ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جان ٹریپ اِک سخت مذہبی اصولاں تے کاربند رہن آلے مبلغ سن جنہاں نے 1601 توں لے کے 1669 تیکر حیاتی گزاری۔ کہیا جاندا اے کہ اُو اِک ’’انتہائی محنتی تے شاندار مبلغ سن۔ [اُوہناں دی] شہرت دی وجہ مکمل بائبل تے اُوہناں دا تبصرہ Commentary on the Whole Bible اے، جہیڑا بہترین انداز وچ پیوریٹن بائبل دے مطالعے نوں سمجھن لئی [سانوں اِک مثال دیندا اے]؛ ایہہ انوکھے مزاح تے گہرے علم و فضل دی خصوصیات توں مزّین اے‘‘ (عیلگِن ایس. موئیر، پی ایچ. ڈی.، کلیسیا دی تاریخ وچ کَیڑا کَیڑا سی Who Was Who in Church History، کیٹز اشاعت خانہ، 1974، صفحہ 410). ٹریپ دے تبصرے نوں سپرجیئن نے بہت زیادہ ترجیح دِتی سی۔

اشعیا دے ترِپن باب توں متعلق ، جان ٹریپ نے کہیا،

ایس وِچ ہر لفظ دا اپنا اِک وزن اے، تے ایہہ بہت یقینی اے کہ رسولاں تے مبشرانِ انجیل نے، ساڈی نجات دے پھیداں نوں سمجان وِچ، اشعیا دے ایس پورے باب نوں بہت تعظیم دِتی اے… تے ایہہ وی ضروری اے کہ نبی نے، جدوں اُوہنے ایہہ گلاں لکھیاں، عظیم روح القدس دی بخشش دے تحت لکھیاں، کیوں جے ایس دے نال نال اُوہناں نے یسوع مسیح دی دوہری حالت یعنی تحقری تے بے خودی دے حالت نوں انتہائی واضح طور تے بیان کیتا، جدوں کہ پرانے عہدنامے دے دوجے [مصنفین] [نئے عہدنامے] وِچوں راہنمائی اُدھار لیندے سن، ایہہ باب نئے عہدنامے چہ کئی مقامات تے روشنی پاندا اے (جان ٹریپ، پرانے تے نئے عہد نامے تے اِک تبصرہ A Commentary on the Old and the New Testaments، ٹرانسکی اشاعت خانے، 1997، جلد سوئم، صفحہ 410).

حقیقتاً، اِج سویر دی ساڈی ایہہ تلاوت ساڈی سمجھ تے، جیہڑی اَسی نئے عہدنامے نوں پڑھن دے نال پانے آں ’’روشنی پاندی اے‘‘ تے گہرائی دیندی اے۔

ساڈی تلاوت دے بارے چہ ڈاکٹر جیک وارن نے کہیا، ’’[اشعیا53 باب دی] ایہہ آخری آیت اِک دلچسپ یاداشت تے باب نوں ختم کردی اے: ایہہ نجات دہندہ نوں اپنی جان اُنڈیلن تے اپنے آپ نوں خطاکاراں وِچ شامل کرن تے تعظیم دیندی اے‘‘ (جیک وارن، ڈی. ڈی.، اشعیا 53باب وِچ بچاؤ دا عمل Redemption in Isaiah 53، بپتسمہ دین آلی انجیل نوں پھیلان آلے اشاعت خانے Baptist Evangel Publications، 2004، صفحہ 31).

’’ایس لئی میں اُوہنوں بزرگاں دے نال حصّہ دواں گا، تے اُو زور آوراں دے نال لُٹیا ہویا مال ونڈ لئے گا؛ کیوں جے اُوہنے اپنی جان موت لئی اُنڈیل دِتی: تے اُو خطا کاراں دے نال شمار کیتا گیا؛ کیوں جے اُوہنے بُہتیریاں دے گناہ چُک لئے، تے خطا کاراں دی شفاعت کیتی‘‘ (اشعیا 53:12).

