ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مہربانی توں میرے نال اپنی بائبل وِچوں اشعیا58:6 آیت کھولو۔ آؤ خداوند دے کلام دی تلاوت دے لئی رَل کے کِھلو جائیے۔

’’روزہ جیہڑا میری پسند دا اے کی اُو ایہہ نئیں؟ کہ نا اِنصافی دی زنجیراں توڑیاں جان، جوئے دی رسیاں کھول دِتیاں جان، مظلوماں دا آزاد کیتا جانا، تے ہر جوّا توڑ دِتا جائے؟‘‘ (اشعیا 58:6)۔

تُسی تشریف رکھ سکدے اُو۔

اُوہناں دِنا ںدے لوکی کُج ویلے دے لئی کُج وی نئیں کھان دے نال روزہ رکھدے سن۔ کلام پاک دے ایس حوالے توں کُج پہلاں خدا اشعیا نوں دسدا اے کہ کیوں اُوہنے لوکاں دے روزے نوں مسترد کیتا سی۔ روزہ رکھنا خود خدا وَلوں مسترد نئیں کیتا گیا سی۔ بائبل سانوں لوکاں دے روزہ رکھن دی بے شمار مثالاں فراہم کردی اے۔ لیکن اُوس ویلے اُو روزہ غلط وجوہات دے لئی رکھ رئے سن۔ ایہہ اُوہناں دے لئی مذہب دی اِک بیرونی قسم سی۔ اُو لڑدے تے جھگڑدے سن جدوں کہ اُوہناں نے روزہ رکھیا ہوندا سی۔ اُوہناں دے دوجیاں دے لئی مہربانی دے پیار نوں نظر انداز کر دِتا سی۔ اُوہناں دا مذہب سرد تے بغیر دِل دی سی۔ اُو روزہ رکھ رئے سن لیکن او اینج صرف اِک رسم دے طور تے کر رئے سن۔ اُو خدا نوں خوش کرن دے بارے وِچ نئیں سوچ رئے ہوندے سی جدوں اُو روزہ رکھدے سن۔

خداوند یسوع مسیح نے ایس قسم دا روزہ رکھن تے ملامت کیتی سی۔ مسیح نے کہیا،

’’جدوں تُسی روزہ رکھو تے ریاکاراں دی وانگوں اپنا چہرہ اُداس مت بناؤ: اُو اپنا مُنہ وگاڑدے نے تاکہ لوکاں نوں معلوم ہووے کہ اُو روزے نال نے۔ میں تہانوں سچی کہنا واں کہ جہیڑا اجر اُوہناں نوں مِلنا چائیدا سی اُو مِل چُکیا‘‘ (متی 6:16)۔

اُوہناں دا ’’اجر [انعام]‘‘ دوجیاں دی نظراں وِچ آنا سی، دوجیاں تے ایہہ ظاہر کرنا سی کہ اُو کِنآے چنگے سن۔ جدوں اُوہناں نے روزہ رکھیا اُوہناں نوں خدا وَلوں کسی گل دی کوئی توقع نئیں سی۔ اُوہناں نے ایہہ صرف دکھاوے دے لئی کیتا سی تاکہ لوکی سوچن کہ اُو مذہبی سن۔

لیکن غور کرو کہ مسیح ساریاں دے روزے نوں مسترد نئیں کر رہیا سی۔ اُوہنے اپنے شاگرداں نوں کہیا سی، ’’جدوں تُسی روزہ رکھو، تے ریاکاراں وانگوں نہ …‘‘ فیر، یسوع نے کہیا،

’’جدوں توں روزہ رکھے تے اپنا مُنہ دھو، تے سر وِچ تیل لگا، تاکہ لوکاں نوں نئیں بلکہ تیرے آسمان باپ نوں جیہڑا نظر توں پوشیدہ اے معلوم ہووے کہ توں روزہ دار اے تے تیرا باپ جیہڑا پوشیدگی وِچ ویکھدا اے کہ توں روزہ دار اے تینوں اجر دیوے گا‘‘ (متی 6: 17۔18)۔

