ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اشعیا نبی سانوں دسدا اے کہ بہت گھٹ لوکی خُدا دے مصائب زدہ خادم دے بارے وِچ اُوس دے پیغام تے یقین کرن گے، بہت گھٹ لوکی اُوس دے فضل دا تجربہ کر پان گے۔ یوحنا رسول نے اشعیا 53:1 دا حوالہ ایہہ بیان کرن لئی پیش کیتا کہ یسوع دے زمانے وِچ یہودیاں دی اکثریت نے یقین نہ کیتا۔

’’اگرچہ یسوع نے اُوہناں دے وِچکار اَنّے معجزے وکھائے سن فیر وی اُو اُوس [یسوع] تے ایمان نہ لہیائے: تاکہ یسعیاہ [اشعیا] نبی دا کہا پورا ہووے کہ، جدوں اُوہنے کہیا، اے خُداوند، ساڈے پیغام تے کون ایمان لہایا تے خُداوند دی قوت کیس تے ظاہر ہوئی؟‘‘ (یوحنا12:37۔38)۔

یوحنا رسول نے ایہو آیت مسیح دے دوبارہ آسمان تے چُکے جان دے 30 وریاں بعد وی دہرائی سی، ایہہ ظاہر کرن لئی کہ رومی دُںیا وِچ غیر یہودیاں دی اکثریت یہودیاں دے مقابلے وِچ صرف تھوڑا جہیا زیادہ خُداوند یسوع مسیح لئی ردِعمل ظاہر کرے گی۔ پولوس نے کہیا،

’’کیوں جے یہودی تے غیر یہودی وِچ کوئی فرق نئیں ایس لئی کہ اِک اُوہی سب دا خُداوند اے تے اُوہناں ساریاں نوں جیہڑے اُوس دا ناں لیندے نے کثرت نال فیض پہنچاندا اے… لیکن ساریاں نے اُوس خوشخبری تے کان نئیں ترہیا۔ چنانچہ یسعیاہ [اشعیا] کہندا اے، خُداوند! ساڈے پیغام دا کیس نے یقین کیتا؟‘‘ (رومیوں10:12، 16)۔

خود خُداوند یسوع مسیح نے سانوں بالکل ایہو گل دسی۔ اُوہنے کہیا کہ اُوہناں نجات پان آلیاں دی تعداد بہت گھٹ ہووے گے جیہڑے اُوہدے تے یقین کرن گے،

’’کیوں جے اُو بوہا تنگ [چھوٹا] تے اُو راستہ سکڑیا اے جیہڑا حیاتی وَل لے جاندا اے، تے اُوس دے پان آلے تھوڑے نے‘‘ (متی 7:14).

یسوع نے ایہو سادہ جیہا نقطہ دسیا جدوں اُوس نے کہیا،

’’تنگ بوہے توں داخل ہون دی پوری کوشش کرو کیوں جے میں تہانوں کہناں واں کہ بہتیرے لوکی اندر وڑن دی کوشش کرن گے لیکن جا نہ پان گے‘‘ (لوقا 13:24)

عام طور تے دُنیا وِچ لوکی ایہہ یقین کردے نے کہ ہر کوئی جنت لئی اپنی راہ پا سکدا اے۔ لیکن یسوع نے ایس دے بالکل اُلٹ کہیا،

’’اُوہدے پان آلے تھوڑے نے‘‘ (متی 7:14).

بہتیرے لوکی اندر وڑن دی کوشش کرن گے لیکن جا نئیں پان گے‘‘ (لوقا13:24).

ایس پریشان کُن سچائی دی بازگشت اشعیا دے دُکھ بھرے نوحے وِچ گونجدی اے،

’’ساڈے پیغام تے کون ایمان لہایا تے خُداوند دا بازو کیس تے ظاہر ہویا؟‘‘ (اشعیا 53:1).

