ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یوحنا بپتسمہ دین آلے دا اِک مقصد یسوع دے بارے وِچ گل کرنا سی۔ کاش اَسی یوحنا وانگو بن جائیے۔ کاش ساڈا اِک ای پیغام ہووے، ’’یسوع مسیح، یعنی مسیح مصلوب‘‘ (1کرنتھیوں2:2)۔ اَسی ایس ای مقصد دے لئی پیدا کیتے گئے آں: یسوع دے بارے وِچ گل کرن دے لئی، تے گناہ توں بھرپور مرد تے عورتاں نوں بچان دے لئی اُوہدی قوت دے بارے چہ دسنا۔

ایہہ یوحنا بپتسمہ دین آلے دا مقصد سی – لوکاں نوں دسنا کہ یسوع اُوہناں دے گناہ چُک لے جان لئی آیا سی، ’’عظیم مثال نوں ویکھو۔‘‘ اُوہنے کہیا، ’’عظیم اُستاد نوں ویکھو،‘‘ حالانکہ اُو یسوع دے بارے وِچ گلاں کہہ سکدا سی۔ مگر اُو اہم گلاں نئیں سن جیہڑیاں اُوہنے یسوع دے بارے وِچ کہیاں۔ پہلی گل جیس دے بارے وِچ یوحنا نے کہیا اُو سی، ’’ویکھو خدا دا برّہ جیہڑا جہاں دے گناہ اُٹھا لے جاندا اے۔‘‘ اُوہدا اہم موضوع گناہ توں انسان دے نجات دہندہ دے طور تے یسوع سی۔

اکتوبر 1887 وِچ، سپرجیئن Spurgeon نے ایس تلاوت تے دِل تے نقش ہو جان آلے اِک واعظ دی منادی کیتی سی۔ ایہہ اُوہناں دے لئی سپرجئین دا جواب سی جیہڑے اُوہناں نوں ’’نیوا وکھان دے لئی بحث‘‘ وِچ اُوہناں تے تنقید کیا کردے سی۔ ایہہ یوحنا دی حیاتی دے آخری جنگ رئی سی۔ دوجے مبلغین مسیح دے بارے وِچ ساڈے لئی مثال دے طور تے گل کر رئے سن۔ اُو مسیح تے سپرجیئن دی تبلیغ دے بارے وِچ تنقیدی سن – جیویں کہ گنہگاراں دا صلیب تے متبادل۔ اُوہناں نے کہیا کہ سپرجیئن دا پیغام پرانے زمانے دا سی، لہو دا اِک مذہب۔ اُو مذید ہُور ہُن ایہہ سُننا نئیں چاہندے سی کہ صلیب تے گناہ دے لئی ساڈا متبادل یسوع سی۔ اُو چھیتی ای ایہنوں ’’مذبح خانے دا مذہب‘‘ کہن لگے۔ میں تہانوں ہُنے دس رہیا آں کہ ایس واعظ نوں سپرجیئن دے واعظ توں اخذ کیتا گیا اے۔ ایہہ ’’نیوا وکھان دے لئی بحث‘‘ وِچ آزاد خیال عالمین الہٰیات دے لئی اُوہدا افتتاحی جواب سی۔

اَج میں کسی وی ایہو جئے مبلغ نوں نئیں جانندا جیہڑا یسوع دی خونی قربانی تے حملہ کردا ہووے۔ جان میک آرتھر John MacArthur لہو دے بے عزتی کردا اے، مگر اُو اُوس تے حملہ نئیں کردا۔ ایس دے باوجود مسیح دی صلیب تے سمجھ توں بالاتر تے خفیہ حملہ ہوندا اے۔ مسیح دی متبدلیاتی موت تے حملہ کرن دے بجائے، اُو آرام نال ایہدا اپنے واعظاں وِچ تزکرہ ای نئیں کردے۔ ایہہ کیویں ہویا سی؟ ایہہ ایس لئی ہویا سی کہ مبلغین نے گناہ نوں ایس قدر نکی گل بنا چھڈیا سی کہ اُوہناں نوں تے ایتھوں تیکر کہ ایہدا تزکرہ کرن دی وی لوڑ نئیں پیہندی سی۔ مثال دے طور تے، جوئیل آسٹن Joel Osteen دے لفظاں نوں سُنو۔ جدوں ٹیلی ویژن تے لیری کنگ Larry King نے اُوہدا انٹرویو لہیا تے کنگ نے مسٹر آسٹن کولوں پُچھیا اُو لفظ ’’گنہگار‘‘ دا استعمال کردا اے۔ مسٹر آسٹن نے کہیا، ’’میں ایہنوں استعمال نئیں کرنا واں۔ میں نے ایہدے بارے چہ کدی سوچیا وی نئیں… جدوں میں اُوہناں نوں گرجا گھر دے لئی لہیانا واں تے میں اُوہناں نوں دسنا چاہنا واں کہ اُو بدل سکدے نے‘‘ (مائیکل ہارٹن، پی ایچ۔ ڈی۔ Michael Horton, Ph.D.، مسیح دے بغیر مسیحیت Christless Christianity، بیکر بُکس Baker Books، 2008، صفحات 75، 76)۔

