ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

خُداوند یسوع مسیح ہلے جیوندہ ای سی۔ اُوہنوں اگلی سویر تیکر سُولی تے نئیں چڑھایا جانا سی۔ اُو اپنے شاگرداں نال رات دا کھانا کھا رہیا سی۔ اُوہنے مَے دی لہو وگرے سُرخ رَس توں لبریز پیالہ ول اشارہ کیتا۔ اُوہنے کہیا، ’’ایہہ میرا لہو اے جیہڑا بہتیریاں لئی وگایا جاندا اے۔‘‘ ایہہ ثابت کردا اے کہ پیالہ وچ مَے واقعی چہ اُوہدا لہو نئیں ہو سکدا۔ ایتھے جیوندہ جاگدا مسیح اپنی رگاں وچ ہُنے تیکر لہو لیے ہوئے بیٹھا سی۔ ایس لئی اُو مَے واقعی وچ اُوہدا لہو نئیں ہو سکدی سی جیویں کہ کاتھولک تعلیم دیندے نے۔

یسوع نے اپنے لہو دے بارے وچ اینج گل کیتی سی جیویں کہ اُو پہلاں توں ای وگایا جا چُکیا اے۔ جدوں کہ ہلے تیکر اُوہدے ہتھاں تے پیراں وچ کِلاں نئیں ٹھوکیاں گئیاں سن۔ نیزے نے اُوہدی وکھی ہلے تیکر نئیں چھیدی سی۔ مسیح ایس گل نوں جانندا سی لیکن اُوہنے فعل حال وچ گل کیتی سی – جیویں کہ اُوہنوں پہلاں توں ای سُولی تے چڑھایا جا چُکیا سی۔ اُوہنے عشائے ربانی نوں سادہ یا واضح کرن لئی کیتا سی۔ لہٰذا اُوہنے اپنے لہو دے بارے وچ ایویں گل کیتی سی جیویں کہ ایہہ پہلاں توں ای وگایا جا چُکیا اے۔

میرے خیال وچ اُوہنے ’’بنائے عالم توں ذبح کیتے ہوئے برّے‘‘ دے طور تے وی کیتی سی (مکاشفہ 8:13). چونکہ خُدا دے منصوبے وچ ایہہ پہلاں توں ای طے ہو چُکیا سی، اُوہنے اپنے لہو دے بارے وچ اینج گل کیتی سی جیویں کہ اُو پہلاں توں ای وگایا جا چُکیا سی۔ چند ای گھنٹیاں وچ ایہنے واقعی چہ وگایا جانا سی۔ مگر صدیاں پہلاں خُداوند نے مسیح دی موت نوں ساڈے گناہواں لئی اِک تکمیل شُدہ حقیقت دے طور تے شمار کر لہیا سی۔ خُدا نے پرانے عہدنامے دے زمانے وچ ہزاراں لوکاں نوں اُوہناں دے گناہواں لئی مسیح دی مستقبل وچ ہون آلی موت دے وسیلے توں بچایا سی۔ ’’توجہ نال خُداوند دے برّہ نوں ویکھو۔‘‘ ایتھوں تیکر کہ اُوہدی سچ مُچ دی مصلوبیت توں پہلاں ای اُو جہاں دے گناہ نوں چُک کے لے جا رہیا سی۔ جے ایہہ سُولی تے اُوہدی موت توں پہلاں سچ سی، تے ایہہ یقینی طور تے ہُن وی سچ اے کہ اُو آیا اے تے ساڈے لئی مریا سی!

ایہہ سپرجیئن Spurgeon دے واعظ دی مختصر کیتی ہوئی تھوڑی جئی تبدیل شُدہ نقل اے، جیہڑی آزاد خیال عالمین الہٰیات نوں جواب دین لئی پیش کیتی گئی جنہاں نے مسیح دے قیمتی لہو دی بے عزتی کیتی، تے میں جدید اختتام دا اضافہ کیتا اے۔ کی اُو آزاد خیال عالمین الہٰیات کسی طور وی جدید دور دے مبلغین توں مختلف نے جیہڑے اُوس [یسوع] دی موت لئی لہو نوں محض اِک دوجا لفظ کہندے نے؟ کی اُو اُوہناں ’’قدامت پسند‘‘ مبلغین توں مختلف نے جیہڑے ہفیاں تیکر مسیح دے لہو دا تذکرہ کیتے بغیر ای منادی جاری رکھدے نے؟

