یسوع مسیح آپئے | Sermons for the World

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میری بیوی عیلیانہ تے میرے لئی ایہہ ایک عظیم دِن اے۔ ساڈی دوواں دیاں سالگراواں اَج دے دِن منایاں جاندیاں نے۔ اَج دے ہی دِن، 12 اپریل نوں، میری چوہترویں سالگرہ اے۔ اَج دے ہی دِن 1958 وِچّ میری مذہبی خدمت دے لئی میری بُلاہٹ دی ستونجویں سالگرہ وی اے۔ لیکن، سب توں زیادہ، اے ساڈے گرجا گھر دے لئی ایک ودّیا دِن اے۔ ٹھیک چالی وریاں پہلے میں اِیس گرجا گھر نو صرف چھ یا ست نوجوان لوکاں دے نال اپنے اپارٹمنٹ توں شروع کیتا سی، جیہڑا یو۔ سی۔ ایل۔ اے۔ UCLA توں جیہڑی کہ مغربی لاس اینجلز دی ایک بہت وَڈی یونیورسٹی اے، اِیس توں کُج بلاکس دے فاصلے تے، ویسٹ ووڈ تے ویلشائیر دی لنگن آلی تھاں دے کونے تے موجود اے۔ ہلے وی دو لوکی اُوتھے موجود نے، مسٹر جان کُک Mr. John Cook تے میں آپی۔ خُدا دے فضل نال، میں تے جان اِج دی سویر ایتھے نے – چالی وریاں بعد وی۔ خُداوند یسوع مسیح دی ستائش ہووے!

اے گرجا گھر چالی وریاں دی آزمائشاں توں لنگ کے ایتھے تیکر پہنچیا اے۔ جیویں اسرائیل دے بچّیَاں نے ویرانے چہہ چالی ورے گزارے سَن، اویں ای ایہہ گرجا گھر وی ڈھادی دشواریاں، مصیبتاں تے ٹیھر ساریاں بدبختیاں توں لنگ چکیا اے۔ میں اَیس دے بارے وِچ اَج دی راتی ہور وی کُج دساں گا۔ مگر اَسی ایتھئے آں، لاس اینجلز دے مرکز وِچ اِک سوِک سنٹر وچ اِک ودّیا گرجا گھر جیہڑا انجیل دی منادی کردا اے۔ تے اَسی جاننے آں، کہ ساڈی تمام تر دشواریاں دے وِچے، خُداوند ساڈے نال رہیا اے تے گرجا گھر دی چالہویں سالگرہ تے، اَج دا دِن مناون لئی اِک ڈھاڈی فتح بخشی اے! خداوند یسوع مسیح دی ستائش ہووے!

پچھلی راتی پادری راجر ہوفمین نے ساڈی دعائیہ عبادت وِچ گَل کیتی۔ اُو اَج دی رات وہ فیر ساڈی سالگرہ دے پنڈال چ گَل کرن گے۔ مگر پادری ہوفمین نے انکار کر دِتا جدوں میں اُنہاں نو اَج دی سویر منادی کرن لئی پوچھیا۔ اُنہاں نے آکھیا، ’’ڈاکٹر ہائیمرز، اِتوار دی سویر میں تہانوں تبلیغ کردیاں سُناں چاہناں واں۔‘‘ تد، مینوں کیہہ کہنا چائی دا اے اَیس بارے چّ دعا کردیاں ہویاں، میری رہنمائی اِک واعظ نوں دہراوں لئی ہوئی جیہنوں میں 2010 دے اگست دے مہینے وِچّ ایک دوجے بپتسمہ دیہن آلے گرجا گھر وَچّ پیش کیتا سی۔ مہربانی نال میرے نال افسیوں دی کتاب دا دوجا باب کھولیں۔ ایہہ سیکوفیلڈ بائبل دے ورقے 1251 تے اے۔ جِدوں میں افسیوں2:19، تے 20 آیت پڑھاں تے مہربانی نال کھلو جائیو۔

