ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جسمانی تے روحانی موت آدم توں آئی۔ آدم دے گناہ دی وجہ توں تمام نسل انسانی گنہگار پیدا ہوئی۔ اَسی سارے لوکی گناہ دی فطرت وِچ پیدا ہوئے آں۔ مگر مسیح دی راستبازی دی وجہ توں اُو تمام لوکی جیہڑے اُوہدے وسیلے نال بچائے نے اُو راستباز کیتے جاندے نے تے ہمیشہ دی حیاتی پاندے نے۔ آیت پینتالیس چہ اَسی پہلے آدم تے آخیرلے آدم دے بارے چہ پڑھنے آں۔ پہلا آدم نسل انسانی دے لئی اپنے گناہ دے ذریعے نال موت تے گناہ لہایا۔ آخری آدم، یسوع مسیح اُوہناں انساناں لئی جیہڑے اُوہدے تے اِک حقیقی تجربہ وِچ پرہوسا کردے نے نجات تے حیاتی لہایا۔ گناہ تے اُوہدی تلافی یا شفا بخشی دی تصویر تِن باغاں وِچ کھیچی جا سکدی اے، جیہڑے کہ گناہ تے نجات دی تشبیہات نے۔ میں اِیناں تیناں باغاں دے معنیاں دی وضاحت دے ذریعے نال زیادہ بہتر ہُور کوئی راستہ گناہ تے نجات دی اِک واضح تصویر پیش کرن دے بارے چہ سوچ وی نہیں سکدا۔

I۔ پہلی گل، آؤ پہلاں چند اِک منٹ باغِ عدن دے بارے چہ سوچیے۔

بائبل تعلیم دیندی اے کہ خُدا نے پہلاں انسان نوں تخلیق کیتا۔ بائبل تعلیم دیندی اے کہ اُوتھے اِک اصل انسان سی جنیوں خُدا نے باغِ عدن چہ رکھیا سی۔ ’’تے خُداوند خُدا نے مشرق وَل عدن چہ اِک باغ لگایا تے آدم نوں جنہوں اُوہنے بنایا سی اُوتھے رکھیا‘‘ (پیدائش2:8)۔ اِس انسان نوں باغِ عدن دی باغبانی تے نگرانی لئی تے دُنیا تے حکومت کرن لئی باغِ عدن وِچ رکھیا گیا سی۔ اُوہنوں حکم دِتا گیا سی کہ نیکی تے بدی دی پہچان دے درخت دا پھل نہ کھائے۔

’’لیکن تُوں نیک تے بد دی پہچان دے درخت دا پھل ہرگز نہ کھائِیں کیوں جے جدوں توں اُوہنوں کھائیں گا تے یقیناً مر جائیں گا‘‘ (پیدائش 2:17).

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

مگر شیطان باغ چہ آیا تے انسان نوں منع کیتے ہوئے پھل نوں کھان دی آزمائش وِچ مبتلا کیتا۔ اُوہنے اُوہنوں کھادا تے نسل انسانی تے خُدا دا عذاب لہایا۔ آدمی تے اُوہدی ووہٹی نوں باغ عدن توں باہر کڈ دِتا گیا۔ زمین دا ماحول وی خُدا دی نظر ہو گیا۔ خُدا دی نافرمانی کرن دی وجہ توں آدم دے گناہِ کبیرہ دے براہ راست نتیجے دے طور تے ساریاں جاندار شیواں لئی زمین اِک نامساعد تھاں بن گئی۔ موت آدم توں ساری نسل انسانی لئی منتقل ہو گئی۔ اینوں روحانی موت، خُدا توں بیگانگی تے سچائی لئی اندھے پن دے نال نال جسمانی موت وِچ واضح کیتا گیا۔ ڈاکٹر مارٹن لائیڈ جونز Dr. Martyn-Lloyd-Jones نے کہیا،

