مکاشفہ دی کتاب دا اِک جائزہ

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جیس لفظ دا ترجمہ ’’وحی‘‘ کیتا گیا اے اُو ’’آپوکالوپسِسapokalupsis‘‘ اے۔ سانوں ایس یونانی لفظ توں لفظ ’’قیامتapocalypse‘‘ ملدا اے۔ ایہدا مطلب اے ’’پردہ کشائی‘‘۔ ایس کتاب وچ مستقبل لئی خُدا دے منصوبے دی نقاب کشائی کیتی گئی اے – ایہہ آشکارہ کیتا گیا اے۔

ایہہ ’’یسوع مسیح دا مکاشفہ‘‘ اے (مکاشفہ1: 1) ’’اُوہدے خادم یوحنا‘‘ نوں دِتا گیا اے۔ جیہڑا یوحنا رسول اے۔ ایس کتاب نوں پڑھن نال اِک برکت جڑی ہوئی اے: ’’مبارک اے اُو جیہڑا پڑھدا اے‘‘ (مکاشفہ1: 3)۔ یوحنا اِک وڈھیرا بندہ سی، جیہڑا جزیرے پاٹموس تے جلاوطنی وچ سی (مکاشفہ1: 9) تقریباً 95 یا 96 بعد از مسیح [دا زمانہ سی]، جدوں اُوہنے ایہہ کتاب لکھی۔

اِک اتوار نوں (خداوند دا دِن سی کہ میرے تے اِک روحانی کیفیت طاری ہو گئی، مکاشفہ1: 10)، یوحنا نے یسوع دی اواج سُنی کہ ’’میں الفا تے اومیگا آں، پہلا تے آخیرلا‘‘ (1: 11)۔ اُوہنوں کہیا گیا کہ اُو اِک کتاب وچ لکھے تے سَت کلیسیاؤاں نوں پیغام بھیجے جیہڑی ایشیا دے صوبے وچ سن۔ اُوہنے یسوع ’’ابنِ آدم‘‘ دی رویا ویکھی، (آیت 13) جیہنے کہیا، ’’ڈر مت۔ میں پہلا تے آخیرلا آں۔ میں اوہی آں جیہڑا زندہ اے تے مر گیا اے۔ تے ویکھو میں ابد تیکر زندہ آں‘‘ (1: 17-18)۔ ایہہ صرف یسوع ہو سکدا اے!

یسوع نے یوحنا نوں کتاب دا خاکہ دِتا، ’’جیہڑا کُج تُوں ویکھا اے اُوہنوں لکھ لے یعنی اُو گلاں جیہڑیاں ہُن نے تے جیہڑیاں ایہناں دے بعد ہون نوں اے‘‘ (1: 19) – یوحنا نے کی ویکھیا، کیہڑیاں شیواں ایس ویلے موجود سن، تے کی اُوہدے بعد آوے گا۔

’’اُو شیواں جیہڑیاں ایں‘‘ – سَت کلیسیاؤاں: باب2 تے باب3

’’باب 2‘‘ دے تحت سکوفیلڈ نوٹ کہندا اے کہ ایہہ ’’شیواں ایں،‘‘ اُو کلیسیاؤاں جیہڑی ایس ویلے موجود سن۔ یسوع نے سَت کلیسیاؤاں وچوں ہر اِک دے ’’فرشتے‘‘ نوں پیغام دِتے۔ یعنی پادری نوں۔ لفظ ’’فرشتہ‘‘ دا مطلب اے ’’پیغمبر‘‘۔ سَت کلیسیاؤاں اِفِسُس، سمرنا، پرگمُن، تھوُاتِیرہ، ساردیس، فلاڈیلفیا تے لودیکیہ دے شہراں وچ سن۔ اُوہناں ابواب نوں ویکھن دے تِن طریقے نے۔

سب توں پہلاں، ایہناں سَت شہراں وچ سَت حقیقی تے لغوی کلیسیائیں سن۔ یسوع نے ایہناں کلیسیاؤاں دے پادریاں نوں لکھیا تے دسیا کہ اوتھے کی ہو رہیا اے۔ ایہنے اُوہناں نوں ڈانٹ ڈپٹ تے نصیحت دوویں دِتیاں۔

دوجا، جیہڑا کوئی ایہناں کلیسیاؤاں نوں کہیا گیا سی اُو کسی وی ویلے دے دوران کسی وی کلیسیا تے لاگو کیتا جا سکدا اے۔ ساری بائبل سارے مسیحیاں لئی فائدہ مند اے۔

تیجا، کُج کہندے نے کہ ایہہ کلیسیائیں، کلیسیائی تاریخ دے سَت ادوار دی نمائندگی کردیاں نے۔ اگرچہ ایتھے مفید بصیرت اے، لیکن موافقت یا خط و کتابت غیر مشروط نئیں اے۔

سارے پیغام انعامات دا وعدہ کردے نے ’’جیہڑا غالب آندا اے‘‘ – اُو مسیحی جیہڑا ثابت قدم رہندا اے، جیہرا ٹُردا رہندا اے، جیہڑا حیاتی دی کسوٹیاں [امتحانات] تے آزمائشاں تے فتح پاندا اے۔

1. اِفِسُس(2: 1) دی کلیسیا نے صبر دے نال محنت کیتی سی (2: 3) لیکن اُوہنے اپنی پہلی محبت (2: 4) چھڈ دِتی سی تے اُوہنوں توبہ کرن تے واپس آن دی تلقین کیتی گئی سی (2:5)۔ ایہہ پہلی صدی دی کلیسیاؤاں تے لاگو ہو سکدا اے، بلکہ کسی کلیسیا تے وی لاگو ہو سکدا اے۔

