ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اِسرائیل دے لوکی بوہتی بُری حالت وِچ سن۔ اُو خوفزدہ تے دُکھ توں بھرپور سن۔ مگر نبی نے اُوہناں نوں بحال کرن دے لئی خداوند تولوں دعا منگی۔ اُوہنے خدا نوں یاد دلایا کہ ماضی وِچ اُوہنے اُوہناں دے نال کی کی کِیتا سی۔ اُوہنے خداوند نوں اُوہی فیر کرن دے لئی کہیا۔ خدا کدی وی نہ بدلدا۔ اُو کل وہ اُوہی سی، اَج وی تے ہمیشہ وی اُوہی اے۔ اُوہنے جو ماضی وِچ کیتا فیر کر سکدا اے۔ ایویں، نبی نے خداوند نوں یاد دلایا،

’’جدوں توں اینج دے بھیانک کم کیتے جِنہاں دی سانوں توقع نئیں سی، اُدوں توں ہیٹاں اُتر آیا تے پہاڑ تیرے اَگے تھرتھرا اُٹھے‘‘ (اشعیا 64: 3).

ایس تلاوت وِچ اَسی تین گلاں ویکھنے آں۔

I۔ پہلی گل، خداوند دی حضوری ساڈی واحد اُمید اے۔

اشعیا نبی نے ایہہ ویکھیا سی جدوں اُوہنے پہلی آیت وِچ دعا منگی سی، ’’کاش کہ توں آسمان نوں چاک کر دے تے ہیٹاں اُتر آئے‘‘ (اشعیا 64: 1)۔ ایس توں تھوڑی ای دیر پہلاں اُوہنے خداوند کولوں ’’آسمان توں ہیٹاں ویکھن‘‘ دی دعا منگی سی (اشعیا63: 15)۔ لیکن اُوہدی دعاواں ودھدی گئیاں۔ اُوہنے خداوند کولوں ہیٹاں ویکھن توں شروع کیتا۔ مگر ہُن اُو پکار اُٹھیا، ’’ہیٹاں اُتر آ۔‘‘ ہُن اُو خداوند کولوں دعا منگدا اے کہ آسمان نوں دو حصیاں وِچ چیر ڈال – تے آسمان توں ہیٹاں اپنے لوکاں دی مدد دے لئی اُتر آ۔

مسیح نے ساڈے لئی خداوند دے کول جان دے لئی راہ ہموار کیتی اے۔ اُوہنے ہیکل دے پردے نوں چُکیا نئیں سی۔ جی نئیں! اُوہنے ایہنوں اُتوں لے کے ہیٹاں تیکر دو حصیاں وِچ پھاڑ ڈالیا سی۔ ایس طرح خدا دے لئی راہ ہمیشہ دے لئی کُھلی چھڈی گئی! مسیح کھلے آسماناں وِچوں جنت وِچ ٹُر گیا! کُھلے آسماناں توں ای پاک روح پینتیکوست دے موقع تے کلیسیا تے نازل ہویا۔

سانوں خداوند دے روح دے لئی دعا منگنی چائیدی اے کہ اُو ساڈے کول فیر ہیٹاں نازل ہووے! آؤ اَسی اپنے سارے دِل دے نال خداوند دے ہیٹاں اُتر آن تے ساڈے وِچکار موجود رہن دے لئی دعا منگیے! چینی گرجا گھر وِچ میرے دیرینہ پادری ڈاکٹر ٹموتھی لِن Dr. Timothy Lin سن۔ ڈاکٹر لِن نے کہیا،

