ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بائبل کدی وی مسیحیت دے بارے وِچ نفسیات دی اصطلاح وِچ گل نئیں کردی۔ اُو کدی وی مسیحیت دے بارے وِچ فلسفے یا اخلاقیات یا باطنی تے تخمینی قسم دے فلسفے یا عقلیت پسندی یا وجودیت دی اصطلاح وِچ گل نئیں کردی۔ نئے عہدنامے وِچ کئی وری، مسیحیت دے بارے وچ واضح طور تے ’’اُو راستہ‘‘ دی حیثیت نال گل کیتی گئی اے (یونانی وِچ Hē hŏdŏs – گزرگاہ، اُو راستہ)۔ جدوں پولوس مسیحیاں نوں ایذیتاں پہنچان دے لئی گیا، اپنے تبدیل ہون توں پہلاں، اُو ہر اُوس کسی نوں جیہڑا ’’ایس راہ دا‘‘ سی ایذیت دین دے لئی گیا (اعمال2:9)۔ پطرس رسول نے ’’اُو راستہ‘‘ (2پطرس2:2) دے بارے چہ دسیا۔ تے تُسی ’’اُو راستہ‘‘(Hē hŏdŏs – گزرگاہ، وہ راستہ) نوں نئے عہدنامے وِچ کم از کم ست وری مسیحی ایمان دے ناں دی حیثیت توں پاؤ گے۔ پولوس رسول نے کہیا، اپنے تبدیل ہون توں پہلاں ’’میں مسیحی راہ تے ٹُرن آلیاں نوں ستایا یس ایتھوں تیکر کہ قتل وی کِیتا‘‘ (اعمال4:22)۔ جدوں وی میں مسیحی ایمان نوں بیان کرن لگنا واں تے میں اُونوں بیان کرن دا ایس توں بہتر طریقہ کوئی ہُور نئیں سوچ سکدا۔ بِلاشُبہ، سچی مسیحیت ای ’’اُو راستہ‘‘ اے۔

I۔ پہلی گل، مسیحی راہ اِک تنگ راستہ اے۔

یسوع نے کہیا،

’’… اُو راستہ سکڑا اے جیہڑا حیاتی وَل لے جاندا ے تے اُوہدے پان آلے تھوڑے نے‘‘ (متی 7:14).

ایہہ سُکڑا ہویا اُو راستہ اے کیوں جے ایہہ آپئے مسیح دے بارے چہ گل کردا اے۔ ساڈی تلاوت سانوں مسیح دے الفاظ پیش کردی اے، ’’اُو راستہ میں واں… میرے وسیلہ دے بغیر کوئی باپ دے کول نئیں آندا‘‘ (یوحنا6:14)۔

بلی گراھم Billy Graham دے پِیچھے جدوں اُو اپنی ’’مسیح دے لئی تبلیغی جنگ crusades‘‘ وِچ بہت وڈے وڈے اِکٹھاں یعنی ہجوماں نال گل کردا اے تے وڈے وڈے الفاظ وِچ نیون روشنیاں وِچ یا اِک بینر تے ہمیشہ یوحنا6:14 دا پہلا اَدھا حصہ ہوندا سی۔ اُو الفاظ جیہڑے مسٹر گراہم استعمال کیا کردے سی ایہہ نے،

’’یسوع نے جواب دِتا، راہ، حق تے حیاتی میں آں‘‘ (یوحنا 14:6).