اِسی لمحے میں مسیحی اُس انعام نال خوش ہو رئے نے جیہڑا اُوہناں نوں اُوہناں دے پیو نے عطا کیتا سی – ’’ایس لئی میں اُوہنوں بزرگاں دے نال حصّہ دیاں گا۔‘‘آسماناں چہ کوئی وی مسیح دی تحقیر نئیں کردا یا اُوہنوں مسترد نئیں کردا اے۔ جنت دے تمام میزبان اُوہدی ستائش کردے نے! اپنے پیو دے سجّے ہتھ تے، سارے دا سارا جلال اُہدے تخت تے اُوہدے آلے دوالے ظاہر ہوندا اے۔

مسیح نے ایہہو جیہا کی کِیتا سی کہ اُو ایس تعظیم تے جلال دا حقدار ٹھہرا؟ کیوں اُوہنوں ایہہ اعزاز بخشیا گیا ’’بزرگاں تے نال حصّہ، تے … تے زور آوراں دے نال لُٹ دا مال ونڈ لئے گا‘‘؟ ایہدا جواب ایہہ اے کہ اُوہنے چار کم کیتے سن۔

1۔ پہلا، اُوہنے اپنی جان موت لئی اُنڈیل دِتی۔

’’اُونے اپنی جان موت لئی اُنڈیل دِتی…‘‘ (اشعیا 53:12).

مسیح نے ایہہ سب کُج جان بوجھ کے کیتا سی۔ اُوہنے ایہہ سب کُج اچانک کسی جذباتی دورے دی وجہ توں نئیں بلکہ سوچ سمجھ کے تے احتیاط نال کیتا سی۔ جان بوجھ کے اُوہنے اپنی جان موت لئی اُنڈیل دِتی، ہولی ہولی کر کے، جدوں آخیر کار اُوہنے اُوہنوں سارا دا سارا اُںڈیلیا، تے چیخا پئیا،

’’پورا ہویا: تے سر نوں جھکا کے جان دے دِتی‘‘ (یوحنا 19:30).

یاد رکھو کہ مسیح نے ایہہ رضاکارانہ طور تے کیتا سی۔ اُوہنے کہیا،

’’میں اپنی جان دینا واں… اینوں کوئی میرے کولوں نئیں کھوندا، بلکہ میں اینوں اپنی مرضی نال قربان کرنا واں‘‘ (یوحنا 10:17).

ایہہ اِک اہم موضوع اے۔ سانوں ایہہ سمجھنا چائیدا اے کہ یسوع حادثاتی طور تے نئیں مریا سی۔ اُو جان بوجھ کے اپنی موت وَل گیا سی؛ اُوہنے جان بوجھ کے اپنی جان قربان کیتی تاکہ ساڈے گناہواں دا کفارہ ادا کرے۔ ’’اُوہنے اپنی جان موت لئی اُنڈیل دِتی‘‘ سولی تے، ایس لئی نئیں کہ اُوہنوں اینج کرن دی لوڑ سی، بلکہ تہاڈی خاطر، تے میری خاطر – اُوہناں تمام دی نجات دے لئی جیہڑے اُس تے اپنا پروہسا رکھدے نے۔

اُوہدے تے پروہسا کرو، فیر، اُوہنوں چھڈو نئیں۔ اپنی جان نوں اُنڈیلو، اُوہدے تے مکمل طور تے پروہسا کردیاں ہویاں، بالکل اُیویں جیویں اُوہنے تہاڈے لئی اپنی جان موت لئی اُنڈیل دِتی۔ آؤ، مسیح چہ آرام تے سکون پاؤ، تے فیر تُسی ویکھو گے کہ کیوں اُوہنوں عزت تے جلال دا تاج پہنایا گیا اے۔ اُوہدا اِک عزت بخش مقام اے کیوں جے اُس

’’راستباز نے نارستبازاں لئی گناہواں دے بدلے چہ اِک ای وار دُکھ چُکیا تاکہ اُو تہانوں خدا تیکر پہنچائے‘‘ (1۔ پطرس 3:18).

سولی تے اُوہدی موت، جیس دی وجہ توں اُوہنوں شرمندگی چُکنی پئی، ہُن اُو اُوہدے لئی عزت تے جلال دا باعث بنی کہ اُوہنوں ’’بزگاں دے نال حصّہ‘‘ مِلیا، تے ’’زور آوراں دے نال لُٹ دا مال‘‘ ونڈ لیندا اے، ’’میں اُوہنوں بدروحاں نوں مارن، تباہ کرن تے فتح کرنا دا اختیار دیاں گا… تے ایہہ اُو اپنی تذلیل بھری [ذلت آمیز] موت دے انعام دے طور تے پائے گا‘‘ (ٹریپ، ibid.)۔

’’اُوہنے ریاستاں تے حکومتاں توں نکل کے اُوہنا دا برمِلا تماشا بنایا تے سولی دے سبب توں اُوہناں تے فتح یابی دا شادیانہ بجایا‘‘ (کلسیوں 2:15).