     پرانے عہدنامے دے دور وِچ خدا دے لوکاں نوں برکت پان دے لئی خداوند دی موجودگی دی [لوڑ] پیندی سی…
     اِک چنگی مثال اضحاق اے۔ اُوہدے [دور وِچ] فلسطین دی سرزمین تے اُو نسلی امتیاز تے سائے جان دے باوجود سو گُنا فصل کاشت کرن دے قابل سی – خداوند دی حضوری دی وجہ توں… ایتھوں تیکر کہ فلسطین دے بادشاہ نے اُوہنوں کہیا، ’’اَسی بوہتا جان گئے کہ خداوند تیرے نال اے‘‘ (پیدائش26 :28)…
     ایہو ای یوسف دے لئی سچ سی۔ اِک غلام دی حیثیت توں بیچے جان… تے غیرمنصفانہ قید وِچ پائے جان دے باوجود، یوسف آخر کار اپنے قید دے [لبادے] نوں اُتار پھینک کے کتان دے باریک کپڑے نوں پہنن تے مصر دی ساری سرزمین تے حکمرانی کرن دے قابل ہویا سی۔ ’’خداوند یوسف دے نال سی، تے جو کُج اُو کردا سی، اُوس وِچ خداوند ای اُوس نوں کامیابی عطا فرماندا سی‘‘ (پیدائش 39: 23)…
     ایتھوں تیکر کہ خداوند دی حضوری دے ہون دی اہمیت کلیسیا دے ابتدائی دور وِچ ہُور بوہتی واضح ہو گئی سی… کلیسیا دے ابتدائی دور وِچ کلیسیا دے ودھن دا راز خدا دی حضوری سی تے پاک روح دا معجزہ اُوس دی موجودگی دا یقینی ثبوت سی۔ آخری دِناں دی کلیسیا دے لئی جے اُو ودھنا چاہندی اے تے خداوند دی حضوری دا ہونا لازمی اے، ورنہ ساریاں کوششاں بیکار جان گئیاں (ٹموتھی لِن، پی ایچ۔ ڈی۔ Timothy Lin, Ph.D.، کلیسا دے ودھن دا راز The Secret of Church Growth، FCBC، 1992، صفحات 2۔6)۔

’’کاش کہ تُوں آسمان نوں چاک کر دے تے ہیٹاں اُتر آئے…‘‘ (اشعیا 64:1).

خداوند دی موجودگی موسیٰ دے نال سی – تے خداوند نے اُوہدے لوکاں نوں مصر وِچ غلامی توں آزاد کیتا سی۔ خداوند دی موجودگی اُوہناں دے نال سی جدوں اُو بیابان وِچ بھٹکدے پھر رئے سن۔ اُو اُوتھے بادل دے ستون تے اَگ دے ستون وِچ سی جیس نے اُوہناں دی رہنمائی کیتی سی۔ جدوں اسرائیل دے جھنڈے تے ’’خداوند ساڈے نال‘‘ اے لکھیا گیا تے اُوہناں نے اِک توں دوجے سمندر تیکر فتح دے جھنڈے گاڑ دِتے سن۔ مگر جدوں اُوہناں نے خداوند نوں رنجیدہ کیتا تے اُو اِک کمزور قوم بن گئے۔ اُو غلاماں دے حیثیت نال بابلیاں دی اسیری وِچ سُٹے گئے۔ خداوند دی موجودگی اسرائیل دا جلال سی۔ مگر خداوند دی موجودگی دے بغیر اُو کُج وی نئیں کر پائے۔

ایہہ تاریخی تے ہولناک دِن نے۔ ساڈی کلیسیائیں کمزور نے۔ ساڈے مبلغین بے طاقت نے۔ اَسی ایتھے ایس بدکار تے بوہتے وڈے شہر دے دِل وِچ آں – مغربی دُںیا دے ایس تاریک تے کافر صدوم وِچ! جہنم دی انتہائی قوتاں نے سانوں روکن دے لئی اپنی ساریاں کوششاں کر لئیاں نے۔ مگر خداوند ساڈے نال سی! ہُن ساڈے گرجا گھر دی عمارت دی ادائیگی کیتی جا چکی اے – جیس دے لئی اِک معجزے سی لوڑ سی! خداوند ساڈے نال سی تے ہُن ایہہ واعظ انٹرنیٹ تے ہر مہینے 80,000 لوکاں تیکر پہنچدے نے! خداوند ساڈے نال سی۔ مگر ہُن سانوں بے شمار نوجوان لوکاں نوں اَگے لہیانا چائیدا اے تے گرجا گھر دی تعمیر کرنی چائیدی اے۔ تُسی کہندے اُو، ’’ایہہ ناممکن وکھائی دیندا اے۔‘‘ جی ہاں، میں احساسات نوں جاننا واں۔ مگر اُو احساس ساڈی حیوانی فطرت تے شیطان وَلوں ہوندا اے۔ سانوں یاد رکھنا چائیدا اے کہ خداوند نے ساڈے لئی کی کُج کیتا جدوں اُوہنے ساڈے گرجا گھر دی عمارت نوں بچایا۔ تے، نوجوان لوکو، تہانوں ساڈے انجیلی بشارت دے پرچار دے لئی، تے ساڈی عبادتاں وِچ، اینج دعا منگنی چائیدی اے جیویں ایس توں پہلاں تُسی کدی نئیں منگی سی!