’’پس ہُون تُسی پردیسی تے اوپرے نئیں رئے بلکہ خُدا دے پاک لوکاں دے ہم وطن تے خُدا دے گھرانے دے رُکن بن گئے۔ تُسی گویا اِک عمارت ہو جیہڑی رسولاں تے نبیاں دی بنیاداں تے تعمیر کیتی گئی اے تے یسوع مسیح آپی اُس بنیاد دا سب توں اہم پتھر اے‘‘ (افسیوں2:19، 20)۔

ایتھے اِناں آیتاں چ پولوس رسول سانوں دَسدا اے کہ کلیسیا خُداوند دا گھرانہ اے۔ فیر او سانوں دسدا اے کہ کلیسیا نبیاں تے رسولاں دی بنیاداں تے تعمیر ہوئی اے مگر یسوع مسیح آپے ای اِیس دا ’’مرکزی کونے دا پتھر‘‘ اے۔ ڈاکٹر جے ورنن میگی Dr. J. Vernon McGee نے آکھیا اِیس دا مطلب ہوندا اے ’’کہ مسیح او چٹان اے جَیس تے کلیسیا تعمیر ہوئی اے‘‘ (بائبل وِچوں Thru the Bible، جلد پنجویں، تھاس نیلسن Thomas Nelson، ورقہ 241؛ افسیوں2:20 تے سوچن آلی گَل)۔ ڈاکٹر اے۔ ٹی۔ رابرٹسن Dr. A. T. Robertson نے آکھیا، ’’اکروگونیااِس akrogōniais … اہم ترین بنیادی پتھر‘‘ (کلام دی تصویراں Word Pictures، براڈمینBroadman، 1931؛ افسیوں2:20 تے سوچن آلی گَل)۔ ساڈے ساریاں اعمال تے ساڈی ساری جِںد دی بنیاد [نیہو] یسوع مسیح آپئے تے اے۔ ساڈی کلیسیا دی انتہائی بنیاد ’’یسوع مسیح آپئے‘‘ اے۔ اَج دی سویر ساڈی تلاوت وِچوں میں افسیوں2:20 توں اُنہاں لفظاں نوں کڈّن دیا آں۔

یسوع مسیح آپئے اَیس واعظ دا موضوع اے۔ مسیحی ایمان دے وِچ اِیس توں زیادہ کوئی ہور شاندار گَل موجود نئیں اے۔ یسوع مسیح ورگا کوئی ہور کدی وی نئیں سی تے کدی ہووے گا وی نئیں۔ اُو انسانی تاریخ دے وِچ سچے طور نال بے مِثل اے۔ یسوع مسیح آپئے خُدائی انسان اے۔ یسوع مسیح آپئے آسمان توں تھلے آیا تے لوکاں دے وِچ رہیا۔ یسوع مسیح نے آپئے مصیبتاں برداشت کیتیاں، لہو وگایا تے ساڈے گنہاواں دے لئی مریا۔ یسوع مسیح آپئے ساڈی راستبازی لئی جسمانی طور تے مُردیاں وِچوں جی پئیا۔ یسوع مسیح آپئے خُدا دے سجّے ہتھ بہین لئی واپس آسمان تے چُکیا گیا تاں ساڈے لئی دعا چّ ثالثی بنے۔ تے یسوع مسیح آپئے زمین تے اِک ہزار وریاں لئی اپنی بادشاہت قائم کرن لئی فیر آئے گا۔ ایہہ ہو ای یسوع مسیح آپئے اے! کھلو جاؤ تے او کورس گاؤ

صرف یسوع نوں، مینوں ویکھن دیؤ،
کسی نوں وی بچاون لئی، او یسوع صرف،
فیر میرا گیت ہمیشہ ای لئی ہووے گا –
یسوع! صرف یسوع!
(’’صرف یسوع نوں، مینوں ویکھن دیؤJesus Only, Let Me See‘‘ شاعر ڈاکٹر اُوسولڈ جے۔ سمتھ Dr. Oswald J. Smith 1889۔1986)۔

