ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع دے سولی تے مرن توں اِک رات پہلاں اُو اپنے شاگرداں نوں گتسمنی دے باغ وِچ لے گیا۔ رات دا بوہتا ویلہ ہو گیا سی، شاید ادھی رات۔ یسوع نے اُٹھ کے شاگرداں نوں باغ دے کنارے تے ای چھڈیا۔ اُو پطرس تے یعقوب تے یوحنا نوں باغ وِچ اندر تیکر لے گیا۔ اُو بوہتا بیقرار تے پریشان ہون لگا‘‘ (مرقس14: 33)۔ فیر چند قدم اَگے ٹُر کے اُو زمین تے سجدے وِچ ڈِگ گیا۔ اُوہنے اذیت وِچ دعا کیتی کہ جے ممکن ہوئے تے ’’ایہہ گھڑی میرے توں ٹل جائے‘‘ (مرقس14: 35)۔ میں یقین کرنا واں کہ گتسمنی دے باغ وِچ دعا دا کُل دورانیہ تقریباً اِک گھنٹے دے قریب سی – کیوں جے یسوع نے جدوں اُوہناں نوں سوندیاں ہویاں پایا تے اُوہناں نوں کہیا سی، ’’کی تُسی گھنٹہ بھر وی میرے نال بیدار نئیں رہ سکے؟‘‘ (متی26: 40)۔

گتسمنی دے باغ وِچ اَدھی رات دے ویلے – یسوع دے نال کُج ہولناک ہویا سی۔ یسوع نے کہیا، ’’غم دی شدت نال میری جان نکلی جان رئی اے‘‘ (متی26: 38)۔ یونانی لفظ ’’پیری لوپسperilupos‘‘ دا مطلب ہوندا اے ’’غم دی نال گِھر جانا۔‘‘ اُو زبور نویس دے نال کہہ سکدا اے، ’’پاتال دیاں اذیتاں میرے تے آ پیئیاں‘‘ (زبور116: 3)۔ غم دیاں لہراں تے موجاں اُہدے اُتوں دی لگن گئیاں۔ اُوہدے اُتے، اُوہدے ہیٹاں، اُوہدے آلے دوالے، اُوہدے ظاہر وِچ تے اُوہدے باطن وِچ – سارا غم ای غم سی – حتیٰ کہ مرن تیکر – ایہو جیہا غم کہ اُو اُوہدے نال تقریباً مارا ای گیا سی! اُوس اذیت توں کوئی فرار نئیں ہویا سی! کوئی رنج ایہدے مقابلے چہ بدترین نئیں ہو سکدا اے! اُو ایہدی ہولناکی دے نال ایس قدر نچوڑا گیا سی کہ ’’اُوہدا پسینہ لہو دی وڈی وڈی بونداں وانگوں زمین تے ٹپک رہیا سی‘‘ (لوقا22: 44)۔

جی ہاں،بائبل سانوں دسدی اے کہ یسوع ’’اِک غمگین انسان سی جیہڑا غم توں آشنا نئیں سی‘‘ (اشعیا53: 3)۔ مگر اُو سارا ویلہ منُہ لٹکائے اُداس چہرے دے نال نئیں پھردا سی۔ اُو رنج توں آشنا سی۔ اُو غم نوں جانندا سی۔ مگر زیادہ تر یسوع اِک پُرامن، خوش مزاج بندہ سی۔ اُو ایہنی بوہتی ضیافتاں وِچ گیا سی کہ فریسیاں نے گِلہ کیتا تے کہیا، ’’ایہہ شرابی، محصول لین آلیاں تے گنہگاراں دے نال کھاندا پیندا اے‘‘ (متی11: 19، وغیرہ وغیرہ)۔

مگر گتسمنی وِچ سب کُج بدل گیا اے۔ اُوہدا سکون جا چکیا اے۔ اُوہدی خوشی انتشار وِچ بدل جاندی اے۔ ’’پیری لوپسperilupos‘‘ – غم نال گِھر جانا، ایس دی وجہ توں ادھ موا ہو کے نچُڑ جانا!