’’کاش کہ تُوں آسمان نوں چاک کر دے تے ہیٹاں اُتر آئے…‘‘ (اشعیا 64:1).

خداوند دی موجودگی ای ساڈی واحد اُمید اے! کوئی وی نئیں رُکے گا۔ کوئی وی تبدیل نئیں ہووے گا۔ کوئی وی ساڈے گرجا گھر دا مضبوط رُکن نئیں بنے گا – جدوں تیکر کہ خداوند آسماناں توں ساڈے درمیان ہیٹان نئیں آ جاندا!

II۔ دوجی گل، خداوند دی موجودگی حیرانگیاں نوں جنم دیندی اے۔

اُو تلاوت کہندی اے، ’’جدوں توں اینج دے بھیانک کم کیتے، جِنہاں دی سانوں توقع نئیں سی فیر توں ہیٹاں اُتر آیا۔‘‘ جدو نسخۂ بائبل ’’ہولناک‘‘ دا ترجمہ بطور ’’حیران کُں‘‘ کردے نے۔ مینوں اُوس لفظ دی پرواہ نئیں اے کیوں جے بوہتے استعمال دی وجہ توں اے گِھس پِٹ چکیا اے۔ ایس دے بارے چہ ایس حیثیت نال ایہہ سوچنا بہتر ہووے گا کہ ’’حیران کُن گلاں جِنہاں دی سانوں توقع نئیں ہوندی۔‘‘ اسرائیلیوں نے اکثر کہیا، ’’توں اُو خداوند اے جیہڑا عجیب کم کردا اے‘‘ (زبور 77:14)۔

کی تُسی سوچدے اُو کہ اسرائیلی بحرِ قلزم وِچوں دونوں پاسیاں چہ پانیاں دے انبار دے نال گزرن دی توقع کر سکدے سی؟ ایس دے باوجود اُوہناں نے ایہہ کم کیتا – تے اُو مصری جیہڑے اُوہناں دے تعاقب وِچ سن غرق ہو گئے جدوں پانی فیر دوبارہ جُڑیا۔ کی تُسی سوچ سکدے اُو کہ بیابان وِچ اُوہناں نے اپنے خیمیاں وِچ ہر روز رات نوں ساڈی بجلی دی روشنیاں دے مقابلے وِچ بہتر روشنیاں جگمگان دی توقع کیتی سی؟ ایس دے باوجود ہر روز رات نوں اُو بھڑکدے شعلیاں دے ستون نال منور ہوندے سی۔ جدوں اُو بھوکے سن تے کی اُوہناں نے آسمان توں برسدے من نوں کھان دی توقع کیتی سی؟ جدوں اُو پیاسے سن تے کی اُوہناں نے اچانک چٹان وِچوں پانی پھوٹ پڑن دی توقع کیتی سی؟ جدوں اُو یریحو دے آلےدوالے پھر رئے سن تے جدوں اُوہناں نے مینڈھے دے سینگ نال بِگل بجایا تے پکارے تے اُوس شہر دی دیواراں دے گرن دی توقع کیتی سی؟ جی نئیں، اسرائیل دی تاریخ ایس قسم دی ہولناک، تعجب زدہ کر دین آلی گلاں توں بھری پیہئی اے ’’جیس دی توقع اَسی نئیں کردے‘‘ جدوں خداوند ہیٹاں اُتر آیا اے۔

