ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج دی راتی میں جیہڑا خدا دے بارے وِچ دسن جا رہیا آں اُوہنوں ناپسند کیتا جائے گا تے ایتھوں تیکر کہ نفرت کیتی جائے گی، اُوہناں کُج لوکاں دے ذریعے توں جیہڑے ایہہ سُنندے نے۔ اَج خدا دے بارے وِچ لوکاں دے ایہو جئے ای غلط تصورات نے۔ جدوں کوئی بائبل دے خدا دے بارے چہ گل کردا اے تے ایہہ اِک منفی ردعمل دا سبب بنندا ایہہ، خصوصی طور تے مبلغاں دے اِک مخصوص طبقے دے وِچکار۔

وریاں پہلاں میہنوں اِک بُڈھے پادری صاحب نے تقریباً اِک سو نوجوان لوکاں دے گروہ نوں انجیلی بشارت دا واعظ دین دے لئی پُچھیا سی۔ میں اُوتھے پہلاں وی کئی وری بول چکیا سی، لہٰذا میں سوچیا کہ جانندا سی گرجا گھر نوں کی چائیدا اے۔ لیکن ایس وری انتظام دو نوجوان پادریاں دے ہتھاں وِچ سی۔ میں نجات دے پیغام تے تبلیغ کیتی، خدا دے انصاف تے شدید زور دِتا تے مسیح دی خوشخبری دے واضح اظہار دے نال اختتام کیتا سی۔ سائیس نوجوان لوکاں نے بُلاوے دے لئی ردعمل دا اِظہار کیتا۔ ایہہ سارے دے سارے نئے نئے پیشہ ور سی، جیہڑے کہ کالج دی عمر دے طالب علماں توں جیہڑے موجود سن کُج اِک چوتھائی توں زیادہ سن۔ کسی نے سوچیا تے ہووے گا کہ دوویں نوجوان پادری ایہنے وڈے ردعمل توں خوش تے ہوئے ہون گے۔ لیکن واعظ دے بعد اُوہناں دوواں دے چہریاں تے غصے نال تیوریاں چڑھیاں ہوئیاں سن۔ اُوہناں نے کدی وی میہنوں شکریے دا خط نہئیں لکھیا، تے اُوہناں نے کدی وی میہنوں ہدیہ نہئیں پیجھیا، جیہڑا کہ اُوس گرجا گھر دا اِک عام جیہا رواج سی۔ میں اُوہناں دی سردمزاجی دی وجہ توں بوہتا حیران ہویا سی۔ میہنوں بعد چہ پتا چلیا کہ اُوہناں نے سوچیا سی کہ میں بہوتا زیادہ منفی سی، کہ میہنوں اُوہناں نوجوان لوکاں نوں تبنیہہ دے بغیر کہ خدا گناہ دا انصاف کردا اے بُلاوا دینا چائیدا سی۔ اُوس ویلے توں بعد چہ میہنوں پتا چلیا کہ دورِ حاضرہ دے بہوتے پادری صاحبان اُوہناں دے نظریے دے حامی سن۔ ’’اُوہناں نوں صرف خوشخبری پیش کرو۔ صرف خدا دے پیار تےبارے وِچ گل کرو۔ لوکاں نوں مت جھنجھوڑو تے اُوہناں نوں بے اطمینانی محسوس مت کرن دیو۔‘‘ میں اکثر ویکھنا آں کہ اَج مبلغین اینج ای محسوس کردے نے۔ میں قائل آں کہ ایتھے اینج دی سوچ وِچ کُج انتہائی ہولناک طور تے خرابی اے، اُوہناں دے اُوس انجیلی بشارت دے نظریے دے بارے چہ کُج غلط تے ناکافی اے۔

ڈاکٹر اے۔ ڈبلیو۔ ٹوزر Dr. A. W. Tozer نے کہیا، ’’کوئی وی انسان جیس نے پہلاں خدا دے خوف نوں نہئیں جانیا، خدا دے سچے فضل نوں نہئیں جان سکدا‘‘ (راستبازی کی جڑ The Root of Righteousness، مسیحی اشاعت خانہ Christian Publications، 1955، صفحہ38 )۔ میں یقین کرنا آں کہ اُو بلکل سچے سن، ’’کوئی وی انسان جِنہے پہلاں خدا دے خوف نوں نہئیں جانیا، خدا دے سچے فضل نوں نہئیں جان سکدا۔‘‘ ایس موضوع تے ڈاکٹر مارٹن لائیڈ جونز Dr. Martyn Lloyd-Jones نے بالکل اینج ای یقین کیتا سی جیویں ڈاکٹر ٹوزر نے کیتا سی۔ آئیعن ایچ میورے Iain H. Murray نے کہیا، ’’ڈاکٹر لائیڈ جونز دے لئی خدا دے سامنے انسان دے جرم دے حقیقی اندیشے دے لئی تبلیغ کرن دا مطلب الہٰی غضب دی یقینی دے لئی تبلیغ کرنا اے … جہنم وِچ گناہ دی سزا وِچ … اُوہناں نے تنبیہہ کرن نوں بائبل دی تبلیغ دا اِک اہم حصہ قرار دِتا اے۔ جہنم اِک نظریہ نہئیں اے … ‘‘ (محترم آئیعن ایچ۔ میورے، مارٹن لائیڈ جونز دی حیاتی The Life of Martyn Lloyd-Jones، ادارۂ سچائی دا بینر The Banner of Truth Trust، 2013، صفحہ 317)۔

