مسیحیاں دی سب توں وڈی جنگ | The Christian's Greatest Battle

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں افسیوں6:12۔17 وِچ جنگجو دی بکتر تے بہت سارے واعظ سُن چکیا آں۔ لیکن مینوں کوئی ایہو جئیا یاد نئیں اے جیہڑا مکمل طور تے پولوس رسول نے کلام دے ایس حصے دے بارے وِچ جیہڑیاں گلاں کیتیاں اُوہناں نوں گرفت چہ لیندا ہووے۔ میں شاید ایہو جئیا کوئی سُنیا ہووے، لیکن مینوں اُو یاد نئیں اے۔ ایس حوالے نوں مکمل طور تے سمجھن لئی، سانوں ایہہ ویکھن دی لوڑ اے کہ سانوں دسیا گیا اے کہ اِک خاص وجہ لئی خُدا دا بکتر پہن لو – ’’تاکہ تُسی ابلیس دی چالبازیاں دا مقابلہ کر سکو‘‘ (افسیوں6:11)۔ افسیوں6:11 تے 12 وِچ لفظ ’’خلاف‘‘ پنج وری ظاہر ہویا۔ اپنی تلاوت نال اَسی دعا دے بارے چہ تِن عظیم سچائیاں نوں سیکھنے آں جیہڑیاں ساڈے دشمن شیطان نوں شکست دین گیاں۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

1۔ پہلی سچائی، مسلسل تے مستقل دعا کرنا ضروری اے کیوں جے ایتھے شیطان ضرور اے۔

سانوں شیطان دے ’’خلاف‘‘ مقابلہ کرن لئی کہیا گیا اے۔ سانوں دسیا گیا اے کہ اَسی لہو تے گوشت یعنی انسان دے ’’خلاف‘‘ کُشتی تے لڑائی نئیں کر رئے آں۔ اَسی لڑ رئے آں ’’علاقیاں‘‘ دے ’’خلاف‘‘، ’’قوتاں‘‘ دے ’’خلاف‘‘، ’’ایس دُنیا دی تاریکی دے حکمراناں دے‘‘ ’’خلاف‘‘، ’’اعلیٰ تھاواں چہ روحانی بدکاریاں‘‘ دے ’’خلاف‘‘، ایہہ شیاطین دیاں مختلف قسماں نے جیہڑیاں صرف تے صرف دعا دے نال ای ہرائی جا سکدیاں نے۔ افسیوں6:12 آیت تے تبصرہ کردے ہوئے ڈاکٹر جی ورنن میگی Dr. J. Vernon McGee نے کہیا،

اَسی اِک روحانی جگن وِچ آں۔ شیطان نے میدان جنگ وِچ اپنے غلام درجہ بندی دے لحاظ نال صف آرا کر دِتے نے۔ ایہہ کہندی اے کہ جے سانوں اُوہناں دے خلاف لڑنا اے۔ ایہہ گل کردی اے بدکاریاں دیاں روحانی طاقتاں دے نال دو دو ہتھ کرن دی… ساڈے اِردگرد اِک شیطانی دُنیا اے تے موجود لمحے وِچ ایہہ اپنے آپ نوں عیاں کر رئی اے… اَسی دشمن نوں پہنچان لہیا اے تے اُوہدے مقام نوں جان لہیا اے۔ ایہہ دشمن روحانی اے۔ ایہہ شیطان اے جیہڑا اپنی ایناں شیطان قوتاں دی سربراہی کردا اے۔ سانوں ہُن ایہہ جاننا اے کہ ایہہ جنگ کیتھے اے۔ میرے خیال چہ گرجا گھر نے روحانی جگن دی بصیرت نوں انتہائی حد تیکر کھو دِتا اے (جے۔ ورنن میکجی، ٹی ایچ۔ڈی۔،J. Vernon McGee, Th.D. بائبل دے ذریعےThru the Bible ، تھامس نیلسن پبلشرز Thomas Nelson Publishers، 1983، جلد پنجم، صفحات 279۔280؛ افسیوں 6:12 آیت پر ایک یاداشت)۔

