ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں واعظ دے اہم نکات سپرجئین دے واعظ ’’مسیح نے ساڈے لئی اِک لعنت بنائی Christ Made a Curse For Us‘‘ (میٹروپولیٹن دی عبادت گاہ دی واعظ گاہ The Metropolitan Tabernacle Pulpit، پلگرم Pilgrim، 1976، جلد پندرھویں، صفحہ 301) وَچوں لے رہیا واں۔ میں سپرجئین دے پیغام دی ترمیم کراں گے تے ایہنوں سادہ کراں گا۔

ایہہ آیت مسیح دی مصلوبیت دے گہرے معنیاں نوں واضح کردی اے۔ ایہہ سانوں ظاہر کردی اے کہ خداوند دی شریعت سانوں ساریاں نوں لعنتی کردی اے، تے کہ اَسی صرف مسیح دے ذریعے توں ایمان وِچ راستباز ٹھہرائے جا سکنے آں۔ ساڈی تلاوت ساڈی واضح طور تے شریعت دی لعنت تے مسیح وِچ نجات نوں سمجھن دے لئی راہنمائی کردی اے۔

I۔ پہلی گل، شریعت دی لعنت کی اے؟

ایہہ خدا دی لعنت اے۔ شریعت خدا نے بنائی اے۔ تے خدا ای نے ایہنوں توڑن دی سزا مقرر کیتی اے۔ گمراہ لوکی شریعت نوں توڑن آلے ہوندے نے، جیہڑے کہ خدا، یعنی شریعت نوں دین آلے دے غضب دے تحت ہوندے نے۔ ایہہ صرف خدا دی شریعت دی ای لعنت نئیں اے۔ ایہہ خدا دی لعنت اے، جیہڑا شریعت دا دین آلا اے، جیہڑا سختی نال اپنی شریعت دے قوانین دا دفاع کردا اے۔ ایس لئی تُسی یقین کر سکدے اُو کہ شریعت دی لعنت دُرست اے تے اِخلاقی طور تے ناگزیر اے۔ ایہہ ممکن ای نئیں کہ ساڈا منصف تے راستباز خدا انسانیت تے لعنت پیجھے گا جدوں تیکر کہ اینج کرنا چنگا اے۔ خدا دی پاکیزگی دے ظہور تے کائنات دی حفاظت دے لئی لعنت دا ہونا ضروری سی۔

خدا دی لعنت دا اعلان کرن دے انتہائی تصور وِچ ایتھے کُج نہ کُج ایس قدر ہولناک اے کہ ایس تے میرا لہو جمنا شروع ہو جاندا اے، تے میں بالکل واضح طور تے خود نوں بیان نئیں کر پاندا۔ ایس لعنت وِچ انتہائی شدید دُکھ تے ناراضگی لُکی ہوئی اے۔ ایس وِچ دوجی موت شامل اے – جیس وِچ اَگ دی جھیل وِچ سُٹیا جانا اے – جِنہوں یوحنا نے مکاشفہ20:14 وِچ ویکھیا سی۔ ناحوم کہندا اے،

’’خداوند اپنے دشمناں کولوں انتقام لین آلا خدا اے، تے خدا اپنے مخالفاں دے لئی غضب توں پرہیا ہویا ہوّا اے‘‘ (ناحوم 1:2)۔

فیر سوچو کیس قدر ہولناک ہوندا اے جدوں خدا اپنی لعنت پیجھدا اے۔ اُوس لعنتی دِن نوں یاد رکھو جدوں جنت وِچ پانیاں نے ہیٹاں آنا شروع کیتا سی تے سارے جاندار وَگ گئے سن، ماسوائے اُوہناں چند اِک دے جیہڑے کشتی وِچ لُکے ہوئے سن – جدوں قدیم بادشاہواں دے محلاں وِچ سمندری بلاواں پالیاں جاندیاں سن، جدوں لکھاں کروڑ گنہگار ڈوب گئے سن، جدوں موت دے منہ توں اُگلے ہوئے بِنا ساحل دے سمندر تے آفاقی تباہی پھیل گئی سی۔ فیر ای خدا دی لعنت زمین تے پیجھی گئی سی۔