نسل انسانی دی تمام کہانی وِچ آدم دی وجہ توں کی ہویا سی اُوہدی تلخیص نوں اصطلاحات وِچ بیان کیتا جا سکدا اے… اُس ساری بدنصیبی، تے افسردگی، اخلاقی اِنقطاع، چوری، ڈاکے، قتل، طلاق، علیحدگی، ایناں تمام گلاں دے بارے چہ سوچو۔ ایہہ ایویں کیوں نے؟ تے کیوں اے ہمیشہ توں اینج ای رئیاں نے؟ تاریخ دیاں کتاباں سانوں دسدیاں نے کہ ایہہ ہمیشہ توں ای شیواں دا طریقہ رہیا اے۔ دُںیا اُس تمام توں جیہڑی ایہہ ہمیشہ توں رئی اے اَج کوئی مختلف نئیں اے۔ مگر ایہہ ایویں کیوں اے؟ پولوس رسول اِس سوال داجواب ایتھے [رومیوں5:12۔21 وِچ] دیندا اے۔ اُو کہندا اے کہ ایہہ تمام آدم دی وجہ توں اے، کہ ایس سب دا تعلق جو کُج آدم نے کیتا تے اُوہدے نال ساڈے تعلق دی وجہ توں اے (مارٹن لائیڈ جونز، ایم۔ ڈی۔ Martyn Lloyd-Jones, M.D.، رومیوں – پانجویں باب دی تفسیر Romans – Exposition of Chapter Five, ، دی بینر اور ٹرٹھ ٹرسٹ The Banner of Truth Trust، 2003، صفحہ 178)۔

بائبل اینوں انتہائی سادہ کر کے پیش کردی اے،

’’جیویں اِک بندے دے ذریعہ گناہ دُنیا وِچ داخل ہویا تے گناہ دی وجہ توں موت آئی ایویں ای موت سارے انساناں وِچ پھیل گئی کیوں جے سب نے گناہ کیتا‘‘ (رومیوں 5:12).

اُو موت جیہڑی ساڈے وِچ وراثت دے ذریعے توں متقل کیتی گئی اُوہدے چہ خُدا دے خلاف عداوت تے جارحیت تے کڑواہٹ شامل ہوندی اے،

’’ایس لئی کہ [غیرتبدیل شُدہ انسان دی] جسمانی نیت خُدا دی مخالفت کردی اے‘‘ (رومیوں 8:7).

ایہہ آدمیائی موت ساڈے انسانی دماغ نوں بائبل دی سچائی توں وی اَنّا کر دیندی اے،

’’مگر جیدے چہ خُدا دا پاک روح نئیں اے اُو خُدا دیاں گلاں نوں قبول نئیں کردا کیوں جے اُو اُوہدے لئی بے وقوفی دیاں گلاں نے تے نا ای اُو اُوہناں نوں سمجھ سکدا اے کیوں جے اُو صرف پاک روح دے ذریعے نال ای سمجھی جا سکدیاں نے‘‘ (1۔ کرنتھیوں 2:14).

اصلاحی مطالعۂ بائبل دی روح کہندی اے،

اصلاحی علم الہٰیات کا بہت زیادہ انحصار گناہ وِچ ڈِگن دی تاریخی حقیقت نال رہیا اے… آدم نوں حقیقت وِچ راستبازی چہ تخلیق کیتا گیا سی مگر اُو بدکاری تے فیصلے دی عادت چہ پے گیا… گناہ وِچ ڈِگن دی داستان فطرت دی پامالی تے انسانی گمراہی اِک قائل کر دین آلی تاریخی وضاحت مہیا کردی اے (اصلاحی مطالعۂ بائبل دی روح Spirit of the Reformation Study Bible، ژونڈروان اشاعتی گھر Zondervan Publishing House، 2003، صفحہ 14)۔

ایس لئی اَسی تاریخ دے شروع وِچ ای باغ عدن وِچ خُدا دے بارے چہ آدم دی ہولناک بدکاری دی بغاوت لئی نسل انسانی دی مخالفانہ طور تے باغی فطرت تے اَنّے پن تے گناہ دا سراغ لا سکنے آں۔ باغ عدن اُو تھاں اے جیتھے نسل انسانی نوں تباہ کرن لئی گناہ آیا۔ اَسی اینوں ’’موت دا باغ‘‘ بُلا سکنے آں۔

