ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ساڈے کلام دا پہلا حصہ دسدا اے کہ یسوع ’’نے ساڈیاں بیماریاں برداشت کیتیاں، تے ساڈے غم چُک لئے۔‘‘ آیت دا ایہہ حصہ نئے عہد نامے چہ متی 8:17 چہ دُہرایا گیا سی،

’’تاکہ یسعیا [اشعیا] نبی دی معرفت کہی گئی ایہہ گل پوری ہو جاوے کہ، اُوہنے خود ساڈیاں کمزوریاں لے لہیاں تے بیماریاں چُک لہیاں‘‘(متی 8:17).

متی 8:17 اشعیا 53:4 دے براہ راست حوالے دے مقابلے چہ زیادہ بجا طور تے اِک درخواست اے۔ ڈاکٹر ایڈورڈ جے۔ یَنگ نے کہیا، ’’متی 8:17 دا حوالہ مناسب اے کیوں جے ایتھے جہیڑی بیماری دا حوالہ اے اُو خود گناہ دے ول اشارہ کردا اے۔ آیت چہ گناہ دے اثرات نوں ترک کرن دی سوچ وی شامل اے۔ بیماری گناہ توں کدی نہ الگ ہون آلا ساتھی اے‘‘(ایڈورڈ جے۔ یَنگ، پی ایچ۔ ڈی۔، اشعیا دی کتاب، The Book of Isaiah ، ولیم بی۔ عئیرڈ منز پبلشنگ کمپنی، جلد3، صفحہ 345).

متی 8:17 چہ توبہ دے عمل [کفارہ] دا اِطلاق بیماری دی شفا لئی کیتا گیا اے۔ لیکن سانوں ایہہ وی یاد رکھنا چائیدا اے کہ ایہہ متی دے ولوں پیش کیتا گیا صرف اِک اِطلاق اے، تے ایہہ ساڈی تلاوت چہ پیش کیتا گیا بنیادی معنی نئیں اے۔ پروفیسر ’’ہینگس ٹنبرگ Hengstenberg ‘‘ درست طور تے بیان کردے نے کہ خادم [مسیح] نے گناہ اُوہناں اثرات دے نال چُکے، تے اُوہناں وچ بیماریاں تے تکلیفاں دی نمایاں حیثیت اے۔ ایس گل نوں ضرور توجہ دینی چائیدی اے کہ متی جان بجھ کے [اشعیا 53:4 چہ عبرانی] توں رُخ موڑدا اے … ایس حقیقت تے زور دین لئی کہ مسیح نے درحقیقت چہ ساڈیاں بیماریاں نوں چُکیا سی‘‘ (دہرایا گیا اے یَنگ، ibid، صفحہ 345، تنقیدی حاشیے 13 وچ).

چاراں انجیلاں دے محتاط مطالعے توں پتا چلدا اے کہ مسیح نے ثبوت دے طور تے کہ اُو بیماریاں نوں شفا دے سکدا سی، بیماریاں توں شفا دین دے ذریعے نال اینوں مسیح چہ ایمان لہیان دی تبدیلی چہ محفوظ کر دِتا۔ ایدی مثال دس کوڑھیاں چہ ویکھی جا سکدی اے جہیڑے مسیح تے چلائے سن، تے کہیا سی، ’’مالک، ساڈے تے رحم کر‘‘ (لوقا 17:13). یسوع نے اُوہناں نوں ہیکل چہ کلیا سی کہ اپنے آپ نوں کاہناں نوں وکھاؤ، تے ’’جدوں اُو جا رئے سن، اُوہناں نے شفا پائی سی‘‘ (لوقا 17:14). اُو جسمانی طور تے مسیح دی قوت نال شفا یاب ہوئے سن، لیکن اُو بچائے نئیں گئے سن۔ اُوہناں وچوں صرف اِک واپس آیا سی۔ ایس تبدیلی چہ اُوہنے اپنے گناہواں دی روحانی شفا پائی سی جدوں اُو یسوع دے کول آیا سی، ’’تے اُوہدے قدماں چہ منہ دے بل ڈِگ کے اُوہدا شکریہ ادا کرن لگا‘‘ (لوقا 17:16). فیر یسوع نے اُوہنوں کہیا، ’’اُٹھ تے رخصت ہو، تیرے ایمان نے تینوں چنگا کیتا‘‘ (لوقا 17:19). ایہہ اودوں سی کہ اُو نا صرف جسمانی طور تے بلکہ روحانی طور تے شفایاب ہویا سی۔ اسی ایس چیز نوں مسیح دی ادا کیتی گئی بے شمار معجزاتی شفایابیاں وچ ویکھ سکنے آں، جیویں کہ یوحنا دی انجیل دے نوویں باب وچ اِک انے بندے دیاں اکھاں نوں بینائی دینا۔ پہلاں اُوس بندے نے انے پن توں شفا پائی سی، لیکن اُوس نے سوچیا سی کہ یسوع صرف ’’اِک نبی‘‘ سی (یوحنا 9:17). بعد چہ اُوس نے کہیا،

