ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ہُن ایس سویرے میں چاہنا واں کہ تُسی اپنی بائبل وِچوں مرقس دس باب آیت سترہ نوں کھولو۔ ایہہ اِک نوجوان مالدار سردار دا واقعہ اے۔ ایہہ ایس قدر اہم واقعہ اے کہ پاک روح نے ایہنوں متی، مرقس تے لوقا تیناں انجیلاں وِچ یکساں نقطۂ نظر دے طور تے اندراج کیتا اے۔ پطرس دے علاوہ انجیلاں وِچ کسی دوجے آدمی دے مقابلے وِچ نوجوان مالدار سردار نوں بوہتی تھاں دِتی گئی اے۔ ایہہ ایس گل دی اہمیت نوں اُجاگر کردی اے کہ ایس نوجوان آدمی دے نال کی ہویا سی۔ تے میں یقین کرنا آں کہ اَج اَسی جیس دور وِچ رہ رئے آں اُوہدے لئی نئے عہدنامے دی کہانیاں وِچوں ایہہ اِک سب توں بوہتی اہم کہانی اے۔ مہربانی نال کِھلو جاؤ تے ایہنوں غور نال سُنو۔

’’یسوع گھر توں نکل کے جا رہیا سی کہ راستہ وِچ اِک آدمی دوڑدا ہویا آیا تے اُوہدے اَگے گوڈے ٹیک کے پُچھن لگا: اَے نیک اُستاد! میں کی کراں کہ ہمیشہ دی حیاتی دا وارث بن سکاں؟ یسوع نے اُوہنوں کہیا: توں میہنوں نیک کیوں کہندا اے؟ نیک تے صرف اِک ای اے یعنی خدا۔ توں ایہناں حکماں توں تے واقف اے کہ خون نہ کر، زنا نہ کر، چوری نہ کر، جھوٹی گواہی نہ دے، فریب نال کم مت لے، اپنے ماں پیو دی عزت کر۔ اُوہنے یسوع نوں کہیا، اُستاد! ایہناں ساریاں گلاں اُتے تے میں لڑکپن توں عمل کردا آ رہیا آں۔ یسوع نے اُوہنوں پیار بھری نظر نال ویکھیا تے کہیا: اِک گل تے عمل کرنا ہُنے باقی اے۔ جا اپنا سب کُج بیچ دے تے رقم غریباں وِچ ونڈ دے۔ تیہنوں آسمان تے خزانہ لبھے گا۔ تے آ سولی چُک تے میرے پیچھے ہو لے۔ ایہہ سُں کے اُوہدے چہرے تے اُداسی چھا گئی تے اُو غمگین ہو کے ٹر گیا۔ گل ایہہ سی کہ اُو بڑا ای مالدار سی۔ فیر یسوع نے لوکاں تے نظر دوڑا کے اپنے شاگرداں نوں ایویں کہیا: دولتمنداں دا خدا دی بادشاہی وِچ داخل ہونا کیس قدر مشکل اے! اُوہدے الفاظ سُن کے شاگرد حیران رہ گئے۔ لہٰذا یسوع نے فیر کیہیا: بچو! دولت تے پروہسا رکھن آلیاں دا خدا دی بادشاہی وِچ داخل ہونا کیہنا مشکل اے۔ کسی دولتمند کا خدا دی بادشاہی وِچ داخل ہون توں اُونٹ دا سوئی دے ناکے وِچوں لنگ جانا بوہتا سہوکھا اے۔ شاگرد نہایت حیران ہوئے تے اِک دوجے نوں کہین گے: فیر کیہڑا نجات پا سکدا اے؟ یسوع نے اُوہناں وَل ویکھ کے کہیا: انساناں دے لئی تے ایہہ ناممکن اے لیکن خدا دے لئی نہئیں، کیوں جےخدا کولوں سب کُج ہو سکدا اے۔‘‘ (مرقس10: 17۔27)۔

