نجات دین آلے ایمان تے جھوٹے ایمان دا موازنہ | Saving Faith and False Faith Contrasted

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایس واعظ وچ موجود نقاط ’’ایمان دی راہThe Way of Faith ‘‘ توں لیے گئے نے، جیہنوں ٹینیسی دے شہر میمفس وچ مغربی ووڈز بپتسمہ دین آلے گرجا گھر South Woods Baptist Church in Memphis, Tennessee دے سینیئر پادری ڈاکٹر فِل اے۔ نیوٹن Dr. Phil A. Newton نے لکھیا سی۔ اُو نقاط اُوہناں دی کتاب ’’ایمان دی راہ‘‘ دے اِک باب وچ پیش کیتے گئے نے (فاؤنڈرز پریس Founders Press، کیپ کورل Cape Coral، فلوریڈا، 2002، صفحات21۔25)۔

ڈاکٹر نیوٹن نشاندہی کردے نے کہ جیہڑا اُو کہندے نے ’’ایمان‘‘ چار قسماں دا ہوندا اے۔ ڈاکٹر نیوٹن وضاحت کردے نے کہ ایمان دی چار قِسماں وچوں تِن نجات ول رہنمائی نئیں کردیاں۔ پہلی تِن جہنم ول لے جاندیاں نے۔ نجات دین آلے ایمان نوں اکثر و بیشتر غلط سمجھ لہیا جاندا اے تے ایس ای لئی یسوع مسیح وچ اِک حقیقی تبدیلی ول رہنمائی نئیں ہو پاندی۔

I۔ پہلی قسم دا جھوٹا ایمان اُو اے جیہنوں ڈاکٹر نیوٹن ’’تاریخی ایمان‘‘ کہندے نے۔ ایہدے توں مُراد اُو شخص اے جیہڑا بائبل دے تاریخی حقائق وچ یقین کردا اے، تے ایہدے علاوہ کُج وی نئیں۔

اُو جیہڑا مسیح وچ ایمان دے بارے وچ بائبل جو کہندی اے اُوہدے تے ایمان رکھن توں مذید ہور اَگے نئیں ودھدا اُو حقیقی ایمان تے حقیقی تبدیلی وچ پِچھے رہ جاندا اے۔ اُو بندہ جیہڑا محض بائبل وچ یقین رکھدا اے کہ ایہدے وچ تاریخی ایمان کہلان آلے ایمان دی قسم ہوندی اے؛ بائبل وچ ایہدی اِک اعتقاد وچ جڑاں نے، مگر ایہہ ایہدے توں مزید ہور اَگے نئیں ودھدا اے۔ تاریخی ایمان دی کمزوری ایہہ اے کہ ایہہ تہانوں نجات نئیں دلا سکدا۔ برگشتہ بدروحاں دے کول وی ایس قسم دا ایمان سی – مگر اُو نجات نئیں پا سکیاں نے۔ بائبل کہندی اے،

’’تُو ایمان رکھدا اے کہ خدا اِک اے۔ چنگا کردا اے۔ ایہہ تے شیاطین [آسیب] وی مانندے نے تے تھرتھراندے نے‘‘ (یعقوب 2:19).

ایس لئی، اِک بندہ جیہدا ایمان جو بائبل کہندی اے صرف اُوسی تے قائم اے اُوہدے کول اُو ہوندا اے جیہنوں ڈاکٹر نیوٹن ’’تاریخی ایمان‘‘ کہندے نے، اُو ایمان جیہڑا صرف بائبل دی تاریخی دستاویزات تے مشتمل ہوندا اے۔ اُو شاید ایس قسم دیاں گلاں کہندے نے ’’خُدا نے ایہہ کہیا، میں ایہدے تے یقین کیتا، گل ایتھے ای ختم ہو جاندی اے۔‘‘ مگر اُو غلطی تے نے کیوں جے بائبل وچ موجود وعدیاں تے رسمی اعلانات تے یقین رکھنا کسی نوں نجات نئیں دلاندا! یسوع نے فریسیاں دی ملامت کیتی سی کیوں جے، حالانکہ اُوہناں دا بائبل وچ ایمان سی، ’’تاریخی ایمان،‘‘ اُوہناں دا مسیح بخود وچ کوئی نجات دلان آلا ایمان نئیں سی۔ مسیح نے فریسیاں دی سخت تنقید دے نال ملامت کیتی سی جدوں اُوہنے کہیا،