یسوع مسیح آپئے دا موضوع اَیس قدر ڈونگا تے اِس قدر وسیع تے اَیس قدر اہم اے کہ اَسی ایہنوں کدی وی مکمل طور تے اِک واعظ دے وچ واضح نئیں کر سکاں گے۔ اِسی یسوع مسیح آپئے توں تعلق رکھدیاں ہویاں صرف چند اِک نکات تے گِل کر سکنے آں۔

I۔ پہلی گَل، یسوع مسیح آپئے نسل انسانی وَلوں حقیر جانیا گیا تے ٹُھکرایا گیا۔

انجیل دےبشارتی نبی اشعیا نے ایہنوں واضح کیتا جدوں اُنہے آکھایا،

لوکاں نے اُنوں حقیر منیا تے ردّ کیتا، اُو اِک دُکھی انسان سی جیہڑا رنج توں آشنا سی۔ تے اُوس بندے وگرا سی جیہنوں ویکھ کے لوکی مُنہ وَٹ دے سن اُو حقیر منیا گیا تے اَسی اُوس دی کُج قدر نا جانی‘‘ (اشعیا53:3)۔

ڈاکٹر ٹورے Dr. Torrey نے آکھیا، ’’یسوع مسیح وِچ ایمان [رکھن] لئی ناکامی کوئی بدقسمتی نئیں اے۔ ایہہ اِک گناہ اے، اِک ڈاھڈا گناہ اے، ایک پیہڑا گناہ اے، ایک لعنتی گناہ اے‘‘ (آر۔ اے۔ ٹورy، ڈی۔ ڈی۔، R. A. Torrey, D. D.، مسیح لئی کیویں کم کریے How to Work for Christ، فیلیمنگ ایچ۔ ریول کمپنی Fleming H. Revell Company، n.d.، ورقہ 431)۔ اشعیا نبی نے مسیح نوں حقیر منن تے ٹھکران دے گناہ دی تاویل پیشی کیتی اے، او اندرونی اخلاقی زوال جیہڑا مرن آلے لوکاں لئی مسیح توں مُنہ لُکان دی وجہ ہوندا اے۔ انسان دے مکمل اخلاقی زوال دا سب توں وڈّا ثبوت ایہہ ہے کہ اُو یسوع مسیح بخود دے بارے چ بہت کٹ سوچدے نے۔ سب توں وڈا ثبوت کہ مرن آلی نوع انسانی اگ دی جھیل وچ دائمی سزا پان دی مستحق اے ایہہ ہے کہ اُو جان بوجھ کے تے عادتاً اُوس توں اپنا مُنہ لُکاندے نے۔

توبہ توں بغیر یا مسیح چ تبدیل نہ ہویاں ہون دی حالت وچ لوکی یسوع مسیح بخود دی تحقیر کردے نے۔ اپنی مکمل اخلاقی زوال دی حالت وچ، اُو یسوع مسیح بخود دی بالکل وی قدر نئیں کردے۔ جدوں تک ٹہاڈا ضمیر تہانوں چنجھوڑدا نئیں، جدوں تک کہ تُسی اپنے گناہ لئی خوف محسوس نئیں کردے تے دائمی سزا توں خوفزدہ نئیں ہوندے، تُسی یسوع مسیح آپئے نوں مسلسل حقیر منندے تے ٹھکرادے رہوو گے۔