اَسی پوچھ سکنے واں کہ ایویں کیوں اے۔ یہودی اپنے مسیحا لئی اِک عظیم تے طاقتور حکمران دے منتظر سن، جیہڑا دولت تے شان و شوکت دا بادشاہ ہووے، تے غیر یہودی تے کسی مسیحا دا انتظار کر وی نئیں رئے سن! ایویں، اِس ویکھ سکنے آں کہ سطحی طور تے انساناں نوں توقع نئیں سی کہ مسیح اِک حقیر مصائب زدہ خادم دے طور تے آئے گا، صلیب تے اذیت دی موت مرن لئی تاکہ اُوہناں دے گناہواں دا کفارا ادا کر سکے۔

اعمال دی کتاب دے اٹھویں باب وِچ، جیہڑا ایتھوپیا دا ہیجڑا سی، اُو اِیناں حقیقتاں توں اینا ای لاعلم سی جِنہا کہ یہودیت دے کاہن تے فریسی۔ اُو اشعیا نبی دے صحیفہ دے ترپنویں باب نوں پڑھ رہیا سی جدوں مبشرِ انجیل فلپس نے اُوہدے چلدے ہوئے رتھ نوں پھڑیا سی۔

فلپس نٹھ کے رتھ دے لاگے پہنچا تے رتھ سوار نوں یسعیاہ [اشعیا] نبی دا صحیفہ پڑھدے ہوئے سُنایا، فلپس نے اُوہدے کولوں پُچھیا: کی جو کُج توں پڑھ رہیا اے اُوہنوں سمجھدا وی اے؟ تے اُوہنے کہیا، میں کیویں…‘‘ (اعمال8:30۔31)۔

ایہہ افریقی بندہ یہودیت وِچ تبدیل ہویا سی، تے واضح طور تے پرانے عہدنامے دے صحیفیاں توں واقف سی، مگر فیر وی جدوں گل صحیفے دے ایس پیغام دی آندی اے تے اُو ایسی قدر انہرے وِچ سی جِنّا کہ یہودی کاتب۔

مینوں ایویں محسوس ہوندا اے کہ کوئی وی ایس پیغام وِچ ویکھ سکدا اے کہ مسیحا جدوں اُو آیا سی، مہشور تے امیر نئیں ہو سکدا، جہنوں انسانی شان و شوکت تے جلال نے گھیریا ہووے، لیکن اُو اِک ’’دکھاں دے نال پرہیے انسان، تے غماں توں آشنائی دے نال‘‘ آوے گا، بندیاں دا ٹھکریا ہویا تے حقیر جانیا ہویا‘‘ بنن لئی۔ ایس دے باوجود، بے شک، فیر وی ایہہ سچائی سادگی نال بائبل دے ورق تے لکھی سی،

’’اُو اپنے [یہودی] لوکاں وِچ آیا تے اُّوس دے اپنیاں نے اُوہنوں قبول نہ کیتا‘‘ (یوحنا1:11)۔

اسرائیل دی قوم نے مجموعی طور تے یسوع نوں اپنے مسیحا دے طور تے قبول نئیں کیتا حالانکہ اُوہنوں مکمل طور تے بائبل دی ایس پیشن گوئی وِچ بیان کیتا گیا سی۔ تے نبی سانوں دوجی آیت وِچ وجہ پیش کردا اے کہ اُوہناں نے اُوہنوں مسترد کیتا۔

’’اُو اُوہناں دے سامنے اِک نازک کونپل وانگوں، تے ایہو جئی جڑ دی مانند سی جیہڑی خشک زمین وِچوں پُھوٹ نکلی ہووے۔ اُوہدے وِچ نہ کوئی [حُسن، طاقت] سی نہ [جلال، قوت]؛ کہ اَسی اُوس تے نظر پاندے، نہ اُوس دی شکل و صورت وِچ کوئی ایہو جئی خوبی سی کہ اَسی اُوس دے مشتاق ہوندے‘‘ (اشعیا 53:2)

لیکن سانوں اُوہناں یہودی لوکاں نوں پرکھنا نئیں چائیدا اے جنہاں نے غیریہودیاں دے مقابلے وِچ اُوس [یسوع] نوں شدید برہمی نال مسترد [ناپسند] کیتا۔ جیویں کہ سپرجئینSpurgeon نے کہیا،

