ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ تلاوت ایس قدر معنی خیز اے کہ ایس دا ہر اِک لفظ ساڈی توجہ دا مستحق اے۔ ایس لئی میں تلاوت توں زیادہ دور نئیں بھٹکاں گا، نا ای میں زیادہ مثالاں دیاں گا۔ ایہہ اِک واعظ وِچ ای کافی ہووے گا کہ ایدی تلاوت وِچ موجود شاندار سچائیاں نوں پیش کیتا جائے؛ اُوہدے خاص مقاصد تہانوں دَسے جان، لفظاں نوں اینا آسان تے سادہ کر دِتا جائے کہ اَج شام نوں ساڈے گرجا گھر وِچ پہلی وری آیا ہویا مہمان وی جدوں گھر واپس جائے تے اُوہنوں اُوہناں لفظاں دی سادگی وِچ گہرا معنی خیز مفہوم معلوم ہو،

’’اپنی جان دا دُکھ سہہ کے، اُو حیاتیدا نور ویکھے گا تے مطمئن ہوئے گا: اپنے ای عرفان دے باعث میرا راستباز خادِم بہتیریاں نوں راستباز ٹھہرائے گا؛ کیوں جے اُو اُوہناں دیاں بُرائیاں خود چُک لئے گا‘‘ (اشعیا 53:11).

خُداوند تہاڈے دِلاں نوں کھولے تاکہ تُسی ایس تلاوت چہ موجود سچائیاں نوں جان پاؤ۔ کیوں جے اَسی سچے طور نال تہانوں ایہہ کہنے آں، جدوں ایس تلاوت دی تبلیغ کیتی جا رئی ہووے، ’’اپنے کن قائل ہون لئی کُھلے رکھو، تے میرے کول آؤ۔ سُنو تے تہاڈی روح جیئے گی‘‘ – جی ہاں، ہمیشہ لئی جیئو – مسیح دے نال اُوس دی بادشاہی وِچ!

تلاوت تِن گلاں تے بارے چہ دسدی اے۔ پہلی، خُدا خُدا ہے۔ دوجی، کہ اِک راستباز خادم مسیح ہے۔ تیجی، کہ مسیح نے گناہواں دا بوجھ چُکیا، جیہڑا ایمان لہیان آلے گنہگاراں نوں مکمل کفارہ دِلاندا اے۔

’’اپنی جان دا دُکھ سہہ کے، اُو حیاتیدا نور ویکھے گا تے مطمئن ہوئے گا: اپنے ای عرفان دے باعث میرا راستباز خادِم بہتیریاں نوں راستباز ٹھہرائے گا؛ کیوں جے اُو اُوہناں دیاں بُرائیاں خود چُک لئے گا‘‘ (اشعیا 53:11).

1۔ پہلی گل، مسیح دے مصائب خُدا دے انصاف دی تسلی کردے نے۔

’’اپنی جان دا دُکھ سہہ کے، اُو حیاتی دا نور ویکھے گا تے مطمئن ہووے گا…‘‘ (اشعیا 53:11).

