آخری ایام وِچ مستقل دُعّا | Persistent Prayer in the Last Days!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میرے نال اپنی بائبل وِچوں لوقا اَٹھارواں باب کھولو۔ ایہہ سکولفیلڈ مطالعہ بائبل دے صفحہ 1100 تے اے۔ مہربانی نال خدا دے کلام نوں پڑھن دے لئی کھڑے ہو جاؤ۔

’’یسوع چاہندا سی کہ شاگرداں نوں معلوم ہو کہ ہمت ہارے بغیر دعا وِچ لگے رہنا چائیدا اے؛ ایس لئی اُوہنے اُوہناں نوں ایہہ تمثیل سُنائی: اِک شہر وِچ اِک قاضی سی، اُو نہ تے خدا کولوں ڈردا سی، نہ ای اِنسان دی پرواہ کردا سی۔ اُوس شہر وِچ اِک بیوہ وی سی جیہڑی اُوس قاضی دے کول آندی رہندی سی تے اُوہنوں اِلتجا کیا کردی سی کہ میرا اِنصاف کر تے میہنوں مدّعی توں نجات دِلوا۔ پہلاں تے اُوہنے کُج دھیان نہئیں دِتا لیکن جدوں ایہہ سلسلہ جاری رہیا تے اُوہنے اپنے جی وِچ کہیا: سچ اے اے کہ میں خدا کولوں نہئیں ڈردا تے اِنسان دی پرواہ وی نہئیں کردا، لیکن ایہہ بیوہ میہنوں پریشان کردی رہندی اے۔ ایس لئی میں اُوہدا انصاف کراں گا۔ ورنہ ایہہ تے روز روز آ کے میرا ناک چہ دَم کر دے گی۔ خداوند نے کہا: سُنو، ایہہ بے اِنصاف قاضی کی کہندا اے۔ پس کی خدا اپنے چُنے ہوئے لوکاں دا اِنصاف کرن وِچ دیر کرے گا جیہڑے دِن رات اُوہدے نال فریاد کردے رہندے نے؟ میں کہنا آں کہ اُو اُوہناں دا اِنصاف کرے گا تے جلد کرے گا۔ فیر وی جدوں ابنِ آدم آئے گا تے کی اُو زمین تے ایمان پائے گا؟‘‘ (لوقا 18: 1۔8).

ایس توں پچھلا باب آخری دِناں وِچ بائبل دی پیشن گوئی دی تفصیل دے نال ختم ہوندا اے۔ مسیح نے کہیا، ’’تے جیویں نوح دے دِناں وِچ ہویا سی، اُونج ای ابن آدم دے دِناں وِچ ہووے گا‘‘ (لوقا17: 26)۔ مسیح نے کہیا کہ اُو کھاندے پیندے تے شادی بیاہ کردے کراندے سن ’’تے نوح دے کشتی وِچ داخل ہون دے دِن تیکر ایہہ سب کُج ہوندا رہیا، فیر طوفان آیا تے ساریاں نوں ہلاک کر دِتا‘‘ (لوقا17: 27)۔ فیر اُوہنے آخری ایام دا موازنہ لوط دے دِناں دے نال ایہہ کہندے اُو کہیا، ’’اُو لوکی کھاندے پیندے تے خریدوفروخت کرن، درخت لگان تے مکان تعمیر کرن وِچ مشغول سن؛ لیکن جیس دِن لوچ سدوم توں باہر نکلا، اَگ تے گندم نے آسمان توں برس کے سب نوں ہلاک کر ڈالیا‘‘ (لوقا17: 28۔29)۔ تے مسیح نے ایہہ موازنہ ایہہ کہندے ہوئے ختم کیتا،

’’ابِن آدم دے ظہور دے دِن وی اینج ای ہووے گا‘‘ (لوقا 17: 30).

ایہہ کہن دے بالکل ای فوراً بعد لوقا دے اگلے باب وِچ ’’یسوع چاہندا سی کہ شاگرداں نوں معلوم ہووے کہ ہمت ہارے بغیر دعا چہ لگے رہنا چائیدا اے۔ ایس لئی اُوہنے اُوہناں نوں ایہہ تمثیل سُنائی‘‘ (لوقا18: 1)۔ فیر اُوہنے بے انصاف قاضی دی ایہہ تمثیل سُںائی، تے اُوہنوں ایہہ کہندے ہوئے ختم کیتا،

’’فیر وی جدوں اِبن آدم آئے گا تے کی اُو زمین تے ایمان پائے گا؟‘‘ (لوقا 18: 8).