فیر توں ڈاکٹر لائیڈ جونز نے کہیا، ’’سارے گناہواں وِچ سب توں بدترین گناہ خدا دے بارے وِچ غلط سوچنا اے جیس دا قدرتاً انسان ہولناک طور تے قصور وار ہوندا اے‘‘ (ibid.، صفحہ316)۔ فیر توں، میں ایہنوں معلوماتی پاہنا آں کہ ڈاکٹر جان آر رائس Dr. John R. Rice، جیہڑے کہ جانے مانے بپتسمہ دین آلے انجیلی مبشر نے، اُوہناں نے وی تقریباً اُوہی گلاں کیتیاں جیہڑیاں کہ ڈاکٹر ٹوزر تے ڈاکٹر لائیڈ جونز نے کہیاں۔ ڈاکٹر رائس نے کہیا،

بائبل دا خدا اِک ہولناک خدا اے، اِک دھشتناک خدا اے، بدلہ لین آلا خدا اے، ایہدے نال نال رحم کرن دا خدا وی اے (جان آر۔ رائس، ڈی۔ڈی۔، عظیم تے ہولناک خُدا The Great and Terrible God، خُداوند دی تلوار پبلشرز Sword of the Lord Publishers، 1977، صفحہ12 )۔

ڈاکٹر رائس نے کہیا،

شریعت دے بغیر فضل دی، کفارے دے بغیر ایمان دی، خدا دےغضب دے بغیر خدا دے رحم دی، حہنم دے بغیر جنت دی منادی دی… خدا دی سچائی توں گمراہی اے۔ ایہہ خدا دی غلط ترجمانی کرنا اے۔ ایہہ خدا دے پیغام دا بے ایمان اِظہار اے۔ خدا اِک ہولناک خدا اے، اِک دھشتناک خدا، گناہ دے خلاف غیظ و غضب دا خدا، اُو خدا جیہڑا انتقام لیہندا اے، اُو خدا جیس نال خوف کیتا جائے، اُو خدا جیس دے اَگے گنہگاراں نوں کنبنا چائیدا اے (ibid.، صفحات 13، 14)۔

آمین! تے وریاں تیکر اُوہناں دے واعظ پڑھن دے ذریعے توں میں جاننا آں کہ ڈاکٹر ٹوزر تے ڈاکٹر جان لائیڈ جونز نے اُوس موضوع تے جان آر رائس دے نال اِتفاق کیتا ہووے گا۔ خدا ’’گناہ دے خلاف غیظ و غضب دا خدا‘‘ اے۔

جدوں اَسی خدا نوں ایس طرح نال ویکھنے آں، جیویں کہ بائبل اُوس دا اِظہار کردی اے، تے سانوں اشعیا53: 10 وِچ اپنی تلاوت توں کوئی پریشانی نہئیں ہووے گی۔ خدا باپ تلاوت دے مرکز وِچ اے تے خدا نے یسوع دے نال ساڈی نجات دے لئی کی کیتا،

’’فیر وی ایہہ خداوند دی مرضی سی کہ اُوہنوں کُچلے تے غمگین کرے تے حالانکہ خداوند اُوہدی جان نوں گناہ دی قربانی قرار دیندا اے…‘‘ (اشعیا 53: 10).

’’خدا نے یسوع نوں مقرر کیتا کہ اُو اپنا لہو وگائے تے انسان دے گناہ دا کفارہ بن جائے‘‘ (رومیوں 3: 25).

ڈاکٹر ڈبلیو. اے. کرِسویلDr. W. A. Criswell نے کہیا کہ ’’سولی تے انسان دے گناہ دا کفارہ بن جانا مسیح دا کام سی، جیس نال اُوہنے گناہ دے خلاف خدا دی راستبازی دے تقاضیاں نوں پورا کیتا، تے ایس طرح اُوہنے دوواں نوں یعنی کہ خدا دے انصاف دی لوڑ نوں پورا کیتا تے انسان دے جرم نوں ختم کیتا‘‘ (ڈبلیو. اے. کرِسویل، پی ایچ. ڈی.، کرِسولی مطالعہ بائبل The Criswell Study Bible، تھامس نیلسن اشاعت خانہ، 1979، صفحہ 1327، رومیوں 3: 25 تے یاداشت ).

