ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

عاموس نبی دے دِناں وِچ خدا نے اسرائیل دا کئی طریقیاں نال اِنصاف کیتا۔ خُدا نے بارش روکے رکھی۔ اُوہنے اُوہناں دا انصاف قحط نال کیتا۔ اُوہنے طاعون دی وبا بھیجی۔ اُوہنے اُوہناں دے کھیتاں تے باغات نوں نقصان تے پھپھوندی توں متاثر کیتا۔ اُوہنے اُوہناں دا فیصلہ تلوار نال کیتا۔ اُوہنے اُوہناں وچوں کُج نوں تباہ و برباد کر دِتا جیویں سدوم تے عمورہ دے نال کیتا سی۔ لیکن اُوہناں نے خُدا دے سامنے توبہ نئیں کیتی۔ اُوہناں نے اُوہناں دے خلاف بغاوت جاری رکھی۔ آخر کار خُداوند نے کہیا کہ اُو اُوہدے پیغام پہنچان آلیاں دی حیثیت نال مذید ہور نبی نئیں بھیجے گا۔ نبیاں نوں بھیجن دے بجائے، خُداوند نے کہیا کہ اُو اُوہناں دا فیصلہ کرن لئی خود آوے گا۔

خُدا دا باغی لوکاں تے اقوام دے نال معاملات طے کرن دا طریقہ اے، سب توں پہلاں، اُوہناں نوں نرمی نال قائل کرنا، شگفتہ تے نرم لفظاں دے نال اُو اینج کئی وری دھراندا اے۔ لیکن فیر اِک ویلے دے بعد خُداوند اُوہناں نوں دھمکانا شروع کردا اے۔ اُو اُوہناں نوں کہندا اے ’’کی تُسی مرو گے؟ کی تُسی خود اپنے آپ تے تباہی نازل کرو گے؟‘‘ جے ایہناں لفظاں دا اُوہناں تے کوئی اثر نئیں ہوندا تے اُو ہور سخت فیصلے بھیجدا اے۔ اُو کسی نہ کسی طرح شروع وچ نرم ہون گے۔ لیکن ہولے ہولے فیصلے برداشت کرن لئی سخت تے سخت تر ہو جان گے۔ اخیر وچ، خُدا اُوہناں دا انصاف اِک ظالم آقا دی مار نال کردا اے۔ خُدا اُوہناں نوں خبردار کرن لئی نبیاں نوں بھیجدا اے – تے ایہدا خاتمہ اپنی ساری قوت تے شہانت دے نال اُوہناں دے خلاف لڑن نال کردا اے۔