یاد رکھو کہ جِنآا یہودیاں دا سچ سی اُوس دے برابر ای غیریہودیاں دا سچ سی۔ یسوع مسیح دی انجیل دںیا دی سادہ ترین شے اے، لیکن فیر وی کوئی بندہ اُوس نوں سمجھ نئیں سکدا جدوں تیکر کہ خُدا اُوہنوں [وسیل نال] نہ سمجھائے… روحانی موضوعات دے حوالے نال گناہ نسلِ انسانی تے اِک ذہنی کم مائیگی لہیا اے… تہاڈے نال ایہہ کیویں جئی اے؟ کی تُسی وی اَنّے اُو؟… کی تُسی وی اَنّے اُو؟ ہائے، جے تُسی وی ہو، یسوع دے ایمان وِچ [خُداوند] تہانوں ہدایت دیوے (سی۔ ایچ۔ سپرجئین، ’’خشک زمین وِچوں پُھٹدی ہوئی جڑ،‘‘ میٹروپولیٹن عبادت گاہ دے منبر [خطبہ گاہ] توں، پِلگرِم اشاعت خانہ، 1971 دوبارہ اشاعت، جلد XVIII ، صفحات 565 – 566).

ہُن، دوجی آیت وِچ اپنے کلام وَل آنے آں، اَسی تین وجوہات ویکھاں گے کہ یسوع کیوں مسترد کیتا گیا اے۔ دوجی آیت اُوچی واج نال پڑھو،

’’اُو اُوہدے اَگے اِک نازک کونپل وانگوں، تے ایہو جئی جڑ وانگوں سی جیہڑی خشک زمین وِچوں پھوٹ نکلی ہووے۔ اُوہدے وِچ نہ کوئی حُسن سی تے نہ کوئی جلال کہ اسی اُوس تے نظر پاندے‘‘ (اشعیا53:1۔2)۔

1۔ پہلی گل، یسوع مسترد کیتا گیا اے کیوں جے اُو انساناں تے اِک نازک پودے دی مانند ظاہر ہویا، اِک نازک کونپل۔

ایس حقیقت دی وجہ نال یسوع تے بہت گھٹ یقین کردے نے۔

’’اُو اُوہدے اَگے اِک نازک کونپل وانگوں، تے ایہو جئی جڑ وانگوں سی جیہڑی خشک زمین وِچوں پھوٹ نکلی ہووے . . . ‘‘ (اشعیا 53:2).

یا جیویں کہ ڈاکٹر گِل نے کہیا، نازک کونپل دی مانند، جیویں کہ لفظ اُجاگر کردا اے، جیہڑا درخت دی جڑ وِچوں پُھٹ نکلدا اے… جیہدا کوئی خیال نئیں کیتا جاندا یا کوئی وی نگہداشت نئیں کیتی جاندی، نہ ای اُوس توں کوئی اُمید رکھی جاندی اے؛ تے اُوہدی پیدائش تے صورت [اُوس دی گفتگو] اِظہار کردی اے [معمولی] تے غیر وعدہ شُدہ مسیح دے ظہور دا؛ ایہہ وجہ دِتی گئی اے کہ کیوں یہودی مجموعی طور تے یقین نئیں کردے، مسترد کردے تے اُوہنوں حقیر جانندے سن‘‘(جُان گِل، ڈی۔ ڈی۔ ، پرانے عہد نامے دی اِک تفسیر An Exposition of the Old Testament، دی بپٹسٹ سٹینڈرڈ بیئرر، 1989 دوبارہ اشاعت، جلد اوّل، صفحات 310 – 311).

’’اُو اُوہدے اَگے اِک نازک کونپل وانگوں، تے ایہو جئی جڑ وانگوں سی جیہڑی خشک زمین وِچوں پھوٹ نکلی ہووے . . . ‘‘ (اشعیا 53:2).

ایس دا مطلب اے کہ خُداوند باپ دے ’’سامنے‘‘ یسوع پیدا ہویا سی تے پلیا ودھیا سی، جنہے اُوہدے تے دھیان دِتا تے اُوہنوں مضبوط کیتا۔ ایس دے باوجود ڈاکٹر ینگ نے کہیا، ’’تاہم، بندیاں لئی، خادم [یسوع] اِک پُھٹدی ہوئی جڑ دی مانند ظاہر ہویا… بندے پُھٹدیاں ہویاں جڑاں نوں وڈ دیندے نے، کیوں جے اُو درخت توں حیاتی کھو رہیاں ہوندیاں نے تے بندیاں دے نظراں وِچ برادری توں باہر کر دِتا جاندا اے‘‘(ایڈورڈ جے۔ ینگ، پی ایچ۔ ڈی۔، اشعیا دی کتاب The Book of Isaiah ، ولیم بی، عیئرڈمینز پبلیشنگ کمپنی، 1972، جلد 3 ، صفحات 341 – 342).