’’خدا نے یسوع نوں مقرر کیتا کہ اُو اپنا لہو وگائے تے انسان دے گناہ دا کفارہ بن جائے‘‘ (رومیوں 3: 25).

ایس آیت دے بارے وِچ اصلاحِ مطالعہ بائبل The Reformation Study Bible کہندی اے، ’’مسیح انسان دے گناہ دے کفارے دی قربانی دے طور تے مریا سی جیہڑا کہ گنہگاراں دے خلاف الہٰی فیصلے دی تسلی کردا اے، تے درگزر کرتا اے تے راستبازی نوں پھیلاندا اے۔ لیکن پولوس ایہہ ظاہر کرن وِچ محتاط اے کہ [خدا دے پُتر دی] قربانی دینا خدا باپ دا سانوں پیار کرن دا سبب نہئیں اے۔ ایس دا اُلٹ درست اے – خدا دا پیار سبب بنیا کہ اُوس [خدا باپ] نے اپنا بیٹا قربان کر دِتا‘‘ (اصلاحِ مطالعہ بائبل The Reformation Study Bible، لِیگونیئر منسٹریزLigonier Ministries، 2005، صفحہ 1618، رومیوں 3: 25 تے غور طلب گل).

’’جیس نے اپنے پُتر نوں بچائے رکھن دے بجائے، اُوہنوں اَساں ساریاں دے لئی قربان کر دِتا‘‘ (رومیوں 8: 32).

سانوں تلاوت ایہہ وہ کہندی اے،

’’فیر وی ایہہ خداوند دی مرضٰ سی کہ اُوہنوں کُچلے؛ تے غمگین کرے تے حالانکہ خداوند اُوہدی جان نوں گناہ دی قربانی قرار دیندا اے… ‘‘ (اشعیا 53: 10).

ایس تلاوت وِچ اَسی ویکھنے آں کہ مسیح دی اذیت دا سچا مصنف خدا سی۔ مسیح اپنی موت تے مصائب دے لئی ’’خدا دے مقرر انتظام تے علمِ سابق [جیہڑی ایس مقصد دے تحت بنی سی] دے مطابق‘‘ حوالے کیتا جائے گا (اعمال2: 23)۔ کلام پاک دا عطیم تے ہولناک خدا مسیح دے مصائب تے موت دا حقیقی سبب سی۔ یوحنا3: 16 کہندی اے، ’’کہ اُوس [خدا باپ] نے اپنا اِکلوتا پُتر بخشی دِتا‘‘ (یوحنا3: 16)، رومیوں8: 32۔ گناہ دے خلاف خدا دے غضب نوں ٹالیا گیا سی کیوں جے ایہہ خود اُوہدے اپنے پُتر یسوع تے نازل ہویا سی۔ جیویں کہ ساڈی تلاوت کہندی اے،

’’فیر وی ایہہ خداوند دی مرضٰ سی کہ اُوہنوں کُچلے؛ تے غمگین کرے تے حالانکہ خداوند اُوہدی جان نوں گناہ دی قربانی قرار دیندا اے… ‘‘ (اشعیا 53: 10).

ایتھے اشعیا سانوں ’’پس پردہ‘‘ لے جاندا اے سانوں ایہہ وکھان دے لئی کہ خدا باپ نے اپنے پُتر نوں اپنی شدید چاہت تے مصلوبیت دی خوفناکیاں وِچوں پیجھیا تاکہ خدا دے غصے دا اِزالہ ہو جائے تے اُوہدا غضب گنہگاراں دے بجائے یسوع تے پیہئے۔ اپنی تلاوت وِچ اَسی ویکھنے آں کہ (1) خدا نے اُوہنوں کُچلیا؛ (2) خدا نے اُوہنوں غم وِچ مبتلا کیتا؛ (3) خدا نے اُوہدی جان نون گناہ دی قربانی قرار دِتا۔

I۔ پہلی گل، خدا نے یسوع نوں کُچلیا۔

’’فیر وی ایہہ خداون دی مرضی سی کہ اُوہنوں کُچلے‘‘ (اشعیا 53: 10).

