ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

حیاتِ نو دے بارے وِچ سب توں بوہتی چونکا دین آلی گلاں وِچوں اِک ایس تلاوت وِچ پیش کیتی گئی اے۔ خدا دُںیا دے بیوقوف تے کمزور لوکاں نوں اُوہناں لئی جیہڑے عالم نے تے جیہڑے زورآور نے شرمندہ کرن دے لئی چُنندا اے۔ ایہہ گل ہر اُوس دے لئی جیہڑا بائبل دا مطالعہ کردا اے واضح ہونی چائیدی اے۔ جدوں مسیح پیدا ہون آلا سی، خداوند نے اُوہدی ماں بنن دے لئی اِک غریب گھرانے توں اِک نوعمر کُڑی نوں چُنیا۔ جدوں اُو [یسوع] پیدا ہویا، خداوند نے اُوہدی پرستش کرن دے لئی چند اِک غریب چرواہے پیجھے۔ خداوند نے ہیرودیس بادشاہ نوں نئیں کہلھیا، یا اُوس بچے نوں خوش آمدید کہن دے لئی اسرائیل دے حکمران بزرگاں نوں نئیں پیجھیا سی۔ اُوہدے بجائے خداوند نے دور دراز دے اِک کافر مُلک دے تین نجومیاں نوں پیجھیا سی۔ جدوں یسوع اپنی منادی شروع کرن آلا سی تے خداوند نے سردار کاہن نوں اُوہدا اِعلان کرن دے لئی نئیں پیجھیا سی۔ ایس دے بجائے، خداوند نے اِک غریب جیہئے نبی، یوحنا بپتسمہ دین آلے نوں پیجھیا۔ جدوں یسوع بارہ شاگرداں نوں بُلان دے قابل سی، تے اُوہنے عدالتِ عالیہ جیہڑی یہودیاں دی سب توں وڈی عدالت اے اُوہدے وِچوں بارہ لوکاں نوں نئیں چُنیا۔ ایس دے بجائے اُوہنے بارہ غیر اہم معمولی مچھیریاں نوں سدیا۔ تے جدوں یسوع نے یہوداہ دی تھاں تے کسی ہُور نوں چُنیا تے اُوہنے تُرسُس دے ساؤل نامی قاتل نوں چُنیا سی جیہڑا خود نوں گنہگاراں دا ’’سردار‘‘ کہندا سی، گنہگاراں وِچ بدترین! مسیح دی حیاتی وِچ ایہہ گل واضح اے کہ

’’خدا نے اُوہناں نوں جیہڑے دُنیا دی نظراں وچ بے وقوف نے چُن لہیا تاکہ عالماں نوں شرمندہ کرے تے اُوہناں نوں جیہڑے دُنیا دی نظر وچ کمزور نے چُن لہیا تاکہ زور آورراں نوں شرمندہ کرے‘‘ (1۔ کرنتھیوں 1:27).

ایتھوں تیکر کہ پرانے عہدنامے وِچ وی ایہہ مرکزی موضوع بار بار ظاہر ہوندا اے۔ خداوند نے قائن دے بجائے ہابل دا اِنتخاب کیتا، حالانکہ قائن وڈھا پُتر سی، تے ایس لئی سب توں اہم سی۔ خداوند نے عیسو دے بجائے یعقوب دا اِنتخاب کیتا سی، حالانکہ عیسو وڈھا پُتر سی تے وارث سی۔ خداوند نے یوسف نوں اُوہدے گیارہ پراہواں تے ترجیح دِتی حالانکہ اُو سب توں چھوٹا تے کمزور سی۔ خداوند نے فرعون دے بجائے موسیٰ نوں چُنیا۔ اُوہنے اُوس دور وِچ اِک طاقتور ترین بندے دی بجائے اِک گڈریے نوں چُنیا۔ خداوند نے مدیانیاں توں اسرائیل نوں بچان دے لئی جدعونیاں نوں چُنیا – میرا گھرانہ غریب اے… تے میں اپنے پیو دے گھرانے وِچ سب توں چھوٹا واں‘‘ (قضاۃ 6:15)۔