’’تُسی پاک کلام دا بڑا گہرا مطالعہ کردے اُو کیوں جے تُسی سمجھدے اُو کہ اُوہدے وچ تہانوں ہمیشہ دی حیاتی ملے گی۔ ایہی پاک کلام میرے حق وچ گواہی دیندا اے۔ تے فیر وی تُسی حیاتی پان لئی میرے کول آن توں اِنکار کردے اُو‘‘ (یوحنا 5:39:40).

فریسی بائبل تے یقین رکھدے سی، لیکن ایہہ اُوسی حد تیکر سی جیہنا اُوہدے وچ سی۔ اُو بائبل وچ اِک ’’تاریخی ایمان‘‘ دے نال چپکے ہوئے سن، مگر اُوہناں نے ایہدے توں اَگے ودھن توں انکار کر دِتا سی، خُداوند یسوع مسیح بخود وچ ذاتی ایمان رکھن توں انکار کر دِتا سی۔ ساڈے گرجا گھراں وچ ایس قسم دے لوکی کدی وی بائبل وچ ایمان توں اَگے مسیح وچ نجات دین آلے ایمان لئی نئیں ودھدے۔ اُو تلاوتاں نال ثبوت پیش کرن دی کوشش کر کے ظاہر کردے نے کہ بائبل وچ اعتقاد، یا ’’نجات دے منصوبے‘‘ وچ اعتقاد، مسیح بخود وچ زندہ ایمان لئی اِک متبادل اے۔ انجیلی بشارت دا پرچار کرن آلے ہزاروں مبشر کدی وی بائبل وچ اپنے ایمان توں پرے مسیح بخود دی آگاہی لئی نئیں جاندے۔ ڈاکٹر مارٹن لائیڈ جونزDr. Martyn Lloyd-Jones اِیس غلطی نوں ’’سینڈیمینیئن اِزم Sandemanianism‘‘ کہندے نے۔ اُوہناں دا ایہدے تے اِک مکمل باب دی پیوریٹنز: اُوہناں دی ابتدا تے جانشین The Puritans: Their Origins and Successors وچ موجود اے (بینر آف ٹرٹھ Banner of Truth، 1996، صفحات170۔190)۔ ڈاکٹر لائیڈ جونز اِیہنوں ’’اَج دا سب توں وڈا مسٔلہ‘‘ کہندے نے (صفحہ 190)۔ ایویں لوکی ’’جارحیت دی چٹان‘‘ تے لڑکھڑاندے رہندے نے تے کدی وی حقیقی تبدیلی دا تجربہ نئیں کر پاندے۔ مسیح دے بارے وچ گلاں جاننا مسیح بخود نوں جانن دا متبادل نئیں ہوندا اے! ایہہ مسیح بخود دی کسی آگاہی دے بغیر بائبل دے لفظ تے تاریخ وچ محض ایمان ہوندا اے۔ ایہدے برعکس، بائبل کہندی اے،

’’ہمیشہ دی حیاتی ایہہ اے کہ اُو تجھ واحد تے سچے خدا نوں جانن تے یسوع مسیح نوں وی جانن جیہنوں تُو بھیجیا اے‘‘ (یوحنا 17:3).