2. سمرنا(2: 8) دی کلیسیا نوں اذیت توں نہ ڈرن دی تلقین کیتی گئی سی (مصیبت دے دس دن، 2: 10 – رومی شہنشاہواں وچوں دس دے تحت ظلم و ستم)۔ اکثر پہلی تِن صدیاں دی ستائی ہوئی کلیسیا تے لاگو ہوندا اے، تے کسی وی کلیسیا تے لاگو ہو سکدا اے۔

3. پرگمُن(2: 12) دی کلیسیا نوں خبردار کیتا گیا سی کہ اُو بلعام (2: 14) دی پیروی نہ کرن – پیسے لئی تبلیغ۔ ایہہ قرون وسطی دی کیتھولک کلیسیا تے لاگو ہو سکدا اے لیکن کسی وی ویلے کسی وی کلیسا تے لاگو ہو سکدا اے۔

4. تھوُاتِیرہ(2: 18) دی کلیسیا نے بت پرستی، زنا تے غلطی دی اجازت دِتی، جیہدی علامت عورت ایزبل (2: 20) اے۔

5. سردِیس(3: 1) دی کلیسیا دا اِک ناں اے جیہڑا زندہ تے مُردہ اے، ایہدے وچ کُج حقیقی مسیحی نے (3: 4)۔ بعض نے ایہدا اطلاق اصلاحی دور وچ کیتا اے۔ لیکن ایہہ واقعی اُوہناں لوکاں لئی اِک حیات نو سی جنہاں نے ایہدا تجربہ کیتا سی۔

6. فلاڈیلفیا(3: 7) دی کلیسیا دی تعریف کیتی جاندی اے۔ کُج نے ایہدا اطلاق انیسویں صدی تے کیتا اے جیہڑا مشنریاں دا خاص مقصد دے تحت کَم کرن دا دور سی – بلکہ فیصلہ سازی، لبرل ازم تے ڈارون ازم دے عروج دا وی ویلہ سی۔

7. لوُدِیکیہ(3: 14) دی کلیسیا گرم اے تے مسیح دے منہ توں (3: 16) نکلدی اے۔ آیت 17 موجودہ ویلے وچ امریکہ تے مغرب وچ انجیلی بشارت دے گرجا گھراں یا کلیسیاؤاں نوں بیان کردی اے۔

’’تُو کہندا اے کہ تُو دولت مند اے تے مالدار بن گیا اے تے تیہنوں کسی شے دی حاجت نئیں مگر تُو ایہہ نئیں جانندا کہ تُو بدبخت، بے چارہ، غریب، انھا تے ننگا اے‘‘ (مکاشفہ3: 17)۔

مکاشفہ 4: 1 ’’ایتھے اُتے آؤ‘‘ بوہتے وڈے مصائب توں قبل دے ریپچر [تمام ایمانداراں دا مسیح دے بدلاں وچ استقبال لئی آسمان وچ چُک لیے جان] نوں ظاہر نئیں کردا، بلکہ خود یوحنا دے آسمان تے چُکے جان ول اشارہ کردا اے!

اوتھے اُو 24 بزرگاں (4: 10) نوں ویکھدا اے، بارہ پرانے عہدنامے دے مانن آلیاں دی نمائندگی کردے نے تے بارہ رسولاں دی نمائندگی کردے نے۔ اُو خداوند یسوع نوں ایہدے تخت تے سجدہ کردے نے (آیت 11)۔

مکاشفہ 5: 1-4: اِک کتاب اے، لیکن ایہدی سَت مہراں کھولن دے لائق کوئی نئیں۔

مکاشفہ 5: 5: صرف یہوداہ دا شیر (یسوع) اُوہنوں کھولن تے سَت مہراں نوں کھولن دے لائق اے۔

مکاشفہ 5: 6: ایہہ اوہی برّہ اے جیویں کہ اُوہنوں ذبح کیتا گیا سی (فیر، یسوع، خُدا دا برّہ)۔

تاریخ وارانہ [زمانوی] ترتیب – مہراں، نرسنگے، پیالے

کُج ابواب تاریخ وارانہ نے کیوں جے اُو ویلے دی ترتیب وچ ہوندے نے، اِک دوجے توں پہلاں۔ بوہتے وڈے مصائب دے دور وچ ویلے دی ترتیب ایہہ اے: سَت مہراں، فیر سَت نرسنگے، فیر سَت پیالے۔

دوجے ابواب قوسین [جملہٗ معترضہ وچ تاثر] دے نے کیوں جے اُو اُوہناں لوکاں یا شیواں دے بارے وچ گل کردے نے جیہڑے بوہتے وڈے مصائب دے دوران ظاہر ہوندے نے، لیکن کسی خاص ترتیب یا ویلے دے نقطہ تے تفویض [مقرر کردہ] نئیں کیتے گئے نے۔

جے اسی تاریخی ابواب نوں ویلے دی ترتیب وچ لینے آں تے قوسین [جملہٗ معترضہ وچ تاثر] تے غور کرنے آں کہ اُو کی نے، تے ایہہ ویلے دی اِک ترتیب [ٹائم لائن] بناندا اے جیہنوں سمجھنا آسان اے۔

1. پہلی مہر – اِک سفید گھوڑے تے اِک بندہ کمان دے نال، فتح کر رہیا اے (مکاشفہ 6: 2)۔ ایہہ یسوع مسیح نئیں بلکہ دجال اے۔ لوکی کہن گے ’’کیہڑا حیوان وگرا اے؟ کیہڑا اے جیہڑا اُوہدے نال جنگ کر سکے؟‘‘ (مکاشفہ 13: 4)۔

2. دوجی مہر - سرخ گھوڑے تے سوار اِک بندہ، جنگ دی علامت۔ اُوہدے کول ’’زمین توں صُلح چُک لین دا اختیار اے… کہ اُو اِک دوجے نوں قتل کر دین‘‘ (مکاشفہ 6: 4)۔

