اپنی نجات دے کم نوں جاری رکھو | Work Out Your Own Salvation

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہناں آیتاں تے بے شمار تبصرے پڑھن دے بعد تُسی تے مجھ وگرے عام لوکاں نوں ایہناں دا مطلب واضح کرن دے لئی مینوں انتہائی کم دد میسر ہوئی۔ بوہتی لوکی ایتھے اِک پُٹھی گل [تضاد] ویکھدے نے، بظاہر اِک تضاد۔ لیکن میں کوئی تضاد نئیں ویکھدا۔ کُج تبصرہ نگار سوچدے نے کہ بارہویں آیت سانوں دسدی اے کہ نجات خود اُوہناں دے اپنے کماں تے انحصار کردی اے۔ لیکن فیر، تیرہویں آیت سانوں دسدی اے کہ ایہہ خداوند دا عمل اے۔ اُو کہندے نے کہ دوویں سچے نئیں ہو سکدے جدوں تیکر کہ اَسی لفظ ’’نجات‘‘ دا مطلب ’’تقدیس و تحریم یا مقدس رسم‘‘ نئیں کردے۔ لہٰذا، اُو کہندے نے، ایہہ آیتاں غیرنجات یافتہ لوکاں تے لاگو نئیں ہو سکدیاں۔ ایہہ صرف اُوہناں تے ای لاگو ہو سکدیاں نے جیہڑے پہلاں توں ای نجات یافتہ نے۔ اُو آیتاں دا مطلب بناندے نے، ’’خوب ڈردے، تے کنپدے ہوئے اپنی تقدیس و تحریم دے کم نوں جاری رکھو۔ کیوں جے خدا ای اے جیہڑا تہاڈی نیت تے عمل دوواں نوں پیدا کردا اے تاکہ اُوہدے نیک ارادہ پورا ہو سکے۔‘‘ ایہدے نال مسئلہ ایہہ اے کہ ایتھے یونانی لفظ دا مطلب ’’نجات‘‘ ہوندا اے۔ ’’تقدیس و تحریم‘‘ دے لئی اِک دوجا لفظ استعمال ہوندا اے۔

ایہدے نال اِک ہور مسئلہ اے کہ ایہہ ساڈی ابتدائی نجات نوں خداوند دے فضل تے منحصر کردی اے، تے تقدیس و تحریم وِچ ساڈی نمود دا اِنحصار عملاں تے کردا اے۔ مگر ایس د امطلب ہوندا اے کہ تُسی فضل دے وسیلے توں نجات پاندے اُو تے فیر تُسی خدا دے فضل دے بغیر اپنے آپ نوں نجات یافتہ بنائے رکھن دے لئی خود تے انحصار کردے اُو! لیکن بائبل تعلیم دیندی اے کہ اَسی شروع توں آخر تیکر فضؒ دے ای وسیلے توں بچائے جانے آں! بائبل کہندی اے،

’’تے مینوں ایس گل دا یقین اے کہ خدا، جسی نے تُسی لوکاں وِچ اپنا نیک کم شروع کیتا اے اُو اُوہنوں یسوع مسیح دی واپسی دے دِن تیکر پورا کر دے گا‘‘ (فلپیوں 1:6).

رومیوں8:28۔30 نوں ’’سنہری زنجیر‘‘ کہیا جاندا اے کیوں جے ایہہ واضح طور تے ظاہر کردی اے کہ خدا دا فضل ای اے جیہڑا سانوں نجات دلاندا اے تے سانوں بچائے رکھدا اے! نجات تے تقدیس و تحریم دوویں ای دا تنہا خدا دے فضل تے انحصار ہوندا اے! سپرجئین نے سارے دا سارا فضل All of Grace دے عنوان تے اک کتاب لکھی۔ ایہہ اے رومیوں دے 8 ویں باب وِچ اِک ’’سنہری زنجیر‘‘،

’’تے اَسی جاننے آں کہ جیہڑے لوکی خدا نال محبت رکھدے نے تے اُوس دے اِرادے دے مطابق بُلائے ہوئے نے، خدا ہر حالت وِچ اُوہناں دی بھلائی چاہندا اے کیوں جے جنہاں نوں خدا پہلاں توں جانندا سی اُوہناں نوں اُوہنے پہلے توں ای مقرر وی کیتا کہ اُو اُوہدے پُتر دی وانگو بنن تاکہ اُوہدا پُتر بوہتے سارے پراہواں وِچ پہلوٹھا شمار کیتا جائے۔ تے جِنہاں نوں بُلایا اُوہناں نوں راستباز وی ٹھہرایا تے جہناں نوں راستباز ٹھہرایا اُوہناں نوں اپنے جلال وِچ شریک وی کیتا‘‘ (رومیوں 8:28۔30).