مینوں ایویں لگدا اے کہ اسی امریکہ تے خُداوند دے فیصلے دے اخیرلے مراحل ول ودھ رہے آں۔ اُو نبیاں وگری واجاں بھیجدا اے جیویں ڈاکٹر اے۔ ڈبلیو۔ ٹوزر Dr. A. W. Tozer، لیونارڈ ریون ھل Leonard Ravenhill، فرانسس شیفر Francis Schaeffer، جیری فال ویل Jerry Falwell، تے دوجی انبیانہ واجاں۔ لیکن اسی اُوہناں نوں سنندے آں۔ اسی اِک قوم دے طور تے توبہ نئیں کرنے آں۔ ہُن خُداوند دیوقامت طوفان بھیجدا اے، غیرقدرتی آسمانی طوفانی آندھیاں اَن سُنی تعداد وچ بھیجدا اے، تیل دا وکھرنا، اپنی دو حیاتیاں جیہنے ویلے وچ ویکھے گئے کسی قحط دے مقابلے وچ بدترین قحط غربِ اوسط Midwest وچ بھیجدا اے، ساڈی مکئی دی فصل نوں تباہ کر دیندا اے جیہدے تے قوم پلدی اے۔ عظیم معاشی بحران توں لے کے جیہدے بارے وچ اسی سُنیا اے اُوہدے توں وی بدتر خُداوند ڈسٹ باؤل dustbowl وگری موذی بیماری بھیجدا اے۔ جیہدے نتیجے وچ، اگلے چند مہینیاں وچ اشیائے خورد دی قیمتاں آسمان نال گلاں کرن دی تیاری کر رئیاں نے۔ اسی انتہائی شدید مہنگائی نوں ودھدا ہویا ویکھن لئی ودھ رئے آں، جیتھے ڈالر دی قیمت نا ہون دے برابر ہووے گی۔ لیکن ایہدی توقع مت کرو کہ آزاد خیال ذرائع ابلاغ تہانوں خبردار کرن – جدوں تیکر کہ انتہائی تاخیر نئیں ہو جاندی اے! ایس ویلے دے دوران، خداوند امریکہ دا انصاف کردا اے ساڈے نوجوان لوکاں تے شیطاناں دے گروہاں نوں کُھلا چھڈن نال – اُوہناں نوں نشے دی، شراب دی، کدی نہ ختم ہون آلی ویڈیو گیمز دی تے فحش فلماں ویکھن دی لت لگا کے۔ کُج تے ایس قدر زیادہ نشے تے فلماں تے ٹیلی ویژن دے ذریعے نال تشدد کر گزردے نے کہ اُو سکولاں تے سٹیج ڈرامیاں وچ جا جا کے دوجے بچیاں نوں بغیر کسی مقصد دے قتل کر دیندے نے۔ ایتھے کوئی غلطی مت کرنا – ایہہ خُداوند وَلّوں انصاف اے جیہڑا کہ اسی پہلاں کدی وی نئیں ویکھیا اے۔ مسٹر اوباما سانوں کہندے نے کہ جے سانوں کُج کرن دی لوڑ اے تے اُو صرف تے صرف لوکاں نوں اُوہناں دی بندوقاں توں چھٹکارہ دلان دی اے۔ لیکن کی تُسی گذشتہ جمعہ نوں نائب صدر دی ’’زبان توں پھسلے‘‘ ہوئے لفظ سُنے سن جیہڑے اُوہناں نے کہے سن؟ اُوہناں نے اصل وچ کہیا سی کہ ’’انتہائی طاقتور بندوقاں توں چھٹکارہ پا لین توں تشدد دا خاتمہ نئیں ہووے گا‘‘ – ایس قسم دے لفظ جیویں! Duhhh! دُھر! ایہی تے اے جیہڑا قومی رائفل ایسوسی ایشن سارے ویلے کہندی رئی اے! بندوقاں توں چھٹکارہ پا لین نال تُسی شیطانی قوت دے تحت بچیاں نوں دیوانہ ہون توں نئیں روک سکو گے! اُو گھریلو بنے ہوئے پائب بم، ڈنڈے، روسی مشروبات، چھُریاں، پتھر تے ٹارچاں استعمال کرن گے۔ اُو بچے جیہڑے نشے تے فلماں تے ٹیلی ویژن تے وکھائے جان آلے تشدد توں بھرے پئے نے اُوہناں نوں گھراں نوں جلان تے دنگا فساد برپا کرن لئی بندوقاں دی لوڑ نئیں اے! گذشتہ جمعہ نوں نائب صدر بیڈن Biden درست سن – انتہائی قوت آلی بندوقاں توں چھٹکارہ پا لین نال اسی تشدد توں چھٹکارہ نئیں حاصل کر سکنے آں! کیوں؟ کیوں جے ایہہ خداوند وَلّوں انصاف اے، ایس ای لئی! جدوں تیکر کہ ایہہ قوم توبہ نئیں تے ہر اتوار نوں بائبل تے یقین کرن آلے گرجا گھراں وچ نئیں جاندی تشدد دا خاتمہ نئیں ہووے گا! ایہہ بد توں بدترین ودھدا جاوے گا جدوں تیکر کہ ایتھے مکمل لاقانونیت نئیں ہو جاندی اے جیہڑی کہ صرف اِک آمر حکمران دی قیادت وچ مارشل لاء نافذ کرن توں ای روکی جا سکدی اے۔ تُسی جانندے اُو! ایہہ اے جیتھے ایہہ سب کُج ہون لئی جا رہیا اے۔ ایہدے وچ شاید چند ورے ہور لگ جان – لیکن ایہی اے جیس ول ایہنے ودھنا اے! ایہی اے جیتھے ایہنے جانا اے! ولیم گولڈنگ! William Golding، ’’مفروراں دا بادشاہ‘‘! ضمیر دے بغیر بچے! تشدد، خون خرابہ، تے لاقانونیت! تے اِک پولیس دی ریاست دا قائم ہونا! اوہ، جی ہاں! پولیس دی اِک ریاست قائم ہون جا رئی اے – دشمن مسیح [دجال] دے تحت۔ مکاشفہ دی کتاب دا مطالعہ کرو۔ چند ورے پہلاں ڈاکٹر کارل ایف۔ ایچ۔ ھنری Dr. Carl F. H. Henry نے اِک انبیانہ تنبیہہ کیتی سی جدوں اُوہناں نے کہیا، ’’وحشی آ رئے نے… وحشی اِک زوال پذیر تہذیب دی دھول اُڈا رئے نے تے پہلاں ای توں اِک اپاہج گرجا گھر دے سایاں وچ نظراں بچا کے ٹُر رئے نے‘‘ (کارل ایف۔ ایچ۔ ھنری، ٹی ایچ۔ڈی۔، پی ایچ۔ڈی۔، عظیم تہذیب دے ڈوبے سورج دی روشنی Twilight of a Great Civilization، کراس وے بکس Crossway Books، 1988، صفحات 16، 17)۔

