ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

متی 27 باب دا آغاز علی الصبح توں ہوندا اے، یسوع دے گتسمنی وچ گرفتار کیتے جان دے بعد، اُوہنوں سردار کاہن تے شریعت دے عالمین دے سامنے پیش کیتے جان دے بعد، اُوہدے خلاف جھوٹی گواہی دِتے جا چُکن دے بعد، اُوہدے چہرے تے مُکے مارے تے اُوہدا مذاق اُڑائے جان دے بعد، تے پطرس دا اُوہدا انکار کر چُکن دے بعد۔

’’سویر ہوندے ای سارے سردار کاہناں تے قوم دے بزرگاں نے مشورہ کر کے یسوع دے قتل دا فیصلہ کر لہیا۔ تے اُوہنوں بنھ کے لے گئے تے رُومی حاکم پیلاطُس دے حوالہ کر دِتا‘‘ (متی 27: 1۔2).

جدوں اُوہناں نے یسوع نوں سردار کاہن دے محل وچ لے جانا شروع کیتا تے یہوداہ اوتھے آیا۔ یہوداہ اوتھے یسوع دے قریب ای کھلوتا سی۔ مگر یہوداہ نے یسوع ول رُخ نئیں کیتا تے نہ ای معافی منگی۔ جے اُوہنے یسوع نوں ایس پل وی رجوع کیتا ہوندا تے اُوہنوں معاف کر دِتا جاندا۔ یسوع دے نال صلیب تے اُوس ڈاکو نوں مرن توں تھوڑی ای دیر پہلاں معاف کیتا گیا سی۔ یہوداہ نے کیوں معافی لئی یسوع ول رُخ کرن دے بجائے سردار کاہناں تے دین دے بزرگاں ول رُخ کیتا سی؟ میں یقین کرنا واں ایہدی دو وجوہات نے۔

I۔ پہلی گل، یہوداہ پہلاں ای ناقابل معافی گناہ دا اِرتکاب کر چکیا سی۔

یسوع نے کہیا،

’’بندیاں دا ہر گناہ تے کفر معاف کیتا جائے گا لیکن جیہڑا کفر پاک رُوح دے خلاف ہووے گا اُو نئیں بخشیا جائے گا۔ جے کوئی ابنِ آدم دے خلاف کُج کہندا اے تے اُوہنوں وی معاف کر دِتا جائے گا لیکن جیہڑا پاک رُوح دے خلاف کُج کہندا اے اُوہنوں نہ تے ایس دنیا وچ معاف کیتا جائے گا نہ آن آلی دُنیا وچ‘‘ (متی 12: 31۔32).

اُوہناں آیت تے اپنے تبصرے وچ، ڈاکٹر جان آر۔ رائس Dr. John R. Rice نے کہیا کہ یہوداہ ’’ناقابل معافی گناہ دا اِرتکاب کردا ہویا‘‘ وکھائی دیندا اے، یعنی کہ اُو پہلاں توں ای شدید نفرت دے حوالے کیتا جا چکیا سی۔ ڈاکٹر رائس نے کہیا،

ناقابلِ معافی گناہ مسیح دا مکمل تے حتمی انکار اے ایس قدر پختہ تے یقینی… کہ ایہہ پاک روح دی بے عزتی کردا تے اُوہنوں ہمیشہ لئی دور کر دیندا اے۔ فیر [اُو پاک روح] مذید ہور دِل نوں تحریک نئیں دیندا، سزایابی نئیں لہیاندا یا نجات لئی خواہش نوں اُجاگر نئیں کردا… اُو جیہنے [ناقابلِ معافی گناہ دا اِرتکاب کیتا ہوندا اے] اُو بے لاتعلق ہو جاندا اے چونکہ پاک روح نے خود نوں اُوہدے توں دُور کر دِتا ہوندا اے۔ خُدا ول سچے طور تے رُخ کرن دا سبب پاک روح دے دِل تے عمل کرن دے وسیلے نال ہونا چائیدا اے۔ جے [پاک روح] خود نوں دور کر لیندا اے تے خُدا دے کول کوئی دوجا طریقہ نئیں کہ جیہدے نال اُو سزایابی دیوے تے اِک گنہگار نوں بچائے (جان آر۔ رائس، ڈی۔ڈی۔ John R. Rice, D.D.، انجیل بامطابق متی تے آیت بہ آیت تبصرہ A Verse-by-Verse Commentary on the Gospel According to Mathew، خُداوند دی تلوار اشاعت خانے Sword of the Lord Publishers، 1980 ایڈیشن، صفحہ 183؛ متی12: 31۔32 تے تبصرے)۔