بوہتی ویلیاں تیکر میں اِسی حیرت وِچ مبتلا رہیا کہ کیوں مسٹر گراھم ہمیشہ آیت دا باقی اَدھا حصہ ’’میرے وسیلہ دے بغیر کوئی باپ دے کول نئیں آندا‘‘ چھڈ دیندے سی۔ فیر اِک دِن مینوں احساس ہویا کہ اُو دوجا حصہ چھڈ دیندے سی کیوں جے اُو لوکاں نوں پریشان کرنا نئیں چاہندے سے۔ اُو اُوہناں دا بُرا نئیں مان سکدے سی جے اُو کہندے مسیح ای ’’اُو راہ، حق تے حیاتی‘‘ سی۔ اُو لوکی شاید ایہہ سوچدے کہ ایہہ کسی وڈے فلسفی یا مذھب دے بانی دے لئی حوالہ ہووے گا۔ اُو ایہنوں موسیٰ دے لئی یا کنفوشیئس دے لئی یا بُدھا دے لئی یا اپنے ذہناں وِچ تروڑ مروڑ دیندے۔ اُو شاید کہندے، ’’جی ہاں، ’’اُو مسیح دے بارے چہ سچ اے، مگر ایہہ تے دوجے وڈے وڈے مذھبی رہنماواں تے فلسفیاں دے بارے وِچ وی سچ اے۔‘‘ مگر آیت دا دوجا اَدھا حصہ ایہنوں دُرست کر دیندا اے۔ دوجے اَدھے حصے وِچ یسوع نے کہیا، ’’میرے وسیلہ دے بغیر کوئی باپ دے کول نئیں آندا۔‘‘ مسٹر گراھم مسیح دے اِن الفاظ دے بارے وِچ جانندے سی کہ اُو کئی لوکاں نوں پریشان کر دین گے تے ایتھوں تیکر کہ غصہ وی دلا دین گے۔ لہٰذا، اُو اِن لفظاں نوں جیہڑے ایہدے پیچھے اُوس وڈے سارے بینر وِچ جیہڑا لپٹی ہوئی حالت چہ ہوندا سی چھڈ دیا کردے سی۔ مسٹر گراھم خوفزدہ سی کہ اُوہناں لوکاں نوں ’’صلیب دے سکینڈل‘‘ توں ٹھیس پہنچے گی – اُو تعلیم کہ صرف مصلوب مسیح ای سانوں نجات دلا سکدا اے۔

مگر تہانوں تے مینوں کدی وی یوحنا 6:14 دے دوجے ادھے حصے نوں نئیں چھڈنا چائیدا۔ یسوع نے کہیا، ’’جیہڑا کوئی میرے توں تے میرے کلام توں شرمائے گا تے ابنِ آدم وی جدوں اُو اپنے پیو تے پاک فرشتیاں دے نال آوے گا تے اُوہنوں توں شرمائے گا‘‘ (لوقا9:26)۔ میں مسیح دے اُوہناں لفظاں نوں چھڈاں تے دھشت زدہ ہو جاواں گا، ’’میرے وسیلہ دے بغیر کوئی پیو دے کول نئیں آندا۔‘‘

مسیحی راہ اِک سُکڑیا ہویا راستہ اے۔ ایہہ کلیاں مسیح وچ ایمان دے وسیلے نال نجات اے، جیویں کہ اصلاح پرست ایہنوں لکھدے نے۔ سچی مسیحیت اِک تنگ راہ اے کیوں جے ایہہ مسیح نوں نسل انسانی دے واحد نجات دہندہ دی حیثیت نال پیش کردی اے! پطرس رسول نے کہیا،

’’نجات کسی ہور دے وسیلہ نال نئیں اے کیوں جے آسمان دے تھلے لوکاں نوں کوئی دُوجا ناں نئیں دِتا گیا اے جیہدے وسیلہ نال اسی نجات پا سکئیے‘‘ (اعمال 4:12).

بے شمار لوکی سوچدے نے کہ اُو کسی دُوجے طریقے نال نجات پا سکدے نے۔ اُو سوچدے نے کہ اُو گرجا گھر وچ حاضری دے وسیلہ نال نجات پا سکدے نے یا اِک دعا کہن دے وسیلے نال، یا قبولیت دے اِک تجربے یا اِک ’’احساس‘‘ دے وسیلے نال نجات پا سکدے نے، مگر بائبل سانوں دسدی اے کہ اُو غلط نے! بائبل کہندی اے، ’’اینج دی راہ وی اے جیہڑی انسان نوں راست معلوم ہوندی اے مگر اُوہدا انجام موت اے‘‘ (امثال 25:16). اُوہدا ’’انجام موت ہوندا‘‘ اے۔ کلّا مسیح ای حیاتی دی راہ اے! اُوہنے کہیا،

’’راہ میں آں۔‘‘
’’حیاتی میں آں ‘‘ (یوحنا 14:6).