شاندار گل ایہہ اے کہ آسٹن کدی وی لفظ ’’گنہگار‘‘ دا استعمال نئیں کردا۔ حیرت دے گل تے ایہہ اے کہ اُوہنے کدی وی ’’ایس دے بارے وِچ سوچیا‘‘ ای نئیں! تعجب دی گل نئیں کہ اُو یسوع دے بارے وِچ ’’خدا دا برّہ جیہڑا جہاں دے گناہ اُٹھا لے جاندا اے‘‘ ایس حیثیت نال منادی نئیں کردا اے۔ اُوہدی ساری دی ساری منادی ہوندی اے، ’’تُسی تبدیل ہو سکدے اُو۔‘‘ فرض کرو تُسی ’’بدل‘‘ سکدے اُو۔ ایہہ کیویں خدا دے اندراج وِچوں تہاڈے گناہواں نوں مٹائے گا؟ کیویں ’’بدل جانا‘‘ اُوہناں گناہواں نوں جیہڑے پہلاں ای توں خدا دے کول درج نے مٹائے گا؟

ایہہ اندازہ لگایا جا سکدا اے کہ ہر کوئی جیس نے فیصلہ کر لہیا اے اُو پہلے ای توں مسیحی اے۔ اِک مبلغ لوکاں نوں دسدا اے، جیویں آسٹن کردا اے، ’’میرے نال ایہہ دعا مانگو،‘‘ یا اُوہناں نوں اُوہناں دے ہتھ چُکن دے لئی کہندا اے جے اُو مسیحی بننا چاہندے نے۔ فیر ایہہ فرض کر لیا جاندا اے کہ اُو نوے سرے توں جنم لئے ہوئے مسیحی بن چکے نے! ایتھے ’’خدا دا برّہ جیہڑا جہاں دے گناہ اُٹھا لے جاندا اے‘‘ اُوہدے بارے وِچ منادی کرن دے لوڑ نئیں ہوندی اے۔ ہُن تہانوں صرف ایہنا ای کرنا ہوندا اے کہ ’’اُوہناں نوں دسو کہ اُو بدل سکدے نے‘‘ (ibid)، تے اُوہناں نوں ایہہ سیکھانا ہوندا اے کہ ایہنوں کیویں کرنا ہوندا اے!

لہٰذا ساڈے کول ایہو جئے گرجا گھر ہوندے نے جیتھے پادری صاحب گواچے ہوئے گنہگاراں نوں مسلسل سکھا رہیا ہوندا اے کہ کیویں بہتر حیاتی بسر کرنی ہوندی اے! کسی وی خوشخبری دے واعظ دی لوڑ نئیں ہوندی۔ ہر کوئی پہلاں توں ای ’’مسیحی‘‘ ہوندا اے۔ تہانوں صرف ایہنا ای کرنا ہوندا اے کہ اُوہناں نوں مسیحی حیاتی بسر کرن دے لئی تعلیم دینی ہوندی اے۔ ایہہ گل اُوہناں دی منادی نوں کھوئے ہوئے گنہگاراں دے لئی قابلِ قبول بنا دیندی اے۔ تہانوں صرف ایہنا ای کرنا ہوندا اے کہ اپنے ہتھ بُلند کرو یا دعا منگو۔ تہانوں گناہ دے بارے وِچ منادی کرن دے لوڑ نئیں ہوندی اے۔ تے ’’خدا دا برّہ جیہڑا جہاں تے گناہ اُٹھا لے جاندا اے‘‘ اُوہدے بارے وِچ منادی کرن دی کوئی لوڑ نئیں ہوندی اے۔ کوئی لوڑ نئیں ہوندی کہ لوکاں نوں دسو کہ اُو ’’گنہگار‘‘ نے۔ ایتھوں تیکر کہ گناہ دے بارے وِچ سوچن دی وی لوڑ نئیں ہوندی اے، جیویں کہ اُوس ٹیلی ویژن دے انٹرویو وِچ جوئیل آسٹن نے لیری کنگ نوں دسیا۔ ڈاکٹر مارٹن لائیڈ جونز Dr. Martyn Lloyd-Jones نے کہیا کہ اینج اِک مبلغ خوشخبری نوں پیش کردا اے کہ اُوہدے تے دورِ حاضرہ دے انسان لئی یقین کرنا سوکھا ہوندا جا رہیا اے تے ایہہ خوشخبری دی انکاری اے۔ ’جارحیتِ صلیب‘ (گلِتیوں11:5) ختم ہو جاندا اے… ایہہ سارے دا سارا غلط اے‘‘ (مارٹن لائیڈ جونز، ایم۔ ڈی۔ Martyn Lloyd-Jones, M.D.، زمانیاں نوں جاننا Knowing the Times، دی بینر اور ٹُرتھ ٹرسٹ The Banner of Truth Trust، 1989، صفحات 212، 214)۔