کُج شاید مسیح دی ساڈی مثال دے طور تے منادی کرن۔ دوجے شاید مسلسل اُوہدی آمدِ ثانی تے منادی کردے رہن۔ اسی ایہناں دوواں دی ای منادی کرنے آں – مگر زیادہ تر اسی مسیح مصلوب دے بارے وچ منادی کرنے آں، اُوہناں یہودیاں لئی جیہڑے اِک لڑکھڑاندی ہوئی رکاوٹ نے، یونانیاں دی بیوقوفی لئی؛ مگر اسی مسیح مصلوب دی منادی کرنے آں – مسیح جیہڑا خُداوند دی قوت اے تے خُداوند دی حکمت اے! ’’خُدا نہ کرے کہ میں کسی شے تے فخر کراں ماسوائے اپنے خداوند یسوع مسیح دی صلیب دے‘‘ (گلِتیوں6:14)۔

یسوع دے بالمقابل اسی اُوس پیالہ نوں ویکھنے آں۔ اُو کنارے تیکر لبریز اے۔ یسوع نے اُوہنوں ہُنے ای اپنے شاگرداں نوں پیش کیتا اے۔ جدوں تُسی اُوس پیالہ دے بارے وچ سوچو تے یاد رکھو کہ اُو مسیح دے لہو دی اِک یادگار اے، جیہڑا بہتیریاں لئی وگایا گیا۔ نجات دہندہ نوں کہندے ہوئے سُنو،

’’ایہہ نئے عہد دا میرا اُو لہو اے جیہڑا بہتیریاں دے گناہواں دی معافی لئی وگایا جاندا اے‘‘ (متی 26:28).

I۔ پہلی گل، مسیح دے لہو دی اہمیت تے غور کرو۔

گنہگاراں لئی اِک قربانی دے طور تے لہو دی اہمیت نوں پیالہ وچ ظاہر کیتا گیا اے – جیہڑا اُوہدے لہو دی یادگار اے۔ یاد رکھو کہ عشائے ربانی دے دو حصے نے – روٹی اُوہدے بدن دی نمائندگی کردی اے تے پیالہ اُوہدے لہو دے بارے وِچ گل کردا اے۔ روٹی تے پیالہ دو مختلف علامتاں نے۔ ایہو ای وجہ اے کہ مسیح دا لہو اُوہدی موت دے لئی اِک دوجا لفظ (a metonym) نئیں ہو سکدا جیویں کہ کُج لوکی جھوٹی تعلیم دیندے نے۔ میرے لئی، ایتھے بوہتی زیادہ نقصان ہوندا اے [کیوں جے] لوکی مسیح دے موت دے بارے چہ بوہتا کم سوچدے نے – تے ایتھو تیکر کہ ایس توں وی گھٹ اُوہدے لہو دے بارے وِچ سوچدے نے۔ جے پادری شاذونادر ای اُوہدی موت دے بارے وِچ گل کردے نے، تے کدی وی اُوہدے لہو دے بارے چہ گل نئیں کردے تے اِسی کیویں حقیقی تبدیلی دے لئی اُمید رکھ سکنے آں؟ کوئی تعجب دی گل نئیں کہ ساڈے ہاں قومی حیاتِ نو 1859 توں آیا ای نئیں! بائبل واضح طور تے کہندی اے کہ اَسی صرف یسوع دے لہو دے وسیلے توں ای جنت یا آسمان وِچ داخل ہو سکنے آں،

’’ایس لئی، پراہوو، جدوں سانوں یسوع دے لہو دے وسیلے توں ایس نئی تے زندہ راہ توں پاک ترین مسکن وِچ داخل ہون دی ہمت اے‘‘ (عبرانیوں 10:19).

اَسی پاک ترین مسکن وِچ، آپئے آسمان وِچ داخل ہون دی ہمت نئیں کر سکدے، ماسوائے ’’یسوع دے لہو‘‘ دے وسیلے توں۔ تے بائبل کہندی اے کہ اَسی خداوند خدا دے قہر توں ’’لہو وِچ ایمان دے وسیلے‘‘ توں بچائے جانے آں (رومیوں25:3)۔ میں کسی وی ایہو جئے بندے نوں نئیں جاننا واں جیہدا نجات پائے بغیر ای مسیح دے لہو وِچ ایمان سی۔ میں لوکاں نوں کہندیاں ہوئیاں سُننا واں، ’’میں بچایا جانا چاہنا آں۔ مگر کیویں؟ مسیح دے لہو وِچ ایمان دے سیلے توں۔

