ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پولوس روم دی کلیسیا نال گل کر رہیا اے۔ اُو اُوہناں ساریاں نوں دعا منگن دے لئی کہہ رہیا اے کہ میں جدوں تہاڈے کول آواں گا تے مسیح دیاں ساریاں برکتاں لے کے آواں گا۔ پولوس دعاواں تے انحصار کردا سی۔ ایہہ اینج ای اے جیویں مسیح آپئے اُوہنوں اُوہدے نال دعا منگن دے لئی کہندا اے۔ اُو اُوہناں نوں کہندا اے کہ مسیح دے واسطہ اُوہدے لئی دعا منگن، تے پاک روح دی محبت یاد دلا کے جیس نال پاک روح کم کردا اے اُوہناں نوں التماس کردا اے کہ اُوہدی مذہبی خدمت دے لئی اُوہدے نال مل کے خدا کولوں رَل کے دعا وِچ سرگرم رہن۔ جیس یونانی لفظ نے ’’سرگرمstrive‘‘ دا ترجمہ کیتا اُو یونانی زبان دے لفظ ’’ایگونائیزومائی agonizomai‘‘ توں اے۔ اِسی ایہدے کولوں اپنا انگریزی دا لفظ ’’دردوکربagony‘‘ اخذ کرنے آں۔ پولوس اُوہناں کولوں اپنے لئی خدا توں دعا وِچ ’دردوکرب‘‘ دے نال سرگرم رہن دے لئی کہہ رہیا اے۔ پولوس نے ایہو ای یونانی لفظ اُوہدوں استعمال کیتا جدوں ایپافراسEpaphras نامی شخص دی گل کردا اے، جیہڑا ’’ہمیشہ وڈھی جانفشانی نال تہاڈے لئی دعا منگدا اے‘‘ (کُلسیو12:4)۔ پولوس کہہ رہیا ہے ’’دعا وِچ میرے نال جانفشاں رہوو۔‘‘اُو اُوہناں کولوں چاہندا اے کہ انتہائی سرگرمی تے جانفشانی نال دعا منگن۔ اُو اُوہناں کولوں چاہندا اے کہ اینج دعا منگن جیویں گتسمنی دے باغ وِچ یسوع نے منگی سی،‘‘

’’تے اُو سخت دردوکرب وِچ مبتلا ہو ے ہُور وی دلسوزی نال دعا کرن لگا‘‘ (لوقا 22:44).

اُوتھے ’’ایگونیاagonia‘‘ دا ترجمہ بطور ’’درد و کربagony‘‘ کیتا گیا اے۔ جارج رائیکر بیری George Ricker ایویں ترجمہ کردا اے، اُوہنے کشمکش وِچ مبتلا ہو کے زیادہ بیقراری نال دعا منگی۔‘‘ اُوہنے ’’درد و کربagonia‘‘ دا ترجمہ بطور ’’کشکمشconflict‘‘ کیتا۔ عبرانیوں 5:7 گتسمنی وِچ مسیح دی دعا تے تبصرہ اے،

’’یسوع نے اِک بشر دے حیثیت نال حیاتی گزارن دے دِناں وِچ پکار پُکار کے تے اتھرو وگا وگا کے خدا کولوں دعاواں تے اِلتجاواں کیتیاں جیہڑا اُوہنوں موت کولوں بچا سکدا سی تے اُوہدی خدا ترسی دی وجہ توں اُوہدی سُںی گئی‘‘ (عبرانیوں 5:7).