یسوع نے مشکل دے نال ای اپنی ساری حیاتی دے دوران غم یا ذہنی دباؤ دے بارے وِچ اِک لفظ کہیا۔ مگر ہُن، اُوس باغ وِچ، سب کُج بدل جاندا اے۔ اُو خدا دے اَگے پکاردا اے، ’’جے ممکن ہووے تے ایہہ پیالہ میرے توں ٹل جائے‘‘ (متی26: 39)۔ اُوس توں پہلاں کدی وی گِلہ نئیں کیتا گیا سی۔ مگر ہُن ’’اُو سخت درد و کرب وِچ مبتلا ہو کے ہُور وی دلسوزی دے نال دعا کرن لگا تے اُوہدا پسینہ لہو دی وڈی وڈی بونداں وانگوں زمین تے ٹپکنے لگا‘‘ (لوقا22: 44)۔ کیوں؟ یسوع کیوں؟ تہاڈے مصائب دی وجہ کی اے؟

ڈاکٹر جان گِل Dr. John Gill نے کہیا ایہہ ایس لئی سی کیوں جے باغ وِچ شیطان آیا سی۔ ساڈے زمانے وِچ فلم ’’مسیح دے شدید دُکھ‘‘ وِچ میل گیبسنMel Gibson نے گتسمنی وِچ شیطان دے آن دی منظر کشی طور شیطان کیتی، کہ تاریکی وِچ یسوع نوں اذیت دیوے۔ لیکن ایہدے وِچوں کُج وی بائبل وِچ نئیں اے۔ کُج لوکی لوقا22: 53 آیت دا حوالہ دیندے نے، جدوں یسوع نے اُوہناں سپاہیاں نوں جیہڑے اُوہنوں گرفتار کرن باغ وِچ آئے سن کہیا سی، ’’ایہہ تہاڈے تے تاریکی دے اختیار دا ویلہ اے‘‘ (لوقا22: 53)۔ اُو ایہہ کہین وِچ حق بجانب نے کہ ایہہ شیطان دے لئی نشاندہی کردا اے۔ مگر ایہدے تے غور کرو کہ یسوع نے اُوہناں سپاہیاں نوں جیہڑے اُوہنوں گرفتار کرن دے لئی باغ وِچ آئے سن گتسمنی وِچ اُوہدی کشمکش تے تاریکی خونی پسینہ وگان دے بعد کہیا سی۔ باغ وِچ اپنی اذیت دے آخیر وِچ، اُوہنے سپاہیاں نوں کہیا، ’’ایہہ تہاڈے تے تاریکی دے اِختیار دا ویلہ اے۔‘‘ لہٰذا شیطان باغ وِچ مسیح دے اذیت دے بعد آیا سی۔ یہوداہ چند دِن پہلاں آسیب زدہ ہو گیا سی (دراصل شیطان زدہ)۔ سانوں لوقا22: 3 آیت وِچ دسیا گیا اے، ’’تے شیطان یہوداہ وِچ سما گیا۔‘‘ شیطان باغ وِچ مسیح دے ہولناک جدوجہد دے بعد آیا سی، یہوداہ دی آسیب زدہ حالت وِچ تے سپاہیاں نوں مسیح نوں گرفتار کرن تے اُوہدے نال شرمناک سلوک کرن دے لئی کھینچ کے لیہایا سی۔

لہٰذا، اَسی ہُنے تیکر تعجب دا ای شکار آں کہ کیوں اُوہنے ایس قدر اذیت برداشت کیتی کہ جدوں اُوہنے نجات دے لئی دعا منگی تے اپنا خونی پسینہ وگایا۔ میں قائل آں کہ جواب ساڈی تلاوت وِچ پیش کیتا گیا اے۔ باغ وِچ یسوع نے ’’ایہہ کہندے ہوئے دعا منگی، اے میرے باپ، جے ممکن ہوئے تے ایہہ پیالہ میرے توں ٹل جائے، فیر وی جیہڑا میں چاہنا واں اُو نئیں بلکہ جیہڑا توں چاہندا اے اُوہی ہووے‘‘ (متی26: 39)۔ ’’پیالہ‘‘ کی سی؟ جے اُو اگلے دِن صلیب تے اُوہدی مصیبتاں سن، تے اُوہدی دعا دا جواب نئیں ملیا سی، جے اُو ’’پیالہ‘‘ اُوس راتی شیطان توں چھٹکارہ سی تے اُوہدی دعا دا جواب نئیں ملیا سی کیوں جے آسیب لوکی اُوہنوں مصلوب کرن دے لئی گھسیٹ کے لے گئے سن۔ عبرانیوں5: 7 وِچ سانوں تلاوت جواب دا کُج حصہ پیش کردی اے۔ مہربانی نال کھلو جاؤ تے ایس نوں باآواز بُلند پڑھو۔