ڈاکٹر یورگن مالٹمیں Dr. Jürgen Moltmann اِک جرمن سن جنہاں نوں دوجی جنگی عظیم دے بعد تِن وریاں تیکر جنگی قیدی بنا کے رکھیا گیا سی۔ برطانوی جیل وِچ اپنے ایس عرصے دے دوران، اُوہناں نے بائبل دا مطالعہ شروع کیتا۔ اسیری تے بائبل دے مطالعے دے ایس تجربے وِچ، اُوہناں نے اِک کتاب لکھی، تایخ تے اِک وِچ تِن خُدا: تثلیثی الہٰیات کو خراج تحسین History and the Triune God: Contributions to Trinitarian Theology (کراس روڈ، 1992)۔ ڈاکٹر مالٹمین اِک آزاد خیال عالمِ الہٰیات نے، تے میں یقیناً زیادہ تر جیہڑا اُو لکھدے نے اُوہناں نال منسوب نئیں کردا۔ فیر وی، اُوہناں دی کُج بصیرت اے۔ مثال دے طور تے، مالٹمین سولی نوں اِک ایہو جئے واقعے دے طور تے ویکھدے نے جیس وِچ خُدا ’’بھولی بھٹکی‘‘ نسلِ انسانی دے نال اپنی یکجہتی دا اعلان کردا اے۔ سولی تے گنہگاراں لئی خُدا اپنی محبت دا اِظہار کردا اے، تے خُدا بیٹا اپنے باپ توں علیحدگی برداشت کردا اے، جس نال خُدا نوں درد تے مصائب دا ’’دِل دی گہرائیاں‘‘ نال اندازہ ہوندا اے۔ مالٹمین زیادہ تر اِس گل نوں دُرست نئیں سمجھ سکے، لیکن اُوہناں نے تثلیث وِچ موجود ہستیاں دے مصلوبیت دے مصائب نوں آشکارہ کیتا سی، تے ایہہ گل، میں سوچنا واں، اِک اہم موضوع اے۔ میری نظر چہ، مصلوبیت دے دوران پاک تثلیث دی ہستیاں دے مصائب – ایس دے بارے چہ سوچنا کُج چنگا ہووے گا۔

’’اپنی جان دا دُکھ سہہ کے، اُو حیاتی دا نور ویکھے گا تے مطمئن ہووے گا…‘‘ (اشعیا 53:11).

سپرجیئن نے کہیا،

اِن لفظاں چہ اَسی خُدا باپ نوں اپنے پُتر دے متعلق بولدیاں ہوئیاں تے ایس گل دا اِعلان کردیاں ہویاں ویکھنے آں۔ کہ چونکہ اُوہنے اِک جان نوں دُکھ چہ مبتلا کیتا اے ایس لئی اُو اُوہنوں ایس گل دا یقین دلائے گا کہ ایدا اِک تسلی بخش انعام وی اے۔ مقدس تثلیث کی مختلف ہستیاں نوں نجات دے معاملے وِچ باہمی مفاہمت نال کم کردے ہوئے ویکھنا کس قدر خوشگوار اے! (سی. ایچ. سپرجیئن، میٹروپولیٹن عبادت گاہ دی واعظ گاہ توںThe Metropolitan Tabernacle Pulpit، پِلگرِم اشاعت خانے، دوبارہ اشاعت 1980، جلد 61، صفحہ 301).

’’او‘‘ یعنی کہ، خُدا باپ؛ ’’اپنی جان دا دُکھ ویکھے گا،‘‘ جیہڑا کہ، اُوہدے پُتر دی جان دا دُکھ اے؛ ’’تے جیہڑا اطمینان پاندا اے۔‘‘ جیویں کہ سپرجیئن نے لکھیا سی، ’’ایناں لفظاں چہ اَسی خُدا باپ نوں اپنے پُتر دے متعلق بولدے ہوئے پانے آں۔‘‘

’’اُوہدی جان دے دُکھ‘‘ مسیح دے اندرونی دُکھاں وَل اشارہ کردے نے، اندرونی تکلیف تے اذیت جیہڑی اُوہنے ساڈے گناہواں لئی اپنے مصائب دے دوران برداشت کیتی سی۔ سانوں مسیح دی جسمانی تکلیفاں دی ناقدری نئیں کرنی چائیدی۔ سانوں ایس گل نوں کدی وی سطحی طور تے نئیں لینا چائیدا کہ پینطوس پلاطوس دے حکم تے مسیح نوں کوڑے پوا کے ادھ مُوا کر دِتا گیا سی۔ سانوں کدی وی مسیح دے مُنہ تے تُھکے جان تے کانڈیاں دا تاج پہنائے جان دی اہمیت دا غلط اندازہ نئیں لگانا چائیدا اے۔ تے سانوں یقیناً کدی وی اُوس درد تے پیاس نو، اُوہدے ہتھاں تے پیراں نوں چھیدے جان دی اہمیت نوں جیہڑا اُوہنے سولی تے ساڈے لئی برداشت کیتے کہ میں اُوس دی تکلیفاں دا تصور وی نئیں کر سکدا، یا اُوہناں نوں کسی قسم دے لفظاں وِچ تہاڈے تیکر منتقل وی نئیں کر سکدا‘‘ (سپرجیئن، ibid.، صفحات 302۔303). ایہہ کہیا جاندا اے کہ ’’مسیح دی جان دے دُکھ اُوہدے دُکھاں دی جان سن‘‘ (ibid.، صفحہ302)، اُوہدے مصائب دا دِل، یسوع دی اذیت دا مرکزی حصّہ۔