کیوں فیر رسول کہندا ے، ’’خوب ڈردے تے کنپدے ہوئے اپنی نجات دے کم نوں جاری رکھو؟‘‘ ڈاکٹر آر۔ سی۔ ایچ۔ لینسکی Dr. R. C. H. Lenski نے ایس تے روشنی پائی جدوں اُوہناں نے کہیا، ’’بظاہر اُلٹی گل وجود نئیں رکھدی۔ جے خدا ای اُو واحد اے جیہڑا ساڈی نیتاں تے اعمال دوویں وِچ کم کردا اے، فیر سانوں… ہمیشہ خدا دے کول جانا چائیدا اے جیس دا مسلسل فضل ساڈی نیت بنائے گا تے ایس دے نال نال نیت نوں نیکیاں یا چنگے کماں وِچ اِک مخصوص روحانی حالت وِچ لہیاندا اے‘‘ (آر۔ سی۔ ایچ۔ لینسکی، پی ایچ۔ ڈی۔ R. C. H. Lenski, Ph.D.، گلِتیوں، افسیوں تے فلپیوں دے ناں مقدس پولوس رسول دے مراسلوں دی وضاحت The Interpretation of St. Paul’s Epistles to the Galatians, to the Ephesians, and to the Philippians، اوگسبرگ پبلشنگ ہاؤس Augsburg Publishing House، 1937، صفحہ799؛ فلپیوں2:12 تے غور طلب گل)۔

’’خوب ڈردے تے کنپدے ہوئے اپنی نجات دے کم نوں جاری رکھو۔ کیوں جے اُو خدا ای اے جیہڑا تہاڈے چہ نیت تے عمل دوویں نوں پیدا کردا اے تاکہ اُوہدا نیک ارادہ پورا ہو سکے۔‘‘ (فلپیوں2:12۔13)۔

سپرجیئن نے ایہناں لفظاں تے دانشمندانہ نصیحت دتی جدوں اُوہناں نے کہیا، ’’میں سمجھیا میں کسی نوں کہندے سُنیا، ’’ٹھیک اے، مگر کی تُسی نصیب تےیقین نئیں کردے اُو؟ سانوں خود اپنی نجات نوں ویکھن دے لئی اُوہدے نال کی کرنا ہوندا اے؟ کی ایہہ سب کُج نصیب نئیں؟ اے بیوقوف، کیوں کہ میں تینوں ناکافی جواب دے سکنا واں جدوں تیکر میں تینوں تیرا دُرست ناں نئیں دے لیندا؛ کی ایہہ ظاہر نئیں سی کہ آیا تینوں ایس تھاں تے آن دے لئی گیلا ہونا چائیدا اے یا نئیں؟ فیر توں کیوں اپنے نال اپنی چھتری لہایا؟ کی ایہہ طے نئیں سی کہ آیا تینوں اَج خوراک دے نال نوازا جانا چائیدا اے یا بھوکا رکھنا چائیدا اے؟ فیر کیوں تو گھر جائے گا تے اپنا کھانا کھائے گا؟ کی ایہہ طے نئیں کہ آیا تینوں کل جینا چائیدا اے یا نئیں، تو کی ایس لئی توں اپنا گلا کاٹ لئے گا؟ جی نئیں، کسی وی گل دے تزکرے وِچ تُسی نصیب توں ماسوائے ’خود اپنی نجات‘ دے… ایس طرح نال نتیجہ اخذ نئیں کردے تے تُسی جانندے اُو ایہہ نتیجہ اخذ کرنا نئیں اے، ایہہ صرف محض اِک گل اے۔ ایہو ای اے سارے دا سارا جواب جیس دے تُسی مستحق اُو تے جیہڑا میں تہانوں پیش کراں گا‘‘ (سی۔ ایچ۔ سپرجیئن C. H. Spurgeon، میٹروپولیٹن عبادت گاہ دی واعظ گاہ The Metropolitan Tabernacle Pulpit، پلگِرم پبلیکیشنز Pilgrim Publications، دوبارہ اشاعت1971، جلد 17 ویں، صفحہ429)۔