اَج شامی ایتھے تہاڈے وِچوں چند اِک لوکی تبدیل ہون دی جدوجہد وِچ نے۔ تُسی کہندے اُو کہ تُسی مسیح تے پرہوسا کرنا چاہندے اُو، مگر اینج کرن دے قابل ہوندے ہوئے وکھائی نئیں دیندے اُو۔ تہاڈے نال مسئلہ کی اے؟ تُسی آدم دے گناہ دی نسبت نال اَنّے کر دِتے گئے اُو جیہڑا تُسی اپنی مورثہ genes وِچ وراثت چہ پاندے اُو، تے جنہے تہاڈے انتہائی جان نوں زہریلا کر چھڈیا اے! بائبل کہندی اے کہ تُسی ’’قصوراں چہ مُردہ‘‘ ہو (افسیوں2:5)۔ تُسی مسیحی ہون دے بارے چہ سِکھ نئیں سکدے کیوں جے تہاںوں موت تیکر زہریلا کر دِتا گیا اے! تہاڈے لئی کوئی اُمید نئیں اے کیوں جے تہاڈی رگاں وِچ گناہ دا کالا سیال موجود اے، اُو سرطانی وائرس جیہڑا تہاڈے لہو وِچ عدن – موت دے باغ توں آیا!

اوہ! تہاڈے ہیبت ناک عفریت، گناہ،
کیہو جئیا عذاب تُسی لے کے آئے اُو!
ساری بدنصیبی دی وجہ تُسی ای اُو!
تُساں ای تباہ حال انسان نوں برباد کیتا
جدوں توں دُنیا دا آغاز ہویا اے۔
     (اَسی یسوع دے لہو دے بارے چہ زیادہ گل کرنے آں Much We Talk of Jesus’ Blood‘‘ شاعر جوزف ہارٹ Joseph Hart، 1712۔1768)۔

II۔ دوجی گل، آؤ گتسمنی دے باغ دے بارے چہ سوچو۔

یسوع نے فسح دا کھانا اپنے شاگرداں دے نال کھادا۔ اُس ویلے کافی رات ہو گئی سی جدوں اُوہناں نے اپنا کھانا ختم کیتا سی۔ اُوہناں نے حمدوثنا دا اِک گیت گایا تے باہر ٹُر گئے۔ اُو زیتون دی پہاڑی دے پہلو چہ زیتون دے درختاں دے اِک جُھنڈ وِچ یسوع دے پیچھے گئے۔ ایس تھاں نوں گتسمنی دا باغ کہیا جاندا سی۔ یسوع نے اپنے شاگرداں وِچوں اَٹھ نوں باغ دے سرے تے ای چھڈ دِتا۔ اُو پطرس، یعقوب تے یوحنا نوں باغ دی تاریکی وِچ لے گیا۔ اُو ہُن اِک شدید اذیت چہ مبتلا سی ’’حیرت ناک درد نال بھریا ہویا‘‘ – ’’انتہائی رنجیدہ‘‘ – ’’غم دی شدت نال جان نکلی جا رئی سی‘‘ (مرقس14:33، 34) – ’’غم دی شدت نال جان نکلی جا رئی سی‘‘ (نیو امریکی سٹینڈرڈ بائبل NASV)۔ فیر اُوہنے دعا منگی، ’’اے باپ جے تیری مرضی ہووے تے ایس پیالے نوں میرے اَگوں ہٹا لے‘‘ (لوقا22:42)۔ ’’ایہہ پیالہ‘‘ کی سی؟ زیادہ تر تبصرہ نگار کہندے نے کہ ایہہ اگلے دِن صلیب تے اُوہدی موت لئی اِک حوالہ سی۔ مگر اُو نظریہ عبرانیوں12:2 دی تردید کرتا اے، جیہڑی سانوں دسدی اے کہ یسوع نے ’’اُس خوشی لئی جیہڑی اُوہدی نظراں دے اَگے سی شرمندگی دی پرواہ نہ کیتی بلکہ صلیب دا دُکھ سہیا۔‘‘