اُو گتسمنی وِچ مسیح دی دعا اے۔ تے اُو ساڈے تے ظاہر کردی اے کہ الفاظ ’’ایگونائیزومائی agonizomai‘‘ تے ’’درد و کرب agonia‘‘ دا مطلب کی ہوندا اے۔ اُو الفاظ ’’پکار پکار کے تے اَتھرو وگا وگا کے‘‘ دعا منگن دے بارے وِچ گل کردے نے، یا، جیویں کہ دورِ حاضرہ دا اِخ مترجم ایس نوں تحریر کردا اے، دعا منگنا ’’بُلند چیخاں تے اَتھروواں دے نال‘‘ (NIV)۔

ایہہ اے جیہڑا پولوس روم دے مسیحیاں نوں کرن دے لئی کہہ رہیا سی جدوں اُوہنے اُوہناں نوں ’’اپنے نال رَل کے خدا کولوں دعا کرن وِچ سرگرم‘ رہن دے لئی قائل کیتا۔ ساڈے لوکاں وِچاں اِک بندہ جیہڑا ایس طرح دعا منگنا جانندا اے اُوہنے اِک دوجے گرجا گھر وِچ دعائیہ اِجلاس وِچ باآوازِبُلند دعا منگی۔ پادری صاحب نے اُوہدی سرزش کیتی تے اُوہنوں ’’خدا تے چیخن‘‘ توں منع کیتا۔ مینوں ایس بارے چہ بوہتی بعد چہ پتا چلیا۔ شروع وِچ اُوس پادری صاحب دے نال میں ناراض سی۔ مگر میں کُج نئیں کہیا۔ بعد وِچ اُوس بندے نوں جِہنے ایویں دعا منگی سی میں دَسیا کہ غالباً ایہہ پہلی وری سی کہ پادری صاحب نے مسیح وگری اِک حقیقی دعا اپنے گرجا گھر وِچ واقعی وِچ سُنی سی! ساڈے غربت دے مارے گرجا گھراں وِچ اَج لوکی پُرخلوص ماندی تے پُرخلوص دعا توں دنگ رہ جاندے نے! اُو مُردہ تبلیغ تے مٹی وانگر خشک دعاواں دے عادی ہو چکے نے! مگر کیوں ایس قدر خلوص دے نال تے جوش دے نال دعا منگی جائے؟ کیوں دردوکرب وِچ دعا منگی جائے جیویں مسیح نے منگی سی؟ چارلس سائمن Charles Simeon نے کہیا،

خدا اِک ذمہ داری دی حیثیت نال سفارشی دعا کولوں محظوظ ہوندا اے، تے لوکاں وِچ اپنی برکات نوں بخشن دے ذریعے دی حیثیت نال ایس نوں مقرر کردا اے۔ [ایس لئی سانوں چائیدا اے] اُوہدے مقرر کردہ طریقے وِچ اُوہدی برکات نوں تلاش کریے (سارئ بائبل تے تفسیراتی خاکہ Expository Outlines on the Whole Bible، ژونڈروان Zondervan، دوبارہ اشاعت1955، جلد 15، رومیوں، صفحہ 586)۔

پچھلے اِتوار دی سویرے ’’الیکشن‘‘ تے میرا واعظ سُنن دے بعد، کُج لوکی شاید کہن، ’’اینج دعا کیوں منگی جائے جے خدا پہلاں توں ای جانندا اے تے جیہڑا ہون آلا اے اُوہدا حکم پہلاں توں ای نافذ کر چکیا اے؟‘‘ چارلس سائمن نے جواب پیش کیتا، ’’خدا اِک ذمہ داری دی حیثیت توں [اینج دی دعا] توں محظوظ ہوندا اے تے لوکاں وِچ اپنی برکات نوں بخشن دے ذریعے دی حیثیت توں ایہنوں مقرر کردا اے۔‘‘ مسٹر سائمن مکمل طور تے اصلاح پسند ہو گئے سی۔ اُوہناں نے چناؤ وِچ یقین کیتا۔ مگر اُو جانندے سی کہ خدا دیاں برکتاں پان دے لئی ’’مقرر کردہ طریقہ‘‘ درد و کرب وِچ دعا منگن دے ذریعے توں ای اے۔ یاد رکھو کہ ایس توں پہلاں کہ خدا مسٹر سائمن دے گرجا گھر نوں دوجی عظیم بیداری دے دوران حیاتِ نو دے لئی اِک مرکز بناندا اُو کئی وریاں تیکر شدید کشمکش توں لنگہے سی۔ چارلس سائمن دے کول اِک پادری وگرا دِل، اِک شیر وگری منادی تے اِک مقدس وگریاں دعاواں سن۔ عظیم حیاتِ نو دے دور وِچ، جان ویزلی John Wesley دی حیاتی دے آخری دِناں وِچ اُو ویزلی دے بیلی سی۔