خداوند نے سردار کاہن دے دو پُتران دے بجائے چھوٹے سیموئیل نوں چُنیا سی جیہڑا واقعی وِچ اِک یتیم سی۔ خداوند نے طاقتور ساؤل بادشاہ تے اِک گڈریے دے پُتر داؤد نوں چُنیا سی۔

بارہا، مسیحیت دی تاریخ وِچ ایہہ گل وی سچ رئی اے،

’’خدا نے اُوہناں نوں جیہڑے دُنیا دی نظراں وچ بے وقوف نے چُن لہیا تاکہ عالماں نوں شرمندہ کرے تے اُوہناں نوں جیہڑے دُنیا دی نظر وچ کمزور نے چُن لہیا تاکہ زور آورراں نوں شرمندہ کرے‘‘ (1۔ کرنتھیوں 1:27).

ابتدائی مسیحی غریب تے بے سہارا سن۔ اُوہناں وِچوں بوہتے سارے غریب ای سن۔ اُوہناں نوں دس رومی شہنشاہواں دے ذریعے توں موت تیکر اذیتاں دِتی گئیاں سن۔ کسی نوں وی اُوہناں شہنشاہواں دے بارے چہ یاد نئیں (شاید دوجیاں دے بجائے نیرو)، حالانکہ اُوس زمانے وِچ اُو زمین تے سب توں طاقتور ترین ہستیاں سن۔ ہر سال پاک جمعہ دے موقع تے جدوں پوپ کھیڈاں دے اکھاڑے Colosseum وِچ پاک ماس منعقد کردے نے تے ساری دُنیا وِچ لوکی زیر زمین سُرنگاں دے قبرستاناں دے شہیداں نوں یاد کردے نے! اُوہناں شُہدا نے قدیم روم تے طاقت تے زور تے فتح پائی سی!

لوتھرLuther دے بارے وِچ سوچو۔ میں چاہنا واں کہ تُسی سُنو ڈاکٹر مارٹن لائیڈ جونز Dr. Martyn Lloyd-Jones نے اُوہناں دے بارے چہ کی کہیا:

اُوس اِک بندے، مارٹن لوتھر جیہڑا محض اِک انجان راہب سی، دے کول کی اُمید سی؟ اُو کون ہوندا سی جیہڑا ساری کلیسیا… تے بارہ توں تیرہ صدیاں توں مخالف سمت وِچ چلدے ہوئے رواج دے خلاف اُٹھ کھڑا ہوندا؟ ایہہ ایس اِک بندے دے لئی سراسر گُستاخی لگدی اے کہ ڈٹ جائے تے کہے، ’’میں اکیلا ای صحیح آں، تے تُسی سارے دے سارے غلط اُو۔‘‘ ایہو ای اے جیہڑا اَج اُوہدے بارے چہ کہیا گیا ہوندا۔ تے ایس دے باوجود تُسی ویکھیا، اُو اِک بندہ سی جیس دے نال خداوند دا روح نمٹ رہیا سی۔ تے بیشک اُو صرف اِک شخص سی، اُو کھڑا ہویا تے تنہا ای کھڑا ہویا، تے پاک روح نے اُوہنوں عزت بخشی۔ پروٹسٹنٹ اصلاح وِجود وِچ آئی، تے جاری اے، تے ایہہ ہمیشہ توں ای اینج ای رہیا اے… میں جو کہہ رہیا واں اُو ایہہ اے کہ جدوں خداوند اپنی کلیسیا وِچ حرکت کردا اے، تے جدوں اُو حیاتِ نو دے لئی تیاری کر رہیا ہوندا اے تے اُو اینج ای کردا ہویا لگدا اے۔ اُو اپنا بوجھ مخصوص لوکاں تے پاندا اے، جیہڑا الگ ای بُلایا جاندا اے، جیویں کہ ایہہ سی، تے جیہڑے اِکھٹے ملدے نے، خاموشی نال، انجان تے غیرنمایاں، کیوں جے اُو ایس بوجھ دے بارے وِچ فکرمند ہوندے نے (مارٹن لائیڈ جونز، ایم۔ڈی۔ Martyn Lloyd-Jones, M.D. ، حیاتِ نو Revival، کراسوے کُتب Crossway Books، 1987، صفحات203، 167)۔