اپنے گرجا گھر دے وچ واعظاں توں بعد، اَسی ایہہ تفتیشی کمرے دے وچ ہوندیا ہویا ویکھنے آں۔ اَسی لوکاں نوں بُتہری گلاں دے بارے چ گل کردے ہویاں سُندے آں۔ اُو بائبل دی آئتاں دے بارے چ گل کردے نے۔ اُو گل کردے نے ایس شے یا اُوس شے دی ’’حقیقت‘‘ نوں محسوس کرن دے بارے وچ۔ اُو سانوں دسدے نیں کہ اُوناں نے کی محسوس کیتا تے اُوناں نے کی کی کیتا۔ اُو عموماً ایہہ کہندے ہویاں گل مکاندے نے، ’’فیر میں یسوع دے کول آیا۔‘‘ بس ایہو ای سب کجھ ہوندا اے! اُو یسوع دے بارے چ اک وی ہور لفظ نئیں کہہ سکدے! اُوناں دے کول یسوع مسیح آپئے دے بارے چ کہن لئی کُجھ وی نئیں ہوندا! اوہ کیوین ممکنہ طور تے بچائے جا سکن گے؟

عظیم سپرجیئن نے آکھیا، ’’ایتھے لوکاں دے وچکار مسیح آپئے نوں انجیل وچوں دور رکھن دا ناقص رُجحان اے‘‘ (سی۔ ایچ۔ سپرجیئن C. H. Spurgeon، نِکّے بووے دے پرے توں Around the Wicket Gate، پِلگرم چھاپہ خانے Pilgrim Publications، دوبارہ توں چھپائی 1992، ورقہ 24)۔

نجات دے منصوبے نوں جان لینا تہانوں بچا نئیں سکدا! بائبل دے بارے چ بہوتے توں بہوتا جان لینا تہانوں بچا نئیں سکدا! بہوتے توں بہوتا واعظ سُننا وی تہانوں نئیں بچا سکدا! اپنے گناہواں لئی دُکھ محسوس کرنا وی تہانوں بچا نئیں سکدا! ایہہ یہوداہ نوں وی نئیں بچا سکیا، کی بچایا سی؟ اپنی زندگی نوں وقف کر دینا وی تہانوں بچا نئیں سکدا! تہاڈے اتھرو وہ تہانوں بچا نئیں سکدے، کُجھ وہ تہاڈی مدد نئیں کر سکدا جدوں تک کہ تہاڈی کوئی رہنمائی نئیں کیتی جاندی اُوس یسوع دی تحقیر کرن تے اُونوں مسترد کرن توں روکیا نئیں جاندا – جدوں تک تہاں یسوع توں مُنہ موڑن توں روکن لئی مجبور نئیں کیتا جاندا۔ جدوں تک تُسی یسوع مسیح آپئے دے کول کھیچے چلے نئیں آندے! اُٹھ پاؤ تے ایہنوں دوجی واری گاؤ!

صرف یسوع نوں، مینوں ویکھن دیو،
کسی نوں وی بچاون لئی، اُو یسوع صرف،
فیر میرا گیت ہمیشہ لئی ہووے گا –
یسوع! صرف یسوع!

II۔ دوجی گل، یسوع مسیح آپئے تمام بائبل دا مرکزی موضوع اے۔

کی ساڈے لئی تہانوں اے دسنا نامناسب اے کہ یسوع مسیح آپئے تہاڈے وچاراں دے مرکز چ ہونا چاہئے دا اے؟ جی نئیں، ایہہ نامناسب نئیں اے۔ کیوں، اِیس دے بارے چ سوچو، یسوع مسیح آپئے تمام بائبل دا عظیم موضوع اے – پیدائش توں لے کے مکاشفہ تیکر! مسیح دے مُردیاں توں جی اُٹھن توں بعد اُو عاموس جان آلے راستے تے دو شاگرداں نوں ملیا سی۔ اُوس نے جو اُوناں نوں کہیا سی اُو اَج وی لاگو ہوندا اے