کی تُسی اوس یسوع دے لہو دے بارے وِچ سوچدے اُو؟ کی تُسی کدی اُوہدے ہتھاں، اُوہدے پیراں اُوہدی وکھی وِچوں نکلدے ہوئے لہو دے بارے وِچ سوچدے ہوئے ویلہ لنگہاندے اُو؟ ساریاں زمانیاں دیاں عظیم ترین مسیحیاں وِچوں اِک نواب نیکولس وان زینزنڈوروف Count Nicholas von Zinzendorf تبدیل ہو گئے سن جیویں ای اُوہناں نے سولی تے مسیح نوں ساڈے گناہ توں سانوں بچان دے لئی لہو وگان دے بارے چہ سوچیا سی۔ ڈاکٹر جان سُنگ Dr. John Sung نوں سولی تے مسیح، اُوہدے وگدے ہوئے لہو، جیہڑا اُوہنوں [ڈاکٹر نوں] ساریاں گناہواں توں پاک صاف کر رہیا سی اُوہدے بارے وِچ گہری آگاہی حاصل سی! مینوں یاد اے جدوں میں تیرہ وریاں دا اِک مُنڈا سی تے ڈاکٹر واٹز Dr. Watts دے لفظاں توں شدید متاثر ہویا سی،

افسوس! تے کی میرے نجات دہندہ نے لہو وگایا؟
   تے کی میرا حاکم اعلیٰ مر گیا؟
کی اُو اُوس پاک سر نوں نچھاور کر دے گا
   اِک ایہو جئے کیڑے دے لئی جیویں دا میں آں؟

پاویں سورج تاریکی چہ چھپ جائے،
   تے اپنا جاہ و جلال اندر چھپا لوے،
لیکن، جدوں عظیم بناون آلا مسیح، مویا
   انسان لئی، جہیڑا گناہ دی مخلوق سی۔
(’’افسوس! تے کی میرے نجات دہندہ دا خُون بہا سی؟ Alas! And Did My Saviour Bleed?‘‘ شاعر آئزک واٹز، ڈی. ڈی. ، 1674۔1748).

مگر اُو الفاظ جنہاں نے میرے نوجوان ذہن دا تعاقب کیتا سی اُو پہلے بند وِچ سن،

افسوس! تے کی میرے نجات دہندہ نے لہو وگایا؟
   تے کی میرا حاکم اعلیٰ مر گیا؟
کی اُو اُوس پاک سر نوں نچھاور کر دے گا
   اِک ایہو جئے کیڑے دے لئی جیویں دا میں آں؟

مینوں ایس غیر مصالحت پسندانہ حمدوثنا دے پرانے گیت نال محبت اے! تُسی یسوع دے لہو تے اِک حیاتی تعمیر کر سکدے اُو! تُسی یسوع دے لہو تے اپنے ایمان دی تعمیر کر سکدے اُو! تُسی یسوع دے لہو تے آسمان دی اُمید نوں تعمیر کر سکدے اُو!

’’ایہہ نئے عہد دا میرا اُو لہو اے جیہڑا بہتیریاں دے گناہواں دی معافی دے لئی وگایا جاندا اے‘‘ (متی 26:28).

II۔ دوجی گل، نئے عہد دے نال مسیح دے لہو دے تعلق تے غور کرو۔

یسوع نے کہیا، ’’ایہہ نئے عہد دا میرا لہو اے‘‘ (متی28:26)۔ سیکوفیلڈ دی درمیانی کالم دی غور طلب گل ’’ایفF‘‘ ’’عہدcovenant‘‘ دے طور تے متبادل ترجمہ پیش کردی اے۔ مسیح دا لہو خدا تے انسان دے درمیان نئے عہد نوں پکا کردا اے یا جائز قرار دیندا اے۔ موسیٰ دے پرانے عہد نے کہیا، ’’جے تُسی فرمانبرداری کرو‘‘ (خروج5:19)۔ ایہہ شریعت دے فرمانبرداری تے مشتمل اِک عہد سی۔ مگر نئے عہدنامے وِچ لکھیا اے خدا کہہ رہیا اے، ’’میں کراں گا۔‘‘ کیوں جے مسیح نے اپنا لہو وگایا، نیا عہد اُوہدی قربانی تے مشتمل اے، بجائے ایس دے کہ موسیٰ دی شریعت تے ساڈی کامل فرمانبرداری تے۔ سپرجیئن نے کہیا، ’’پرانے عہد وِچ کہیا گیا، ’’شریعت تے قائم رہ تے توں جیوندا رئے گا۔‘‘ نیا عہد اے، ’’تو جیئے گا، تے میں شریعت قائم کرن دے لئی تیری رہنمائی کراں گا، کیوں جے میں اُو تیرے دِل تے لکھ دیاں گا۔‘‘ خوش [نے اُو] لوکی جیہڑا ایس عہد دے تحت قائم رہن نوں جانندے نے… عہد کدی وی مسیح دے لہو توں الگ کیتا ای نئیں جا سکدا سی۔ ساڈے وَلوں عہد دی تکمیل دے لئی ساڈے نمائندے دے طور تے کوئی وی نئیں قائم رہ سکدا ماسوائے خداوند یسوع مسیح دے… اپنے لہو دے وگان دے وسیلے توں… خدا وَلوں انسان دے غیرمستحق پُتراں وَلوں کامل فضل دا اِک بندوبست مسیح دی قربانی دے وسیلے توں ہُن پورے عمل وِچ اے‘‘ (سی۔ ایچ۔ سپرجیئن C. H. Spurgeon، ’’اُو لہو جیہڑا بوہتیا لئی وگایا گیا The Blood Shed for Many،‘‘ MTP، جلد 33، صفحہ 379)۔