3. تیجی مہر - کالے گھوڑے تے سوار اِک بندہ، قحط دی علامت اے (مکاشفہ 6: 5-6)۔ "اِک پیسہ دے بدلے گیہواں دا پیمانہ، تے اِک پیسہ دے بدلے جَو دے تِن پیمانہ" (آیت 6)۔ اِک ’’پینیpenny‘‘ اِک رومن سکہ سی جیہرا اِک دِن دے کَم دی اجرت سی، لہٰذا اِک بندہ بمشکل کھان لئی کافی خرید سکدا سی۔ ’’ویکھو تُسی تیل تے شراب نوں نقصان نہ پہنچاؤ‘‘ – تیل تے شراب عیش و آرام دیاں شیواں نے، مطلب ایہہ اے کہ امیر ایس [عیش و آرام] توں لنگھن دا راستہ لبھن گے۔

4. چوتھی مہر - پیلے گھوڑے تے سوار بندہ۔ ’’اُوہدا ناں موت سی، تے جہنم اُوہدے نال چلی‘‘ (مکاشفہ 6: 8)۔ زمین دے لوکاں دا ’’چوتھائی حصہ‘‘ (اِک چوتھائی) ماریا جاندا اے، جیہڑے اَج کل ڈیڑھ بلین افراد توں ودھ ہون گے۔

6. چھٹی مہر – اِک زلزلہ، ستارے تے جزیرے پریشان، کھوئے ہوئے یا گمراہ لوکی ڈردے نے تے اپنے آپ نوں لُکاندے نے (6: 12-17)۔

7. ستویں مہر - خاموشی، جیہڑی نرسنگے ول لے جاندی اے (مکاشفہ 8: 1)۔

ایہہ باب قوسین [جملہٗ معترضہ وچ تاثر] اے۔ ایہہ چھٹی مہر دے بعد ویلے دی ترتیب وچ نئیں آندا، بلکہ ایہدے بجائے سانوں بوہتے وڈے مصائب دے وریاں دے دوران ہون آلی کسی شے دے بارے وچ دسدا اے – ہُن تیکر دا سب توں وڈا حیات نو!

1. آیات 4 توں 8 – 144,000 یہودی مسیح وچ ایمان لہیا کے تبدیل ہوئے نے۔ اسی جاننے آں کہ ایہہ یہودی نے کیوں جے اُو اسرائیل دے نے (آیت 4) تے خاص طور تے اسرائیل دے ہر قبیلے توں 12,000 نے۔ جدوں اِک یہودی یسوع وچ تبدیل ہوندا اے تے ایہہ اِک عظیم معجزہ ہوندا اے۔ جدوں 144,000 نوں بچایا جاندا اے تے ایہہ ہَلے وی زیادہ اے۔ ایہہ تبدیل شدہ یہودی دُنیا نوں بشارت دین گے۔

2. آیت 9 – غیر قوماں دا اِک بوہتا وڈا ہجوم ’’جیہنوں کوئی وی شمار نئیں کر سکدا، ساریاں قوماں، قرابت داراں، لوکاں تے زباناں دا‘‘ زمین دے ہر حصے توں تبدیل ہویا۔ اُوہناں وچوں بہتیرے انجیلی بشارت آلے ہون گے جیہڑے بوہتے وڈے مصائب دے دور توں پہلاں مسیح وچ ایمان نہ لہیا کے غیر تبدیل شُدہ سن!

3. ایہہ یہودی تے غیر قوماں بوہتے وڈے مصائب دے دوران مسیح وچ ایمان لہیا کے تبدیل ہوئے نے۔ ’’ایہہ اُو نے جیہڑے بوہتی وڈی مصیبت توں نکلے، تے اپنے لباس نوں برّہ دے لہو نال دھو کے سفید کیتا‘‘ (مکاشفہ 7: 14)۔

ستویں مہر مکاشفہ 8: 1 وچ کھولی گئی اے، جیہڑا خاموشی دا باعث بنندی اے تے فیر سَت فرشتیاں نوں نرسنگے دِتے جاندے نے (8: 2)۔ ایس لئی ستویں مہر نرسنگے ول لے جاندی اے، تے نرسنگے مہراں دے بعد آندے نے۔

1. پہلا نرسنگا – اولے تے اگ لہو دے نال مل گئے، اِک تہائی درختاں تے ساری ہری گھاس نوں جلا ڈالدے نے (مکاشفہ 8: 7)۔

2. دوجا نرسنگا – اِک عظیم پہاڑ جیہڑا اگ دے نال جلدا ہویا سمندر وچ ڈالیا گیا اے۔ سمندر دا اِک تہائی حصہ لہو بن جاندا اے، اِک تہائی سمندری مخلوق مر جاندی اے (8: 8-9)۔ ایہہ اِک سیارچہ یا سمندر وچ ڈِگن آلا کوئی وڈا ایٹم بم ہو سکدا اے۔

3. تیجا نرسنگا – آسمان توں اِک ستارہ جیہنوں ورم ووڈ Wormwood کہندے نے ڈِگدا اے تے زمین دے پانیاں نوں زہریلا کر دیندا اے (8: 10-11)۔

4. چوتھا نرسنگا – سورج، چاند تے ستارے سیاہ ہو گئے (8: 12)۔

اِک فرشتہ آسمان دے وچکار توں ایہہ کہندے ہوئے اڈدا اے ’’افسوس، افسوس، ہائے‘‘ (8: 13) آخیرلے تِن نرسنگیاں دا حوالہ دیندے ہوئے۔

5. پنجواں نرسنگا – ’’ٹڈیاں‘‘ (شیطاناں) نوں اتھا گڑھے توں چھڈ دِتا جاندا اے (مکاشفہ9: 1-3) جیہڑے لوکاں نوں اپنے ڈنک نال اذیت دیندے نے۔ اسی جاننے آں کہ اُو بدروحاں نے کیوں جے اُوہناں دا بادشاہ ’’اتھا گڑھے دا فرشتہ‘‘ شیطان اے، جیہڑا تباہ کرن آلا ابدّون اے (آیت 11)۔