’’فیر اُوس نے اُوناں نوں دسیا: تُسی کِنے نادان ہو تے نبیاں دیاں دسیاں ہوئیاں گلاں نوں قبول کرن چ کِنے سُست اُو۔ کی مسیح لئی ضرورت نئیں سی کہ اُو اِذیتاں نوں برداشت کردا تے فیر اپنے جلال وِچ داخل ہوندا؟ تے اُونے موسیٰ توں لے کے سارے نبیاں دیاں گلاں کیتیاں جیہڑیاں اُوس دے بارے چ پاک کلام دے وِچ درج سن اُوناں نوں سمجھائیاں‘‘ (لوقا24:25۔27)۔

موسیٰ دی پنچ کتاباں وچوں تے باقی دی ساری بائبل وچوں، ’’موسیٰ توں لے کے سارے نبیاں دیاں گلاں جیہڑیاں اُوس دے بارے چ پاک کلام وِچ درج سن،‘‘ مسیح نے اُوناں نوں سمجھا دیتیاں، ایس توں ودھ سوَکھا کی ہو سکدا اے؟ ساری بائبل دا مرکزی موضوع یسوع مسیح آپئے اے! کیوں جے یسوع مسیح آپئے بائبل دا مرکزی موضوع اے، تے کی اے تہاڈے لئی سمجھن دے قابل نئیں اے کہ یسوع مسیح آپئے نوں اپنے ای وچاراں تے اپنی زندگی دا مرکزی موضوع بناؤ؟ میں تہانوں کہنا واں، آج دی سویر یسوع مسیح بخود دے بارے چ گہرائی نال سوچو! اینوں گاؤ!

میں یقین کرنا آں کہ یسوع مسیح آپئے نوں جاننا، اِک حقیقی تبدیلی وچ، جو کدی وہ تہاڈے نال رونما ہو سکدی اے سب توں اہم ترین گل اے۔ جے تُسی سچے طور تے یسوع مسیح آپئے تے بھروسہ کردے او تے تہانوں بہت ای گھٹ مشورے دی لوڑ پیئے گی۔ میں یقین کرنا آں کہ یسوع مسیح دی سچی سمجھ بوجھ ساریاں مسیحیاں دی 90 % مشوریاں دی لوڑ نوں ختم کر دے گی! جِدوں اِک شخص مسیح نوں جاندا اے تے اِک حقیقی تبدیلی وِچ اُو اُوس مسیح نوں پا لئے گا،

’’… جیویں اُونے ساڈے لئی حکمت، راستبازی، پاکیزگی تے مخلصی ٹھہرایا‘‘ (1۔ کرنتھیوں1:30)۔

جے اِسی اپنے گرجا گھروں وچوں ’’فیصلہ سازیتdecisionism‘‘ توں چھٹکار پا لئیے تے اگر اِسی اِیس گل نوں یقینی بنا لئیے کہ لوکی مسیح لئی سچے طور تے تبدیل ہوئے نیں، تے ایہہ اَج گرجا گھراں وِچ ہون آلی مشاورت دی 90 % لوڑ نوں دور کر دی گی! آؤ یسوع مسیح آپئے نوں ای مشیر بنائیے! اینوں گاؤ!

III۔ تیجی گل، یسوع مسیح آپئے انجیل دا روح رواں، مرکزی جُز تے انتہائی دِل اے۔

ایتھے اشعیا نبی نے یسوع مسیح آپئے دی بطور انجیل دا دِل، گل کیتی،

’’اَسی سارے دے سارے بھیڈاں وانگوں راہ بُھل گئے، ساڈے وچوں ہر اِک نے اپنی اپنی راہ چُنی، تے خُداوند نے ساڈی ساریاں دی بدکاری خود تے چُک لئی’’ (اشعیا53:8)۔

’’خُداوند نے ساڈی ساریاں دیاں بدکاری اُوس تے لد دیتی۔‘‘ مسیح دی اُو تبدلیاتی، کفاراتی موت، تہاڈی تھاں تے، خُدا دے قہر نوں تہاڈی جگہ تے برداشت کرنا تے قیمت چکانا – ایہو ای انجیل دا دِل اے! ایہہ یسوع مسیح آپئے اے، جیہڑا گتسمنی دی تاریکی چ تہاڈے گناواں نوں اپنے تے چُک لیندا اے۔ اُوس باغ وچ ایہہ یسوع مسیح آپئے اے، جینہے کہیا،