’’اے خداوند، میں ایمان لہیانا آں۔ تے اُوس نے یسوع نوں سجدہ کیتا‘‘ (یوحنا 9:38).

تے ایہہ صرف اُوہی ویلہ سی کہ اُو بندہ بچایا گیا۔

ایس لئی اسی ایہہ نتیجہ کڈنے آں کہ جسمانی شفا ثانوی اے تے کہ اشعیا 53:4 دی خاص اہمیت روحانی شفا دے ول اے۔ ڈاکٹر جے۔ ورنن میگیDr. J. Vernon McGee نے کہیا،

اشعیا نبی دی کتاب وچوں ایہہ حوالہ واضح طور تے بیان کردا اے کہ اسی اپنی خلاف ورزیاں تے بد اعمالیاں توں شفا پانے آں [اشعیا 53:5]۔ تُسی مینوں کہندے اُو، ’’کی تُہانوں ایس بارے چہ یقین اے؟‘‘ میں جانندا آں ایہی اے جہیڑا ایہہ آیتاں کہہ رہیاں نے کیوں جے پطرس نے کہیا، ’’اُو خود اپنے ای بدن تے ساڈے گناہواں دا بوجھ لئے ہوئے صلیب تے چڑھ گیا تاکہ اسی گناہواں دے اعتبار توں مردہ ہو جائیے مگر راستبازی دے اعتبار توں زندہ ہو جائیے: اُوہدے مار کھان توں تُسی شفا پائی‘‘ (1۔ پطرس 2:24). کیس توں شفا پائی؟ ’’گناہواں توں‘‘ پطرس ایس گل نوں بہت واضح کر رہیا اے کہ اُو گناہ دے بارے چہ گل کر رہیا اے (میکجی، ibid، صفحہ 49).

ایہہ وضاحت واپس سانوں ساڈے کلام دے ول لے جاندی اے،

’’یقیناً اُوہنے ساڈی بیماریاں برداشت کیتیاں، تے ساڈے غم چُک لئے: فیر وی اَسی اُوہنوں خُدا دا ماریا، پیٹیا تے ستایا ہویا سمجھا‘‘ (اشعیا 53:4).

قدرتی طور تے ایہہ آیت دو حصیاں چہ تبدیل ہوندی اے: (1) بائبل چہ پیش کیتی گئی حقیقی وجہ جیس لئی مسیح نے مصائب برداشت کیتے؛ تے (2) انے کیتے گئے لوکاں دے ولوں یقین کرن دی غلط وجہ۔

1۔ اوّل، مسیح دے مصائب برداشت کرن دی حقیقی وجہ، جہیڑے مقدس ضحیفاں چہ پیش کیتے گئے۔

’’یقیناً اُوہنے ساڈی بیماریاں برداشت کیتیاں، تے ساڈے غم چُک لئے…‘‘ (اشعیا 53:4).

’’یقیناً‘‘ دا لفظ متعارف کرواندا اے اُوس فرق دے درمیان جہیڑا مسیح دے مصائب برداشت کرن دی حقیقی وجہ سی تے غلط وجہ جیس دے سبب توں انے بندیاں نے یقین کیتا سی۔ ’’یقیناً‘‘، فیر درست بیان اے؛ ’’فیر وی‘‘ تب غلط بیان اے؛

’’یقیناً اُوہنے ساڈی بیماریاں برداشت کیتیاں، تے ساڈے غم چُک لئے: فیر وی اَسی اُوہنوں خُدا دا ماریا، پیٹیا تے ستایا ہویا سمجھا‘‘ (اشعیا 53:4).

