ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایتھے اِک ’’ہفتہ‘‘ کی اے؟ درج ذیل مواد تے نظر پاؤ (سارے دا سارا مواد جیہڑا چھوٹی لکھائی وِچ اے اُو جوش میکڈویل Josh McDowell دی، ثبوت جیہڑا مطالبے دا تقاضا کردا اے Evidence that Demands a Verdict، تحریر توں اے، ہیئرز لائف پبلیشرز Here’s Life Publishers، 1979 ایڈیشن، صفحات 171۔ 173)۔ ایہناں آیتاں وِچ اِک ’’ہفتہ‘‘ سات ورے نے۔

1. ’’ہفتہ‘‘ دے لئی عبرانی لفظ شبوواshabua ہوندا اے تے ایہدا واقعی وِچ مطلب ’’سات‘‘ ہوندا اے… فیر، عبرانی وِچ 70 ہفتیاں دا تصور ’’ستتر‘‘ ہوندا اے۔

2. یہودی دوویں دِناں تے وریاں دے ’’ست7‘‘ نال واقف سن۔

3. احبار25: 2۔4 مندرجہ بالا حقیقت نوں واضح کردی اے۔ احبار25: 8 توں پتہ چلدا اے کہ وریاں دے اِک ہفتے دی کثیر تعداد سی۔

1. ایس باب دے شروع وِچ دانی ایل وریاں تے ست7 دے ضرب دے لحاظ نال سوچ رہیا سی (دانی ایل9: 1۔2)۔

2. دانی ایل جانتا سی کہ بابلیوں دی اسیری سبت دے ورے دی خلاف ورزی تے مبنی سی، تے چونکہ اُو 70 وریاں تیکر اسیری چہ سن، ظاہر اے کہ سباتی ورے دی 490 وریاں تیکر خلاف ورزی کیتی گئی سی (احبار26: 32۔35، II تواریخ 36: 21، اور دانی ایل 9: 24)۔

3. شبووا دانی ایل 10: 2۔3 آیات وِچ پایا جاندا اے۔ سیاق و سباق ایس وِچ دِناں چہ ’’ہفتیاں‘‘ دے مطلب دا تقاضا کردا اے۔ ایہہ واقعی چہ ’’ست ست دِناں دے تین [عرصے] نے۔ جے دانی ایل دا مطلب 9: 24۔27 وِچ دِناں دا سی تے اَسی دسویں باب وِچ اِظہار دی اُوہی شکل کیوں نئیں پاندے؟ ظاہر اے، نوویں باب وِچ ورے مُراد نے۔

24 ویں آیت: 70 ہفتے (490 ورے) مقرر نے۔ ایہہ ’’تیرے لوکی‘‘ تے ’’تیرے مقدِس شہر‘‘ (یہودی لوکی تے یروشلم) وَل ہدایت کیتی گئی اے۔ ایس ویلے دے دوران، خطا، گناہ تے بدکاری دے مسئلے توں نمٹا جائے گا تے ابدی راستبازی لہیائی جائے گی۔

25 ویں آیت: یروشلم دی بحالی تے تعمیر دے حکم نال (فارس دے بادشاہ ارتخششتا دے ذریعہ، نحمیاہ 2: 1-8) بنایا گیا۔ مسیح دی آمد تیرک 69 ہفتے (ست7 ہفتے جمع سٹھ تے دو ہفتے) یا 483 ورے ہون گے۔ ویلہ بالکل یسوع وَل اشارہ کردا اے۔

1. ’’نیسان (مارچ) دے مہینے وِچ، ارتخششتا بادشاہ دے 20ویں ورے وِچ‘‘۔

2. ارتخششتا دا الحاق 465 قبل ازیں مسیح وِچ ہویا سی، لہٰذا نحمیاہ2: 1 آیت یقینی طور تے 445 قبل از مسیح وِچ طے شدہ اے۔

3. کوئی تاریخ متعین نئیں اے، ایس لئی یہودی رسم و رواج دے مطابق تاریخ نوں مہینے دا پہلا دِن سمجھا جاندا اے۔