اُو پُرانا گیت جیہڑا مسٹر گریفتھ Mr. Griffith نے بالکل ہُنے گایا قطعی طور تے سچا اے،

مینوں صلیب دی اُوس راہ توں لنگھ کے گھر جان دی لوڑ ہونی چائیدی اے،
   ایہدے علاوہ کوئی ہور دوجی راہ نئیں اے؛
مینوں نور دے پھاٹکاں دا نظارہ ویکھن نوں [نئیں] ملے گا،
   جے میں صلیب دی اُوس راہ نوں چھڈ جانا واں…
(’’صلیب دی اُو راہ گھر دی رہنمائی کردی اے The Way of the Cross Leads Home‘‘ شاعرہ جیسی بی۔ پاؤنڈز Jessie B. Pounds، 1861۔1921)۔

جی ہاں، اِک سچے مسیحی ایمان دی راہ تنگ ہوندی اے۔ یسوع نے کہیا، ’’میں راہ آں۔‘‘ اُوہدا مطلب سی کہ اُو ای واحد راستہ اے۔ کیوں؟ کیوں کوئی وی ہور دوجا خُدا مُجّسم نئیں ہوندا سی، انسانی جسم وچ خُدا، ساڈے گناہواں دا کفارا ادا کرن لئی بیتاب۔ ساری دی ساری تاریخ وچ کوئی وی ہور اینج کرن دے قابل نئیں سی! صرف یسوع ای تہانوں گناہ تے انصاف توں نجات دلا سکدا اے۔

II۔ دوجی گل، مسیحی راہ اِک سادہ راہ ہوندی اے۔

مسیح خُدا ول جان لئی اُو راستہ اے۔ ایہہ اِک سادہ جیہا راستہ اے، اِک سیدھا راستہ، جیہڑا آسانی نال سمجھ وچ آ جاندا اے۔ ایہہ کوئی پُراسرار، مبہم، یا خُفیہ راہ نئیں اے! بالکل وی نئیں! ساڈے مذھبی نظام تے نظراں جمائے، اشعیا نبی نے کہیا،

’’اوتھے اِک شاہراہ ہووے گی، تے اِک راستہ، تے جیہڑی مُقدس راہ کہلاوے گی۔ کوئی ناپاک اُوہدے توں لنگھ نئیں پائے گا… اُو صرف راست رَو لوکاں ای لئی ہووے گی، بے وقوف لوکی وی اُوہدے توں لنگھ نئیں پان گے‘‘ (اشعیا 35:8).

مسیح صلیب تے ساڈے گناہواں دا کفارہ ادا کرن لئی مریا۔ اُو ساڈی تھاں تے ساڈے گناہ دا کفارا ادا کرن لئی مریا۔ اُو مُردیاں وچوں جی اُٹھیا تے آسمان وچ خُدا دے داہنے ہتھ تے اے۔ اُوہدے تے پرہوسا کرو تے اُو تہاڈے گناہ نوں معاف کرے گا تے تہانوں نجات دلائے گا۔ ایہدے بارے وچ کوئی وی پیچیدگی آلی گل نئیں اے۔ میں ایس گل نوں تقریباً ہر واعظ وچ کہناں واں۔ ایہہ مسیح دی سادہ جئی خوشخبری اے۔

لوکی ایس لئی نئیں لڑکھڑاندے کیوں جے خوشخبری مبہم یا پُراسرار ہوندی اے۔ اُو لڑکھڑاندے نے کیوں جے مسیح خود یعنی یسوع مسیح دے بجائے یقین دھانی دے اِک احساس نوں چاہندے نے۔ یا اُو ناکام ہو جاندے نے کیوں جے اُو مکمل طور تے اُوہدے تے پرہوسا نئیں کردے۔ اُو اُوس بندے وانگوں ہوندے نے جیہڑا اِک ہوائی جہاز وچ اُتے جانا چاہندا اے، تے اُوس ای ویلے چہ اُو اِک قدم وی زمین تے رکھنا چاہندا اے! اُتے ہوائی جہاز وچ جان لئی، تہانوں نشست تے بیہنا پیندا اے تے پائلٹ تے تے ہوائی جہاز تے پرہوسا کرنا پیندا اے۔ ایہی طریقہ اے تہانوں مسیح تے پرہوسا کرنا چائیدا اے۔ اپنا سارا دا سارا پرہوسا اُوہدے تے پا دیو– تے قبولیت دے اِک احساس دی تلاش مت کرو۔ کلیاں اُوہدے تے پرہوسا کرو تے اُو تہانوں نجات دلا لوے گا۔ مسیحی ایمان اِک سادہ تے واضح راہ ہوندا اے۔