عاموس نبی تے واپس آندے نے۔ جے گنہگار انتباہ نوں نئیں سُںے گا – جے اُو بغاوت جاری رکھدا اے، ایتھوں تیکر کہ مذید ہور فیصلے وقوع ہوندے نے – تے آخر کار خُداوند کہندا اے کہ اُو مکمل طور تے گنہگار نوں زوال پذیر کر دیوے گا۔ اُوہناں نے خُداوند دے ملائم تر فیصلیاں دی تحقیر کیتی اے، تے ہُن اُو گنہگار نوں کہندا اے، ’’میرے نال، یعنی کہ خود خُداوند نال، اُوہدے بے انتہا قوت آلے غیظ و غضب تے انصاف دی تمام تر دھشت ناکیاں دے نال ملن لئی تیار ہو جا۔‘‘

’’اپنے خدا نال ملن دی تیاری کر‘‘ (عاموس 4:12).

جیویں کہ تلاوت دسدی اے، ایہہ خُداوند دے انصاف تے غضب دی اِک ہولناک دھمکی اے۔ جدوں خوشخبری نوں مسترد کیتا جاندا اے، تے گنہگار خُداوند دے رحم دا مضحکہ اُڈاندے نے، اُودوں اُوہدے طاقتور ترین ہتھ بھیانک انتقام دے نال کچلن لئی ودھدے نے۔ اُوس دھشت ناک دِن وچ مغرور تے شیخی خور طعنہ زنی کرن آلے لئی! بدقسمتی! بدقسمتی! بدقسمتی!

’’اپنے خدا نال ملن دی تیاری کر‘‘

مینوں اُوہدے بارے وچ تہاڈے نال اِک انتہائی سنجیدہ گل کہنی اے کہ جے تُسی مسیح وچ تبدیل شدہ نئیں اُو۔ کُج ای عرصہ وچ تہانوں اپنے خُداوند نوں ملنا اے۔ لفظاں نوں سُنو، ’’اپنے خُدا نوں ملو۔‘‘ کسی نہ کسی طور تُسی ایس دُنیا وچ اُوہنوں ملے بغیر ای جی رئے اُو۔ اُو ہر تھاں موجود اے، لیکن تُسی اُوہنوں جانیا نئیں اے۔ تُسی یعقوب Jacob وانگوں اُو جدوں اُوہنے کہیا،

’’ہو نہ ہو خداوند ایس تھاں وچ موجود اے تے مینوں ایہدا علم نئیں سی‘‘ (پیدائش 28:16).