لفظ ’’اذیت ناک مشقت‘‘ ظاہر کردا اے اُوہناں غماں نوں، تکلیفاں ںوں تے درد نوں جیہڑی مسیح نے برداشت کیتی سی ’’اپنی جان‘‘ تے جدوں انساناں دا گناہ، تے خُدا باپ دا فیصلہ اُوہدے تے پایا گیا سی۔ ایہہ واضح طور تے مسیح نے گتسمنی دے باغ وِچ برداشت کیتا سی، اُوہدے گرفتار کیتے جان توں پہلاں، اُوہدے کوڑے کھان توں پہلاں، اُوہدے مصلوب ہون توں پہلاں، تے ایدے چہ اُو غم تے جان دا درد وی شامل اے جیہڑا اُوہنے سولی تے مسلسل برداشت کیتا۔ جیویں کہ ڈاکٹر گِل Dr. Gill نے لکھیا،

اُوہدی جان دے دُکھ اُو مشقت تے مزدوری نے جیہڑی اُوہنے اپنے لوکاں نوں نجات دلانے لئی برداشت کیتی؛ اُوہدی تابعداری تے موت، اُوہدے دُکھ تے تکلیفاں؛ خاص طور تے اُو جیہڑے پیدائش توں ای اُوہنے اپنی جان تے جھیلے، الہٰی غصے دے احساس دے تحت، کیوں جے اشارہ اِک عورت دا دُکھ [جنم دین دی تکلیف] وِچ ہون دا اے؛ تے موت دیاں اُو ساریاں اذیتاں تے درد جنہاں وِچوں اُو گزریا (جان گِل، ڈی. ڈی.، پرانے عہد نامے تےاِک تفسیر An Exposition of the Old Testament، بپتسمہ دینے والے معیاری بیئررThe Baptist Standard Bearer، دوبارہ اشاعت 1989، جلد پنجم، صفحہ 315).

’’اپنی جان دا دُکھ سہہ کے، اُو حیاتی دا نور ویکھے گا تے مطمئن ہووے گا…‘‘ (اشعیا 53:11).

’’تے مطمئن ہووے گا‘‘ گناہ دا کفارہ بن جان تے خُدا دے غصے دے بارے چہ دسدا اے۔ خُدا باپ ’’مطمئن‘‘ اے، یا، اَسی کہہ سکنے واں، گناہ دا کفارہ بن جانا،

’’خُدا نے مسیح نوں جو گناہ توں واقف نئیں سی، ساڈے وادطے گناہ ٹھہرایا‘‘ (2۔ کرنتھیوں 5:21).

’’تے اُو ساڈے گناہواں دا کفارہ اے‘‘ (1۔ یوحنا 2:2).

’’خُدا نے یسوع نوں مقرر کیتا کہ اُو اپنا لہو وگائے تے انسان دے گناہ دا کفارہ بن جائے‘‘ (رومیوں 3:25).