مسیح نے ساریاں روزیاں دے لئی منع نئیں کیتا اے۔ مگر اُوہنے سانوں ایہہ دسیا اے کہ کیویں روزہ رکھنا چائیدا اے، ’’جدوں توں روزہ رکھ،‘‘ ’’جدوں تُسی روزہ رکھو۔‘‘ حقیقی مسیحیت مسیح دے نال ذاتی تعلق تے مشتمل ہوندی اے۔ تے حقیقی روزہ وی ذاتی تے خصوصی ہونا چائیدا اے۔ کسی نوں وی شیخی ماردے ہوئے نئیں پھرنا چائیدا اے کہ اُوہناں نے روزہ رکھیا ہویا اے!

بدقسمتی نال، بوہتے سارے امریکی گرجا گھر دے اراکین روزہ رکھن دے بارے وِچ جے کُج نئیں تے بوہتا گھٹ جانندے نے۔ میں بپتسمہ دین آلے مغربی گرجا گھر Southern Baptist Church دا روزہ رکھن دے بارے وِچ اِک وی لفظ سُنے بغیر چھ وریاں تیکر اِک رُکن سی۔ ایہہ میرے لئی اِک نئے مکاشفے وانگوں سی جدوں میں چینی بپٹسٹ گرجا گھر وِچ شمولیت کیتی تے اپنی حیاتی وِچ پہلی وری روزہ رکھن دے بارے چہ سُنیا سی۔ چینی گرجا گھر وِچ میرے پادری ڈاکٹر ٹموتھی لِنDr. Timothy Lin اکثر روزہ رکھن دے بارے وِچ گل کیا کردے سن۔ جدوں خدا نے اُوس گرجا گھر وِچ اِک عظیم حیاتِ نو پیجیا سی تے کُج لوکی روزہ رکھ رئے سن تے دعاواں منگ رئے سن۔ بعد چہ مینوں معلوم ہویا کہ روزہ رکھنا تے دعا منگدے رہنا چین وِچ گھریلو گرجا گھراں وِچ عام سی۔ میرا یقین اے کہ ایہہ اُوہناں اہم وجوہاتاں وِچوں اِک اے کہ خدا نے ایس قدر طاقتور حیاتِ نو عوامی جمہوریہ چین دے گھریلو گرجا گھراں وِچ پیجیا اے۔ واقعی لاکھاں لوکی اَج چین وِچ مسیحی ہو رئے نے۔ میں قائل آں کہ ایہہ شاندار حیاتِ نو جیس دا اُو تجربہ کر رئے نے خدا وَلوں اُوہناں دے روزے رکھن تے دعاواں کرن دے جواب چہ آیا اے۔ جیمس ہڈسن ٹیلر، چین دے لئی مشنریاں دے عظیم بانی نے کہیا،

     شانسی وِچ میں چینی مسیحی ویکھے جیہڑے اپنا ویلہ دعا کرن تے روزہ رکھن وِچ لنگہان دے عادی سن۔ جیہڑے خدا وِچ ایمان دی مانگ کردے نے، کیوں جے ایس نال کوئی کمزور تے علیل لگدا اے، اُوہناں نے پہچان لہیا سی کہ ایہہ روزے جیہڑے بوہتے لوکاں نوں ناپسند نے، حقیقتاً فضل دے وسیلے دا الہیٰ چُنیدہ راستہ نے۔

دعا دے جنگجو اینڈریو میورے Andrew Murray نے کہیا،

روزہ اُوس عظم دا اظہار کرن، اُوہنوں گہرا کرن تے پکار کرن وِچ مددگار ہوندا اے کہ اَسی کُج وی قربان کرن دے لئی تیار آں، ایتھوں تیکر کہ خود اپنی ذات نوں، جِنہوں حاصل کرن دے لئی ایس دی تلاش اَسی خدا دی بادشاہی دے لئی کرنے آں۔