لفظ ’’کُچلے‘‘ دے ترجمے دا مطلب ’’پیسنا‘‘ اے۔ ’’فیر وی ایہہ خداوند دی مرضی سی کہ اُوہنوں پیس ڈالے۔‘‘ ڈاکٹر ایڈورڈ جے. ینگ Dr. Edward J. Young نے کہیا، [مسیح] دی معصومیت دے باوجود، خداوند دی مرضی سی کہ اُوہنوں کُچلے [تے پیس ڈالے]۔ یسوع دی موت بدکار لوکاں دے ہتھاں وِچ نہئیں بلکہ خداوند دے ہتھاں وِچ سی۔ ایہہ گل جِنہاں نے یسوع نوں مار ڈالیا اُوہناں نوں ایس ذمہ داری توں برّی الذمہ نہئیں کردی اے لیکن اُو حالات دے ہتھاں وِچ بے بس سن۔ اُو اُوہی کر رئے سن جیس دی اُوہناں نوں کرن دی اجازت خداوند نے دِتی سی‘‘ (ایڈورڈ جے. ینگ، اشعیا دی کتاب The Book of Isaiah، ولیم بی. عیئرڈمینز پبلشنگ کمپنی William B. Eerdmans Publishing Company ، 1972، جلد 3، صفحات 353۔354).

جیویں کہ میں دَس چکیا آں، مسیح دے بارے وِچ ایہہ واضح طور تے رومیوں3: 25 وِچ ظاہر کیتا گیا اے،

’’خداوند اُوہدی جان نوں گناہ دی قربانی قرار دیندا اے‘‘ (رومیوں 3: 25) ،

تے یوحنا3: 16 وِچ درج اے، کہ

’’کیوں جے خدا نے دُنیا نال ایس قدر محبت کیتی، کہ اپنا اِکلوتا پُتر بخش دِتا‘‘ (یوحنا 3: 16)

تاکہ گناہ دے خلاف اُوس [خداوند] دے غصے دا اِزالہ ہووے، تے گنہگار انسان دے لئی نجات ممکن ہووے

’’فیر وی ایہہ خداوند دی مرضی سی کہ اُوہنوں کُچلے [پیس ڈالے]‘‘ (اشعیا 53: 10).

خداوند باپ نے اپنے بیٹے [یسوع] نوں کُچلنا تے پیسنا گتسمنی دے باغ توں ای شروع کر دِتا سی۔ متی وَلوں سانوں کہیا جاندا اے، کہ گتسمنی دے باغ وِچ، خداوند نے کہیا، ’’میں چرواہے نوں ماراں گا‘‘ (متی26: 31)۔ مرقس دی انجیل وی سانوں دسدی اے کہ، گتسمنی وِچ، ’’میں چرواہےنوں ماراں گا‘‘ (مرقس14: 27)۔ خداوند نے یسوع نوں ماریا، اُوہنوں کُچلیا، تے گتسمنی دے انیہرے وِچ ساڈے گناہواں دے لئی یسوع نوں متبادل دے طور تے گناہ دی قربانی دے لئی کُچلنا شروع کیتا۔ سپرجئین نے ایس بارے وِچ دسیا سی جدوں اُوہنے کہیا،

ایہو ای اُو ویلہ سی کہ ساڈے خداوند نوں باپ دے ہتھاں توں اِک یقینی پیالی لیہنا سی۔ ہُن ایہہ آزمائش نا یہودیاں نے، نا یہودہ نے، نا سوتے پیہئے شاگرداں نے، نہ شیطان نے [گتسمین وِچ] کیتی سی، بلکہ ایہہ اِک پیالہ سی جیہڑا لبریز کیتا گیا سی اُوس اِک نے جِںہوں یسوع اپنے باپ دی طور تے جانندا سی … اِک پیالہ جِنہے یسوع دی جان نوں حیرت زدہ کر دِتا تے اُوہدے دِل نوں گہرائیاں نال تکلیفاں وِچ مبتلا کر چھڈیا۔ یسوع ایس پیالے نوں ٹال [واپس کر] دینا چاہندا سی، ایس لئی تُسی ایہہ یقین کرو کہ ایہہ اِک کوڑا گھونٹ [اِک پیالہ] سی جیہڑا کہ جسمانی تکلیف توں کِدرے بوہتا ہولناک سی، چونکہ اُو ایہدے توں پیچھے نہئیں ہٹیا سی… ایہہ سب کُج ناقابل فہم طور تے بھیانک سی، حیرتناک طور تے دھشت توں بھرپور، جیہڑٓا [یسوع دے] کول باپ دے ہتھاں توں آیا سی۔ ایہہ اُوہناں ساریاں شکوک نوں رفع کر دیندا اے کہ ایہہ سب کی سی، کیوں نے اَسی پڑھیا، ’’فیر وی ایہہ خداوند دی مرضی سی کہ اُوہنوں کُچلے…‘‘ خداوند نے اَساں ساریاں دی بدکاریاں یسوع تے [ٹھہرائیاں] لد دِتیاں۔ ’’خدا نے مسیح نوں جیہڑا گنہا توں واقف نہئیں سی ساڈے واسطے گناہ ٹھہرایا۔ ایہہ، فیر سبب اے ایس گل دا جیس نے نجات دہندہ نوں ایس قدر غیر معمولی دباؤ وِچ مبتلا کیتا… یسوع نوں گنہگاراں [دی تھاں تے] مصیبتاں برداشت کرنیاں ضروری سن۔ ایہو ای اے [گتسمنی وِچ] اُوہناں اِذیتاں دا راز جِنہاں نوں تہاڈے سامنے [مکمل طور تے بیان کرنا] میرے لئی ممکن نہئیں اے، لہٰذا ایہہ سچ اے کہ –

