ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جدوں اُوہنے اشعیا53 باب پڑھیا تے حبشی خواجہ نے کہیا، ’’مہربانی نال مینوں دس کہ نبی ایہہ گلاں کیس دے بارے چہ کہندا اے؟ اپنے یا کسی ہُور دے بارے چہ؟‘‘ فلپس مبشرِ انجیل نے کتاب مقدس دے اُوسی حصے اشعیا53 باب توں شروع کر کے اُوہنوں ’’یسوع دے بارے چہ خوشخبری سُنائی‘‘ (اعمال8: 34)۔ ہُن اَسی کلام مقدس وِچوں اشعیا دے پچاسویں باب تے آیت چھ تے آنے آں۔ فیر توں اَسی پُچھنے آں ’’مہربانی نال مینوں دس کہ نبی ایہہ گلاں کیس دے بارے وِچ کہندا اے؟ اپنے یا کسی ہُور دے بارے چہ؟‘‘ تے فیر توں جیویں فلپس نے کیتا، سانوں ایس آیت توں شروع کرنا چائیدا اے تے تہانوں خوشخبری سُنانی چائیدی اے! ایہہ یقینی طور تے اُوہناں آیتاں وِچوں اِک اے جیس دی یسوع نے نشاندہی کیتی کہ جدوں اُوہنے شاگرداں نوں دسیا کہ اُو چھیتی ای جیہڑا انبیاء نے اُوہدے بارے وِچ لکھیا اُوہنوں پورا کرے گا۔ یسوع اپنے شاگرداں دی اَخریلی وری یروشلم وَل رہنمائی کر رہیا سی۔ اُوہنے اُوہناں نوں کہیا،

’’ویکھو اَسی یروشلم جا رئے آں تے نبیاں نے جیہڑا کُج ابنِ آدم دے بارے وِچ لکھیا اے اُو پورا ہووے گا۔ کیوں جے اُو غیریہودی لوکاں دے حوالے کیتا جائے گا تے اُو اُوہنوں ٹھٹھیاں وِچ اُڑان گے، [بے عزت کرن گے]، تے اُوہدے تے تُھوکن گے۔ اُوہنوں کوڑے مارن گے تے قتل کر دین گے…‘‘ (لوقا18: 31۔33)۔

اشعیا50: 6 وِچ جیویں کہ اَسی ویکھنے آں کہ کوڑے مارے جان تے تھوکے جان دے بارے وِچ ایس قدر واضح پیشن گوئی یقینی طور تے خداوند یسوع مسیح دی نشاندہی کردی اے۔ عظیم عبرانی عالم تے تبصرہ نگار ڈاکٹر جان گِل Dr. John Gill (1697۔1771) بے خوفی نال کہندے نے کہ ایہہ باب مسیح دے بارے وِچ گل کردا اے، جیویں کہ مشہور تے معروف تبصرہ نگار میتھیو ھنری Mathew Henry (1662۔1714) کہندے نے۔ جدید تبصرہ نگار ڈاکٹر ایڈورڈ جے۔ ینگ Dr. Edward J. Young (1907۔1968) نے ساڈی تلاوت دے بارے چہ کہیا،

صرف اُو ای اکلا جیہڑا کُلی طور تے گناہ دے بغیر اے، ایس قدر دُکھاں دے بغیر کسی بغاو ت دے جذب توں لنگ سکدا اے۔ ایس ای وجہ توں، جیویں کہ پائیپرPieper نے ایس قدر دُرست طور تے نشاندہی کیتی، کہ جیویں ایتھے بنی اسرائیل قوم دے بارے وِچ بیان کر رہیا اے، پاویں ایس گل دا بہترین حصہ ای کیوں نہ ہووے، اُو اِک ایہو جئی تصویر پیش کر رہیا اے جیہڑی غلط تے جھوتی اے۔ صرف واحد اُوہی ایس قدر صبر دے نال برداشت کر سکدا اے جیہڑا گناہ دے بغیر اے، خدا دا مسیح (ایڈورڈ جے۔ ینگ، پی ایچ۔ ڈی۔ Edward J. Young, Ph.D.، اشعیا دی کتاب، جلد سوئم، باب 40۔66 ، عئیرڈ مینز اشاعتی کمپنی Eerdmans Publishing Company، 1972، صفحہ 301)۔