’’غم دی شدت نال میری جان نکلی جا رئی اے‘‘ (مرقس14:34)۔

’’بوتہی درد تے کرب وِچ مبتلا ہو کے… اُوہدا مُڑکا لہو دے قطریاں وانگوں زمین تے ڈِگن لگا‘‘ (لوقا22:44)۔

ایہہ یسوع مسیح آپئے اے جیہڑا اُوتھے گتسمنی دے باغ وِچ گرفتار ہویا سی۔ ایہہ یسوع مسیح آپئے اے جینوں شریعت دے عالمین دے سامنے کھسیٹیا گیا سی، مُکھ تے مُکّے مارے گئے سی، اُوہدا مخول اُڑایا گیا سی تے اُونوں شرمندہ کیتا گیا سی۔ اُوناں نے یسوع مسیح آپئے دے مُکھڑے تے تھوکیا سی! اُوناں نے یسوع مسیح آپئے دی داڑھی دے وال پُٹے سن۔ ایہہ یسوع مسیح آپئے سی جیہڑا پینطوس پیلاطوس دے اَگے لے جایا گیا سی، لک تے رومی کوڑے دے نال پیٹیا گیا سی، کنڈیاں دا تاج پہنایا گیا سی، لہو اُہدے متھے توں تھلے وگ وگ کے یسوع مسیح آپئے دے پاک مُکھڑے تے ڈِگ ریا سی، اُوہدا مُکھڑا جینوں کُٹ کُٹ کے پہنچانن دے قابل نئیں چھڈیا سی،

’’جیویں ٹہیر سارے لوکی اُونوں ویکھ کے حیرت چ پے گئے، کیوں جے اُوس دی شکل تے مُکھڑا وِگڑ کے بندیاں وگرا نئیں رئیا سی‘‘ (اشعیا52:14)۔

’’تے اُوہدے کوڑے کھان نال اَسّی شفایاب ہوئے‘‘ (اشعیا53:5)۔

ایہہ یسوع مسیح آپئے اے جیہڑا پیلاطوس دی کچہری توں اپنی صلیب نوں موت دی جگہ تیکر کھیچدیاں ہویا لے گیا۔ ایہہ یسوع مسیح آپئے سی جینوں اُوس لعنتی صلیب تے کیلاں نال جڑیا گیا۔ ایہہ یسوع مسیح آپئے سی جنہے نا صرف اپنے ہاتھاں تے پیراں وچوں گزرن آلی کیلاں دی تکلیف نوں برداشت کیتا سی – بلکہ جنہے اُوس انت دی اذیت نوں برداشت کیتا سی جدوں خُدا نے ’’ساڈی ساریاں دی بدکاری اُوہدے اُتے لد دِتی‘‘ (اشعیا53:6)۔ یسوع مسیح آپئے ’’اپنے ای بدن تے ساڈے گناواں دا بوجھ چُک کے صلیب تے چڑھ گیا‘‘ (1پطرس2:24)۔ ڈاکٹر واٹزDr. Watts نے آکھیا،

ویکھو، اُوس دے سر توں، ہاتھاں توں، پیروں توں
دُکھ تے غم رَل کے تھلے وگدے نے:
کی کدی ایس طرح وی محبت تے رنج ملے سن،
یا کنڈیاں نے ایس قدر مہنگا تاج بنایا؟
(’’جدوں میں حیرت انگیز صلیب دا جائزہ لیندا آں When I Survey the Wondrous Cross‘‘ شاعر آئزک واٹز، ڈی۔ ڈی۔ Isaac Watts، 1674۔1748)۔