’ایہہ خداوند ای اے، تے اکیلا خداوند،
کہ جِنہوں یسوع دے غم مکمل معلوم نے۔‘

(سی. ایچ. سپرجیئن، ’’گتسمنی وِچ اذیت The Agony in Gethsemane،‘‘ میٹروپولیٹن دی عبادت گاہ دی واعظ گاہ توں The Metropolitan Tabernacle Pulpit، پِلگرِم اشاعت خانہ، 1971 فیر توں اشاعت، جلد بیسویں، صفحات 592۔593).

’’فیر وی ایہہ خداوند دی مرضی سی کہ اُوہنوں کُچلے [پیس ڈالے]‘‘ (اشعیا 53: 10).

انسانی گناہ دے بوجھ تلے، جیہڑا گتسمنی وِچ یسوع تے اُنڈیل دِتا گیا سی، مسیح دِل شکستہ [پیس گیا] سی، تہاڈے گناہ دے بوجھ تلے اُو کُچلا گیا سی، ایتھوں تیکر کہ

’’فیر اُو سخت درد و کرب وِچ مبتلا ہو کے ہُور وی دِلسوزی نال دعا کرن لگا تے اُوہدا پسینہ لہو دی بونداں وانگوں زمین تے ٹپکن لگا‘‘ (لوقا 22: 44).

ہُںے تیکر کسی انسانی ہتھ نے یسوع نوں چھوا تیکر نہئیں سی۔ اُو ہُنے تیکر گرفتار وی نہئیں کیتا گیا سی، نا ای ہُنے تیکر اُو پیٹیا گیا، کوڑے لگوایا گیا یا مصلوب کیتا گیا سی۔ جی نہئیں، ایہہ خدا باپ سی جیس نے یسوع نوں گتسمنی وِچ کُچلیا تے پیس ڈالیا سی۔ ایہہ خدا باپ سی جیس نے کہیا، ’’ میں چرواہے نوں ماراں گا‘‘ (متی26: 31)۔ ایہو ای اے جیس دی پیشن گوئی خدا نے اشعیا دی معرفت کیتی،

’’فیر وی ایہہ خداوند دی مرضی سی کہ اُوہنوں کُچلے‘‘ (اشعیا 53: 10).

کوئی زبان غصے نون بیان نہئیں کر سکدی جیہڑا اُوہنے برداشت کیتا،
     اُو غصہ جیہڑا میری وجہ توں سی:
گناہ دا صرف صحرا؛ جیہڑا سارا اُوہنے برداشت کیتا،
     تاکہ گنہگار نوں نجات دلا دے!
     (’’غصّے دا پیالہ The Cup of Wrath ‘‘ شاعر البرٹ مِڈلین، 1825۔1909؛
     بطرزِ ’’او توں میرے لئی کُھلا چھڈ دِتا O Set Ye Open Unto Me‘‘).

II۔ دوجی گل، خدا نے یسوع نوں غم وِچ مبتلا کیتا۔

’’فیر وی ایہہ خداوند دی مرضی سی کہ اُوہنوں کُچلے؛ تے غمگین کرے…‘‘ (اشعیا 53: 10).

دوبارہ، ایہہ خدا ای سی جیس نے اپنے اِکلوتے پُتر نوں غماں وِچوں لنگہایا جِنہاں دا یسوع نے اپنی موت تے شدید چاہت دے دوران تجربہ کیتا۔ ڈاکٹر جان گِل نے کہیا،