ہمیشہ دی حیاتی تے مکمل نجات صرف یسوع مسیح دے نال اِک ذاتی تجربے دے ذریعے نال ای ملدی اے تے ایہدے علاوہ کوئی ہور دوجی راہ نئیں اے۔ تُسی بائبل نوں پڑھن تے ایہدا مطالعہ کرن تے ایہدے تے یقین رکھن توں نجات نئیں پا سکدے اُو۔ بائبل دا مقصد تہانوں ایہدے لفظاں وچ محض اعتقاد رکھن توں اَگے ودھانا ہوندا اے۔ بائبل دا اصل مقصد تہانوں بائبل دے مصنف مسیح بخود دے نال روبرو سامنا کرانا اے۔ تُسی بائبل دے بارے وچ بوہتا کُج جان سکدے اُو تے مسیح بخود نوں نئیں جان پاندے۔ ایہہ فریسیاں دی غلطی سی تے ایہی غلطی اے جیہڑی اَج انجیلی بشارت دا پرچار کرن آلے بے شمار ہزاروں مبشرانِ انجیل سرزد کردے نے۔ ’’تاریخی ایمان،‘‘ کلیاں بائبل وچ ایمان نے کدی وی کسی نوں نجات نئیں دلائی۔ مسیح بخود ای نجات دہندہ اے ناکہ کلام پاک دے لفظ۔ پولوس رسول نے ایہنوں انتہائی واضح کر دِتا سی جدوں اُوہنے کہیا،

’’تُو اُوہناں مُقدّس کتاباں توں واقف اے جیہڑی تیہنوں مسیح یسوع تے ایمان لہیا کے نجات حاصل کرن دا عرفان بخشدیاں نے‘‘ (2۔ تیموتاؤس 3:15).

بائبل دا مطالعہ کرن دا مقصد محض خود ایس ای وچ ختم نئیں ہو جاندا۔ بائبل دا مقصد تہانوں اُوس ’’ایمان جیہڑا مسیح یسوع وچ اے‘‘ اُوہدے ول نشاندہی کرنا ہوندا اے۔ اُو ای نجات دہندہ اے۔ بائبل تہانوں نجات لئی اُوہدے ول اشارہ کردی اے۔ اُو جیہڑا محض بائبل ای وچ ایمان رکھن تیکر برقرار رہندا اے اِک ہلاک ہون آلی جان اے۔ اخیرلے فیصلہ دے ویلے ایس قسم دے لوکاں نوں پتا چلے گا کہ اُوہناں دا ’’تاریخی ایمان‘‘ بے قدروقیمت اے جدوں مسیح اُوہناں نوں کہے گا کہ اُو،

’’مسیح وچ – سِکھن دی کوشش تے کردے نے لیکن کدی اِیس قابل نئیں ہوندے کہ حقیقت نوں پہچان سکن ‘‘ (2۔ تیموتاؤس 3:7).

’’چنانچہ ایہہ لوکی ہمیشہ دی سزا پان گے‘‘ (متی 25:46).

تہاڈے وچوں ہر کوئی اُوہناں لوکاں نوں ملے گا جیہڑے کہندے نے کہ اُو بائبل وچ یقین رکھدے نے۔ مگر کی اُو اُوہناں نوں بچان لئی یسوع دے بارے وچ کوئی گل کہہ سکدے نے؟ کی اُو کہہ سکدے نے کہ مسیح لئی اُوہناں دا پیار اُوہناں نوں ہر اِتوار نوں گرجا گھر وچ بِلاناغہ موجود ہون لئی مجبور کردا اے؟ کی اُو کہہ سکدے نے کہ اُوہناں دی اِک حقیقی دعائیہ حیاتی اے؟ کی اُو ایمانداری نال کہہ سکدے نے کہ مسیح نوں اپنے دِل و جان دے نال پیار کردے نے؟ لکھوں بپتسمہ دین آلے تے نئے مبشرانِ انجیل نے جیہڑے نئیں کہہ سکدے۔ اُوہناں دے کول صرف ’’سینڈیمینیئن اِزم Sandemanianism‘‘ – مسیح نئیں ہوندا! لہٰذا، جھوٹے ایمان دی پہلی قسم صرف بائبل وچ یقین ہوندا اے، بائبل وچ نجات دے منصوبے تے یقین ہوندا اے۔ کُج لوکی اینج دے وی ہوندے نے جیہڑے سوچدے نے کہ اُو واقعی وچ چنگے مسیحی نے کیوں جے اُو کنگ جیمس بائبل وچ یقین رکھدے نے۔ مگر اُو حیران رہ جان گے جدوں اُو خود نوں جہنم دے دائمی شعلیاں وچ پان گے! اینج دا ایمان کسی نوں وی نئیں بچائے گا۔ بائبل کہندی اے کہ تہانوں مسیح بخود وچ ضرور ایمان رکھنا چائیدا اے!