تے سپرجیئن جیہڑے ’’مبلغین دے شہزادے‘‘ نے، اُوہناں نے کہیا، ’’اَسی یقین کرنے آں کہ ایس آیت وِچ گل کرن آلا یسوع ناصری اے، یہودیاں بادشاہ، خدا دا پتر تے ابنِ آدم، سانوں مخلصی بخشن آلا… اشعیا مسیح دی خوشخبری دین آلیاں وِچوں اِک ہو سکدا اے جِنہے ایس قدر بجا طور تے اُو سب کُج بیان کیتا جِنہوں ساڈے نجات دہندہ نوں برداشت کرنا پیہیا‘‘ (سی۔ ایچ۔ سپرجیئن C. H. Spurgeon، ’’اُو شرمندگی تے تُھوکیا جانا The Shame and Spitting،‘‘ میٹروپولیٹن عبادت گاہ دی واعظ گاہ The Metropolitan Tabernacle Pulpit، پِلگِرم اشاعت خانے Pilgrim Publications، 1972، جلد پچیس XXV، صفحات 421، 422)۔

’’میں اپنی کنڈ مارن آلیاں دے تے اپنی داڑھی نوچن آلیاں دے حوالے کر دِتی۔ تحضیک تے تھُک توں بچن دے لئی میں اپنا مُنہ نہ لُکایا‘‘ (اشعیا50: 6)۔

اَج سویری مٰں تہانوں مسیح یسوع تے نظر پان دے لئی کہنا واں، تے اُوہدے بارے چہ گہرائی دے نال سوچن دے بارے وِچ کہنا واں جِنہے تہانوں بچان دے لئی ایس قدر درد تے اذیت نوں برداشت کیتا۔ کُج ویہلیاں دے لئی اپنے توں پراں ہو کے اُوہدے تے نظر پاؤ۔

I۔ پہلی گل، یسوع تے متجسم خدا دی حیثیت نال نظر پاؤ۔

خداوند یسوع مسیح وِچ، خدا ساڈے کول انسانی جسم وِچ آیا۔ اُوہدی پیدائش دے موقع تے اُوہنوں ’’عمانیوئیل، جیس دا ترجمہ خدا ساڈے نال کیتا گیا‘‘ کہا گیا اے (متی1: 23)۔ خدا مسیح وچ ساڈے وِچکار ہیٹاں رہن دے لئی آی۔ اپو الوہیت دی ساری قوت دے نال ساڈے وِچکار ہیٹاں آیا۔ اوہنے اُوہناں نوں کھوایا جیہڑے بُھکے سن۔ اُوہنے بیماراں نوں شفا دِتی۔ اُوہنے مُردیاں نوں زندہ کیتا۔ اُوہنے بدروحواں نوں کڈیا۔ اُو گلیل دے سمندر وِچ پانی تے ٹُریا۔ اپنے حکم نال اُوہنے اُوہناں دے جال نوں مچھلیاں دے نال بھر دِتا۔ اُوہنے ہزارہاں نوں کھانا کھووان دے لئی مچھلیاں تے روٹیاں نوں کئی گُناہ ودھا دِتا۔ اُوہنے خدا باپ دے معجزے کیتے، تے اُو معجزے ثابت کردے نے کہ یسوع خدا دا پتر سی۔

چند اِک لوکاں نے ای پہچانیا کہ اُو کون سی۔ لیکن اُو انتہائی گھٹ سن، لہٰذا کہیا جا سکدا اے کہ ’’اُو اپنے لوکاں وِچ آیا تے اُوہدے اپنے لوکاں نے ای اُوہنوں قبو نئیں کیتا‘‘ (یوحنا1: 11)۔ اُوہناں نے تھوڑا جیہا پہچانیا کہ اُو کسی دوجے انسان وانگوں نئیں سی۔ ایس دے باوجود اُو چیخے سن، ’’ایہنوں دور کرو، ایہنوں دور کرو‘ ایہنوں سولی تے لمکا دیو‘‘ (یوحنا19: 15)۔ ایہہ سی جیہڑا اُوہناں نے اُوہدے بارے چہ کہیا جیہڑا آسمان توں اُوہناں دے لئی اُتریا سی!