ایدے نال نال لفظاں ’’دُکھاں‘‘ تے ’’غماں‘‘ نوں سمجھنا وی ضروری اے۔ عبرانی زبان چہ ’’دکھاں‘‘ دا مطلب ’’بیماریاں‘‘ اے۔ اشعیا نے اینوں اشعیا 1:5۔6 وچ ’’گناہ‘‘ دے نعم البدل دے طور تے استعمال کیتا اے۔ ایتھے وی ایہہ ’’گناہ‘‘ دا ای نعم البدل اے۔ دُکھاں توں مراد گناہ دا مرض تے علالت اے۔ ’’غماں‘‘ توں مراد ’’تکلیف تے شدید ذہنی اذیت محسوس کرنا‘‘ اے۔ لہٰذا، ایس تمام توں مراد گناہ دے ’’مرض، یا علالت‘‘، نال اے جیدے توں ’’شدید تکلیف تے ذہنی اذیت پیدا‘‘ ہوندی اے – گناہ دی خاص بیماری تے اُوہدا درد۔

فیر توجہ طلب اے لفظ ’’برداشت کیتے‘‘۔ ایدا مطلب اے ’’چُکنا‘‘۔ لیکن ایدا ’’زیادہ اصل مطلب اے چُک [یا چُکنا] لے جانا۔ زیادہ تر سوچیا ایہی جانندا اے کہ چُک رہیا تے اُتے چُک رہیا‘‘ (یَنگ، ibid۔، صفحہ 345). مسیح اُو گناہ چُک لیندا اے جہیڑے لوکاں دے ہوندے نے، خود اپنے اُتے چُک لیندا اے، تے اُوہناں گناہواں نوں چُک کے لے جانندا اے۔ جیویں کہ مسیح نے اپنی صلیب چُکی سی تے کلوری دے پہاڑ دے ول لے گیا سی، لہٰذا اُو تبدیل ہوئے شخص دے گناہ چُکدا اے تے اُوہناں نوں چُک کے لے جانندا اے۔ ایہی اے جہیڑا پطرس رسول دا مطلب سی جدوں اُوہنے مسیح دے متعلق کہیا،

’’اُو خود اپنے ای بدن تے ساڈے گناہواں دا بوجھ چُکے ہوئے صلیب تے چڑھ گیا‘‘ (1۔پطرس 2:24).

جیویں کہ کئیل اور ڈیلژسچ Keil and Delitzsch دا تبصرہ اینوں تحریر کردا اے،

ایس معنی دا محض ایہہ مطلب نئیں اے کہ [مسیح] ساڈیاں تکلیفاں تے مصائب دی رفاقت چہ شامل ہویا، لیکن ایہہ اے کہ اُوہنے خود اپنے اُتے مصائب چُک لئے جہیڑے اُوہنے برداشت کرنے سن تے جنہاں نوں برداشت کرن دا اُو مستحق سی، تے ایس لئی نا صرف اُوہناں نوں چُک کے لے گیا … بلکہ اُوہناں نوں اپنی ہستی [اُوہدا اپنا جسم] تے برداشت کیتا، کہ اُو شاید سانوں اُوہناں توں نجات دلا دے۔ لیکن جدوں اِک شخص اُو مصائب اپنے اُتے لیندا اےجہیڑے کسی دوجے نوں برداشت کرنے پے سکدے سن، تے ایس لئی ناصرف اُوہدے نال جھیلدا اے بلکہ اُوہدی جگہ تے جھیلدا اے، اینوں ای تبادلہ کہندے نے (فرانژ ڈیلژسچ، ٹی ایچ۔ ڈی۔، Franz Delitzsch, Th.D. پرانے عہد نامے دی دس جلداں تے تبصرہ Commentary on the Old Testament in Ten Volumes ، ولیم بی۔ عیئرڈمنز پبلشنگ کمپنی، 1973 دوبارہ اشاعت، جلد ساتویں، صفحہ 316).

مسیح نے ساڈے گناہ اپنے جسم تے چُکے تے اُوہناں نوں چُک کے اُتے کلوری دے پہاڑ تے لے گیا، صلیب تیکر، تے جِتھے اُوہنے ساڈے گناہواں دی قیمت ادا کیتی۔ ’’اینوں تبادلہ کہندے نے‘‘!!! ’’بیہودہ ٹھٹھیاں تے شرم نوں برداشت کیتا۔‘‘ اینوں گاؤ!