اُس نے اُوہنوں غماں وِچ مبتلا کیتا [اُوہدا مصیبتاں نوں برداشت کرنا]... جدوں اُوہنے اُوہنوں نہئیں بخشیا، بلکہ موت تیکر دے لئی اُوہنوں بدکار لوکاں دے ہتھاں وِچ سونپ دِتا: اُوہنوں باغ وِچ ای غمگین کر دِتا گیا سی، جدوں غماں نال اُوہدی جان نکلی جا رئی سی؛ تے سولی تے، جدوں کیلاں نال اُوہنوں اُوہدےتے ٹھوکیا گیا، [تے] لوکاں دے گناہواں دا بوجھ اُوہدے تے لادا گیا، تے اُوہدے باپ دا غصہ، اُوہدے تے؛ تے جدوں اُوہنے اپنا چہرہ اُوہدے کولوں چھپایا، جیس نال اُو چیخ پیہیا، اے میرے خدا، اے میرے خدا، توں میہنوں کیوں چھڈ دِتا؟ … اُوہنوں جسم تے ذہن دوویں طرح نال درد وِچ مبتلا ہون دی [اِجازت دے رہیا اے] (جان گِل، ڈی. ڈی. ، پرانے عہد نامے دی تفسیر An Exposition of the Old Testament ، بپتسمہ دین آلے معیاری بیئرر The Baptist Standard Bearer ، دوبارہ اشاعت 1989 جلد پنجم، صفحہ 315).

یسوع نے جان بُجھ کے درد تے پسینے دے مصائب نوں ، کوڑے کھان تے مصلوب ہون نوں برداشت کیتا، ساڈے گناہواں دے لئی رضاکارانہ طور تے مصائب برداشت کیتے، کیوں جے اُوہنے کہیا،

’’کیوں جے میں آسمان توں ایس لئی نہئیں اُتریا کہ اپنی مرضی پوری کراں بلکہ ایس لئی کہ اپنے پیجھن آلے دی مرضی تے چلاں‘‘ (یوحنا 6: 38).

’’جدوں اُو خدا دے مقرر انتظام تے علمِ سابق دے مطابق پھڑوایا گیا‘‘ (اعمال 2: 23).

’’مسیح نے جیہڑا ساڈے لئی لعنیت بنیا‘‘ (غلاطیوں 3: 13).

’’تے اُو ساڈے گناہواں دا کفارہ اے‘‘ (1۔ یوحنا 2: 2).

’’خدا نے یسوع نوں مقرر کیتا کہ اُو اپنا لہو وگائے تے انسان دے گناہ دا کفارہ بن جائے تے اُوہدے تے ایمان لیہیان آلے فائدہ چُکن‘‘ (رومیوں3: 25)۔

کوئی زبان غصے نوں بیان نہئیں کر سکدی جیہڑا اُوہنے برداشت کیتا،
     اُو غصہ جیہڑا میری وجہ توں سی:
گناہ دا صرف صحرا؛ جیہڑا سارا اُوہنے برداشت کیتا،
     تاکہ گنہگار نوں نجات دِلا دیوے!
     (’’غصّے دا پیالہ The Cup of Wrath ‘‘ شاعر البرٹ مِڈلین، 1825۔1909 ).

’’فیر وی ایہہ خداوند دی مرضی سی کہ اُوہنوں کُچلے؛ تے غمگین کرے…‘‘ (اشعیا 53: 10).

III۔ تیجی گل، خدا نے یسوع دی جان نوں گناہ دی قربانی قرار دِتا۔

آؤ کِھلو جائیے تے اُوچی واج نال تلاوت کلام پاک نوں پڑھو، ’’گناہ دے لئی اِک قربانی‘‘ دے اختتام تیکر۔

’’فیر وی ایہہ خداوند دی مرضی سی کہ اُوہنوں کُچلے؛ تےغمگین کرے: تے حالانکہ خداوند اُوہدی جان نوں گناہ دی قربانی قرار دیندا اے…‘‘ (اشعیا 53: 10).

تُسی تشریف رکھ سکدے اُو۔

تلاوتِ کلام پاک دے شروع وِچ ’’فیر وی‘‘ دے لفظاں تے غور کرو۔ ایہہ نویں آیت وَل واپس حوالہ دیہندی اے، ’’حالانکہ اُوہنے کدی ظلم نہ کیتا، نہ اُو اُوہدے مُنہ توں مکر دی کوئی گل نکلی۔ فیر وی…‘‘ (اشعیا 53: 9۔10الف). اگرچہ یسوع نے کدی گناہ نہئیں کیتا سی، ’’فیر وی ایہہ خداوند دی مرضی سی کہ اُوہنے کُچلے؛ تے اُوہنوں غمگین کرے…‘‘ ڈاکٹر گائےبیلائین Dr. Gaebelein دا تبصرہ کہندا اے، ’’[مسیح دی] شخصی راستبازی دے لئی آیت 10الف دا اپنی من مانی دی بے عزتی دا واضح اِظہار بذات خود تقریباً صدمہ انگیز اے۔ لیکن فیر پڑھن آلے نوں ایہناں مصیبتاں دی متبادل قدرت دی یاد آندی اے … یکدم خدا سخت گیر نظر نہئیں آندا بلکہ حیرت انگیز طور تے شفیق نظر آندا اے‘‘ (فرینک ای. گائے بیلائین، ڈی.ڈی.، جنرل ایڈیٹر، مفسر دا بائبل تے تبصرہ The Expositor’s Bible Commentary، ژونڈروانZondervan ، 1986، جلد ششم، صفحہ 304).