مسیح دے ایمان وِچ غیرتبدیل شُدہ لوکی عموماً سوچدے نے کہ تُہانوں اِک مسیحی ہون دے لئی اِک کامل حیاتی بسر کرنی ہوندی اے۔ مگر کوئی وی مسیحی کام نئیں اے۔ لوتھرLuther خوف تے شک دے اِک ہولناک دور وِچوں لنگہیا سی جدوں تیکر کہ پاک روح نے اُوہنوں وِکھا نئیں دِتا کہ یسوع نے سولی تے اُوہدے گناہواں دے لئی مکمل کفارہ ادا کیتا سی – تے یسوع نے لہو نے ناصرف اُوہنوں گناہ توں پاک صاف کر دِتا سی بلکہ نئے عہد دے تحت اُوہدی نجات نوں وی منظور کتیا سی۔ ڈاکٹر لائیڈ جونز Dr. Lloyd-Jones نے نئے عہد دے تحت خداوند نال ساڈے تعلق نوں واضح کرن دے لئی لفظ ’’دوستی‘‘ نوں استعمال کیتا۔ اُوہناں نے کہیا، ’’ایہہ خداوند دے دوستی دا وعدہ اے، اُوہدا ساڈا خداوند ہون دے بارے وِچ، اُوہدے نال اِک قریبی تعلق وِچ داخلے دے لئی، تے اُوہنوں جانن دے لئی، تے ایہہ سب کُج یسوع مسیح دے وسیلے توں ممکن ہویا اے‘‘ – تے یسوع مسیح دے لہو دے وسیلے توں نئے عہد وِچ مہربند تے منظور کیتا! (مارٹن لائیڈ جونز، ایم۔ڈی۔ Martyn Lloyd-Jones, M.D.، بائبل دے عظیم عقائد Great Doctrines of the Bible، جلد اوّل Volume 1، کراسوے کُتب Crossway Books، 2003، صفحات 227۔228)۔

اِک غمگین چہرے دے نال ایتھے اُوتھے پھرن دے بجائے، ایہہ سوچنا کہ خدا تہاڈے نال ناراض اے، یسوع دے کول آؤ! اُوہدا لہو تہانوں پاک صاف کر دے گا تے تہانوں خدا دے نال اِک نئے تعلق وِچ ڈال دیوے گا۔ خود اپنے منصف ہون دے بجائے، خدا تہاڈا ’’بیلی‘‘ ہووے گا، جیویں کہ ڈاکٹر لائیڈ جونز نے کہیا۔ ایتھے اِک پرانا حمدوثنا دا گیت اے جیہڑا کئی وریاں تیکر میرے لئی خاص معنی رکھے رہیا اے،

’’میں اِک بیلی لبھ چکیا آں، ہائے کیہو جیہا اِک بیلی!
   اُوہنے مینوں پیار کیتا ایس توں پہلاں کہ میں اُوہنوں جانندا؛
اُوہنے پیار دے دھاگیاں نال مینوں کِھچ لہیا،
   تے ایویں اُوہنے مینوں اپنے نال بن [باندھ] لہیا؛
تے میرے دِل دے آلے دوالے ہُنے وی قربت نال لپٹیا اے
   اُو بندھن جیہڑا کدی وی نئیں ٹُٹ سکدا،
کیوں جے میں اُوہدے تے اُو میرا اے،
   ہمیشہ تے ہمیشہ دے لئی۔‘‘
(’’میں اک بیلی لبھ چکیا آں I’ve Found a Friend‘‘ شاعر جیمس جی۔ سمال James G. Small، 1817۔1888)۔

خُداوند اُوہناں دا دوست اے جیہڑا اُوہدے پُتر دے لہو دے وسیلے توں معاف کیتے جا چکے نے!