بیہودہ ٹھٹھیاں تے شرم نوں برداشت کیتا،
   میری جگہ تے کھڑے ہو کے اُوہنے سزا پائی؛
اپنے خون نال میری معافی تے مہر لگائی؛
   ہیلیلویاہ! کیسا نجات دہندہ اے!
(’’ ہیلیلویاہ! کیسا نجات دہندہ اے!‘‘ شاعر فلپس پی. بلِس، 1838۔1876).

’’لیکن اُو ساڈیاں خطاواں دے سبب نال گھائل کیتا گیا، تے ساڈی بد اعمالی دے باعث کُچلا گیا‘‘ (اشعیا 53:5).

’’کتابِ مقدس دے مطابق مسیح ساڈے گناہواں دے لئی قربان ہویا‘‘ (1۔کرنتھیوں 15:3).

’’یقیناً اُوہنے ساڈی بیماریاں برداشت کیتیاں، تے ساڈے غم چُک لئے…‘‘ (اشعیا 53:4).

ڈاکٹر ڈبلیو۔ اے۔ کرِسویل نے کہیا،

صلیب تے یسوع دی موت ساڈے گناہواں دا پھل تے نتیجہ اے۔ کینے خداوند یسوع نوں ماریا؟ کینے جلال دے شہزادے دا قتل کیتا؟ کینے یسوع نوں صلیب تے کیلاں نال جڑیا جتھے یسوع نے اذیت برداشت کیتی تے مر گیا؟ ایہہ کیدا قصور اے؟ ایہہ ضرور کہیا گیا کہ اسی سب ایس دا حصہ آں۔ میرے گناہواں نے یسوع دی پیشانی تے کنڈیاں دا تاج چبویا سی۔ میرے گناہواں نے یسوع دے ہتھاں وچوں اُو نوک دار کِل گزار دِتے سن۔ میرے گناہواں نے اُو نیزہ اُوہدے دل وچوں گزاریا سی۔ میرے گناہواں نے خداوند یسوع نوں صلیب تے مصلوب کیتا سی۔ ایہی اے مطلب … ساڈے خداوند دی موت دا (ڈبلیو۔ اے۔ کرِسویل، پی ایچ۔ ڈی۔، ’’صلیب دا لہو،‘‘The Blood of the Cross، میرے دل توں پیغامات Messages From My Heart ، مذہبی REL اشاعت خانہ، 1994، صفحات 510۔511).

’’کتابِ مقدس دے مطابق مسیح ساڈے گناہواں لئی قربان ہویا‘‘ (1۔کرنتھیوں 15:3).

’’یقیناً اُوہنے ساڈیاں بیماریاں برداشت کیتیاں، تے ساڈے غم چُک لئے…‘‘ (اشعیا 53:4).

’’بیہودہ ٹھٹھیاں تے شرم نوں برداشت کیتا۔‘‘ اینوں فیر گاؤ!

بیہودہ ٹھٹھیاں تے شرم نوں برداشت کیتا،
   میری جگہ تے کھڑے ہو کے اُوہنے سزا پائی؛
اپنے خون نال میری معافی تے مہر لگائی؛
   ہیلیلویاہ! کیسا نجات دہندہ اے!

مسیح دے مصائب دی حقیقی وجہ ایہہ اے – تہاڈے گناہواں لئی کفارہ ادا کرنا! لیکن نسلِ انسانی نے، اپنے انے پن تے بغاوت چہ، ایس خوبصورت سچائی نوں کہ مسیح دی موت اِک تبادلے دی موت سی جھوٹ دے نال مسخ کر کے رکھ دِتا! جہیڑا ساڈی نشاندہی دوجے نکتے دے ول کردا اے۔

2۔ دوئم، مسیح دے مصائب دی جھوٹی وجہ، جہیڑی انے بندے نے دِتی ۔

فیر اپنی تلاوت چہ ویکھو گے۔ آؤ کھلو جاؤ تے ایس نوں باآواز بُلند پڑھو۔

’’یقیناً اُوہنے ساڈی بیماریاں برداشت کیتیاں، تے ساڈے غم چُک لئے: فیر وی اَسی اُوہنوں خُدا دا ماریا، پیٹیا تے ستایا ہویا سمجھا‘‘ (اشعیا 53:4).

