سانپ تے نجات دہندہ | The Serpents and the Saviour

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بیابان وِچوں لنگہدے ہوئے اسرائیل دے لوکی حوصلہ ہار چکے سن۔ تے لوکاں نے خداوند دے خلاف تے اپنے رہنما موسیٰ دے خلاف گلاں کرنا شروع کیتیاں۔ اُوہناں نے کہیا، ’’تُسی سانوں مصر توں کڈ کے ایتھے بیابان وِچ مرن دے لئی کیوں لے آئے؟ کیوں جے ایتھے نا تے روٹی اے تے نا پانی، تے اَسی ایس نکمی خوراک توں وی عاجز آ چکے آں۔‘‘ خدا نے اُوہناں نوں کھلان دے لئی آسمان توں مَن پیجیا سی لیکن اُوہناں نے اُوہدے توں نفرت کیتی۔ اُوہناں نے اُوہنوں ’’نکمی خوراک‘‘ بے قدروقیمت خوراک دا ناں دِتا۔ زبور نویس نے مَن کو ’’فرشتیاں دی خوراک‘‘ دا ناں دِتا (زبور78:25)، مگر اسرائیل دے لوکاں نے خداوند تے موسیٰ دے خلاف بُڑ بُڑ کیتی تے شکایت کیتی۔ اُوہناں نے کہیا، ’’ساڈی جان ایس مَن توں اُکتا چکی اے‘‘– اَسی ایس توں نفرت کرنے آں۔

ایہہ انسانی فطرت تے اِک تبصرہ اے۔ ایہہ انسان دے دِل دے گناہ تے اِخلاقی زوال نوں ظاہر کردی اے،

’’ایس لئی کہ جسمانی نیت خدا دی مخالفت کردی اے‘‘

’’اِس لیے کہ جسمانی نیت خدا کی مخالفت کرتی ہے‘‘

’’یہودی تے غیر یہودی سب دے سب گناہ دے قابو وِچ نے۔ جیویں کہ پاک کلام وِچ لکھیا اے، کوئی راستباز نئیں، اِک وی نئیں‘‘ (رومیوں 3:9۔10).

انسان دا دِل خدا دے خلاف قائم ہو چکیا اے۔ ایہو ای وجہ اے کہ اَسی خدا دے خلاف بُڑ بُڑانے تے شکایت کرن دا رُجحان رکھنے آں۔ گناہ وِچ انسان اُوہناں اسرائیلیاں دے مقابلے وِچ جیہڑے بیابنا وِچ سن کوئی بہتر یا مختلف نئیں اے۔

’’فیر خداوند نے اُوہناں لوکاں دے وِچکار زہریلے سَپ پیجے، اُوہناں نے اُوہناں لوکاں نوں کٹیا تے بوہتے اسرائیلی مر گئے‘‘ (گنتی 21:6).

بائبل کہندی اے، ’’گناہ دی مزدوری موت اے‘‘ (رومیوں6:23)۔ بائبل کہندی اے، ’’جیہڑا جان گناہ کرے گی اُو ای مرے گی‘‘ (حزقی ایل18:4، 20)۔

مگر جیہڑے لوکی بچ گئے سی اُو موسیٰ دے کول آئے تے کہیا، ’’اَسی گناہ کیتا اے کہ اَسی خداوند دے تے تیرے خلاف زبان درازی کیتی اے، دعا کر کہ خداوند ایہناں سَپاں نوں ساڈے توں دور کر دے چنانچہ موسیٰ نے لوکاں دے لئی دعا منگی‘‘ (گنتی21:7)۔