ڈاکٹر رائس دے گیت ’’جے تُسی زیادہ دیر سُستی وکھائی If You Linger Too Long‘‘ دا دوجا بند براہ راست یہوداہ وَل ای اشارہ ہووے گا!

تُسی سُستی وکھائی تے اِنتظار کیتا فیر وی نجات دہندہ نوں مسترد کیتا؛
   ایس قدر صبر دے نال اُوہدی ساری تنبیہات، ایس قدر مہربان اُوہدی ساریاں التجاواں؛
ایویں تُسی منع کیتا ہویا پھل کھایا، تُسی شیطان دے وعدے دا اعتبار کیتا؛
   ایویں تہاڈا دِل سخت ہو چُکیا اے؛ گناہ تہاڈے ذہن نوں تاریک کر چُکیا اے۔
فیر کیس قدر افسوسناک فیصلے دا سامنا تہانوں بغیر رحم دے نال یاد کرنا ہووے گا
   کہ تُسی سُستی وکھائی تے فضول وچ ویلہ لنگھایا جدوں تیکر کہ روح ٹُر نئیں گیا؛
کیہو جئی الزام تراشی تے ماتم، جے جدوں موت تہانوں بے اُمید پاندی اے،
   تُسی فضول وچ ویلہ لنگھا دِتا تے سُستی وکھائی تے بوہتا زیادہ ای انتظار کیتا!
(’’جے تُسی زیادہ دیر سُستی وکھائی If You Linger Too Long‘‘ شاعر ڈاکٹر جان آر۔ رائس Dr. John R. Rice، 1895۔1985)۔

یہوداہ نے ’’سُستی وکھائی تے فضول وچ ویلہ لنگھا دِتا جدوں تیکر کہ روح ٹُر نئیں گیا۔‘‘ اُوہنے ناقابلِ معافی گناہ دا اِرتکاب کیتا سی۔ اُو اُوس سویر یسوع ول نئیں مُڑیا سی کیوں جے اُوہدے بچائے جان لئی ہُن بہت تاخیر ہو چُکی سی۔ بہت تاخیر! بہت تاخیر! ہمیشہ لئی بہت تاخیر!

ایتھے اِک لکیر اے جیہڑی ساڈے خُداوند نوں مُسترد کرن تے کھِچی گئی اے،
   جیتھے اُوہدی روح دی اواج کھو جاندی اے،
تے تُسی دیوانے ہجوم دے نال چھیتی کرو –
   کی تُسی اندازہ لگایا، کی تُسی قیمت دا اندازہ لگایا؟
کی تُسی قیمت دا اندازہ لگایا جے تہاڈی روح کھو جاندی اے،
   حالانکہ تُسی اپنے لئی پوری دُنیا حاصل کر لوو گے؟
ہو سکدا اے کہ ہُن وی تُسی جیہڑی لکیر پار کر چُکے اُو،
   کی تُسی اندازہ لگایا، کی تُسی قیمت دا اندازہ لگایا؟
(‘‘کی تُسی قیمت دا اندازہ لگایا؟Have You Counted the Cost? ‘‘ شاعر اے. جے. ہاجA. J. Hodge، 1923).