ویلے چہ پیچھے ذرا دور تیکر فیر ویکھو۔ ابراھام دے نال اُوہدے خیمے دے بوہے وِچ کِھلو جاؤ، تے مشرق وِچ مکمل سُرخ آسمان نوں ویکھو اُوس چُندھیا ڈالن آلی روشنی دے نال جیہڑی سورج توں نئیں آ رئی سی۔ شعلیاں دے دیوار آسمان نال گلاں کر رئی سی، جیہدے وِچ چمکیلے رنگ دے مذید ہُور واضح اَگ دی بارش شامل ہو گئی سی، جیہڑی کہ مافوق الفطرت انداز وِچ آسماناں توں اُتر رئی سی۔ خود نوں عجیب و غریب جانداراں دے حوالے کر چکے دے بعد، صدوم تے عمورہ تے خداوند دی لعنت پیہئی سی، تے آسمان توں اُوہناں تے اُوس ویلے تیکر اَگ دی لعنت برسدی رئی سی جدوں تیکر کہ مکمل طور تے بھسم نئیں ہو گئے۔

جے تُسی خدا دی لعنت دی اِک ہور قسم ویکھنا چاہو تے صبح دے اُس ذہین پُتر نوں یاد کرو جیہڑا خداوند دے سردار فرشتیاں وِچوں اِک سی۔ سوچو کیویں اُوہنے اپنا اعلیٰ مقام گنوا دِتا سی جدوں اُوہدے گناہ دے سبب توں اُوہدے تے لعنت پیہئی سی۔ ویکھو کیویں فرشتیاں دا اِک سردار بدروحواں دا سردار بن گیا سی تے شیطان اپنے باوقار تخت توں ڈِگ پیہا، جِنہوں امن تے خوشی توں ہمیشہ دے لئی دربدر کر دِتا گیا، کہ اُو خشک تھاواں تے آوارہ گردی کردا پھیرے، آرام دی تلاش کرے تے آرام نہ کر پائے، قیامت دے دِن تیکر تاریکی دی زنجیراں وِچ پابند رئے۔ ایہہ ایہو جئی اِک لعنت سی جِنہے اِک فرشتے نوں مُرجھا کے اِک شیطان بنا ڈالیا سی۔ اُوہنے میداناں دے شہراں نوں جلا ڈالیا۔ اُوہنے دُنیا دی آبادی نوں ڈبو دِتا۔

مگر تہانوں ایس دے باوجود وی صحیح تصور نئیں آیا۔ اُوتھے اِک دھشت ناک تھاں اے، شعلیاں تے تاریکی دی اِک تھاں۔ اُوتھے گمراہ بشر خدا توں تے امن تے بحالی دی ساریاں اُمیداں توں دربدر کر دِتے جاندے نے۔ جے تُسی اُوہناں تاریک برآمدیاں وِچوں لنگ پاؤ جیتھے معلون روحواں قید چہ ہوندیاں نے، تے تہاڈا لہو فیر منجمند ہو جائے گا، تہاڈے لو کنڈے کِھلو جان گے، سیکھو کہ خدا دی لعنت دا کی مطلب ہوندا اے۔

جہنم وِچ سُٹے جان ساریاں لعنتاں وِچوں آپئے اِک بوہتی شدید ہولناک لعنت اے۔ ایہہ اُمید توں، نور توں، تے خود خداوند توں ہمیشہ دے لئی نِکھڑ جان تے مشتمل ہوندی اے۔ شریعت دی لعنت دا پھل ہمیشہ تیکر قائم رہن آلی تباہی ہوندا اے۔