’’ایس دا غالباً مطلب ایمان دی اُو قسم اے جیہڑی غریب بیوہ [ایس تمثیل وِچ] دے کول اے … اُوس قسم دے ایمان دے نال جیہڑا خدا دے سامنے دِن تے رات فریاد کردے نے‘‘ (ولیم میکڈونلڈWilliam MacDonald، بائبل دے یقین کرن آلیاں دا تبصرہ Believer’s Bible Commentary، تھامس نیلسن اشاعت خانے Thomas Nelson Publishers، 1989، صفحہ 1438؛ لوقا 18: 8 تے غور طلب گل)۔ ایویں مسیح پُچھ رہیا سی کہ جدوں اُو واپس آئے گا تے کی اُو مستقل دعا وِچ ایمان ویکھ پائے گا۔

ڈاکٹر جے ورنن میگی Dr. J. Vernon McGee نے واضح کیتا کہ مسیح نے آخری دِناں دا نوح دا تے لوط دے زمانے دے نال موازنہ کیتا سی۔ دوویں معاملات وِچ لوکاں دی توجہ حیاتی دی مادی لوازمات تے سی – کھانا، پینا، خرید و فروخت کرنا، درخت اُگانا تے تعمیرات کرنا۔ اُوہناں نے محسوس کیتا کہ اُوہناں دے کول ویلہ نہئیں سی، تے خدا دی گلاں تے توجہ کرن دا رجحان نہئیں سی۔ اُو زمانہ اُو نہئیں سی جدوں لوکی دعا کیا کردے سن۔ ایس لئی 18ویں باب وِچ، مسیح نے گھٹ ایمان دے زمانے چہ مستقل دعا دے بارے چہ گل کیتی سی۔ لوقا18: 1 نال تعلق رکھدے ہوئے ڈاکٹر میگی McGee نے کہیا،

ا ُوہناں نے آخری ایام نوں نوح دے [تے لوط] دے زمانے دے نال جوڑیا سی، کہ اُو مشکل دِن ہون گے – ایہو جئے دِن جیہڑے ایمان دے لئی معاون نہئیں ہون گے۔ ایس لئی اُو اُوہناں نال اُوہناں دِناں وِچ ایمان دی حیاتی دے بارے وِچ گل بات کردہ اے جیہڑے ایمان توں مبّرا نے۔ ایہو ای وجہ اے کہ ایہ ایس لمحے انتہائی مناسب تے معقول نے۔ اَسی اُوہناں دِناں چہ رہ رئے آں، جیویں کہ اُوہناں نے اشارہ دِتا، جدوں لوکاں دے دِناں وِچ خوف دا احساس نہئیں رہیا۔ ایس تمثیل وِث جیہڑی ساڈے کول اے اُو موجودہ ویلے دے لئی دعا تے اِک معقول پیراگراف اے۔ غور کرو کہ اُوہناں نے کہیا یسوع چاہندا سی کہ ایس تمثیل توں اُوہناں نوں معلوم ہووے، یعنی کہ اِسی وجہ توں لوکاں نوں ہمیشہ دعا کرنی چائیدی اے تے ہمت نہئیں ہارنی چائیدی (جے۔ ورنن میگی،ٹی ایچ۔ ڈی۔، بائبل دے ذریعے Thru the Bible، تھامس نیلسن، 1983، جلد چہارم، صفحہ 326؛ لوقا 18: 1 تے غور طلب گل)۔

چینی گرجا گھر تے میرے دیرینہ پادری ڈاکٹر ٹموتھی لِنTimothy Lin سن۔ ڈاکٹر لِن بے شمار سیمنریاں وِچ علم اِلہٰیات تے بائبل دی زباناں دے پروفیسر وی سن۔ ڈاکٹر لِن نے کہیا کہ لوقا18: 8 ’’دعا چہ ایمان دا حوالہ دیندی اے۔ تے ساڈے خداوند دا بیان اِک رنج وغم وِچ کہی ہوئی گل اے کہ اُوہدی کلیسیا اُوہدی دوجی آمد دے آن تیکر دعا تے ایمان کھو چکی ہووے گی‘‘ (ٹموتھی لِنTimothy Lin، پی ایچ۔ ڈی۔، کلیسیا دے ودھن دا راز The Secret of Church Growth، لاس اینجلز دا پہلا بپتسمہ دین آلا چینی گرجا گھر، 1992 ، صفحات 94، 95)۔

میں ایس گل تے قائل آں کہ ایہو ای سی جیہڑی مسیح دے کہن دا مطلب سی جدوں اُوہنے کہیا،

’’فیر وی جدوں اِبن آدم آئے گا تے کی اُو زمین تے ایمان پائے گا؟‘‘ (لوقا 18: 8).