اصلاح کار لوتھرLuther، کیلِون Calvin اور ناکس Knox اکثر روزہ رکھدے سن۔ سارے دے سارے ابتدائی میتھوڈسٹ مبلغین کولوں ہر ہفتے وِچ دو دِن دے لئی روزہ رکھن دی توقع کیتی جاندی سی۔ ساڈے بپتسمہ دین آلے بانی جان بنیعئینJohn Bunyan اکثر منادی کرن توں پہلاں روزہ رکھدے سی۔ امریکی انڈیئینز دے لئی اِک ابتدائی مشنری ڈیوڈ بینرڈ David Brainerd نے کہیا،

خوشخبری دی تبلیغ دے نظریے وِچ … میں اَج دا ایہہ دِن خفیہ روزہ رکھن تے دعا کرن دے لئی وقف کرنا آں۔

برینرڈ نے انڈیئنز دے وِچکار اُودھوں اُوہناں نے تبلیغ دی اِک انتہائی طاقتور حیاتِ نو نوں ویکھ لہیا سی۔

حیات نو وِچ خدا دی روح دے اُنڈیلے جان دے تِن انتہائی غیر معمولی نادر موقعیاں دا اِک چشم دید گواہ رہ چکیا واں۔ اُوہناں وِچوں دو شاندار حیاتِ نو دعا تے روزہ رکھن دے دور دے دوران آئے سن۔ پہلی عظیم بیداری وِی ایسی طرح نال آئی سی۔ جان ویزلی John Wesley، جیہڑے اُوس حیاتِ نو دے اِک عظیم رہنما سن، اُوہناں نے کہیا،

کی تُسی روزہ رکھن تے دعا کرن دے لئی کوئی دِن مقرر کیتے نے؟ ایس لئی سختی دے نال جمے رہوو تے فضل دا تخت تے رحم ہیٹاں آ جان گے۔

اُوس حیاتِ نو دے دور دے دوران خود ویزلی نے ہر ہفتے وِچ دو دِن روزہ کئی وریاں تیکر رکھیا سی۔

اَسی امریکی تے مغربی دُنیا دے گرجا گھر ہُن اِک شدید خشک دورانیے دے وِچکار رہ رئے آں۔ ساڈے گرجا گھر جدوجہد کر رئے نے۔ واقعی لاکھاں لوکی گرجا گھراں نوں چھڈ رئے نے۔ بُہتیرے بُدھ مت آلے، مشرقی ریاضت آلے، تے دوجے جھوٹے تصورات وَل مائل ہو رئے نے۔ ساڑھے تین وریاں پہلاں اپنی افتتاحی تقریب وِچ صدر اُوباما نے کہیا کہ امریکہ ہُن اِک مسیحی قوم نئیں رہیا اے۔ ہر علامت ایہہ ظاہر کردی ہوئی نظر آندی اے کہ اُو سچے سن۔