’’موت دیاں قوتاں‘‘ اینو گاؤ!

موت دیا قوتاں نے اپنا بدترین کم کیتا،
   لیکن مسیح نے اُوہناں دے لشکر نوں منتشر کِیتا:
آؤ مقدس خوشی دی بلند واج نال جوش نال کہوؤ۔ ھیلیلویاہ!
   ھیلیلویاہ! ھیلیلویاہ! ھیلیلویاہ!
(’’جھگڑا ختم ہویا‘‘ مترجم فرانسس پَوٹ، 1832۔1909).

اُوہنوں عزت دے جلال دِتا گیا اے کیوں جے اُوہنے گنہگاراں نوں بچان لئی اپنی جان موت لئی اُنڈیل دِتی۔ آؤ، تے اُس تے پروہسا کرو! آؤ تے مکمل طور تے اُس تے پروہسا کرو! آؤ تے ہُنے ای اُوہدے تے پروہسا کرو!

2۔ دوجا، اُو خطاکاراں دے نال گِنیا گیا۔

’’ایس لئی میں اُوہنوں بزرگاں دے نال حصّہ دواں گا، تے اُو زور آوراں دے نال لُٹیا ہویا مال ونڈ لئے گا؛ کیوں جے اُوہنے اپنی جان موت لئی اُنڈیل دِتی: تے اُو خطا کاراں دے نال شمار کیتا گیا…‘‘ (اشعیا 53:12).

مسیح ںے اپنی جگہ گنہگاراں دے درمیان بنائی سی۔ اپنی زمینی منادی دے دوران، اُو گنہگار لوکاں دی رفاقت وِچ رہیا۔ ایہہ فریسیاں دی شکایتاں وِچوں اِک سی۔ اُو اُوہنوں اُوس تحقیر آمیز ہنسی وِچ کہیا کردے سی،

’’شرابی تے محصول لین آلیاں تے گنہگاراں دا یار اے‘‘ (لوقا 7:34).

تے، سولی تے اپنی موت لئی، اُوہنوں دو مجرماں دے درمیان مصلوب کیتا سی۔

’’اُو خطاکاراں دے نال گِنیا گیا‘‘ (اشعیا 53:12).

یعنی کہ، اُو اُوہناں دے نال (شدت دے نال) ’’گِنیا‘‘ گیا سی۔ ’’ایس لئی نئیں کہ اُو خطا کار سی، لیکن سلوک ایویں کیتا گیا سی جدوں اُوہنوں چوراں دے نال مصلوب کیتا گیا‘‘ (جیمیسن، فوسیٹ تے براؤن Jamieson, Fausset and Brown، جلد دوئم، صفحہ 733). مرقس دی انجیل کہندی اے،

اُوہناں نے دو ڈاکوواں نوں وی اُوہدے نال مصلوب کیتا؛ اِک اُوہدے کھبے پاسے تے دوجے نوں اُوہدے سچے پاسے۔ تے ایویں کلامِ پاک دا ایہہ نوشتہ پورا ہویا، کہ اُو بدکاراں دے نال گِنیا گیا‘‘ (مرقس 15:27۔28).

ڈاکٹر ینگ Dr. Young نے کہیا، اُو محض گنہگار نئیں سی، بلکہ اصلی مجرم سن‘‘ (ایڈورڈ جے. ینگ، پی ایچ. ڈی.، اشعیا دی کتاب The Book of Isaiah، جلد سوئم، صفحہ 359).

لوقا دی انجیل سانوں دسدی اے کہ دوواں وِچوں اِک چور نے یسوع دا یقین کیتا سی تے بچایا گیا سی (لوقا23:39۔43)۔ ڈاکٹر جان آر۔ رائس Dr. John R. Rice نے کہیا، ’’اِک چور بچایا گیا سی تاں جے گھٹیا ترین گنہگار وی مایوس نہ ہووے…‘‘ (جان آر. رائیس.، ڈی. ڈی.، یہودیاں دا بادشاہ The King of Jews، خُداوند دی تلوار، دوبارہ اشاعت 1980، صفحہ 475). ڈاکٹر میگیDr. McGee نے کہیا،

[دوواں چوراں] دے درمیان کی فرق سی؟ کوئی فرق وی نئیں سی – دوویں ای چور سن۔ فرق صرف ایس حقیقت وچ چھپیا سی کہ اِک چور نے یسوع مسیح تے یقین کیتا سی تے اِک نے نئیں (جے. ورنن میکجی، ٹی ایچ. ڈی.، بائبل دے ذریعے نال Thru the Bible، تھامس نیلسن، 1983، جلد چہارم، صفحہ 354).