4. 14 مارچ 445 قبل از مسیح ساڈی ایسی کلیلینڈر دی تاریخ اے۔

اِک پیشن گوئی دا سال 360 دِن دی طوالت دا ہوندا اے (مکاشفہ12: 6 تے 12: 13 ویکھو جیتھے 1260 دِناں نوں زمانے، اوقات، تے اَدھے دورانیہ، یا ساڑھے تین ورے کہا جاندا اے)۔ 69 ہفتے کدوں ختم ہوئے؟

1. 69 ہفتے X 7 سات X 360 دِن = 173,880 دِناں کے

2. 14 مارچ 445 قبل از مسیح توں 173,880 دن 6 اپریل 32 بعد از مسیح دی تاریخ دسدا اے۔

      دی کمنگ پرنسThe Coming Prince (صفحہ 127) وِچ سر رابرٹ اینڈرسنSir Robert Anderson دے بوہتے حسابات دے مطابق صحیح تے آخیرلی تاریخ 6 اپریل 32 عیسوی سی، اُو کہندے نے، ’’دسویں نسان دی جولین تاریخ اِتوار 6 اپریل، 32 عیسوی سی۔ فیر یروشلم دی تعمیر نو دے حکم نامے دے اِجراء تے ’مسیحا شہزادہ‘ دی عوامی آمد دے وِچکار وقفہ وقفہ دی مدت – 14 قبل از مسیح 445، تے 6 اپریل، 32 عیسوی دے وچکار کیہنی سی؟ ایہہ وقفہ بالکل ٹھیک تے ایسی دِن تیکر 173,880 دِن، یا 360 دِناں دے سات وری انتالیس نبوّتی سال، جبرائیل دی پیشن گوئی دے پہلے اڑسٹھ ہفتے تے مشتمل سی۔

69ویں ہفتے دے اختتام تے، مسیحا (یسوع) کھجوراں دے اِتوار آلے دِن یروشلم وِچ سواری کردے ہوئے داخل ہویا۔

26 ویں آیت: مسیح کٹ دِتا جائے گا (مارا جائے گا) لیکن اپنے لیے نئیں (اُو دوجیاں دے لئی مرا، اُوہدا اپنا کوئی گناہ نئیں سی)۔ ایہہ مصلوبیت وِچ پورا ہویا۔ اُو [مسیح] سرکشی، گناہ تے بدکاری نال نمٹا – لیکن ابدی راستبازی نے زمین تے قبضہ نئیں کیتا۔ بادشاہی شروع نئیں ہوئی۔ نوٹ کرو کہ 70 ہفتہ ہُنے شروع نئیں ہویا سی۔

26 ویں آیت: ’’شہزادے دے لوکی جیہڑے آن گے شہر تے مقدِس نوں تباہ کر دین گے۔‘‘ رومیوں نے 70 عیسوی وِچ یروشلم تے ہیکل نوں تباہ کر دِتا۔ ’’اُو شہزادہ جیہڑا آن آلا اے‘‘ یسوع مسیح نئیں بلکہ دجال اے، جیہڑا رومی ورثے دا ہووے گا تےیورپ نوں رومی سلطنت دے جانشین وِچ متحد کر دے گا۔ اِک وری فیر، 70 واں ہفتہ ہُنے شروع نئیں ہویا اے۔

ایس دے بعد چرچ دا دور آندا اے – ’’عظیم قوسین‘‘ جیویں کہ کُج 69ویں تے 70 ویں ہفتیاں دے وِچکار کہندے نے۔ ایس زمانے دی طوالت متعین نئیں اے۔

27 ویں آیت: تے اُو [شہزادہ جیہڑا آئے گا، دجال] اِک ہفتے [ست7 ورے] دے لئی بُہتیرے لوکاں دےنال عہد دی تصدیق کرے گا۔ 70 واں ہفتہ، فتنہ یا اذیتاں دا دور شروع ہووے گا جدوں جدال اسرائیل (تے دوجیاں دے نال) اِک ہفتے، ست وریاں دے لئی امن معاہدہ کردا اے۔ یونانی لفظ (thlipsis) جیس دا ترجمہ ’’مصیبت‘‘ (متی24: 21) اے، جیس دا مطلب اے ’’دباؤ۔‘‘ ایہدا ایہہ مطلب وی اے ’’مصیبت، اذیت، بوجھ... مشکل (سٹرانگ Strong 2347)۔