میں تہانوں التجا کرنا واں، اُوس ویلے تک دا انتظار مت کرو کہ پاک روح تہاڈے توں جُدا ہو جاوے! جدوں اُو تہانوں گناہ دی سزایابی وچ لہیاندا اے – تے مسیح دے کول آؤ۔ تہانوں کدی وی شاید دوجا موقع نہ ملے! میں تہانوں درخواست کرنا واں، میں تہانوں التجا کرنا واں، مسیح دے کول آؤ ایہدے توں پہلاں کہ ہمیشہ لئی بہت دیر ہو جاوے!

II۔ دوجی گل، یہوداہ دا ’’پچھتاوا‘‘ صرف ’’دُنیاوی دُکھ‘‘ سی۔

تلاوت کہندی اے،

’’جدوں یہوداہ نے جیہنے یسوع نوں پھڑوایا سی، ویکھیا کہ یسوع نوں مجرم ٹھہرایا گیا اے تے بہت بچھتایا‘‘ (متی 27: 3).

لفظ ’’پچھتاواrepented‘‘ دا ایتھے یونانی لفظ دی اِک قسم ’’میٹامیلو مائی metamelomai‘‘ توں ترجمہ کیتا گیا اے جیہدا مطلب ہوندا اے ’’پشیمان ہونا to regret‘‘ (سٹرانگ Strong)، ’’افسردہ محسوس کرنا‘‘ (جارج رائیکر بیری George Ricker Berry)۔ مگر ’’میٹامیلو مائی metamelomai‘‘ نجات ول رہنمائی نئیں کردا اے۔ ایہہ تے صرف ’’پشیمان ہونا‘‘ اے پاک روح دے وسیلے نال گناہ دی سزایابی نئیں اے۔ ایہہ ماسوائے گناہ دا اِرتکاب کردے ہوئے پھڑے جان دے افسوس دے سوا کُج وی نئیں اے۔ ایس قسم دے دُکھ تے پشیمانی صرف افسردگی، ذہنی دباؤ، خود ترسی تے نااُمیدی ول رہنمائی کردے نے۔ پولوس رسول نے کہیا،

’’اُو رنج جیہڑا خُدا دی مرضی نوں پورا کردا اے، اِنسان نوں توبہ کرن تے اُبھاردا اے جیہدا نتیجہ نجات اے۔ تے ایہدے تے کسی نوں پچھتان دی لوڑ نئیں۔ لیکن دُنیا دا رنج مَوت پیدا کردا اے‘‘ (2۔ کرنتھیوں 7: 10).

خُدائی دُکھ سچا پچھتاوا پیدا کردا اے، جیہڑا مسیح وچ نجات ول رہنمائی کردا اے۔ اُو لفظ جیہدا 2۔ کرنتھیوں7: 10 وچ ترجمہ ’’پچھتاوا‘‘ کیتا گیا اے اُو متی27: 3 وچ جیتھے یہوداہ ’’خود پچھتایا‘‘ اُوس لفظ توں وکھرا اے۔ 2۔کرنتھیوں7: 10 وچ یونانی لفظ ’’میٹانوئیہmetanoia‘‘ دی اِک قسم اے – جیہدا مطلب ’’ذہن دی اِک تبدیلی‘‘ ہوندا اے (وائن Vine)۔ جیویں کہ میرے توں پہلاں آلے چینی پادری صاحب ڈاکٹر ٹموٹھی لِن Dr. Timothy Lin (1911۔2009) جیہڑے کہ عبرانی تے یونانی دے اِک عالم سن اکثر کہیا کردے سن، ایہہ اِک نیا ’ناؤس nous،‘ اِک نیا ذہن اے۔‘‘ ایہہ کسی دے دِل تے ذہن دی اِک مکمل تے جامع تبدیلی ہوندی اے جیہڑی صرف خُدا ای پیدا کر سکدا اے۔ ڈاکٹر جارج رائیکر بیری Dr. George Ricker Berry (1865۔1945) نے کہیا کہ ’’میٹانوئیہmetanoia‘‘ [محض ’’میٹامیلو مائی metamelomai‘‘ دے مقابلے وچ] اِک عالی شان ترین لفظ اے، جیہڑا کہ مکمل تے جامع پچھتاوے دا مستقل اِظہار ہوندا اے‘‘ (نئے عہد نامے دی یونانی توں انگریزی وچ لغت Greek-English New Testament Lexicon)۔ رچرڈ بیکسٹر Richard Baxter (1615۔1691) جیہڑے اِک پیوریٹن مصنف نے اُوہناں نے اِیہنوں ’’لگاؤ یا رغبت دی اِک تبدیلی‘‘ کہیا۔