انجیلی بشارت دے پرچار کرن آلے پیغام نوں گنہگاراں دے لئی قابلِ قبول بنان دے لئی اپنی منادی وِچوں گلاں نوں حذف کرن دا رُجحان اختیار کیتے ہوئے نے۔ اُو اینج وریاں توں کر رئے نے۔ ڈاکٹر لائیڈ جونز نے کہیا، ’’ایہہ سارے دا سارا غلط اے۔‘‘ مثال دے طور تے ایہنوں ای لے لو، اُو نئی انجیلی بشارت دے پرچار تے فلم، ’’پِچھے چھڈ دِتا Left Behind‘‘ جیہڑی کہ ’’ریپچرrapture‘‘ دے بارے وِچ ٹم لاھیےTim LaHaye دے ناول تے مشتمل اے۔ میں اپنے بیلی ڈیوڈ نوں ایہنوں ویکھن لئی کہیا تے فیر مینوں دسن لئی کہیا۔ ڈیوڈ نے دسیا کہ فلم وِچ یسوع دا کوئی تزکرہ نئیں اے! ڈیوڈ نے تفضیل پیش کیتی کہ ’’پِچھے چھڈ دِتا Left Behind‘‘ اُوہی فلم سی جنہوں فرانسس شیفر Francis Schaeffer نے ’’بوہتی وڈی انجیلی بشارت دے پرچار دی تباہی‘‘ کہیا سی۔ اَج کل دی ساڈی زیادہ تر منادی وانگوں، ایہنے خوشخبری نوں جِھگ وانگوں بیٹھا دِتا اے، گناہ دے تصور نوں مٹا دِتا اے، ساڈے گناہواں دا کفارہ ادا کرن دے لئی یسوع دی موت نوں حذف کر دِتا اے، تے میرا نئیں خیال ایس دے سبب توں کوئی نجات پا لئے گا! ’’ایہہ سارے دا سارا ای غلط اے۔‘‘ ایہہ برگشتہ یا گواچے ہوئے لوکاں نوں ’’سیکھان‘‘ دی اِک زنانہ کوشش اے۔

مگر یوحنا بپتسمہ دین آلے نے گواچے ہوئے لوکاں نوں مسیحی ہون دے لئی ’’سیکھان‘‘ دی کوشش نئیں کیتی سی۔ اُوہنے جرأت دے نال اپنے غیرنجات یافتہ سامعین نوں خوشخبری دا اِعلان سُنایا سی۔

’’ویکھو، ایہہ خدا دا برّہ جیہڑا جہاں دے گناہ اُٹھا لے جاندا اے‘‘ (یوحنا1:29)۔

اے خدوندا، میں دعا منگنا واں کہ مینوں وی یوحنا ای دی وانگوں ساری حیاتی دے لئی منادی کرن وِچ مدد کر! تے کدی وی کوئی بندہ ایس منبر تے اینج دا نہ آوے جیہڑا خوشخبری نوں ’’دورِ حاضرہ دے لوکاں دے یقین دے لئی سوکھا‘‘ کردا ہووے! خدا کرے اُو جیہڑا ایس منبر توں گل کرے گناہ دے لئی واحد قربانی دے طور تے مسیح یسوع دی مستقل منادی کرے! خدا کرے کہ اُو ہمیشہ ای یوحنا بپتسمہ دین آلے دی وانگر ہووے۔ خدا کرے کہ اُوہناں دیاں سوچاں ہمیشہ ای یسوع دے لہو تے صلیب تے اُوہدی کفاراتی موت تے مرکوز ہون!