6. ھٹا نرسنگا – چار طاقتور شیاطین نوں آزاد کیتا گیا اے جیہڑے دریائے فرات وچ بندھے ہوئے سن (مکاشفہ 9: 14)۔ فرات عراق دا عظیم دریا اے۔ اُو انسانی نسل دے اِک تہائی نوں ماردے نے (9: 15، 18) تے 200,000,000 مرداں دی فوج استعمال کردے نے (آیت 16)۔ سارے لوکاں دا اِک تہائی مر جاندا اے۔ چونکہ اِک چوتھائی پہلاں ای ہلاک ہو چکے سن، ایہہ ڈیڑھ ارب لوکاں توں زیادہ اے! لیکن فیصلے تے مشکل ویلے گمراہ ہوئے لوکاں نوں نجات دلان تے مجبور نئیں کردے: ’’اُوہناں لوکاں نے جیہڑے ایہناں آفتاں دا شکار ہون توں بچ گئے سن اپنے اُوہناں کَماں توں توبہ نہ کیتی جیہڑے اُوہناں دے ہتھوں سرزد ہوئے سن تے اُو اُوہناں شیاطین دی تے سونے، چاندی، پِتّل، پتھر تے لکڑی دی بنی ہوئی مورتاں دی پرستش کردے رئے جیہڑی نہ تے ویکھ سکدیاں نے تے نہ ای ٹُر پھر سکدیاں نے۔ جیہڑے قتل اُوہناں نے کیتے تے جیہڑی جادوگری تے حرامکاری تے چوری اُوہناں نے کیتی سی اُوہدے توں توبہ نہ کیتی‘‘ (مکاشفہ 9: 20-21) - اگرچہ نسل انسانی دا ادھا حصہ مر چکیا اے!

7. ستواں تے آخیرلا نرسنگا مکاشفہ 11: 15 وچ وجدا اے۔

گرج چمک دی اواج (10: 3) لیکن سانوں ایہہ نئیں دسیا گیا کہ اُو کی نے (10: 4)۔ یوحنا نوں اِک نِکی جئی کتاب لین نوں کہیا گیا اے جیہڑی کھانے وچ شہد وانگوں مِٹھی اے لیکن اُوہدے پیٹ نوں کڑوا بناندی اے (10:8-11)، جیہڑی خدا دے کلام دی نمائندگی کردی اے۔

یوحنا نوں کہیا گیا اے کہ اُو یروشلم وچ ہیکل دی پیمائش کرے (11: 1-2) – لہذا ایس ویلے تیکر ہیکل نوں فیر تعمیر کر لہیا جانا چائیدا اے! مقدس شہر، یروشلم، 42 مہینیاں (ساڑھے تِن ورے) لئی غیر قوماں دے ہتھوں روندیا جائے گا – بوہتے وڈے مصائب دا دوجا نصف، دجال دے ہیکل وچ داخل ہون دے بعد، یہودیاں توں اِختیار چھِن لین، تے پرستش دا مطالبہ کردے نے، ایس گل دا دعویٰ کردے ہوئے کہ اُو خدا اے۔

دو گواہ 1,260 دِن (ساڑھے تِن ورے) تیکر تبلیغ کرن گے۔ اُو معجزے کرن گے تے جدوں تیکر اُوہناں دا ویلا ختم نہ ہو جائے قتل نئیں کیتا جا سکدا۔ معجزات ایلیاہ (آیت 5) تے موسیٰ (آیت 6) وانگوں نے۔ اُوہناں دوواں وچوں اِک یقینی طور تے ایلیاہ اے، جیہنوں مرے بغیر آسمان تے لے جایا گیا سی تے اختتام توں پہلاں فیر آئے گا (ملاکی 4: 5؛ متی 17: 11)۔ دوجا حنوک ہو سکدا اے، جیہنوں مرے بغیر وی جنت وچ لے جایا گیا سی۔ یا شاید موسیٰ سانوں ناں نئیں دسیا جاندا۔

جدوں اُو اپنی گواہی دا ویلہ ختم کر لین گے، تے درندہ (دجال) اُوہناں نوں مار ڈالے گا (مکاشفہ 11: 7) تے اُوہناں دی لاشاں یروشلم دی گلی وچ پڑی ہون گئیاں (11: 8)۔ گمراہ ہوئے لوکی ساڑھے تِن دِن تیکر اُوہناں دیاں لاشاں ویکھن گے (11: 9) تے خوش ہون گے (11: 10)۔ ’’اُو جیہڑے زمین تے رہندے نے‘‘ گمراہ ہوئے لوکاں نوں ظاہر کردے نے – یونانی زبان وچ لفظی معنی ’’تھلے رہن‘‘ دے نے، ایہہ ظاہر کردا اے کہ اُو آسمان ول نئیں بلکہ ایس زمین نوں ویکھ رئے نے۔

ساڑھے تِن دن دے بعد دوناں گوہاں نوں فیر زندہ کیتا جائے گا تے اُوہناں نوں آسمان تے لے جایا جائے گا (11: 11-12) ایہدے بعد اِک وڈا زلزلہ آئے گا (12: 13)۔

مکاشفہ 11: 15 وچ اِک فرشتہ ستواں تے آخیرلا نرسنگا وجاندا اے۔ آسمان تے اواجاں آندیاں نے، ’’ایس دُنیا دی بادشاہتاں ساڈے رب تے اُوہدے مسیح دی بادشاہتاں بن گئیاں نے۔ تے اُو ابد تیکر بادشاہی کرے گا‘‘ (11: 15)۔ مُردیاں دا فیصلہ کیتا جائے گا تے مسیح دے خادمین نوں انعام دِتے جان گے (انعامات لئی مسیحیاں دے بیما یعنی حتمی فیصلے دا حوالہ دیندے ہوئے)، آیت 18، خُدا دا ہیکل آسمان وچ کھولیا گیا اے (بمقابلہ 19) – دوجے لفظاں وچ، جنت وچ اِک ہیکل اے۔ جیتھے مسیح دا لہو پیش کیتا گیا سی، تے زمینی خیمہ تے ہیکل نوں ایہدے بعد بنایا گیا سی، جیہڑا موسیٰ نوں وکھایا گیا سی جدوں اُو کوہِ سینا تے سی۔