اُو اُوہناں دے کول اُوہناں نوں برکت دین دے لئی آیا۔ اُو گناہواں دے اِک دھبے دے بغیر اُوہناں دے کول آیا۔ ایتھوں تیکر کہ رومی گورنر نے وی کہیا، ’’میں تے ایس بندے نوں مجرم نئیں سمجھدا‘‘ (یوحنا18: 38)۔ اُو محبت تے شرافت دی بھرپوری دے نال آیا۔ اُو اُوہناں نوں جیہڑے تھکے ماندے تے بیمار سن حوصلے دے الفاظ کہن دے لئی آیا۔ اُو اُوہناں نوں آرام دین لئی آیا جیہڑے دبے ہوئے تے شکست حوصلہ سن۔ اُو لوکاں دے وِچکار گیا۔ اُوہنے ٹھکرائے ہوئیاں تے گنہگاراں دے نال کھانا کھایا۔ اُوہنے نکے بالاں نوں اپنے بازوواں وِچ چکیا، تے اُوہناں نوں برکت دِتی۔ مگر اُوہنوں خوش آمدید کہن دے بجائے اُوہدے تے ظالمانہ دُرّے تے نال ادھ مریا ہون تیکر کوڑے برسائے گئے۔ اُہنوں عزت بخشن دے بجائے اُوہنوں مسترد کیتا گیا تے اُوہدے نال بے شرمی دا برتاؤ کیتا گیا۔ اُوہناں نے اُوہدی داڑھی دے وال پُٹے۔ اوہناں نے اُوہناں مخول اُڑایا تے اُوہدے چہرے تے تُھوکیا۔ تھوکنا تے کوڑے برسانا ظاہر کردا اے کہ نسل انسانی خدا دے نال کی کردی اے۔ ایہہ ظاہر کردا اے کہ لوکی خدائے قادر دے نال جے اُوہناں دے بس چہ ہووے تے کی کر سکدے نے۔ جوزف ہارٹ Joseph Hart ایہنوں بوہتی خوبصورتی دے نال بیان کردے نے،

ویکھو یسوع کیس قدر صبر دے نال کِھلوتا اے،
   ایس قدر [ہولناک جگہ تے] ذلت دی حالت وِچ!
جتھے گنہگاراں نے قادرِ مطلق دے ہاتھاں نوں بن دِتّا،
   تے اپنے خالق دے مُنہ تے تُھک دِتّا۔
(’’یسوع دی شدید چاہت His Passion‘‘ شاعر جوزف ہارٹ، 1712۔1768؛ ڈاکٹر ہائیمرز کولوں ترمیم کیتا ہویا)۔

جدوں اِک بندہ گرجا گھر جان توں انکار کردا اے تے اُو خدا دے چہرے تے تُھوکدا اے۔ جدوں اِک بندہ ’’نئیں‘‘ کہندا اے جدوں اوہنوں نجات دہندہ تے پروہسا کرن دے لئی کہیا جاندا اے، تے اُو چھانٹا لے کے اوہدی کمر تے کوڑے برساندا اے! گناہ دا ہر عمل یسوع دی کمر توں کھل ادھیڑن وانگوں اے۔ سارے گناہ خدا تے اُوہدے پُتر دے لئی ذلت نے۔ اُو جیہڑے خوشخبری سُن چکے نے تے یسوع تے پروہسا کرن توں انکار کردے نے اُوہناں لوکاں وانگوں نے جیہڑے یسوع دے چہرے تے چنڈاں تے مُکے ماردے نے۔ اُو جیہڑے یسوع نے ٹھکرانا جاری رکھدے نے اُوہناں وانگوں نے جِنہاں نے یسوع دے گلاں توں [داڑھی دے] وال پُٹے سن۔ چند ویہلیاں دی لذت دے لئی تُسی خدا دی محبت نوں ٹھکرا دیندے اُو۔ اُوہدے پُتر نوں شرمندہ کردے اُو، تے جہنم دی اَگ وِچ ہمیشہ دی حیاتی لنگہان دا خطرہ مُل لہیندے اُو۔