ایس دا مطلب اے کہ آخری ایام دی مادہ پرستی تے افراتفری چہ، مسیحی مستقل دعا چہ ایمان گنوا دین گے۔ ایس لئی مسیح نے تمثیل پیش کیتی سی۔

’’یسوع چاہندا سی کہ شاگرداں نوں معلوم ہووے کہ ہمت ہارے بغیر دعا چہ لگے رہنا چائیدا اے۔ ایس لئی اُوہنے اُوہناں نوں ایہہ تمثیل سُنائی‘‘ (لوقا18: 1)۔

ایس دا مطلب اے کہ دعا کردے رہنا نہئیں چھڈنا کیوں جے جوابات اِک دم نہئیں لبھدے نے! یسوع نے کہیا،

’’مانگو تے تہانوں دِتا جائے گا۔ لبھو تے پاؤ گے۔کھٹکھٹاؤ تے تہاڈے لئی دروازہ کھول دِتا جائے گا کیوں جے جیہڑا کوئی منگدا اے اُوہنوں لبھدا اے، جیہڑا لبھدا اے پاندا اے تے جیہڑا کوئی کھٹکھٹاندا اے اُوہدے لئی دروازہ کھول دِتا جاندا اے‘‘ (متی 7: 7۔8).

اصلی یونانی زبان وِچ گرائمر دے لحاظ توں زمانے دا جیہڑا استعمال کیتا گیا اے اُو ظاہر کردا اے کہ مسیح ا مطلب ’’مستقل پوچھدے رہنا‘‘، ’’مستقل کھٹکھٹاندے رہنا‘‘، ’’مستقل تلاش کرنا‘‘ سی۔ ولیم میکڈونلڈ نے کہیا، ’’لہٰذا ایتھے سانوں اِک عورت دِتی گئی اے پُچھن تے پُچھدے رہن دی، تلاش کرن تے تلاش کردے رہن دی، کھٹکھٹان تے کھٹکھٹاندے رہن دی‘‘ (ibid.، صفحہ 1228؛ متی 7: 7، 8 تے غور طلب گل)۔

مسیح نے وعدہ کیتا سی کہ ایس طرح دی مستقل دعاواں نوں جواب دِتا جائے گا۔ یسوع نے کہیا، ’’ایہہ تہاڈے لئی کھولیا جائے گا‘‘ (متی7: 7)۔ اُوہنے کہیا، ’’ایہہ کھولا جائے گا‘‘ (متی7: 8)۔ ڈاکٹر جان آر۔ رائس Dr. John R. Rice نے کہیا، مستقل دعا چہ جواب دا اِک وعدہ اے، ہُن بے انصاف قاضی دے تمثیل وِچ بیوہ بے دین قاضی نوں پریشان کردی سی کہ بالاآخر اُوہنے اُوہدی سُنی … فیر وعدہ کیتا ’کی خدا اپنے چُنے ہوئے لوکاں دا اِنصاف کرن وِچ دیر کرے گا جیہڑے دِن رات اُوہنوں فریاد کردے رہندے نے؟،‘ لوقا18: 7 (جان آر۔ رائس، ڈی۔ڈی۔، دُعّا: منگنا تے پانا Prayer: Asking and Receiving، خُداوند دی تلوار اشاعت خانے Sword of the Lord Publishers، اشاعت 1970، صفحہ 194)۔

