ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کُج ویلے پہلاں اِک پادری صاحب نے تبلیغ کیتی کہ امریکہ خدا دی سزا دے تحت اے کیوں جے اَسی اسقاطِ حمل دے ذریعے توں 57 ملین بچے مارے نے۔ جدوں اُوہناں نے ایہہ کہیا تے اِک عورت اُٹھی تے باہر ٹر گئی۔ اُو گرجا گھر دی عمارت توں باہر نٹھی، فیر اُو سڑک تے نٹھی۔ اُوہنے اینج کیوں کیتا؟ کیوں جے اُوہدا اسقاطِ حمل ہویا سی۔ اُوہدے ضمیر وِچ، اُو جانندی سی کہ ایہہ غلط سی۔ اُوہنوں سکون نہئیں سی۔ بائبل کہندی اے کہ،

’’شریر موجزن سمندر وانگوں نے، جیہڑا کدی وی ساکن نہئیں رہ سکدا، تے جیس دی لہراں کیچڑ تے مٹی اُچھالدی نے۔ خدا فرماندا اے کہ شریراں دے لئی سلامتی نہئیں اے‘‘ (اشعیا57: 20۔21)۔

لیکن اُو ایہہ سُنن دے لئی نہئیں ٹھہری کہ اُو مسیح دے لہو دے ذریعے گناہ دی معافی کینج حاصل کر سکدی اے۔ اُیہدے بجائے اُو نٹھ گئی۔

ایہو ای وجہ اے کہ اَج بوہتے پادری صاحبان اِسقاطِ حمل تے تبلیغ کرنا پسند نہئیں کردے، حالانکہ ایہہ ساڈی قوم دا سب توں وڈا گناہ اے۔ اُو اپنے گرجا گھراں وِچ [مسیح چہ ایمان نہ لیہیاں ہوئیاں] غیر تبدیل شُدہ درمیانی عمر دی عورتاں نوں ناراض کرن توں ڈردے نے۔ اُوہناں وِچوں کُج عورتاں دا اِسقاطِ حمل ہویا اے، یا اُوہناں دے کسی رشتہ دار یا دوست دا اِسقاطِ حمل ہویا اے۔ اُوہناں دا ضمیر اُوہناں نوں پریشان کردا اے۔ ملبغ ڈردا اے کہ اُو عورتاں اُوہدے گرجا گھر نوں چھڈ دین گئیاں۔ اُو اُوہناں نوں پریشان نہئیں کرنا چاہندا۔ لیکن اوہ، اُو پادری صاحب لوکاں نوں خوش رکھن دے لئی تبلیغ نہئیں کرن گے – لیکن گناہ دے بارے وِچ تے ایہنوں مسیح چہ کینج معاف کیتا جا سکدا اے [اُوہدی] سچائی دا اعلان کرن گے!

کینیڈا وِچ اِک مبلغ نے اِک واعظ دِتا تے رومیوں دی کتاب توں بائبل دی اِک آیت پڑھی، ’’کوئی وی راستباز نہئیں، نہئیں، کوئی اِک وی نہئیں‘‘ (رومیوں3: 10)۔ جدوں اُوہنے اینج کیتا تے اِک عورت اُٹھ کے باہر ٹر گئی۔ اُوہنے اینج کیوں کیتا؟ کیوں جے اُوہد پُتر مسیح تے پروہسا کیتے بغیر مگر گیا سی۔ اُو ایہہ ماننا چاہندی سی کہ اُوہدا پُتر راستباز سی۔ اُو اُوہدے گناہ وِچ مرن دے بارے چہ سوچنا نہئیں چاہندی سی۔ لوکی گناہ تے مسیح دی لوڑ دی بارے وِچ نہئیں سوچنا چاہندے۔ ایہہ ایہناں دے ضمیر نوں پریشان کردا اے۔