چارلس سائمن نے کہیا کہ ’’تثلیث دا عقیدہ‘‘ جے اُو سچا سی، تے کلام پاک دے دو یا تین واضح حوالیاں وِچ ایہدا ذکر نہ کیتا جاندا بلکہ سارے دے سارے کلام [وِچ پایا] جاندا… تے ایویں اَسی ایہنوں ایتھے تلاوت وِچ پانے آں،

پراہوو، میں تہانوں خداوند یسوع مسیح دا جیہڑا ساڈا خداوند اے، واسطہ دے کے تے پاک روح دے محبت یاد دِلا کے تہانوں اِلتماس کرنا واں کہ میرے نال مِل کے خدا کولوں دعا منگن وِچ سرگرم رہوو‘‘ (رومیوں15:30)۔

اُوہنے کہیا کہ پولوس رسول نے درخواست کیتی سی کہ روم وِچ مسیحی ’’اُوہدی حیاتی دے تحفظ، اُوہدے کم دی کامیابی تے دُنیا وِچ اُوہدے کولوں فائدہ مندی دی توسیع‘‘ دے لئی دعا منگن۔ ہُن ایہہ اُو مقصد نے جِنہاں دی ہر مذہبی خادم نوں لُوڑ ہوندی اے [کہ اُوہدے لوکی ایہناں دے لئی دعا منگن]۔‘‘ تے ایہو ای اے جیس دے لئی خود میری اپنی مذہبی خدمت وِچ تہانوں دعا منگن دی لُوڑ اے۔

مسٹر سائمن حقیقی، درد و کرب آلی دعا دی اہمیت نوں جانندے سن۔ اُو 1783 وِچ کیمرج وِچ پاک تثلیث دے گرجا گھر دی پادری دی حیثیت توں مقرر کیتے گئے سی۔ مذہبی جماعت وَلوں شدید مخالفت کیتی گئی سی جیہڑی اُوہناں دے انجیلی بشارت دے پرچار دے جوش تے عقائد نوں ناپسند کردی سی۔ جدوں اُوہناں نے اپنے پہلے واعظ دی تبلیغ کیتی تے زیادہ تر اراکین احتجاجاً گھر ای تے ٹھہر گئے سن۔ سائمن نے چند اِک ای آن آلیاں نوں تبلیغ کیتی جیہڑے اُوہنوں سُنن دے لئی آئے سن۔ فیر مذہبی جماعت نے اپنی مسیحی جماعت دے گرجا گھر دے بوہیاں تے تال مار چھڈے کہ آن آلیاں نوں اُوہناں دے گرجا گھر وِچ بیٹھن دے لئی جگہ مِلن توں روکن۔ سائمن نے لمبی راہداری وِچ بینچ رکھوا دِتے، مگر لوکاں نے گرجا گھر دے صحن وِچ بینچ سُٹ دِتے۔ سائمن نے اِتوار کی شام کی عبادتیں برگشتہ تے گواچے ہوئے لوکاں تیکر پہنچن دے لئی شروع کیتی، مگر لوکاں نے گرجا گھراں دے بوہیاں تے تالے لا دِتے، تے اُوہناں نوں اِجلاس کُھلی تھاں تے کروانے پہئے۔ ایہہ یقین کرنا مشکل اے کہ چارلس سائمن اُوس گرجا گھر وِچ چوون وریاں تیکر ٹھہرے رئے۔