تے بالکل اینج ای تُسی ایہنوں ایہناں سارے حیاتِ انواع دی تاریخ وِچ پاؤ گے۔ اُوس بندے جیمیس میک کوئیلکنJames McQuilken نے دوجے دو نال گل کرن دا آغاز کیتا، تے اُوہناں نے ساری دی ساری صورتحال ویکھ لئی، تے ایہناں تِیناں لوکاں نے اکیلے محض اِک تنگ جیہئی گلی وِچ اِک چھوٹے جیہئے سکول دے کمرے وِچ اکٹھے ملاقات کیتی۔ مینوں اُوس تھاں تے جان دا شرف ہویا سی جدوں میں شمالی آئرلینڈ وِچ سی۔ میں ایہنوں ویکھن دے لئی اپنے معمول توں ہٹ کے گیا سی، کیوں جے میں ایس قسم دی تھاں نوں ویکھنا چاہندا سی… اُوہناں نے اُوس بُلاہٹ نوں دعا دے طور تے محسوس کیتا سی (لائیڈ جونز Lloyd-Jones، ibid.، صفحہ 165)۔

تے بِلاشبہ، شمالی آئرلینڈ وِچ 1859 دا حیاتِ نو آیا جدوں ایہناں تِیناں لوکاں نے خداوند توں پاک روح دے اُنڈیلے جان دے لئی دعا منگی سی۔ فیر ڈاکٹر لائیڈ جونز نے کہیا، ’’میرے بیلیوں، یقین کرو، جدوں اگلا حیاتِ نو آئے گا تے ایہہ ہر کسی دے لئی حیرت دا باعث ہووے گا، تے خاص طور تے اُوہناں دے لئی جیہڑے ایس نوں منظم کرن دے لئی کوششاں کردے رئے نے۔ ایہہ ایس [منکسر، سیدھے سادے] بِنا رکاوٹ پان آلے انداز وِچ ہو گیا ہوندا۔ مرد تے عورتاں صرف چوری چھپے خاموشی نال، جیویں کہ اینج ای ہویا سی، دعا دے لی جاندے کیوں جے اُو بوجھ توں لدے ہوندے نے، کیوں جے اُو خود اپنی مدد نئیں کر سکدے، کیوں جے اُو اینج کیتے بغیر حیاتی گزرادے رہنا جاری نئیں رکھ سکدے۔ تے اُو دوجیاں دے نال شامل ہونا چاہندے نے جو ایہو ای گل محسوس کر رئے ہوندے نے، تے خداوند دے لئی زور زور نال پکار رئے ہوندے نے‘‘ (لائیڈ جونز Lloyd-Jones، ibid.، صفحات 165۔166)۔

ڈاکٹر لائیڈ جونز جاری رہندے ہوئے کہندے نے، ’’فیر تُسی سارے لوکی غالباً اصولیت یا طریقیت وِچ اُوہدی ساریاں شاخاں دے نال اُوس کہانی نال مانوس ہوو گے۔ اُو شروع کیویں ہویا سی…؟ ایہہ بالکل اُوسی طرح شروع ہویا سی، اُوہناں دوویں ویزلی پراہواں دے نال، تے وائٹ فیلڈ، تے دوجیاں دے نال، جیہڑے انگلستان دی کلیسیا دے رُکن نے… کُج عرصے دے لئی کوئی نئیں جانندا سی کہ ایہہ رونما ہو رہیا سی، مگر اُو صرف اِکٹھے ملے سن کیوں جے اُو اِک ای گل توں کھیچے چلے آئے سن‘‘ (ibid.، صفحہ 166)۔