’’اُو خطاکاراں وچ گِنیا گیا۔‘‘ ایہہ ظاہر کردا اے کہ ایتھے تیکر یسوع نے رضاکارانہ طور تے اپنے آپ نوں بدترین گنہگاراں دی تھاں تے رکھیا۔ گنہگاراں نوں بچایا جا سکدا اے کیوں جے اُو اُوہناں وچ شمار کیتا گیا۔ لیکن تہانوں نجات پان لئی اُوہدے تے یقین کرنا پئے گا۔

مسیح دی ہُن تعظیم کیتی جاندی اے کیوں جے اُوہنے گنہگاراں دی تھاں تے کھلون وچ فخر کیتا سی، تے اُوہناں دے گناہ اپنے اُتے لد لئے سن، ایہہ ممکن بنان لئی کہ اُو نجات پا سکن۔ ایویں، اُوہدی تعظیم کیتی جاندی اے کیوں جے اُو ’’خطاکاراں وچ گِنیا گیا۔‘‘ ’’جی ہاں، میں جاننا واں!‘‘ ایدا کورس گاؤ!

تے میں جاننا واں، جی ہاں میں جاننا واں، یسوع دا خون گھٹیا ترین گنہگار نوں پاک صاف کر سکدا اے؛
تے میں جاننا واں، جی ہاں میں جاننا واں، یسوع دا خون گھٹیا ترین گنہگار نوں پاک صاف کر سکدا اے۔
   (’’جی ہاں، میں جاننا واں!‘‘ شاعر آعنا ڈبلیو. واٹرمین Anna W. Waterman، 1920).

3۔ تیجا، اُوہنے بہتیریاں دے گناہ چُک لئے۔

آؤ کھلو جاؤ تے تلاوت نوں اُچی واج نال پڑھو، الفاظ ’’بہتیریاں دے گناہ‘‘ دے اختتام تیکر۔

’’ایس لئی میں اُوہنوں بزرگاں دے نال حصّہ دواں گا، تے اُو زور آوراں دے نال لُٹیا ہویا مال ونڈ لئے گا؛ کیوں جے اُوہنے اپنی جان موت لئی اُنڈیل دِتی: تے اُو خطا کاراں دے نال شمار کیتا گیا؛ کیوں جے اُوہنے بُہتیریاں دے گناہ چُک لئے…‘‘ (اشعیا 53:12).

تُسی تشریف رکھ سکدے اُو۔

’’اُوہنے بہتیریاں دے گناہ چُک لئے۔‘‘ جیویں کہ پطرس رسول نے اینوں لکھیا اے،

’’اُو خود اپنے ای بدن تے ساڈے گناہواں دا بوجھ لے کے سولی تے چڑھ گیا‘‘ (1۔پطرس 2:24).

ایہہ متبادل توں نجات اے۔ مسیح گنہگاراں دا گناہ ’’اپنے ای بدن تے چُک‘‘ کے سولی تے چڑھ گیا۔ اُو تہاڈے گناہ دا کفارہ اُوہنوں اپنے اُتے چُک لین دے نال تے تہاڈی تھاں تے مرن دے نال ادا کردا اے۔ یسوع دی تبدلیاتی موت دے ذریعے کفارے دے بغیر کوئی انجیل نئیں اے۔ اُوہدی گنہگاراں لئی تبدلیاتی موت خوشخبری دا دل تے نچوڑ اے۔ سپرجیئن نے کہیا،