ایہہ کیویں ہو گیا سی؟ ایہہ بوہتے وڈے پیمانے تے امریکی پادریاں دی بے دینی دی وجہ توں ہویا۔ اُو گرجا گھراں وِچ فالتو موسیقی چُک لہیائے نے۔ بجائے ایس دے کہ اُو حقیقی واعظ دین، جیویں ماضی دے عظیم مبلغین دیا کردے س، اُوہناں نے آیت بہ آیت بے ربط ’’تفسیراں‘‘ پیش کرنیاں شروع کر دِتیاں نے۔ اُوہناں وِچوں بوہتیاں نے اِتوار دی شام دی عبادتاں بد کر دِتیاں نے۔ تے دوجے بوہتیاں لوکاں نے اپنے دعائیہ اِجلاس چھڈ دِتے نے تے اپنی ہفتے دے وِچکار ہون آلیاں عبادتاں نوں مذید ہُور بوہتا بائبلی ’’تفسیراں‘‘ وِچ بدل دِتا اے۔ پرانی طرز دی دعائیہ مجلِساں یا میٹنگز ہُن تقریباً ناپید نے۔ اُو اپنے گرجا گھراں وِچ لوکاں نوں ایہو جئے کپڑے پہن کے آن دیندے نے جیویں کہ اُوہناں دے لوکی کسی ساحل تے جا رئے نے۔ ڈھول، نبص دی رفتار ودھا دین آلی موسیقی، تے ایتھوں تیکر نچنا، ایہو جیہئی کہلائی جان آلی ’’پرستشی عبادتاں‘‘ دے نمایاں جُز نے۔ تے ایس توں وی ودھ کے بوہتے مبلغین تے ایہہ وی نئیں جانندے کہ کیویں لوکاں دی حقیقی تبدیلی وِچ رہنمائی کیتی جائے۔ واحد راہ جیہڑی اُو کسی نوں اپنے گرجا گھر وِچ شامل کرن دے لئی کردے نے اُو اے لوکاں نوں جھانسا دینا کہ اُو دوجے گرجا گھراں نوں چھڈ دین تے اُوہناں وِچ شامل ہو جان۔ واحد راہ جیہڑی اُو اپنے گرجا گھراں وِچ لوکاں وِچ اضافے دے لئی اِختیار کردے نے اُو اے دوجے گرجا گھراں توں ’’بھیڑاں چُرانا‘‘۔

ڈاکٹر اے۔ ڈبلیو۔ ٹوزر Dr. A. W. Tozer نوں اُوہناں دی اپنی حیاتی وِچ ’’بیسویں صدی دا اِک نبی‘‘ کہیا گیا۔ جو ڈاکٹر ٹوزر نے کہیا سی اُو ہُن اَج بوہتا سچ لگدا اے۔ اُوہناں نے کہیا،

     اِک مذہبی سوچ جیس دی تشکیل بزدلی تے اخلاقی جرأت دی کمی دے ذریعے توں ہوندی اے جِنہے اَج سانوں اِک کمزور مسیحیت دِتی اے، جیہڑی عقلمندی چہ مفلس، بے حس، تکرار توں بھرپور تے بہوتے لوکاں دے لئی سادگی توں محض اُکتا دین آلی اے۔ ایہہ ساڈے وڈیریاں دے ایمان دے طور تے وِکدی رئی اے… اَسی [ایس بے ذائقہ بچیاں دی خوراک] ایس بے مزہ قسم دے دلیے نوں چمچیاں وِچ پا کے اپنے تجسس بھرے جوانوں نوں کھوایا تے ایہنوں خوش ذائقہ بنان دے لئی بے دینی دی دُنیا توں جنسی تے حیوانی تفریح اُچک کے مصالحے دے طور تے ایہدے وِچ مِلا دِتی۔ ہدایت دین دے مقابلے چہ دِل بہلانا بوہتا سوکھا اے، کسی دی ذات دے لئی سوچن دے مقابلے چہ وگڑے ہوئے عوامی ذوق دی پیروی کرنا سَوکھا اے، ایس لئی ساڈے بے شمار انجیلی بشارت دے راہنما اپنے ذہناں نوں لاغر ہون دیندے نے جدوں کہ اُو متجسس ہجوماں نوں لہیان دے لئی اپنے ہتھاں وِچ چالاک منصوبیاں نوں چلان آلیاں چالاں چلدے نے (اے۔ ڈبلیو۔ ٹوزر، ڈی۔ڈی۔A.W. Tozer ، ’’سانوں متبرک مفکراں دی لوڑ اے We Need Sanctified Thinkers،‘‘ The Set of The Sail، مسیحی اشاعت خانے، 1986، صفحات 67، 68)۔