جدوں میں پندرہ وریاں دی عمر دا سی میں جاننا سی کہ اِک خُدا ہوندا اے۔ میں جاننا سی کہ اُو عظیم سی۔ میں جاننا سی کہ اُو خوفزدہ کر دین آلا سی۔ میں جاننا سی کہ اُو پُرتعجب تے پاک سی۔ مگر میں خود نوں نیک بنا رہن توں نجات دلان دی کوشش کیتی سی۔ میں گناہ آلیاں گلاں نوں کرن توں انکار کیتا سی جیہڑیاں دوجے نوعمر بچے گرجا گھر وچ کیتا کردے سی۔ میں اِک فریسی وانگوں ساں۔ میں سوچا کردا، ’’میں اُوہناں گنہگاراں وانگوں نئیں آں۔‘‘ میں کلام پاک نوں حفظ کیتا۔ میں دعاواں منگیاں۔1958 وچ پاشکا دے اِتوار میں اِک مبلغ ہون لئی اپنی حیاتی وقف کر دِتی۔ میں سترہ وریاں دی عمر دا سی – نیک بنن نال اِک مسیحی بنن دی کوشش کر رہیا سی! مگر پولوس رسول نے کہیا اسی اپنے ’’اُوہناں نیک کماں دی وجہ نال جیہڑے اسی کیتے ہوندے نے بچائے نئیں جاندے بلکہ اُوہدے رحم دے مطابق اسی بچائے جانے آں‘‘ (طیطُس3:5)۔ تے اُو رحم ساڈے کول صرف یسوع مسیح وچ سادہ جئے ایمان دے وسیلے نال ای آ سکدا اے۔

میں اِک نوجوان بندے نوں جاننا واں جیہنوں اِک شاندار تجربہ ہویا سی۔ اُوہنے ’’مسیح دی موجودگی دے احساس‘‘ دے بارے وچ دسیا۔ اُوہنوں اُوس تجربے توں یقین سی کہ اُوہنے نجات پا لئی سی۔ مگر چند اِک ورے بعد اُوہنے گرجا گھر نوں چھڈ دِتا تے ہر کوئی جان گیا کہ اُو کدی بچایا ای نئیں گیا سی۔ اُوہنے اِک ’’احساس‘‘ تے انحصار کیتا سی۔ تے شیطان نے اُوہنوں اُو ’’احساس‘‘ فراہم کر دِتا جیہڑا اُو چاہندا سی۔ لیکن اُوہنے اُوہنوں نئیں بچایا۔ نجات صرف یسوع مسیح وچ سادہ جئے ایمان دے وسیلے نال مل سکدی اے۔ مسیحی ایمان اِک واضح تے سادہ جیہا راستہ اے۔

III۔ تیجی گل، مسیحی راہ اِک خونی راہ اے۔

مسیحی راستہ سُرخ رنگ نال رنگیا ہویا اے۔ ایہہ اِک خونی راستہ اے۔ سُرخ لہو وچ تر مسیحیت دا اُو راستہ ساری بائبل وچوں سِدھا لنگھدا اے، پیدائش توں لے کے مکاشفہ تیکر۔ باغ عدن وچ خُدا نے اِک جانور ویکھیا تے اُوہدی کھال اُتاری تے ساڈے پہلے ماں پیو دے گناہ نوں لُکان لئی لبادہ تیار کیتا۔ ہابل نے اِک خونی نزرانہ پیش کیتا تے ایس ای لئی خُدا نے اُوہنوں قبول کیتا۔ فسح دی راتی اسرائیلیاں نے اپنے بُوہیاں [دی چوکھاٹ] تے برّے دے لہو نوں چھڑکیا سی۔ خُدا دا انصاف اُوہناں توں ’’ٹل گیا‘‘ سی، کیوں جے خُدا نے کہیا،

’’تے جدوں میں اُوس لہو نوں ویکھاں گا تے میں تہانوں چھڈدا جاواں گا… اُوس ویلے کوئی وی مہلِک وبا تہانوں تباہ کرن لئی تہاڈے قریب نئیں آوے گی‘‘ (خروج 12:13).