کی ایہو ای اُو انتہائی وجہ نئیں سی کہ سردار کاہن تے فریسی یسوع توں چھٹکارہ پانا چاہندے سی؟ اُوہناں نے کہیا،

’’جے اَسی اینوں ایویں ای چھڈ دیاں گے تے سارے لوکی اُوس تے ایمان لے آن گے تے رُومی ایتھے آ کر ساڈی ہیکل تے ساڈی قوم دوواں تے قبضہ جما لین گے‘‘ (یوحنا 11؛48).

’’بندے پُھٹدی ہوئی جڑاں نوں وڈ دیندے نے، کیوں جے اُو درخت کولوں حیاتی لے رئی ہوندیاں نے تے بندیاں دی نظراں وِچ برادری توں باہر کر دِتا جاندا اے‘‘ (ینگ ibid.)۔ اُو خوفزدہ سن کہ جے اُوہناں نے اُوس تے یقین کیتا تے اُو یہودی قوم دی حیثیت نال اپنی شناخت گواچ دین گے۔ اِک ’’نازک پودے‘‘ دے طور تے اُوہناں نوں خوف سی کہ اُو اُوہناں دی قوم دے ’’درخت توں حیاتی کھو لے گا‘‘۔

تے کی ایہہ اُوہی وجہ نئیں اے کہ تُسی اُوہنوں مسترد کیتا اے؟ ایس دے بارے چہ گہرائی نال غور کرو! کی ایہہ تہاڈے بارے چہ وی دُرست نئیں اے – تُسی خُوفزدہ ہو کہ کوئی ایہو جئی شے گواچ نہ جاوے جیہڑی تہانوں اہم وکھائی دیندی ہووے – جے تُسی اُوس دے کول جاؤ تے اُوس تے اعتماد کرو؟ کی ایہہ دُرست نئیں اے کہ تُسی خوفزدہ ہو کہ مسیح ’’درخت کولوں حیاتی کھو لے گا‘‘، کہ اُو کوئی ایہو جئی شے جیہڑی تہاڈی لئی انتہائی اہم اے جذب کر لے گا؟

میں ڈاکٹر کیگن نوں کہیا سی کہ مینوں اِک آرٹیکل دی نقل فراہم کرن جینہوں اکتوبر1929 وِچ سیٹرڈے ایوینگ پوسٹ The Saturday Evening وِچ شائع کیتا گیا سی۔ ایہہ عطیم ترین فزسٹ ڈاکٹر البرٹ آئینسٹائین دے نال اِک انٹرویو سی۔ انٹرویو لین آلے نے اُوہناں کولوں پُچھیا سی، ’’کی تُسی یسوع دی تاریخی وجودیت نوں تسلیم کردے اُو؟‘‘ آئینسٹائین نے جواب دِتا، ’’پُرزور طور تے، کوئی وی یسوع دی اصلی موجودگی نوں محسوس کیتیاں بغیر اناجیل نوں نئیں پڑھ سکدا۔ اُوس [یسوع دی] شخصیت ہر لفظ وِچ دھڑکدی اے۔ کوئی وی طلسماتی کہانی ایس طرح دی حیاتی دے نال لبریز نئیں اے‘‘(سیٹرڈے ایوینگ پوسٹ The Saturday Evening Post، 26 اکتوبر، 1929، صفحہ 117)۔ مسیح دے بارے وِچ آئینسٹائین دے انتہائی اعلیٰ نظریات سن۔ لیکن افسوس دے نال اُو کدی وی مسیح وِچ ایمان لہیا کر تبدیل نئیں ہوئے۔ اُوہناں نوں کیس گل نے روکیا؟ ایہہ یقینی طور تے کوئی دانشورانہ مسئلہ نئیں سی۔ آئینسٹائین اِک زناکار سی تے اُو اُوس گناہ نوں چھڈنا نئیں چاہندا سی۔ ایہہ اینی ای سادہ جئی گل اے۔ تہانوں اِک حقیقی مسیحی بنن لئی مخصوص گلاں نوں چھڈنا ای پیندا اے۔