ساڈے گرجا گھراں وِچ حیاتِ نو دے آن دے لئی، سانوں ایہناں مبلغین دی پیشکش توں بہتر کشی شے دی لوڑ اے، جیہڑی اُو مبلغین مٹی وانگوں خشک ’’تفسیراتی واعظاں‘‘ دے نال پیش کردے نے جیہڑے کہ چند اِک سطحی ہم عصر مصنفین دے جدید تبصریاں وِچوں منتشر شُدہ خیالات دے نال ہوندے نے۔ سانوں اُوہناں دی ’’لچلچی مسیحیت‘‘ جیہڑی کہ ایس دُنیا وِچ نوجوان لوکاں نوں یسوع مسیح دے شاگرد بنن دے لئی دلکش نئیں لگ سکدی اے اُوہدے مقابلے وِچ کسی بہتر شے دی لوڑ اے!

ایہدے باوجود، جدوں اَسی ایہہ سوال اپنے آپ نوں پوچھنے آں تے اَسی اکثر حیرانی نال سوچنے آں کہ اَسی پُراثر انداز نال دُںیا وِچ گواچے ہوئے نوجوان لوکاں نوں کیویں جِیت سکنے آں۔ دعا تے بشراں دی تلاش دی انتہائی جدوجہد دے بعد، میں قائل ہو چکیا واں کہ خود خدا دی مرضی دے بغیر اَسی اینج کُج نئیں کر سکدے جیس نال اَسی دُنیا وِچوں نوجوان لوکاں نوں جیت سکیے۔ خدا نے زکریا نبی نوں کہیا سی،

’’نہ زور نال، نہ طاقت نال، بلکہ میری روح نال، ایہہ خداوند فرماندا اے‘‘ (زکریا4:6)۔

ساڈے گرجا گھراں دے لئی تے مسیح دے لئی گواچے ہوئے نوجوان لوکاں نوں جیت سکن دا واحد راستہ ’’میری روح دے ذریعے توں اے، ایہہ خداوند فرماندا اے۔‘‘

شاگرداں نے ویکھیا کہ مالدار نوجوان حکمران مسیح دے کولوں ٹُر گیا سی، واپس گناہ تے خودغرضی دی دُنیا وِچ۔ شاگرداں نے مسیح نوں پُچھیا، ’’فیر نجات کون پا سکدا اے؟‘‘

’’تے یسوع نے اُوہناں وَل ویکھ کے کہیا، ایہہ انساناں دے لئی تے ناممکن اے لیکن خدا دے لئی نئیں: کیوں جے خدا توں سب کُج ہو سکدا اے‘‘ (متی 10:26، 27)۔

ایہہ رہیا تہاڈا جواب! انسانی طور تے کہیا جائے تے مالدار نوجوان حکمران نوں تبدیل کرنا ناممکن اے، یا کسی ہُور نوجوان شخص نو! ’’ایہہ انساناں دے لئی ناممکن اے۔‘‘ کوئی پروگرام اینج نئیں کر سکدا! کوئی چالاک واعظ اینوں نئیں کر سکدا! کسی قسم کی تفریح اینوں نئیں کر سکدی! ’’فیر کون نجات پا سکدا اے؟‘‘ ’’ایہہ انساناں دے لئی ناممکن اے۔‘‘ اُوہنے ایہہ نئیں کہیا، ’’ایہہ خلاف قیاس اے۔‘‘ نئیں، نئیں! اُوہنے کہیا، ’’ایہہ ناممکن اے۔‘‘ ایہہ صرف خدا کر سکدا اے! ’’انساناں دے لئی ایہہ ناممکن اے، لیکن خدا دے لئی نئیں۔‘‘

’’نہ زور نال، نہ طاقت نال، بلکہ میری روح نال، ایہہ خداوند فرماندا اے‘‘ (زکریا4:6)۔