اسی یقین رکھنے آں کہ ایہہ اُودوں ہوندا اے جدوں ریپچر ہوندا اے۔ ساڈے نقطہ نظر نوں ’’قہر توں پہلاں دا ریپچر‘‘ کہیا جاندا اے۔ دوناں گواہاں نوں جنت وچ لے جایا جاندا اے۔ انعام مسیحیاں نوں دِتے جان گے (کھوئے ہوئے نئیں – غیر نجات یافتہ مُردیاں دا آخیرلا فیصلہ باب 20 تیکر نئیں اے)۔ اسی کیوں قہر توں پہلاں دے ریپچر تے یقین رکھنے آں؟

1. 1تسانونیکیوں 4: 16 وچ بے خود ’’خُدا دے نرسنگے‘‘ دے نال آندی اے۔

2. I کرنتھیوں 15: 52 وچ مسیحیا نوں زندہ کیتا جائے گا تے ’’اخیرلے نرسنگے تے‘‘ تبدیل کیتا جائے گا۔ ایہنوں لفظی طور تے لیندے ہوئے، بائبل وچ آخیرلا نرسنگا مکاشفہ 11: 15 دا ستواں نرسنگا اے۔

3. زمین تے خدا دے پیالے دے فیصلے بعد وچ مکاشفہ 16 وچ آندے نے۔ ایس ویلے زمین تے مسیحیاں دا کوئی ثبوت نئیں اے، تے کوئی توبہ نئیں کردا اے۔

4. 1تسالونیکیوں5: 9 کہندی اے ’’خُدا نے سانوں قہر لئی مقرر نئیں کیتا اے۔‘‘ بوہتے وڈے مصائب دے مانن آلے ایہنوں ایہہ کہن لئی استعمال کردے نے کہ مسیحی بوہتے وڈے مصائب توں مکمل طور تے بچ جان گے۔ لیکن مسیحی دو ہزار ورے توں انسان دے غضب تے شیطان دے قہر دا شکار نے، تے بوہتے وڈے مصائب وچ فیر اُوہناں شیواں دا شکار ہون گے: جنگ، قحط، تے دجال دے ظلم و ستم۔ 1تسالونیکیوں دا سِدھا مطلب اے کہ مسیحی خُدا دے قہر دا شکار نئیں ہون گے – یعنی مسیحی جہنم، اگ دی جھیل، یا مکاشفہ 16 دی عظیم سزاؤاں دا شکار نئیں ہون گے۔

ایتھے بائبل مہراں، نرسنگیاں تے پیالاں دے ویلے دی ترتیب توں پِچھے ہٹدی اے، تے اسی مختلف افراد تے واقعات نوں ویکھدے نے جیہڑے مصیبت دے دوران اِک اہم کردار ادا کردے نے۔

2. شیطان اژدھا (12: 3)، جیہنے بچہ مسیح نوں بچپن وچ مارن دی کوشش کیتی (12: 4)۔

3. مسیح خود، اِک یہودی دے طور تے پیدا ہویا (12: 5) جیہڑا قوماں تے لوہے دی چھڑی نال حکومت کرے گا۔ عورت، اسرائیل، 1,260 دِن (ساڑھے تِن ورے) تیکر شیطان دے ظلم و ستم توں نٹھے گی تے خدا وَلّوں بیابان وچ پناہ دِتی جائے گی (12: 6)۔ کُج کہندے نے کہ ایہہ تھاں پیٹرا Petra اے، لیکن بائبل ایہہ نئیں دسدی کہ ایہہ پناہ گاہ کیتھے اے۔

4. جنت وچ جنگ؛ شیطان تے اُوہدے شیاطین نے آخرکار رسائی توں انکار کر دِتا (12: 9-10)۔ اِوس ویلے تیکر شیطان جنت وچ داخل ہون دے قابل سی جیویں کہ اُوہنے ایوب تے الزام لگایا سی۔

5. شیطان اسرائیل نوں ستائے گا، جیہڑا لُکے گا تے بیابان وچ پناہ لوے گا (12: 13-16)۔ شیطان اژدھا یہودیاں دے بقیہ تے یسوع مسیح تے ایمان لہیان آلیاں توں ناراض اے۔

6. حیوان (دجال) (قوماں دے) سمندر توں اٹھے گا، مکاشفہ 13: 1۔

8. اُو بظاہر ماریا جائے گا لیکن فیر شفا یاب ہو جاوے گا یا شیطانی طور تے زندہ کیتا جاوے گا، تے دُنیا اژدھا تے حیوان دی پرستش کرے گی (13: 3-4)۔

9. دجال دے کول طاقت ہووے گی تے اُو خدا دی توہین کرے گا (13: 6)۔

10. اُو مقدسین (مسیح وچ ایمان لہیائے ہوئے تبدیل شدہ لوکاں) دے خلاف جنگ کرے گا تے انسانی نقطہ نظر توں اُوہناں تے غالب آئے گا (13: 7)، یعنی اُو اُوہناں نوں ستان تے مارن دے قابل ہو جاوے گا۔ اُو دُنیا دی ساری قوماں تے قدرت رکھے گا (13: 7)۔

11. سارے گمراہ ہوئے لوکی اُوہدی عبادت کرن گے (13: 8)۔

12. اِک دوجا حیوان، جھوٹا نبی، اُٹھے گا تے لوکاں نوں دجال دی پرستش کرن لئی معجزات کرے گا (13: 11-14) تے کھوئی ہوئی دُنیا نوں دھوکہ دیوے گا۔

