ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

وددھا ہویا انکشاف سمجھ جاندا اے کہ انسان دے لئی خداوند دا پیغام اِک واحد عمل وِچ پیش نئیں کیتا گیا سی، بلکہ تسلسل دے نال، مختلف مراحل دے ذریعے توں عملاں دے اِک سلسلے وِچ ظاہر کیتا گیا سی۔ ایہناں ’’مراحل‘‘ نوں ’’مذہبی فریضے یا مذہبی اِختیارات‘‘ کہندے نے۔ انسانی تاریخ دے مختلف ادوار وِچ خدا دا واضح منصوبہ مذہبی اِختیارات اے۔ ڈاکٹر رائری Dr. Ryrie نے کہیا،

خُدا دے نقطہ نظر توں مذہبی اِختیار اِک منصوبہ اے؛ انسان دے نقطہ نظر توں اِک ذمہ داری اے؛ وددھے ہوئے الہٰام دے تواتر وِچ، ایہدے وِچ اِک مرحلہ اے (آج دے مذہبی اختیارات دی تعلیم Dispensationalism Today، صفحہ 32)۔

1. معصومیت دا مذہبی اختیار یا مذہبی فریضہ، پیدائش1: 28؛ 3: 6 .

اُوہناں دے ذمہ داریاں باغ دی دیکھ بھال کرنا سن؛ تے نیکی تے بدی دی پہچان دے درخت وِچوں پھل نئیں کھانا سی۔ اُوہنے خداوند دی نافرمانی کیتی تے منع کیتا ہویا پھل کھا لیا، تے اُوہدے تے، اُوہدی ووہٹی تے، نسل انسانی تے، تے ساری تخلیق تے دور رس فیصلہ صادر کر دِتا گیا۔

2. ضمیر دا مذہبی اختیار یا مذہبی فریضہ، پیدائش3: 23؛ 8: 14؛ رومیوں2: 15 .

انسان دی ذمہ داری اپنے ضمیر دے ذریعے توں خداوند دے ہدایت تے عمل کرنا سی۔ صرف چند اِک نے ای اپنے ضمیر وِچ خداوند دی ہدایت تے عمل کیتا گیا: ہابل، حنوک تے نوح نوں عبرانیوں 11 باب وِچ ایمان دے ہیروز دے طور تے درج کیتا گیا اے۔

قائین نے لہو دی قربانی دا ہدیہ نذر کرن دے لئی خدا دے منصوبے نوں ٹھکرایا سی، تے اُوہنے اپنے بھائی نوں قتل کر دِتا، پیدائش3: 21؛ 4: 4۔5 ۔ نسل انسانی غیرقدرتی جنسی ملاپ دی وجہ توں آسیب زدہ ہو گئی، پیدائش6: 2، 4 . کُل نسل انسانی نے خدا دے خلاف بغاوت کیتی تے ’’اُوہدے دِل دے خیالات ہمیشہ بدی وَل مائل رہندے سن‘‘ (پیدائش6: 5)۔ نوح نے خداوند دی حضوری وِچ فضل پایا سی۔ صرف نوح تے اُوہدا خاندان عظیم سیلاب توں بچ پایا سی۔

3. شہری حکومت کا مذہبی اختیار یا فریضہ، پیدائش8: 15؛ 11: 9 ۔

ایہہ زمانہ نوح توں لے کے ابراہام تیکر وسیع اے۔ جانور انسان توں خوفزدہ ہو گئے سن (پیدائش9: 2)۔ انسان نوں پہلی وری جانوراں دا گوشت کھان دے لئی اجازت مل گئی سی (پیدائش9: 3)۔ سزائے موت نافذ کر دِتی گئی (پیدائش9: 6)۔ زمین تے پھیل جان دے لئی خدا دے حکم نوں پورا کرن دے بجائے (9: 1)، اُوہناں نے اِکٹھیاں رہن دا فیصلہ کیتا تے اپنا مقصد پان دے لئی بابل دا بُرج تعمیر کیتا (پیدائش11: 4)۔ اُوتھے خداوند نے سارے جہاں دی زبان وِچ اِختلاف پایا تے اُوہناں نوں ساری روئے زمین تے منتشر کر دِتا (پیدائش11: 9)۔