ہُن، میں اِک غلط اُستاد ہوواں گا جے میں تہانوں ایہہ دساں کہ ایہہ دُرست نئیں اے۔ جے میں تہانوں ایہہ کہواں کہ تُسی مسیح دے کول کُج وی کھوئے بغیر آ سکدے ہو، تے میں اِک غلط عقیدے دی تعلیم دے رہیا ہواں گا۔ بے شک یسوع دے کول آن لئی کُج کھونا پیندا اے! ایس دے لئی تہانوں اپنی پیاری حیاتی کھونی پیندی اے! مسیح کیویں اینوں اِنا سادہ جہیا بنا پائے گا؟ اُوہنے کہیا،

’’جے کوئی میری پیروی کرنا چاہندا اے تے اُو خود انکاری کرے، اپنی صلیب چُکے تے میرے پِچھے ٹرا آئے۔ کیوں جے جیہڑا وی اپنی جان نوں محفوظ رکھنا چاہندا اے اُو اُوہنوں گنوائے گا لیکن جیہڑا وی میری تے میری انجیل دی خاطر اپنی جان نوں گنواندا اے اُو اُوہنوں محفوظ رکھے گا۔ جے بندہ ساری دُنیا حاصل کرے تے اپنی جان گنوا بیٹھے تے اُوہنوں کی فائدہ ہووے گا؟ یا بندہ اپنی جان دے بدلے وِچ کی دے گا؟‘‘ مرقس 8:34۔37 ).

ایہہ انتہائی سادہ جئی گل اے، کی سادہ جئی گل نئیں اے؟ مسیح دے کول آن لئی ضروری اے کہ تُسی خود انکاری کرو۔ تہانوں خود اپنے خیالات، اپنے منصوبے، اپنی تمنائیں چھڈنیاں پین گئیاں۔ تہانوں ضرور اپنا آپ اُوہدے حوالے کرنا چاہیے۔ ایہو ای مسیح تے اعمتاد کرن دا مطلب اے۔ تُسی اُس [یسوع] تے اعتماد کرو – نہ کہ اپنے آپ تے۔ تُسی اپنے آپ نوں اُوس دے حوالے کرو۔ ناکہ اپنی ای سوچاں تے مقاصد دے۔ تُسی اپنی حیاتی ’’گنوا‘‘ چھڈدے ہو جدوں تُسی اپنا آپ اُوہدے حوالے کردے ہو۔ ایہہ صرف اُوسی ویلے ہوندا اے جدوں تُسی اپنی حیاتی گنوادے ہو۔ مسیح دے اَگے ہتھیار پان نال، کہ تہاڈی حیاتی دائمی طور تے بچائی گئی اے۔

ایس لئی، ’’نازک پودے‘‘ دا لفظ تشریح پیش کردا اے جیہڑا مطلب واضح کردا اے کہ خُداوند دی نظراں وِچ مسیح اِک حیاتی بخشن آلا اے۔ لیکن بندیاں دی نظراں وِچ اُو [یسوع] حیاتی دا لین آلا اے، تے ایسی وجہ توں بہتیرے لوکاں نے اُوہنوں مسترد کیتا۔ اُو نئیں چاہندے سن کہ اُو [یسوع] اُوہناں دی حیاتی تے حکمرانی کرے! اُو اپنی حیاتی نوں چھڈن نال تے اُوس [یسوع] توں اپنی رہنمائی کروان توں خوفزدہ نے۔

II۔ دوجی گل، یسوع مسترد کیتا گیا اے کیوں جے اُو انساناں تے خشک زمین وِچوں پُھٹدی جڑ وانگوں ظاہر ہویا سی۔

’’اُو اُوہدے اَگے اِک نازک کونپل وانگوں، تے ایہو جئی جڑ وانگوں سی جیہڑی خشک زمین وِچوں پھوٹ نکلی ہووے . . . ‘‘ (اشعیا 53:2).

میرا ویلہ مُک گیا اے کیوںکہ میں پہلے نقطے تے ای بہت ویلہ لا چھڈیا اے۔ لیکن اَسی باآسانی ویکھ سکنے واں کہ کیویں مسیح ’’خشک زمین توں پُھٹدی جڑ‘‘ وانگر ظاہر ہویا سی۔‘‘ ڈاکٹر ینگ نے کہیا،

خُشک زمین حوالہ دیندی اے کہ اُوس معمولی تے کم تر حالت دا تے اُوس پس منظر دا جیس وِچ خادم [یسوع] نوں ظاہر ہونا سی۔ ایہہ اُوہناں حالات دی دُکھی نوعیت دے بارے چہ دسدے نے جنہاں دے وچکار خادم دی حیاتی لنگی سی… خُشک سوختہ زمین نوں حیاتی محفوظ کرن لئی ضرور جدوجہد کرنی پیندی اے (ینگ، ibid. ، صفحہ 342).