کسی نہ کسی طرح تُسی خُداوند دی واج نوں اپنے ضمیر وچ لُکا دِتا اے۔ تُسی اپنے دِل دے احساسات نوں کُچل دِتا اے تاں جے تہانوں گناہ دی کوئی آگاہی نہ ہووے۔ تُسی اپنے دِل نوں گڈمڈ کر دِتا اے تاں جے تُسی اُوہدا اِدارک نہ کر پاؤو۔ لیکن تُسی اُوہنوں چھیتی ای ملو گے۔ جدوں تہاڈی روح توں گوشت لتھ جاوے گا، اُودوں تہاڈی جسم توں محروم روح ہُن دے مقابلے وچ ایہنوں زیادہ واضح طور تے ویکھ سکے گی۔ تُسی روحانی دُنیا نوں ویکھنا شروع کرو گے، جیہڑی تہاڈے توں ہُن لُکی ہوئی اے۔ فیر تُسی اچانک خُداوند نوں ملو گے۔ تہاڈے وچوں کُج اپنے دِل وچ شاید کہن گے، ’’ایتھے کوئی خُدا نئیں اے۔‘‘ ایس خیال نوں کہ خُداوند تہاڈی حیاتی تے تہاڈے منصوبیاں دے نال مداخلت کردا اے کُج اینج دا اے جیہدے تے تُسی ہُنے غور کرنا نئیں چاہندے اُو۔ تُسی کدی وی اُو گناہ جیہڑا تُسی ہُنے کردے اُو نہ کرو جے تُسی ایہہ سوچیا ہووے کہ خُداوند دی ہر تھاں ویکھ سکن آلی اکھاں تہانوں ویکھ سکدیاں نے۔ لیکن اُو ضرور تہانوں ویکھدا اے – ہر پل وچ۔ تے اُو تہاڈے ذہن وچ وی خیالات نوں ویکھدا اے۔ ہُن تُسی، خُدا تہانوں ویکھ سکدا اے جیویں خیالات نوں اِک ول رکھ سکدے اُو۔ لیکن اُوہناں ای دِناں وچوں اِک چہ تُسی خُداوند نال آمنے سامنے ملو گے۔ اپنی موت دے لمحے وچ تُسی خُداوند نوں ملن لئی مجبور کیتے جاؤو گے۔ تے ایہہ اِک انتہائی نزدیکی ملاقات ہووے گی۔ تُسی خُداوند نوں فاصلے تے دوروں نئیں ویکھو گے۔ جی نئیں، اُوہنوں اُوہدی ساری شہانت تے جلال دے نال ملو گے – بالکل ایویں جیویں اُو اگ ہوندی اے جیہڑی جیہنوں چھو جاوے بھسم کر دیندی اے، کیوں جے بائبل کہندی اے،

’’ساڈا خدا بھسم کر دین آلی اگ اے‘‘ (عبرانیوں 12:29).

اُوہدا شدید غیظ و غضب سِدھا تہاڈے تے پئے گا، زیادہ دور نئیں۔ اُوہدی اگ تہاڈے تے پئے گی تے اُوہدے قہر وچ تُسی بھسم ہو جاؤو گے۔ تے ایہہ اِک اینج دی ملاقات ہووے گی جیہدے توں تُسی بچ نئیں پاؤ گے، جیہدے توں فرار ہون دے تُسی قابل نئیں ہوو گے۔ جدوں کوئی تہاڈے گھر تے آندا اے جیہنوں تُسی ویکھنا پسند نئیں کردے اُو، تے تُسی اپنی خواب گاہ وچ اُوہدے توں لُک سکدے اُو۔ لیکن اُوس دِن تُسی خُداوند توں لُکن دے قابل نئیں ہوو گے۔ تُسی اُوہدے توں ڈُونگے ترین سمندر وچ وی لُکن دے قابل نئیں ہوو گے۔ ادھی رات دی تاریکی وی تہانوں اُوہدے توں لُکا نئیں پائے گی۔ اُوس ہولناک دِن تہانوں خُداوند نوں روبرو ملنا چائیدا اے! تہانوں خُداوند نوں روبرو ملنا چائیدا اے، تے ایہہ اِک ذاتی ملاقات ہووے گی – کلیاں خُداوند نال کَلّے تُسی۔ تہانوں اپنے خُدا دے نال کلیاں ملنا چائیدا اے – تہانوں! تہانوں! کیوں جے تہاڈے وگرے اِک نجات نہ پائے ہوئے بندے لئی فرار دا کوئی راستہ اے ای نئیں! ایہدے توں کوئی فرق نئیں پیندا کہ تُسی ہُنے کیویں تضحیک کردے اُو تے اپنے ذہن توں ایہہ گلاں ہُنے باہر کڈدے اُو – اُوس دِن لُکن لئی کوئی تھاں نئیں ہووے گی! لُکن لئی کوئی تھاں نئیں! لُکن لئی کوئی تھاں نئیں! خُداوند توں لُکن لئی اُوس دِن کوئی تھاں نئیں ہووے گی۔ تے میں تہانوں ایہدا یقین دلا سکنا واں کہ اُوس دِن جدوں تُسی خُداوند نوں ملو گے تے انتہائی دھشت ذدہ ہوو گے۔ ایہہ اِک خوشگوار ملاقات نئیں ہووے گی۔ اوہ، نئیں! ایہہ اُوس خُدا نال جیہدے خلاف تُسی روبرو گناہ کیتا اے جدوں تُسی ملو گے تے اِک ہولناک ملاقات ہووے گی! جاناتھن ایڈورڈ Jonathan Edwards نے اپنے شہرہ آفاق واعظ ’’اِک ناراض خُدا دے ہتھاں وچ گنہگار Sinners in the Hands of an Angry God‘‘ وچ اِیہدے تے گل کیتی سی۔