اے ناخوش لوکو! ناخوش لوکو! تُسی جیہڑے اَج خدا دی لعنت دے تحت اُو شاید ہنسو، تے شراب نوشی کرو تے نچو، لیکن جے خدا دی لعنت تہاڈے تے اے، تے تہاڈے تے کی دیوانگی چھائی ہوئی اے! تے تُسی صرف ایہنوں ویکھ ای پاؤ، تے ایہہ لعنت تہانوں ایہہ احساس دلاں دے لئی دھشت پھر دیوے گی

’’… تے ایہہ ساریاں لعنتاں تہاڈے تے نازل ہو کے تہانوں دبوچ لین گئیاں، تُسی شہر وِچ لعنتی ہووے گے تے کھیت وِچ وی لعنتی ہووے گے… جدوں تُسی اندر آؤ اُودھوں لعنتی ہووے گے تے جدوں تُسی باہر جاؤ تے لعنتی ہووے گے‘‘ (استثنا 28:15۔19)۔

تُسی کیویں آرام کر سکدے اُو جے ایس قدر لعنتاں تہاڈے تے منڈلا رئیاں ہون؟ ہائے! سب توں بوہتے قابلِ افسوس لوکی – جیہڑے خدا دی لعنت وِچ ای ایس حیاتی وِچوں لنگ جاندے نے! اُوہناں دے بارے چہ سوچ کے کوئی وی لہو تے اتھرو روئے! اپنے گناہ دی گمشدگیاں وِچ جاری مت رہوو، کدرے اینج نہ ہووے کہ تہاڈی جان اُوہناں دی لعنتی حالت دے غم وِچ اُوہناں دے نال ابدی رفاقت وِچ قائم رہن دے لئی سزایافتہ ہو جائے۔

II۔ دوجی گل، ایس لعنت دے تحت کون نے؟

ساریاں قوماں جیہڑیاں ایس زمین تے وسدیاں نے ایس لعنت دے تحت نے۔ ایس توں پہلاں اَسی گلتیوں تین باب وِچ پڑھ چکے آں،

’’مگر جِنہے شریعت دے اعمال تے تکیہ کردے نے اُو سارے لعنت دے ماتحت نے۔ چنانچہ لکھا اے کہ جیہڑا کوئی شریعت دی کتاب دی ساریاں گلاں تے عمل نئیں کردا اُو لعنتی اے‘‘ (گلِتیوں 3:10).

ہر اِک بشر جیہڑٓ ہر ویلے شریعت دے مطابق ہر عمل کرنا جاری نئیں رکھدا، کدی وی بغیر ناکام ہوئے، اُو گلِتیوں 3:10 دے مطابق خدا دی لعنت دے تحت اے۔ بُت پرستی، زنا، چوری، قتل، طمع، سارے دے سارے بُرے نے، کیوں جے خداوند دی شریعت نوں پامال کردے نے۔ گناہ توں بھرپور ہر سوچ خداوند دی شریعت نوں توڑدی اے، جیہڑی کہندی اے،

’’توں خداوند اپنے خدا توں اپنے سارے دل، اپنی ساری جان تے اپنی ساری عقل نال محبت رکھ‘‘ (متی 22:37).

یسوع نے ایہنوں شریعت دا ’’سب توں پہلا تے عظیم حکم‘‘ کہیا اے (متی22:38)۔ ایہہ شریعت دا ایس قدر عظیم حکم اے کہ ایہہ اِستثنا 13:3 وِچ؛ 30:6؛ متی22:37؛ مرقس12:30، 33؛ تے لوقا10:27 وِچ دھرایا گیا اے۔

کوئی وی بندہ جیہڑا خدا دی شریعت دے کسی وی حصے نوں کسی وی ویلے توڑدا اے اُو خدا دی خوفناک لعنت دے تحت آ جاندا اے، کیوں جے

’’مگر جِنہے شریعت دے اعمال تے تکیہ کردے نے اُو سارے لعنت دے ماتحت نے۔ چنانچہ لکھا اے کہ جیہڑا کوئی شریعت دی کتاب دی ساریاں گلاں تے عمل نئیں کردا اُو لعنتی اے‘‘ (گلِتیوں 3:10).