’’فیر وی ایہہ خداوند دی مرضی سی کہ اُوہنوں کُچلے؛ تےغمگین کرے: تے حالانکہ خداوند اُوہدی جان نوں گناہ دی قربانی قرار دیندا اے…‘‘ (اشعیا 53: 10).

’’جیس نے اپنے پُتر نوں بچائے رکھن دے بجائے، اُوہنوں اَساں ساریاں دے لئی قربان کر دِتا‘‘ (رومیوں 8: 32).

’’اُو خود ای اپنے بدن تے ساڈے گناہواں دا بوجھ چُکے ہوئے سولی تے چڑھ گیا … اُوسی دے مار کھان نال تُسی شفا پائی‘‘ (1۔ پطرس 2: 24).

’’خدا نے مسیح نوں جیہڑا گناہ توں واقف نہئیں سی، ساڈے واسطے گناہ ٹھہرایا تاکہ اَسی مسیح وِچ خدا دی راستبازی وِچ ہو جائیے‘‘ (2۔ کرنتھیوں 5: 21).

’’خداوند اُوہدی جان نوں گناہ دی قربانی قرار دیندا اے‘‘ (اشعیا 53: 10).

کوئی زبان غصے نوں بیان نہئیں کر سکدی جیہڑا اُوہنے برداشت کیتا،
     اُو غصہ جیہڑا میری وجہ توں سی:
گناہ دا صرف صحرا؛ جیہڑا سارا اُوہنے برداشت کیتا،
     تاکہ گنہگار نوں نجات دِلا دیوے!
     (’’غصّے دا پیالہ The Cup of Wrath ‘‘ شاعر البرٹ مِڈلین، 1825۔1909 ).

’’فیر وی ایہہ خداوند دی مرضی سی کہ اُوہنوں کُچلے؛ تے غمگین کرے تے حالانکہ خداوند اُوہدی جان نوں گناہ دی قربانی قرار دیندا اے …‘‘ (اشعیا 53: 10).

مسیح گناہ دے لئی خدا دا نزرانہ سی۔ مسیح تہاڈی تھاں تے تہاڈے متبادل دے طور تے مریا۔ مسیح نے تہاڈے بدلے وِچ مصیبتاں برداشت کیتیاں، گناہ دے کفارے دے طور تے، تہاڈے گناہ دا جرمانہ ادا کرن دے لئی، تہاڈے اُوتوں خدا دا غصہ ہٹان دے لئی تے اپنے اُتے سب کج لین دے لئی۔ جدوں تُسی اُوہدے ہتھاں تے پیراں دے ناخن کھیچدے ہوئے ویکھدے اُو، تے ایہہ تہاڈی وجہ توں اے۔ اُو ناراستاں دے لئی راستباز مریا، تاکہ تہانوں خدا دی حضوری وِچ دیانتداری نال معافی دی حالت وِچ لیہیائے۔ سپرجئین نے کہیا،

گنہا دی لئی انسان نوں دائمی اَگے دی سزا سُنائی گئی سی؛ جدوں خدا نے مسیح نوں متبادل دے طور تے لیہیا تے ایہہ سچ اے، اُوہنے مسیح نوں دائمی اَگ وِچ نہئیں پیجھیا، لیکن اُوہنے اُوہنوں غمگین کیتا، ایس قدر مایوس، ایتھوں تیکر کہ ایہہ ہمیشہ دی اَگ دے لئی اِک جائز ادائیگی سی … کیوں جے مسیح نے اُوس اِک گھنٹے وِچ ساڈے ماضی، حال تے آن آلے ویلے دے سارے گناہ چُک لیہئے سن، تے اُوہناں دے لئی اُوتھے ای اُوسی ویلے سزا ملی سی، تاکہ سانوں کدی وی سزا نہ ملے، کیوں جے اُوہنے ساڈی تھاں تے [تکلیفاں] برداشت کیتیاں۔ فیر تہانوں نظر آیا، ایہہ کینج سی کہ خدا باپ نے اُوہنوں کُچلیا؟ جدوں تیکر اُو اینج نہ کردا، [جہنم وِچ] ساڈے [مستحق] مصائب برداشت کرن دے لئی مسیح دی اذیتاں نہئیں ہو سکدیاں سن (سی. ایچ. سپرجیئن، ’’مسیح دی موت‘‘ نئی پارک سٹریٹ کی واعظ گاہ سے The New Park Street Pulpit ، پِلگرِم اشاعت خانہ، دوبارہ اشاعت 1981 ، جلد چہارم، صفحہ 69۔70).