تُسی تشریف رکھ سکدے اُو۔

اَسی اُوس بندے دے بارے وِچ کافی کُج جاننے آں۔ متی19: 20 سانوں دسدی اے کہ اُو نوجوان سی۔ جیس دا مطلب ایہہ نکلدا اے کہ اُو تیس وریاں توں گھٹ عمر دا سی۔ لوقا18: 18 سانوں دسدی اے کہ اُو اِک ’’سردار‘‘ سی۔ ڈاکٹر گِل نے کہیا ایس دا مطلب اے کہ اُو اِک شہری مجسٹریٹ سی، ’’شاید شریعت دے عالماں وِچوں اِک۔‘‘ مرقس10: 22 سانوں دسدی اے کہ اُوہدے ’’کول بوہتی دولت سی۔‘‘ ہُن اِسی ویکھ سکنے آں کہ کیوں متی، مرقس تے لوقا نے اُوہدے بارے وِچ دسن دے لئی ایس قدر بوہتی تھاں لئی۔ اُو اِک نوجوان امیر آدمی سی، جیس دے بوہتی اُوچی ساکھ سی۔ تقریباً کوئی مبشر وی اَج، ایس طرح دے شخص نوں اپنے گرجا گھر وِچ شامل کرن دے لئی کُج وی کرن نوں تیار ہووے گا!

ایہہ نوجوان آدمی یسوع دے کول نٹھدا ہویا آیا سی۔ جدوں اُو یسوع دے کول پہنچا تے دوزانوں ہو گیا۔ فیر اپوہنے یسوع نوں پُچھیا، ’’اے نیک اُستاد! میں کی کراں کہ ہمیشہ دی حیاتی دا وارث بن سکاں؟‘‘ اُوہنے یسوع دے کول آن نال بالکل درست کم کیتا سی۔ باکل درست ویلے تے آیا سی – جدوں اُو نوجوان ای سی۔ اُوہنے صحیح سوال پُچھیا سی، ’’میں کی کراں کہ ہمیشہ دی حیاتی دا وارث بن سکاں؟‘‘ اُو دُرست نقطۂ نظر نال آیا سی – عاجزی نال۔ اُوہنے درست جواب پایا سی – بالکل ٹھیک طریقے نال کی کرنا چائیدا اے۔ لیکن اُوہنے غلط قدم چکیا سی – اُوہنے یسوع کولوں اپنے منہ موڑ لیہیا سی، اپنے راستے ہو لیہیا سی، تے کدی وی نجات نہئیں پا سکدا سی۔

اُوہنے کیوں مُنہ موڑ لیہیا سی؟ اُوہدی سادہ جئی وجہ اے۔ اُوہنے کہیا، ’’میں کی کراں کہ ہمیشہ دی حیاتی دا وارث بن سکاں؟‘‘ یسوع نے اُوہنوں دسیا کی کرنا چائیدا اے، تے اُوہنے اُوہنوں ٹھکرا دِتا سی۔ اَسی لیے اُو اُداس ہو گیا سی، تے غمگین چلا گیا سی۔

بائبل کہندی اے، ’’یسوع نے اُوہنوں پیار بھری نظراں نال ویکھیا‘‘ (مرقس10: 21)۔ مہربانی نال میہنوں نہ دسو کہ یسوع نے اُوہنوں سخت جواب دِتا سی کیوں جے اُوہنوں اُوہدی پرواہ نہئیں سی۔ مہربانی نال ایہنے نہ ڈِگو! جی نہئیں، یسوع نے اُوہنوں سخت جواب ایس لئی دِتا سی کیوں جے اُو اُوہنوں پیار کردا سی۔ ’’یسوع نے اُوہنوں پیار بھری نظراں نال ویکھیا‘‘ (مرقس10: 21)۔ میں ایہہ پایا اے کہ ’’سخت‘‘ مبشر ای اُو ہوندے نے جیہڑے لوکاں نوں پیار کردے نے۔ اُو ’’نرم‘‘ مبشر ہوندے نے جیہڑے تہانوں پیار نہئیں کردے نے۔ ایہہ نرم مبشر ہوندے نے جیہڑے واقعی تہاڈے بارے چہ کوئی پراوہ نہئیں کردے نے۔