تُسی اُوس خُدا توں جیہنوں تُسی ٹھیس پہنچائی اے روبرو ملاقات کرو گے، جیہدی شریعت تُسی توڑی اے، جیہدے ناں تے تُسی لطیفے بنائے نے، جیہدے گرجا گھر وچ حاضر ہون وچ تُسی ناکام رئے اُو۔ ایہی اُو خُدا اے جیہنوں تُسی ملو گے – اُو خُدا جیہدے خلاف تُسی گناہ کیتا اے – ایہی اُو سچا خُدا اے – اُو خُدا جیہنوں تُسی روبرو ملو گے – بائبل دا خُدا۔

تُسی روبرو اپنے خُداوند دے نال ملاقات کرو گے – اُو خُداوند جیہڑا تہاڈا ہر خفیہ گناہ، تے تہاڈا ہر خفیہ خیال جانندا اے – اُو خُدا جیہڑا تہاڈی بدکار سوچاں تے تہاڈے گناہ نال بھرے دِل نوں جانندا اے۔ ایہی اُو خُدا ہووے گا جیہدے نال اپنے انصاف دے دِن تُسی روبرو ملاقات کرو گے۔ اُودوں فیر تہانوں پتا چلے گا کہ ایہہ تے انصاف دا خُدا اے – اُو خُدا جیہڑا گناہ دا فیصلہ کردا اے۔ لیکن اُودوں فیر اُوس ویلے تیکر انتہائی دیر ہو چُکی ہووے گی۔ جدوں تُسی اپنی موت دے دِن خُدا نوں ملو گے تے تہاڈی تقدیر دا تعین تے پہلاں توں ای ہو چُکا ہووے گا۔ اِک مُردہ بندے لئی واپس جان تے توبہ کرن دا کوئی راستہ نئیں اے۔ جدوں تُسی مر جاندے اُو تے نجات پان لئی ہمیشہ تیکر دی انتہائی دیر ہو چُکی ہوندی اے! جے تُسی ہُنے مسیح وچ نجات پائے ہوئے نئیں اُو، تے جدوں تُسی خداوند نوں ملدے اُو فیر جہنم وچ جان لئی ہمیشہ لئی انتہائی تاخیر ہو چُکی ہووے گا۔ بائبل کہندی اے،

’’اگ اُوہناں نوں جلا دیوے گی۔ اُو اپنے آپ نوں شعلیاں دی شدّت توں بچا وی نئیں سکو گے‘‘ (اشعیا 47:14).

’’اینج دے لوکاں دے عذاب دا دُھواں ابد تیکر اُٹھدا رہوے گا: تے اُوہناں نوں دِن رات چین نئیں ملے گا‘‘ (مکاشفہ 14:11).

’’اپنے خدا نوں ملن دی تیاری کر‘‘ (عاموس 4:12).