جیویں جیویں ورے لنگہدے گئے اُوہناں دے دشمن گھٹ ہوندے گئے تے اُوہناں نوں حقیقی تبدیلی تے منادی کرن توں روکن دے لئی گھٹ اہل ہوندے گئے۔ بالاآخر اُوہناں دے گرجا گھر وِچ حیاتِ نو آ گیا، تے ایہہ انگلستان وِچ عظیم گرجا گھراں وِچوں اِک گرجا گھر بن گیا۔

1832 وِچ سائمن نے اپنی مذہبی خدمات دی پچاسویں سالگرہ اُوسی گرجا گھر وِچ منائی۔ ڈاکٹر وارن وائرسبی Dr. Warren Wiersbe نے کہیا، ’’اُوہنے اپنے سارے دشمناں نوں خاموش کرا دِتا یا زیادہ تر تیکر کِھلوتا نہ رہن دِتا… گرجا گھر وِچ ہم آہنگی سی، عمارتاں دی مرمت کیتی گئی، تے خوشخبری قوت تے صراحت دے نال اَگے ودھد رئی سی۔ اُو اُوہناں دِناں توں بوہتا اَگے نکل آیا سی جدوں اُوہدے گرجا گھر دے افسراں نے اُوہنوں آپئے اپنے ای گرجا گھر توں باہر نکال کڈیا سی… اَج چارلس سائمن سانوں کی کہندا اے… اِک ای گل دے لئی، کلام دی منادی کرو۔ دوجی گل، مخالفت دے باوجود کم تے ڈتے رہوو… اُوہنے تربیتی دعاواں دے لئی اِک مثال قائم کیتی‘‘ (وارن ڈبلیو وائرسبی، ڈی۔ ڈی۔ Warren W. Wiersbe, D. D.، پنجا [۵۰] لوکی ہر مسیحی نوں جاننے چائیدے نے Fifty People Every Christian Should Know، بیکر بُکس Baker Books، 2009، صفحہ52)۔ سائمن نے ساری بائبل دا احاطہ کردیاں ہوئیاں 2,536 خُلاصیاں تے مشتمل کتاباں دا اِک بہت وڈا سیٹ شائع کیتا۔ سپرجیئن تے ڈاکٹر مارٹن لائیڈ جونز دوواں ای نے ایہناں کتاباں نوں پڑھن دا مشورہ دِتا۔ سائمن نے اپنے نوجوان اِسسٹنٹ ھنری مارٹن نوں متاثر کیتا، جیہڑا اپنے گھر وِچوں انڈیا دے لئی پہلے مشنریاں وِچوں اِک دی حیثیت نال باہر نکلیا۔ سائمن نے دُنیا دے کونے کونے وِچ خوشخبری نوں لے جان دے لئی چرچ مشنری سوسائٹی دا آغاز کرن وِچ مدد دِتی۔ اُو خصوصی طور تے یہودی لوکاں دے لئی مشناں وِچ دلچسپی رکھدے سی۔ اُوہناں نے ایمسٹردم Amsterdam وِچ اُوتھے دے یہودی لوکاں دے لئی اِک گرجا گھر دی بنیاد رکھی۔ اِک ایہو جئے دور وِچ جدوں لوکی سمجھ نئیں پاندے سی کہ یہودیاں دے لئی خدا نے اِک مستقبل رکھیا سی، اُو منادی کیا کردے سی کہ یہودی لوکی اسرائیل وِچ واپس آن گے تے کہ خاتمے دے عظیم حیاتِ نو وِچ اُو یسوع دے کول آن گے (وائرسبیWiersbe، ibid.، صفحہ51)۔

چارلس سائمن حیاتِ نو دے لئی شدید دعا وِچ یقین رکھدے سی۔ ہماری تلاوت تے اپنے تبصرے وِچ اُوہناں نے کہیا،