کوئی وی کرسٹل کیتھیڈرل دے رابرٹ شُلر Robert Schuller توں بوہتا نرم نہئیں ہو سکدا سی۔ جدوں جان وائن John Wayne مر رہیا سی تے اُوہنے شُلر نوں کہلا پیجھیا کہ آئے تے اُوہنوں ملے۔ جان وائن نے شُلر نوں پُچھیا چونکہ اُو مر رہیا سی ایس لئی اُوہنوں کی کرن دی لوڑ سی۔ شُلر نے اُوہنوں دسیا کہ اُوہنوں کُج وی کرن دی لوڑ نہئیں سی، کہ اُو پہلاں ای توں ٹھیک اے۔ جدوں میں ایہہ پڑھیا تے میہنوں اُوہدے نال بوہتے غصے نال بھر گیا۔ تُسی ویکھو، میں جان وائین نوں پیار کیتا۔ اُو اِک عظیم امریکن سی، تے میں اُوہنوں پیار کردا سی۔ لیکن میرے لئی ایہہ بالکل واضح سی کہ شُلر نوں آدمی دی جان دی بالکل وی کوئی وی پرواہ نہئیں سی۔ شُلر نوں جو چائیدا سی اُو جان وائین تے اُوہدے خاندان کولوں جِنہے وی پیسے حاصل کر سکدا اے کر لئے۔ تُسی جِنہاں لوکاں دی بارے وِچ فکرمند نہئیں ہوندے اُو اُوہناں نال ای جھوٹ بولدے اُو۔ جِنہاں لوکاں نال تُسی پیار کردے اُو اُوہناں نال ای سچ بولدے اُو۔ ایہہ ایہنا ای سادہ اے جِنہا کہ ’’جے تُسی اِک بندے نال پیار کردے اُو تے تُسی اُوہنوں سچ دسدے اُو! تے ایہو ای بالکل ٹھیک طریقے نال یسوع نے کیتا سی!

مالدار نوجوان سردار یسوع دے سامنے دوزانو ہویا سی، تے ہمیشہ دی حیاتی دا وارث بنن دے لئی اُوہنوں کی کرن دی لوڑ سی ایہہ پُچھیا سی۔ یسوع نے اُوہدے چہرے تے نظر پائی تے اُوہنوں پیار کیتا۔

’’یسوع نے اُوہنوں پیار بھری نظر نال ویکھیا تے کہیا: اِک گل عمل کرنا ہُنے باقی اے۔ جا اپنا سارا کُج بیچ دے تے رقم غریباں وِچ ونڈ دے۔ تیہنوں آسمان تے خزانہ لبھے گا۔ تے آ سولی چُک تے میرے پیچھے ہو لے‘‘ (مرقس10: 21)۔

نوجوان آدمی نے اِک لمحے دے لئی اُوہدے بارے چہ سوچیا تے فیر اُو چلا گیا۔

’’ایہہ سُن کے اُوہدے چہرہ تے اُداسی چھا گئی تے اُو غمگین ہو کے ٹر گیا۔ گل ایہہ سی کہ اُو بڑا مالدار سی‘‘ (مرقس10: 22)۔

یسوع اَج بھرپور سختی دا تقاضا کردا اے۔ لیکن سانوں اَج دی انجیلی بشارت دی ’’فیصلہ سازیت‘‘ دے ’’صندوق توں باہر نکل‘‘ کے سوچن دی لوڑ اے۔ ایس نوجوان آدمی نوں کیوں ’’ہمیشہ دی حیاتی دا وارث بنن‘‘ دے لئی، نجات پان دے لئی اپنی ساری دولت چھڈنی چائیدی اے؟ جواب مرقس10: 24 وِچ پیش کیتا گیا اے، جدوں یسوع نے کہیا،

’’بچو! دولت تے پروہسا رکھن آلیاں داخدا دی بادشاہی وِچ داخل ہونا کیہنا مشکل اے‘‘ (مرقس10: 24)۔