4. وعدے دا مذہبی اختیار یا بزرگانہ حکمرانی، پیدائش12: 1؛ خروج 18: 27۔

ایہہ سُرخی ’’وعدہ‘‘ عبرانیوں11: 9 توں آندا اے۔ ایس مذہبی اِختیار توں لے کے تمام نسلِ انسانی خدا دے منصوبے دے وسیلے توں براہ راست اصولاں دے مطابق حیاتی بسر کر رئی سی۔ ہُن خدا نے ابراہام وِچ اِک خاندان تے اِک قوم اسرائیل نوں چُنیا۔ ابراہام، اضحاق تے یعقوب۔ بزرگان دی ذمہ داری خداوند تے یقین کرنا تے اُوہدی خدمت کرنا سی۔ اُو وعدے دی سرزمین تے رہن وِچ ناکام رئے سن، بلکہ مصر ٹُرگئے سی جیتھے اُو غلام بنا لئے گئے۔ ایس مذہبی اختیار یا مذہبی فریضے دا خاتمہ اسرائیل دے غلامی وِچ ٹر جان دے نال اختتام پزیر ہوندا اے۔

تاہم خدا نے ابراہیمی عہد ایس مذہبی اِختیار دے دوران کئی وری دِتا۔ ایس مذہبی اختیار یا مذہبی فریضے دا اختتام موسیٰ دی شریعت دین نال ختم ہویا۔ مگر ابراہیمی عہد اَج تیکر جاری اے کیوں جے ایہہ اِک غیر مشروط عہد سی، پیدائش12: 7؛ 13: 15؛ 15: 18؛ 17: 8 . زمین دے تحفے نوں بے دخلی تے بحالی دی تِن پیشن گوئیاں دے ذریعے توں تبدیل کیتا گیا، (1) مصر وِچ جانا، فیر موسیٰ دی سرزمین وِچ واپس رہنمائی دا کیتا جانا، (2) نبوکدنصر اُوہناں نوں بابل لے گیا – شاہِ فارس خورس نے اُوہناں نوں عزرہ تے نحمیاہ دے نال واپس جان دے اجازت دِتی، (3) رومیاں نے اُوہناں نوں ساری قوماں وِچ منتشر کر دِتا۔ اُوہناں نے 1948 وچ واپس آنا شروع کیتا؛ حزقیال37: 11۔12؛ 38: 8، 16؛ لوقا21: 24؛ متی24: 32۔34 .

5. موسیٰ دی شریعت دا مذہبی اختیار یا اسرائیل دا مذہبی اختیار۔

موسیٰ دے ذریعے توں اسرائیل دے لوکاں نوں عظیم قانون بخشا گیا جیس نوں اَسی موسیٰ دی شریعت کہنے آں۔ ایہہ 613 احکامات تے مشتمل سی جِنہاں نے حیاتی دے سارے ادوار دا احاطہ کیتا ہویا سی۔ ایہہ اُوس مذہبی اِختیار یا مذہبی فریضے دے لئی خدا دی مرضی نوں تفصیل دے نال منکشف کردا اے۔ تاہم، اُوس زمانے وِچ کوئی وی ایہنوں نامنن توں محفوظ نئیں سی۔ عبرانیوں11: 23۔29 توں واضح اے کہ اُوہناں نے ’’ایمان دے وسیلے توں اِک چنگی ساکھ مرتب کیتی سی۔‘‘ ایس مذہبی اختیار یا مذہبی فریضے وِچ نجات ہمیشہ ایمان دے ذریعے فضل دے وسیلے توں سی، تے دوجے سارے لوکاں لئی وی۔

عبرانیوں دے اہم لوکی بار بار بُت پرستی اختیار کر لیندے سی۔ دس شمالی قبیلیاں نوں اُسوریاں دی اسیری وِچ کر دِتا۔ دو جنوبی قبیلیاں نوں بابل دے لوکاں دی اسیری وِچ کر دِتا گیا، تے بالاآخر ساری دُنیا وِچ منتشر کر دتے گئے جدوں اُوہناں نے خداوند یسوع مسیح نوں مسترد کیتا (متی23: 37۔39)۔

6. کلیسیا دا مذہبی اختیار یا مسیحی مذہبی اختیار۔

ایہہ بدنصیبی اے کہ دورِ جدید دے بے شمار اِختیار آلے لوکاں نے ایس نوں ’’فضل دا اختیارdispensation of grace‘‘ کہیا اے۔ میں یقین کرنا واں، ایہہ کُج لوکاں دے کہن دی وجہ بنیا کہ مذہبی اِختیار آلیاں نے کدی وی شریعت نوں منن، موسیٰ دی شریعت دے مذہبی اِختیار وِچ، یا کسی دوجے مذہبی اختیار دے زریعے توں نجات دی تعلیم نئیں دِتی۔