سانوں اُوس عظیم رحم نوں یاد رکھنا چائیدا اے جیہڑا خداوند نے اُوہناں نوں ویکھایا سی۔ خداوند نے اُوہناں نوں مصر دی غلامی توں نجات دلائی سی۔ خداوند اُوہناں نوں بحرقلزم دے پانیاں توں کڈ کے لے گیا سی – کھلوتے پانیاں دے درمیان خشک زمین دے اُوتوں دی۔ اُو ایس نجات دے بارے وِچ باقی دے سارے پرانے عہدنامے وِچ گاندے رئے۔ تے خدا نے ہر روز اُوہناں نوں من دی خوراک نال لبریز کیتا۔ اُوتھے چٹان توں پانی اُبل پیہیا سی جیہڑا ایس ساری قوم تے مویشیاں لئی کافی سی۔ خدا نے اُوہناں نوں بوہتی وڈی قوت دے نال اُوہناں دے دشمناں توں نجات دلائی سی۔ خداوند نے رات نوں اُوہناں دی رہنمائی اَگ دے ستون دے نال تے دِن نوں بادلاں دے اِک ستون نال کیتی سی۔ ایس زمین تے خداوند دی الہٰی نگرانی دا جلال مسلسل اُوہناں دے نال سی۔

مگر اُوہناں نے خداوند دی ستائش نہ کیتی۔ ایس دے بجائے اُو بے اعتقادے ای رئے۔ اُوہناں نے بغاوت کیتی۔ اُو بُڑبُڑائے تے موسیٰ دے خلاف تے خداوند دے خلاف شکایت کیتی۔ ڈاکٹر جان آر۔ رائس Dr. John R. Rice نے کہا،

اچانک لوکاں دے وچکار، گھاس وِچ پیٹ دے بل گھیسٹدے ہوئے، خیمیاں وِچ رینگدیاں ہوئے اُوتھے زہریلے سَپ جیہڑے خوفناک رنگت آلی بھیانک شیواں سن وَڑ رئے سن ’’تے اسرائیل دے بوہتے لوکی مر گئے۔‘‘ ایتھے اِک ای واقعے وِچ خداوند دا رحم تے اُوہدی سزا ظاہر ہوندی اے۔ ایتھے قہر تے فضل اے۔ ایتھے گناہ تے نجات دہندہ بیابان وِچ واضح طور تے ظاہر ہوندے نے (جان آر۔ رائس، ڈی۔ڈی۔John R. Rice, D.D.، ’’لشکر وِچکار سَپ Snakes in the Camp،‘‘ پوڑھیاں تے لہو تے اَتھرو Blood and Tears on the Stairway، خُداوند دی تلوار اشاعت خانے Sword of the Lord Publishers، 1970، صفحات34، 35)۔

اسی ایس واقعے دے بارے وِچ ایس قدر بوہتا نہ سوچدے جے یسوع نے ایس نوں نئے عہدنامے وِچ، یوحنا دے تیجے باب وِچ دہرایا نہ ہوندا۔

رات نوں نیکودیمس نامی اِک بندہ یسوع دے کول آیا۔ اُو اسرائیل دے لوکاں دا اہم اُستاد سی۔ اُو اِک فریسی سی تے یہودیاں دی عدالت عالیہ دا رُکن سی۔ اُو یقین کردا سی کہ یسوع ’’نوں خدا نے اُستاد بنا کے پیجیا اے کیوں جے جیہڑے معجزے اُو وکھاندا سی کوئی نئیں وکھا سکدا جدوں تیکر کہ خُدا اُوہدے نال نہ ہووے‘‘ (یوحنا3:2)۔

مگر نیکودیمس نئے سرے توں کیویں جنم لہیا جاندا اے نئیں جانندا سی۔ یسوع نے اُوہنوں کہیا، ’’تینوں نئے سرے توں جنم لینا چائیدا اے‘‘ (یوحنا3:7)۔ ینکودیمس نے کہیا، ’’ایہہ کیویں ممکن ہو سکدا اے؟‘‘ (یوحنا3:9)۔ اُوہنوں کوئی تصور نئیں سی کہ نئے سرے توں جنم کیویں لہیا جاندا اے، کیویں نجات پائی جاندی اے۔ یسوع نے اُوہنوں بیابان وِچ سَپ دے بارے چہ یاد دلایا سی کہ اُوہنوں پتا چلے نیا جنم کیوں رونما ہوندا اے۔

عالمین الہٰیات دے ذریعے توں نئے جنم نوں ’’احیاء‘‘ کہا جاندا اے۔ اصلاحی مطالعۂ بائبل The Reformation Study Bible کہندی اے،