ایس حیاتی دے خالی پن نوں – تے ایس دُنیا دی نااُمیدی نوں صرف خدا ای اِک نوجوان بندے نوں وکھا سکدا اے! صرف خدا ای اِتوار نوں گرجا گھر جان دی لوڑ نوں اِک نوجوان بندے نوں محسوس کر سکدا اے! ایہہ خدا ای اے جیہڑا اُوہناں دی خود اعتمادی نوں اُکھاڑ سکدا اے! صرف خدا ای اُوہناں نوں گناہ دی سزا دے تحت لہیا سکدا اے! صرف خدا ای اُوہناں نوں مسیح دے لہو دے ذریعے نال راستبازی دے لئی مسیح وَل کھیچ سکدا اے! صرف خدا دی قوت ای اُوہناں نوں اُس دے پُتر وَل کھیچ سکدی اے، تے اُوہناں نوں اُوس دی حضوری وِچ حیاتی دے سکدی اے!

لیکن اَسی اپنے وِچکار کیویں خدا دی قوت لہیا سکنے آں؟ ایہہ فیر سانوں ساڈی تلاوت وَل کِھیچ لہیاندا اے،

’’روزہ جیہڑا میری پسند دا اے کی اُو ایہہ نئیں؟ کہ نا اِنصافی دی زنجیراں توڑیاں جان، جوئے دی رسیاں کھول دِتیاں جان، مظلوماں دا آزاد کیتا جانا، تے ہر جوّا توڑ دِتا جائے؟‘‘ (اشعیا 58:6)۔

ایتھے خدا سانوں دسدا اے کہ کیوں سانوں روزہ رکھنا چائیدا اے:

1. نا انصافی دے بندھن [یا زنجیراں] توڑیاں جان۔

2. بھاری بوجھ نوں گھٹ کیتا جائے۔

3. مظلوماں نوں آزاد کیتا جائے تے ہر جوا توڑیا جائے۔

جے اَج سویرے تُسی ایتھے اُو تے تُسی ہُنے تیکر نئے سرے توں مسیحی نئیں ہوئے اُو، تے میں چاہنا واں کہ تُسی جان جاؤ کہ ایتھے بوہتے نوجوان لوکی نے جِنہاں نے تہاڈے لئی کل روزہ رکھیا سی۔ اَسی اُوہناں دے ناں نئیں دس رئے آں۔ لیکن اُوہناں وِچوں بوہتیاں نے رازداری دے نال تہاڈے لئی روزہ رکھیا تے دعا کیتی۔ اُوہناں نے تمام دِں کُج نئیں کھایا، جدوں تیکر اَسی پچھلی راتی گرجا گھر دے لئی نئیں آ گئے تے اِکٹھے کھانا نئیں کھایا۔ اُوہناں نے کیوں تہاڈے لئی دعا کیتی تے روزہ رکھیا؟ اُوہناں نے اینج ایس لئی کیتا کیوں جے اُوہناں نوں تہاڈے بوہتی فکر اے۔ اُو چاہندے نے کہ تُسی گناہ دی زنجیراں توں آزاد ہو جاؤ۔ اُو چاہندے نے کہ تُسی بھاری بوجھ تے شیطان دے ظلم و جبر توں آزاد ہو جاؤ۔ اُوہناں نے خدا کولوں کل سارا دِن دعا کیتی تے روزہ رکھیا کہ خدا ہیٹاں آئے تے تہانوں گناہ توں آزاد کرے، تے تُہانوں ساڈے گرجا گھر دی مکمل رفاقت وِچ کِھچ لہیائے تے تہانوں مسیح دے قیمتی لہو توں پاک صاف کرن دے لئی اُوہدی وَل کھِچ لہیائے۔ ٹاؤنز آف لیبرٹی یونیورسٹیTowns of Liberty University دے ڈاکٹر ایلمر نے کہیا،