کیہنے کدی توقع کیتی سی کہ خداوند، مسیح دی ہستی وِچ ہیٹاں اُتر آئے گا؟ کیہنے کدی توقع کیتی سی کہ سانوں آسمان وِچ لہیان دے لئی ’’اُو راستباز ناراستاں دے لئی‘‘ سولی تے مصلوب ہو جائے گا؟ (1پطرس 3: 18)۔ کیہنے کدی سوچیا سی کہ اُو خوفزدہ شاگرد، جیہڑے اِک بند کمرے وِچ لُکے ہوئے سن، ساری رومی دُنیا وِچ مسیح دی خوشخبری نوں لے کے جان گے؟ کیہنے سوچیا سی کہ اِک چھوٹا جیہا، ماڑے جیہئے ہتھیاراں نال لیس جزیرہ، جیس دی رہنمائی اِک بُڈھا بندہ کر رہیا سی جیس نوں لاٹھی استعمال کرن دی لوڑ پیندی سی، اُو ھٹلر تے اُوس دی عظیم فوج دے نال جنگ کرے گا – تے جیت جائے گا؟ کیہنے سوچیا سی کہ یہودی جیہڑے ساری دُنیا وِچ نیکھڑے پیہئے سن، جِلاوطنی وِچ دو ہزار ورے لنگہان دے بعد واپس اسرائیل وَل لوٹ آن گے؟ کیہنے سوچیا سی کہ چند اِک چینی مسیحی ماؤ سی ٹُنگ Mao Tse Tung تے اُوہدے سُرخ نگراناں دی شدید اذیتاں دے تحت اَدھی توں زیادہ صدی گزار جان گے؟ کیہنے سوچیا سی کہ اُوہناں دے چھوٹے ’’گھریلو گرجا گھراں‘‘ توں دُنیا دی تاریخ وِچ سب توں عظیم ترین حیاتِ نو پُھٹے گا؟ کیہنے سوچیا سی کہ لوکاں دی اِک بوہتی وڈی تعداد 1960 دی آخری دہائی وِچ تے 1970 دی ابتدائی دہائی وِچ اَدھے ننگے چرسی ہیپیاں دی مدد دے لئی سامنے اُبھرے گی؟ کیہنے سوچیا سی کہ ساڈی کلیسیا بدترین منقسم ہون نوں برداشت کر جائے گی جیس دے بارے چہ میں کدی سُنیا ہووے؟ کیہنے سوچیا ہووے گا کہ ساڈے گرجا گھر دے اُنتالی لوکی سولہ ہزار ڈالر ہر مہینے وی وریاں تیکر ایس عمارت دی ادائیگی دے لئی جمع کر لین گے؟ کیہنے سوچیا ہووے گا کہ خداوند مینوں ساری دُنیا وِچ پادری دی سب توں شاندار ووہٹی عنایت کرے گا؟ کیہنے سوچیا سی کہ میرے نال ہر اِتوار نوں گرجا گھر وِچ دو مضبوط پُتر ہون گے؟ کیہنے سوچیا سی کہ خداوند سانوں دو پی ایچ ڈی دی ڈگریاں دے نال اِک شخص تے اِک طبعی ڈٓاکٹر پیج دے گا جیہڑے ساڈے گرجا گھر دی رہنمائی وِچ مدد کرن گے؟ تے کسی نے اپنے خواباں وِچ وی کدی سوچیا نئیں ہووے گا کہ میری بیچاری، بڑھاپے توں شکست خوردہ تے ذہنی دباؤ وِچ جکڑی ماں اَسی وریاں دی عمر وِچ اِک شاندار مسیحی بن جائے گی؟

’’جدوں توں اینج دے بھیانک کم کیتے جِنہاں دی سانوں توقع نئیں سی، اُدوں توں ہیٹاں اُتر آیا…‘‘ (اشعیا 64: 3).