ڈاکٹر جان میک آرتھر Dr. John MacArthur، لہو دے بارے چہ حالانکہ غلط نے، بجا طور تے کہندے نے،

لفظ [گناہ دا کفارہ بن جان] دا مطلب اے ’’تشفی‘‘ یا اطمینان۔‘‘ گناہ دی سزا لئی خُدا دے تقدس دے تقاضیاں نوں یسوع دی سولی تے قربانی اطمینان بخشدی اے … ایس لئی یسوع گناہ دا کفارہ بن گیا یا خُدا نوں مطمئن کیتا (جان میک آرتھر، ڈی. ڈی. ، دی میک آرتھر بائبل دا مطالعہ The MacArthur Study Bible، ورڈ اشاعت خانہ، 1997، 1۔یوحنا 2:2 پر ایک یاداشت).

ایویں، اَسی گناہ دا کفارہ بن جانا ویکھنے آں، گناہ دے خلاف خدا دے غصے دا اطمینان ویکھنے آں، جیہڑا یسوع نے اپنی اذیت وِچ برداشت کیتا۔ یسوع دے مصائب خُدا دے فیصلے نوں ’’اطمینان‘‘ بخشدے نے، گناہ دا کفارہ بن جان نوں، تشفی بن جان نوں، گناہ دے خلاف اُوہدے غصے نوں۔

’’اُس [خُدا باپ] نے مسیح نوں جیہڑا گناہ توں واقف نئیں سی، ساڈے واسطے گناہ ٹھہرایا تاکہ اَسی مسیح وِچ خُدا دی راستبازی چہ ہو جان‘‘ (2۔ کرنتھیوں 5:21).

’’اپنی جان دا دُکھ سہہ کے، اُو حیاتی دا نور ویکھے گا تے مطمئن ہووے گا…‘‘ (اشعیا 53:11).

مسیح دے مصائب نے خُدا دے فیصلے نوں اِطمینان بخشا، تے ساڈے لئی ایہہ ممکن بنایا کہ نجات پان۔

2۔ دوجی گل، مسیح دے بارے چہ جانن نال بہتیرے لوکاں نوں راستبازی مِلدی اے۔

کِھلو جاؤ تے تلاوت نوں اُوچی واج نال پڑھو، جیہڑی ایناں لفظاں تے ختم ہوندی اے،

’’اپنی جان دا دُکھ سہہ کے، اُو حیاتی دا نور ویکھے گا تے مطمئن ہوئے گا: اپنے ای عرفان دے باعث میرا راستباز خادِم بہتاں نوں راستباز ٹھہرائے گا …‘‘ (اشعیا 53:11).

تُسی تشریف رکھ سکدے اُو۔

اشعیا نبی مسیح نوں خُدا دے ’’خادم‘‘ دے طور تے اشعیا 52:13 آیت وچ پیش کردا اے۔ تے ایتھے ساڈی تلاوت وچ، مسیح نوں خُدا دا ’’راستباز خادِم‘‘ کہیا گیا اے۔ مسیح صادق [راستباز] اے کیوں جے اُو ’’کوئی گناہ نئیں جانتا‘‘ (2۔ کرنتھیوں 5:21). اُو خدا دا بے گناہ بیٹا اے، خُدا باپ دا ’’راستباز خادم‘‘ اے۔

مسیح ’’بہتیاں نوں راستباز ٹھہرائے گا‘‘ (آیت 11). ایتھے انجیل دا دل اے۔ خُدا دے قوانین دی تابعداری کرن توں اسی اپنے آپ نوں راستباز نئیں کردے، کیوں جے

’’کیوں جے شریعت دے اعمال نال کوئی شخص خُدا دے حضور وچ راستباز نئیں ٹھہرے گا‘‘ (رومیوں 3:20).

اسی اپنے آپ نوں راستباز نئیں کر سکدے کیوں جے اسی قدرتی طور تے گنہگار آں۔ اسی صرف مسیح دی ساڈے لئی راستبازی دی نسبت توں راستباز ٹھہرائے جا سکدے آں۔ ’’نسبت‘‘ اِک قانونی اصطلاح اے۔ ساڈے لئی مسیح دی راستبازی دی نسبت توں اسی قانونی طور تے راستباز ٹھہرائے جانے آں۔ اپنی راستبازی اُوہناں نوں منسوب کرن نال خُدا دا ’’صادق [راستباز] خادم بہتیاں نوں راستباز ٹھہرائے [گا]‘‘ (اشعیا 53:11)!