ہُن، ایہہ تِن گلاں – کہ اُوہنے اپنی جان موت لئی اُنڈیل دِتی، تے گنہگاراں دی سزا برداشت کیتی؛ کہ خطاکاراں نال اُوہنوں گِنیا گیا، تے ایویں اُو گنہگاراں دے نال شانہ بہ شانہ کھڑا ہویا؛ تے ایدے بعد، کہ اُوہنے حقیقتاً اُوہناں دے گناہ چُکے … جہیڑے اُوہنوں آلودہ نئیں کردے، لیکن جنہاں نے اُوہنوں ایس قابل بنا دِتا کہ اُوس گناہ نوں دور کر سکے جِنّے انسان نوں آلودہ کیتا – ایہہ تِن گلاں ساڈے خداوند یسوع دے جلال [دیاں] وجوہات نے۔ خُدا نے، اِیناں تِناں گلاں دی وجہ توں، تے اِک ہور گل، کہ اُوہنوں ایس قابل بنایا کہ زورآوراں دے نال لُٹیا ہویا مال ونڈ لئے، تے بزرگاں دے نال حصہ دِتا (سی. ایچ. سپرجیئن، میٹروپولیٹن عبادت گاہ دی واعظ گاہ توںThe Metropolitan Tabernacle Pulpit، پِلگرِم اشاعت خانے، دوبارہ اشاعت 1975، جلد35، صفحہ 93).

’’جی ہاں، میں جاننا واں!‘‘ کورس گاؤ!

تے میں جاننا واں، جی ہاں میں جاننا واں، یسوع دا خون گھٹیا ترین گنہگار نوں پاک صاف کر سکدا اے؛
تے میں جاننا واں، جی ہاں میں جاننا واں، یسوع دا خون گھٹیا ترین گنہگار نوں پاک صاف کر سکدا اے۔

4۔ چوتھا، اُوہنے خطاکاراں دی شفاعت کیتی۔

تلاوت ایناں لفظاں دے نال ختم ہوندی اے،

’’تے اُوہنے خطاکاراں دی شفاعت کیتی‘‘ (اشعیا 53:12).

سولی تے، مسیح نے گنہگاراں لئی دعا کیتی، ’’خطاکاراں نے شفاعت‘‘ پائی، جدوں اُو چیخیا،

’’اے باپ، ایناں نوں معاف کر؛ کیوں جے ایہہ نئیں جاندے کہ ایہہ کی کردے نے‘‘ (لوقا 23:34).

ایویں جدوں اُو سولی تے لٹکیا ہویا سی اُوہنے گنہگاراں لئی دُعا کیتی سی۔

ایدے باوجود، ہُن وی جنت چہ، یسوع گنہگاراں لئی دُعا منگدا اے۔

’’کیوں جے اُو [ساڈی] شفاعت کرن لئی ہمیشہ زندہ اے‘‘ (عبرانیوں 7:25).

جیویں اُو سولی تے مریا اوویں ای اُوہنے گنہگاراں لئی شفاعت کیتی۔ اُو اج وی جنت چہ خدا باپ دے سجے ہتھ تے بیٹھا گنہگاراں لئی دُعا منگنا جاری رکھدا اے۔

غور کرو کہ ایہہ چار گلاں جہیڑیاں یسوع نے کیتیاں سن وجہ نے، کہ ہُن اُو اپنے باپ دے سجے ہتھ تے جلال چہ اعلٰی تے ارفع اے۔ تے مسیح دے موجودہ جلال دی ایہہ تمام چار وجوہات نے جنہاں نے اُوہنوں اُوہدے نال جوڑیا جو کُج اُوہنے گنہگاراں نوں نجات دین لئی کیتا!

’’اُوہنے انسانی شکل چہ ظاہر ہو کے، اپنے آپ نوں فروتن کیتا، تے موت تیکر فرمانبردار رہیا، بلکہ صلیبی موت تیکر۔ ایس لئی خُدا نے اُوہنوں نہایت ای اُچا درجہ دِتا، تے اُوہنوں اُو ناں عطا فرمایا جہیڑا ہر ناں توں اعلٰی اے: تاکہ یسوع دے ناں تے ہر کوئی گوڈیاں دے بل جھک جائے … تے ہر زبان یسوع باپ دے جلال لئی، اقرار کرے کہ یسوع مسیح خُداوند اے‘‘ (فلپیوں 2:8۔11).