’’ایہہ نئے عہد دا میرا اُو لہو اے جیہڑا بہتیریاں دے گناہواں دی معافی دے لئی وگایا جاندا اے‘‘ (متی 26:28).

III۔ تیجی گل، تہاڈے نال مسیح دے لہو دے تعلق تے غور کرو۔

یسوع نے کہیا، ’’ایہہ نئے عہد دا میرا لہو اے، جیہڑا بُہتیریاں دے گناہواں دے معافی دے لئی وگایا جاندا اے۔‘‘ جی ہاں مسیح دا لہو بُہتیریاں دے لئی وگایا گیا سی! کی تُسی اُوہناں ’’بُہتیریاں‘‘ وِچوں اِک ہو جیہڑے مسیح دے لہو دے وسیلے توں بچائے گئے نے؟ کی تُسی اُوہناں بُہتیریاں وِچوں اِک اُو جیہڑے مسیح دے لہو دے وسیلے توں بچائے جان گے؟

میں ہمیشہ توں ای انجیلی بشارت دے پرچار وِچ بوہتی دلچسپی وکھاندا رہیا واں۔ میں مسیح وِچ لوکاں دے تبدیل ہون دی مسلسل دعا منگدا رہنا واں۔ مسیح وچ بے شمار لوکاں دی تبدیلیاں لئی میری خواہش وچ اضافہ تِن حیاتِ انواع دا تجربہ کرن دے ذریعے نال ہویا سی – اِک چشم دید گواہ دے طور تے، جیہڑا نایاب ای ہوندا اے۔ مگر میری حیاتی وچ سب توں وڈی مایوسی ایہہ حقیقت رئی اے کہ خود ساڈے اپنے گرجہ گھر وچ مسیح چہ تبدیل ہون آلے لوکاں دی رفتار سست روی نال ہوندی اے۔ میں ہمیشہ ای سوچیا کہ ہُن شاید زیادہ ہو جاوے۔

ایہدے باوجود جیہڑا کُج ترقی پذیر دُنیا وچ ہو رہیا اے اُوہدے نال میں بوہتا زیادہ حوصلہ پانا واں – جیہنوں اسی ’’تیجی دُنیا‘‘ کہنے آں۔ جدوں میں امریکہ تے نظر پانا واں، ایہہ تاریک اے۔ مگر جدوں میں تیجی دُنیا تے نظر پانا واں تے میرا دِل خوشی نال اُچھل پیندا اے! ہانگ کانگ وچ اُوہناں نوجوان لوکاں نوں ویکھو! اُوہناں نے اشتراکیت پسنداں نوں تِن ہفتیاں توں روکے رکھیا ہویا اے! اُو جمہوریت لئی کھلوتے ہوئے نے! اوتھے اُوہناں وچوں ہزاراں لکھاں نے! اُو شاید جِت نہ پان، مگر مینوں اُوہناں دا جذبہ پسند اے! اُوہناں دی رہنمائی 17 سالہ یوشوا وانگ Joshua Wong نامی اِک مُنڈا کر رہیا اے، جیہڑا کہ ہائی سکول دے فعالیت پسند گراں دا رہنما اے – تے24 سالہ ایلکس چاؤ Alex Chow جیہڑا کہ ہانگ کانگ دی طالب علماں دی فیڈریشن دا سربراہ اے! میں گذشتہ ہفتے لاس اینجلز ٹائمز Los Angeles Times وچ اُوہناں دوواں مُنڈیاں دی اکٹھیاں کھلوتے ہوئے اِک تصویر ویکھی تے سوچیا، ’’اے خُداوند اُوہناں دو نوجوان لوکاں لئی شکریہ!‘‘ تُسی یوشوا دے ناں توں ای دس سکدے اُو کہ اُو اِک مسیحی گھرانے توں تعلق رکھدا اے، جیویں کہ زیادہ تر مطاہرین رکھدے نے۔ امریکہ وچ تُسی اوہدے وگرے نوجوان بچے کیتھے پا سکدے اُو؟ – جیہڑے جمہوریت لئی کھلوتے ہوئے ہون، جیدے بارے وچ ساڈے نوجوان لوکی پرواہ وی نئیں کردے! تے کوئی غلطی مت کرو، ہانگ کانگ وچ اُوہناں بچیاں وچوں ہزاروں نئے سرے توں جنم لیے ہوئے مسیحی نے! جدوں کہ ساڈے بچے ماریجوآنہ [چرس تے افہیم] دے کش لے رئے نے تے خود نوں تشدد آلی فلماں توں جنسی تسکین پہنچا رئے نے، ہانگ کانگ وچ ایہہ بچے جمہوریت لئی اپنیاں جاناں تے اپنے مستقبل تے کھیڈ رئے نے! خُدا اُوہناں نوں برکت دوے! میں امریکہ وچ کسی انجیلی بشارت دا پرچار کرن آلے بچیاں نوں نئیں جانندا جیہڑے اینج کر پان! ساڈے ہاں اسقاط حمل ہوندا اے، جیہڑا ساریاں 50 ریاستاں وچ بچیاں دا قتل اے۔ کی انجیلی بشارت دا پرچار کرن آلے نوجوان لوکی ایہدے خلاف کھلوتے ہوندے نے؟ جی نئیں! ایتھوں تیکر کہ کٹر ترین قدامت پسند گرجا گھراں تے سکولاں دے بچے وی خاموش نے! خُداوند ساڈی مدد کرے! چین وچ اُوہناں چینی بچیاں وچ امریکہ چہ موجود کسی وی مسیحی بچے دے مقابلے وچ بہتر جذبہ اے! کوئی تعجب نئیں کہ چین ساڈے نالوں ہر گل وچ اگے جا رہیا اے!