جے کدی کوئی ایہو جیہا ویلہ رہیا جدوں تُسی اپنے سارے دِل دے نال خداوند نوں پیار نئیں کیتا تے تُسی خداوند وَلوں ایس لعنت دے تحت اُو۔ جے کدی وی کوئی بُرا خیال تہاڈے دِل تے حاوی ہویا، تے تُسی خداوند وَلوں ایس لعنت دے تحت اُو۔

میں کہنا واں کہ ایس گرجا گھر وِچ اَج دی راتی ہر غیر تبدیل شُدہ [مسیح چہ ایمان نہ لہیایا ہویا] بندہ کسی نہ کسی طرح، کسی نہ کسی ویلے وِچ خدا دی شریعت نوں توڑ چکیا اے۔ تُسی ایہو جئے خیالات تے کم کر چکے اُو جِنہاں دے بارے وِچ سوچ کے تُسی شرمندہ اُو۔ تُسی خداوند دی شریعت نوں توڑیا اے۔ تُسی خداوند دی شریعت دے تحت اُو۔ تُسی خداوند دی لعنت دے ایس قدر تحت ہو جیس قدر قائین سی۔ تُسی خداوند دی حضوری وِچ اِک ہولناک حالت وِچ اُو۔ تے تُسی نیکیاں شروع کرن دے نال ’’گلاں نوں صحیح‘‘ نئیں کر سکدے! اوہ، جی نئیں! تُسی تے پہلاں ای توں خداوند دی شریعت نوں توڑ چکے اُو!تُسی تے پہلاں ای توں خداوند دی شریعت دے تحت اُو۔ کوئی وی ایہو جئی نیکی جیہڑی تُسی ہُن کرو اُوس لعنت توں جیہڑی تہاڈے تے منڈلا رئی اے فرار ہون وِچ مدد نئیں کر سکدی – تے فیصلہ ہون تے تہانوں معلون ای ٹھہرائے گی۔ بوہتی بھاری سزا تہاڈا انتظار کر رئی اے! تُسی لعنت دے تحت اُو!

III۔ تیجی گل، مسیح کیویں تہانوں ایس لعنت توں نجات دِلا سکدا اے؟

’’مسیح نے جیہڑا ساڈے لئی لعنتی بنیا، سانوں مُل لے کے شریعت دی لعنت توں چھڑا لہیا کیوں جے لکھا اے کہ جیہڑا کوئی لکڑی تے لٹکایا گیا اُو لعنتی اے‘‘ (گلِتیوں 3:13).

مسیحیت دا مرکز ’’متبدل‘‘ دے عقیدے وِچ پِنہاں اے۔ اُوہناں لوکاں دی اِک بوہتی وڈھی تعداد جیہڑی خود نوں مسیحی کہندی اے بالکل وی مسیحی نئیں ہوندی، کیوں جے اُوہناں نے اپنے گناہ دے لئی مسیح دی ’’متبدلیاتی‘‘ قربانی نوں پہچانیا ای نئیں ہوندا یا قبول ای نئیں کیتا ہوندا۔ مسیح تہاڈی تھاں تے صلیب تے قربان ہو گیا سی۔ تہاڈے گناہ دے لئی خدا دی لعنت اُوتھے اُوہدے تے لد دِتی گئی سی۔

’’میرا صادق خادِم بوہتیاں نوں راستباز ٹھہرائے گا کیوں جے اُو اُوہناںدی بُرائیاں خود چُک لہئے گا‘‘ (اشعیا 53:11).

’’خداوند نے اَساں ساریاں دی بدکاری اُوہدے تے لاد دِتی‘‘ (اشعیا 53:6).