جان ٹریپ John Trap نے سانوں یاد دلایا کہ کارڈینل کانٹیرینس Cardinal Contarenus نوں دوجے کارڈینل پیگھئیس Cardinal Pighius نے قتل کروایا سی۔ کیوں جے کانٹیرینس نے ایس آیت دا مکمل طور تے یقین کیتا سی، اُوہنوں ’’غیر مقلد مسیحی Protestant‘‘ کہیا گیا سی تے اُوہنوں ایس ایمان دی وجہ توں قتل کیتا گیا کہ ’’انسان دی راستبازی خُدا دی مفت مہربانیاں تے مسیح دی اہلیت دے سبب نال [اے] (جان ٹریپ، پرانے تے نئے عہد نامے تے اِک تبصرہ A Commentary on the Old and New Testaments، دوبارہ اشاعت1997، جلد سوئم، صفحات 410۔411، اشعیا 53:11 تے اِک یاداشت).

’’میرا راستباز خادم بہتیاں نوں راستباز ٹھہرائے [گا]۔‘‘ کی اُوہناں لفظاں لئی مرنا جائز سی؟ بے شک، اُو سن! ایہہ ساڈے بپتسمائی تے غیر مقلد ایمان دا صحیح دل نے! اسی اپنے آپ نوں راستباز نئیں ٹھہراندے، جیویں کہ کیتھولک تعلیم دیندے نے تے فینی Finny دی فیصلہ سازیت دے پیروکار کردے نے! ہائے، ایویں نئیں اے!

’’خُدا خود راستباز ٹھہراندا اے‘‘ (رومیوں 8:33).

’’انسان شریعت تے عمل کرن نال نئیں بلکہ صرف یسوع مسیح تے ایمان لہیان نال راستباز ٹھہرایا جاندا اے‘‘ (غلاطیوں 2:16).

’’پس، شریعت نے اُستاد بن کے سانوں مسیح تیکر پہنچا دِتا، تاکہ اسی ایمان دے وسیلے توں راستباز ٹھہرائے جان‘‘ (غلاطیوں 3:24).

ایہہ مسیح اے، خُدا دا ’’راستباز خادم‘‘ جِنے بہتیاں نوں راستباز ٹھہرایا!

لیکن ایہہ کیویں ہوندا اے؟ کیویں مسیح ’’بہتیاں نوں راستباز ٹھہراندا‘‘ اے؟ کی اُو اُوہناں نوں گرجا گھر آن توں راستباز ٹھہراندا اے؟ جی نئیں! ایہہ کیتھولک مسیحیت تے فیصلہ سازیت اے! کی اُو اُوہناں نوں اپنے کُج گناہ چھڈ دین دے عمل نال راستباز ٹھہراندا اے؟ جی نئیں! ایہہ کیتھولک مسیحیت تے فیصلہ سازیت اے! کی اُو اُوہناں نوں ایس لئی راستباز ٹھہراندا اے کہ اُوہناں نے ’’گنہگاراں دی اِک دعا‘‘ پڑھ لئی سی یا ’’اگے آ کے الطار‘‘ تے روئے سن؟ جی نئیں! ایہہ کیتھولک مسیحیت تے فیصلہ سازیت اے! کی اُو اُوہناں نوں ایس لئی راستباز ٹھہراندا اے کہ اُوہناں نے ’’نجات دا منصوبہ‘‘ سکھ لہیا سی تے یوحنا 3:16 نوں زبانی رٹ لہیا سی، تے ’’گنہگاراں دی دعا‘‘ پڑھی سی؟ جی نئیں! ایہہ وی کیتھولک مسیحیت تے فیصلہ سازیت اے!