بلی گراھم Billy Graham دا فیصلہ Decision میگزین دے جون 2014 دے شمارے وچ جیری رینکن Jerry Rankin وَلّوں اِک رپورٹ پیش کیتی گئی، جیہڑے جنوبی بپتسمہ دین آلیاں دی بین الااقوامی مشن بورڈSouthern Baptist International Mission Board دے سابقہ صدر نے۔ اُوہناں نے کہیا، ’’خُدا عظیم مقصد دی تکمیل لئی بے مثل راہواں وچ متحرک اے۔‘‘ آرٹیکل گل جاری رکھدے ہوئے کہندا اے، ’’غیر مماثل انجیلی بشارت دے پرچار دا بڑھاؤ سارے افریقہ، ایشیا تے لاطینی امریکہ وچ وقوع پذیر ہو چُکیا اے۔‘‘ اُوہنے کہیا، ’’ماضی وچ 1960 دی دہائی چہ… انجیلی بشارت دا پرچار کرن آلے مسیحی افریقہ، ایشیا، تے لاطینی امریکہ وچ جیہنے مغرب وچ ہوندے سی اُوہدی ادھی تعداد چہ ہوندے سی… اج، تاہم، تیجی دُنیا مسیحیاں دی تعداد اڑھائی توں تِن گُنا مغرب دے مقابلے وچ زیادہ اے۔ عالمگیری کلیسیا دا ایہہ کثیر اضافہ تاریخ وچ بے مثل اے۔ ایہہ سارا دا سارا ایس قدر کم عرصے وچ ہویا اے۔ [حیات نو] وچ خُدا دی ایہناں حیران کُن تحریکاں نے چین، جنوبی امریکہ دے امیزآن دے علاقے تے ایشیا دی دُنیا وچ ثبوت فراہم کیتا اے … امیزآن بیسن basin دے قبائلی گروہاں دے وچکار… کئی ہزار مسیح لئی [آ چکے نے]۔ تے ایشیائی دُنیا نے تے خوشخبری دے اِک دھماکے دا تجربہ کیتا اے – قرن وسطیٰ تے شمالی افریقہ توں لے کے انڈونیشیا تیکر تے ایہناں دے وچکار ہر تھاں تے۔ عوامی سطح تے حیاتِ نو پھیل رہیا اے جدوں ہزاروں لکھوں لوکی مسیح ول رُخ کر رئے نے [تے] اینج بپتسمہ نال پیروی کر کے کر رئے نے، جیہڑا اُوہناں دی وابستگی دے مظاہر لئی اِک یادگار قدم اے… ہزاروں لکھوں جھوٹے مذھب توں دور ہوندے جا رئے نے تے یسوع مسیح ول رُخ کر رئے نے‘‘ (’’بے مثل عالمگیری اضافہ Unprecedented Global Growth‘‘ مصنف رچرڈ گرین Richard Greene، فیصلہ Decision میگزین، جون 2014، صفحات 11۔13)۔ میں ایس رپورٹ تے یقین کرنا واں۔ ایہہ ڈاکٹر رینکین Dr. Rankin تے بے شمار دوجے جانے مانے مشن چلان آلے missiologists دے اندازیاں تے مشتمل اے۔ مگر ایس ای آرٹیکل نے کہیا کہ امریکہ تے مغربی دُنیا وچ کِتھے تھوڑی مسیحیت وچ اضافہ ہویا اے۔ اُوس آرٹیکل نے کہیا، ’’مغرب وچ مشنریاں دا پھیلاؤ تھوڑا ہوندا [ڈھلدا] جا رہیا اے جیدے وچ یورپ، کینیڈا تے ریاست ہائے متحدہ وی شامل اے۔‘‘ تے فیر آرٹیکل نے وجہ پیش کیتی کہ کیوں ایس قدر چند لوکی ایتھے مسیحی ہو رئے نے۔ ایہنے کہیا، ’’مغرب وچ اِک بوہتی وڈی تعداد وچ لادینیت وقوع پذیر ہو رئی اے… اج [امریکہ وچ تے مغرب وچ] کھوئے ہوئے لوکاں لئی اِک دِل پریشان کُن حد تیکر بے شمار انجیلی بشارت دا پرچار کرن آلے مسیحیاں وچ ناپید اے۔‘‘