میرے خدا! میرے خدا! اَس انسان کیس قدر گناہ توں بھر نسل آں! ایس شہر وِچ اُوہناں بے شمار لوکاں دے بارے وِچ سوچنا اِک ہولناک گل اے جیہڑے یسوع دی محبت نوں مسترد کردے نے تے اُوہدے اذیت زدہ چہرے تے تھوکدے نے! میں شاید تہاڈی ظالمانہ تردید نوں شیطانی کہہ سکنا واں۔ شیاطین نے وی ایہو جیہا گناہ نئیں کیتا سی جیویں کہ تسی کردے اُو۔ اوہناں دے گناہ کر چکن دے بعد اُوہناں دے کول یسوع دے وسیلے توں بچائے جان دے لئی کوئی موقع ای نئیں سی۔ اوہناں دے بغاوت کر چکن دے بعد اُوہناں دے کول یسوع دے لہو دے وسیلے توں دُھل کے پاک صاف ہون دے لئی کدی کوئی موقع ای نئیں ملیا۔ مگر تہانوں اِک دے بعد دوجا موقع ملدا رہیا اے۔ تے ایہدے باوجود تُسی اپنے نجات دہندہ دے چہرے تے اُوہدے مسترد کرن دی وجہ توں تھوکدے او۔ تہانوں اُوہدے تے نظر پانی چائیدی اے جیہدے نال تُسی بے شرمی وگرا برتاؤ کیتا، تے اُوہدے لئی ماتم کیتا۔ اوہ، خدا دا روح تہانوں کنبدے ہوئے تے اتھروواں دے نال توبہ کرن دے لئی تحریک دیوے!

’’میں اپنی کنڈ مارن آلیاں دے تے اپنی داڑھی نوچن آلیاں دے حوالے کر دِتی۔ تحضیک تے تھُک توں بچن دے لئی میں اپنا مُنہ نہ لُکایا‘‘ (اشعیا50: 6)۔

II۔ دوجی گل، یسوع تے گنہگاراں دے لئی متبادل دی حیثیت نال نظر پاؤ۔۔

جدوں ساڈے خداوند یسوع مسیح نے دُکھ چکے تے اُو اَسی گنہگاراں دے لئی سی۔ بائبل کہندے اے،

’’اُو ساڈی خطاواں دے سبب توں گھائل کیتا گیا، تے ساڈی بداعمالی دی وجہ توں کُچلا گیا۔ جیہڑا سزا ساڈی سلامتی دی وجہ بنی اُو اوہنے چُکی تے اُوہدے کوڑے کھان نال اَسی شفایاب ہوئے‘‘ (اشعیا53: 5)۔

مسیح دے کوڑے کھان تے اُوہدے کُچلے جان دے وسیلے دے نال نال اُوہدے موت دے وسیلے توں وی اَسی گناہ دی بیماری توں شفایاب ہونے آں۔