جدوں خداوند ہیٹاں اُتردا اے تے اُو پُرتعجب گلاں کردا اے جِنہاں دی کوئی توقع وی نئیں کر سکدا!

اے میرے خداوندا، توں کیس قدر شاندار اے،
تیری شاہانت کیس قدر منور اے؛
تیرے رحم دا تخت کیہنا خوبصورت اے
جلدی ہوئی روشنیاں دی گہرائیاں وِچ،
جلدی ہوئی روشنیاں دی گہرائیاں وِچ!
کیس قدر شاندار، کیہنا خوبصورت،
تیرا نظارہ ہونا چائیدا اے؛
اُو لامتناہی حکمت، لامحدود قوت،
تے خوفناک پاکیزگی،
تے خوفناک پاکیزگی!
   (’’اے میرے خُداوندا، توں کیس قدر شاندار اے My God, How Wonderful Thou Art‘‘ شاعر فریڈرک ڈبلیو۔ فیبر Frederick W. Faber، 1814۔1863)۔

میں تہانوں ایس شام اشعیا دے کلام تے سپرجیئن Spurgeon دے واعظ دا کُج حصہ پیش کر رہیا واں۔ میں اُوہدا محض خاکہ تے اُوہدے چند اِک خیالات ای استعمال کر رہیا واں۔ اُوس عظیم ’’مبلغین دے شہزادے‘‘ نے کہیا،

جدوں خدا لوکاں دے وچکار ہیٹاں اُتر آندا اے تے اُو ایہو جیہئے کم کردا اے جِنہاں دی توقع سانوں وی نئیں ہوندی… اُو سب توں بوہتے خودسر نوں نجات دے سکدا اے تے مخالفاں نوں یسوع دے قدماں وِچ لہیا سکدا اے۔ اُوہدے اینج کرن دے لئی [دعا منگو] (سی۔ ایچ۔ سپرجیئن C. H. Spurgeon، ’’الٰہی حیرانگیاں Divine Surprises‘‘، MTP، جلد XXVI، پِلگرِم اشاعت خانے Pilgrim Publications، دوبارہ اشاعت 1972، صفحہ 298)۔

III۔ تیجی گل، خداوند دی حضوری بوہتے وڈے وڈے مسئلیاں تے رکاوٹاں تے قابو پا لیندی اے۔

’’جدوں توں اینج دے بھیانک کم کیتے جِنہاں دی سانوں توقع نئیں سی، اُدوں توں ہیٹاں اُتر آیا تے پہاڑ تیرے اَگے تھراتھر اُٹھے‘‘ (اشعیا 64: 3).

اُو اِک شاندار فقرہ سی، ’’پہاڑ تیرے اَگے تھرتھرا اُٹھے۔‘‘

جدوں خداوند اسرائیل دے کول ہیٹاں اُتریا سی تے اُو طاقتور دُشمن جیہڑے اُوہناں تے بوہتے وڈے وڈے پہاڑاں وانگوں چھائے ہوئے سن، اُوہناں تے فتح پائی گئی، تے ایہہ پہاڑ ڈھے گئے کیوں جے خداوند دی موجودگی سی۔ حیاتِ نو وِچ جدوں روح پاک نازل ہوندا اے تے خداوند دی حضوری وِچ سخت دِل وی تھرتھرا اُٹھدے نے! ساڈے کول ساڈے درمیان کُج ایہو جیہئے لوکی نے جِنہاں دے دِل ایہنے ای سخت نے جیہنی کہ چٹان۔ اَسی اُوہناں دے لئی دعا منگنے آں، اَسی اُوہناں نوں منادی کرنے آں، مگر کُج وی رونما نئیں ہوندا۔ ایویں لگدا اے کہ اُو کدی وی مسیح چہ ایمان لہیا کےتبدیل نئیں ہون گے۔ مگر جدوں خداوند ہیٹاں آندا اے، تے سخت ترین دِل وی توڑ دِتے جان گے۔ اُو اچانک اپنے گناہواں نوں محسوس کرن گے۔ اُو اچانک ویکھن گے کہ یسوع اُوہناں نوں نجات دلا سکدا اے۔ جدوں خداوند ہیٹاں آندا اے تے اُو اپنے گناہ نوں پاک صاف کرن دے لئی یسوع دے لہو دی اُوہناں دے لئی لوڑ نوں محسوس کرن گے۔ سزایابی دے اتھرو سخت ترین دِلاں نوں نرم کر دین گے۔ فیر اُوہناں نوں پتا چلے گے کہ ایس نکی جیہئی نظم دا مطلب کی ہوندا اے،