13. اُو حیوان دی تصویر نوں زندہ کرے گا۔ دجال دا اِک مجسمہ جیہنوں اُو مندر وچ داخل ہون دے بعد اُوہدے وچ رکھ دیوے گا تے خُدا ہون دا دعویٰ کرے گا (13: 15) تے جیہڑے وی اُوس تصویر دی پرستش نئیں کرن گے اُو مارے جان گے۔ (13: 15)۔

14. ہر اِک نوں اپنے دائیں ہتھ یا متھے تے نشان حاصل کرنا ہووے گا (13: 16) ورنہ اُو خرید و فروخت نئیں کر سکدے (13: 17)۔ کمپیوٹر چپس، سمارٹ فونز، تے الیکٹرانک بینکنگ دے نال، ٹیکنالوجی اَج اُوہدے بوہتے قریب اے۔

15. حیواناں دی تعداد 666 اے۔ ایتھے انسان دی تعداد چھ اے، ست توں کم اے، جیہڑا کہ خُدا دی تکمیل تے کمال دی تعداد اے۔ لہٰذا سانوں تعداد دا تجزیہ کرن دی کوشش کرن دی لوڑ نئیں اے: اُوہدا مطلب صرف ’’آدمی، آدمی، آدمی‘‘ اے۔

باب 14 تے 15 – تجسس کیوں جے خدا دا غضب پین آلا اے۔

16. 144,000 یہودی ہُن جنت وچ نے (14: 1)، شہید ہو چکے نے۔ اُوہناں تے حیوان دا نشان نئیں اے، لیکن اُوہناں دے متھے تے پیو دا ناں اے۔

17. ’’بائبل‘‘ دے عذاب – عالمی نظام – دا اعلان کیتا گیا اے (14: 8؛ ابواب 17 تے 18 ویکھو)۔

18. اُوہناں لوکاں دا عذاب جیہڑے حیوان دی پرستش کردے نے – اُوہناں تے خُدا دا قہر نازل ہووے گا تے اُوہناں نوں اگ تے گندھک توں عذاب وچ مبتلا کیتا جائے گا (14: 9-11)۔

19. آسمانی ہیکل وچ (باب 15) ست فرشتیاں دے کول ست سونے دی چھوٹی شیشیاں (پیالے) نے جیہڑے خُدا دے قہر نال بھرے ہوئے نے (15: 7)، جنہاں نوں اُو باب 16 وچ انڈیل دین گے۔

تاریخ وارانہ [زمانوی]: باب 16 – پیالیاں دی سزاواں

1. پہلا پیالہ (شیشی) اُنڈیلیا جاندا اے تے ایہناں لوکاں نوں اِک زخم دِتا جاندا اے جیہڑے حیوان دی عبادت کردے نے، مکاشفہ 16: 2۔

2. دوجی سزا – سمندر لہو بن جاندا اے تے ساری سمندری حیاتی مر جاندی اے، (16: 3)۔

3. تیجی سزا – دریا تے پانی دے چشمے لہو بن جاندے نے (16: 4)۔ خُدا دے فیصلے درست نے تے گمراہ ہوئے لوکی ایس دے مستحق نے جیہڑا اُو حاصل کردے نے (16: 5-7)۔

4. چوتھی سزا – سورج انساناں نوں اَگ نال جلا دیندا اے (16: 8) لیکن لوکی توہین رسالت کردے نے تے توبہ نئیں کردے (16: 9)۔

5. پنجویں سزا – حیوان دی بادشاہی تے انیہرا چھا جاندا اے تے لوکی درد دے لئی اپنی زباناں کٹ لیہندے نے (16: 10) لیکن توہین رسالت کردے نے (16: 11)۔

6. سزا – دریائے فرات سوکھ گیا (16: 12)۔ تین ناپاک روحواں (شیطان) معجزات کرن تے گمراہ ہوئی دُںیا نوں میگڈو (آرماجیڈون) دی وادی وِچ جنگ دے لئی جمع کرن دے لئی نکلدیاں نے، مکاشفہ 16: 13-16۔

7. ستویں سزا – تمام تاریخ دا سب توں وڈا زلزلہ (16: 18)۔ شہر گرتے گردے نے تے جزیرے ڈُب جاندے نے (16: 19-20)۔ پتھر آسمان توں ڈگدے نے (16: 21) لیکن لوکی خدا دی توہین کردے رہندے نے۔

ایہہ ریپچر دے بعد اے۔ مسیحیاں دے ایتھے ہون دے بارے وِچ کُج نئیں کہیا جاندا اے، تے کسی دے توبہ کرن تے بچائے جان دے بارے وِچ کُج نئیں کہیا جاندا اے۔ ایہہ محض سزا اے اُوہناں لئی جیہڑے مسیح نوں مسترد کردے نے – اُو سزا جیس دے اُو مستحق نے۔

تاریخ وارانہ [زمانوی]: باب 17 اور 18 – ’’بابل‘‘ دا زوال

باب 17 – مذہبی بابل، ایس دُنیا دا مذہبی نظام۔ لفظ ’’بابل‘‘ دا مطلب اے ’’اُلجھن‘‘۔

1. بُہتیرے ’’پانیاں‘‘ (قوماں) تے ’’وڈی طوائف‘‘ دا فیصلہ کیتا جائے گا، مکاشفہ 17: 1۔

2. ایہہ اِک عورت اے جیہڑا اِک حیوان تے بیٹھی اے (17: 3) جواہرات تے زنا دی گندگی نال بھری ہوئی اے (17: 4-5)۔ ایہدا ناں اے ’’پُراسرار، عظیم بابل [دی]، طوائفاں دی ماں تے زمین دی مکروہات‘‘ (17: 5)۔