تُسی تشریف رکھ سکدے اُو۔

’’ایدے باوجود ہُن تیکر اسی اُوس خدا دے مارے، کُٹے ہوئے تے ستائے ہوئے دا احترام کرنے آں۔‘‘ ’’اسی‘‘ جہیڑے آدم دی نسلِ انسانی توں آں۔ خُود شیطان ولوں انے کیتے گئے، اسی ایہہ ویکھن چہ ناکام ہو گئے کہ مسیح دے مصائب ساڈے تبادلے چہ سن، کہ اُو ساڈی جگہ تے مریا سی، ساڈے متبادل دے طور تے۔ اسی سوچیا سی کہ اُو صرف اِک غریب بے وقوف اے، شاید پاگل تے خبطی، یا جیویں کہ فریسیاں نے کہیا، ’’بد روحاں چہ وسیا ہویا،‘‘ جہیڑا خود اپنے مصائب دا ذمہ دار اے کیوں جے اُوہنے وڈے لوکاں (حکمراناں) دے خلاف سرِ عام بکواس کیتی سی۔ یعقوب دے دوستاں دی مانند، اسی سوچیا کہ یسوع دے اپنے گناہواں تے بے وقوفیاں دی وجہ توں خدا دا غضب اُوہدے تے نازل ہویا تے لوکی اُوہدے خلاف ہوئے۔ اسی سوچیا کہ اُو، بہتر طریقے نال اِک شہید سی، جہیڑا بغیر کسی وجہ توں مریا۔ کسی نہ کسی ویلے تے، ساڈے وچوں زیادہ تر نے ایہہ سوچیا سی کہ یسوع کج زیادہ ای انقلابی سی۔ ساڈے وچوں زیادہ تر ایس خیال نال دِل بہلا لیندے نے کہ اُوہنے مذہبی رہنماواں نوں للکاریا سی تے خود اپنی موت نوں دعوت دِتی سی۔

’’خدا دا ماریا ہویا؟ جی ہاں، اسی جانندے سی کہ اُو خدا دا ماریا ہویا سی! پٹیا گیا ہویا سی؟ جی ہاں، اسی جانندے سی کہ اُو خدا دا پٹیا گیا ہویا سی! ستایا ہویا؟ جی ہاں، اسی ایہہ وی جانندے ساں! اسی سب جانندے ساں کہ اُوہناں نے یسوع دے چہرے تے اپنے مُکیاں نال ماریا سی۔ اسی سب جانندے ساں کہ اُوہناں نے اُوہنے کوڑے نال ماریا سی۔ اسی سب جانندے ساں کہ صلیب تے اُو کِلاں نال جڑیا گیا سی! تقریباً ہر کسی نوں اِیناں حقائق دا پتا اے! لیکن اسی اوہناں نوں غلط طریقے نال پیش کیتا سی۔ اسی اُوہناں نوں غلط سمجھیا سی۔ سانوں احساس نئیں ہویا سی کہ اُو ساڈے دُکھ سن جہیڑے یسوع نے برداشت کیتے سن، ساڈے غم سن جہیڑے یسوع نے چُکے سن! جدوں اسی اپنے ذہناں وچ یسوع نوں صلیب تے کِلاں نال جڑیا ہویا ویکھیا، اسی سوچیا یسوع نوں اپنے گناہواں، بے وقوفیاں تے غلطیاں دی وجہ توں سزا دتی گئی سی۔

’’لیکن نئیں! ایہہ ساڈیاں خطاواں دی وجہ نال سی، ساڈیاں بداعمالیاں دی وجہ نال سی، تے ایس لئی سی کہ سانوں [خدا دے نال] امن ملے، تے ایس لئی سی کہ اسی [گناہ توں] شفا پائیے۔ سچائی تے ایہہ اے کہ ایہہ اسی سی جہڑے بھٹک گئے سی تے جہڑے اپنی مرضی تے چلن لگے سی، تے [خدا نے] ساڈیاں بد اعمالیاں نوں یسوع تے ڈال دِتا، بے گناہ متبادل‘‘ (ولیم میکڈونلڈ William MacDonald، بائبل دے یقین کرن آلیاں تے تبصرہ Believer’s Bible Commentary، تھامس نیلسن اشاعت خانہ، 1995, صفحہ 979).

ساڈیاں خطاواں لئی یسوع نے سانوں امن دِتا،
   ساڈی غلامی توں سانوں چھٹکارا دلایا،
تے یسوع دے کوڑے کھان نال، تے یسوع دے کوڑے کھان نال،
   تے یسوع دے کوڑے کھان نال ساڈیاں روحاں شفا پاندیاں نے۔
(تھامس اُو۔ چِسہولم Thomas O. Chisholm، 1866۔1960).