ابراہام لنکن دے نال ایہہ مسئلہ سی کہ اُو سوچدے سن کہ اُو چُنیدہ لوکاں وِچ اِک نئیں سن۔ لیکن لنکن کوئی احمق نئیں سی۔ اُو محض گلاں نئیں کر رئے سن، تے بہانے نئیں بنا رئے سن۔ اُوہناں نے اصل وِچ اپنے دِل دے گہرائی وِچ ایہہ سوچیا سی۔ ایس قسم دے اعتقاد دی حماقت نوں اُوہناں تے ظاہر کرن دے لئی اِک دیندار تے دانشمند کیلوینسٹ پادری ڈاکٹر فنیاس گُرلے Dr. Phineas Gurley دی لوڑ پیہئی سی۔ ڈاکٹر گرلے نے مسیح تے پروہسا کرن دے لئی لنکن دی مدد کیتی سی۔ ایسٹر دے اِتوار آلے دِن لنکن دی اپنی نجات دی گواہی پیش کرنی طے سی تے ڈاکٹر گرلے دے ذریعے توں بپتسمہ لینا طے سی۔ خداوند دا شکر ہووے کہ اُو پہلاں ای بچا لہیا گیا سی – کیوں جے پاک جمعہ Good Friday دے دِن جان وِلکس بوتھ John Wilkes Booth نے اُوہناں نوں گولی مار کے قتل کر دِتا سی – اُوہناں دی طے شُدہ گواہی تے بپتسمہ توں دو دِن پہلاں! (ویسے لنکن نے تقریباً یقینی طور تے اپنی نجات دی گواہی لکھ دِتی سی، مگر ایہنوں تلاش نئیں کر سکیا۔ جے ایس واعظ نوں پڑھن آلا کوئی وی شخص ایہنوں تلاش کر سکدا اے تے میں ایس قدم دی انتہائی حوصلہ افزائی کراں گا جے تُسی اُو مینوں اِرسال کر دیو۔ میں اُوس بندے نوں 500.00 ڈالر یا ایس توں بوہتی رقم ادا کراں گا جیہڑا ایس لفظ بہ لفظ گواہی نوں مینوں اِرسال کرے گا۔ ایس نوں تاہم مصدقہ [تصدیق شُدہ] ہونا چائیدا اے)۔

کی ایہہ اِک ہولناک شرم دی گل نئیں ہووے گی جے ساڈے پیارے صدر اِک غیرنجات یافتہ حالت وِچ مر گئے ہوندے – کیوں جے اُوہناں نے سوچیا سی کہ اُو چُنیدہ لوکاں وِچ نئیں سن؟ لیکن ایسا کوئی نئیں اے جِنہوں میں جاننا واں کہ اُوہنے سنجیدگی دے نال سوچ کے ایس نظریے نوں اپنایا ہووے۔ میں جِنہے وی لوکاں نوں ملیا واں اُو صرف پہلاں توں طے شُدہ نصیب نوں یسوع تے پروہسا نہ کرن دے لئی بہانے دے طور تے استعمال کردے نے۔ اُو یقیناً سوچدے نے کہ اُو انتہائی چالاک نے – کہ ایس توں پہلاں کسی ہُور نے ایس دے بارے چہ نئیں سوچیا۔ ایس دے باوجود سپرجیئن نے اُوہناں دی ملامت وِچ انتہائی شدید زبان دا استعمال کیتا۔ سپرجئین نے کہیا، ’’اے بیوقوف، کیوں جے میں تینوں ناکافی جواب دے سکنا واں جدوں تیکر میں تینوں تیرا دُرست ناں نئیں دے لیندا… تہاڈا نتیجہ اخذا کر لینا محض اِک گل اے۔‘‘ ساڈی تلاوت ایس نوں کافی واضح کردی اے:

جے تُسی اپنے نصیب نوں استعمال کر کے خود نوں تسلی دین دے قابل اُو، فیر تُسی چُنیدہ لوکاں وِچوں اِک نئیں اُو! اِک بندہ جیہدا نصیب واقعی چہ پہلاں توں طے شُدہ ہوندا اے اُو ایس نوں اِک بہانے دے طور تے استعمال کر کے ممکن ای نئیں اے کہ تسلی پا سکے! جے تُسی نصیب نوں اِک بہانے دے طور تے استعمال کر سکدے اُو، تے فیر ایہہ واضح اے کہ تُسی چُنیدہ لوکاں وِچوں اِک نئیں اُو۔ اِک بندہ جیہدا مقدر لکھیا جا چکیا اے اُو خود اپنی نجات دے کم نوں خوف دے نال تے کنپدے ہوئے جاری رکھن دے لئی مجبور ہووے گا۔ لیکن جے خدا تہاڈے وِچ عمل پیدا نئیں کر رہیا اے، فیر تُسی ایہنوں اِک بہانے دے طور تے استعمال کرنا جاری رکھ سکدے اُو – کیوں جے تہاڈے وِچ انتہائی جوش دی کمی نال، تُسی ثابت کردے اُو کہ تُسی خدا دے چُنیدہ لوکاں وِچوں اِک نئیں اُو۔ تُسی لوط دے داماداں وانگوں اُو، جِنہاں نے جدوں اُو وڈیرا بندہ اُوہناں نوں آن آلے قہر توں نٹھن لئی کہہ رہیا سی تے ’’سمجھیا اُو مذاق کر رہیا سی‘‘ (پیدائش19:14)۔ تُسی اپنی بے حس مدہوشی چہ مر جاؤ گے، جیویں اُوہناں نے فیصلے دے دِن، خدا دے قہر دی اَگ وِچ کیتا، جدوں اُوہنے ’’اَگ تے گندھک آسمان توں برسا کے ساریاں نوں ہلاک کر ڈالا‘‘ (لوقا17:29)، آگ نال ہمیشہ دے لئی برباد کر دِتا‘‘ (یہودہ7)۔

’’ٹھیک اے‘‘، تُسی کہہ سکدے اُو، ’’میں ایہناں بُرا نئیں آں جِنہا میں دوجے لوکاں نوں جاننا آں۔ میں کسی نوں جاننا واں جیہڑا کہندا اے کہ اُو بچایا گیا اے، جیہڑا ایہناں چنگا نئیں اے جنہاں چنگا میں واں۔‘‘ لیکن اَسی کدوں تہاڈے نال گناہ دے درجیاں دی گل کیتی سی – یا نیکیاں دے درجیاں دی گل کیتی سی؟ مینوں کدی وی تہانوں ایہو جیہا کہنا یاد نئیں، کی میں اینج کہیا؟ تے فیر ایہہ کِدروں آ گیا؟ ایہہ ویکھن دے لئی کہ ایہہ شیطان وَلّوں اے تہانوں اِک روحانی دیو بنن دے لوڑ نئیں پیندی۔

خداوند نوں ایس وِچ دلچسپی نئیں اے کہ آیا تُسی کسی ہُور دے مقابلے وِچ ’’بہتر‘‘ اُو یا ’’بدتر‘‘ اُو، ’’کیوں ج سب نے گناہ کیتا تے خدا دے جلال توں محروم نے‘‘ (رومیوں3:23)۔ کی اَسی دوجیاں توں بہتر آں؟ جی نئیں، ہرگز نئیں: اَسی تے پہلاں ای ثابت کر چکے آں… سارے دے سارے گناہ دے قابو وِچ نے‘‘ (رومیوں3:9)۔ چونکہ تُسی اِک گنہگار اُو، تے تُسی خود نوں ’’اُوس اَگ وِچ پاؤ گے جیس دی پیاس کدی نئیں بُجھدی‘‘ (مرقس9:43)۔ ایہو ای تہاڈی ہمیشہ دے لئی مایوسی وِچ وسن دی تھاں ہووے گی، جے تُسی

کوئی ہُورشخص شاید سوچے، ’’سارے چنگے کماں نوں ویکھو جیہڑا میں کرنا واں۔ میں کدی وی گرجا گھر توں غیرحاضر نئیں ہونا واں۔ میں گرجا گھر وِچ کم کرنا واں۔ میں گرجا گھر نوں پیسے دینا واں۔ میں انجیلی بشارت دے لئی جانا واں۔ میں دعائیہ عبادت وِچ جانا واں۔ میرے چہ کی کمی اے؟‘‘