کئی وریاں تیکر چینی گرجا گھر وِچ ڈاکٹر ٹموٹھی لِن Dr. Timothy Lin ڈاکٹر ہائیمرز دے پادری صاحب سن۔ ڈاکٹر لِن پرانے عہدنامے دے اِک ماہر عالم سن۔ تے اُوہناں نے ضمیر دے بارے وِچ اِک آرٹیکل تحریر کیتا سی۔ اُوہناں نے کہیا، ’’ضمیر انسان دے صحیح تے غلط نوں جانن دے ذریعہ اے‘‘ (ٹموتھی لِن پی ایچ۔ ڈی۔ Timothy Lin, Ph.D.، ضمیر: باطن وِچ خدا دی آوازConscience: The Voice of God Within، BSMI، 2000، صفحہ 1)۔ فیر ڈاکٹر لِن نے کہیا، ’’ضمیر بولے گا، یا تے سانوں انعام دین دے لئی یا فیر ملامت کرن دے لئی… ضمیر یا تے سانوں اطمینان، خوشی تے ہمت دا تاج پہنائے گا جیہڑا اَسی کیتا اے یا سانوں انصاف دی عدالت وِچ بُلایا جائے گا جِیتھے اُو گرجدار سزا سُناندا اے، جیہڑی سانوں بُرا یا قصور وار ضمیر بخشدی اے‘‘ (ibid.، صفحہ 2)۔

تہاڈا ضمیر تہانوں پریشان کردا اے جدوں تُسی غلط کردے اُو۔ جے تُسی گناہ کردے رہنا جاری رکھدے اُو، تے تہاڈا ضمیر مجرم تے ناپاک ہو جاندا اے۔ اپنے ضمیر نوں پاکیزہ کرن دا واحد طریقہ ایہہ اے کہ ایہنوں پاک صاف کیتا جائے، مسیح دے لہو دے وسیلہ توں آزاد کیتے جان دے ذریعے توں، پاک کیتا جائے، ساڈی تلاوت کہندی اے،

’’مسیح دا لہو ہُور کیہنا… تہاڈے ضمیر نوں پاک صاف کرے گا؟‘‘ (عبرانیوں9: 14)۔

بائبل ایس بارے چہ بوہتا کُج کہندی اے کہ ضمیر کیس طرح مجرم بنندا اے، تے ایہنوں کینج پاک صاف کیتا جا سکدا اے – مسیح دے لہو نال پاک صاف کیتا جاندا اے۔

I۔ پہلی گل، تہاڈے ضمیر نوں پاک صاف کرن دی لوڑ کیوں اے۔

جدوں تُسی کُج درست کردے اُو تے تہاڈا ضمیر ایس دی منظوری دیندا اے۔ لیکن جدوں تُسی غلط کردے اُو تے تہاڈا ضمیر تہانوں تے اِلزام لگاندا اے۔ بائبل کہندی اے، ’’اُوہناں دا ضمیر وی گواہی دیندا اے، تے اُوہناں دے خیالات … اِک دوجے تے اِلزام دھردے نے یا معاف کردے نے‘‘ (رومیوں2: 15)۔

بائبل کہندی اے، ’’گناہ شریعت [نوں توڑن] دی خلاف ورزی اے‘‘ (1 یوحنا 3: 4)۔ خدا کہندا اے، ’’توں جھوٹی گواہی نہ دیویں [توں جھوٹ نہ بولیں]‘‘ (خروج 20: 16)۔ تُسی اپنے ضمیر وِچ جانندے اُو کہ ایہہ غلط اے، لیکن تُسی بہرحال جھوٹ بولدے اُو۔ خدا کہندا اے، ’’چوری نہ کریں‘‘ (خروج 20: 15)۔ تُسی اپنے ضمیر وِچ جانندے اُو کہ ایہہ غلط اے، لیکن تُسی بہرحال چوری کردے اُو۔ خدا کہندا اے کہ ہر اِتوار نوں گرجا گھر وِچ ہوویں۔ لیکن تُسی کہندے اُو، ’’نہئیں، میں ایہہ نہئیں کراں گا۔ کُج ہُور اے جیہڑا میں کرن جا رہیا آں۔‘‘ تہاڈا ضمیر تہانوں پریشان کردا اے، لیکن تُسی سُنندے نہئیں اُو۔ یسوع تہانوں پکاردا اے، ’’میرے کول آؤ‘‘ (متی 11: 28)۔ تہاڈا ضمیر کہندا اے کہ تُہانوں اُوہدے کول آن دی لوڑ اے۔ لیکن تُسی سُنن توں انکاری ہوندے اُو۔