سارے دا سارا حوالہ ظاہر کردا اے کہ مالدار آدمی نوں اپنی دولت تے پروہسا سی۔ اُو مسیح تے کینج پروہسا کر سکدا سی جدوں کہ ایہدے بجائے اُوہدا دِل دولت تے پروہسا کردا سی؟ یسوع نے کہیا، ’’تُسی خدا تے دولت دوواں دی خدمت نہئیں کر سکدے‘‘ (متی6: 24)۔ تُسی خدا تے دولت دوواں دی خدمت نہئیں کر سکدے اُو! بائبل کہندی اے، ’’جیہڑے دولت مند ہونا چاہندے نے اُو آزمائش وِچ مبتلا ہو کے بہتیریاں بیہودہ تے مُضر خواہشاں دے بھندے وِچ پھنس جاندے نے تے تباہی تے ہلاکت دے دریا وِچ غرق ہو جاندے نے‘‘ (1 تیمتھیس6: 9)۔ نوجوان سردار مسیح تے پروہسا نہئیں کر سکا ہووے گا کیوں جے اُوہدا دِل اُوہدی دولت تے پروہسا کردا سی۔ اُوہدا کیویں مسیح تے پروہسا ہووے گا، جدوں اُوہدا دِل دولت تے پروہسا کردا سی؟

آئعن ایچ میورے Iain H. Murray نے اُوہدے بارے چہ جو کُج کیہیا میہنوں پسند اے۔ میورے نے کیہیا کہ پرانی انجیلی بشارت ضمیر نوں خبردار کردی سی، گنہگار نوں وکھاندی سی کہ ’’خدا جیس توبہ دا تقاضہ کردا اے اُو کوئی عمومی تبدیلی نہئیں، دُکھ دا عارضی احساس نہئیں، مگر حیاتی دی اِک مکمل تبدیلی اے۔‘‘ مسیح نے نوجوان مالدار سردار نوں جو کُج اُوہدے کول سی بیچن نوں کہیا سی، تے غریباں نوں دین نوں کہیا سی، ’’تے آ، سولی چُک، تے میرے پیچھےہو لے‘‘ (مرقس10: 21)۔ آئعن میورے نے کہیا، ایہہ بِلاشبہ ’’شرعی تبلیغ‘‘ سی، مگر اِک آدمی نون فرمانبرداری دی تکمیل دے لئی ایویں بُلان دا مقصد نجات دے لئی مستند کرنا نہئیں سی، ایس دے بجائے ایہہ اُوہدے لئی ایہہ ثابت کرنا سی کہ اُو اُوس توں کیہنا دور سی۔ ہمارے خداوند نے ایہہ صلاح ایس لئی نہئیں پیش کیتی کیوں جے اُوہنے سوچیا سی کہ آدمی فرمانبردار ہووے گا، بلکہ کیوں جے آدمی نے سوچیا کہ اُو ہووے گا۔ تے ہر قدرتی آدمی اپنی خود اعتمادی وِچ اینج ای سوچدا اے۔ لہٰذا شریعت نتیجے چہ کہندی اے، ’فرمانبرداری نوں جانچن دی کوشش کرو! ایہدے نال ایہنے ای ہو لو جِنہا کہ تُسی ہو سکدے اُو‘ … مسیح وِچ غیر تبدیل شُدہ اِک آدمی نوں اینج کرن دے لئی بُلایا جاندا اے کیوں جے اُو جِنہا ایس نوں اپناندا اے، اُوہنا ای بوہتا نااُمید ہون دے لئی جستجو پائی جاندی اے۔ اُوہنوں پتا چلدا اے کہ ناصرف اُوہدا طرز عمل بلکہ اُوہدی خود دی فطرت غلط اے۔ معیار جیہڑا درکار اے ناقابلِ پہنچ اے۔ فطرتاً اُو پیار نہئیں کر سکدا اے، اُو پاکیزہ نہئیں ہو سکدا اے، اُو خدا وِچ مسرور نہئیں ہو سکدا اے۔ ’فیر کیہڑا نجات پا سکدا اے؟ حیرت زدہ شاگرداں نے مالدار نوجوان سردار دے مسیح دے خالص تقاضے نوں سُن کے پُچھیا، تے اُوہناں نوں جواب موصول ہویا جیہڑا اَج وی سچ اے، ’ایہہ انساناں دے لئی تے ناممکن اے لیکن خدا دے لئی نہئیں‘… جِیتھے اِک جان نجات دے لئی رہنمائی پاندی اے اُو شریعت دے نال نہئیں اے کہ اُو قصور تلاش کر لئے گا بلکہ اُوہدے خود دے نال اے۔ شریعت توں پہلاں خود اُوہدا اپنا ضمیر اُوہنوں ملامت کردا اے، تے اُو خود توں اعتراف کردا اے کہ اُو ناصرف قصوروار اے بلکہ جو کُج اُوہنوں کرنا چائیدا اے اُو کرن دے لئی بے بس وی اے … جاناتھن ایڈورڈ Jonathan Edwards دے الفاظ وِچ: جدوجہد دی ایہو جئی سنجیدگی تے کامل پن، اِک عام ذریعہ اے جیس دا خدا استعمال کردا اے لوکاں دی خود دے نال شناسائی وِچ لیہیان دے لئی، اُوہناں دے اپنے دِلاں دی بصیرت دے لئی، اُوہناں دی اپنی بے بسی دے احساس دے لئی… ایہہ ساڈا اپنا تجربہ اے، تے تلاش کرنا اے کہ اَسی کی آں، کہ خدا عام طور تے سانوں خود توں تمام تر منحصر ہون توں باہر نکلن دے ذریعے دے طور تے استعمال کردا اے‘… ایس قسم دا اِک آدمی دعا کرے گا، جیہو جئی کہ ولیم وِلبرفورسWilliam Wilberforce نے اِک دفعہ کیتی سی، ’اے خدا، میہنوں میرے توں نجات دِلا!‘‘‘ (آئعن ایچ۔ میورے، پرانی انجیلی بشارت The Old Evangelicalism، دی بینر آف ٹرُتھ The Banner of Truth Trust، 2005، صفحات 10۔14)۔