میں اپنی دعاواں دا جواب کافی عرصے تیکر مسلسل مانگن دے بعد پا چکیا آں۔ ستمبر 1961 وِچ جدوں میں مسیحی ہویا سی اُوہدے فوراً بعد توں میں تقریباً ہر روز خدا کولوں پہلے چینی بپتسمہ دین آلے گرجا گھر وِچ حیاتِ نو دے لئی دعا منگنی شروع کر دِتی سی۔ بوہتا عرصہ نہئیں لنگہیا ڈاکٹر مرفی لم Dr. Murphy Lum نے میہنوں یاد دلایا کہ میں ہر وری جدوں وی اُوس گرجا گھر چہ دعا دے لئی بُلایا جاندا سی حیات نو دے لئی دعا کردا سی۔ ایتھوں تیکر کہ جدوں میہنوں کھان تے فضل دے لئی دعا دا کہیا جاندا سی یا کسی ہُور گل دے لئی دعا دے لئی بُلایا جاندا سی، جیس دا حیات نو توں دور دور دا وی واسطہ نہئیں ہوندا سی، ڈاکٹر لم نے میہنوں یاد دلایا کہ میں ہمیشہ حیاتِ نو دے لئی دعا ضرور کردا سی۔ اُوتھے حیاتِ نو دے لئی دعا شروع کرن دے تقریباً آٹھ ورے بعد، ایہہ آیا، اِک سویرے بالکل اچانک جدوں اَسی اُوتے پہاڑاں چہ گرمیاں دا اِک کیمپ لگائے ہوئے سن۔ بے شک دوجے وی دعا کر رئے سن۔ لیکن ڈاکٹر لم نے واضح کیتا کہ میں مسلسل سالہا سال لگا تار دعا کرنی جاری رکھی سی جدوں تیکر کہ خدا دی قوت ہیٹاں اُوس گرجا گھر تے حیات نو دا اِک عظیم سلسلہ بن کے نہئیں آئی سی۔

میں دنیاوی ووہٹی دے لئی مسز ہائیمرز دے مِلن توں دس ورے توں وی بوہتا پہلاں دعاواں منگنیاں شروع کیتاں سن۔ میں سالہا سال، دعا کردا رہیا، کردا رہیا۔ فیر اِک راتی میں مسز ہائیمرز توں مِلیا۔ کُج ای دیر بعد میں جان گیا سی کہ آخر کار خدا نے میری ڈھیروں دعاواں دا جواب دِتا سی۔

کوئی اُمید نظر نہئیں آندی سی کہ میری ماں کدی نجات پائی گی۔ خود میں شک کردا سی کہ ایہہ کدی ہو سکے گا۔ لیکن دعا کردا رہیا کردا رہیا۔ فیر اِک دوپہر نوں، جدوں میں نیویارک چہ سی، خدا نے میرے دِل دی گل کیتی تے کہیا، ’’تیری ماں ہُن نجات پا جائے گی۔‘‘ کُج ای دِناں دے اندر ای اندر ڈاکٹر کیگن نے میری ماں نوں مسیح دے لئی رہنمائی دلائی، تے اُو اَسی وریاں دی عمر چہ اِک شاندار مسیحی بن گئی۔

ایس دے باوجود کئی وری، خدا ساڈی دعاواں دا بوہتی چھیتی جواب دیندا اے۔ ڈاکٹر رائس نے کہیا، ’’بوہتی بوہتی وری خدا اُوہناں دی سُن لیہندا اے جیہڑے کسی مسئلے دے بارے چہ اِک ای وری دعا کردے نے، فیر بُھل جاندے نے‘‘ (ibid.، صفحہ195)۔ پچھلے بُدھ نوں، جدوں میں روزے تے ایس سویرے دا واعظ لکھ رہیا سی، میں اچانک مِٹ رومنی Mitt Romney دے لئی دعا کرن نون محسوس کیتا۔ اُوس راتی گورنر رومنی نوں صدر اوباما دے لئی تقریر کرنی سی۔ تعجب دی گل سی کہ بار بار جدوں میں واعظ لکھ رہیا سی، میں مسٹر رومنی دے لئی دعا کرنا محسوس کیتا۔ خبراں دی دُنیا چہ ہر کسی نے اُوہناں دے بارے چہ لکھیا سی کہ اُو ہار گئے، ایہہ کہندے ہوئے کہ اُوہناں دے کول کوئی موقعہ نہئیں سی۔ خود میں وی ساری اُمیداں ہار چکیا سی کہ اُوہناں نوں کوئی موقعہ لبھے گا۔ لیکن ایہہ میں ای سی، جیہڑا اُوس دِن بار بار اُوہناں دے لئی دعا کیتے جا رہیا سی۔ میں اُوہناں دے لئی تفصیل نال دعا کیتی کہ اُو بالکل اُوہی جانن گے جیہڑا اُوہناں نے کہنا اے، کہ اُو پُرسکون رہن، کہ اُو باہمت تے اپنے آپ چہ پُر یقین نظر آن۔ فیر، تقریر دے شروع ہون توں بالکل پہلاں، میں فیر توں اُوہناں دے قوت توں بھرپور تے پرسکون ہون دے لئی دعا کیتی سی۔