تُسی اپنے ضمیر دی واج توں بچن دی کوشش کر سکدے اُو۔ تُسی اپنے گناہ دے بارے چہ نہ سوچن دے لئی منشیات لے سکدے اُو۔ تُسی اپنے دماغ نوں کمزور کرن دے لئی شراب پی سکدےاُو تے اپنے گناہ دے بارے وِچ نہئیں سوچ سکدے۔ تُسی گھنٹیاں تیکر ویڈیو گیمز کھیڈن تے کمپیوٹر تے ویلہ ضائع کرن وِچ لنگہا سکدے اُو – اپنے گناہ دے بارے چہ نہ سوچو۔ تُسی گرجا گھر توں دور رہ سکدے اُو – کیوں جے تُسی اپنے گناہ دے بارے چہ سوچنا نہئیں چاہندے اُو۔ یا تُسی اپنے آپ نوں مصروف، مصروف، اسکول یا کم دی سرگرمیاں وِچ مصروف رکھ سکدے اُو – اپنے گناہ دے بارے چہ سوچن توں بچن دے لئی، اپنے ضمیر دی واج توں چھپان دے لئی۔

تُسی اپنے ضمیر دے واج نوں خاموش کرن دے لئی چنگے کم کرن دی کوشش کر سکدے اُو۔ تُسی کسی ہُور دی مدد کرن دی کوشش کر سکدے اُو، یا پیسے دے سکدے اُو، یا گرجا گھر جا سکدے اُو۔ لیکن ایہناں وِچوں کوئی وی تہاڈے گناہ نوں خدا دے سامنے نہئیں لے جا سکدا۔ چنگا بنن دی کوشش کر کے تُسی جنت وِچ نہئیں جا سکدے! بائبل کہندی اے، ’’اَسی سارے ناپاک شے وانگوں نے، تے ساڈی ساری راستبازیاں خدا دے سامنے غلیظ چھیتھڑیاں وانگوں نے‘‘ (اشعیا 64: 6)۔ تہاڈے ماضی دا ریکارڈ ہُنے باقی اے۔ تے خداوند ہُنے وی تہاڈے دِل نوں جانندا اے۔ ایس لئی بائبل کہندی اے، ’’شریعت دے اعمال توں کوئی جسم راستباز نہئیں ٹھہرایا جائے گا‘‘(رومیوں 3: 20)۔ ایس لئی تہانوں یسوع، خدا دے پُتر دی لوڑ اے، کہ تہاڈے گناہواں دا کفارہ ادا کرے تے تہاڈے لئی تہاڈے ضمیر نوں پاک صاف کرے۔ اُوہنے اپنا لہو اُو کم کرن دے لئی دِتا جیہڑا تُسی اپنے لئی نہئیں کر سکدے، کیوں جے صرف ’’یسوع مسیح [خدا دے] پُتر دا لہو سانوں سارے گناہواں توں پاک صاف کردا اے‘‘ (1 یوحنا 1: 7)۔

تُسی سوچ سکدے اُو کہ تہاڈا گناہ خفیہ اے، جیس دے بارے چہ کوئی نہئیں جانندا۔ لیکن بائبل کہندی اے، ’’خدا ہر کم نوں، ہر پوشیدہ شے دے نال عدالت وِچ لیہیائے گا‘‘ (واعظ 12: 14)۔ یسوع نے کہیا، ’’کوئی شے لُکی ہوئی نہئیں اے جیہڑی ظاہر نہ کیتی جائے۔ تے نہ ای کوئی شے چھپی ہوئی اے جیہڑی جانی نہ جائے گی‘‘ (لوقا12: 2)۔ تہاڈا پوشیدہ گناہ عدالت وِچ سامنے آ جائے گا!