مسیح چاہندا سی کہ مالدار سردار خود اپنے دِل دی خود غرضی نوں ویکھے۔ اُو چاہندا سی کہ اُو [مالدار سردار] ویکھے کہ اُوہدا دِل خدا دے بجائے دولت تے پروہسا کردا سی۔ اُو چاہندا سی کہ اُو [مالدار سردار] ویکھے کہ اُوس دا دِل کیہنا غلط سی، کہ اُو اصل وِچ خدا توں بالکل وی پیار نہئیں کردا سی، کہ اُو اصل وِچ مادی شیواں تے پروہسا کردا سی، تے خدا وِچ بالکل وی پروہسا نہئیں کردا سی۔

جدوں پطرس نے اچانک محسوس کیتا کہ اُوس دا دِل کیس قدر مکار تے بے اعتقادہ سی ’’تے اُو یسوع دے پیر تے ڈِگ کے ایہہ کہین لگا؛ اے خداوند میں گنہگار آدمی آن‘‘ (لوقا5: 8)۔ مالدار نوجوان سردار یسوع دے سامنے دوزانو ہویا سی، مگر اپنے دِل دی گنہگاری نوں اعتراف کرن تے اُوہنوں محسوس کردے رہن دے بجائے، ’’اُو ایہہ کہے جان تے افسردہ سی، تے غمگین ٹر گیا سی‘‘ (مرقس10: 22)۔

میں ایہہ دہرائے جاندے ہوئے اکثر ویکھیا اے۔ لوکی کہین گے کہ اُو نجات پانا چاہندے نے۔ لیکن جدوں اَسی اُوہناں نوں ویکھانے آں کہ اُوہناں دے دِل غلط نے، اُو دُنیا دی شیواں تے پروہسا کر رئے نے، کہ اُوہناں دے کول واقعی چہ خدا دے لئی کوئی پیار نہئیں اے، تے اُو غمگین ٹر جاندے نے، تے جلد یا بدیر گرجا گھر توں گمراہ ہو جاندے نے۔