اَسی سارے جارج وائٹ فیلڈ George Whitefield تے جان John تے چارلس ویزلی Charles Wesley توں واقف آں۔ مگر اُوس ویلے اُوہناں نوں کوئی وی نئیں جانندا سی۔ اُو محض عام جیہئے نوجوان لوکی سن جِنہاں نے اینجلیکن کلیسیا Anglican Church دی مُردگی نوں ویکھ لہیا سی، تے خداوند دی جلالیت نوں مسیح دے نال جیوندے جاگدے تجربے دے وسیلے توں ویکھنا چاہندے سی۔

کوئی اِک میرے خیال چہ اُو بشپ رائیلی سن، جِنہاں نے کہیا کہ جان ویزلی نوں کینٹربیری Canterbury دا آرچ بشپ بنا دِتا جانا چائیدا اے، جیہڑے کہ انگلستان دے گرجا گھراں دا لیڈر سی۔ مگر، بِلاشبہ، اُوہناں نے تے ایتھوں تیکر کدی وی ایہو جئے اعلیٰ مرتبے نوں دین دے لئی سوچیا وی نئیں سی۔ ایس دے بجائے، اُوہناں دا مذاق تے تمسخر اُڑایا گیا۔ اُوہناں نوں دسیا گیا کہ اُو آئیندہ کدی وی آکسفورڈ یونیورسٹی وِچ منادی نئیں کرن گے، جیہدروں اُوہناں نے گریجوایشن کیتی سی کیوں جے اُوہناں نے اُستاداں تے شاگرداں نوں دسیا سی کہ اُوہناں نوں نئے سرے توں جنم لین دی لُوڑ سی۔ اُوہناں دی ماں سوزینا ویزلی Susannah Wesley – خودا اپنے تبدیل ہون توں پہلاں، اُوہناں دے نال اِک ’’کٹر‘‘ – اِک جنونی وانگوں منادی کرن دے لئی ناراض سن۔ تریپن وریاں تیکر جان ویزلی نے سارے انگلستان وِچ باہر کھلے میداناں وِچ دِن وِچ تِن تِن وری وڈھے وڈھے ہجوماں نوں منادی کیتی جیہڑے اُوہناں نوں سُنن دے لئی آندے سن۔ مگر خود اُوہناں دے اپنے فرقے نے ایس عظیم بندے نوں حقارت پرھے انداز وِچ ویکھنا تے اُوہناں دا تمسخر اُڑانا جاری رکھیا سی۔ اُوہناں نوں کدی وی عزت نئیں بخشی گئی سی جدوں تیکر کہ اُو اَسی برس دی آخری دہائی وِچ اِک انتہائی بزرگ شخص نہ ہو گئے۔ ایسی ویلے چہ، جان ویزلی دی منادی دے دوران، چھے دوجے لوکی کینٹربیری دے آرچ بشپ دے عہدے تے فائز ہوئے۔ درج ذیل اُوہناں دے ناں ترتیب دے نال نے،

جان پوٹر John Potter (1737۔1747)
تھامس ہیرنگ Thomas Herring (1747۔1757)
میتھیو ہیوٹن Mathew Hutton (1757۔1758)
تھامس سیکر Thomas Secker (1758۔1768)
فریڈرک کارنوالس Frederick Cornwallis (1768۔1783)
جان پوٹر John Potter (1737۔1747)
جان مور John Moore (1783۔1805)۔

مینوں شُبہ اے کہ اُوہناں چھے ’’عظیم‘‘ کہلائے جان آلے لوکاں وِچوں اِک دا ناں وی کوئی دس پائے گا ماسوائے اِک اینجیلیکن تاریخ دان دے۔ ایس دے باوجود تقریباً ہر مسیحی جان ویزلی دا ناں جانندا اے۔ تے زیادہ تر لوکی اُوہناں دے بھرہا چارلس دے ناں دے بارے وِچ وی جانندے نے، جِنہاں دے حمدوثنا دے گیت زمین تے ہر فرقے وِچ گرجا گھراں وِچ گائے جاندے نے۔ مگر وائٹ فیلڈ تے دوویں ویزلی، چھوٹے تے انجان لوکی سن جدوں اُو چند اِک دوجیاں دے نال انگریزی بولی جان آلی دُنیا وِچ پہلی عظیم بیداری دے شروع ہون توں بالکل پہلاں، 1738 دے نئے سال دے شامی پاک روح دے نازل کیتے جان دی دعا منگن دے لئی اِکٹھے ہوئے سن۔