تُسی اپنے گناہ دا بہانہ بنا سکدے اُو – اپنے ضمیر دی واج نوں ہُولا کرن دے لئی۔ اِک وڈا بہانہ دوجے لوکاں وَل اشارہ کرنا اے۔ تُسی کہندے اُو، ’’میرے بیلی وہ ایہہ کر رئے نے۔‘‘ ہر کوئی ایہہ کر رہیا اے۔‘‘ یا تُسی کہندے اُو، ’’سچ، میں مسیح تے پروہسا نہئیں کراں گا۔ لیکن کُج ہُور لوکی نے جیہڑے مسیح تے پروہسا وی نہئیں کرن گے۔ یا تُسی کہندے اُو، ’’میں کُج دوجے لوکاں وانگوں ایہنا وی بُرا نہئیں آں۔‘‘ لیکن ایہہ کیویں تہانوں تہاڈے اپنے گناہ دے لئی مجرم نہئیں بناندا؟

تہاڈی تے اُوہناں دی، آخری عدالت وِچ مذمت کیتی جائے گی۔ بائبل کہندی اے،

’’تے میں چھوٹے وڈے سارے مُردیاں نوں تخت دے اَگے کِھلوتا ویکھیا؛ فیر کتاباں کھولیاں گئیاں … سارے مُردیاں دا اِنصاف اعمال دے مطابق کیتا جائے گا جیہڑے اُوہناں دی کتاباں وِچ درج سن‘‘ (مکاشفہ20: 12)۔

سارے غیر نجات یافتہ مُردہ – تُسی تے اُو – آخری عدالت وِچ ہون گے۔ تہاڈے سارے گناہ خدا دی کتاباں وِچوں پڑھے جان گے۔ فیر کوئی راز نہئیں رئے گا! تے بائبل کہندی اے،

’’تے جیس دا ناں کتابِ حیات وِچ لکھیا ہویا نہ لبھیا اُوہنوں وی اَگ دی جھیل وِچ سُٹیا جائے گا‘‘ (مکاشفہ20: 15)۔

’’کتابِ حیات‘‘ وِچ اُوہناں ساریاں لوکاں دے ناں درج نے جِنہاں نے یسوع تے پروہسا کرن دے وسیلہ توں اپنے گناہواں نوں معاف کروا لیہیا اے۔ لیکن ہر کوئی – ’’جیہڑا وی‘‘ – جِنہے وی یسوع تے پروہسا نہئیں کیتا، جِنہوں اُوہدے لہو نال معاف نہئیں کتیا گیا، اَگ دی جھیل وِچ سُٹ دِتا جائے گا۔

ایہہ تہانوں اُوہناں دے گناہواں نوں خدا دی کتاباں توں پڑھدے ہوئے سُنن وِچ، تے اُوہناں نوں اَگے دی جھیل وِچ سُٹدے ہوئے ویکھن وِچ کیس طرح مدد دیوے گا – جدوں تُسی آپئے اُوتھے جاؤ گے! ایس نال تہانوں کوئی فائدہ نہئیں ہووے گا۔ یسوع تے پروہسا کرو تے اُوہدے لہو نال معافی حاصل کرو ایس توں پہلاں کہ بوہتی دیر ہو جائے!

تہاڈا ضمیر تہانوں تہاڈے گناہ دے بارے وِچ دسدا اے۔ لیکن تُسی سُنن توں انکاری ہوندے اُو۔ تُسی اپنے گناہ وِچ لگے رہندے اُو۔ تُسی اپنے بہانیاں وِچ قائم رہندے اُو۔ تُسی ہںے وی یسوع تے پروہسا کرن توں انکار کردے۔ تہاڈے گناہ دا ریکارڈ لمبے توں لمباں ہوندا جاندا اے۔ لیکن تُسی فیر وی یسوع تے پروہسا نہئیں کرو گے۔