یسوع نے حیرانگی ظاہر کیتی کہ نیکودیمس نئے سرے توں جنم لین دے تقاضے توں پریشان ہویا سی۔ نیکودیمس نوں تے پرانے عہدنامے توں ای سمجھ لینا چائیدا سی کہ اُو اِک گنہگار سی۔ تے اِک نئی حیاتی دا ضرورت مند سی…[نیا جنم] احیاء خدا دے فضل دا تحفہ اے۔ ایہہ ساڈے وِچ پاک روح دا فوری فوق الفطرت کم ہوندا اے۔ ایس دا اثر ساڈے وِچ روحانی موت توں روحانی حیاتی دے لئی [زندہ کرنا] توانائی بخشنا ہوندا اے… (اصلاحی مطالعۂ بائبل The Reformation Study Bible، لیگونیئر منسٹریز Ligonier Ministries، 2005، صفحہ 1514؛ یوحنا 3 باب تے غور طلب گل)۔

ہُن یوحنا3:14، 15 کھولو۔ ایہہ سیکوفیلڈ مطالعۂ بائبل The Scofield Study Bible وِچ صفحہ 1117 تے اے۔ ایتھے پتا چلدا اے کہ کیویں یسوع نے نیکودیمس نوں نئے جنم دے بارے وِچ واضح کیتا سی۔ نیکودیمس خمسۂ موسیٰ Pentateuch نوں زبانی جانندا سی، جیہڑیاں بائبل دیاں پہلی پنج کتاباں نے۔ گنتی بائبل دی چوتھی کتاب اے۔ نیکودیمس ایس نوں ایس قدر بہتر طریقے نال جانندا سی کہ اُو کافی توں زیادہ زبانی یاد کر چکیا سی، غالباً سارے دا سارا زبانی یاد کر چکیا سی۔ لہٰذا یسوع نے نجات کیویں پائی جاندی اے، نئے سرے توں جنم کیویں لہیا جاندا اے اُوہنوں سمجھان دے لئی بھیانک سَپ دے واقعے دا استعمال کیتا سی۔ مہربانی نال کھڑے ہو جاؤ تے یوحنا3:14 تے 15 آیات کھولو۔ ایہہ سیکوفیلڈ مطالعۂ بائبل The Scofield Study Bible وِچ صفحہ 1117 تے اے۔ یسوع نے نیکودیمس نوں کہیا،

’’تے جیویں موسیٰ نے بیابان وِچ پِیتل دے سَپ نوں لکڑی تے لٹکا کے اُوچا کیتا اُوسی طرح ضروری اے کہ ابنِ آدم وی بُلند کیتا جائے۔ تاں جے جیہڑا کوئی اُوس تے ایمان لہیائے ہمیشہ دے حیاتی پائے‘‘ (یوحنا 3:14۔15).

تُسی تشریف رکھ سکدے اُو۔ مسیح دی انجیل دا انتہائی دِل ویکھنا تے حیاتی بسر کرنا اے، یسوع وِچ یقین کرنا تے نجات پانے اے۔ حوالے وِچ تین گلاں تے غور کرو۔

جے اِک شخص خیمے وِچ گیا تے اُوتھے سَپ سن۔ جے اُو کھانا کھان بیندا تے اُو اُوتھے وی سن۔ جدوں اُوہنے اپنا بستر وچھایا تے سَپ اُوتھے وی کُنڈلی مارے اُوہنے ڈسن دے لئی تیار سی۔ تے جدوں اُو سَپ اِک بندے نوں ڈس لیندے سی تے اُو جلن کردا تے اَگ وانگوں جلدا سی۔ مقتول دے جسم وِچ بخار چڑھ جاندا سی تے فیر دورے پیندے تے موت واقع ہو جاندی سی! ہر کوئی جیہڑا ڈسیا جاندا سی اِک ہولناک موت مردا سی۔

ہُن ڈاکٹر ڈبلیو۔ اے۔ کرسویلDr. W. A. Criswell نوں سنو، جیہڑے ٹیکساس دے شہر ڈلاس دے پہلے بپتسمہ دین آلے گرجا گھر دے مشہور و معروف پادری سن۔ ڈاکٹر کرسویل نے اُوہناں سَپاں دے بارے وِچ کہیا،