فیر وی مسیح دی موت سارے لوکاں نوں جہنم دی اذیتاں توں نہئیں بچاندی۔ صرف اُو ای بچدے نے جیہڑے مسیح وِچ ایمان لیہیا کے تبدیل ہوندے نے۔ اُو صرف گنہگاراں تے گنہگاراں دے لئی مریا، اُوہناں دے لئی جیہڑے خود اپنے آپ وِچ ایہہ محسوس کردے نے کہ اُو گنہگار نے، تے مسیح نوں لبھدے نے کہ اُوہناں نوں معاف کر دیوے۔

تہاڈے گناہ دا احساس تے تہاڈی لوڑ دا احساس یسوع دے لئی اُو نشانات نے جیہڑے ظاہر کردے نے کہ اُوہدی موت تہاڈے گناہ نوں شفا دیوے گی۔ اُو جیہڑے یسوع دی موت نوں سوچن دے لئی اِک لمحے دے لئی رُکدے نے، تے فیر اُوہدے بارے چہ بُھل جاندے نے، اُو خود اپنے گناہواں دے لئی دائمی سزا ہمیشہ دے لئی پاندے رہندے نے، کیوں جے اُوہناں نے سولی تے مسیح نے جیہڑی ادائیگی کیتی سی اُوہنوں مسترد کیتا۔

ایس بارے چہ سنجیدگی دے نال ہر ویلے سوچو۔ ٹاپ لیڈی دے عظیم حمد و ثنا دےگیت ’’کفارہ‘‘ دے لفظاں دے بارے چہ سنجیدگی دے نال ہر ویلے سوچو،

میرے لئی بے داغ برّہ دِتا گیا
     اُوہدے باپ دی غضب برداشت کرن دے لئی؛
میں اُوہدے خونی زخم ویکھنا آں تے جاننا آں
     میرا ناں وی اُوتھے ای لکھیا اے۔

خداوند وَلوں اُوہدا پُرجوش لہو
     جامنی دھاراں وِچ وگیا؛
تے ہر زخم نے چیخ دا اعلان کیتا
     انسان دے لئی اُوہدے حیرت انگیز پیار دا۔

میرے لئی، نجات دہندہ دا لہو معاون اے،
     کفارے دے لئی قادر ترین؛
چھید پان آلی کیلاں نوں ہتھ جیہڑے اُوہنے پیش کیتے
     میہنوں اُوہدے تخت تیکر رہنمائی دین گے۔
(’’کفارہ Propitation‘‘ شاعر اگستس ٹاپ لیڈیAugustus Toplady ، 1740۔1778؛ بطرز ’’سولی تے At the Cross‘‘)۔

فیر، اُودھو، تُسی یسوع تے پروہسا کیوں نہئیں کیتا؟ اُو کی اے جیہڑا تہانوں اُوہدے تے پروہسا کرن توں روک رہیا اے؟ ایہو جیہا کیہڑا خفیہ گناہ تُسی چھپاندے اُو جیہڑا تہانوں اُوہدے تے پروہسا کرن دے لئی روکدا اے؟ کیہڑی جھوٹی تے احمقانہ خواہشات تہانوں نجات دہندہ توں دور رکھدیاں نے؟ کُج گنوا دین دا ایہو جیہا کیہڑا خوف اے جیہڑا تُسی سوچدے اُو کہ اہم اے تے تہانوں روکدا اے؟ کیہڑیاں لُکی ہوئیاں وجوہات نے جیہڑیاں مسیح تے پروہسا کرن توں روکدیاں نے جِنہے تہانوں سزا توں بچان دے لئی خدا دا ناخوشگوار قہر برداشت کیتا؟ اُوہناں سوچاں نوں اپنے آپ توں دور کرو – تے ’’خدا دے برّے‘‘ تے پروہسا کرو، جیہڑا جہاں دے گناہ چُک لے جاندا اے‘‘ (یوحنا1: 29)۔ اُو تہاڈا انتظار کردا اے۔ مذید ہُور دیر نہ کرو۔ اُوہدے تے ہُنے ای پروہسا کرو، اَج دی شامی ای پروہسا کرو۔ تفتیشی کمرہ تہاڈے وِچوں اُوہناں لئی کُھلا اے جیہڑے اُوہنوں تلاش کرن دے خواہش رکھدے نے، تے اُوہدے تے پروہسا کردے نے، تے اُوہدے وسیلے توں بچائے جاندے نے۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