سپرجیئن نے پوچھیا، ’’گتسمنی دے مخصوص رنج و غم دا سبب کی سی؟‘‘ اُوہناں نے کہیا ایہہ جسمانی اذیت نال نئیں آیا سی۔ اُوہناں نے کہیا کہ ایہہ اگلے دِن مذاق اُڑائے جان تے مصلوب کیتے جان دے خوف نال نئیں آیا سی۔ اُوہناں نے نشاندہی کیتی کہ بے شمار شُہدا اپنی موت وَل خوشی خوشی گئے سن۔ اُوہناں نے کہیا، ’’ساڈے آقا دے لئی [اُوہناں شُہدا] توں کمتر ہون دے بارے چہ سوچنا ای نئیں چائیدا، ایویں نئیں ہو سکدا کہ اُوہنوں کنبنہ چائیدا جیتھے اُو [شُہدا] بہادر سن۔‘‘اُوہناں نے کہیا کہ مسیح دی اذیت شیطان دے حملے نال وی نئیں آئی سی۔ اُوہناں نے کہیا کہ باغ وِچ مسیح دی اذیت دی سچی وجہ ایہہ سی: ’’ایہہ خُداوند دی مرضی سی کہ اُوہنوں کُچلے تے غمگین کرے؛ حالانکہ خُداوند اُوہدی جان نوں گناہ دی قربانی قرار دیندا اے‘‘ (اشعیا53:10)۔ ’’خُداوند نے اَسی ساریاں دی بدکاری اُوہدے تے پا دِتی‘‘ (اشعیا53:6)۔

ڈاکٹر آر۔ سی۔ ایچ۔ لینسکی Dr. R. C. H. Lenski نے کہیا، گتسمنی دی اذیت ہمیشہ ساڈے لئی اسرار توں بھرپور رئے گی… دُنیا دا گناہ، بلاشُبہ، یسوع دی تمام حیاتی وِچ اُوہدے وَلّوں فرض کر لہیا گیا سی، مگر ایتھے گتسمنی وِچ اُس مفروضے دے اعلیٰ ترین درجے دا لمحہ آ پہنچیا سی‘‘(آر۔ سی۔ ایچ۔ لینسکی، پی ایچ۔ ڈی۔ R. C. H. Lenski, Ph. D.، مقدس لوقا دی انجیل دی تاویل The Interpretation of St. Luke’s Gospel، اوگسبرگ اشاعتی گھر Augsburg Publishing House، 1946، صفحہ 1074)۔

میں یقین کرنا واں کہ یسوع نے ساڈے گناہ گتسمنی دے باغ وِچ ای خود تے چُک لئے سن۔ تے اینے اُوہنوں تقریباً مار ای ڈالیا سی – کیوں جے ’’خُداوند نے اَسی ساریاں دی بدکاری اُوہدے تے پا دِتی۔‘‘ ساڈے گناہ دے سبب توں ظاہر تے باطن دوواں وِچ کُچلیا گیا،

’’اُوہدا پسینہ لہو دی بونداں وانگوں زمین تے ٹپکن لگا‘‘ (لوقا 22:44).

اُو گتسمنی توں لے کے صلیب تیکر ساڈے گناہواں نوں چُک کے لے گیا، تے اگلے دِن اُوہناں لئی کفارہ ادا کیتا۔