’’یسوع نے اِک بشر دی حیثیت نال حیاتی لنگہان دے دِناں وِچ پکار پکار کے تے اتھرو وگا وگا کے خدا کولوں دعاواں تے اِلتجاواں کیتیاں جیہڑا اُوہنوں موت کولوں بچا سکدا سی تے اُوہدی خدا ترسی دی وجہ توں اُوہدی سُنی گئی‘‘ (عبرانیوں5: 7).

تُسی تشریف رکھ سکدے اُو۔ ہُن، آیت سانوں دسدی اے کہ یسوع نے ایہہ دعا ’’اِک بشر دی حیثیت نال حیاتی گزارن دے دِناں‘‘ وِچ منگی سی – یعنی کہ، جدوں کہ اُو ایس دُنیا وِچ حیاتی گزار رہیا سی۔ اَسی ایہہ وی جانیا کہ اُوہنے ’’چیخ چیخ کے تے اتھروواں دے نال‘‘ موت توں بچائے جان دے لئی دعا منگی سی – ایس لئی ایہہ دعا اُوہدے مصلوب ہون توں پہلاں منگی گئی سی۔ ایہہ آیت ایہہ وی دسدی اے کہ اُوہدی دعا سُنی گئی سی، تے خدا نے اُوہنوں موت توں بچا لہیا سی۔ ڈاکٹر جے۔ اولیور بسویل Dr. J. Oliver Buswell، اک جانے مانے عالم الہٰیات نے کہیا،

ایس قدر بوہتے پسینے دا وگنا جیویں کہ لوقا نے [گتسمنی دے باغ وِچ] بیان کیتا ایہہ سکتے دے عالم وِچ آن دی اِک خصوصیت اے جیہدے وِچ مصیبت زدہ بے ہوش ہون تے ایتھوں تیکر کہ مرن دے خطرے دے انتہائی قریب ہوندا اے… ساڈے خداوند یسوع مسیح نے اپنے آپ نوں ایس شدید سکتے دے عالم وِچ محسوس کر کے، باغ وِچ موت توں چھٹکارے دی دعا منگی، ایس مقصد دے تحت کہ اُو سولی تے اپنے مقصد نوں پور کر سکن (جے اولیور بسویل، پی ایچ۔ ڈی۔ J. Oliver Buswel, Ph. D.، مسیحی مذہب دی درجہ بہ درجہ علم الہٰیات Systematic Theology of the Christian Religion، ژونڈروان اشاعت گھرZondervan Publishing House، 1971، حصہ سوئم، صفحہ 62)۔

ڈاکٹر جان آر۔ رائس نے لگ بھگ ایہو جئی ای گل کیتی،

یسوع رنج توں بھرپور تے دِل شکستہ سی تے اُوہدی جان ’’ایتھوں تیکر کہ موت دے غم نال لبریز سی،‘‘ یعنی کہ اُو واقعی وِچ رنج دے سبب توں مر رہیا سی… یسوع نے دعا منگی سی کہ موت دا پیالہ اُوس راتی اُوہدے توں ٹل جائے تاکہ اُو اگلے دِن تیکر سولی تے مرن دے لئی زندہ رہ سکے (جان آر۔ رائس، ڈی۔ ڈی۔ انجیل بمطابق متی The Gospel According to Mathew، سورڈ آف دی لارڈ Sword of the Lord ، 1980، صفحہ 441)۔

ڈاکٹر بسویل Dr. Buswell نے کہیا،

ایہہ تاویل عبرانیوں5:7 دے نال ہم آہنگی رکھدی اے، تے مینوں اینج ہم آہنگی دے لئی ایہو ای اِک واحد تاویل لگدی اے (ibid.)۔