جدوں مسیح نے لہو وگایا، دُکھ سہے تے صلیب تے قربان ہو گیا، تے اُو تہاڈا متبادل بن گیا۔ ساڈی تلاوت ایس نوں واضح کردی اے،

’’مسیح نے جیہڑا ساڈے لئی لعنتی بنیا، سانوں مُل لے کے شریعت دی لعنت توں چھڑا لہیا کیوں جے لکھا اے کہ جیہڑا کوئی لکڑی تے لٹکایا گیا اُو لعنتی اے‘‘ (گلِتیوں 3:13).

تہاڈے لئی خداوند دا پاک تے بے گناہ برّہ لعنتی ٹھہرایا جدوں کہ اصل وِچ تہاڈے سارے گناہ گتسمنی دے باغ وِچ اُوہدے تے لد دِتے گئے سن۔ تے مسیح، جیہڑا تہاڈے گناہواں دے سبب توں معلون ٹھہرا، اُو اُوہناں دا کفارہ ادا کرن دے لئی اذیت ناک کوڑیاں تے خونی مصلوبیت توں لنگیا۔

’’مسیح نے جیہڑا ساڈے لئی لعنتی بنیا، سانوں مُل لے کے شریعت دی لعنت توں چھڑا لہیا کیوں جے لکھا اے کہ جیہڑا کوئی لکڑی تے لٹکایا گیا اُو لعنتی اے‘‘ (گلِتیوں 3:13).

تہاڈے گناہ تہاڈے توں چُک لہئے گئے سن تے مسیح تے لد دِتے گئے سن۔ تہاڈے توں خداوند دی شریعت دی نافرمانی کرن دی لعنت چُک لئی سی تے مسیح تے لد دِتی گئی سی۔ صلیب تے اُو تہاڈے گناہواں دے لئی لعنتی ٹھہرا! تہاڈے گناہ تے تہاڈے گناہ دی لعنت توں مسیح نوں قصوروار ٹھہرایا گیا جدوں اُو صلیب تے لمکیا ہویا سی! اُوہنے تہاڈی تھاں لئی، تے تہاڈی لعنت دی قیمت ادا کیتی، تہاڈی تھاں تے اپنی قربانی دی موت دے ذریعے نال۔

’’اُو ساڈی خطاواں دے سبب توں گھائل کیتا گیا… اُوہدے کوڑے کھان نال اَسی شفایاب ہوئے‘‘ (اشعیا 53:5).

’’خداوند نے اَساں ساریاں دی بدکاری اُوہدے تے لد دِتی‘‘ (اشعیا 53:6).

’’اُو ساڈے گناہواں دا کفارہ اے‘‘ (1۔ یوحنا 2:2).

تہاڈی تھاں تے خدا دا فیصلہ مسیح دے لئی صادر ہوندا اے۔ لعنت مسیح تے پیہندی اے، خدا دا برّہ جیہڑا جہاں دے گناہ چُک لے جاندا اے۔

یسوع وِچ ایمان لہیاؤ تے اُو خداوند دی لعنت تہاڈے موڈھیاں توں چُک کے خود اپنے موڈھیاں تے – صلیب تے چُک لیندا اے۔

’’مسیح نے جیہڑا ساڈے لئی لعنتی بنیا، سانوں مُل لے کے شریعت دی لعنت توں چھڑا لہیا کیوں جے لکھا اے کہ جیہڑا کوئی لکڑی تے لٹکایا گیا اُو لعنتی اے‘‘ (گلِتیوں 3:13).