رُکو! ایہہ مورمناں دا عقیدہ نئیں اے! تہاڈے وِچوں شاید کُج لوکی ایہہ گل جانندے ہوں کہ مورمن تعلیم دیندے نے کہ اُو لہو جیہڑا یسوع نے گتسمنی چہ بہایا سی سانوں معاف کردا اے۔ بُروس میکونکی Bruce McConkie، جیہڑے کہ اِک مورمن عالمِ الہٰیات نے، اُوہناں نے کہیا، ’’معافی مِلدی اے کیوں جے مسیح خداوند نے گتسمنی وِچ لہو دے عظیم قطرے بہائے‘‘(برُس آر۔ میکونکی Bruce R. McConkie، وعدہ کیتا گیا مسیحا The Promised Messiah، ڈیسرٹ بُک کمپنی Desert Book Company، 1978، صفحہ 337)۔ مگر ایہہ نئیں اے جیہڑا میں کہیا اے! میں کہیا اے کہ میں یقین کرنا واں کہ یسوع گتسمنی توں لے کے صلیب تیکر ساڈے گناہواں نوں چُک کے لے گیا، تے اُوتھے اُوہناں دا کفارہ ادا کیتا۔ ایہہ خوشخبری دا پہلا موضوع اے، ’’کلام مقدس دے مطابق مسیح ساڈے گناہواں لئی قربان ہویا‘‘ (1 کرنتھیوں15:3)۔ بائبل کہندی اے کہ مسیح نے ’’لہو دے سبب نال جیہڑا صلیب تے بہا صلح قائم کیتی‘‘ (کُلسیوں1:20)۔ ناکہ باغ چہ خونی پسینے دی وجہ توں! ساڈی نجات صرف اُسی لہو دے وسیلے نال آندی اے جیہڑا مسیح نے صلیب تے بہایا، ناکہ اُس لہو نال جیہڑا اُوہدی اُنگلی توں نکلیا جدوں اُو کٹی – تے نا باغ وِچ اُس خونی پسینے نال۔ صرف اُوہی لہو جیہڑا اُوہنے صلیب تے بہایا سانوں گناہ توں پاک صاف کر سکدا اے! ایویں، میرا نقطۂ نظر وی اُوہی اے جیہڑا سپرجیئن دا اے، جیہڑا اصلاحی عالم الہٰیات ڈاکٹر جے۔ اُولیور بس ویل Dr. J. Oliver Buswell دا سی، تے جیہڑا ڈاکٹر جان آر۔ رائس Dr. John R. Rice دا سی۔ ایتھے اُو پڑھن لئی جیہڑا ڈاکٹر بس ویل تے ڈاکٹر رائس نے گتسمنی تے لکھیا کِلک کرو۔ حوالاجات میرے واعظ ’’گتسمنی کی دھشتناکیاں‘‘ وِچ نے۔ Click here to read what Dr. Buswell and Dr. Rice wrote on Gethsemane. The quotations are in my sermon, “The Horror of Gethsemane”۔

کی ایہہ اِک اتفاق سی کہ انسان دا گناہ اِک باغ وِچ شروع ہویا سی تے مسیح نے ساڈے گناہ وی تے اِک ہُور باغ وِچ لادے سن؟ ایہہ اینج ای ہووے – تے ایس دے باوجود عظیم سپرجیئن ایس دے بارے وِچ تعجب کردے سن۔ اُوہناں نے کہیا،

اِسی اینوں ایویں نہ اپنائیے جیویں باغ وِچ سی، آدم دی خود زیادتی نے سانوں تباہ کر چھڈیا، ایس لئی اِک ہُور باغ وِچ دوجے آدم دی اذیتاں سانوں بحال کردیاں نے؟ گتسمنی اُوہناں بیماریاں لئی دوائی مہیا کردا اے جیہڑیاں عدن دا منع کیتا ہویا پھل کھان نال لگیاں سن۔ (سی۔ ایچ۔ سپرجیئن C.H. Spurgeon، ’’گتسمنی وِچ اذیت The Agony in Gethsemane،‘‘ میٹروپولیٹن عبادت گاہ دی واعظ گاہ The Metropolitan Tabernacle Pulpit، جلد بیسویں، پلگرم اشاعت خانے، 1971، صفحہ 589)۔

مگر ایہہ گل سانوں تیجے باغ وِچ لے آندی اے، تے اُو تِنوں باغ اِکٹھے رَل کے انسان دے گناہ وِچ ڈگن تے مسیح یسوع وِچ اُوہدی بحالی دی تصویر پیش کردے نے۔

III۔ تیجی گل، آؤ اُس باغ دے بارے چہ سوچن نال ختم کرنے آں جیس وِچ نجات دہندہ دی قبر سی۔

’’فیر اُوہناں نے یسوع دی لاش نوں لے کے اُوہنوں اُس خُوشبودار مسالے سیمت اِک سوتی چادر وِچ کفنایا جیویں یہودیاں چہ دفن کرن دا دستور سی۔ جس تھاں تے یسوع نوں مصلوب کیتا گیا سی اُوتھے اِک باغ سی تے اُوس باغ وِچ اِک نوی قبر سی جیدے چہ پہلاں کوئی لاش نئیں رکھی گئی سی۔ چونکہ ایہہ یہودیاں دی تیاری دا دِن سی تے قبر نیڑے سی، اُوہناں نے یسوع نوں اُوتھے رکھ دِتا‘‘ یوحنا 19:40۔42).