کلیسیا دا زمانہ، یا ’’مسیحی اِختیار‘‘ جیویں کہ ڈاکٹر آئزک واٹز Dr. Isaac Watts (1674۔1748) نے ایہنوں کہیا، مسیح دی پیدائش نال شروع ہوندا اے، کیوں جے کلیسیا مسیح تے تعمیر کیتی گئی سی (متی16: 18)۔ میں متفق نئیں آں کہ پینتیکوست کلیسیا دا ’’جنم دِن‘‘ سی۔ کلیسیا دی بنیاد مسیح دے متجسم ہون وِچ سی، ’’یسوع مسیح خود اُوس بنیاد دا اہم ترین پتھر اے‘‘ (افسیوں2: 20)۔ تے اُوہدا ابتدائی پھیلاؤ جِنہوں مسیح نے شاگردان نال منسوب کیتا، تے پینتیکوست تے پہلے عظیم حیاتِ نو وِچ اُوہدا اِختیار۔

ایس مذہبی اِختیار وِچ خدا ہُن صرف ہُن صرف تنہا اسرائیل دے نال ای نئیں نمٹ رہیا اے، بلکہ یہودی تے غیر یہودی اِک بدن وِچ اِکٹھے ہو گئے نے جدوں اُو مسیح وِچ ایمان پاندے نے (افسیوں2: 11۔22)۔

لوکاں دی اِک بوہتی وڈی تعداد مسیح نوں مسترد کر چکی اے۔ زیادہ تر دے لئی کلیسیا دا زمانہ اِرتداد وِچ ختم ہو جاندا اے (2تیموتاؤس3: 1۔4؛ 4) – تے بے شمار دے لئی حیات نو وِچ (مکاشفہ7: 3۔13)۔ کلیسیا دا اہم بدن ’’بوہتی وڈی طوائف‘‘ – ’’شہر عظیم بابل‘‘ دا حصّہ بن جائے گا (مکاشفہ17۔18)۔ کلیسیا دا زمانہ یا مذہبی اِختیار دا حتمی حصہ ست سالہ مصائب دا دور اے۔ مذہبی اِختیار مسیح دی پیدائش توں لے کے اُوہدی آمد ثانی تیکر پھیلیا ہویا اے۔

7. 1,000 سالہ بادشاہت دا مذہبی اختیار۔

مسیح دے دوجی آمد تے، واپس ایس دُنیا وِچ بادشاہت قائم کیتی جائے گی۔ ایہہزمین تے 1,000 وریاں تیکر قائم رئے گی (مکاشفہ20: 1۔6) شیطان قید ہو جائے تے مسیح دُنیا تے حکمرانی کرے گا۔ ایس مذہبی اختیار دے اِختتام تے، شیطان چھڈ دِتا جائے گا، تے اِک ناکام بغاوت جنم لئے گی۔ باغیاں نوں گندھک تے اَگ دی جھیل وِچ سُٹ دِتا جائے گا (مکاشفہ20: 7۔10)۔

ایہہ قابل توجیہہ وکھائی دیندا اے کہ غالباً ست مذہبی اِختیارات نے۔ اُوہناں دی مخصوس خصصیات نے۔ ہر مذہبی اِختیار دے آغاز تے اِک بندہ عام طور تے نمایاں ہوندا اے۔ پہلے دو دا آدم سربراہ سی۔ نوح اُو بندہ سی جیہڑا تیجے نمبر تے سربراہ سی، تے ابراہام چوتھے دا۔ موسیٰ نے پنجویں دی سربراہی کیتی سی، تے مسیح چھٹے تے ستویں دی سربراہی کردا اے۔ ہر مذہبی اختیار انسان دی ناکامی تے ختم ہوندا اے۔ جیویں کہ ہر مذہبی اِختیار انسان دے گناہ دی بھرپوری نوں ظاہر کردا اے، ہر اِک وفاداری دی بھرپوری تے خدا دے رحم نوں وی ظاہر کردا اے۔ آمین۔

ایس درس نوں ڈاکٹر چارلس سی رائری Dr. Charles C. Ryrie، موڈی پریس Moody Press، 1965 نے آج دے مذہبی اختیار دی تعلیم Dispensationalism Today توں مختصر تے ترمیم کتیا اے۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