تیرے رحم نال تحلیل ہو کے، میں زمین تے ڈِگنا واں،
تے اُوس رحم دی ستائش دے لئی جیہڑا میں پایا اتھرو وگانا واں۔

ایہو ای اے جیہڑا حیاتِ نو وِچ ہمیشہ ہوندا اے۔ ڈاکٹر لائیڈ جونز Dr. Lloyd-Jones نے حیاتِ نو دی ایہہ تعریف پیش کیتی،

حیاتِ نو خداوند دے روح دا اُنڈیلا جانا اے… ایہہ روح ہوندا اے جیہڑا لوکاں تے نازل ہوندا اے۔

فیر اُوہناں نے ہاول ہیرس Howell Harris دے بارے وِچ دسیا جیہڑے اِک عظیم ویلش Welsh مناد سن۔ ہاول ہیرس اِک شراکتی عبادت وِچ مسیح تے ایمان لہیا کے تبدیل ہوئے سن۔ اُو کافی عرصے توں اِک اندرونی جدوجہد توں لنگ رئے سن۔ شیطان ہر گل وِچ اُوہناں دے ایمان نوں ڈگمگان دی کوششاں کر رہیا سی۔ مگر جدوں اُو عشائے ربانی وِچ شرکت دے لئی آئے تے ’’[خدا دے] اَگے پہاڑ تھرتھرا اُٹھے۔‘‘ ہاول ہیرس نے کہیا،

سولی تے لہو ونگاندا ہویا مسیح مسلسل میرے اَنکھاں دے اَگے رکھیا گیا سی؛ تے مینوں قوت بخشی گئی سی کہ یقین کردا کہ [میرے گناہواں دے لئی] اُوس لہو دے بدلے وِچ مینوں معافی مل رئی سی۔ میں اپنا بوجھ کھو دِتا؛ میں خوشی نال چھلانگاں ماردا ہویا گھر گیا… اینج نئیں ہووے گا کہ میں ایہنوں شکرگزاری نال بھرپور ہو کے تے زیادہ ہمیشہ دے لئی یاد رکھ پاواں گا (مارٹن لائیڈ جونز، ایم۔ ڈی۔ Martyn Lloyd-Jones, M.D.، ’’حیاتِ نو تے ہاول ہیرس Howell Harris and Revival،‘‘ پیوریٹن: اُن کے نقطعۂ آغاز تے جانشین The Puritans: Their Origins and Successors، بینر اور ٹرتھ Banner of Truth، اشاعت 1996، صفحات 289، 285)۔

پہلی عظیم بیداری وِچ ہاول ہیرس سب توں بوہتی قوت توں بھرپور منے جان آلے مبلغاں وِچوں اِک بن گئے۔ جے تُسی اُوہناں دیاں ڈائریاں پڑھو، تے تُسی بارہا ویکھو گے کہ حیاتِ نو کیویں آیا۔ گمراہ لوکی مسیح وِچ ایمان لہیا کے تبدیل ہو جاندے نے جدوں پاک روح قوت چہ نازل ہوندا اے۔ ہیرس نے کہیا، ’’اُو عظیم جھکڑ [روح دی تیز ہوا] نازل ہویا جدوں میں نجات دہندہ دی بے انتہا موت نوں ظاہر کیتا۔‘‘ ’’خداوند قوت دے نال ہیٹاں اُتر آیا۔‘‘ اِک تیز جھکڑ نازل ہویا جدوں میں نجات دہندہ دی عظمت نوں ظاہر کیتا۔ ایس سادہ جیہئے شخص نے منادی کیتی تے واقعی چہ انگلستان دے نال نال وھیلز وِچ وی ہزارہا لوکی مسیح وِچ ایمان لہیا کے تبدیل ہو گئے۔