لیکن ایہہ وی غور کرو، کہ یسوع دی نجات دین دی تمام قوتاں دے نال، اُو اُوہناں نوں نجات نئیں دے گا جہیڑے ایہہ نئیں سوچدے کہ اُوہناں نوں نجات پان دی لوڑ اے۔ جیویں کہ سپرجیئن نے لکھیا اے،

جے [تہاڈا] کوئی گناہ نئیں اے تے اُو اُوہدے نال [تہانوں] پاک صاف نئیں کر سکدا۔ کی اُو کر سکدا اے؟ … تُسی بہت چنگے قابلِ احترام لوکی اُو، جنہاں نے اپنی تمام حیاتیاں وچ کدی وی کوئی غلطی نئیں کیتی اے؛ یسوع تہاڈے لئی کی اے؟ بیشک، تُسی اپنی راہ جا سکدے اُو، تے اپنے آپ دی خود حفاظت کر سکدے اُو … افسوس! ایہہ بے وقوفی اے … جے تُسی اپنے گریبان وچ جھانکو، تہاڈا دل ایس قدر آلودہ اے جیس قدر آتشدان دی کالی چمنی جِنوں کدی وی صاف نئیں کیتا گیا۔ [تہاڈے] دل غلاظتاں دے کُھو نے۔ کاش، کہ تُسی ایہہ ویکھ سکدے، تے اپنی جھوٹی راستبازی نوں چھڈ سکدے! [لیکن] جے تُسی نئیں کرو گے، تے فیر یسوع چہ تہاڈے لئی کُج نئیں اے۔ اُو گنہگاراں توں اپنا جلال حاصل کردا اے، ناکہ تہاڈی طرح خود دے غرور کرن آلے لوکاں توں۔ لیکن، تہانوں قصور داراں نوں اُو [پاک صاف] کرے گا… جہیڑے اپنے قصوراں دا اعتراف کرن گے، بہت خوشی دے نال ایہہ گل یاد رکھو کہ اُو چار گلاں جہیڑیاں یسوع نے کیتیاں، اُو گنہگاراں دے نال تعلق چہ کیتیاں، تے ایہوای وجہ اے کہ اُوہنے گنہگاراں دے نال تعلق چہ اُو گلاں کیتیاں کہ اَج دے دِن اُوہنوں جلال تے عزت تے شاہانت دا تاج پہنایا گیا اے … [ایس لئی] میں انتہائی دل دے نال [تہاڈے توں درخواست کرنا واں] کہ خُدا دے پُتر تے پرہوسا کرو، جِنے قصوروار بندیاں لئی اپنے بدن دا لہو وگایا تے مریا! جے تُسی اُوہدے تے پرہوسا کرو گے، تے اُو تہانوں دھوکہ نئیں دے گا، بلکہ تُسی نجات پا جاؤ گے، تے اِک ای وری چہ ہمیشہ لئی نجات پاؤ گے (سپرجیئن، ibid. ، صفحہ 95).

آمین! ’’جی ہاں، میں جاننا واں!‘‘ اینوں اِک وری فیر گاؤ!

تے میں جاننا واں، جی ہاں میں جاننا واں، یسوع دا خون گھٹیا ترین گنہگار نوں پاک صاف کر سکدا اے؛
تے میں جاننا واں، جی ہاں میں جاننا واں، یسوع دا خون گھٹیا ترین گنہگار نوں پاک صاف کر سکدا اے۔
   (’’جی ہاں، میں جاننا واں!‘‘ شاعر آعنا ڈبلیو. واٹرمین Anna W. Waterman، 1920).

جے تُسی یسوع دے وسیلے نال اپنے گناہ توں پاک صاف ہون دے بارے چہ ساڈے نال گناہ کرنا چاہندے اُو، تے مہربانی نال پنڈال دے پچھلے پاسے ہُنے ای ٹُرے آؤ۔ ڈاکٹر کیگن Dr. Cagan تہانوں اِک خاموش تھاں تے لے جان گے جِتھے اسی گل بات کر سکنے آں۔

تے میں جاننا واں، جی ہاں میں جاننا واں، یسوع دا خون گھٹیا ترین گنہگار نوں پاک صاف کر سکدا اے؛
تے میں جاننا واں، جی ہاں میں جاننا واں، یسوع دا خون گھٹیا ترین گنہگار نوں پاک صاف کر سکدا اے۔

مسٹر لِی Mr. Lee، مہربانی نال آؤ تے اُوہناں لئی دعا منگو جنہاں نے ردِعمل دا اظہار کیتا۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت گایا: ’’جی ہاں، میں جانندا واں!Yes, I Know!‘‘
(شاعر آعنا ڈبلیو. واٹرمین Anna W. Waterman، 1920)۔