ایس نکے جہئے ویلے دے دوران جیہڑا شاید زمین تے میرے لئی رہ گیا اے، میں خدا دے برّے نجات دہندہ یسوع مسیح تے توجہ مرکوز رکھنا چاہنا واں۔ میں منادی کراں گا کہ کوئی ہُور کفارہ نئیں اے ماسوائے متبادل دے وسیلے دے – تے کوئی ہُور متبادل نئیں بلکہ یسوع مسیح۔ ’’یقیناً اُوہنے ساڈیاں بیماریاں برداشت کیتیاں تے ساڈے غم چُک لہئے‘‘ (اشعیا4:53)۔ یقیناً اُو آپئے ای ’’اپنے پینڈے تے ساڈے گناہواں دا بوجھ چُکے ہوئے سولی تے چڑھ گیا‘‘ (1پطرس24:2)۔ یقیناً اَسی اپنے گناہواں نال ’’مسیح دے قیمتی لہو دے نال، جیہڑا بے داغ تے بے عیب برّے دی حیثیت نال‘‘ پاک صاف کیتے جاندے نے (1پطرس19:1)۔ میں اپنی حیاتی دے خاتمے تیکر خود نوں اینہاں سچائیاں دی منادی کرن دے لئی وقف کر چکیا آں!

’’ویکھو، ایہہ خدا دا برّہ جیہڑا جہاں دے گناہ اُٹھا لے جاندا اے‘‘ (یوحنا1:29)۔

مہربانی نال ایس عظیم تلاوت توں بے شمار گلاں تے غور کرو۔

I۔ پہلی گل، یوحنا نے یسوع نوں گناہ دے لئی اپنی قربانی دی حیثیت نال ذاتی طور تے ویکھیا سی۔

یوحنا نے کہیا، ’’ویکھو خدا دا برّہ…‘‘ یونانی لفظ نے ’’ویکھوBehold‘‘ دا جیہڑا ترجمہ کیتا اُوہدا مطلب ہوندا اے ’’ویکھنا‘‘ یا ’ویکھو۔‘ تلاوت دا ترجمہ ایویں وی کیتا جا سکدا اے – ’’ویکھو! خدا دا برّہ‘‘ یا ’’ویکھنا! خدا دا برّہ…‘‘ ایہہ حیرت دا اِک تاثر اے! غور کرو ایس باب وِچ دو وری یوحنا نے کی کہیا، ’’میں آپئے وی اُوہنوں نئیں جانندا سی‘‘ (آیت31)۔ ’’میں آپئے وی اُوہنوں نئیں جانندا سی‘‘ (آیت33)۔ کُج تبصرہ نگار کہندے نے یوحنا تے یسوع پہلے کدی وی نئیں ملے سن۔ مگر مینوں ایس تے یقین کرن وِچ دشواری اے۔ میں ایتھے اِک مختلف مطلب ویکھنا واں۔ اِک بچے دی حیثیت نال، یوحنا بپتسمہ دین آلے نے اپنی ماں دے رَحم وچ چھلانگ ماری سی جدوں اُو یسوع دے قریب آئی سی جیہڑا مریم دے رَحم وچ سی۔ یوحنا یسوع نوں جانندا سی، مگر اُو اُوہنوں گناہ نوں چُک لین آلے دی حیثیت نال نئیں جانندا سی۔ یوحنا یسوع نوں اِک بندے دی حیثیت نال جانندا سی، اِک انسان دے طور تے۔ مگر اُو یسوع نوں اِک اُوس ہستی دی حیثیت نال نئیں جانندا سی جیہڑا ’’جہاں دا گناہ چُک لے‘‘ جاوے گا۔ جدوں یوحنا نے یسوع نوں دریائے یردن دے پانی دے تھلے ڈبکی دلائی سی اُودوں اُوہنے خُدا نوں کہندے ہوئے سُنیا سی، ’’ایہہ میرا پیارا پُتر اے۔‘‘ ایہی سی جدوں یوحنا جان گیا تے پریقین ہو گیا سی! اُوہدے بعد اُوہنے کدی وی نئیں کہیا، ’’میرا خیال اے ایہہ خُدا دا برّہ اے‘‘ یا ’’شاید ایہہ ای خُدا دا پُتر ہووے۔‘‘ جی نئیں! دریائے یردن تے اُوس آمنے سامنے دی ملاقات دے بعد یوحنا پُریقین سی۔ اُوہنے کہیا،