ایتھے ساڈے خداوند وَلوں انسانی دِل دے عالمگیری اخلاقی زوال، انسانی حیاتی وِچ عالمگیری گناہ دی موجودگی دی اِک تشبیہہ [یا مثال] استعمال کیتی گئی اے۔ ایہہ اخلاقی زوال ساڈے دِلاں وِچ اے، ساڈے مکاناں وِچ، ساڈے گھراں وِچ، ساڈے اُٹھن تے بیٹھن وِچ اے… گناہ تے موت دی عالمگیری موجودگی ناقابل فرار اے۔ انسانیت اِک مسخ شُدہ تے برگشتہ نسل اے؛ تے اَسی پاویں جیہڑا مرضی فلسفہ استعمال کریے، انسانی حیاتی تے انسانی تاریخ وِچ تلخ ترین حقیقت ایہہ اے: لوکی گناہ تے قانون شکنیاں وِچ گواچے ہوئے نے۔ اَسی اپنے گناہواں وِچ مردہ آں… ایہہ سَپ گناہ دی تباہ کُن قوت دی تشبیہہ نے… اوہ، گناہ دے تباہ و برباد کر دین آلی قوت نے!
ایہہ زہریلے خوفناک سَپ ہر تھاں تے سن۔ تے لوکی جسمانی موت نال، روحانی موت نال، اخلاقی موت توں، دوجی موت نال، تے دائمی موت وِچ مر رئے سن…
نسل انسانی نے خود نوں جہالت، توہمات تے ہزارہاں دوجیاں تاریکیاں وِچوں کڈ لہیا اے؛ مگر اپنے دِلاں وِچ، اَسی ہُن وی بالکل اُونج ای نے… اَسی ہُن وی آدم تے حوّا دے نال اُوسی اخلاقی تے روحانی سطح تے کھلوتے آں۔ سانوں کدی وی عالمگیری آفت، بربادی، تباہی تے گناہ دی سزا توں باہر نکلن دا راستہ نئیں لبھیا (ڈبلیو۔ اے۔ کرسویل، پی ایچ۔ ڈی۔ W. A. Criswell, Ph.D.، ’’پیتل دا سانپ The Brazen Serpent،‘‘ کیہو جیہا ایک نجات دہندہ! What a Savior!، براڈمین پریس Broadman Press، 1978، صفحات49۔51)۔

پولوس رسول اسرائیل دے گناہ دا ساڈے گناہ دے نال اِک تنبیہہ دے طور تے موازنہ کردا اے،

’’اَسی مسیح دی آزمائش نہ کریے جیویں کہ اُوہناں وچوں بعض نے کیتی تے سَپاں نے اُوہناں نوں ہلاک کیتا۔ بُڑبُرانا چھڈ دیو جیویں کہ اُوہناں وِچوں بعض بُڑبُڑائے تے موت دے فرشتے دے ہتھوں مارے گئے۔ ایہہ گلاں اُوہناں نوں ایس لئی پیش آئیاں کہ اُو عبرت حاصل کرن تے اَسی آخیرلے زمانے آلیاں دی نصیحت دے لئی لکھی گئیاں‘‘ (1۔ کرنتھیوں 10:9۔11).

گناہ اُوہناں تے سزا لے آیا – تے گناہ اَج وی سزا لے آئے گا۔ ’’ایہہ گلاں اُوہناں نوں ایس لئی پیش آئیاں کہ اُو عبرت حاصل کرن تے اَسی آخیرلے زمانے آلیاں دی نصیحت [ساڈی ہدایت] دے لئی لکھی گئیاں،‘‘ 1۔کرنتھیوں10:11 – تے ایہہ گل سانوں دوجے موضوع تے لے جاندی اے۔

موسیٰ نے لوکاں دی چیخ و پکار سُن لئی سی۔ اُو سَپاں نال ڈسے گئے سن۔ تے چلا رئے تے مر رئے سن۔ سَپ ہر تھاں تے موجود سن۔