3. ایہہ اَخیرلی ویلہ وِچ مذاہب تے کلیسیاواں دے عظیم عالمی اتحاد اے۔ جیس طرح اِک طوائف کسی نوں وی لے جاندی اے، ساریاں دا اِسقتبال کیتا جائے گا (سچے مسیحیاں دے علاوہ)۔ اَج وانگوں، لوکی ’’اپنے طریقیاں نال خدا دی پیروی کرن گے۔‘‘ ایس نال نہ صرف لبرل تے غیر نجات یافتہ کیتھولک مُراد نے۔ اینٹی نومیئین ایوینجلیکل فیصلہ کرن آلیاں دا خیر مقدم اے – جیہو جئے اُو اَج نے۔

4. عورت دجال درندے دے نال تعاون کردی اے (17: 3) تے مسیحیاں دے لہو دے نال پی جاندی اے (17:6)۔

5. آیت 18 ایس عظیم شہر وَل اشارہ کردی اے جیہڑا زمین دے بادشاہواں تے حکومت کردا اے، جیہڑا اُوس ویلے روم سی۔ بعض مفسرین دا کہنا اے کہ ایہہ بابل رومن کیتھولک کلیسیا اے۔ اگرچہ ایس وِچ یقینی طور توں اِک وگڑی ہوئی تے اینٹی نومیئین کیتھولک کلیسیا شامل ہووے گی، لیکن ایہہ صرف ایس حد تیکر محدود نئیں اے، بلکہ ایہہ کسی وی گرجا گھر تے کسی وی مذہب نوں کُلی طور تے اپنا لئے گا – سوائے حقیقی مسیحیاں دے۔

6. بابل زوال پزیر ہو جائے گا (مکاشفہ 18: 2)۔ ایہدا اِطلاق 18: 4 وِچ دِتا گیا اے جیتھے مسیحیاں نوں کہیا گیا اے کہ ’’ایس وِچ نکل آں۔‘‘ ایہدا فیصلہ ’’اِک دِن‘‘ وِچ کیتا جائے گا (18: 8)۔

باب 18 - تجارتی بابل، ایس دُنیا دا تجارتی تے مالیاتی نظام۔

1. ہر قسم دی دولت اُوتھے سی (18: 12-13)؛ ہر قسم دا "لین تے دین" تے پیسہ کمانا جاری سی۔ جیویں کہ اَج ہوندا اے۔

2. فیر وی ایس ’’عظیم شہر‘‘ تے ایہدے پیسے دا فیصلہ کیتا جاندا اے، ’’اِک گھنٹے وِچ ایہنی وڈی دولت ضائع ہو جاندی اے۔‘‘ مکاشفہ 18: 17۔ شہر نوں اَگ وِچ ویران کر دیتا گیا اے (18: 18، 19)۔

3. اَج گمراہ ہوئے لوکی پیسہ کمان وِچ پھنس گئے نے تے ایہناں دے کول حقیقی مسیحی بنن دا ویلہ نئیں اے – لیکن اِک دِن ایہہ سارا نظام مُک جائے گا۔

تاریخ وارانہ [زمانوی]: باب 19 – مسیح دی آمدِ ثانی

1. مسیحی (ریپچر ہو کے) جنت وِچ عبادت کردے نے (مکاشفہ 19: 1-6)۔

2. برّہ دی شادی دا عشائیہ آں آلا اے (19: 7)۔ برّہ، یسوع، اپنی ووہٹی [یعنی] ہر زمانے دے مومنین نال شادی کرے گا۔ اُو سفید لباس وِچ ملبوس اے جیہڑا مقدسین دی راستبازی اے (19: 8)۔

3. یسوع دا جلال وِچ آنا! ایس دا ناں ’’خدا دا کلام‘‘ کہلاندا اے (19: 13)۔ ایہدے پیچھے باریک سفید کپڑے پہنے ہوئے مومنین آندے نے (19: 14)۔ اُو قوماں تے حکومت کرے گا (19: 15)۔ اُوہدا ناں ’’بادشاہواں دا بادشاہ، تے خداونداں دا خدا‘‘ اے (19: 16)۔ ایہہ خُداوند یسوع مسیح اے!

4. دجال ایہدی مخالفت دے لئی تیار اے (19: 19) لیکن اُو فوری طور تے قابو پا گیا اے۔ حیوان تے جھوٹے نبی نوں لے جا کے اَگ د جھیل وِچ سُٹ دِتا جائے گا (19: 20)۔ کوئی جنگ نہیں اے - یسوع صرف آندا اے تے کردا اے جیویں کہ اُو چاہندا اے، کیوں جے بادشاہواں دا بادشاہ تے خداونداں دا خدا اے۔

تاریخ وارانہ [زمانوی]: باب 20 – زمین تے 1,000 سالہ بادشاہی

1. یسوع چھیتی ای اپنی بادشاہی قائم کردا اے۔ شیطان اِک ہزار وریاں تیکر ڈونگے گڑھے وِچ جکڑا ہویا اے تے لوکاں نوں مذید دھوکہ نئیں دے سکدا (مکاشفہ 20: 2-3) جدون تیکر کہ اُو اِک آخیرلی بغاوت دے لئی ہزار وریاں دے آخیر وِچ آزاد نہ ہو جائے۔

2. مسیحی جیوندا رہن گے تے اِک ہزار وریاں تیکر مسیح دے نال حکومت کرن گے (20: 4)۔ گمراہ ہوئے [لوکاں] نوں ہزار وریاں دے آخیر تیکر زندہ نئیں کیتا جائے گا (20: 5)۔

3. اُو خدا تے مسیح دے پجاری ہون گے، تے اِک ہزار وریاں تیکر ایہدے نال حکومت کرن گے (20: 6)۔