’’اُو رنج جیہڑا خُدا دی مرضی نوں پورا کردا اے، اِنسان نوں توبہ کرن تے اُبھاردا اے جیہدا نتیجہ نجات اے۔ تے ایہدے تے کسی نوں پچھتان دی لوڑ نئیں۔ لیکن دُنیا دا رنج مَوت پیدا کردا اے‘‘ (2۔ کرنتھیوں 7: 10).

خُدائی دُکھ پاک روح دے وسیلے نال پیدا ہوندا اے، جیہڑا کہ فیر پچھتاوا پیدا کردا اے، جیہڑا کہ اِک نیا ذہن ہوندا اے۔ جیہڑا مسیح وچ نجات ول رہنمائی کردا اے۔

یہوداہ نوں تے صرف پھڑے جان دے دُکھ دے جھوٹے پچھتاوے نوں محسوس کرن دا تجربہ ہویا سی۔ ’’جدوں اُوہنے ویکھیا کہ اُوس [یسوع] نوں مجرم ٹھہرایا گیا تے اُوس [یہوداہ] نوں خود تے پچھتاوا ہویا۔‘‘ میرے خیال وچ کنگ جیمس بائبل وچ ایہدی سمجھ آندی اے۔ اُو ’’خود پچھتایا۔‘‘ خُدا نے ایہہ پیدا نئیں کیتا سی۔ ایہہ خالصاً انسانی پچھتاوا سی، نا کہ ’’خُدائی دُکھ [جیہڑا] پچھتاوے نوں پیدا کردا اے۔‘‘ ایہہ ’’خُدائی دُکھ‘‘ نئیں سی جیہڑا کہ اِک سچے ذہن دی تبدیلی پیدا کردا اے – صرف خود ترسی! صرف ’’دُنیا دا رنج اے [جیہڑا پیدا کردا اے] موت۔‘‘ اِیس ای لئی اُو ’’ٹُر گیا تے پھانسی لے لی‘‘ (متی27: 5)۔

میں یقین کرنا واں کہ قائین تے عیسو یہوداہ دی تشبیہاں (یا تصویراں) نے، جنہاں نوں مسیح نے ’’جہنم دے پُتر‘‘ کہیا (یوحنا17: 12)۔ یہوداہ ای وانگوں، جیہڑا کہ انسانی طور تے مسیح دی موت دا ذمہ دار سی، ’’قائین وی اپنے پراہ ہابل دے خلاف کھلو گیا سی، تے اُوہنوں قتل کر دِتا سی‘‘ (پیدائش4: 8)۔ قائین تے سیکوفیلڈ Scofield کہندا اے، ’’قائین… زمین دے محض بندے دی اِک قسم اے… جیہڑا کہ گناہ دی کسی مناسب سمجھ دا محتاج اے، یا کفارے دی لوڑ وچ اے‘‘ (سیکوفیلڈ مطالعۂ بائبل The Scofield Study Bible؛ پیدائش4: 1 تے غور طلب گل)۔ قائین نوں کدی وی ’’خُدائی دُکھ‘‘ نئیں ہویا سی تے نجات لئی کوئی ’’پچھتاوا‘‘ نئیں ہویا سی۔ اُوہنے صرف خود لئی افسوس محسوس کیتا سی۔ قائین نے کہیا، ’’میری سزا میری برداشت توں باہر اے‘‘ (پیدائش4: 13)۔ خود ترسی! ایہہ سی جیہڑی اُوہنے محسوس کیتی۔ اُوہنے صرف ’’دُنیا دے رنج‘‘ نوں محسوس کیتا سی۔ ایہہ پھڑے جان دے دُکھ توں زیادہ ہور کُج وی نئیں سی۔ ایہہ خود ترسی ول رہنمائی کردا اے تے ایہدے توں زیادہ کُج وی نئیں اے۔ ایہنے قائین نوں اِک نااُمید دی حالت وچ کلیاں چھڈیا سی۔