ایہہ پیشن گوئی اُوس غربت دا حوالہ وی دیندی اے جیس وِچ مسیح جمیا سی۔ اُوس دا پالن آلا [زمینی] پیو اِک بڑھئی سی۔ اُوس دی حقیقی ماں مریم اِک کنواری کُڑی سی۔ اُو اِک اصطبل وِچ پیدا ہویا سی تے غریباں دے وِچکار پلا بڑھا سی، ’’خُشک زمین وِچوں پُھٹدی اِک جڑ وانگوں‘‘۔ اُوہنے اپنی حیاتی دا کم کمتر، حقیر تے غریب لوکاں دے وچکار کیتا۔ اُوہدے شاگرد مچھیریاں دے علاوہ کُج نئیں سن۔ اُو ہیرودیس بادشاہ، رومی گورنر پیلاطوس، عالم کاتباں تے فریسیاں کولوں ’’خشک زمین وِچوں پُھٹدی اِک جڑ وانگوں‘‘ مسترد کیتا گیا سی۔ اُوہناں نے اُوہنوں مرن دی حد تیکر کوڑے مارے، تے فیر اُوہناں نے اُوہدے ہتھاں تے پیراں نوں صلیب تے کِیلّاں نال جڑ چھڈیا۔ اُوہناں نے اُوہدے ٹُٹے ہوئے مُردہ بدن نوں اِک منگی ہوئی قبر وِچ رکھیا۔ اُوہدی ساری حیاتی، مصائب تے موت سارے ’’خشک زمین وِچوں پُھٹدی اِک جڑ وانگوں‘‘ لنگہے۔ لیکن، خُداوند دا شکر اے کہ اُو تیجے روز مُردیاں وِچوں جی اُٹھیا، ’’خشک زمین وِچوں پُھٹدی اِک جڑ وانگوں‘‘! جیویں غیر متوقع طوفانی مینہ دے بعد اچانک اِک پودے دی کمزور جئی کونپل اُگدی اے۔ لہٰذا مسیح بہار بن کے آیا، مُردیاں وِچوں جی اُٹھن دے نال، ’’خشک زمین وِچوں پُھٹدی اِک جڑ وانگوں۔‘‘ ھیلیلویاہ!

تے فیر وی بہتیرے لوکی اُوس تے یقین نئیں کردے نے۔ اُو اُوس دے بارے چہ اِک ’’حیاتی نوں چٹ لین آلا‘‘ تے اِک ’’مُردہ یہودی‘‘ کہندے نے۔

’’ساڈے پیغام تے کون ایمان لیہیا؟ تے خُداوند دا بازو کیس تے ظاہر ہویا؟ اُو اُوہدے اَگے اِک نازک کونپل وانگوں، تے ایہو جئی جڑ وانگوں سی جیہڑی خشک زمین وِچوں پھوٹ نکلی ہووے…‘‘ (اشعیا53:1۔2)۔

III۔ تیجی گل، مسیح نوں مسترد کیتا گیا اے کیوںکہ اُوہدے وِچ کوئی حُسن سی نہ جلال، نہ اُوس دی شکل و صورت وِچ کوئی ایہو جئی خوطی سی اَسی اُوہدے مشتاق ہوندے۔

مہربانی نال کِھلو جاؤ تے آیت نمبر دو اُچی واج نال پڑھو۔

’’اُو اُوہدے اَگے اِک نازک کونپل وانگوں، تے ایہو جئی جڑ وانگوں سی جیہڑی خشک زمین وِچوں پھوٹ نکلی ہووے۔ اُوہدے وِچ نہ کوئی حُسن سی تے نہ کوئی جلال کہ اسی اُوس تے نظر پاندے، نہ اُوس دی شکل تے صورت وِچ کوئی ایہو جئی خوبی سی کہ اُسی اُوس دے مشتاق ہوندے‘‘ (اشعیا53:1۔2)۔