فیر، کیویں، اِک شخص راستباز ہو سکدا اے؟ تُسی کیویں خدا دی نظر وچ پاک صاف تے راستباز کیتے جا سکدے اُو؟ ایہہ اِک دائمی سوال اے! ایہہ اُو اِک بہت وڈا سوال اے جہیڑا بِلدد نے ایوب نبی دی کتاب وچ کیتا سی!

’’فیر انسان کیویں خُدا دے حضور راست ٹھہر سکدا اے؟ یا جہیڑا عورت توں پیدا ہویا ہو اُو کیویں پاک ہو سکدا اے؟‘‘ (ایوب 25:4).

ایدا جواب ساڈی تلاوت وچ کھنکھناندا ہویا سُنائی دیندا سی،

’’اپنے ای عرفان دے باعث میرا راستباز خادِم بہتیاں نوں راستباز ٹھہرائے گا‘‘ (اشعیا 53:11).

یا، جیویں کہ سپرجیئن نے ایدا ترجمہ کیتا اے، ’’اپنے ای عرفان دے باعث میرا راستباز خادم بہتیاں نوں راستباز ٹھہرائے گا‘‘ (سی. ایچ. سپرجیئن، میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پِلگِرم اشاعت خانے، دوبارہ اشاعت 1980، جلد 63، صفحہ 117). تے سپرجیئن نے ایہہ وی کہیا،

مسیح دی قربانی دے نتیجے نوں حاصل کرن دا میرا جامع راستہ اے اُوہنوں جاننا تے یقین کرنا – کرن نال نئیں …‘‘ گناہ دی آگاہی شریعت نال اے۔‘‘ فضل تے امن یسوع مسیح نال آیا سی،‘‘ تے ایہہ ساڈے تیکر یقین کرن نال پہنچے تے جانن نال پہنچے – اُوہنوں جانن نال … اُوہدے ذریعے نال … اسی راستباز ٹھہرانے آں‘‘ (ibid.).

’’مگر جہیڑا بندہ اپنے کم تے نئیں بلکہ بے دیناں نوں راستباز ٹھہران آلے خُدا تے ایمان رکھدا اے، اُوہدا ایمان اُوہدے لئی راستبازی گِنیا جاندا اے‘‘ (رومیوں 4:5).

’’خداوند یسوع مسیح تے ایمان لہیا، تے تُو تے تیرا سارا خاندان نجات پائے گا‘‘ (اعمال 16:31).

’’اپنے ای عرفان دے باعث میرا راستباز خادِم بہتیاں نوں راستباز ٹھہرائے گا‘‘ (اشعیا 53:11).

مسیح دے مصائب خُدا دے انصاف نوں اطمینان بخشدے نے۔ خود مسیح نوں جانن نال بہتیاں نوں راستبازی ملدی اے۔ تے –

3۔ تیجی گل، مسیح دا گناہواں دا بوجھ چُکنا گنہگاراں نوں مکمل کفارہ دلاندا اے۔

مہربانی نال کھلو جاؤ تے تلاوت نوں فیر پڑھو، اخیرلے چھہ لفظاں تے بہت توجہ دیو۔

’’اپنی جان دا دُکھ سہہ کے، اُو حیاتیدا نور ویکھے گا تے مطمئن ہوئے گا: اپنے ای عرفان دے باعث میرا راستباز خادِم بہتیریاں نوں راستباز ٹھہرائے گا؛ کیوں جے اُو اُوہناں دیاں بُرائیاں خود چُک لئے گا‘‘ (اشعیا 53:11).

تُسی تشریف رکھ سکدے اُو۔

مسیح بہتیاں نوں راستباز ٹھہرائے گا، کیوں جے اُو اُوہناں دی بُرائیاں خود چُک لئے گا۔‘‘ یعنی کہ، اُو اُوہناں دے گناہ چُکے گا۔ ساڈی راستبازی دی مکمل زمین، ساڈے کفارے تے نجات دی مکمل بنیاد، ایناں لفظاں وچ آشکارہ ہوندی اے، ’’اُو اُوہناں دی بُرائیاں خُود چُک لئے گا۔‘‘

’’اُو ساڈیاں خطاواں دے سبب توں گھائل کیتا گیا، تے ساڈی بداعمالی دے باعث کُچلا گیا: جہیڑی سزا ساڈی سلامتی دا باعث ہوئی اُو اُوہنے چُکی؛ تے اُوہدے کوڑے کھان نال اسی شفا یاب ہوئے‘‘ (اشعیا 53:5).