’’ویکھو ایہہ خُدا دا برّہ اے، جیہرا جہاں دے گناہ چُک لے جاندا اے‘‘ (یوحنا1:29)۔

یوحنا وانگوں ای، میں دعا منگنا واں کہ تہاڈے وچوں ہر اِک یسوع بخود نوں جان جاوے – تے کہ تُسی اُوہنوں اُوس واحد دی حیثیت نال جانو جیہڑا تہاڈے گناہواں نوں چُک لے جاندا اے! یسوع دے بارے وچ سنڈے سکول دی کتاباں پڑھن توں کوئی فائدہ نئیں ہوندا اے۔ ایتھوں تیکر کہ اُو زبردست فلم ’’مسیح دی چاہت The Passion of Christ‘‘ ویکھنا وی تہاڈے لئی مددگار ثابت نئیں ہووے گا۔‘‘ نئیں! نئیں! تہانوں ایمان دے وسیلے نال یسوع بخود تے نظر پانی چائیدی اے۔ میں مسیح دے کفارے دے عقیدے دی منادی اُوہناں بے شمار نظریات وچوں اِک دے طور تے نئیں کردا۔ جی نئیں – میں ایہدی منادی خود اپنے تجربے نال کرنا واں! جدوں میں اِک وی برس دی عمر دے مُنڈے دی حیثیت نال یسوع تے نظر پانا واں، جیہنے میرے گناہ چُک لئے! میرے گناہ اُوسی لمحے یسوع دے لہو دے وسیلے نال پاک صاف ہو گئے سی جدوں میں ایمان دے وسیلے نال اُوہنوں توجہ نال ویکھیا سی! جدوں میں یسوع تے نظر پائی، میں بچا لہیا گیا سی، اوتھے ای تے اُوسی ویلے! ’’ویکھو ایہہ خُدا دا برّہ اے جیہڑا جہاں دے گناہ چُک لے جاندا اے۔‘‘

II۔ دوجی گل، یوحنا نے یسوع نوں گناہ لئی واحد قربانی دے طور تے ویکھیا سی۔

’’ویکھو ایہہ خُدا دا برّہ اے…‘‘ اُو نِکا جیہا یونانی دا لفظ ’’ہو ho‘‘ اے۔ اِیہدا مطلب ’’دی The یعنی ’یہ‘ ‘‘ ہوندا اے۔ تلاوت ایہہ نئیں کہندی اے ’’ویکھو خُدا دے برّیاں وچوں اِک جیہڑا جہاں دے گناہ چُک لے جاندا اے۔‘‘ نئیں! نئیں! ایہی اے جیہڑا ایس دُنیا دے انھے فلسفی کہن گے! مگر اُو غلطی تے نے۔ گوتم بُدھ ایہہ نئیں کر سکدا! مورمنز Mormons ایہہ نئیں کر سکدے! یہوداہ دی گواہی دین آلے The Jehovah’ Witnesses ایہہ نئیں کر سکدے! کاہن ایہہ نئیں کر سکدے! نئیں! نئیں! اُوہناں وچوں کوئی وی تہاڈے گناہ نئیں لے جا سکدا! صرف یسوع ای ایہہ کر سکدا اے! ’’ویکھو ایہہ خُدا دا برّہ‘‘– اُو کلّا تے واحد برّہ جیدے وسیلے نال ساڈے گناہ چُک لئے جاندے نے! ہوریشئیز بونار Horatius Bonar نے کہیا،

میں اپنے گناہ یسوع تے لدّ دینا واں،
   خُدا دے بے داغ برّہ؛
اُو اُوہناں ساریاں نوں چُکدا اے تے سانوں آزاد کر دیندا اے
   اُوس معلون بوجھ نوں۔
میں اپنے قصور یسوع دے کول لہیانا واں،
   اپنے سُرخی مائل دھبیاں نوں دھون لئی
اُوہدے انتہائی قیمتی لہو وچ سفید ہوئے،
   جدوں تیکر کہ کوئی وی دھبہ نئیں رہ جاندا۔
(’’بوجھ چُکن آلا The Burden-Bearer‘‘ شاعر ہوریشئیز بونار Horatius Bonar، 1808۔1889؛ ’’کلیسیا دا اِک چشمہ The Church’s One Fountain‘‘ دی طرز تے)۔