فیر تُسی اپنا ذہن بنا لوؤ گے۔ تُسی اپنی عادت بنا لوؤ گے۔ تہاڈا دِل سیمنٹ وگرا ہو جاندا اے۔ تہاڈے ضمیر گندا تے آلودہ ہو جاندا اے۔ بائبل کہندی اے، ’’اُوہناں دا ذہن تے ضمیر وی غلیظ نے‘‘ طیطُس 1: 15)۔ تہاڈا ضمیر اینج کم نہئیں کردا جیس طرح ایہنوں کرنا چائیدا اے۔ ایہہ تہانوں پریشان نہئیں کردا جیویں کہ ایہنوں ہونا چائیدا اے۔ ’’کیوں جے اُوہناں دا ذہن تے ضمیر غلیظ اے۔‘‘

آخر کار تُسی اُوس تھاں تے پہنچ جاؤ گے جیتھے تہاڈا ضمیر تہانوں بالکل وی پریشان نہئیں کردا اے۔ بائبل ایہو جئے لوکاں دے بارے وِچ دسدی اے جیہڑے ’’اپنے ضمیر نوں تپدے لوہے نال چھیددے نے‘‘ (1 تیمتھیس 4: 2)۔ گرم لوہے نال جل گیا! تہاڈا ضمیر ایہنا جل سکدا اے کہ تُسی اپنے آپ نوں مذید ہُور قصوروار محسوس نہئیں کردے! ہُن تُسی اپنے گناہ دی سزایابی محسوس نہئیں کردے۔ ہُن تہانوں تہاڈی روح دی فکر نہئیں اے۔ تُسی یسوع تے پروہسا کرن تے سنجیدہ نہئیں اُو۔ تہانوں ’’اُوباشی‘‘ دے حوالے کر دِتا گیا اے (رومیوں 1: 28)۔ خدا ہُن تہاڈے نال گل نہئیں کردا – کیوں جے تُسی اُوہدی گل نہئیں سُنو گے جدوں کہ اُوہنے تہاڈی سُنی سی۔

ایہہ اپنے نال نہ ہون دیو! یسوع پر پروہسا کرو! صرف مسیح دا لہو ای تہاڈے ضمیر نوں پاک صاف کر سکدا اے۔ ساڈی تلاوت کہندی اے، ’’مسیح دا لہو ہُور کیہنا … تہاڈے ضمیر نوں پاک صاف کرے گا؟‘‘ (عبرانیوں 9: 14)۔

یسوع نے تہاڈے گناہ نوں دھون دے لئی اپنا لہو وگایا۔ ایس توں ودھ کے کوئی ادائیگی نہئیں اے۔ جے تُسی یسوع تے پروہسا کردے اُو، تے تہاڈے گناہ دا ریکارڈ صاف ہو جائے گا۔ تہانوں آخری فیصلے توں ڈرن دی لوڑ نہئیں ہووے گی۔ مسیح دا لہو ہمیشہ دے لئی تہاڈی ادائیگی دے طور تے کِھلوتا رئے گا۔ تہاڈا ضمیر خدا دے اَگے صاف ہو جائے گا – مسیح دے لہو دی وجہ توں۔

II۔ دوجی گل، تہاڈے ضمیر نوں کیویں پاک صاف کیتا جا سکدا اے۔

تہاڈا ضمیر تہانوں گناہ دی یاد دلاندا اے۔ شاید ایہہ ایہنی شدت نال نہئیں بولدا جِنہی شدت نال ایہنوں بولنا چائیدا اے – لیکن تہانوں اپنا گناہ ہُنے وی یاد اے۔ تُسی [اپنے آپ نوں] مجرم محسوس کردے اُو۔ تہانوں بُرا لگدا اے۔ تہانوں اپنے گناہواں دی معافی دی لوڑ اے۔ تہانوں اپنے ضمیر نوں پاک صاف کرن دی لوڑ اے۔ تہانوں اپنے ضمیر نوں پاک صاف کرن دی لوڑ اے۔ تے مسیح دا لہو اینج کرے گا جے تُسی اُوہدے تے پروہسا کردے اُو۔ بائبل کہندی اے،