’’تے خداوند نے موسیٰ نوں کہیا، اِک خوفناک سَپ بنا لے تے اُوہنوں کھمبے تے لٹکا تے سَپ دا ڈسیا ہویا جیہڑا کوئی وی اُوہنوں ویکھ لئے گا اُو زندہ بچے گا۔ چنانچہ موسیٰ نے پیتل دا اِک سَپ بنا کے اُوہنوں کھمبے تے لٹکایا۔ فیر جدوں کدی کسی نوں سَپ ڈس لیندا تے اُو اُوس پیتل دے سَپ وَل نظر پاندا تے جیوندہ بچ جاندا‘‘ (گنتی 21:8۔9).

جدوں تُسی اِک ہسپتال دے لئی جاؤ تے اُوتھے عموماً اِک علامت ہووے گی۔ ایہہ اِک کھمبے تے اُوہدے اردگرد لپٹے ہوئے دو سَپ ہون گے۔ تُسی ایس نشان نوں اِک ڈاکٹر دے آفس وِچ یا اُوہدیاں لکھن پڑھن توں تعلق رکھن آلیاں شیواں وِچ ویکھ سکدے اُو۔ ایہہ کسی شخص دے شفا دین آلے پیشے وِچ ہون دا نشان ہوندا اے۔ کیس قدر عجیب گل اے کہ صحت دین، شفا دین تے نجات دین دا نشان کھمبے تے لٹکا ہویا سَپ ہونا چائیدا اے! ایہہ اصلی سَپ نہیں ہوندا اے۔ ایہہ پِیتل توں بنایا گیا تے کھمبے تے اُوچا کیتا گیا اِک سَپ ہوندا اے۔

تے سیکوفیلڈ دی غور طلب گل دُرست اے جدوں اُو کہندی اے، ’’اُو پِیتل دے سَپ مسیح دی ایک تشبیہہ اے، ’’ساڈی سزا بُھگتن دے لئی ’ساڈے لئی گناہ قرار‘ دِتا گیا‘‘ (گنتی21:9 تے غور طلب گل)۔ ساڈے سارے دے سارے گناہ سُولی تے مسیح تے لد دِتے گئے سن،

’’اُو خود اپنے ای بدن تے ساڈے گناہواں دا بوجھ چُکے ہوئے سُولی تے چڑھ گیا… اُوسی دے مار کھان نال تُسی شفا پائی‘‘ (1۔ پطرس 2:24).

’’جیویں موسیٰ نے بیابان وِچ پِیتل دے سَپ نوں لکڑی تے لمکا کے اُوچا کیتا اُوسی طرح ضروری اے کہ ابنِ آدم وی بُؒند کیتا جائے…‘‘ (یوحنا 3:14).

یسوع دا خود دے لئی پسندیدہ ناں ’’ابنِ آدم‘‘ سی۔ اُوہنے کہیا، ’’میں اُوچا (سولی تے) کیتا جاواں گا جیویں پِیتل دے سَپ نوں موسیٰ نے اُوچا کیتا سی۔‘‘ نجات دہندہ دی کیہو جئی اِک تصویر!

بے عزتی تے بیہودہ مخول نوں برداشت کردے ہوئے،
   میری تھاں تے سزا پا کے اُو کِھلوتا سی؛
اپنے لہو نال میری معافی نوں مہر لائی؛
   ھیلیلویاہ! کیہو جیہا اِک نجات دہندہ!

مرن لئی اُو چُکیا گیا،
   ’’ایہہ پورا ہویا اے،‘‘ اُوہدی چیخ سی؛
ہُن آسمان تے اُوچے درجے تے؛
   ھیلیلویاہ! کیہو جیہا اِک نجات دہندہ!
(’’ھیلیلویاہ! کیہو جیہا اِک نجات دہندہ! Hallelujah, What a Saviour! ‘‘ شاعر فلپ پی۔ بِلس Philip P. Bliss، 1838۔1876)۔