یسوع دے جسم نوں کلوری، جیتھے اُوہنوں مصلوب کیتا گیا سی دے نال باغ وِچ ایس قبر چہ رکھیا گیا سی۔ اُوہناں نے قبر دے مُنہ نوں اِک وڈے پتھر دے نال بند کر دِتا سی، تے اُوہنوں رومی مہر لا دِتی سی۔ اُوہناں نے رات بھر پہرہ دین لئی پہرے دار مقرر کیتے۔

اِتوار نوں سجری سویرے مریم مگدلینی تے اِک ہُور مریم باغ وِچ قبر تے یسوع دے بدن تے مُردہ جسم نوں محفوظ کرن آلے مسالے لے کے لان لئی آئیاں۔ جیویں ای اُو اُوتھے پہنچیاں تے اِک شدید زلزلہ آیا۔ اِک فرشتہ تھلے آیا تے قبر دے مُنہ توں پتھر نوں لڑھکایا۔ اُوہنے دونواں عورتاں نوں کہیا،

’’ڈرو مت، میں جاننا واں کہ تُسی یسوع نوں لبھ رئی اُو جیہڑا مصلوب ہویا سی۔ اُو ایتھے نئیں بلکہ جیویں اُوہنے کہیا سی، جی اُٹھیا اے‘‘(متی 28:5۔6).

جدوں اُو شاگرداں نوں دَسن لئی گئیاں، یسوع اُوہناں نوں مِلیا۔ ’’اُوہناں نے کول آ کے اُوہدے پاؤں پھڑ لئے تے سجدہ کیتا‘‘ (متی28:9)۔ اُوہنے اُوہناں نوں کہیا کہ اُوہناں نوں جانا چائیدا اے تے شاگرداں نوں دسنا چائیدا اے۔

یسوع دا مُردیاں وِچوں فیر زندہ ہو جانا مسیحیت دے دو اہم عقائد وِچوں اِک اے۔ اُوہدی ساڈے گناہواں دی ادائیگی لئی موت تے ساڈی حیاتی دین لئی اُوہدا جسمانی طور تے مُردیاں وِچوں فیر زندہ ہو جانا انجیل (خوشخبری) دے دو حصے نے۔ لفظ ’’انجیل‘‘ دا مطلب ’’خوشخبری‘‘ ہوندا اے۔ ایہہ خوشخبری اے کہ یسوع ’’ساڈی راستبازی لئی‘‘ مرُدیاں وِچوں جسمانی طور تے زندہ ہو گیا (رومیوں4:25)۔ اُوہدا مُردیاں وِچوں جی اُٹھنا اُوہناں لئی راستبازی تے حیاتی لہیاندا اے جیہڑے ایمان دے وسیلے نال اُوہدے وِچ اِک نے۔ جی اُٹھیا مسیح اُوہناں نوں بچاندا اے جیہڑے گناہ دی لعنت تے دائمی عذاب دی وجہ توں اُوہدے کول آندے نے۔

’’پہلا آدمی یعنی آدم زندہ نفس بان، آخری آدم [یسوع] حیاتی بخشن آلی روح بنیا‘‘ (1۔ کرنتھیوں 15:45).

پہلے آدم نے نوع انسانی نوں اپنی خُدا نال نافرمانی دے ذریعے توں گناہ تے موت وِچ جکڑ چھڈیا سی۔ آخری آدم مسیح، گناہ دی لعنت نوں ختم کرن تے سانوں حیاتی بخشن لئی آیا۔ جیویں کہ سپرجیئن اینوں لکھدے نے، ’’اَسی شاید نہ منیے کہ جدوں باغ وِچ آدم [دے گناہ نے] سانوں تباہ کیتا، پُتر اِک ہُور باغ وِچ [اُو آخری آدم] سانوں بحال کردا اے‘‘ (ibid.) تے مسیح، جیہڑا آخری آدم اے، باغ دے قبر وِچوں – تیجے باغ چہ مُردیاں وِچوں جی اُٹھیا۔

’’کیوں جے جدوں انسان دے ذریعہ موت آئی تے انسان ای دے ذریعہ نال مُردیاں دی قیامت وی آئی۔ تے جیویں آدم نال نسبت رکھن دی وجہ توں سارے انسان مردے نے اوویں ای مسیح نال نسبت رکھن آلے سب دے سب زندہ کیتے جان گے‘‘ (1۔ کرنتھیوں 15:21۔22).