ڈاکٹر رائس نے کہیا،

ایہنوں عبرانیوں5: 7 آیت وِچ واضح کیتا گیا اے جیتھے سانوں دسیا گیا اے کہ یسوع نے ’’پکار پکار کے تے اتھرو وگا وگا کے خدا کولوں دعاواں تے اِلتجاواں کیتیاں جیہڑا اُوہنوں موت توں بچا سکدا سی تے اُوس دی خدا ترسی دی وجہ تون اُوہدی دعا سُنی گئی۔‘‘ گتسمنی دے باغ وِچ مرن دے قریب ہون تے، یسوع نے دعا منگی کہ اُوس راتی موت دا پیالہ اُوہدے توں ٹل جائے تاکہ اُو اگلے دِن سولی تے مرن دے لئی زندہ رہ سکے۔ کلام پاک کہندا اے کہ، ’’اُوہدی سُنی گئی سی‘‘! خدا نے اُوہدی دعا دا جواب دِتا سی (ibid.)۔

خُدا دے تکلیف زدہ پُتر نوں ویکھو،
   ہانپدا، کراہندا، خون پسینے دی وانگوں وگاندا ہویا!
الٰہی پیار دیاں لا محدود گہرائیاں!
   یسوع، تیرا پیار کنج دا سی!
(’’تیرے انجانے مصائب Thine Unknown Sufferings‘‘ شاعر جوزف ہارٹJoseph Hart، 1712۔1768)۔

مگر فیر وی سانوں وضاحت کرنی چائیدی اے کہ کیوں اُوس راتی یسوع نے ایس قدر دُکھ سہے۔ ایہہ اے جیہڑا میں یقین کرنا واں گتسمنی وِچ یسوع دے نال ہویا سی۔ میں یقین کرنا واں کہ ایہہ اُوتھے ہویا سی کہ

’’خداوند … نے اَساں ساریاں دی بدکاری اُوہدے تے لد دِتی‘ (اشعیا53: 6).

’’یقیناً اُوہنے ساڈی بیماریاں برداشت کیتیاں، تے ساڈے غم چُک لہیے‘‘ (اشعیا53: 4).

مگر اُوہنے کدوں اُوہناں نوں چکیا سی؟ اُوہنے اُوہناں نوں گتسمنی وِچ چکیا، تے اگلی سویرے سولی تیکر اُوہناں نوں چُک کے لے گیا سی۔

’’اُو خود اپنےای بدن تے ساڈے گناہواں دا بوجھ لئے ہوئے سولی تے چڑھ گیا‘ (1۔ پطرس2: 24).

مگر گتسمنی دے باغ وِچ اِک راتی پہلاں ساڈے گناہ ’’خود اُوہدے بدن تے‘‘ لد دِتے گئے۔ اُوہنے گتسمنی توں لے کے تے سولی تیکر ساڈے گناہواں نوں چکیا سی!

اُو تنہائی سی جِتھے نجات دہندہ نے دعا کیتی تاریک گتسمنی وچ؛
   کلیاں ای اُوہنے اُو کڑوا پیالہ پی کے خالی کیتا، تے اوتھے میرے لئی دُکھ چُکیا؛
کلیاں، کلیاں، اُوہنے کلیاں ایہہ سب کُج برداشت کیتا؛
   اُوہنے خود نوں پیش کر دِتا اپنیاں نوں بچان لئی؛
اُوہنے دُکھ چُکے، لہو وگایا، تے مر گیا، کلیاں، کلیاں۔
    (’’کلیاں Alone‘‘ شاعر بعن ایچ۔ پرائس Ben H. Price، 1914)۔