تیجی گل، گناہ تے موت دے علاج نوں حاصل کرن دا راستہ۔

یسوع وِچ یقین کرن دے لئی اُوہدے وَل ویکھنا پیندا اے۔ تے ویکھنا ای حیاتی اے، یقین کرنا تے نجات پانا اے، دُھل جانا تے پاک صاف ہو جانا اے! ایس دے بارے وِچ کوئی مشکل گل نئیں اے! یسوع نوں ایمان دے وسیلے نال ویکھو۔ ساڈے گرجا گھر دا ہر رُکن اُو کر چکیا اے۔ ایہہ ایس قدر مشکل نئیں ہووے گا ورنہ میری ووہٹی ایہنوں اُوسی تنہائی وِچ پہلی واری چہ کرن دے قابل نہ ہوندی جدوں اُوہنے مینوں انجیل دی منادی کردے ہوئے سُنیا سی!

’’چنانچہ موسیٰ نے پیتل دا اِک سَپ بنا کے اُوہنوں کھمبے تے لمکا دِتا۔ فیر جدوں کدی کسی نوں سَپ ڈس لیندا تے اُو اُوس پیتل دے سَپ وَل ویکھدا تے جیوندہ بچ جاندا‘‘ (گنتی 21:9).

جدوں اِک شخص اُوس پیتل دے سَپ تے نظر پاندا سی، اُو زندہ رہندا سی! اِک بندہ جیہڑا پہلاں توں ای ڈسیا جا چُکیا اے ویکھ سکدا سی! اِک بندہ جیہڑا تقریباً مرن ای آلا سی ویکھ سکدا اے! اُو پیتل دے سَپ تے نظر پان توں ای ویکھے گئے سن! تے اسی یسوع ول ویکھن نال ای بچائے جانے آں!

’’آؤ! اسی ایمان دے بانی تے کامل کرن آلے یسوع تے اپنی نظراں جمائے رکھئیے جیہنے اُوس خُوشی لئی جیہڑی اُوہدی نظراں دے سامنے سی شرمندگی دی پرواہ نہ کیتی بلکہ سُولی دا دُکھ سہیا تے خدا دے تخت دے سجے پاسے جا بیٹھیا‘‘ (عبرانیوں 12:2).

ایہہ مشکل نئیں ہووے گا! کروڑوں لوکی یسوع ول ویکھ چُکے نے! یسوع تے اپنی نظراں جمائے رکھو! یسوع تے اپنی نظراں جمائے رکھو! یسوع تے اپنی نظراں جمائے رکھو! ایہہ ای اے نئے سرے نال جنم لین دا طریقہ! یسوع تے نظراں جمائے رکھو! ایہہ ای اے احیاء پان دا طریقہ! یسوع ول نظراں جمائے رکھو! ایہہ اے طریقہ سارے گناہ توں معافی پان تے پاک صاف ہو جان دا! یسوع ول نظراں جمائے رکھو! ایہہ اے طریقہ نجات پان دا – سارے زمانیاں تے ساری ابدیت لئی!

یسوع تے نظراں جمائے رکھو جدوں تیکر جلال چمک نئیں جاندا؛
لمحہ بہ لمحہ، اے خُداوندا میں تیرا ہوندا جاندا واں!
(’’لمحہ بہ لمحہ Moment by Moment‘‘ شاعر دانی ایل ڈبلیو۔ وائٹDaniel W. White، 1840۔1901)۔

جے تُسی گناہ توں آزاد ہون دی خواہش رکھدے اُو،
   خُدا دے برّے ول ویکھو؛
اُو، تہاڈے گناہ بخشن لئی، کلوری تے فوت ہویا،
   خُدا دے برّے ول ویکھو۔
خُدا دے برّے ول ویکھو، خُدا دے برّے ول ویکھو،
   کیوں جے اوہی کلّا تہانوں بچان دے قابل اے،
خُدا دے برّے ول ویکھو۔
   (’’خُدا دے برّے ول ویکھو Look to the Lamb of God‘‘ شاعر ھنری۔ جی۔ جیکسن Henry G. Jackson، 1838۔1914)۔

نظر پاؤ تے زندہ رہوو، میرے پراہ، زندہ رہوو!
یسوع تے ہُنے نظراں پاؤ تے زندہ رہوو،
ایہہ اُوہدے کلام وچ درج اے، ھیلیلویاہ!
صرف ایہی اے کہ تہانوں نظر پانی اے تے رندہ رہوو!
(’’نظر پاؤ تے زندہ رہوو Look and Live‘‘ شاعر ولیم اے۔ اوگڈین William A. Ogden، 1841۔1897)۔

’’فیر جدوں کدی کسی نوں سَپ ڈس لیندا تے اُو اُوس پیتل دے سَپ ول ویکھدا تے زندہ بچ جاندا‘‘ (گنتی 21:9).