’’مسیح دا لہو ہُور کیہنا … تہاڈے ضمیر نوں صاف کرے گا؟‘‘ (عبرانیوں9: 14)۔

یسوع تہاڈے گناہ دی ادائیگی دے لئی سولی تے مریا۔ اُوہنے ’’اپنے آپ نوں خدا دے حضور وِچ اِک بے عیب قربانی دے طور تے پیش کیتا۔‘‘ ایس لئی ’’اپنی سولی تے لہو دے ذریعے توں صُلح کیتی‘‘ (کلسیوں 1: 20)۔ تیجے دِن اُو مُردیاں وِچوں جی اُٹھیا۔ اُو اُوسی لہو نوں خدا دے اَگے لیہیان دے لئی واپس آسمان تے گیا۔ اُو خدا دے حضور وِچ ٹر گیا۔ اُو آسمان چہ خدا دے ہیکل وِچ گیا تے اُوتھے اپنا لہو قربان گاہ تے رکھیا۔ بائبل سانوں دسدی اے،

’’اپنا لہو لے کے اِک ای وری پاک ترین مکان وِچ داخل ہویا‘‘ (عبرانیوں9: 12)۔

خدا باپ مسیح دے لہو توں مطمئن اے۔ بائبل مسیح یسوع دے بارے چہ دسدی اے: ’’جِنہوں خدا نے مقرر کیتا کہ اُو اپنا لہو وگائے تے انسان دے گناہ دا کفارہ [اطمینان دے لئی اِک ادائیگی] بن جائے تے اُوہدے تے ایمان لیہیان آلے فائدہ چُکن‘‘ (رومیوں3: 24۔25)۔ یسوع دا لہو تہاڈے گناہ دے خلاف خدا دے غضب نوں مطمئن کردا اے۔ فیر خدا تہانوں جنت وِچ جان دے سکدا اے۔ بائبل کہندی اے، ’’اُوہدے پُتر یسوع مسیح دا لہو سانوں سارے گناہواں توں پاک صاف کردا اے‘‘ (1 یوحنا 1: 7)۔

لیکن ایہو ای سب کُج نہئیں اے! ساڈی تلاوت کہندی اے،

’’مسیح دا لہو ہُور کیہنا … تہاڈے ضمیر نوں پاک صاف کرے گا؟‘‘ (عبرانیوں9: 14)۔

یونانی لفظ جیس دا ترجمہ ’’پاک صاف کرےpurge‘‘ کیتا گیا اے اُو کتھارڈزو katharidzōدی اِک شکل اے۔ انگریزی لفظ ’’اِسہال catharsis‘‘ ایس توں نکلیا اے۔ جدوں کسی نوں ’’ذہنی دباؤ ختم ہون دا [کیتھارٹکcathartic] تجربہ‘‘ ہوندا اے تے ایس دا مطلب ہوندا اے کہ مکمل رہائی، اِک دھچکا، جانے دینا، سب کُج چھڈ دینا۔ یسوع دا لہو تہاڈے گناہ نال ایہو ای کردا اے۔ بائبل کہندی اے، ’’جِنہا مشرق مغرب توں [دور] اے، اُوہنے ساڈی خطاواں نوں اُوہنا ای [ساڈے توں] دور کر دِتا اے‘‘ (زبور103: 12)۔ خدا تہاڈے گناہ نوں وی یاد نہئیں رکھدا! خدا نے کہیا کہ اُو ’’[تہاڈے] گناہواں نوں یاد نہئیں رکھے گا‘‘ (اشعیا43: 25)۔ اپنے لہو نال ساڈے گناہواں نوں پاک صاف کرن دے بعد، یسوع دے کول ساڈے گناہواں دے لئی کرن دے نوں کُج نہئیں بچیا سی۔ بائبل کہندی اے،

’’جدوں [یسوع] خود اپنے ذریعے نال ساڈے گناہواں نوں پاک صاف کر چکیا، اُو آسمان تے خدا دے دائیں پاسے جا بیٹھیا‘‘ (عبرانیوں1: 3)۔