یسوع نے ساڈے گناہ نوں خود تے لد لہیا۔ ساڈے گناہ نوں چکن دے لئی اُوہدے نال اُونج دا ای برتاؤ کیتا جانا سی جیویں گناہ دے نال برتاؤ کیتا جاندا اے۔ گناہ کوڑے کھان دا مستحق اے۔ اُو اپنے اُتے تھوکے جان دا مستحق اے۔ اُو مصلوب کیتے جان دا مستحق اے۔ تے چونکہ یسوع نے ساڈے گناہ اپنے تے لد لئے سن، تے اُوہنوں شرمندہ ای کیتا جانا سی۔ اُوہنے کوڑے ای مارے جانے سن۔ جے تُسی ویکھنا چاہندے اُو کہ خدا گناہ دے بارے وِچ کی سوچدا اے تے مسیح تے نظر پاؤ، جیہدے تے سپاہیاں نے تھوکیا سی، جیہدی کمر نوں کوڑیاں نال اُدھیڑ ڈالیا گیا سی، تے جیہدی داڑھی دے وال تیکر پُٹ دِتے گئے سن۔ تے تہانوں تے مینوں گنہگار ہون تے کوڑے مارے جاندے تے گھونسے تے مُکے مارے جاندے تے تحقیر کی جاندی تے اَسی ایس قدر حیرت زدہ نہ ہوندے۔ مگر اُو جِنہے ساڈے گناہواں نوں خود اپنے جسم تے لد لہیا سی خدا سی۔ چونکہ یسوع نوں ساڈی تھاں تے رکھیا گیا سی، ساڈے متبادل دے طور تے، تے خدا باپ دے بارے وِچ کلام مقدس وِچ لکھیا اے، ’’جِنہے خود اپنے پتر نوں وی نئیں بخشیا‘‘ (رومیوں8: 32)۔ ’’ایہہ خداوند دی مرضی سی کہ اُوہنوں کُچلے تے غمگین کرے‘‘ – اُوہنے یسوع دی جان نوں گناہ دی قربانی قرار دِتا (اشعیا53: 10)۔ جدوں ساڈے گناہ دے لئی یسوع نوں منسوب کیتا گیا تے ایہدے توں پہلاں کہ اُوہدے داغ نوں مٹایا جاندا، ایہنے اینہوں انتہائی شدید شرمندگی تے اذیت وِچ ڈیگ دِتا۔

ایہہ وی یاد رکھو کہ یسوع نے اپنی مرضی نال تہاڈی تھاں لین دے لئی خود نوں پیش کیتا۔ اوہنے ایہہ اپنی مرضی نال کیتا سی۔ تلاوت کہندی اے، اُوہنے اپنی پیٹھ مارن آلیاں دے حوالے کر دِتی۔ اوہنے اپنے گل اوہناں دے حوالے کر دِتے۔ جِنہاں نے اُوہدی داڑھی دے وال پُٹے۔ اوہنے شرمندگی تے تھوکے جان تے اپنے چہرے نوں لُکہایا نئیں سی۔ اوہنے ذلت و رسوائی تے شرمندگی توں نٹھن دی کوشش نئیں کیتی سی۔ اُوہنے آزادانہ طور تے خود نوں تہاڈی تھاں تے تہاڈے گناہواں دی سزا پان دے لئی کھڑا کر دِتا سی۔ خدا دے پتر نوں جان بجھ کے تہاڈے لئی لعنتی بنایا گیا۔

اُو جیہڑا آسماناں نوں تاریکیاں دے نال ڈھک دیندا اے، اُوہنے خود اپنے چہرے نوں نئیں لُکہایا۔ اُو جہیڑا کائنات نوں کمر بند دے نال باندھدا اے اُوہنوں اُوہناں انساناں دے ذریعے توں جِنہاں نوں اُوہنے تخلیق کیتا اَکھاں تے پٹی بن کے اَنّا کیتا گیا تے رسیاں نال جکڑیا گیا۔ اُو جیہدا چہرہ سورج وانگوں چمکدا اے اُوہدے تے تھوکیا گیا۔ فرشتیاں تے کیوں نئیں تھوکیا گیا؟ کی نجات دہندہ دے چہرے توں علاوہ ہور کوئی تھاں تھوکن دے لئی نئیں سی؟ کاش میں خواہش کر سکدا کہ انسان نوں کدی تخلیق ای نہ کیتا جاندا بجائے ایس دے کہ اُوہدے بارے وِچ ایس قدر دھشت دے اِرتکاب دے سُنندا!

چونکہ اُو تہانوں بچان دے لئی ایس سب وِچوں لنگہیا، تے کہ تُسی اُوہدے تے اپنے متبادل دے طور تے پروہسا کرو گے؟ جے تُسی کرو گے تے تہاڈی سزا اُوہدے ساری مخلصی دین آلے لہو دے وسیلے توں اِک لمحے وِچ مِٹا دِتی جائے گی!