27 ویں آیت: فتنہ یا اذیتاں دے وِچکار چہ، اپنے آغاز توں ساڑھے تین وریاں بعد، دجال معاہدہ نوں توڑ دیوے گا، تے فیر توں تعمیر شدہ ہیکل دی بے حرمتی کرے گا:

’’ایس ہفتے دے وِچکار چہ اُو ذبیحے تے ہدیے موقوف کر دیوے گا تے اُو ہیکل دے موڑ تے ایہو جئی نفرت انگیز شے رکھے گا جیہڑی تباہی پیدا کردی اے‘‘ (دانی ایل9: 27)۔

ایہو ای ’’اُجاڑ دین آلی مکروہ شے‘‘ متی 24: 15 آیت وِچ اے۔

دجال خدا دے ہیکل وِچ، پاک تر ترین مقدِس وِچ بیٹھ کے، خدا ہون دا دعویٰ کرے گا تے عبادت دا مطالبہ کرےگا، II تسالونیکیوں2: 4۔ یقیناً اینج ہون دے لئی ہیکل نوں فیر توں تعمیر کیتا جانا چائیدا اے۔

چونکہ دجال بذات خود ہر ویلے بیت المقدس وِچ نئیں رئے گا، ایس لئی اُوتھے اُوہدی اِک تصویر رکھی جائے گی، تے جیہڑے لوکی ایس تصویر دی پرستش نئیں کرن گے اُو مارے جان گے (مکاشفہ13: 15)۔

ایہو ای منقسم کرن دا ویلہ اے، بہوتے وڈے مصائب دے دور دا وِچکار۔

ایہدے بعد بوہتے وڈے مصائب دے دور دا دوجا آدھا حصہ آندا اے، جیس نوں متی24: 21 وِچ ’’عظیم مصائب

دو بہوتا وڈا دور‘‘ کہیا گیا۔ ایہہ انسانی تاریخ دا ہُن تیکر دا بدترین دور اے۔

جے خدا مداخلت نہ کردا، تے کوئی وی زندہ نئیں بچدا (کسی بشر نوں نجات نئیں پانی چائیدی اے، متی24: 22)۔

حیوان دی عبادت نہ کرن آلیاں دی موت تیکر ایذا رسانی؛ جہیڑے لوکی ایہدا نشان نئیں لین گے اُو خریدوفروخت نئیں کر سکن گے، مکاشفہ13: 15-18؛ نمبر 666 دا سیدھا مطلب اے کہ آدمی دا نمبر تِن وری دہرایا گیا، ’’آدمی، آدمی، آدمی۔‘‘

ستایا ہویا اسرائیل ’’اِک زمانے دے لئی، تے زمانیاں دے لئی، تے آدھے زمانے‘ دے لئی چھپ جاندا اے (مکاشفہ12: 14)۔

سانوں یقین اے کہ مصیبت دے ایس دوجے نصف حصے دے دوران آخیرلے صور بجن تے (مکاشفہ11: 15) مردہ مسیحیاں نوں زندہ کیتا جائے گا تے بقیہ مسیحی آسمان وِچ بدلاں چہ مسیح دا اِستقبال کرن دے خاطر چُک لہیے جان گے (1تسالونیکیوں4: 13-17؛ 1کرنتھیوں15: 51 -52)۔ ریپچر دے ویلے دے بارے وِچ مختلگ آراء نے۔ سب توں بوہتا مقبول نظریہ ایہہ اے کہ ایہہ بوہتے وڈے مصائب دے ست وریاں دے بالکل شروع وِچ ہوندا اے۔ دوجے کہندے نے کہ ایہہ بوہتے وڈے مصائب دے آدھے راستے تے ہوندا اے۔ ساڈے نقطہ نظر نوں ’’قہر