     جدوں تُسی دعا کردے اُو تے روزہ رکھدے اُو تے تُسی خدا کولوں دوجیاں تے جنت دی باریاں کھولن تے برکات اُنڈیلن دے لئی پُچھ سکدے اُو… تُسی جنت دے بوہے تے کھٹکھٹا سکدے اُو تاکہ خدا گواچے ہوئے بندے نوں گناہ دی سزا دے تحت لہیائے تے اُوہنوں یسوع دے کول لہیائے (ایلمر ایل۔ ٹاؤنز، ڈی۔مِن۔، روزہ رکھن دے لئی نومسیحیاں دی راہنما The Beginner’s Guied to Fasting، ریگل، 2001، صفحہ 124)۔

ساڈے زیادہ تر لوکاں نے کل تہاڈے لئی دعا کیتی سی تے روزہ رکھیا سی۔ اُوہناں نے خدا کولوں مسیح دے بغیر حیاتی دے خالی پن نوں ویکھن دے لئی تہاڈی اَکھاں نوں کھولن دے لئی دعا کیتی سی۔ اُوہناں نے تہانوں ساڈے گرجا گھر دی دوستی تے اپنے پن وِچ کھیچے چلے آن دے لئی خدا کولوں دعا کیتی سی۔ اُوہناں نے خدا کولوں تہاڈے دِل نوں منور کرن دے لئی دعا منگی سی تاکہ تُسی اپنے گناہ نوں محسوس کر سکو تے اپنے لئی مسیح دی لوڑ نوں محسوس کر سکو۔ اُوہناں نے خدا کولوں دعا منگی سی کہ تہانوں وکھائے کہ یسوع تہاڈے گناہ دا کفارہ ادا کرن دے لئی صلیب تے قربان ہویا سی، تے تہانوں تمام گناہ توں پاک صاف کرن دے لئی اپنا قیمتی لہو وگایا سی۔ اُوہناں نے خدا کولوں دعا کیتی کہ اُو تہانوں اُتے آسمان وِچ اِک وسعت وِچ یسوع نوں اپنی تمام تر خوبصورتی دے نال وکھائے۔ اُوہناں نے خدا کولوں دعا کیتی تے روزہ رکھیا کہ اُو تہانوں ساڈے گرجا گھر دے لئی تے مسیح دے لئی کھیِچ لہیائے۔ تاکہ تُسی مسیح وِچ تبدیل ہو سکو تے اُوس وِچ دائمی حیاتی پاؤ۔ اُو پرانا گیت جیہڑا مسٹر گریفتھ نے واعظ توں پہلاں گایا سی، تہاڈے لئی اُوہناں دی دعاواں نوں آشکارہ کردا اے۔

میرے کول اِک مُنجی اے، اُو جلال وِچ اِلتجا کر رہیا اے،
   اِک نایاب پیارا مُنجی، حالانکہ زمینی بیلی گھٹ نے؛
تے ہُن اُو نرم دِلی دے نال میرے تے دھیان دے رہیا اے؛
   لیکن اُوہ، وہ میرا مُنجی تہاڈا منجی وی تے سی!
ایس لئی میں تہاڈے لئی دعا کر رہیا آں، ایس لئی میں تہاڈے لئی دعا کر رہیا آں،
   ایس لئی میں تہاڈے لئی دعا کر رہیا آں، ایس لئی میں تہاڈے لئی دعا کر رہیا آں۔

جے تُسی ساڈے اُوہناں بیلیاں دے لئی دعا کر رئے اُو جِنہاں نے ہُنے تیکر نجات نئیں پائی اے تے ایہہ کورس اُوہناں دے لئی گاؤ!

ایس لئی میں تہاڈے لئی دعا کر رہیا آں، ایس لئی میں تہاڈے لئی دعا کر رہیا آں،
   ایس لئی میں تہاڈے لئی دعا کر رہیا آں، ایس لئی میں تہاڈے لئی دعا کر رہیا آں۔
(’’ ایس لئی میں تہاڈے لئی دعا کر رہیا آں I Am Praying for You‘‘ شاعر ایس۔ او‘مالے کلاھ S. O’Malley Clough ، 1837۔1910)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