’’تے خُداوند نے ساڈی ساریاں دی بدکاری اُوہدے تے لد دِتی‘‘ (اشعیا 53:6).

’’تے میرے لوکاں دے گناہواں دے سبب نال اُوہدے تے مار پئی‘‘ (اشعیا 53:8).

’’اُو خود اپنے ای بدن تے ساڈے گناہواں دا بوجھ چکے ہوئے سولی تے چڑھ گیا‘‘ (1۔ پطرس 2:24).

’’کیوں جے اُو اُوہناں دیاں بُرائیاں خود چُک لئے گا‘‘ (اشعیا 53:11).

ایتھے اسی بالکل واضح تے سادہ – مسیح دی خُوشخبری دا پہلا مقصد پانے آں۔ مسیح دے مصائب نے خُدا دے فیصلے نوں اطمینان بخشا۔ خود مسیح نوں جاننا اپنے نال راستبازی لاندا اے۔ مسیح دا گناہ چُک لینا اُوہناں گنہگاراں نوں جہیڑے مسیح نوں جاندے نے مکمل نجات دلاندا اے، جہیڑے اُوہنوں ایمان دے نال جاندے نے۔ حیرت انگیز خُوشخبری! گناہواں دی حیرت انگیز معافی! تاریخ وچ، اج توں پہلاں یا بعد چہ کدی وی اینج نئیں ہویا اے!

’’اپنی جان دا دُکھ سہہ کے، اُو حیاتیدا نور ویکھے گا تے مطمئن ہوئے گا: اپنے ای عرفان دے باعث میرا راستباز خادِم بہتیریاں نوں راستباز ٹھہرائے گا؛ کیوں جے اُو اُوہناں دیاں بُرائیاں خود چُک لئے گا‘‘ (اشعیا 53:11).

کی تُسی مسیح نوں جانندے اُو؟ اُو خُدا دا برّہ اے جہیڑا جہاں دے گناہواں نوں چُک لے جانندا اے۔ لیکن نجات پان لئی تہانوں اُوہدے کول آنا چائیدا اے، تُہانوں اُوہدے وچ آرام تے سکون پانا چائیدا اے۔ کی تُسی اُوہدے کول ایمان نال آئے اُو؟ کی تُسی اُوہدے وچ تبدیل ہوئے اُو؟ جے نئیں، تے کی تُسی خُدا دے برّے ول ویکھو گے؟ کی تُسی اُوہدے کول ایمان نال آؤ گے تے اُوہدی راستبازی تے لہو نال بچائے جاؤ گے؟ ایناں لفظاں نوں فیر سُنو۔

جے تُسی گناہ توں آزاد ہون دی خواہش رکھدے اُو،
   خُدا دے برّے ول ویکھو؛
اُو، تہاڈے گناہ بخشن لئی، کلوری تے فوت ہویا،
   خُدا دے برّے ول ویکھو۔
خُدا دے برّے ول ویکھو، خُدا دے برّے ول ویکھو،
   کیوں جے اوہی کلّا تہانوں بچان دے قابل اے،
خُدا دے برّے ول ویکھو۔
   (’’خُدا دے برّے ول ویکھو Look to the Lamb of God‘‘
      شاعر ایچ۔ جی۔ جیکسن H. G. Jackson، 1838۔1914)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت گایا گیا سی:
’’خُدا دے برّے ول ویکھو Look to the Lamb of God‘‘
(شاعر ایچ۔ جی۔ جیکسن H. G. Jackson، 1838۔1914)۔