ایتھوں تُسی اندازہ لگا لوو، ساڈے چند اِک ابھردی ہوئی مشیناں نوں چلان آلیاں توں۔ ساری دی ساری تیجی دُنیا حیاتِ نو نال پھٹ رئی اے، جدوں چین، ایشیا، لاطینی امریکہ تے ایشیائی دُنیا وچ لکھوں لوکی مسیح ول رُخ موڑ رئے نے۔ مگر ایتھے امریکہ وچ، تے مغرب وچ، اینج دا کُج وی نئیں ہو رہیا اے۔ ساڈے نوجوان لوکی ایس قدر دُنیاوی ہو گئے نے کہ اُو حقیقی مسیحی بنن وچ کوئی وی دلچسپی رکھدے ای نئیں نے۔ ایتھے کوئی حیاتی نئیں اے! ایتھے کوئی حیات نو نئیں اے! امریکہ وچ نوجوان لوکی مُردہ ہو چُکے نے – ٹُردے پھردے مُردہ! امریکہ نوجوان لوکاں نوں ’’لطف چُکن‘‘ دے ذریعے نال تسکین ملدی اے، لاس ویگاس لئی جان توں تسکین ملدی اے، ہر سال بے شمار تِن روز چھُٹیاں ایہہ کہہ کے ’’آؤ کھائیے پیے تے خوشی منائیے‘‘ منگن توں تسکین ملدی اے۔ میں محسوس کرنا واں کہ مغربی دُنیا تے تے امریکہ تے اِک انتہائی شدید روحانی تاریکی چھا چُکی اے۔ امریکی نوجوان لوکی اِک چنگا ویلہ لنگھان لئی ایس قدر مشتاق ہوندے نے کہ اُو اِتوار دی سویر تے اتوار دی شام نوں گرجا گھر لئی کوئی ویلہ ای نئیں کڈدے۔ اُوہناں کول خُدا لئی کوئی ویلہ نئیں اے! مگر اُوس آرٹیکل نے کہیا کہ تیجی دُنیا وچ نوجوان لوکی ’’اپنے [جھوٹے] مذھب، رواج تے تہذیب توں پرے کُج نہ کُج تلاش کر رئے نے جیہڑی اُوہناں نوں اُو اُمید دلاوے گی جیہڑی صرف یسوع مسیح ای وچ مل سکدی اے۔‘‘

تہاڈے بارے وچ کی خیال اے؟ ایس دیوانی دوڑ وچ تسکین پان لئی، تہاڈے بیلیاں تے بے شمار خاندان دے افراد دے کول گرجا گھر تے مسیح لئی کوئی ویلہ نئیں ہوندا اے۔ خُدا ساڈی مدد کرے! تہاڈے بارے وچ کی خیال اے؟ یسوع مسیح نے ’’بہتیریاں لئی اپنا لہو وگایا، گناہواں دی معافی [تلافی] لئی۔‘‘ کی تُسی یسوع دے لہو دے وسیلے نال اپنے گناہواں توں معافی پان وچ دلچسپی رکھدے نے؟ کی تُسی اِک حقیقی مسیحی بنن لئی دلچسپی رکھدے نے، تیجی دُنیا وچ اُوہناں ہزاراں لکھاں نوجوان لوکاں وانگوں؟ یا کی تُسی اینج ای حیاتی بسر کردے رہنا جاری رکھو گے اِک ہبوڑے وانگوں جِتے ہوئے، پیسے نال پیار کرن آلے وانگوں، لطف دی تلاش وچ امریکی یا یوروپین نوجوان بندہ؟ مسیح نے کہیا،