لیکن فیر اِسی دوجیاں نوں ویکھنے آں، اُوس لڑکی وانگوں جیس نے کہیا سی، ’’میں خود توں کیس قدر کراہت کرنی آں‘‘ – اُوس لڑکی وانگوں جیس نے کہیا، ’’میں کیس قدر بیہودہ گنہگار آں۔‘‘ پطرس وانگوں اُو اپنے گوڈیاں تےہویا تے کہیا، ’’میرے توں دور رہ، کیوں جے میں گنہگار آدمی آں۔‘‘ ایہہ پطرس وگرے لوکی نے جیہڑے نجات پاندے نے۔ دوجے، چھیتی یا دیر نال، اپنے خودغرضی تے گناہ نال چمٹے ہمیشہ غمگین ہو جاندے نے۔

آؤ اِک منٹ دے لئی نوجوان مالدار سردار دے کول واپس چلنے آں۔ اُوہدے نال کی ہو سکدا ہووے گا جے اُوہنے اصل وِچ اُوہی کیتا ہوندا جیہڑا یسوع نے کہیا سی؟ کیوں، اُو شاید یہوداہ دی تھاں تے بارہواں شاگرد بن سکدا سی! لیکن چونکہ اُو یسوع دے بجائے دولت تے پروہسا کردا سی، ایس لئی سانوں تے اُوہدا ناں وی معلوم ہویا! جے اُوہنے یسوع دی فرمانبرداری کیتی ہوندی تے اُوہدے ناں نوں ویلے دی لنگہدی صدیاں وِچ – گایا جاندا، تعریف ہوندی، تے عزت لبھدی!

نوجوان سردار دے ٹر جان دے بعد، پطرس نے کہیا، ’’ویکھ اَسی تے سب کُج چھڈ کے تیرے پیچھے چلے آئے آں‘‘ (مرقس10: 28)۔ اُو صحیح سی۔ اُوہناں نے اپنے مچھلیاں دے جال تے پیسیاں دا لین دین چھڈ دِتا سی تے اُوہدے پیچھے ہو لئے سی۔ تُسی کہندے اُو، ’’ایہہ ایہنا نہئیں سی جِنہا نوجوان سردار نوں چھڈنا پیہیا سی۔‘‘ جی نہئیں ایہہ نہئیں سی، مگر اُوہناں نے اپنا سب کچھ جیہڑا اُوہناں دے کول سی چھڈ دِتا سی، تے ایہہ اَج دے اِرتداد دے ایہناں دِناں وِچ بوہتے سارے لوکاں دے کرن دے مقابلے وِچ کِدرے بوہتا زیادہ اے۔ تے یسوع نے پطرس تے دوجے شاگرداں نوں کہیا،

’’میں تہانوں سچ کہنا آں کہ جِنہاں لوکاں نے میری تے انجیل دی خاطر اپنے گھر یا بہناں تے پروہاواں یا ماں یا پیو یا بچیاں یا کھیتاں نوں چھڈ دِتا اے اُو اِسی دُنیا وِچ رنج تے مصیبت دے باوجود گھر، بھائی بہناں، ماواں، بچے تے کھیت سو گُنا بوہتے پان گے تے آن آلی دُنیا وِچ ہمیشہ دی حیاتی حاصل کرن گے‘‘ (مرقس10: 29۔30)۔

کی تُسی ایہدے تے یقین کردے اُو؟ کی تُسی یقین کردے اُو کہ یسوع ایہہ شیواں اُوہناں لوکاں نوں دیوے گا جیہڑے توبہ کردے تے اُوہدے تے پروہسا کردے نے؟ جے تُسی اُوہدے تے اینج دا یقین کردے اُو، تے فیر کیہڑی گل تہانوں اُوہدے تے پروہسا کرن نال روک رئی اے؟ لیکن جے تُسی اُوہدے تے یقین نہئیں کردے اُو تے فیر تُسی گرجا گھر آن دی وی تکلیف کیوں کردے اُو؟ جے تہانوں اُوہدے وعدے دا یقین نہئیں اے، تے کیوں نہئیں ہُنے ٹُر جاندے اُو، تے حیاتی لنگہاؤ تے مر جاؤ جیویں کہ نوجوان مالدار سردار نے حیاتی لنگہائی تے مگر گیا؟ تُسی جانندے اُو، اُو واقعی مریا سی۔ تقریباً 37 وریاں بعد، رومی آئے تے یروشلم نوں تباہ و برباد کر دِتا۔ ایہہ اُودھوں ای ہویا سی جدوں نوجوان سردار نے اپنا سب کُج کھو دِتا سی – اُوہدی دولت، اُوہدی جائیداد، تے اُوہدی جان۔ مسیح نوں مسترد کرن دے سینتیس وریاں بعد، اُوہنے کسی نہ کسی نال اپنا سب کُج کھو دِتا سی!