عیسو یہودا دی اِک ہور تشبیہہ (یا تصویر) اے۔ عیسو نے گوشت دے شوربے دے اِک پیالے دے بدلے وچ اپنے پہلوٹھے ہون دا حق ویچ دِتا سی جیویں یہوداہ نے مسیح نوں دھوکہ دین لئی چاندی دے تِیہ سکّے موصول کیتے سن۔ سیکوفیلڈ دی غور طلب گل کہندی اے، ’’عیسو زمین دے محض بندے دا نقطۂ نظر اے‘‘ (ibid.، پیدائش25: 25 تے غور طلب گل)۔ بعد وچ، جدوں عیسو نوں پتا چلدا اے کہ اُو برکت پان دا حق کھو چُکیا سی، ’’اُو بُلند تے تلخ اواج نال چِلا اُٹھا تے اپنے پیو نوں کہیا، مینوں برکت دے، ہاں اے میرے پیو مینوں وی برکت دے‘‘ (پیدائش27: 34)۔ عیسو، وی یہوداہ تے قائین ای وانگوں ’’دُنیا دے رنج‘‘ وچ ڈُب گیا سی۔ اُوہنے کدی وی ’’خُدائی دُکھ نوں [جیہڑا] نجات لئی پچھتاوے نوں پیدا کردا اے‘‘ محسوس نئیں کیتا۔ اُوہنے صرف خود ترسی تے ندامت نوں محسوس کیتا، یہوداہ ای وانگوں۔ ایہدے علاوہ، یہوداہ ای وانگوں، عیسو نے کہیا، ’’میں اپنے پراہ یعقوب نوں مار ڈالاں گا‘‘ (پیدائش27: 41)۔ عبرانیوں دی کتاب عیسو نوں کہندی اے ’’حرامکار… جیہنے گوشت دے اِک لقمہ دے بدلے اپنے پہلوٹھے ہون دا حق ویچ دِتا کیوں جے تُسی جانندے اُو کہ بعد وچ جدوں اُوہنے برکت پان دی کوشش کیتی تے ناکام رہیا۔ اُوہنوں اپنی نیت بدلن دا موقع نہ ملیا حالانکہ اُو ہنجو وگا وگا کے اُوہدی تلاش کردا رہیا‘‘ (عبرانیوں12: 16۔17)۔ اُو کدی وی سچا ’’پچھتاوا، حالانکہ اُو ایہنوں ہنجو وگا وگا کے تلاش کردا رہیا‘‘ نہ حاصل کر سکیا۔