خُدا نے ایہہ نئیں کہیا، ’’جدوں میں اِک مُردہ برّے نوں ویکھاں گا تے میں تہاڈے توں ٹل جاواں گا!‘‘ نئیں! نئیں! خُدا نے کہیا، ’’جدوں میں لہو نوں ویکھاں گا تے میں تہانوں چھڈدا جاواں گا۔‘‘

جدوں میں لہو ویکھاں گا، جدوں میں لہو ویکھاں گا،
جدوں میں لہو ویکھاں گا، میں ٹل جاواں گا، میں تہاڈے توں ٹل جاواں گا۔
   (’’جدوں میں لہو ویکھاں گا When I see the Blood‘‘ شاعر جان فوٹے John Foote، انیسویں صدی)۔

اگلے ای دِن میں اِک آرٹیکل پڑھیا جیہدے وچ لکھیا سی نوجوان مبلغین لئی ایہہ کہنا بوہتا مشہور ہوندا جا رہیا اے کہ اسی مسیح دی موت دے وسیلے نال نجات پانے آں، ’’ناکہ اُوہدے لہو دے وسیلے نال۔‘‘ ایہہ سچے طور تے انتہائی ہولناک گل اے!

عشائے ربّانی وچ دو جُزیات نے، اِک نئیں! اسی کیوں پیالہ نوں پینے آں جے لہو دی ’’سانوں سارے گناہ توں پاک صاف‘‘ کرن دی لوڑ نئیں سی؟ (1 یوحنا1:7)۔ میں خوفزدہ آں کہ جان میک آرتھر John MacArthur نے بے شمار نوجوان مبلغین دی اِک ’’بغیر لہو‘‘ دے خوشخبری لئی رہنمائی کیتی۔ میک آرتھر نے کہیا، ’’مسیح دا لہو اِک بھڑکیلا جملہ [اے] جیہڑا مسیح دی فدیاتی موت نوں دسن لئی استعمال کیتا گیا اے‘‘ (1کرنتھیوں10:16 تے اِک غور طلب گل)۔ اُوہنے کہیا، ’’لہو موت لئی اِک متبادل لفظ اے‘‘ (عبرانیوں9:14 تے اِک غور طلب گل، میک آرتھر دا مطالعہ بائبل The MacArthur Study Bible)۔ فیر اُوہنے کہیا۔ ’’نجات دہندہ لئی حوالے محض مائع ول ای نشاندہی نئیں کر رئے…‘‘ (میک آرتھر دا بائبل تے تبصرہ The MacArthur Bible Commentary؛ رومیوں5:9 تے غور طلب گل)۔

اُو اِک قابل مذمت غلطی اے! سارے دے سارے پرانے عہدنامے وچ خُدا لئی لہو دی قربانی دے طور تے اِک برّے دا نزرانہ پیش کیتا جاندا سی، لوکاں دے گناہواں لئی اِک فدّیہ دے طور تے۔ نئے عہد نامے وچ یسوع دا لہو گناہواں دی معافی لئی وگایا گیا۔ جدوں یسوع نے عشائے ربانی تے پیالہ لہیا، اُوہنے کہیا،

’’ایہہ نئے عہد دا میرا اُو لہو اے جیہڑا بہتیریاں دے گناہواں دی معافی لئی وگایا جاندا اے‘‘ (متی 26:28).

جان میک آرتھر تے اُوہدے سارے ’’بغیر لہو دے‘‘ نوجوان پیروکاراں نوں عشائے ربانی وچ دوجے جُز – اُوس پیالے، جیہڑا اُوہدے لہو دا اظہار کردا اے، دے بارے وچ گہرائی نال سوچن دیو! بغیر لہو دے خوشخبری بالکل وی کوئی خوشخبری نئیں ہوندی اے! ایہہ قصوروار لوکاں لئی پاک صفائی دی کوئی پیشکش نئیں کردی! آسمان وچ اسی اُوہدی عبادت کراں گے –

’’جیہڑا ساڈے نال محبت رکھدا اے تے جیہنے اپنے لہو دے وسیلے نال سانوں ساڈے سارے گناہواں توں مخلصی بخشی‘‘ (مکاشفہ 1:5).