اخباری دُنیا چہ ہر اِک دی حیرانگی دے لئی، گورنر رومنی، جدوں اپو تقریر دے لئی سٹیج تے چل کر گئے اِک نوے بندے وانگوں لگدے سن۔ خبراں دی دُنیا چہ ہر کوئی اُوہناں دی کارکردگی توں دنگ رہ گیا سی۔ اُو حیرت زدہ رہ گئے سن کہ رومنی نے بوہتی آسانی نال تقریر جیت لئی سی۔ تبصرہ نگار پیٹرک جے بُکیھنن Patrick J. Buchanan نے تین صدراں دے لئی بطور اِسسٹنٹ کام کیتا سی۔ ایس دے باوجود مسٹر بُکیھنن نے فوکس نیوز چہ کہیا کہ ہُن تیکر اُوہناں نے جِنہی وی کارکردگیاں وکھائیاں رومنی دی سب توں بہترین سی! ہر کوئی انتہائی حیرت زدہ سی! لیکن اُوس رات دے آخر وِچ خدا نے میرے دِل نوں کہیا، ’’میں اَج تیری دعاواں سُن لہیاں سن۔‘‘ مسٹر لیMr. Lee نے میہنوں دسیا کہ اُوس دِن اُوہناں نے وی مسٹر رومنی دے لئی دعا کیتی سی۔ میں نہئیں جانندا کہ آیا رومنی انتخاب چہ جیتن گے، لیکن میں ایہہ جاننا واں کہ اُوہناں نے اُو تقریر میری دعا تے دوجیاں دی دعاواں دے جواب چہ جیتی سی۔ دعا اِک وسیلہ اے جیس دے ذریعے توں خدا لوکاں نوں برکت دیندا اے۔ دعا کردے رہنا مت چھڈو، ایس توں کوئی فرق نہئیں پیہندا اے کہ جواب آن چہ کیہنی دیر لگدی اے!

جان نیوٹن John Newton نے ’’حیرت انگیز فضل Amazing Grace‘‘ لکھیا سی۔ اُوہناں نے حمدوثنا دا اُو گیت وی لکھیا سی جیہڑا مسٹر گریفتھ نے ایس واعظ توں پہلاں گایا سی،

آ، میری جان، تیرا لباس تیار اے،
یسوع دعا دا جواب دین نال پیار کردا اے؛
اُوہنے آپئے تہانوں دعا کرن دے لئی کہیا اے،
ایس لئی اُو تہانوں انکار نہئیں کرے گا،
ایس لئی اُو تہانوں انکار نہئیں کرے گا۔

جدوں تُسی بادشاہ دے حضور چہ جا رئے ہوو،
     اپنے نال ڈھیروں دعاواں لے کے جاؤ؛
کیوں جے اُوہدی قوت تے فضل اینج ای اے
     کوئی وی کدی ضرورت توں بوہتا منگ نہئیں سکدا،
کوئی وی کدی ضرورت توں بوہتا منگ نہئیں سکدا۔
     (آ، میری جان، تیرا لباس تیار اے Come, My Soul, Thy Suit Prepare‘‘ شاعر جان نیوٹن John Newton، 1725۔1807)۔

ایس ای سال دے شروع چہ میں ساڈے گرجا گھر چہ چھ نوجوان لوکاں دے لئی دعا کرنی شروع کیتی سی۔ اُو سارے چھ دے چھ لوکی لمبے عرصے توں گرجا گھر دے لئی آندے رئے سن – اُوہناں وِچوں زیادہ تر کئی وریاں توں۔ ایس دے باوجود اُوہناں نے ہُنے تیکر مسیح چہ نجات نہئیں پائی سی۔ میری تبلیغ وِچوں کُج وی اینج دا نہئیں سی جیہڑا اُوہناں تیکر پہنچدا ہویا وکھائی دیندا ہووے، یا اُوہناں نوں تحریک دے سکے۔ ایہو جیہا کُج وی جیہڑا مٰں اُوہناں نوں اکیلے چہ کہیا اُوہناں دی مدد کردا ہویا ظاہر نہئیں ہوندا سی۔ لیکن جیویں جیویں میں اُوہناں دے لئی سنجیدگی نال دعا کرنی شروع کردا گیا، خدا نے اچانک میرے تے آشکارہ کیتا کہ اُوہناں نوں کی کہنا چائیدا اے۔ ایہہ کُج اینج دا سی جیس دے بارے چہ میں پہلاں کدی وی نہئیں سوچیا سی۔ لیکن اچانک، اُوہناں وِچوں اِک نے مسیح چہ نجات پا لئی۔ فیر دو ہُور نے، تے فیر تین ہُور نے۔ ایہہ ایس قدر آسان لگیا سی۔ لیکن ایس توں پہلاں ایہہ ناممکن لگدا سی۔ اُو سارے چھ دے چھ بوہتی چھیتی تین ہفتیاں دے اندر اندر مسیح چہ نجات پا گئے سن! ایہہ حیات نو دی اِک چھوٹی جئی جھلک سی! کیہو جیہا اِک معجزہ! مستقل دعا کردے رہن دا کیہو جیہا اِک جواب!