’’آدمی جے ساری دنیا حاصل کر لوے مگر اپنی جان کھو بیٹھے تے اُوہنوں کی فائدہ ہووے گا؟ یا آدمی اپنی جان دے بدلے وچ کی دوے گا؟‘‘ (مرقس 8:36،37).

اج شام 15:6 وجے میں ’’اُو لوکی جنہاں نوں خُداوند حیاتِ نو لئی استعمال کردا اے‘‘ دے موضوع تے گل کرن جا رہیا واں۔ ڈاکٹر مارٹن لائیڈ جونز نے کہیا، ’’اِک حیاتِ نو ہمیشہ ای لوکاں نوں عاجز کردا اے، اُوہناں نوں ذلیل و رسوا کردا اے، اُوہناں نوں فرش تے لا پٹخدا اے، اُوہناں نوں اینج محسوس کراندا اے کہ اُو کُج وی نئیں کر سکدے، اُوہناں نوں احترام دے احساس تے خُدائی خوف دے نال لبریز کردا اے۔ ہائے ایہہ ساڈے وچکار کیس قدر ناپید اے‘‘ (مارٹن لائیڈ جونز ایم۔ ڈی۔ Martyn Lloyd-Jones, M.D.، حیاتِ نو Revival، کراسوے کُتب Crossway Books، 1987، صفحہ 125)۔ میں اُمید کرنا واں کہ تُسی اج شام نوں 6:15 وجے ایتھے ہوو گے۔ جے میں ایہدے تے چین، افریقہ یا امیزآن بیسن دے قبیلیاں وچوں اِک نوں اعلان کردا تے سچ مچ ہر بندہ شام نوں واپس آ جاندا۔ ہانگ کانگ وچ اُو بچے جیہڑے اشتراکیت پسنداں دے خلاف کھلوتے ہوئے نے، اج شام نوں واپس آ جاندے! تُسی جانندے اُو کہ اُو آندے! مگر امریکی تے یوروپین اج شام نوں واپس آن لئی ٹیلی ویژن ویکھن وچ یا کسی دوجی حقیر شے دے تعاقب وچ نہایت مصروف ہون گے – جیویں کہ ساڈا مُلک بٹ رہیا اے تے دنیاوی کافریت دے تاریک گڑھے وچ تے خدائے قادر مطلق دے فیصلے وچ ڈُبدا جا رہیا اے۔ صرف مسیح ای تہانوں ایہدے توں بچا سکدا اے! صرف مسیح دا لہو ای تہانوں خدا دی حضوری وچ گناہ توں پاک صاف کر سکدا اے! صرف مسیح ای تہانوں اِک نئی حیاتی بخش سکدا اے! مہربانی نال کھلو جاؤ تے حمدوثنا دا گیت نمبر 7 گاؤ۔

میں تیری خوش آمدیدی واج نوں سُننا واں، جیہڑی مینوں خُداوندا تیرے وَل بُلاندی اے
   کیوں جے تیرے قیمتی لہو وِچ پاک صاف ہون لئی جیہڑا کلوری تے وگیا سی۔
خُداوندا!ً میں آ رہیا آں، میں ہُنے تیرے کول آ رہیا واں!
   مینوں دُھو ڈال، مینوں لہو وِچ پاک صاف کر ڈال جیہڑا کلوری تے وگیا سی۔

حالانکہ میں کمزور تے لائق مذمت آں، تیری قوت مینوں یقین دلاندی اے؛
   تو ای میرے گھٹیا پن نوں مکمل طور تے پاک صاف کردا اے، جدوں تیکر کہ اُو بےداغ تے خالص نہ ہو جاوے۔
خُداوندا!ً میں آ رہیا آں، میں ہُنے تیرے کول آ رہیا واں!
   مینوں دُھو ڈال، مینوں لہو وِچ پاک صاف کر ڈال جیہڑا کلوری تے وگیا سی۔
   (’’اے خُداوند میں آ رہیا واں I Am Coming, Lord، شاعر لوئیس ہارٹسو Lewis Hartsough، 1828۔1919)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