’’خداوند یسوع مسیح تے ایمان لہیا تے تُو نجات پائے گا‘‘ (اعمال 16:31).

II۔ دوجی قسم دا جھوٹا ایمان اُو اے جیہنوں ڈاکٹر نیوٹن ’’معجزاتی ایمان‘‘ کہندے نے۔

ایہہ اُوہناں دی وضاحت کردا اے جنہاں نے معجزات کیتے ہون گے، یا جنہاں دی دعاؤاں دا جواب ملیا ہووے گا، تے ایس ای وجہ نال اُو یقین کردے نے کہ اُو نجات یافتہ نے۔ یسوع متی 7:21۔23 وچ ایس جھوٹے ایمان دے خلاف خبردار کردا اے، جدوں اُوہنے کہیا،

’’مینوں، اَے خداوند، اَے خداوند کہن آلا ہر بندہ آسمان دی بادشاہی وچ داخل نہ ہووے گا؛ مگر اُو جیہڑا میرے آسمانی پیو دی مرضی دے مطابق عمل کردا اے ضرور داخل ہووے گا اُوس دِن کئی مینوں کہن گے، اَے خداوند! اَے خداوند! کی اسی تیرے ناں نال نبوت نئیں کیتی؟ تیرے ناں نال بدروحاں نوں نئیں کڈیا تے تیرے ناں نال بہتیرے معجزے نئیں وکھائے؟ اُوس ویلے میں اُوہناں نوں صاف صاف کہہ دیاں گا کہ میں تہاڈے توں کدی واقف نئیں ساں۔ اے بدکارو! میرے سامنوں دُور ہو جاؤ‘‘ (متی 7:21۔23).

یہوداہ اسخریوطی نے یسوع مسیح دی تِن وریاں تیکر پیروی کیتی سی تے ایتھوں تیکر کہ اُع معجزانہ اعمال وچ وی شامل رہیا سی۔ ایہدے باوجود اُو جہنم وچ فنا ہو گیا! فرعون دے جادوگراں نے اِک مدت لئی موسیٰ دے معجزات دی نقل کیتی، ایہدے باوجود کوئی کسی طور تے وی ایماندار نئیں سی! یسوع نے ایس قسم دے جھوٹے ایمان دے خلاف متی 7:21۔23 وچ خبردار کیتا (ibid.)۔

پولوس رسول اِیہناں لوکاں دا موازنہ موسیٰ دے زمانے وچ فرعون دے دربار وچ جادوگراں دے نال کردا اے۔

جیویں ینیس تے یمبریس نے موسیٰ دی مخالفت کیتی سی اُوویں ای ایہہ لوکی وی حق دی مخالفت کردے نے: اُوہناں دی عقل وگڑی ہوئی اے تے ایہہ ایمان دے اعتبار نال نامقبول نے‘‘ (2۔تیموتاؤس 3:8)۔

ڈاکٹر جے۔ ورنن میگی Dr. J. Vernon McGee نے اُوس آیت تے ایہہ رائے پیش کیتی،

خروج وچ [ینیس تے یمبریس دا] واقعہ ظاہر کردا اے کہ شیطان دے کول قوت اے، فوق الفطرت قوت، تے ایہہ وی کہ اُو اِک بوہتا وڈا نقال اے – اُو اُوہناں گلاں دی نقل کردا اے جیہڑی خُدا کردا اے۔ ینیس تے یمبریس شیطان دی قوت دے ذریعے نال معجزات کرن دے قابل سن۔ موسیٰ نے اُو خُدا دی قوت نال کیتے سن۔ میرا یقین اے، کہ ایہہ اے اُو وجہ کہ اُوہناں لئی ایتھے ایہہ حوالہ دِتا گیا۔ سانوں اپنے زمانے وچ سمجھن دی لوڑ اے کہ شیطان خُدا دی قوت دی نقالی کر سکدا اے … ساڈے زمانے وچ میں خوفزدہ آں کہ بے شمار تھاواں تے قوت دے مظاہرے نوں غلط سمجھیا جاندا اے کہ ایہہ خُدا وَلّوں ہو رہیا اے جدوں کہ ایہہ حقیقت وچ شیطان وَلّوں ہوندا اے (جے۔ ورنن میگی، ٹی ایچ۔ ڈی۔ J. Vernon McGee, Th.D.، بائبل وچوں Thru the Bible، تھامس نیلسن پبلیشرز Thomas Nelson Publishers، 1983، جلد پنجم، صفحہ 471؛ 2۔ تیموتاؤس3:5 تے غور طلب گل)۔

