – 200 توں بوہتے ممالک چہ، 32 زباناں وِچ۔ ایس لئی ایس نوجوان کیوبا دے بندے نے لکھیا۔ اُوہنے کہیا کہ اُوہنے خود نون مسیح دے حوالے کر دِتا تے بپتسمہ لیہیا۔ مگر اُوہدے بیلیاں وِچوں اِک نے فیر اُوہنوں چناؤ دے بارے چہ دسیا۔ اُوہنے کیہیا ایس گل نوں اُوہنے پریشان کیتا۔ اُوہنے کیہیا کہ چناؤ دے بارے چہ سُنن دے بعد اُوہنوں اپنی نجات تے شک ہون لگا۔ میں ایس گل نوں سمجھ نہئیں پایا! میہنوں اینج وکھائی دیندا اے کہ چناؤ تہانوں تہاڈے نجات دے بارے چہ بوہتی یقین دہانی کراندا اے۔ ایہہ تہاڈے تے انحصار نہئیں کردا۔ ایہہ تنہا مسیح تے انحصار کردا اے! آمین! مگر اُوہنے پال واشر Paul Wasehr نون ویکھنا تے جان میک آرتھر John MacArthur نوں پڑھنا شروع کر دِتا۔ اُوہناں نے رے کمفورٹ Ray Comfort دا واعظ ’’جہنم دا سب توں خفیہ راز Hell’s Best Kept Secret‘‘ وی پڑھیا۔ فیر اُوہنے کیلوِن اِزم تے کُج ویڈیوز جیہڑیاں ’’حیرت انگیز فضل Amazing Grace‘‘ کہلاندیاں نے ویکھیاں۔ ایس سب نے اُوہناں نوں تذبذب چہ مبتلا کر دِتا۔ لہٰذا، اُوہناں نے سانوں لکھیا تے کیہیا، ’’میں یقین کرنا آں کہ تُسی میہنوں پڑھن دے لئی شریعت دے بارے چہ کُج کتاباں دی تجویز دیو گے، کہ گناہ دی سزایابی دے تحت آن دے لئی تے اُوہدی تیاری دے لئی سوچاں۔‘‘ اُوہناں نے کہیا، ’’میہنوں شریعت دی گہرائی نون سمجھن دی لوڑ اے۔‘‘ تے ایہہ اے جیویں میں اُوہناں نوں جواب دِتا،

غور کرو کہ تُسی اِک وری وی مسیح دے ناں دا ناں نہئیں لیہیا! تُسی میہنوں سزایابی تے شریعت دے بارے چہ اِک طویل ای۔ میل یسوع دے ناں دا گزکرہ اِک وری وی نہئیں کیتا، سولی تے اُوہدا کام، یا اُوہدے گناہ نوں پاک صاف کرن دین آلے لہو دا تزکرہ اِک وری وی کیتے بغیر لکھی! ایہہ دورِ حاضرہ تے زیادہ تر کیلوِن اِزم دی چال اے۔ غور کرو کہ تُسی پال واشر تے جان میک آرتھر نوں تے گھنٹیاں پڑھ سکدے اُو تے شریعت دے بارے چہ سوچن دا نتیجہ اخذ کر سکدے اُو بجائے ایس دے کہ یسوع مسیح دے بارے چہ سوچو! واشر، میک آرتھر، تے رے کمفوٹ وگرے لوکاں دے بارے چہ میری ایہ ای شکایت اے۔ اُو انجیل دے مقابلے چہ شریعت دے بہترین مبلغین نے! میرا واعظ پڑھنے دے لئی ایتھے کلک کرو (Click here to read my sermon, “An Even More Shocking Youth Message! – My Answer to Paul Washer!”)۔

فیر میں اپنے واعظاں وِچوں دو واعظ پیہجے: ’’یسوع مسیح بخود Jesus Christ Himself‘‘ تے ’’مسیح دے بارے چہ تہاڈا کی خیال اے؟ What Think Ye of Christ?‘‘ ایہہ اے جیس دی اُوہناں نوں لوڑ اے – یسوع مسیح بخود! تے ایہہ ای اے جیس دی تہانوں لوڑ اے – یسوع مسیح بخود!

’’جے کوئی فخر کرنا چاہئے تے خداوند تے فخر کرے‘‘ (I کرنتھیوں1: 31).