تہانوں کی کرنا چائیدا اے؟ یسوع تے ایمان لہیاؤ۔ اُو جیہڑا ایمان لہیاندا اے ساریاں گلاں توں راستباز ٹھہرایا جاندا اے۔ ’’خداوند یسوع تے ایمان لہیا تے توں نجات پائیں گا‘‘ (اعمال16:31)۔ ’’جیہڑا ایمان لہیائے تے بپتسمہ لئے اُو نجات پائے گا لیکن جیہڑا ایمان نہ لہیائے مجرم قرار دِتا جائے گا‘‘ (مرقس16:16)۔ یسوع وِچ ایمان لہیاؤ تے گناہواں دا جرم دور ہو جائے گا – اُوہدے قیمتی لہو دے وسیلے توں دُھل کے پاک صاف ہو جائے گا۔

کوئی وی نئیں ماسوائے یسوع دے، کوئی وی نئیں ماسوائے یسوع دے، جیہڑا بے بس گنہگاراں دے لئی بہتری کر سکدا اے! ویکھو، اُو صلیب تے لٹکیا ہویا اے؛ اُوہدی باہنواں پھیلیاں ہوئیاں نے، تے اُو اُوہناں نوں بند نئیں کر سکدا، کیوں جے اُو لکڑ وِچ کِیلاں نال جڑیاں ہوئیاں نے۔ اُوہدیاں باہنواں تہانوں قبول کرن تے بچان دے لئی کُھلیاں ہوئیاں نے۔ اُوہدے دِل وِچ تہاڈے لئی تھاں اے۔ ایہنوں نیزے نال وِنیا گیا سی – اُو تہاڈے گناہواں نوں دُھون دے لئی لہو تے پانی دیاں دھاراں ونگادا اے۔

ایمان دا اِک نِکا جیہا عمل تہانوں یسوع دے کول لے آندا اے۔ کہو، ’’اے خداوند، میں اعتقاد رکھنا واں، توں میرے اعتقاد نوں ہُور وی پختہ کرن وِچ میری مدد کر‘‘ (مرقس9:24) تے اُوہدے کول اَج ای رات نوں آؤ۔ جے تُسی نئیں آندے تے ایہہ تہاڈی اپنی غلطی ہووے گی جدوں سزا دا فیصلہ تہاڈے سر تے پیہے گا۔ مسیح نوں اپنے متبادل دے طور تے قبول کرو۔ اوہ، ایہنوں ہُنے کرو، ایس ای لمحے کرو!

کسی احساس دی تلاش مت کرو۔ صرف یسوع ای نوں ویکھو۔ خود وِچ کُج ثبوتاں نوں ویکھن دا دور لنگ گیا اے۔ تہانوں ایہہ محسوس کرن دی لوڑ نئیں اے کہ گناہ دی لعنت چُک لئی گئی اے۔ خدا اُو واحد ہستی اے جِنہوں ایہہ احساس کرن دی لوڑ اے! یسوع تے پروہسا کرو نہ کہ خود اپنے احساسات تے! ساڈے بپتسمہ دین آلے بانی، جان بنیعن John Bunyan بذاتِ خود نجات دے کسی ثبوت دی تلاش وِچ، مہینیاں تیکر دُکھی رئے۔ آخر کار اُوہناں دے ذہن وِچ خیال آیا، ’’میری نجات آسمان وِچ اے۔‘‘ اُوہناں دا مطلب ایہہ سی کہ اُوہناں دے گناہ دی معافی کُج اینج سی جیویں خدا نے آسمان وِچ ویکھنا سی نا کہ خود اُوہناں نے ویکھنا سی۔ اُوہناں دی نجات مسیح وِچ سی، نہ کہ اِک احساس یا تاثر وچ یا زمینی ثبوت وِچ! اوہ، جی نئیں! اُوہناں نے کہیا، ’’میری راستبازی یسوع مسیح بخود سی۔‘‘ اُوہناں دی نجات دی واحد اُمید یسوع مسیح وِچ اٹکی ہوئی سی جیہڑا آسمان وِچ سی۔ ایہہ اے یسوع تے پروہسا کرن دا طریقہ! ایہہ اے گناہ توں بچن دا طریقہ!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