دوجے شاید میک آرتھر دی پیروی کرن لیکن جیتھوں تیکر میرا تعلق اے تے میں اُوس ایمان دے چیمپئین دے نال کھلو جاواں گا، اُوس عظیم وڈھیرے عالم نال جیہنے یونانی نئے عہد تے اِک پی ایچ۔ ڈی۔ کیتی ہوئی اے، ڈاکٹر ڈبلیو اے۔ کرسویل Dr. W. A. Criswell، کیوں جے ایہہ کرسویل ای سی جنہاں نے کہیا،

عدن وچ شروع توں لے کے نئے یروشلیم وچ اُوس جلالی تکمیل تیکر [اُو لہو] واضح طور تے ویکھیا جاندا اے۔ لہو دے وگائے بغیر کوئی گناہ توں معافی تے اُوہدا کفارہ ادا نئیں ہوندا، کیوں جے ایہہ یسوع مسیح خُدا دے پُتر دا لہو ای اے جیہڑا سانوں سارے گناہ توں پاک صاف کردا اے۔ اُو پیغام ساڈے تیکر اُوس گیتاں دے لکھن آلے دے لفظاں وچ پہنچدا اے:

کی شے میرے گناہ نوں دھو سکدی اے؟
کُج وی نئیں ماسوائے یسوع دے لہو دے۔
کی شے مینوں فیر مکمل کر سکدی اے؟
کُج وی نئیں ماسوائے یسوع دے لہو دے۔
اوہ! کیس قدر قیمتی اے اُو وگاؤ
جیہڑا مینوں برف وانگوں سفید بناندا اے؛
کوئی دوجا چشمہ میں نئیں جانندا،
کُج وی نئیں ماسوائے یسوع دے لہو دے۔

(ڈبلیو۔ اے۔ کرسویل، پی ایچ۔ ڈی۔ W. A. Criswell, Ph.D.، مسیح جیہڑا دُنیا دا نجات دہندہ اے Christ the Savior of the World، کرسینڈو اشاعتی کُتب Crescendo Book Publications، 1975، صفحات71، 72)۔

ڈاکٹر کرسویل شاید جان میک آرتھر نوں کوئینے یونانی Koine Greek سِکھا چکے ہوندے! ڈاکٹر کرسویل یونانی نئے عہد نامے وچ ایس قدر ماہر سن کہ اُو یاداشت نال ای یونانی نئے عہد نامے دا زیادہ تر حصہ دھرا سکدے سن! ڈاکٹر کرسویل دی پیروی کرو تے مسیح دے لہو وچ ایمان لہیاؤ! نیا راستہ بغیر لہو دا اِک راستہ اے! پرانا راستہ ای صحیح راستہ اے! تے ایہہ ای واحد راستہ اے! مسیح راہ اِک خونی راستہ اے – یسوع مسیح دے لہو دے وسیلے نال نجات تے گناہ توں پاک صاف کیتا جانا

اسی اپنے تفتیشی کمرے وچ لوکاں نوں مشاورت لئی سددے رئے آں، مگر اُو نجات نئیں پاندے نے۔ میں کدی وی اُوہناں لوکاں نوں یسوع دے لہو دے بارے وچ گل کردے ہوئے نئیں سُنیا! اُو ہمیشہ یقین دہانی پان دے بارے چہ گلاں کردے رہندے نے – مگر اُو یسوع دے لہو دے بارے وچ گلاں نئیں کردے! اُو اُوہدے لہو دا تذکرہ وی نئیں کردے۔ اُو لفظ تیکر نوں استعمال نئیں کردے! کوئی تعجب نئیں اُو نجات نئیں پاندے! بائبل کہندی اے، ’’[اُوس] لہو دے وگائے بغیر معافی نئیں نئیں ہوندی اے‘‘ – کوئی معافی نئیں، کوئی نجات نئیں، کدی وی یسوع دے لہو دے بغیر! (عبرانیوں9:22)۔

مسیحی راستہ اِک سُکڑیا ہویا راستہ اے۔ ایہہ اِک سادہ راہ اے۔ ایہہ اِک خونی گزرگاہ اے۔ تے ایہہ ای واحد اُو راستہ اے! کیوں جے یسوع نے کہیا،

’’راہ، حق تے حیاتی میں آں: میرے وسیلہ دے بغیر کوئی پیو دے کول نئیں آندا‘‘ (یوحنا 14:6).