ساڈے گناہواں نوں پاک صاف کرن دے بعد، یسوع صرف بیٹھ گیا۔ گناہواں نوں ڈھانپ دِتا گیا، دھویا گیا، پاک صاف کیتا گیا، اُڑا دِتا گیا تے [ایہہ] کیتا گیا! اُوہدے کول باپ دے دائیں پاسے بین دے سوا کُج نہئیں بچیا سی۔

چند ہفتے پہلاں میں اِک نوجوان نال گل کیتی جیہڑا ہر ویلے اپنا تجزیہ کردا رہندا اے۔ جدوں میں اُوہنوں یسوع تے پروہسا کرن دے لئی کہیا تے اُوہنے جواب دِتا، ’’میں اُوہنوں حاصل نہئیں کر سکدا – میں اُوہنوں حاصل نہئیں کر سکدا – [ایہو جیہا کم] رونما کرن دے لئی۔‘‘ ’’وہ‘‘ کی اے؟ ’’ایہہ‘‘ کی اے؟ ’’وہ‘‘ تے ’’ایہہ‘‘ اُوہدے احساسات نے۔ جے اُوہنوں صحیح احساس لبھدا اے تے اُو کہے گا کہ اُوہنے نجات پا لئی اے – لیکن اُو ’’ایہہ‘‘ رونما ہون دے لئی حاصل نہئیں کر سکدا۔ اُو اینج کدی وی نجات نہئیں پائے گا، پاویں اُو کیہنی ای وری کوشش کرے۔ نجات ایس طرح نہئیں آندی۔ ایہہ مسیح بخود تے پروہسا کرن دے نال آندی اے، اپنے آپ نوں ایہہ ویکھن دے لئی نہئیں کہ آیا ’’وہ‘‘ یا ’’ایہہ‘‘ ہویا اے۔

یسوع نے اپنے آپ دا تجزیہ نہئیں کیتا جدوں اُوہنے اپنا لہو جنت وِچ قربان گاہ تے رکھیا۔ تے اُوہنے بعد چہ خود دا تجربہ نہئیں کیتا۔ یسوع نے ایہہ ویکھن دے لئی نہئیں ویکھیا کہ آیا ایہنوں کُج محسوس ہویا۔ اُوہنے اپنا لہو اُوتھے پایا، تے اُوہنے ہمیشہ دے لئی گناہ نال نمٹ لیہیا۔ فیر اُو ’’عالم بالا تے خدا دے داہنے ہتھ تے بیٹھ گیا۔ اُوہدا کم ہو گیا سی۔ اُو بیٹھ گیا۔

ایس توں پہلاں میں ایس واعظ وِچ ڈاکٹر ٹموتھی لِن دا حوالہ دِتا سی۔ ایہسی مضمون وِچ، ڈاکٹر لِن نے آگسٹین نامی شخص دی جدوجہد دے بارے چہ لکھیا۔ آگسٹین اپنی روح دے بارے چہ فکرمند سی۔ اُو گناہ وِچ حیاتی گزار رہیا سی۔ اُوہنے یسوع تے ایمان لیہیان توں انکار کیتا سی۔ تے ہُن اُو نجات پان دی کوشش کر رہیا سی۔ اُوہنوں اپنے ضمیر وِچ بُرا لگیا۔ اُو نہئیں جانندا سی کہ کی کرے۔

اِک دِن اِک باغ وِچ اُوہنے بچیاں نوں گانا گاندیاں ہوئے واجاں سُنیاں، ’’لو تے پڑھو، لو تے پڑھو۔‘‘ اُو رومیوں دی کتاب دی اِک کاپی وَل متوجہ ہویا جِنہوں ایہنے لاگے ای رکھیا ہویا سی، تے تیرہویں باب وِچوں دو آیتاں پڑھیاں۔ اُو آیتاں اُوہدے گناہ دے بارے چہ گل کردیاں سن۔ تے فیر اُوہنے پڑھیا، ’’خداوند یسوع مسیح دے ہو جاؤ‘‘ (رومیوں 13: 14)۔