میرے پیارے بیلیوں، تہاڈے چہ مسیح دی کمی اے! مسیح دے بغیر، تہاڈے سارے راستبازی دے کم کُج وی نئیں نے ماسوائے پاک کلام دے مطابق ’’غلیظ چیتھڑیاں‘‘ دے (اشعیا64:6)۔ مسیح میں معافی تے نجات دے بغیر، قیامت دے دِن، اُو تہانوں کہووے گا،

’’میں تیرے توں کدی وی واقف نئیں سی: میرے سامنے توں دور ہو جا‘‘ (متی7:23).

’’مگر، اے خُداوند، میں ہفتے وِچ کئی وری گرجا گھر وِچ سی!‘‘ ’’میں تیرے توں کدی واقف نئیں سی: میرے سامنے توں دور ہو جا۔‘‘ مگر، اے خداوند، میں نے ایمانداری دے نال اپنے پیسیاں وِچوں دیہہ یکی ادا کیتی!‘‘ ’’میں تیرے توں کدی واقف نئیں سی: میرے سامنے توں دور ہو جا۔‘‘ ’’مگر، اے خداوند، میں اصل چہ لوکاں نوں گرجا گھر وِچ انجیل سُنن دے لئی لہایا!‘‘ ’’میں تیرے توں کدی واقف نئیں سی: میرے سامنے توں دور ہو جا۔‘‘ ’’مگر، اے خداوند، میں روزے رکھ تے نماز ادا کیتی!‘‘ ’’میں تیرے توں کدی واقف نئیں سی: میرے سامنے توں دور ہو جا۔‘‘ مگر، اے خداوند، ایہہ ساریاں گلاں میں نے اپنی جوانی دے شروع ہون توں جاری رکھیاں: ایس دے باوجود میرے چہ کی کمی اے؟‘‘ ’’میں تیرے توں کدی واقف نئیں سی: میرے سامنے توں دور ہو جا۔‘‘

ایہہ شاید تہانوں ظاہر کردا اے کہ کوئی گل وی تہاڈے دائمی مقدر نوں بدل نئیں پائے گی مسیح تہانوں نئیں جانندا اے! ’’میں تیرے توں کدی واقف نئیں سی: میرے سامنے توں دور ہو جا۔‘‘ اُوس ہولناک دِن اُوہدا جواب ایہو ای ہووے گا!

فیر، تُسی کہندے اُو، ’’مگر مینوں کی کرنا چائیدا اے؟‘‘ ایتھے صرف اِک گل اے جیہڑی تہاڈی مدد کرے گی،

لیکن ایس دا کی مطلب ہوندا اے کہ ’’خوب ڈردے تے کنپدے ہوئے اپنی نجات دے کم نوں جاری رکھو؟‘‘ جدوں خدا تہاڈے کولوں خود نوں بچان دی جھوٹی اُمیداں نوں کھو چکیا ہوندا اے، فیر تہانوں مسیح تے پروہسا کرنا چائیدا اے تے اُوس [یسوع] دے وسیلے توں بچائے جان چائیدا اے۔ بائبل کہندی اے، ’’تنگ بوہے [پتلی سی گزرگاہ] توں داخل ہون دی پوری کوشش کر‘‘ (لوقا13:24)۔ بائبل کہندی اے، ’’آؤ اِس اُوس آرام وِچ داخل ہون دی کوشش کریے‘‘ (عبرانیوں4:11)۔ کی ایہہ عجیب لگدا اے؟ میں نئیں سوچدا کہ اینج لگدا اے۔ ’’عمل‘‘ تے ’’کوشش کرن‘‘ وِچ خود نال اعتراف کرن دی جدوجہد تے کم شامل اے، کہ تُسی یسوع دے بغیر گواچے ہوئے اُو، تے مسیح نوں تلاش کرنا تے تنہا اُوسی وِچ اپنی نجات نوں پان دی کوشش کرنا تے جدوجہد کرن دے کم شامل نے۔ تہاڈی گناہ توں بھرپور فطرت، تے شیطان، تہانوں خود نوں بچان دے لئی کُج نہ کُج کرن دے لئی کہندا رہندا اے۔ تہانوں ایس تمام وِچوں لنگہن دے لئی عمل کرنا چائیدا اے تے کوشش کرنی چائیدی اے تے تنہا یسوع وِچ آرام کرنا چائیدا اے، جیویں کہ لوتھرLuther تے بنیعنBunyan تے وائٹ فیلڈ Whitefield تے ویزلی Wesley تے سپرجیئنSpurgeon نے کیتا۔ خداوند اُوس بندے نوں کھیچے گا جیہڑا یسوع مسیح دے لئی سچے طور تے چُنیدہ ہوندا اے، جیویں کہ اُوہنے بنعین Bunyan دی زائر دی پیش قدمی Pilgrim’s Progress وِچ ’’مسیحی‘‘ دے نال کیتا۔ سپرجیئن نے مسیح نوں تلاش کرن دے لئی جدوجہد تے مشقت کیتی سی۔ آخر کار تنہا اُوسی مسیح وِچ سادہ جیہے ’’آرام‘‘ دے وسیلے نال اُوہنے مسیح وچ آرام پایا، سپرجئین نے کہیا،