IV۔ چوتھی گل، یسوع مسیح آپئے دائمی فرحت دا اِکو ای منبع اے۔

اُوناں نے یسوع دے مُردہ بدن نوں صلیب توں لاہیا تے اُوس نوں اِک مہربند قبر وِچ دفنایا۔ مگر تیجے دِن، اُو جسمانی طور تے مُردیاں وِچوں جی اُٹھیا! فیر اُو شاگرداں دے کول آیا تے اُوناں نوں کہیا، ’’تہاڈے تے سلامتی ہووے‘‘ (یوحنا20:19)۔

تے ایہہ کہہ کے اُونے اپنے ہتھ تے اپنی وکھی اُہناں نوں وکھائی۔ شاگرد اُونوں ویکھ کے خوشی نال پر گئے‘‘ (یوحنا20:20)۔

تد ’’شاگرد اُونوں ویکھ کے خوشی نال پر گئے‘‘ (یوحنا20:20)۔ یسوع مسیح آپئے نے اُوناں نوں خوشی مہیا کیتی سی ’’جِدوں اُوناں نے خُداوند نوں ویکھیا۔‘‘ تُسی کدی وی گہرا امن تے خُداوند دی خوشی نوں نئیں جان سکدے، جدوں تیکر کہ تُسی یسوع مسیح آپئے نوں جان نئیں لیندے!

اوہ، میں اَج دی سویر تہانوں دسنا واں – میں اُو انتہائی ویلہ یاد کر سکنا واں جدوں میں یسوع مسیح آپئے تے یقین کیتا سی! کیہو جہیا اِک پاک تجربہ! میں اُہدے ول تیزی نال دوڑیا، ایویں کہو، اینج لگدا سی کہ اوہ میرے ول تیزی نال ٹوریا آندا ہووے۔ میں اُوسدے مہنگے لہو دے وسیلے نال گناہ توں پاک صاف ہو گیا سی! میں خُدا دے جیوندے جاگدے پُتر دے وسیلے نال زندہ کر دیتا گیا سی! اوہی کورس گاؤ!

یسوع مسیح آپئے دے کول آؤ! اپنی زندگی توں نجات دہندہ نوں باہر مت کڈو۔ اُونہوں اپنی گواہی توں پراں نہ چھڈو۔ او گل نہ کرو جہیڑی سپرجیئن نے کہی کہ ’’ناقص رُجحان…. مسیح آپئے نوں انجیل توں نکال باہر کڈنا…‘‘ جی نئیں! جی نئیں! یسوع مسیح آپئے دے کول ہونئے آؤ۔ اِنہاں لفظاں نوں غور نال سُنو جدوں میں اِنہاں نوں گانا واں۔

بغیر اِک التجا دے، میں جیویں دا وی آں،
مگر کہ تیرا لہو میرے لئی بہایا گیا،
تے نالے توں مینوں اپنے کول بُلاون لئی بیقرار اے،
اے خُدا دے برے، میں آؤنا! آؤنا!
(’’میں جیویں دا وی آں Just As I Am‘‘ شاعر شارلٹ ایلیٹ Charlotte Elliott، 1789۔1871)۔

یسوع تہاڈے گناہ دا کفارہ ادا کرن لئی صلیب تے مویا۔ یسوع نے اپنا پاک لہو تہانوں سارے گناواں توں پاک کرن لئی وگایا۔ یسوع دے کول آؤ۔ اُہدے تے پروسا کرو تے اُو تیانوں سارے گناواں توں بچا لے گا۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلّیاں گیت مسٹر بنجامن کینکیڈ گریفتھ Mr. Benjamin Kincaid Griffith نے گایا سی:
(’’جدّوں سویر آسمانوں نوں سجاندی اے When Morning Gilds the Skies،‘‘
جرمنی توں، ترجمہ کیتا ایڈورڈ کیسویل Edward Caswell، 1814۔1878؛
پادری صاحب نے ترمیم کیتی۔)