ایویں، جھوٹا ایمان جیہڑا علامات، معجزات تے دعاؤاں دے جوابات تے قائم اے نجات دلان آلا ایمان نئیں اے۔ نجات صرف مسیح بخود تے پرہوسا کرن نال ملدی اے۔ بائبل کہندی اے،

’’خداوند یسوع مسیح تے ایمان لہیا تے تُو نجات پائے گا‘‘ (اعمال 16:31).

III۔ تیجی قسم دا جھوٹا ایمان اُو اے جیہنوں ڈاکٹر نیوٹن ’’عارضی ایمان‘‘ کہندے نے۔

’’جیہڑا بیج پتھریلی زمین تے ڈِگیا، اُوس بندے وانگوں اے جیہڑا کلام نوں سُنندے ای خوشی نال اُوہنوں قبول کر لیندا اے۔ لیکن اُو اُوہدے وچ جڑ نئیں پھڑ پاندا تے دیرپا ثابت نئیں ہوندا، کیوں جے جدوں کلام دے سبب نال ظلم یا مصیبت آندی اے تے اُو فوراً ڈِگ پیندا اے‘‘ (متی13:20۔21)۔

’’چٹان تے ڈِگن آلے اُو نے، جیہڑے کلام نوں سُن کے اُوہنوں خوشی نال قبول کردے نے لیکن کلام اُوہناں وچ جڑ نئیں پھڑدا۔ اُو کُج عرصہ تیکر تے اپنے ایمان تے قائم رہندے نے لیکن آزمائش دے ویلے پسپا ہو جاندے نے‘‘ (لوقا8:13)۔

’’پسپا ہو جان ‘‘ تے ڈاکٹر رائنیکر Dr. Rienecker ایہہ رائے پیش کردے نے – مقامی نئے عہد نامے دے گرجا گھر تے اُوس سچی خوشخبری توں جیہدی اُو منادی کردا اے ’’دور ٹُر جانا، پِچھے ہٹنا‘‘ (فریٹز رائنیکر، پی ایچ۔ ڈی۔ Fritz Rienecker, Ph.D.، یونانی نئے عہدنامے لئی زباندانی دی کُلید Linguistic Key to the Greek New Testament، ژونڈروان پبلیشنگ ہاؤس Zondervan Publishing House، 1980 ایڈیشن، صفحہ 161؛ لوقا8:13 تے غور طلب گل)۔ ڈاکٹر نیوٹن نے کہیا،

ایتھے عارضی ایمان اے جیہڑا کُج عرصہ تیکر برقرار رہندا اے تے فیر مرجھا جاندا اے کیوں جے ایہدی کوئی جڑاں نئیں ہوندیاں… کُج لوکاں دے کول مذہبی تجربہ ہوندا اے یا مسیحی حیاتی دے بارے وچ بوہتی زیادہ بے قراری، ممکنہ طور تے ایتھوں تیکر کہ ایمان دا عوامی پیشہ بنا ڈالدے نے۔ لیکن جے [مسیح بخود] اُوہدی حیاتی وچ مضبوط جڑاں نئیں رکھدا… ایس قسم دا بندہ چھیتی ای اُکتا جاندا اے جدوں اُوہدا سامنا مسیحی حیاتی دے تقاضیاں نال ہوندا اے۔ ایس قسم دا ایمان نجات نئیں دلا سکدا (ibid.)۔

عارضی ’’ایمان‘‘ دی مسیح وچ جڑاں نئیں ہوندیاں۔ مسیح مرکز وچ نئیں ہوندا اے۔ عارضی ’’ایمان‘‘ اِک جذباتی احساس تے مشتمل ہوندا اے یا گرجا گھر وچ اِک دوستی تے، یا کسی دوجی جسمانی یا جذباتی وجہ نال۔ مسیح مرکز وچ نئیں ہوندا، ایس لئی ایہہ نجات دین آلا ایمان نئیں ہوندا۔ ایہہ صرف عارضی ’’ایمان‘‘ ہوندا اے۔

’’خداوند یسوع مسیح تے ایمان لہیا تے تُو نجات پائے گا‘‘ (اعمال 16:31).