میں اُمید کرنا واں کہ تُسی قائین، عیسو تے یہوداہ وانگوں نئیں اُو۔ میں دعا منگنا واں کہ تُسی خُدا دے روح توں گناہ دی گہری سزایابی دے تحت آ جاؤ گے۔ میں دعا منگنا واں کہ تُسی قائین وانگوں نئیں ہوو گے جیہڑا ’’زمین دا محض بندہ… جیہڑا کہ گناہ دی کسی مناسب سمجھ دا محتاج اے، یا کفارے دی لوڑ وچ اے۔‘‘ میں دعا منگنا واں کہ تُسی عیسو وانگوں نئیں ہوو گے، جیہڑا کہ اِک حرامکار اے۔ میں دعا منگنا واں کہ تُسی دنیاوی شیواں لئی اپنی جان نوں پرے نئیں سُٹ دیو گے۔ میں کیس قدر دعا منگنا واں کہ تُسی یہوداہ وانگوں نئیں ہوو گے جیہنے چند چاندی دے سِکیاں دے بدلے مسیح نوں دھوکہ دِتا! مسیح نے کہیا،

’’آدمی جے ساری دُنیا حاصل کر لے مگر اپنی جان کھو بیٹھے تے اُوہنوں کی فائدہ ہووے گا؟‘‘ (مرقس 8:36).

ہائے، دُنیا تے اُوہدے گناہواں تے جھوٹے خزانیاں وچوں باہر نکل آؤ! گناہ توں باہر آ جاؤ تے مسیح لئی آؤ۔ جدوں کہ خُدا دا روح تہانوں بُلا رہیا اے تے تہاڈا دِل تہاڈے گناہ دا وزن تے بوجھ محسوس کردا اے یسوع دے کول آؤ تے اُوہدے لہو دے وسیلے نال گناہ توں دُھل کے پاک صاف ہو جاؤ! یسوع دے کول آؤ ایہدے توں پہلاں کہ ہمیشہ لئی انتہائی تاخیر ہو جائے!

فیر کیس قدر افسوسناک فیصلے دا سامنا تہانوں بغیر رحم دے نال یاد کرنا ہووے گا
   کہ تُسی سُستی وکھائی تے فضول وچ ویلہ لنگھایا جدوں تیکر کہ روح ٹُر نئیں گیا؛
کیہو جئی الزام تراشی تے ماتم، جے جدوں موت تہانوں بے اُمید پاندی اے،
   تُسی فضول وچ ویلہ لنگھا دِتا تے سُستی وکھائی تے بوہتا زیادہ ای انتظار کیتا!
(’’جے تُسی زیادہ دیر سُستی وکھائی If You Linger Too Long‘‘ شاعر ڈاکٹر جان آر۔ رائس Dr. John R. Rice، 1895۔1985)۔

اِک نوجوان بندے نے اِک وری میرے شریک کار ڈاکٹر کیگن Dr. Cagan نوں کہیا، ’’ایس رفتار نال تے میں کدی وی مسیحی نئیں بن پاواں گا۔‘‘ کیس قدر سچی گل! تہاڈی ساری دی ساری سِکھی ہوئی گلاں تے دعاؤاں تے چنگے اعمال تہاڈی مدد نئیں کر سکدے جدوں تیکر کہ تُسی گناہ دی گہری سزایابی دے تحت نئیں آ جاندے تے یسوع ول رُخ نئیں موڑدے۔ جیویں کہ اِک خاتون نے کہیا، ’’میں مکمل تے جامع طور تے خود توں کراہت محسوس کرن لگی۔‘‘ ایہہ ’’خُدائی دُکھ اے [جیہڑا] نجات لئی پچھتاوے نوں پیدا کردا اے۔‘‘ چھیتی ای اپنے گناہ نال بھرپور دِل دے نال ’’کراہت‘‘ محسوس کرن توں اُو خاتون مسیح ول کھِچی چلی گئی سی تے مسیح وچ ایمان لے آئی سی۔ خُدا دا روح تہانوں خود توں ’’مکمل تے جامع طور تے‘‘ کراہت محسوس کرائے کہ تہاڈا ’’مُنہ بند ہو جائے تے ساری دُنیا خُدا دے سامنے سزا دی مستحق ٹھہرے‘‘ (رومیوں3:19)۔ خُدا دا روح تہانوں اُوہدے لہو دے ذریعے نال گناہ توں نجات پان لئی یسوع ول کھِچے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