’’خدا نے اُوہناں نوں جیہڑے دُنیا دی نظراں وچ بے وقوف نے چُن لہیا تاکہ عالماں نوں شرمندہ کرے تے اُوہناں نوں جیہڑے دُنیا دی نظر وچ کمزور نے چُن لہیا تاکہ زور آورراں نوں شرمندہ کرے‘‘ (1۔ کرنتھیوں 1:27).

ایہہ آیت ایہہ وی واضح کردی اے کہ کیوں نوجوان لوکی ای ہمیشہ حیاتِ نو وِچ رہنما ہوندے نے۔ گرجا گھر وِچ ایہہ نوجوان لوکی ای ہوندے نے جیہڑے اُوہناں دے وِچکار پاک روح دی تحریک نوں پہلاں محسوس کردے نے۔ تے ایہہ عموماً نوجوان لوکی ای ہوندے نے جیہڑے راستبازی دے بُھکے تے پیاسے ہوندے نے تے حیاتِ نو تے خدا دی حقیقت دے لئی چاہت کردے نے۔

میں پہلاں حیاتِ نو چینی بپتسمہ دین آلے گرجا گھر وِچ پہاڑاں وِچ گرمیاں دے اِک کیمپ دے دوران شروع ہوندا ہویا ویکھیا سی۔ جدوں اُو اِک سویرے دعا منگن دے لئی کیمپ وِچ اِکٹھے ہوئے، خدا دا روح اُوہناں تے ایس قوت دے نال نازل ہویا سی کہ گرجا گھر وِچ حیاتِ نو اِتوار نوں وی جاری رہیا سی، جدوں اُو کیمپ توں وی واپس آ چکے س۔ حیاتِ نو اِتوار دے روز سارا دِن تے رات گئے تیکر جاری رہیا۔ مینوں ہُنے تیکر اُو دعاواں جیہڑیاں اُوہناں نوجواناں نے منگیاں سن یاد نے۔ میں ہُنے وی اُو تعجب تے حیرت دا احساس، توبہ دے اَتھرو، اِعتراف تے دعاواں تے اُوہناں اِجلاساں وِچ خدا دی نزدیکی نوں یاد کر سکنا واں۔

ورجینیا وِچ اِک بپتسمہ دین آلے گرجا گھر وِچ حیاتِ نو تے میں تِن کُڑیاں نوں کِھلوتے ہوئے تے اِکٹھے گانا گاندے ہوئے ویکھیا۔ اُو سزایابی دے اَتھروواں نال لبریز سن، تے پورے گرجا گھر تے حیاتِ نو وِچ اکثر ظاہر ہون آلا اُو احساس چھا گیا سی – خداوند ساڈے درمیان آ موجود ہویا۔‘‘

’’13 اگست نوں سیکسونیSaxony وِچ ہیرنہٹHerrnhut تے نوجوان لوکاں دے وچکار اِک حیاتِ نو دا آغاز ہویا۔‘‘ 29 اگست نوں ’’رات دے دس وجے توں لے کے اگلی سویر دے اِک وجے تیکر، اِک واقعی وچ پُر اثر نظارے نوں ویکھیا گیا، کیوں جے ہیرنہٹ توں کُڑیاں نے ایہناں [تِناں] گھنٹیاں نوں دعاؤاں منگن، گان تے رون وچ لنگھایا۔ ایس ای ویلے دے دوران اِک دوجی تھاں تے مُنڈے پُرخلوص دعا منگن وچ مصرف رئے۔ اُوہناں بچیاں تے اُوس ویلے جیہڑی مناجات تے دعا دا روح نازل ہویا اُو ایس قدر قوت بخش تے مؤثر سی کہ مناسب طور تے ایہدا لفظاں وچ بیان کرنا ناممکن اے‘‘ (جان گرین فیلڈ John Greenfield، عالم بالا توں قوت Power From on High، عالمگیری حیاتِ نو دی دعائیہ تحریک World Wide Revival Prayer Movement، 1950، صفحہ 31)۔