ایہہ سارے دے سارے جھوٹے ’’ایمان‘‘ نے۔ جھوٹا ’’ایمان‘‘ تہانوں نجات نئیں دے پاوے گا۔ اُو ’’ایمان‘‘ جیہڑا صرف بائبل دی آیات تے مشتمل ہووے تے مسیح مرکز وچ نہ ہووے تہانوں نئیں نجات دے پاوے گا۔ اُو ’’ایمان‘‘ جیہڑا اِک معجزے تے، یا اِک دعا دے جواب تے مشتمل ہووے تہانوں نجات نئیں دے پاوے گا۔ اُو ’’ایمان‘‘ جیہڑا صرف عارضی ہووے تہانوں نجات نئیں دے پاوے گا۔ لیکن چوتھی قسم دا ایمان سچا، نجات دین آلا ایمان ہوندا اے۔

IV۔ چوتھی قسم دے ایمان نوں ڈاکٹر نیوٹن ’’نجات دین آلے ایمان دا – انصاف کرنا‘‘ کہندے نے۔

اُوہناں نے کہیا کہ نجات دین آلے ایمان دا انصاف کرنا مسیح بخود وچ پرہوسا کرنا ہوندا اے! صرف فضل ای تہاڈی مسیح بخود تیکر رہنمائی کر سکدا اے۔ تے صرف مسیح بخود ای تہانوں بچا سکدا اے!

’’کیوں جے تہانوں ایمان دے وسیلہ نال فضل ای توں نجات ملی اے تے ایہہ تہاڈی کوششاں دا نتیجہ نئیں بلکہ خُدا دی بخشش اے: تے نہ ای ایہہ تہاڈے اعمال دا پھل اے کہ کوئی فخر کر سکے‘‘ (افسیوں2:8۔9)۔

نجات دلان آلا ایمان محض یسوع مسیح دے تاریخی حقائق نوں تسلیم کر لینا ای نئیں ہوندا۔ بے شمار لوکی ایہنوں تسلیم کر لین گے ایہدے باوجود برگشتہ ای رہندے نے… نجات دین آلا ایمان محض ایہہ تسلیم کر لینا ای نئیں ہوندا کہ یسوع ای نجات دہندہ اے یا یسوع نجات دلا سکدا اے۔ نا ای نجات دین آلا ایمان محض ایمان وچ ایمان رکھنا ہوندا اے نا ای فیصلے وچ ایمان رکھنا ہوندا اے نا ای دعا وچ ایمان رکھنا ہوندا اے نا ای پیشے [فیصلے] وچ ایمان رکھنا ہوندا اے نا ای [اُوس] نجات دے منصوبے وچ ایمان رکھنا ہوندا اے… سچا ایمان ہوندا اے… جدوں گنہگار عاجزی دے نال کلیاں یسوع مسیح تے پرہوسا رکھدا اے… ایمان دا انصاف کرن وچ یسوع مسیح تے مکمل انحصار کرنا شامل ہوندا اے… ایہہ اے جیہدا مطلب ایمان یا یقین کرنا ہوندا اے، [یسوع مسیح وچ] مکمل انحصار کرنا یا پرہوسا کرنا ہوندا اے۔ جدوں فلپی نگران نے پولوس تے سلاس نوں پُچھیا سی کہ اُو کی کرے کہ نجات پائے تے اُوہناں نے جواب دِتا سی [’’خُداوند یسوع مسیح تے ایمان لہیا تے تُو نجات پائے گا،‘‘ اعمال16:31]… جدوں اِک بندہ یسوع مسیح دے کول ایمان دے وسیلے نال آندا اے تے اُو … مسیح نوں اِک مختلف انداز نال جانندا اے… ہُن اُو یسوع مسیح دے نال اِک جیتے جاگدے متحرک تعلق وچ داخل ہو جاندا اے۔ یسوع اُوہنوں گناہ دی قوت توں مخلصی دلا چُکیا ہوندا اے، ایس لئی یسوع ہُن اُوہنوں آزادی دلان آلا ہوندا اے۔ یسوع نے اُوہدی حیاتی دے نال اپنے لہو تے اپنی راستبازی نوں لاگو کیتا ہوندا اے تے اُوہنوں خُدا دی حضوری وچ راستباز قرار دِتا ہوندا اے، ایس لئی یسوع ہُن اُوہدا حمایت کرن آلا یا وکیل ہوندا اے۔ یسوع اُوہنوں آن آلے قہر توں بچا چُکیا ہوندا اے، ایس لئی یسوع ہُن اُوہدا نجات دہندہ ہوندا اے۔ یسوع نے اُوہدی حیاتی تے اپنی نذراتی موت دے وسیلے نال تے مُردیاں وچوں جی اُٹھن دی عظیم قوت دے وسیلے نال دعویٰ قائم کیتا ہوندا اے، ایس لئی یسوع ای ہُن اُوہدا خداوند اے (ibid.)۔