’’یقیناً اُوہنے ساڈی بیماریاں برداشت کیتیاں، تے ساڈے غم چُک لئے: فیر وی اَسی اُوہنوں خُدا دا ماریا، پیٹیا تے ستایا ہویا سمجھا‘‘ (اشعیا 53:4).

مسٹر گریفتھ مہربانی نال اُو آیت گاؤ۔

کی ایہہ تہاڈے لئی سچ نئیں؟ کی تُسی سوچیا سی کہ یسوع صلیب تے ساڈے گناہواں نوں چُک لے جان دے بجائے کسی ہور سبب نال مریا سی؟ تے فیر جان لو، جیویں کہ تُسی ہُن جان گئے اُو کہ مسیح تہاڈی جگہ تے مریا سی تاکہ تہاڈے گناہواں دی سزا ہٹا سکے، کی تُسی سادہ ایمان چہ اُوس تے پرہوسا کرو گے؟ کی تُسی خدا دے بیٹے تے اعتماد کرو گے تے اُوہدے بیش بہا قیمتی لہو دے وسیلے نال انصاف پاؤ گے تے ہر گناہ توں صاف کیتے جاؤ گے؟

میں تہانوں کہندا آں کہ اپنے ذہناں وچوں ہر غلط اندازہ جہیڑا تُسی اُوہدے مصائب تے موت دے بارے چہ لگایا ہویا اے نکال دوو۔ اُو تہاڈے گناہ دا کفارہ ادا کرن لئی مریا سی۔ اُو مردیاں وچوں جی اُٹھیا اے۔ اُو ہُن آسماناں تے خدا دے داہنے ہتھ تے بیٹھا ہویا اے۔ میں تہانوں اُوہدے تے اعتماد کرن لئی تے تہاڈے گناہواں توں بچائے جان لئی کہہ رہیا واں۔

لیکن یسوع دے بارے چہ صرف ایہی گلاں جان لینا ای کافی نئیں اے۔ تُسی اُوہدی موت دے بارے چہ تمام حقائق جان سکدے اُو تے فیر وی مسیحی نئیں اُو۔ تُسی مسیح دے صلیب تے ساڈی خاطر تبادلے دی موت دی سچائی جان سکدے اُو؛ تُسی جان سکدے اُو کہ اُو گنہگاراں دی جگا تے مریا سی، تے فیر وی مسیح چہ غیر تبدیل شُدہ روو گے۔ تہانوں ضرور یسوع مسیح، جی اُٹھے خداوند تے پرہوسا کرنا چائیدا اے۔ تہانوں ضرور حقیقت چہ یسوع تے پرہوسا کرنا چائیدا اے تے اپنے آپ نوں اُوہدے حوالے کرنا چائیدا اے۔ اُو نجات دا رستہ اے۔ اُو دائمی زندگی دا بُووا اے۔ مسٹر گریفتھ اُو بند فیر گان گے۔ جے تُسی اپنی نجات دے بارے چہ ساڈے نال گل کرنا چاہندے اُو، تے مہربانی نال کمرے دی پچھلی جانب چلے جاؤ جدوں کہ اُو گاندے نے۔

ساڈیاں خطاواں لئی یسوع نے سانوں امن دِتا،
   ساڈی غلامی توں سانوں چھٹکارا دلایا،
تے یسوع دے کوڑے کھان نال، تے یسوع دے کوڑے کھان نال،
   تے یسوع دے کوڑے کھان نال ساڈیاں روحاں شفا پاندیاں نے۔

ڈاکٹر چعین Dr. Chan، مہربانی نال اُوہناں لئی دعا کرو جنہاں نے ردعمل دا اظہار کیتا۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلام پاک وچوں تلاوت مسٹر ایبل پرودھوم Mr. Abel Prudhomme نے کیتی سی: 1 پطرس2:21۔25 .
واعظ توں پہلاں اکیلے گیت مسٹر بینجیمن کینکیڈ گریفتھ Mr. Benjamin Kincaid Griffith نے گایا سی:
’’اُو زخمی سی He Was Wounded‘‘
(شاعر تھامس او۔ چشھولم Thomas O. Chisholm،
1866۔1960؛ اوک پارک Oak Park دی دُھن تے‘‘)۔