تُسی بیٹھ سکدے ہو۔

یسوع وِچ ’’نہ کوئی حُسن سی نہ کوئی جلال‘‘، اُو کدروں وی شاہانہ تے شان و شوکت آلا نظر نئیں آندا سی۔ ڈاکٹر ینگ نے کہیا، ’’جدوں اَسی خادم [یسوع] نوں ویکھنے واں تے سانوں کوئی خوبصورتی نظر نئیں آندی جیس دی سانوں خواہش کرنی چائیدی اے۔ دوجے لفظاں وِچ ساڈی رائے، ظاہری حالت دے مطابق اے جیہڑی کہ سچی تے منصفانہ نئیں اے۔ ایہہ اِک افسوسناک صورتِ حال اے۔ خادم [یسوع] خود اپنے ای لوکاں دے وِچکار وسیا سی، تے اُوس دی جسمانی ہیّت دے پَچھے ایمان دی نظر نوں سچا جلال نظر آ جانا چائیدا سی؛ لیکن اُوس دی بیرونی حیثیت یا شکل و صورت تے لباس نوں ویکھدیاں ہوئیاں اسرائیل نوں اُوہدے وِچ کوئی خوبصورتی یا کشش نظر نئیں آئی سی جیہڑی اُوس اسرائیل دی نظر نوں بھاندی… خادم [یسوع] دی ظاہر حالت ایہو جئی سی کہ انسان جے غلط نقطہ نظر نال پرکھے، تے مکمل طور تے غلط اندازہ لا سکدا اے‘‘ (ینگ، ibid.)۔

ظاہری طور تے یسوع وِچ کوئی خوبصورتی یا شاہانت نئیں سی کہ دُنیا نوں متوجہ کر سکدا۔ اُو ایہو جئی شے پیش نئیں کردا سی جیہڑی زیادہ تر لوکاں لئی کشش دا باعث ہوندی۔ اُو کامیابی یا شہرت یا پیسہ یا زمینی خوشی پیش نئیں کردا اے۔ اُوس دے بالکل اُلٹ اے۔ ایس عبادت دے آغاز وِچ مسٹر پرودھوم نے کلامِ پاک دے اُوس حصے نوں پڑھیا جیہڑا سانوں دسدا اے کہ یسوع کی پیش کردا اے۔

’’جے کوئی میری پیروی کرنا چاہندا اے تے اُو خود انکاری کرے، اپنی صلیب چُکے تے میرے پِچھے ٹرا آئے۔ کیوں جے جیہڑا وی اپنی جان نوں محفوظ رکھنا چاہندا اے اُو اُوہنوں گنوائے گا لیکن جیہڑا وی میری تے میری انجیل دی خاطر اپنی جان نوں گنواندا اے اُو اُوہنوں محفوظ رکھے گا۔ جے بندہ ساری دُنیا حاصل کرے تے اپنی جان گنوا بیٹھے تے اُوہنوں کی فائدہ ہووے گا؟ یا بندہ اپنی جان دے بدلے وِچ کی دے گا؟‘‘ مرقس 8:34۔37 ).

مسیح خود انکاری دی پیشکش کردا اے۔ مسیح پیش کردا اے کسی دا خود اپنی حیاتی تے تقدیر تے گرفت دا گنوا دینا۔ مسیح پیشکش کردا اے روح دی نجات، گناہواں دی معافی، تے دائمی حیاتی۔ ایہہ ناقابلِ احساس چیزاں نے، ایہو جئی شیواں جنہاں نوں انسان دا احساس چھو نئیں سکدا یا نظر ویکھ نئیں سکدی، شیواں جیہڑیاں اپنی قدرت وِچ نورانی نے۔ ایسی لئی مسیح مسترد کیتا جاندا اے اُوہناں کولوں جنہاں دے باطن نوں خُداوند نے نئیں کھولیا اے، کیوںکہ

’’جیس وِچ خُدا دا پاک روح نئیں اے اُو خُدا دی گلاں قبول نئیں کردا کیونکہ اُو اُوس دے نزدیک بے وقوفی دیاں گلاں نے تے نہ ہی اُو اُوہناں نوں سمجھ سکدا اے کیوںکہ اُو صرف پاک کلام دے ذریعے ای سمجھی جا سکدیاں نے‘‘ (1 کرنتھیوں2:14)۔