ایتھے تہاڈے کول گناہ تے نجات دے عقائد دا خُلاصہ لبھدا اے جیہڑا سانوں اُوہناں تِناں باغاں دی شکل وِچ پیش کیتا گیا اے – گناہ دا باغ، دُکھاں دا باغ تے نوی حیاتی دا باغ!

ایہہ اِک خوبصورت تے سچا علم الہٰیات اے۔ مگر ایدے نال تہاڈا کی واسطہ اے؟ کُج وی نئیں جے تُسی نوے سرے توں جنم نئیں لہیا اے۔ تُسی حیاتی لنگہاؤ گے، مرو گے تے جہنم وِچ ٹُر جاؤ گے۔ تے ایہہ الفاظ میں تہانوں بائبل وِچوں دِتے نے جیہڑا تہاڈا پِچھا کرن گے، تے تہانوں عذاب چہ مبتلا کرن گے، ہمیشہ لئی۔ میں دعا کرنا واں کہ ایویں تہاڈے نال نہ ہووے۔ ایہہ تہاڈے نال نئیں ہووے گا جے تُسی خود نوں یسوع دے حوالے کر دیندے اُو تے اپنے دِل چہ اُوہدے تے پرہوسا کردے اُو۔

سوچو یسوع نے کِنا عظیم کم کیتا سی جدوں اُو دُکھ چُکن لئی آسمان توں تھلے ٹُر آیا سی، تہانوں گناہ توں بچان لئی لہو وگایا تے مر گیا۔ کی تُسی خود دے بارے چہ سوچنا چھڈ دیو گے تے صرف اُوہدے بارے چہ ای سوچو گے؟ کی تُسی خُود دا جائزہ لینا چھڈ دیو گے تے اپنے توں باہر نکل کے یسوع وَل ویکھو گے؟ کی تُسی خود اپنے ذہن تے خود اپنے احساسات دی بجائے اُوس تے پرہوسا کرو گے؟ پرانا حمدوثنا دا گیت دُرست سی جدوں اُوہنے کہیا، ’’نجات دہندہ تے اِک نظر پان نال نور ہوندا اے۔‘‘

اے جان، کی توں تباہ حال تے پریشان اے؟
تہنوں تاریکی چہ کوئی روشنی وکھائی نئیں دیندی؟
نجات دہندہ تے اِک نظر پان نال نور ہوندا اے،
تے اینی کثرت نال تے آزادانہ حیاتی ہوندی اے!
یسوع وَل اپنی نظراں چُک،
اُوہدے شاندار چہرے نوں بھرپور نگاہ نال ویکھ؛
تے [تیرے خوف تے شکوک] حیرت ناک طور تے مدھم پے جان گے،
اُوہدے فضل تے جلال دے نور وِچ۔
   (’’یسوع وَل اپنی نظراں چُک Turn Your Eyes Upon Jesus،
شاعر ھیلن ایچ. لیمل Helen H. Lemmel، 1863۔1961؛ ڈاکٹر ہائیمرز کی جانب سے ترمیم کیا گیا).

جے تُسی یسوع دے وسیلے نال بچائے جان دے بارے چہ ساڈے نال گل بات کرنا چاہندے اُو تے مہربانی نال اپنی نشست چھڈو تے ہُنے ای پنڈال دی پچھلی جانب ٹُرے آؤ۔ ڈاکٹر کیگن Dr. Cagan تہاڈی اِک ہُور کمرے وِچ رہنمائی کرن گے۔ جیتھے اَسی گل بات کر سکنے آں تے دعا منگ سکنے آں۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلامِ پاک وِچوں تلاوت پڑھی: لوقا22:39۔44 .
واعظ توں پہلے اکیلے گیت گایا سی:
’’یسوع وَل اپنی نظراں چُک Turn Your Eyes Upon Jesus
(شاعر ھیلن ایچ. لیمل Helen H. Lemmel، 1863۔1961؛ پادری کی جانب سے ترمیم کیا گیا).