جواب ایتھے ای سی! ’’خداوند یسوع مسیح دے ہو جاؤ۔‘‘ بس ایہنا ای اے! آگسٹین مسیح دا ’’ہو گیا‘‘۔ اُوہنے مسیح تے پروہسا کیتا۔ اُو سارے زمانیاں دے عظیم مسیحیاں وِچوں اِک بن گیا۔ لیکن ایہہ اُوس ویلے ہویا جدوں اُو مسیح دا ’’ہو گیا‘‘ – ایہہ کہن دا اِک ہُور طریقہ اے کہ اُوہنے مسیح تے پروہسا کیتا۔ اُو اُوتھے مسیح تے ایمان لیہیا کے تبدیل ہو گیا۔ اُوہنے مسیح تے پروہسا کیتا۔ بس ایہہ سب کُج سی۔ ایہو ای سب کج سی!

تُسی یسوع تے پروہسا کیوں نہئیں کردے، تے اُوہنوں اُوہدے نال چھڈ دیندے اُو؟ اُوہدا لہو تہانوں پاک صاف کر دے گا۔ خدا دے سامنے تہاڈا ریکارڈ صاف ہووے گا۔ تے اُوہنوں تہاڈے ضمیر نوں وی پاک صاف کر لین دیو! بائبل کہندی اے کہ اُو اینج کردا اے۔ ’’مسیح دا لہو ہُور کیہنا … تہاڈے ضمیر نوں پاک صاف کرے گا؟‘‘ اپنے باطن وِچ ’’یقین‘‘ نوں تلاش کرنا چھڈ دیو۔ ایہنوں [یسوع مسیح نوں] تہاڈی یقین دہانی ہو لین دیو! ایہہ ویکھن دے لئی اپنے آپ دا تجربہ کیوں کریے کہ کی ہویا؟ بائبل کہندی اے کہ مسیح دا لہو ’’تہاڈے ضمیر نوں ایہو جئے کماں توں ہُور وی بوہتا پاک صاف کرے گا جِنہاں دا انجام موت اے۔‘‘ تہاڈی خالی دعاواں دے مُردہ کام، تہاڈے اپنے خیالات تے احساسات، تہاڈے چنگے بنن دی کوشش، تہاڈا نہ ختم ہون آلا خود دا تجزیہ، تہاڈا ’’ایہہ‘‘ تے ’’وہ‘‘ اپنے ’’بُرے اعمال [مُردہ کماں]‘‘ نوں مت ویکھو – اُو مر چکے نے! ’’یقین دہانی‘‘ دے لئی اپنے آپ نوں ویکھنا بند کرو۔ یسوع تے پروہسا کرو تے اُوہنوں نمٹ لین دیو – اُوہدے لہو نال پاک صاف کیتا گیا – رہا کیتا گیا اے، جان دِتا گیا اے، ہمیشہ دے لئی جا چکیا اے! یسوع دا لہو مسئلے نوں حل کردا اے، تے سوال نوں ختم کردا اے – تے ایس گل نوں تہاڈے لئی وی سوال نوں ختم کرنا چائیدا اے۔ جرم تے سزا یسوع دے لہو دے وسیلے نال طے ہو چکے نے، رہا ہو چکے نے، جا چکے نے، دھل چکے نے، پاک صاف ہو گئے نے!

ایہہ ایس ای قدر سادہ جیہئی گل اے۔ یسوع سولی تے تہاڈے گناہ دا کفارہ ادا کرن دے لئی قربان ہو گیا۔ اُوہنے تہاڈے گناہ نوں دھون دے لئی، تے اُوہنوں ہمیشہ دے لئی پاک صاف کرن دے لئی اپنا لہو وگایا۔ اُو تہانوں زندہ کرن دے لئی مُردیاں وِچوں جی اُٹھیا۔ یسوع تے پروہسا کرو، اپنے آپ تے نہئیں۔ اُوہدے تے پروہسا کرو تے تُسی نجات پا جاؤ گے۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