’’خداوند یسوع مسیح تے ایمان لہیا تے تُو نجات پائے گا‘‘ (اعمال 16:31).

میرے ایس واعظ دی منادی کرن توں پہلاں مسٹر گریفتھ Mr. Griffith نے ’’میں آ رہیا واں خُداوند I Am Coming Lord‘‘ گایا سی۔ خُدا کرے اُوس حمد و ثنا دے گیت دے لفظ تہاڈی حیاتی وچ حقیقت بن جان:

میں تیری خوش آمدیدی اواج نوں سُننا واں،
   جیہڑی مینوں خُداوندا تیرے ول سددی اے
کیوں جے تیرے قیمتی لہو وچ پاک صاف ہون لئی
   جیہڑا کلوری تے وگیا سی۔
خُداوندا! میں آ رہیا واں!
   میں ہُنے ای تیرے کول آ رہیا واں!
مینوں دھو ڈال، مینوں لہو وچ پاک صاف کر ڈال
   جیہڑا کلوری تے وگیا سی۔
   (’’اے خُداوند میں آ رہیا واں I Am Coming, Lord، شاعر لوئیس ہارٹسو Lewis Hartsough ، 1828۔1919)۔

اُو بندہ جیہدے کول حقیقی نجات دین آلا ایمان ہوندا اے گرجا گھر دی عبادتاں وچ آسانی نال غیر حاضر نئیں ہو پائے گا۔ اُو جیہڑا ایہناں مسیح نوں تعظیم بخشن آلی عبادتاں نوں میانہ روی دے نال چھڈ دیندے اُو عموماً اُو ایمان رکھدے نے جیہنوں ڈاکٹر نیوٹن ’’عارضی ایمان‘‘ کہندے نے، تے ’’آزمائش دے ویلے تے‘‘ جدوں ’’کوئی مشکل آندی‘‘ اے تے اُو اپنے مقامی گرجا گھر توں ’’پسپا ہو جاندے‘‘ نے۔ اسی دعا منگنے آں کہ تُسی اُوہناں لوکاں وچ شامل نہ ہو ہو پاؤ، بلکہ ’’اُوس [مسیح] وچ جڑ پھڑدے تے تعمیر ہوندے جاؤ، تے ایمان وچ مضبوط رہوو‘‘ (کلسیوں2:7)۔ خُداوند تہاڈے لئی ساڈیاں دعاؤاں دا جواب عنایت فرمائے۔ خُدا کرے کہ تُسی جی اُٹھے مسیح وچ پرہوسا رکھو۔ خُدا کرے کہ مسیح ای تہاڈا نجات دہندہ ہووے تے تہاڈی حیاتی دا خُداوند ہووے۔ اُوہدے ای ناں وچ، آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