III۔ تیجی گل، یوحنا نے یسوع نوں خُدا دی قربانی دی حیثیت نال ویکھیا سی۔

اُوہنے کہیا، ’’ویکھو ایہہ خُدا دا برّہ…‘‘ خُدا دا صرف اِک ای پُتر سی، اُوہدا اِکلوتا پُتر۔ تے بائبل کہندی اے، ’’خُدا نے ایس جہاں نال ایس قدر محبت کیتی کہ اپنے اِکلوتے پُتر نوں بخش دِتا‘‘ (یوحنا3:16)۔ خُدا نے اپنے واحد پُتر نوں سُولی تے قربانی دی حیثیت نال بخش دِتا۔ جے تُسی ایہدے بارے وچ سوچو، تے کون ماسوائے خُدا دے دُنیا دے گناہ لئی قربانی مہیا کر سکدا اے؟ خُدا نوں خود قربانی مہیا کرنی پئی۔ تے اُوس قربانی نوں خُدا دا اِکلوتا پُتر ای ہونا چائیدا اے۔ ساری کائنات وچ کوئی ہور نئیں اے ماسوائے یسوع دے جیہڑا خُود خُدا دا پُتر اے جیہڑا ساڈے گناہ لئی کفارا ادا کر پائے۔ خُدا دا پُتر گنہگاراں لئی متبادل بن گیا، سُولی تے اُوہناں دے گناہ دا قرض ادا کرن لئی!

IV۔ چوتھی گل، یوحنا نے یسوع نوں اُوس شخصیت دی حیثیت نال ویکھیا سی جیہڑا ساڈے گناہ چُک لے جاندا اے۔

اُوہنے کہیا، ویکھو ایہہ خُدا دا برّہ، جیہڑا جہاں دے گناہ چُک لے جاندا اے۔‘‘ بائبل کہندی اے، ’’خُدا نے ساڈی ساریاں دی بدکاری اُوہدے تے لدّ دِتی‘‘ (اشعیا53:6)۔ ساڈے گناہ مسیح تے لدّ دِتے گئے سی، ’’جیہڑا خُود اپنے ای بدن تے ساڈے گناہواں دا بوجھ لئے ہوئے درخت تے چڑھ گیا – سُولی تے چڑھ گیا (1پطرس2:24)۔ تے جدوں ساڈے گناہ یسوع تے لدّے گئے، تے اُوہدا پسینہ… لہو دیاں بونداں وانگوں زمین تے ٹپکن لگیا‘‘ (لوقا22:44)۔ ڈاکٹر جان آر۔ رائیس Dr. John R. Rice نے اِیہنوں بخوبی کہیا،

میرے سارے گناہ یسوع تے لدّ دِتے گئے؛
   سُولی تے اُوہنے میرے قرض چُکائے۔
فیر اُو پکار اُٹھیا، ’’ایہہ ختم ہویا!‘‘
   ایتھے ای قبر وچ اُو پایا گیا سی۔
(اپنے وعدے وچ قائم Resting in His Promise‘‘ شاعر ڈاکٹر جان آر۔ رائیس Dr. John R. Rice، 1895۔1980)۔

اِک پُرانا بچیاں دا حمدوثنا دا گیت ایہنوں ایویں لکھدا اے،

اُو جانندا سی اسی کیس قدر بدکار رئے سی،
   تے جانندا سی کہ خُدا نوں گناہ دی سزا دینی چائیدی اے؛
ایس لئی رحم کھا کے یسوع نے کہیا،
   ایہدے بجائے سزا اُو برداشت کرے گا۔

بہترین حصہ ایہہ اے کہ یسوع نے ناصرف ساڈے گناہ برداشت کیتے بلکہ اُو اُوہناں نوں چُک لے گیا! اُو اے ’’خُدا دا برّہ جیہڑا جہاں دے گناہ چُک لے جاندا اے۔‘‘ جے تُسی یسوع تے پرہوسا کردے اُو، تے تہانوں پُچھن دی لوڑ نئیں پیندی اے، ’’میرا گناہ کیتھے اے؟‘‘ یسوع اُو چُک لے گیا! تہاڈے گناہ مٹائے جا سکدے نے کیوں جے یسوع اے ’’خُدا دا برّہ جیہڑا جہاں دے گناہ چُک لے جاندا اے۔‘‘ ایہدے باوجود ایتھے اِک ہور نقطہ اے۔