بورنیو Borneo وچ باریو Bario دے مقام تے اِک جونیئر سیکنڈری سکول دے طالب علماں دے وچکار حیاتِ نو دا آغاز اکتوبر 1973 وچ ہویا۔ دو مُنڈیاں نے اکٹھے دعا منگنی شروع کیتی تے رِمقے رِمقے سارا سکول ایہدے وچ شامل ہو گیا ایتھوں تیکر کہ خود ہیڈماسٹر جیہنے شروع وچ روح دے معجزے دی مخالفت کیتی سی توبہ لئی تیار ہو گیا (شِیرلی لیز Shirley Lees، طلوع سحر توں قبل شرابی Drunk Before Dawn، سمندر پار مشنری رفاقت Overseas Missionary Fellowship، 1979، صفحات 185۔189)۔

برائین ایچ۔ ایڈورڈز نے کہیا، ’’جیہڑی گل شاندار اے اُو ایہہ اے کہ حیاتِ نو دے عرصہ وچ ایہہ … نوجوان لوکی ہوندے نے جیہڑے خصوصی طور تے للکارے جاندے نے تبدیل ہوندے نے، تے بہتیرے واقعات وچ اُو ایہی ہوندے نے جیہڑے خلوص دی شدت نال حیاتِ نو لئی دعاؤاں منگ رئے ہوندے نے تے چاہت کردے نے، تے جنہاں دے وچکار ایہہ شروع ہوندا اے… ایہہ حیاتِ نو دا اِک پہلو اے جیہڑا بہتر طور تے بیان کیتے جان دے بجائے اُوہناں دے ذریعے نال جیہڑا حیاتِ انواع دے عام عناصر دا جائزہ لیندے نے بوہتی گھٹ توجہ پاندا اے‘‘ (برائین ایچ۔ ایڈورڈز Brian H. Edwards، حیاتِ نو! خُداوند نال لبریز لوکی Revival! A People Saturated With God، ایونجیلیکل پریس Evangelical Press، 1991 ایڈیشن، صفحہ 165)۔

’’خُدا نے اُوہناں نوں جیہڑے دُنیا دی نظراں وچ بے وقوف نے چُن لہیا تاں جے عالماں نوں شرمندہ کرے تے اُوہناں نوں جیہڑے دُنیا دی نظر وچ کمزور نے چُن لہیا تاں جے زور آوراں نوں شرمندہ کرے‘‘ (1۔ کرنتھیوں 1:27).

ایمی کارمیخائل Amy Carmichael نے انڈیا وچ پاک روح دے نازل ہون دا بیان ایویں کیتا،