توں پہلاں دا ریپچر‘‘ کہا جاندا اے۔ ساڈا یقین اے کہ ایہہ مکاشفہ16 باب دے قہر دے پیالیاں دے انصاف‘‘ توں کُج دیر پہلاں ہوندا اے۔ ظاہر اے کہ ریپچر دا ویلہ بالکل واضح نئیں اے۔ کیوں جے چنگے مسیحی تینوں نظریات رکھدے نے۔

فیر مکاشفہ 16 باب دے خوفناک پیالے دے فیصلے انڈیل دِتے جان گے۔ 16 باب وِچ زمین تے مسیحیاں دا کوئی ثبوت نئیں اے، تے کافر توبہ نئیں کردے (مکاشفہ16: 11، 21)۔ ایہہ محض فیصلے دا اِک نتیجہ اے۔

ایس مدت دے اختتام تے مسیح اپنے مقدسین دے نال آسمان توں واپس آندا اے (مکاشفہ19: 11-16)، جہیڑے پہلاں اے زیتون دے پہاڑ تے (زکریا14: 5) توں لطف اندوز ہو چکے نے (زکریا14: 4)۔ ایس ویلے (یا تھوڑی دیر پہلاں) خدا باقی یہودیاں تے فضل پیجے گا، اُوہناں نوں یقین تے نجات دیوے گا (زکریا12: 10 تا13: 1)۔ دجال تے جھوٹے نبی نوں اَگے دی جھیل وِچ سُٹیا جاندا اے (مکاشفہ19: 20)۔ شیطان کھڈے وِچ جکڑا جائے گا تے مقدسین اِک ہزار وریاں تیکر مسیح دے نال حکومت کرن گے (مکاشفہ20: 1-6)؛ ایہہ ہزار سالہ بادشاہی اے۔

مسیح ’’ابدی راستبازی‘‘ لہیاندا اے (دانی ایل9: 24 تے واپس آنے آں، آیت دے ایس حصے نوں پورا کردے ہوئیاں)۔

دانی ایل12: 11 ہیکل دی بے حرمتی توں لے کے اختتام تیکر دا ویلہ 1,290 دِن بنندا اے:

ہیکل کی بے حرمتی سے لے کر اختتام تک کا وقت 1,290 دن بتاتا ہے:

’’جیس ویلے توں دائمی قربانی موقوف کیتی جائے گا تے اُجاڑن آلی مکروہ شے نصب کیتی جائے گی اُودھوں توں اِک ہزار دو سو نوّے دِن لنگ چکے ہون گے‘‘ (دانی ایل12: 11)۔

ایہہ ساڑھے تین ورے (1,260 دن) تے مزید 30 دن اے۔ آیت 12 وِچ کل 1,335 دِناں دے لئی مزید 45 دن دتے گئے نے۔ اضافی دن اِک عبوری دور دی نمائندگی کردے نے، جیس وِچ غالباً برّہ دے شادی دا عشائیہ وِچ شامل اے، جدوں یسوع اپنے باپ دی بادشاہی وِچ مومنین دے نال انگور دی بیل دا پھل پیندا اے۔ تے ممکنہ طور تے انعامات بخشدا اے، تے چند ہفتیاں دا ’’تیاری کرن‘‘ دا ویلہ شامل اے۔

لیکن یقینی طور تے ایہہ ساڑھے تِن ورے دے علاوہ کُج ہُور اے – بوہتے وڈے مصائب دے دور دا دوجا نصف۔ دانی ایل دا 70 واں ہفتہ مسیح دی دوجی آمد دے نال ختم ہوندا اے۔

دانی ایل دا 70 واں ہفتہ (بوہتے وڈے مصائب دا دور) دجال دے اسرائیل دے نال امن معاہدے تے دستخط کرن دے نال شروع ہوندا اے، تے سات ورے بعد مسیح دی کوہ زیتون تے واپسی دے نال ختم ہوندا اے۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