III۔ تیجی گل، یسوع تے تُسی خود اپنے نجات دہندہ دی حیثیت نال نظر پاؤ۔

تُسی سُن چکے اُو تے ایس دے باوجود ہُنے تیکر نجات دہندہ نوں مسترد کیتے ہوئے اُو۔ ایہہ اینج ای اے جیویں مسیح آیا اے، تہانوں حیاتی دی روٹی پیش کیتی اے تے تُسی اپنے ہتھ پِچھے کر لہیئے نے تے کہندے اُو، ’’میں ایہنوں نئیں چاہنا واں۔‘‘ جے ایہہ خدا دے چہرے تے تھوکنا نئیں اے تے فیر میں نئیں جانندا ہور کی اے۔

کی تہانوں ہُنے تیکر احساس نئیں ہویا کہ یسوع ایس ساری اذیت وِچوں تے دُکھ وِچوں محض تہاڈے لئی لنگہیا – صرف کیوں جے اُو تہاڈے نال محبت کردا اے؟ کی تُسی اُوہدے تے نظر پان دے لئی، تے اُوہدے بارے چہ سوچن دے لئی، تے اِک لمحے دی اُوہدے نال محبت دے لئی، خود اپنے بارے وِچ خیالات نال ایہنی جئی دیر دے لئی مُنہ نئیں موڑ سکدے؟ کی تُسی محض اِک لمحے دے لئی یسوع دے نال محبت نئیں کر سکدے؟ حمدوثنا دا گیت ’’نجات دہندہ تے اِک نظر پان دے نال نور ہو جاندا اے There’s light for a look at the Saviour‘‘ کہندا اے۔ خود تہاڈے اپنے خیالات تے احساسات توں اِک لمحے دے لئی مُنہ موڑ لہینا کافی ہووے گا۔ کی تُسی خود دی غلامی دے گھر توں فرار نئیں ہو سکدے – خود تہاڈی اپنی ذات – محض صرف اِک لمحے دے لئی؟ ’’تُسی میرے وَل مُڑو تے نجات پاؤ‘‘ (اشعیا45: 22)۔ اُوہدی لہو نال رِسدی پیٹھ توں اُدھیڑی کھل دیاں پٹیاں، اُوہدے وَل ویکھو۔ اُوہدے دُکھدے زخماں توں وگدے لہو دے نال چہرے تے نظر پاؤ جیہدھروں اُوہدے داڑھی دے والوں نوں اُکھیڑیا گیا سی۔ اُوہدے گلاں توں ہیٹاں وگدے تھوک دے نال اُوہدے چہرے تے نظر پاؤ۔ خود اپنے لہو دے تالاب وِچ چیخدے ہوئے ہجوم تے نظر پاؤ، جدوں اُو چلاندے نے، ’’ایہنوں سولی تے لمکا دیو! ایہنوں سولی تے لمکا دیو! ایہنوں سولی تے لمکا دیو!‘‘ اُوہدے تے خود اپنی سولی نوں چُک کے لے جاندے ہوئے نظر پاؤ، جیہدے وزن ہیٹاں اُو بار بار ڈِگدا اے، اُوہدے وزن دے ہیٹاں بے ہوش ہوندا اے۔ اُوہدے تے نظر پاؤ – جدوں کیلاں اُوہدے ہتھاں تے پیراں نوں چھیددیاں نے، تے اُو اُوہدا مذاق اُڑاندے نے تے اُوہدے تے چیخدے چِلاندے نے۔ اُوہدے تے نظر پاؤ جیہڑا تہاڈے لئی سولی تے مر رہیا اے! جی ہاں، تہاڈے لئی! کی تُسی خود اپنے احساسات، اپنی خود دی ماڑی جیہئی خودغرضانہ حیاتی جیہڑی محض اِک لمحہ یسوع دے بارے وِچ سوچن دے لئی کافی اے، اُوہدے بارے چہ سوچن دے لئی خود تے زبردستی نئیں کر سکدے؟ ’’نجات دہندہ تے اِک نظر پان دے نال نور ہو جاندا اے۔‘‘