تُسی کیویں خُدا نوں ملن دی تیاری کر سکدے اُو؟ تُسی تیاری کرن لئی کی کر سکدے اُو؟ واحد طریقہ اپنے آپ نوں اُوہدے نال ملن لئی تیار کرن دا ایہہ اے کہ تُسی ہُنے قبول کرو کہ تُسی اِک گنہگار اُو۔ اُوہدے توں اپنے گناہواں نوں لُکان دی کوشش کرن دا کوئی فائدہ نئیں اے، بائبل کہندی اے،

’’خُداوند دیاں اکھاں ہر تھاں نے، اُو نیک تے بد دوواں نوں ویکھدیاں نے‘‘ (امثال 15:3).

اُو بالکل ہُنے توں تہاڈے گناہ دے بارے وچ جانندا اے۔ ایہدے لئی بہانے بنان یا ایہنوں لُکان دی کوشش کرن دا کوئی فائدہ نئیں اے۔ اُو ویکھدا اے کہ تُسی رات نوں کی کردے اُو۔ اُو ویکھدا اے کہ تُسی کمپیوٹر تے کی ویکھدے اُو۔ اُو تہاڈے دِل وچ موجود بدصورت حسد تے بدکار خیالات نوں ویکھدا اے۔ تہانوں ہُنے اپنے گناہ دا اعتراف کرنا چائیدا اے، جدوں کہ ہُنے ویلہ اے کہ یسوع دے لہو توں اپنے گناہواں نوں پاک صاف کروایا جا سکے۔

جی ہاں، یسوع دے ذریعے نال پاک صاف کروایا جاوے – خُدا دے پُتر توں۔ ایہی وجہ اے کہ یسوع آسمان توں تھلے آیا تے سُولی تے مصلوب ہویا – تہاڈے گناہواں دا کفارہ ادا کرن لئی۔ ایس لئی یسوع نے صلیب تے اپنا لہو وگایا اے – تاکہ تہاڈے گناہ پاک صاف ہو سکن!

جان سُنگ John Sung چین توں علم الہٰیات تے ڈاکٹری دی تعلیم حاصل کرن لئی رایست ہائے متحدہ آئے۔ کم از کم ایہی سی جیہڑا اُوہناں نے اپنے پیو نوں دسیا سی، جیہڑے کہ اِک پادری سن۔ لیکن اُوہناں نے اپنا راستہ بدل لہیا سی۔ اُوہناں نے ایہدے بجائے کیمیا وچ اپنی پی ایچ۔ ڈی پائی سی۔ اُو ریاست ہائے متحدہ وچ پی ایچ۔ ڈی پان آلے پہلے چینی مُنڈے سن۔ لیکن اُوہناں دا دِل خُداوند توں دور تے دور ہوندا چلا گیا سی۔ اُوہناں نے ٹاؤازم دے ٹاؤ ٹی چنگ دیاں کتاباں تے دعاؤاں دا جاپ شروع کر دِتا سی۔ جدوں اُو نیویارک شہر وچ سن تے اُوہناں نے خُداوند دے نال اپنا سارا رابطہ کھو دِتا سی۔ فیر اِک رات اُو نیویارک دے پہلے بپتسمہ دین آلے گرجا گھر وچ گئے۔ اِک نوعمر کُڑی نے اپنی گواہی پیش کیتی کہ کیویں یسوع نے اُوہنوں بچایا سی، تے اپنے لہو نال اُوہدے گناہ نوں دھو دِتا سی۔ جان سُنگ ہوسٹل وچ اپنے سون دے اجتماعی کمرے وچ واپس ٹُر گئے۔ اُوس رات دے آخر وچ اُوہناں نے خُداوند توں تفصیل دے نال اپنے گناہ دا اعتراف کیتا سی۔ فیر اُوہناں نے تصور وچ یسوع نوں سُولی تے ٹنگیا ہویا ویکھیا۔ اُو ایہنے قریب ہو گئے جیہنے ہو سکدے سن، تے اُوہناں تے یسوع دے لہو دے چھینٹیاں دی بوچھاڑ ہوئی سی۔ اُو اُوس تجربے توں لنگھ کے اِک نئے آدمی دے طور تے سامنے آئے۔ یسوع مسیح دے لہو دے ذریعے نال اُو گناہ توں پاک صاف ہو گئے سی۔ اُوہناں نے یسوع تے پرہوسا کیتا۔ اُو نئے سرے توں پیدا ہوئے سی۔ ’’اپنے خُدا نوں ملن دی تیاری کر۔‘‘ جی ہاں، ڈاکٹر جان سُنگ نے اُوس رات نوں خُدا نوں ملن دی تیاری کیتی سی جدوں اُوہناں نے یسوع تے پرہوسا کیتا تے پاک صاف کیتے گئے تے نجات دہندہ دے لہو دے ذریعے نال معاف کیتے گئے۔