ہُن توں 37 وریاں بعد امریکہ کینج ہووے گا؟ میں ایس بارے وِچ سوچنا وی نہئیں چاہنا آں۔ ایہہ کوئی چنگا نظر نہئیں آندا، کی چنگا نظر نہئیں آندا اے؟ کیوں اپنی جان نوں ایس طرح دی مردی ہوئی قوم وِچ چند وریاں کے لطف دے لئی گنوان دا خطرہ مول لہیے؟ کیوں اُو خطرہ مول لہیے جدوں کہ تُسی ’’ایسی دُنیا وِچ رنج تے مصیبت دے باوجود گھر، بھائی، بہناں، ماواں، بچے تے گھیت سو گُنا بوہتا پا سکدے اُو تے آن آلی دُنیا وِچ ہمیشہ دی حیاتی حاصل کر سکدے اُو‘‘؟ اِک وِکّے ہوئے مسیحی دی حیاتی دے مقابلے وِچ کوئی حیاتی مالدار نہئیں اے۔ ساڈے گرجا گھر دے افراد کولوں پُچھو۔ اُوہناں وِچوں ہر اِک تہانوں دسے گا کہ ایہہ سچ اے! اُوہناں وِچوں ہر اِک تہانوں دسے گا،

’’نہ دُنیا نال محبت رکھو نہ دُنیا دی شیواں نال۔ جیہڑا کوئی دُنیا نال محبت رکھدا اے اُوہدے وِچ خدا باپ دی محبت نہئیں اے۔ کیوں جے جیہڑا کُج دُںیا وِچ اے یعنی جسم دی خواہش، اَکھاں دی خواہس تے حیاتی دا غرور، اُو خدا وَلوں نہئیں بلکہ دُںیا وَلوں اے۔ دُنیا تے اُوہدی خواہش دوویں ختم ہو جان گے لیکن جیہڑا خدا دی مرضی تے ٹردا اے اُو ہمیشہ تیکر باقی رہندا اے‘‘ (1 یوحنا2: 15۔17)۔

یسوع دے کول آؤ۔ اُوہدے تے پروہسا کرو۔ اُو تہانوں اِک بھرپور تے مالدار حیاتی دیوے گا جیہڑی تُسی کدرے وی اُوہدے بغیر نہئیں پا سکو گے۔ میں جاننا واں کہ ایہہ سچ اے۔ میں ایہدا تجربہ خود اپنی حیاتی وِچ کیتا اے۔ ایس لئی میں فیر توں تہانوں کہنا واں، یسوع سولی تے مریا تاکہ تہاڈے گناہواں نوں معافی مل سکے۔ اُو جسمانی طور تے مُردیاں وِچوں تہانوں دائمی حیاتی دے دے لئی جی اُٹھیا۔ خودغرضانہ تے گناہ توں بھرپور حیاتی توں مُنہ موڑو، تے اپنے سارے دِل دے نال یسوع تے پروہسا کرو۔ تہانوں کدی وی افسوس نہئیں ہووے گا کہ تُسی اینج کیتا!

جے تُسی مسیحی بنن دے بارے وِچ ساڈے نال کوئی گل کرنا چاہندے اُو، تے مہربانی نال ہُنے اجتماع گاہ دے پچھلے پاسے ٹر جاؤ۔ ڈاکٹر کیگنDr. Cagan تہانوں اِک پُرسکون مقام تے لے جان گے جیتھے اَسی گفتگو تے دعا کر سکاں گے۔ مسٹر لیMr. Lee مہربانی نال دعا وِچ ساڈی رہنمائی کریے۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