ہو سکدا اے کہ میں شاید ایہنوں چنگی طریقے نال واضح نہ کیتا ہووے۔ شاید میں بوہتا کہہ گیا واں یا ایہنوں بہتر کہہ دِتا ہووے۔ ہو سکدا اے کہ میں منادی کرن توں پہلاں بوہتی دعا نہ کیتی ہووے۔ مگر جیہڑی وی کمیاں یا غلطیاں میرے توں اَج سویرے ہوئیاں، یسوع نے کوئی نئیں کیتیاں سن۔ تے ایہہ اُو ای اے، میں نئیں آں، جیہڑا تہانوں اُوہدے تے نظر پان دے لئی تے بچائے جان دے لئی بُلاندا اے۔ تے تہانوں بالکل ہُنے کہندا اے، ’’تُسی میرے وَل مڑو تے نجات پاؤ۔‘‘ تُسی کہندے اُو، ’’میں اُوہنوں محسوس ای نئیں کر سکدا۔‘‘ تہانوں اُوہنوں محسوس کرن دی لوڑ ای نئیں اے! محض اُوہدے تے نظر پاؤ۔ تُسی کہندے اُو، ’’میرے توں شاید غلطی ہو جائے۔‘‘ تہانوں ایس بارے وِچ پریشان ہون دی لوڑ نئیں اے۔ تُسی پہلاں وی ایس دی وجہ توں پریشان سی – مگر ہُن کوئی وی پریشانی نئیں ہو سکدی! صرف اُوہدے تے نظر پاؤ۔ ایتھوں تیکر کہ اِک سرسری نظر نال وی کم چل جائےگا۔ ’’تُسی میرے وَل مڑو تے نجات پاؤ۔‘‘

میں سمجھن دے لئی ماہر نئیں آں
   خدا دی کی مرضی سی، خدا دا کی منصوبہ سی؛
میں صرف جاننا واں کہ اُوہدے سجے ہتھ تے
   اُو اے جیہڑا میرا نجات دہندہ اے!

میں بِلاشُبہ اُوہدے کلام نوں قبول کرنا آں؛
   ’’مسیح گنہگاراں دے لئی مریا،‘‘ ایہہ میں پڑھیا؛
ایس لئی میرے دِل نے اِک لوڑ نوں محسوس کیتا
   کہ میرا نجات دہندہ اُوہنوں ای ہونا چائیدا اے!

کہ اُوہنوں اپنے اعلیٰ مقام نوں چھڈنا پیہیا
   تے گناہ توں بھرپور انسان دے لئی مرن نوں آیا،
تسی ایہنوں عجیب سمجھو گے؟ اینج ای کدی میں سمجھیا،
   اپنے نجات دہندہ نوں جانن توں پہلاں!
(’’میں سمجھن دے لئی ماہر نئیں آں I Am Not Skilled to Understand‘‘ شاعرہ ڈورا گرینویل Dora Greenwell، 1821۔1882؛ بطرز ’’میں جیہو جییہا وی آں Just As I Am‘‘)۔

یسوع وَل اپنی نظراں چکو،
   اُوہدے شاندار چہرے نوں بھرپور نگاہ نال ویکھو؛
تے [تہاڈے خوف تے شکوک] حیرت ناک طور تے گھٹ جان گے
   اُوہدے فضل تے جلال دے نور وِچ
(’’یسوع وَل اپنی نظراں چکو Turn Your Eyes Upon Jesus‘‘، شاعر ھیلن ایچ. لیمل Helen H. Lemmel، 1863۔1961؛ پادری نے ترمیم کیتی).

جے تُسی یسوع وَل ویکھن دے لئی تیار اُو تے مہربانی نال ہُنے اپنی نشست چھڈو تے اجتماع گاہ دے پچھلے پاسے ٹُر جاؤ۔ ڈاکٹر کیگنDr. Cagan تہانوں اِک دوجے کمرے وِچ لے جان گے جیتھے اَسی گل بات کر سکاں گے۔ مہربانی نال جے تُسی ساڈے نال گل کرنا چاہندے اُو تے ہُنے ای جاؤ۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