مسٹر گریفتھ اوہی پیارا پُرانا گیت، ’’جدوں میں لہو ویکھنا واں When I See the Blood‘‘ فیر گان لئی جا رئے نے۔ جدوں خُداوند تہاڈے تے ہُنے نظر پاندا اے، تے اُو تہاڈے گناہ ویکھدا اے۔ لیکن تہاڈے یسوع تے پرہوسا کرن دے بعد، جدوں خُداوند تہاڈے تے نظر پاندا اے، تے جیہڑا کُج اُوہنوں نظر آندا اے اُو یسوع دا لہو اے۔ خُدا دا فیصلہ تہاڈے اُتوں ٹل جاندا اے کیوں جے یسوع دے لہو نے تہاڈے ہر گناہ نوں پاک صاف کر دِتا اے، تے خُدا تہاڈے گناہ نئیں ویکھ سکدا اے جے اِک وری تُسی توبہ کر لئی اے تے نجات دہندہ تے پرہوسا کر لہیا اے۔ مینوں اُوس پُرانے حمد و ثنا دے گیت دا تیجا بند پسند اے،

فیصلہ آ رہیا اے، اوہی سب کُج ہووے گا،
   ہر کوئی اپنا بقایا انصاف نوں پا رہیا اے؛
نجات دلان تے گناہ نوں پاک صاف کرن آلے لہو وچ لُک جاؤ
   تے میں تہاڈے اُتوں ٹل جاواں گا، تہاڈے اُتوں ٹل جاواں گا۔
جدوں میں لہو ویکھنا واں، جدوں میں لہو ویکھنا واں،
   جدوں میں لہو ویکھنا واں، میں ٹل جاواں گا، میں تہاڈے اُتوں ٹل جاواں گا۔
(’’جدوں میں لہو ویکھنا واں When I see the Blood‘‘ شاعر جان فوٹے John Foote، انیسویں صدی)۔

مسٹر گریفتھ، آؤ تے اُو آلا بند گاؤ۔ ہُن، اُو ایہنوں فیر گان لئی جا رئے نے۔ جدوں اُو ایہنوں ایس وری گان، جے تُسی ہُنے تیکر مسیح وچ نجات پائے ہوئے نئیں اُو، تے میں چاہنا واں تُسی اپنی نشست توں اُٹھو تے ایس اجتماع گاہ دے پچھلے پاسے ٹُر جاؤ۔ ڈاکٹر کیگن Dr. Cagan تہانوں اِک پُرسکون تھاں تے لے جان گے جیتھے اسی تہاڈے نال دعا کر سکنے آں، اِک حقیقی مسیحی بنن دے بارے وچ ہور زیادہ وضاحت کر سکنے آں۔ ہُنے جاؤ جدوں کہ اُو گاندے نے۔

فیصلہ آ رہیا اے، اوہی سب کُج ہووے گا،
   ہر کوئی اپنا بقایا انصاف نوں پا رہیا اے؛
نجات دلان تے گناہ نوں پاک صاف کرن آلے لہو وچ لُک جاؤ
   تے میں تہاڈے اُتوں ٹل جاواں گا، تہاڈے اُتوں ٹل جاواں گا۔
جدوں میں لہو ویکھنا واں، جدوں میں لہو ویکھنا واں،
   جدوں میں لہو ویکھنا واں، میں ٹل جاواں گا، میں تہاڈے اُتوں ٹل جاواں گا۔

آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