نظر پاؤ تے زندہ رہوو، میرے پراہ، زندہ رہوو!
یسوع تے ہُنے نظراں پاؤ تے زندہ رہوو،
ایہہ اُوہدے کلام وچ درج اے، ھیلیلویاہ!
صرف ایہی اے کہ تہانوں نظر پانی اے تے رندہ رہوو!

جدوں سپرجیئن پندرہ ورے دے سن تے اُو اِک برفانی طوفان توں بچ بچا کے اِک نِکے جئے میتھوڈسٹ گرجا گھر تیکر پہنچے۔ مذہبی رہنما اوتھے نئیں سن۔ اُو ’’برف نال یخ بستہ‘‘ سن۔ اوتھے تقریباً پندرہ لوکی سن۔ اِک دُبلا پتلا جیہا کلیسیا وچوں بندہ منادی کرن لئی اُٹھ کھلوتا۔ ہکلاتی زبان دے نال اُوہنے کلام پاک دی تلاوت پیش کیتی،

’’اَے انتہائیِ زمین دے سب رہن آلو، تُسی میرے ول پھرو تے نجات پاؤ‘‘ (اشعیا 45:22).

اُوہنے براہ راست نوجوان سپرجیئن ول اشارہ کیتا تے کہیا، ’’جوان مرد، تُسی خستہ حال وکھائی دے رئے اُو۔ تُسی ہمیشہ ای ختسہ حال رہوو گے جے تُسی میری تلاوت دی فرمانبرداری نئیں کیتی۔ ویکھو! ویکھو! یسوع ول ویکھو۔‘‘ سپرجیئن نے کہیا، ’’میں نے ویکھیا سی، تے یسوع نے مینوں نجات دِتی جدوں میں اُوہدے ول ایمان دے وسیلے نال ویکھیا سی۔‘‘

مینوں پرواہ نئیں پال واشرPaul Washer کی کہندے نے! ’’تہانوں صرف ویکھنا تے زندہ رہنا اے!‘‘ میں پرواہ نئیں کردا ڈاکٹر میک آرتھر Dr. MacArthur کی کہندے نے! ’’تہانوں صرف ویکھنا تے زندہ رہنا اے!‘‘ ایہہ چنگے لوکی نے، مگر تہانوں صرف ویکھنا تے زندہ رہنا اے!‘‘

سُولی تے اُوس ڈاکو دے کول جیہڑا یسوع دے بازو وچ مصلوب سی ایہناں ویلا نئیں سی کہ اُو اُوہنوں اپنی حیاتی دے ہر حصے دا خُداوند بناندا! اُو مر رہیا سی! اُوہدے کول ویلا نئیں سی کہ اُو مسیح نوں اپنی حیاتی دے کسی وی حصے دا خداوند بناندا! اُو مر رہیا سی۔ ویلا نئیں سی! ویلا نئیں سی! ویلا نئیں سی! اُوہدے کول صرف اِک گل کرن لئی ویلا سی۔ اُوہنے یسوع نوں ایمان دی نظر نال ویکھیا سی! ’’تہانوں صرف ویکھنا تے زندہ رہنا ہوندا اے!‘‘ ایہی سب کُج سپرجیئن نے کیتا! ایہی سب کُج تہانوں کرن دی لوڑ اے!

ھیلیلویاہ! سُولی تے اُو ڈاکو نجات پا گیا سی! یسوع نے کہیا، ’’اج ای تُو میرے نال فردوس وچ ہووے گا‘‘ (لوقا23:43)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