جے تُسی مسیح دے پروہسے تے کِھلوتے اُو، تے تُسی اِک چٹان تے ہو؛ لیکن جے تُسی حصیاں وِچ مسیح دے اِمتیازات تے خصوصیات تے پروہسا کردے اُو، تے خود اپنی اہلیت تے حصیاں وِچ پروہسا کردے اُو، تے فیر تہاڈا اِک پیر چٹان تے اے مگر دوجا پیر دلدل وِچ اے؛ تے ہو سکدا اے کہ تہاڈے دوویں پیر ای دلدل وِچ ہون، کیوں جے نتیجہ اِک ای ہووے گا۔

     کوئی ہُور نئیں ماسوائے یسوع دے، کوئی ہور نئیں ماسوائے یسوع دے
     جیہرا بے بس گنہگاراں دے لئی اچھائی کر سکدا اے۔

تُسی اُوس ویلے تیکر نئیں بچائے جا سکدے جدوں تیکر کہ مسیح ای تمام دا تمام تے سارے دا سارا تہاڈی جان وِچ نہ ہووے…
     کیہو جئی چکاچوند دے نال میری یاداشت وِچ تازہ ہو جاندا اے… اُو لمحہ جدوں میں پہلی وری یسوع وِچ یقین کیتا سی! اُو اِک سادہ سا عمل سی جیہڑا میرا ذہن کدی ادا کر سکیا سی، تے ایس دے باوجود سب توں شاندار، کیوں جے پاک روح نے ایہنوں میرے چہ سمویا سی۔ بس خود تے انحصار کر لین دے نال، تے یسوع دے علاوہ سب تے اعتبار [کھو دین] نہ کرن نال، تے اُوس یسوع وِچ اپنے غیر منقسم اعتماد نوں تنہا رکھن نال… میرا گناہ اُوس لمحے وِچ مینوں معاف کر دِتا گیا سی، تے میں بچا لہیا گیا سی، تے خدا کرے کہ اینج ای تہاڈے نال وی ہووے، میرے بیلی، تہاڈے نال وی ہووے جے تسی وی خداوند یسوع تے پروہسا کرو۔ ’’خود تہاڈی اپنی نجات‘‘ [یسوع وِچ] ایمان دے اُوس اِک سادہ عمل دے وسیلے توں محفوظ ہو جائے گی… خداوند بخشش کرے کہ اِک وی بندہ ایس تھاں توں نجات پائے بغیر رخصت نہ ہووے! (ibid.، صفحہ431)۔

آؤ، اے گنہگاروں، غریب تے خستہ حال، کمزور تے زخمی، بیمار تے دُکھی؛
یسوع تہانوں بچان دے لئی تیار کِھلوتا اے، ہمدردی، محبت تے قوت توں بھرپور؛
اُو لائق اے، اُو لائق اے، اُو رضامند اے، مذید ہُور شک نہ کرو۔
اُو لائق اے، اُو لائق اے، اُو رضامند اے، مذید ہُور شک نہ کرو۔
(’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).

یسوع دے کول آؤ! اُوس تے پروسا کرو! ’’یسوع تہانوں بچان دے لئی تیار کِھلوتا اے، ہمدردی، محبت تے قوت توں بھرپور۔‘‘

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