عظیم ڈاکٹر جان گِل نے (1697۔1771) کہیا،

ہُن اُو زخمی ہو چکیا اے تے اپنے باپ دے ذریعے توں غم وِچ مبتلا کیتا گیا اے: اُوہدے دُکھ ہُن شروع ہوندے نے، کیوں جے اُو اُوتھے ای ختم نئیں ہوندے، بلکہ سولی تے ختم ہوندے نے،… تے شدید غم زدہ ہون دے لئی؛ اپنے لوکاں دے گناہواں دے وزن دے نال، تے الہیٰ قہر دے احساس دے نال، جیہڑا اُوہدے تے ایس قدر غالب آچکیا سی تے اُو کچلا گیا سی، کہ اُوہدی روح اُوہدا تقریبا ساتھ چھڈ ای چکی سی؛ اُو بے ہوش ہون، ڈوبن تے مرن دے قریب ای سی؛ اُوہدے دِل نے اُوہنوں ناکام کیتا سی… اُوہدے لوکاں دے گناہواں دے نال اُوہدی جان ہر پاسیوں ہراساں سی؛ اُوہناں نے اُوہنوں جکڑ لہیا سی تے اُوہدے گرد گھیرا تنگ کر دِتا سی… ہر پاسیوں موت تے جہنم تے غماں نے اُوہنوں گھیر لہیا سی، ایس قدر شدت دے نال کہ سکون دا گھٹ توں گھٹ احساس وی اُوہدے قریب پھٹکن تیکر نئیں پایا سی… اینج ای اُوہدی جان غم نال لبریز سی؛ اُس کا عظیم دِل ٹوٹن دے لئی تیار سی؛ حتیٰ کہ اُوہنوں جیویں موت دی مٹی ہوندی اے اُونج ای تیار کر دِتا گیا سی؛ نا ای اُوہدے غم اُوہنوں چھڈ سکے، اُوہنوں قائل کر دِتا گیا سی، جدوں تیکر کہ اُوہدی جان تے جسم اِک دوجے نال علیحدہ نہ کر دِتے جاندے (جان گِل، ڈی۔ڈی۔ John Gill, D.D.، نئے عہد نامے دی ایک تفسیر An Exposition of the New Testament، بپتسمہ دین آلے معیاری بیئرر The Baptist Standard Bearer، جلد اوّل، صفحہ 334)۔

ایویں اسی ویکھنے آں کہ یسوع نے خُدا دے قہر توں، ساڈے گناہ دے فیصلے نال تے جہنم وچ ہمیشہ دی سزا توں سانوں بچان لئی کی کیتا۔ اُوہنے تہاڈی تھاں تے دُکھ چُکے، تہاڈے متبادل دے طور تے۔ اُوہدا تہاڈی تھاں تے دُکھ چُکنا گتسمنی دے باغ ای وچ شروع ہو گیا سی جیتھے اُوہنے ساڈے گناہ قبول کیتے تے اگلی سویر صلیب لئی اُوہناں نوں لے گیا۔

میرے بیلیو، اسی ایسٹر سنڈے دے قریب پہنچ رئے آں، اُو دِن جدوں یسوع قبر وچوں زندہ ہو گیا سی۔ مگر مُردیاں وچوں اُوہدے جی اُٹھن دا اُوس ویلے تیکر تہاڈے لئی کوئی مطلب نئیں ہووے گا جدوں تیکر کہ تُسی احساس نئیں کردے کہ اُوہنے دھشت ناک طور تے گتسمنی وچ تے سُولی تے تہانوں گناہواں دے سزا پان توں بچان لئی دُکھ چُکے۔ تہانوں یسوع لئی تہاڈا متبادل ہون تے کی کرنا چائیدا اے؟ تہانوں اُوہدے قدماں وچ ڈِگ جانا چائیدا اے تے اپنی حیاتی دے نال اُوہدے تے پرہوسا کرنا چائیدا اے!

ویکھو، اُوہدے سر توں، اُوہدے ہتھاں، اُوہدے پیراں توں،
   دُکھ تے محبت باہم مل کے تھلے وگدی اے:
کی کدی ایویں محبت تے دُکھ ملے نے،
   یا کنڈیاں نے ایس قدر اعلیٰ تاج بنایا ہووے؟
(جدوں میں حیرت انگیز سُولی دا جائزہ لینا آں When I Survey the Wondrous Cross‘‘ شاعر آئزک واٹز، ڈی۔ ڈی۔ Isaac Watts, D. D.، 1674۔1748)۔

جے تُسی یسوع تے پرہوسا کرن دے بارے وچ ساڈے نال گل بات کرنا چاہندے اُو تے مہربانی نال اپنی نشست چھڈو تے اجتماع گاہ دے پچھلے پاسے ٹُر جاؤ۔ ڈاکٹر کیگن Dr. Cagan تہانوں اِک دوجے کمرے وچ لے جان گے جیتھے اسی دعا تے گل بات کر سکاں گے۔ مہربانی نال ہُنے ٹُر جاؤ۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