’’ہزار وریاں‘‘ دے الفاظ آیات 1 توں 7 وِچ چھ وری دِتے گئے نے۔ ایہناں نوں جیویں اُو پیش کیتے گئے نے اُوسی طرح نہ لین دے کوئی وجہ نئیں اے – واقعی چہ، اِک ہزار وریاں دا حقیقی دورانیہ چونکہ اِک ہزار ورے millennium اِک ہزار ورے دا ہوندا اے، ایس لئی ایہنوں ہزار سالہ بادشاہی وی کہیا جاندا اے۔ یسوع دے حکمرانی کردے ہوئے تے ایہدی ماتحتی وِچ مسیحی حکومت کردے ہوئے، تے شیطان نوں پابند سلاسل کرنے دے نال، ایہہ ویلہ انسان دے زوال دے بعد دے کسی وی ویلے توں کِدرے بوہتا بہتر ہووے گا۔

4. ہزار وریاں گے اَخیر تے شیطان نوں چھڈ دِتا جائے گا۔ اِک اَخیرلی بغاوت ہووے گی جیہنوں چھیتی ای کچل دِتا جائے گا (20: 7-9)۔ شیطان نوں اَگ تے گندھک دی جھیل وِچ ڈالیا جائے گا، جیتھے دجال تے جھوٹا نبی پچھلے ہزار وریاں توں موجود نے (20: 10)۔ اُوہناں نوں ’’ہمیشہ ہمیشہ دے لئی‘‘ عذاب وِچ مبتلا کیتا جائے گا – کوئی عارضی سزا نئیں بلکہ ابدی سزا اے۔

5. ایہدے بعد، ہزار وریاں دے اَخیر تے، غیر نجات یافتہ مُردیاں دا آخریلا فیصلہ آئے گا (مکاشفہ 20: 11-15)۔ ایہنوں عظیم سفید تخت دا روز عدالت وی کہیا جاندا اے (20: 11)۔ مردہ، چھوٹے تے وڈے، خدا دے اَگے کِھلوتے ہون گے (20: 12)۔ ایہناں دے اعمال دیاں کتاباں کھولیاں جان گیئیاں، جیویں کہ حیاتی دی کتاب (جیہدے وِچ محفوظ کیتے گئے ناں نے) کھولے جان گے۔ اُو جیہڑے سمندر وِچ مر گئے، تے جیہڑے جہنم وِچ نے، خدا دے سامنے کھلوں دے لئی کڈے جان گے (20: 13)۔ ایہہ دوجی قیامت اے، گمراہ ہوئے لوکاں دی قیامت۔ کوئی وی اپنے اعمال دی وجہ توں نئیں بچ سکے گا۔ چونکہ سارے گنہگار نے، کتاباں مذمت کرن گی، تے ہر اِک دا منہ بند ہو سکدا اے تے ساریاں نوں خدا دے اَگے مجرم سمجھا جائے گا (رومیوں 3: 19)۔ سارے مُردیاں نوں جہنم وِچ سُٹیا جائے گا، سوائے نجات پان آلیاں نوں (جیہڑے حیاتی دی کتاب وِچ لکھے گئے نے)۔

تاریخ وارانہ [زمانوی]: باب 21 تے 22 – دائمی حالت

1. اِک نوا آسمان تے اِک نوی زمین ہووے گی (مکاشفہ 21: 1)۔

2. مقدس شہر، نیا یروشلم، آسمان توں ہیٹاں آئے گا (21: 2)۔

3. اب کوئی موت، غم، رونا یا درد نئیں ہوئے گا (21: 4)۔

4. جِنہاں نے یسوع توں انکار کیتا تے گناہ تےاڑے رئے اُو باہر اَگ دی جھیل وِچ ہون گے (21: 8)۔

5. شہر کی وضاحت مکاشفہ 21: 10-17 وِچ کیتی گئی اے۔ ایہہ اِک پاسے 1500 میل (بارہ ہزار فرلانگ) مربع اے (آیت 16)۔ ایہہ پورے امریکہ توں نصف وڈا تے 1500 میل اونچا ہووے گا۔ کافی تھاں اے! ایس وِچ اسرائیل دے بارہ قبیلیاں دے لئی بارہ بوہے نے (21: 12) تے رسولاں دے لئی بارہ بنیاداں نے (21: 14، گیارہ جمع پولوس)۔ شہر سونے دا ہووے گا (21: 18)، بنیادیں قیمتی پتھراں نال سجیاں ہوئیاں ہون گیئیاں (21: 19-20)، تے موتی بوہے ہون گے (21: 21)۔

6. اُوتھے کوئی مندر نئیں ہووے گا، کیوں جے خدا اُوتھے رہوے گا تے یسوع اُوتھے رہے گا (21: 22)۔

7. سورج یا چن دی روشنی دی لوڑ نئیں ہووے گی (21: 23) تے نجات پان آلے اُوتھے رہن گے۔

8. لیکن گمراہ ہوے لوکی باہر ہون گے، مکاشفہ 21: 27۔

9. خدا تے برّہ دے تخت توں حیاتی دے پانی دا اِک دریا وگے گا (22: 1)۔ دریا دے دوویں پاسے حیاتی دا درخت ہووے گا (22: 2) جیہڑا باغِ عدن وِچ اُگیا۔ مسیح دے بندے اُوتھے اُوہدی خدمت کرن گے۔

یسوع نے خبردار کیتا، ’’ویکھو میں چھیتی آنا واں‘‘(مکاشفہ 22: 12)۔ تاخیر نہ کرو! مسیح دے کول آؤ۔ بائبل وِچ اَخیرلی دعوت آیت17 وِچ اے، ’’تے روح تے دولہن کہندے نے، آؤ۔ تے جیہڑا سُنندا اے اُو کہے گا، آؤ۔ تے جیہڑا پیاسا اے اُوہنوں آن دیو۔ تے جو چاہے حیاتی دا پانی آزادانہ طور تے لئے‘‘۔ میں دعا کرنا آں کہ تُسی چھیتی ای مسیح دے کول آؤ گے۔

’’ساڈے خداوند یسوع مسیح کا فضل تہاڈے ساریاں دے نال ہووے۔ آمین۔‘‘ (مکاشفہ 22: 21)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