ساریاں گلاں تو ودھ کے، میں تہانوں ساری ممکنہ سنجیدگی دے نال، خود اپنے لوکاں دے لئی دعا وِچ مصروف رہن دے لئی کہواں گا… جدوں تُسی دوجیاں دے لئی دعا منگو تے جیویں تُسی اپنی حیاتی دے لئی کُشتی لڑ رہے اُو اوویں ای ’’جِدوجہد‘‘ کرنی چائیدی اے… یقین رکھو، ایہہ چند اِک نیم گرم [دعاواں] نئیں نے جِنہاں دے خدا تہاڈے کولوں توقع رکھدا اے… تہاڈی تباہی دے لئی تاریکی دی ساریاں قوتاں [اِکٹھی] رَل کے آ جاندیاں نے… ایہہ تنہا دعا ای دے وسیلہ توں اے کہ تُسی اپنے دشمناں توں نجات حاصل کر سکدے اُو، یا خدا دی مرضی نوں پورا کرن دے لئی قوت پا سکدے اُو۔ تہانوں منگنا چائیدا اے، جے تُسی چاہندے اُو؛ تے لبھ پاؤ تے فیر تلاش کرو؛ تے جے تہاڈے تے رحم دا بوہا کُھل جائے تے کھٹکھٹاؤ۔ فیر میں تہانوں [اِلتجا] کراں آں، [دعا وِچ] سنجیدگی اِختیار کرو… میں تہاڈی منت کرنا واں، خداوند یسوع مسیح دے واسطے: تے کدی وی اُوہنوں مت چھڈو، جدوں تیکر کہ تہانوں خواہش کیتیاں ہوئیاں برکتاں اُوس [یسوع] توں حاصل نہ ہو جان۔ منّجی دے لہو دے ذریعے توں رحم دے لئی اُوہدے کولوں اِلتجا کرو؛ اپنے جاناں تے بوہتی بہتات دے نال اُوہدے پاک روح [نوں نازل کرن] دی اُوہدے کولوں اِلتجا کرو… فیر ایہہ برکات تہاڈے تے نازل ہون گئیاں، تے خدا تہاڈی ابدلاآباد نجات وِچ جلالیت پائے گا (چارلس سیمیعنCharles Simeon، ساری بائبل تے تفسیراتی خاکے Expository Outlines on the Whole Bible، جلد 15، رومیوں، ژونڈروان اشاعتی گھر Zondervan Publishing House، دوبارہ اشاعت 1955، صفحات 592، 593)۔

آمین! تے آمین!

گمراہ دُنیا ساڈے خلاف اے! ابلیس تے اُوہدیاں بدروحاں ساڈے خلاف نے! خود ساڈی اپنی ذہنی تے جسمانی فطرتاں ساڈے خلاف نے! مسیح وِچ ایمان لہیا کے حقیقی طور تے تبدیل ہون لئی تے حیاتِ نو دے لئی ساڈی واحد اُمید خدا وِچ اے! تے اِسی دعا وِچ ’’اِکٹھے سرگرم‘‘ رہن دے وسیلے توں ای صرف اُوہدی طاقت تے قوت پا سکنے آں۔ خدا دوبارہ اُو کر سکدا اے جیہڑا اُوہنے چارلس سائمن دے دِناں وِچ کیتا سی! خدا فیر اُو کر سکدا اے جیہڑا اُوپنے پولوس رسول دے دِناں وِچ کیتا سی!

پراہوو، میں تہانوں خداوند یسوع مسیح دا جیہڑا ساڈا خداوند اے، واسطہ دے کے تے پاک روح دے محبت یاد دِلا کے تہانوں اِلتماس کرنا واں کہ میرے نال مِل کے خدا کولوں دعا منگن وِچ سرگرم رہوو‘‘ (رومیوں15:30)۔

آمین! ساڈے خداوند دے ناں دی ستائش کرو! کاش اُو تہاڈی جدوں تیکر تُسی جنگ جیت نئیں جاندے سپاہیاں وانگوں دعا منگن وِچ مدد کرے تے اُوہدی روح دی قوت ساڈے گمراہ اراکین دے لئی نجات لہیائے تے ساڈے گرجا گھر وِچ حیاتِ نو آئے! آمین!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