کسی بشر دا موازنہ اُوہدے نال نہئیں کیتا جا سکدا،
     لوکاں دے بیٹیاں دے وِچکار؛
سارے مخلص لوکاں وِچ اُو مخلص ترین اے،
     جیہڑا آسمانی کارواں نوں بھردا اے،
جیہڑا آسمانی کارواں نوں بھردا اے۔

اُوہنے میہنوں شدید پریشانی چہ جکڑے ہوئے ویکھیا،
     تے میرے سکون دے لئی دوڑا چلا آیا؛
میرے لئی اُوہنے بے عزت سولی نوں برداشت کیتا،
     تے میرے سارے غماں نوں چُک لیہیا،
تے میرے سارے غماں نوں چُک لیہیا۔

اُوس ویلے توں اُوہدی سخاوت وِچوں میں پا رہیا آں
     الہٰی محبت دے ایہو جئے ثبوت،
میرے کول پیش کرن دے لئی جے ہزارہا دِل ہوندے،
     خداوندا، تے اُو سارے دے سارے تیرے ای ہوندے،
خداوندا، تے اُو سارے دے سارے تیرے ای ہوندے۔

یسوع دے کول آنا ایس قدر سادہ اے۔ قدیم روم چہ اُو نوجوان مُنڈا اُوہدے کول آیا سی – تے تُسی وی آ سکدے اُو!

الیگژامیناس اپنے خدا دی پرستش کردا اے! اُوہدے خدا نوں سولی تے کیلاں نوں جڑا گیا، الیگژامیناس دے گناہ دے کفارے دے ادائیگی دے لئی دُکھ چُک لیہئے۔

رابرٹ ہائیمرز اپنے خدا دی پرستش کردا اے! اُوہدا خدا ناصرت دا یسوع اے۔ اُوس دا خدا آسمان توں ہیٹاں تہاڈے تے الیگژامیناس دے گناہ دی ادائیگی دے لئی سولی تے مرن دے لئی آیا۔ اُوہدا خدا یسوع اے، جیہڑا جسمانی طور تے مُردیاں وِچوں جی اُٹھیا تے ہُن آسمان وِچ اے – باپ دے داہنے ہتھ تے۔

الیگژامیناس اپنے خدا دی پرستش کردا اے۔ دُنیا کہندی اے کہ اُوہدے خدا دا سر اِک کھوتے دا سر اے! دُنیا الیگژامیناس دا یسوع دی پرستش کرن تے تمسخر اُڑاندی اے تے ٹھٹھے ماردی اے۔ مگر اُو دوجی دیوار تے لکھدا اے، ’’الیگژامیناس وفادار اے۔‘‘ اُو کیوں وفادار اے؟ کیوں جے اُوہدے خدا، یسوع نے کہیا، ’’میرے وسیلہ دے بغیر کوئی باپ دے کول نہئیں آندا‘‘ (یوحنا14: 6)۔

الیگژامیناس اپنے خدا دی پرستش کردا اے۔ اُو ساری دی ساری رومی دُنیا ٹوٹ جاندی تے زوال پذیر ہو جاندی اے۔ تے سارے دے سارے بُت ناکام ہو جاندے نے۔ تے ساری دی ساری عظمت پگھل جاندی اے۔ تے مسیح کلوزیم Colosseum تے پارتھینون Parthenon دے کھنڈراں توں بالا اُٹھدا اے۔

’’جے کوئی فخر کرنا چاہئے تے خداوند تے فخر کرے‘‘ (I کرنتھیوں1: 31).

الیگژامیناس اپنے خدا دی پرستش کردا اے۔ تے بائبل دی پیشن گوئی وِچ لہراں گرجدیاں تے زمین کپکپاندی اے، چاند دا رنگ خونی ہو جاندا اے تے عمارتاں تے چٹاناں تے پہاڑ ٹکڑے ٹکڑے ہوندے تے ڈِگ جاندے نے۔ زمین دی بادشاہی پگھل جاندی اے۔ تے لوکی خوف دے مارے چٹاناں دے سوراخاں وِچ چُھپدے پھردے نے۔ تے اُو سارے دے سارے غلط سن۔ تے اُو مُنڈا سچا سی۔ ’’الیگژامیناس وفادار اے۔‘‘ کی تُسی اُوہدے خدا تے پروہسا کرو گے؟ کی تُسی یسوع تے پروہسا کرو گے، تے اُوہدے قیمتی لہو دے وسیلے توں اپنے سارے گناہ توں پاک صاف کیتے جاؤ گے؟ میں دعا منگنا آں کہ تُسی کیتے جاؤ۔ اُوہدے ای ناں وِچ، آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