نجات کیوں صرف اُوہدے ای وسیلہ نال اے؟ کیوں جے یسوع ای اُو واحد اے جیہڑا پاک اے۔ اُو ای واحد خُدا دا اکلوتا پُتر اے۔ اُو ای صرف کلّا پاک لہو دے نال اے، تہانوں گناہ توں پاک صاف کرن لئی۔ بائبل ’’خُدا دی کلیسیا، جیہنوں اُوہنے خود اپنے لہو نال خریدیا‘‘ دے بارے وچ گل کردی اے (اعمال20:28)۔ اُو واحد لہو جیہڑا تہانوں پاک صاف کر سکدا اے خدا دا لہو اے! اُو ای یسوع، خُدا بیٹے دا لہو اے۔ اُو ای خُدا دا لہو اے! مہربانی نال کھلو جاؤ۔ مسٹر گریفتھ Mr. Griffith، مہربانی نال آؤ تے ’’ایہہ یسوع دا لہو سی Twas Jesus Blood‘‘ گاؤ۔

اِک گنہگار، گواچا ہویا، لعنتی سی میں،
   اِک دائمی موت، مرنا نصیب چہ لئے ہوئے؛
لیکن یسوع میرے لئی مر گیا،
   اُوہنے گناہ دا فدیہ برداشت کیتا،
کلوری دے پہاڑ تے بُلندی تے چُک لہیا گیا۔
   اُو یسوع دا لہو سی جنہے مینوں اسیری توں نجات دلائی،
گناہ دی بیڑیاں توں اُوہنے مینوں آزاد کیتا۔
   پاویں زمانے لنگ جان میرا گیت ایہو ای ہووے گا:
اُو یسوع دا لہو سی جنہے مینوں اسیری توں نجات دلائی۔

میں کدی وی خدا دے نال سکون وِچ نہ ہوندا،
   ماسوائے اُوس پاک صاف کرن آلے سرمئی سیلاب دی وجہ توں،
کوئی وی نئیں ماسوائے یسوع دے جیت پاندا
   سارے گناہ دے لئی کفارہ –
اُوہنے میری معافی دے لئی اپنے لہو دے نال دستخط کیتے۔
   اُو یسوع دا لہو سی جنہے مینوں اسیری توں نجات دلائی،
گناہ دی بیڑیاں توں اُوہنے مینوں آزاد کیتا۔
   پاویں زمانے لنگ جان میرا گیت ایہو ای ہووے گا:
اُو یسوع دا لہو سی جنہے مینوں اسیری توں نجات دلائی۔

کسی وی شکی دی توھین یا انسان دا اعتقاد
   کلوری دے منصوبے وِچ میرے ایمان نوں ڈگمگا نئیں سکدا؛
اُوہدے لہو نے میری جان نوں مخلصی بخشی،
   اُوہنے مینوں خالص تے مکمل کر دِتا؛
ایمان دے وسیلے نال میری حیاتی اُوہدے وِچ شروع ہوئی۔
   اُو یسوع دا لہو سی جنہے مینوں اسیری توں نجات دلائی،
گناہ دی بیڑیاں توں اُوہنے مینوں آزاد کیتا۔
   پاویں زمانے لنگ جان میرا گیت ایہو ای ہووے گا:
اُو یسوع دا لہو سی جنہے مینوں اسیری توں نجات دلائی۔
    (’’اُو یسوع دا لہو سی‘Twas Jesus’ Blood‘‘ شاعر ھیری ڈی۔ لوایس Harry D. Loes، 1892۔1965)۔

ساری دُنیا وِچ یسوع دا لہو ای واحد شے اے جیہڑا تہانوں گناہ توں پاک صاف کر سکدا اے تے تہانوں آسمان وِچ لے جا سکدا اے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