لیکن مینوں تعجب ہوندا اے، اَج سویر، جے خداوند تہاڈے دِل وِچ بول رہیا ہووے، میں حیران ہوواں گا جے خُداوند تہانوں کہہ رہیا ہووے، ’’بے شک اُوہدے وِچ کوئی خوبصورتی نئیں اے کہ اَسی اُوہدی خواہش کرئیے، فیر وی میں تہانوں اپنے پُتر وَل کِھچ رہیا واں۔‘‘ کی تُسی اے اپنے دِل وِچ محسوس کیتا اے؟ کی تُسی محسوس کیتا اے کہ دُنیا کُج وی نئیں پیش کردی ماسوائے لنگدی ہوئی لمحاتی خوشی دے یا لنگدی ہوئی لمحاتی کامیابی دے؟ کی تُسی کدی اپنی روح دے بارے چہ سوچیا اے؟ کی تُسی کدی سوچیا اے کہ تُسی اپنی آخرت کیتھے گزارو گے جے یسوع اپنے لہو دے نال تہاڈے گناہواں نوں صاف نئیں کردا اے؟ کی تُسی انہاں تمام اہم معاملات دے بارے چہ سوچدے رہے ہو؟ تے جے تُسی ایویں کردے ہو تے کہ تُسی محض سادہ ایمان دے نال اُوس دے کول جاؤ گے جیس دے کول ’’نہ حُسن اے تے نہ ای جلال اے… نہ اُوہدی شکل و صورت وِچ کوئی ایہو جئی خوبی سی کہ اَسی اُوس دے مُشتاق ہوندے؟‘‘ (اشعیا53:2)۔ کی تُسی ناصرت دے یسوع دے اَگے گھٹنے ٹیکو گے، تے اپنے تمام دِل دے نال اُوس تے اعتماد کرو گے؟ میں دعا مانگنا واں کہ تُسی ایویں کرو۔

آؤ کھڑے ہو جاؤ جیویں کہ مسٹر گریفتھ حمد دے دو بند گان لئی آندے نے جیہڑے اُوہناں نے ایس واعظ توں پہلاں گائے سن۔

دُںیا لے لے، لیکن یسوع مینوں دے دے، اُوس دیاں ساریاں خوشیاں صرف ناں دیاں نے؛
لیکن اُوس دا پیار ابدی اے، دائمی وریاں وِچ ایکو جہیا۔

دُنیا لے لے، لیکن یسوع مینوں دے دے، اُوہدی صلیب چہ میرا اعتماد رہوے گا؛
جدوں تیکر میں واضح تے شاندار تخیّل دے نال، آمنے سامنے اپنے خداوند نوں نہ ویکھ لواں۔
ہائے، حمدلی دی بُلندی تے پستی! ہائے پیار دی اینی وسعتاں!
ہائے، نجات دی کاملیت، آسماناں تے نا مُکن آلی حیاتی دی ضمانت!
(’’دُنیا لے لے، لیکن یسوع مینوں دے دے‘‘ شاعر فینی جے۔ کراس بی Fanny J. Crosby، 1820۔1915).

جے خُداوند تہاڈے دِل وِچ بولدا اے، تے تُسی ایس لنگدی دُنیا دی شان و شوکت تےخوشیاں چھڈن نوں تیار ہو، تے جے تُسی اپنے آپ نوں یسوع مسیح وِچ دین لئی تیار ہو تے اُوس وِچ ایمان دے نال آؤ، تے جے تُسی چاہو کہ تہاڈے گناہ اُوس دے لہو نال دُھل جان، تے جے تُسی میرے نال یا ساڈے کسی بابو جی نال ایس بارے چہ گل بات کرنا چاہو، تے تُسی مہربانی نال اُوس کمرے دے پِچھے ہُنے ای ٹر جاؤ، تے ڈاکٹر کیگن تہاڈی اِک پُرسکون تھاں تیکر رہنمائی کرن گے جیتھے اَسی ایس تے گل بات کر پاواں گے۔ میں دعا منگنا واں کہ تُسی آؤ تے یسوع وِچ صرف ایمان دے وسیلے نال بچائے جاؤ۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ سے پہلے کلام پاک کی تلاوت مسٹر ایبل پرودھوم Mr. Abel Prudhomme نے کی تھی: مرقس8:34۔37 .
واعظ توں پہلاں کلیاں گیت مسٹر بینجمین کینکیڈ گریفتھ Mr. Benjamin Kincaid Griffith نے گایا سی:
’’دُنیا لے لے، لیکن یسوع مینوں دے دے‘‘
(شاعر فینی جے۔ کراس بی Fanny J. Crosby، 1820۔1915).