میہنوں احساس ہویا کہ میں ’’کُھب کے دعا کیتی‘‘ سی جیویں کہ پرانے ویلیاں دے لوکی ایہنوں کہندے سن۔ میں دعا کردا رہیا سی جدوں تیکر کہ جواب نہئیں آیا۔ ایہہ نوجوان لوکی ہُن مُردیاں وِچوں زندہ نے! اُو سارے ہُن حیاتی توں بھرپور نے، دوجیاں دی نجات پان دے لی دعا کردے ہوئے، تے گرجا گھر چہ نئے نوجوان لوکاں دے لیہیان دے لئی کام کردے ہوئے! خدا دعا دا جواب دیندا اے! ہمت نہ ہارو! جدوں تیکر جواب نہئیں لبھ جاندا دعا کردے رہو!

اَج راتی تُسی ایتھے اُو، تے تُسی ہُنے تیکر مسیح چہ نجات نہئیں پائی اے۔ اَسی تہاڈے لئی دعا کر رئے آں۔ تُسی میہنوں بار بار کہندے ہوئے سُن چکے اُو کہ مسیح نے تہاڈے گناہواں دا کفارہ ادا کرن دے لئی سولی تے جان دے دِتی، تے کہ اُونے اپنا قیمتی لہو تہانوں سارے گناہ توں پاک صاف کرن دے لئی وگایا۔ تسی بار بار میہنوں کہندے ہوئے سُں چکے اُوکہ یسوع مُردیاں وِچوں جسمانی طور تے جی اُٹھیا، تے آسمان چہ خدا باپ دے داہنے ہتھ تے بیٹھن دے لئی واپس اُٹھایا گیا، اِک ہُور وسعت وِچ، تہانوں حیاتی دین دے لئی۔ ایس دے باوجود اُمید دا ایہہ شاندار پیغام تہناون اِک طلسماتی کہانی وانگوں لگدا اے، جیویں کوئی ’’بے بنیاد کہانی‘‘ وانگوں ہووے، جیویں کہ ڈاکٹر جے۔ گریشام میکیھن Dr. J. Gresham Machen نے ایس دے بارے چہ لکھیا۔ لیکن ہُن اَسی دعا کر رئے آں کہ خدا ایہناں عظیم سچائیاں نوں تہاڈے دِلاں چہ دہکدے کوئلیاں وانگوں جلائے – کہ خدا تہانوں گناہ دے تحت سزا چہ لیہیائے = تے تہانوں اپنے پُتر خداوند یسوع مسیح وَل کھیچے۔ تے اَسی تہاڈے لئی دعا کردے رہنا نہئیں چھڈاں گے جدوں تیکر کہ تُسی یسوع مسیح چہ نہ ہو جاؤ، تے گناہ، موت تے جہنم توں اُوہدے ذریعے توں بچائے نہ جاؤ! خدا کرے کہ تہاڈے لئی ساڈی دعاواں نوں خدا چھیتی ای پورا کرے! تے میں اَج راتی اپنے لوکاں نوں کہنا آں، جان نیوٹن دے الفاظ چہ،

’’جدوں تُسی بادشاہ دے حضور چہ جا رئے ہوو۔‘‘ ایہنوں گاؤ!

ساڈے گرجا گھر چہ آندے رہن آلے کھوئے ہوئے نوجوان لوکاں دے لئی دعا کردے رہوو، جدوں تیکر کہ خدا اُوہناں نوں یسوع وَل کھیچ نہ لیہیائے! دعا کردے رہنا مت چھڈو! دعا کردےرہوو جدوں تیکر کہ خدا تہاڈی دعاواں دا جواب نہ دے دے! آمین!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