ایہہ سویر دی عبادت دا اختتام سی کہ وقفہ ہویا۔ اُو جیہڑا بول رہیا سی، اُوہنوں زبردستی روکیا گیا، گلاں دی اندرونی طاقت دے اچانک احساس وچ ڈُبیا ہویا سی۔ ایتھوں تیکر کہ دعا کرنا وی ناممکن جیہا سی۔ مُنڈیاں دے سکول وچوں اِک وڈی عمر دے مُنڈے نے دعا منگن لئی کوشش شروع کیتی۔ مگر اُو زار و قطار [رونا] شروع ہو گیا، فیر دوجے نے، فیر سب نے اکٹھے، نمایاں طور تے پہلاں وڈی عمر دے مُنڈیاں نے رونا شروع کیتا۔ چھیتی ای چھوٹی عمر آلے مُنڈیاں وچوں بہتیریاں نے شدت دے نال معافی لئی رونا تے دعا منگنا شروع کر دِتا۔ ایہہ گل خواتین تیکر پھیل گئی۔ ایہہ ایس قدر باعثِ تعجب تے تے ایس قدر خوشگوار سی – میں دوجے کوئی لفظ استعمال نئیں کر سکدی – تفصیلات مینوں یاد نئیں۔ چھیتی ای بہتیرے فرش تے پئے سن، خُدا دے سامنے رو رئے سن، ہر مُنڈا تے کُڑی، مرد تے عورت، دوجیاں دی موجودگی [نوں بھُلا کے] توں بے نیاز۔ اُو اواج درختاں وچ تیز ہوا تے لہراں وگری سی… شروع وچ تحریک تقریباً مکمل طور تے تبدیل ہوئے مُنڈیاں، سکول دے مُنڈیاں تے خود ساڈے اپنے بچیاں ای وچ سی… تے جماعت دے چند نوجوان اراکین وچ۔ ست ماہ بعد اُوہنے خبر دِتی، ’’تقریباً ساڈے سارے دے سارے [نوجوان لوکی] سرے توں تے سرے توں بدل گئے سن‘‘ (جے۔ ایڈوِین اوور، پی ایچ۔ ڈی۔ J. Edwin Orr, Ph.D.، اُو شعلہ بیان زبان The Flaming Tongue، موڈی پریس Moody Press، 1973، صفحات 18، 19)۔

لفظاں تے غور کرو، ’’شروع وچ تحریک تقریباً مکمل طور تے تبدیل ہوئے مُنڈیاں، سکول دے مُنڈیاں تے خود ساڈے اپنے بچیاں ای وچ سی… تے جماعت دے چند نوجوان اراکین وچ۔‘‘ ایویں ای اکثر ایس ای طریقے نال اِک گرجا گھر وچ حیاتِ نو آندا اے – جدوں حیاتِ نو وچ نوجوان لوکی پاک روح دے انڈیلے جان لئی چاہت کردے نے۔ میں خود اپنیاں اکھاں نال ایہہ تِن حیات انواع وچ ویکھ چُکیا واں، جدوں لاس اینجلز وچ، سان فرانسسکو دے علاقے وچ تے ورجینیا وچ۔ ورجینیا دے ساحل تے خُدا نے نوجوان لوکاں تے نہایت قوت دے نال اپنا پاک روح نازل کیتا۔

ہُن، میں ایتھے اَج رات نوں موجود ساڈے نوجوان لوکاں نال گل کر رہیا واں۔ اسی تہانوں ایس واعظ دی اِک لُکی ہوئی نقل دیاں گے کہ تُسی گھر لے جاؤو۔ میں اُمید کرنا واں کہ تُسی ایہنوں بار بار ہر روز اگلے ہفتے تیکر پڑھو گے۔ تے میں اُمید کرنا واں کہ تُسی واعظ وچ موجود گلاں لئی دعا منگو گے کہ تہاڈی حیاتی وچ رونما ہون، تے ساڈے گرجا گھر وچ رونما ہون۔

تُسی شاید سوچو، ’’ڈاکٹر ہائیمرز کدی وی ایس قسم دیاں گلاں دے ساڈے گرجا گھر وچ ہون دی کدی اجازت نہ دین۔‘‘ مگر تُسی غلطی تے اُو۔ جے خُداوند رحم کرے تے حیاتِ نو دی خود مختیار قوت وچ ساڈے کول تھلے آئے تے میں یقین کرنا واں کہ میں حیاتِ نو دے بارے وچ کافی کُج جاننا واں کہ میں کدی وی روح دی پیاس نوں نئیں بجھاؤاں گا، یا اُوہدی توضیحات [مظاہراں] نوں نئیں روکاں گا۔ تُسی ایتھوں تیکر کہ اشعیا نبی دے انتہائی لفظاں نوں اپنی دعا وچ شامل کر سکدے اُو،

’’کاش کہ تُو آسمان نوں چاک کر دے، تے ہیٹاں اُتر آئے، تے پہاڑ تیرے حضور وچ لرزن لگن‘‘ (اشعیا 64:1).

آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