V۔ پنجویں گل، یوحنا نے یسوع نوں گناہ نوں تسلسل دے نال مٹان آلے دی حیثیت نال ویکھیا سی۔

خُداوند دی ستائش ہووے! اُوہنے کہیا، ’’ویکھو ایہہ خُدا دا برّہ جیہڑا جہاں دے گناہ چُک لے جاندا اے۔‘‘ یوحنا نے فعل ماضی وچ گل نئیں کیتی سی، نا ای فعل مستقبل وچ گل کیتی سی۔ اُو فعل حال وچ گل کردا اے – ’’اُو جہاں دے گناہ چُک لے جاندا اے۔‘‘ سپرجیئن نے کہیا،

میرے کول اج اِک نجات دہندہ اے جیہڑا ایہناں ای تروتازہ تے قوت نال بھرپور اے جیویں کہ میرے گناہ لئی اُوہنوں اج ای سویر مصلوب کیتا گیا سی۔ اُو ہُن [بالکل ہُنے] مینوں بچان لئی ایہناں ای اہل اے جیہنا کہ اُو اُوس ویلے سُولی تے سی۔ [اُوہدا لہو] ہمیشہ توں میرے گناہواں نوں مٹان لئی وگ رہیا اے، دائمی طور تے مؤثر، غیر منقطع طور تے گناہ نوں پاک صاف کرن آلا… ایہہ اُو سچائی اے جیہنوں باقی سارے توں بالاتر ہو کے ویکھنا چائیدا اے – ’’ویکھو ایہہ خُدا دا برّہ جیہڑا جہاں دے گناہ چُک لے جاندا اے۔‘‘ (سی۔ ایچ۔ سپرجیئن C. H. Spurgeon، ’’ویکھو ایہہ خُدا دا برّہ Behold the Lamb of God،‘‘ دی میٹروپولیٹن عبادت گاہ دی واعظ گاہ The Metropolitan Tabernacle Pulpit، جلد 33، پلگرم اشاعت خانے Pilgrim Publications، 1974، صفحہ 573)۔

مگر خُدا دے برّے تے تہانوں خُود پرہوسا کرنا چائیدا اے۔ تہانوں خود یسوع نوں جاننا چائیدا اے۔ تہانوں خُود تہاڈے تے یقین کرنا چائیدا اے۔ اُو یقیناً جیس لمحے تُسی خود اُوہدے تے پرہوسا کرو گے تہاڈے گناہ چُک لے جاوے گا۔ اُو ہمیشہ لئی تہانوں گناہ دے جرم توں آزاد کر دوے گا! یسوع گناہ چُک لے جاندا اے تاں جے ایہہ تہانوں کدی وی فیر اذیت نہ دوے۔ مگر مسیح تہاڈے گناہ نئیں چُک کے لے جاوے گا جدوں تیکر کہ تُسی اُوہدے تے پرہوسا نئیں کردے۔ ہُنے خُدا دے برّے تے اپنی روح اُنڈیل دیو، اج ای دی سویر! اُو تہانوں بچا لوے گا! اُو تہانوں بچا لوے گا! اُو تہانوں ہُنے ای بچا لوے گا! مہربانی نال کھلوو تے اپنے گیتاں دے ورق وچوں حمدوثنا دا گیت نمبر 7 گاؤو، ’’میں آ رہیا واں، خُداوندا I Am Coming Lord۔‘‘

میں تیری خوش آمدیدی واج نوں سُننا واں، جیہڑی مینوں خُداوندا تیرے وَل بُلاندی اے
   کیوں جے تیرے قیمتی لہو وِچ پاک صاف ہون لئی جیہڑا کلوری تے وگیا سی۔
خُداوندا!ً میں آ رہیا آں، میں ہُنے تیرے کول آ رہیا واں!
   مینوں دُھو ڈال، مینوں لہو وِچ پاک صاف کر ڈال جیہڑا کلوری تے وگیا سی۔
(’’اے خُداوند میں آ رہیا واں I Am Coming, Lord، شاعر لوئیس ہارٹسو Lewis Hartsough ، 1828۔1919)۔

آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