کی اَسی اپنے گرجا گھر چہ حیاتِ نو لہیا سکنے آں؟ جی ہاں، مگر سانوں ایس نوں واقعی چہ شدت دے نال چاہنا چائیدا اے۔ میں اِک نارویجیئن خاتون دی لکھی ہوئی چھوٹی جیہئی شاندار کتاب پڑھدا رہیا واں جیہڑی 1900 توں لے کے 1927 تیکر چین دے لئی اِک مشنری سن۔ اُوہناں نے سالہا سال حیاتِ نو دے لئی دعاواں منگیاں۔ اُوہناں نے روزے رکھے تے دعاواں منگیاں۔ 1907 وِچ اُوہناں نے کوریا وِچ جاری حیاتِ نو دے بارے چہ پڑھیا۔ اُو چاہندی سن کہ چین وِچ حیاتِ نو آئے۔ اُو واقعی چہ حیاتِ نو نوں چاہندی سن۔ اُو انتہائی اچانک آ گیا، چینی عورتاں دے اِک گروہ دے وچکار، فیر اُو پھیل گیا تے اُوہناں دے چین چھڈن دے تے واپس ناروے جان دے کُج ای دیر پہلاں سینکڑوں لوکی مسیح وِچ ایمان لہیا کے تبدیل ہو گئے۔

کی اَسی اُوہدے وِچوں تھوڑا جیہا ایتھے ساڈے گرجا گھر وِچ پا سکنے آں؟ جی ہاں، مگر سانوں اینج دعا منگنی پیہئے گی جیویں اسی پہلاں کدی وی نئیں منگی۔ سانوں اینج دعا منگنی چائیدی اے جیویں اشعیا نے پہلی آیت وِچ منگی سی۔

’’کاش کہ توں آسمان نوں چاک کر دے تے ہیٹاں اُتر آئے، تے پہاڑ تیرے حضور وِچ لزرن لگن، کہ تیرے اَگے پہاڑ تھرتھرا اُٹھن‘‘ (اشعیا 64:1).

جے تُسی ہُنے تیکر تبدیل نئیں ہوئے اُو تے اَسی تہاڈے لئی دعاواں منگاں گے۔ اَسی دعا منگاں گے کہ خداوند تہانوں تہاڈے گناہ دی سزایابی وِچ لہیائے تے کہ اُو تہانوں مسیح دے کول کھینچ لہیائے۔

مسیح سولی تے تہاڈے گناہ دا کفارہ ادا کرن دے لئی قربان ہویا۔ اُو مُردیاں وِچوں جی اُٹھیا تے آسمان چہ اُتے زندہ تہاڈے لئی دعاواں منگ رہیا اے۔ مگر تہانوں اپنے گناہ توں نجات پان دے لئی توبہ کرنی تے اُوہدے تے پروہسا کرنا چائیدا اے۔

تُسی کہہ سکدے اُو، ’’میں اِک گنہگار نئیں آں۔ میں اِک نیک انسان آں۔‘‘ مگر بائبل کہندی اے، ’’جے اَسی کہنے آں کہ اَسی گناہ نئیں کیتا تے اَسی اُوہنوں جھوٹا قرار دینے آں تے اُوہدا کلام ساڈے وِچ نئیں ہوندا‘‘ (1 یوحنا 1: 10)۔ اَسی دعا منگ رئے آں کہ خدا دا روح تہانوں تہاڈے گناہ وکھائے تے فیر تہانوں اُوہدے لہو توں پاک صاف ہون دے لئی یسوع دے کول کھیچ لہیائے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