پاویں تہانوں ایہہ معلوم ہووے یا نہ ہووے، اَسی شیطان تے اُوہدی بدروحواں دے خلاف اِک بہت وڈی جنگ وِچ آں۔ کوئی وی ایہو جئیا طریقہ نئیں اے کہ اَسی ایہہ جنگ خود اپنی قوت دے ذریعے نال جِت جائیے۔ سانوں ایمان دے نال خُدا دا مکمل بکتر زیب تن کرنا چائی دا اے – تے فیر باہر جا کے شیطان تے اُوہدی بدروحواں دے خلاف لڑنا چائی دا اے۔ عظییم اصلاح کار مارٹن لوتھر Martin Luther (1483۔ 1546) نوں شیطان دے بارے چہ بہت کُج کہنا سی۔ میں کُج اشعار اُوہناں دی مشہور حمدوثنا دی نظم وِچوں چُک رئیا واں جیہڑی اُوہناں نے شیطان دے بارے چہ لکھی،

کہ ہُنے تیکر ساڈا قدیم دشمن اے، جیہڑا ساڈی بدقسمتی وَل تلاش جاری رکھدا اے؛ اُوہدی کاری گری تے قوت بہت وڈی اے، تے اُو ظالم نفرت نال بھریا ہویا اے، زمین تے اُوہدی برابری کوئی نئیں کر سکدا۔ تے بے شک ایہہ دُنیا شیاطین نال بھر گئی اے، جیہڑے سانوں نقصان پہچان دی دھمکی دیندے نے، اَسی خوف نئیں کراں گے، کیوں جے خُدا کہہ چکیا اے کہ خُدا دی سچائی ساڈے ذریعے نال ظاہر ہووے گی… (’’خُداوند ساڈا عظیم قلعہ اےA Mighty Fortress Is Our God ‘‘ شاعر مارٹن لوتھر Martin Luther، 1483۔1546)۔

لیکن اَسی کیویں شیطان تے اُوہدی میزبان بدروحواں تے فتح پا سکنے آں؟ ماسوائے دعا دی قوت دے ہُور کوئی وی راہ نئیں اے! دعا جنگ ای اے! اَسی شیطان تے بدروحواں دے خلاف دعا وِچ لڑنے آں!

’’خُدا دے دِتے ہوئے سارے ہتھیاراں نال لیس ہو جاؤ تاکہ تُسی ابلیس دے منصوبیاں دا مقابلہ کر سکو‘‘ (افسیوں6:11)۔

’’پاک روح دی ہدایت نال ہر ویلے تے ہر طرح دعا تے منّت کردے رہوؤ تے ایس غرض نال جاگدے رہوؤ تے سارے مُقدّساں لئی بِلا ناغہ دعا منگدے رہوؤ‘‘ (افسیوں 6:18).

دشمن شیطان تے اُوہدی بدروحواں نے۔ اَسی دعا وِچ اُوہناں دے خلاف جانے آں۔ دعا ای جنگ اے!

مینوں دعا کرنا سکھا، خُداوند، مینوں دعا کرنا سِکھا؛
ایہو ای دِن تے رات میرے دِل دی پُکار اے؛
میں تیری مرضی تے تیری راہ دا منتظر آں؛
مینوں دعا کرنا سکھا، خُداوند، مینوں دعا کرنا سِکھا۔
(’’مینوں دعا کرنا سِکھا Teach me to Pray، شاعر البرٹ ایس۔ ریٹسز Albert S. Reitz ، 1879۔ 1966)

ایویں، اَسی ویکھنے آں کہ مسلسل تے مستقل دعا دی لوڑ اے کیوں جے ایتھے اِک شیطان اے۔ شیطان طاقتور اے تے اُو کدی وی آرام نئیں کردا اے۔ جے اَسی مستقل دعا نوں نظر انداز کراں گے تے شیطان سانوں غیرنجات دہندہ لوکاں نوں بچان توں جیتن نال روکن چہ کامیاب ہو جائے گا تے اُوہناں نوں ساڈے گرجا گھر وِچ شمولیت توں روکن چہ کامیاب ہو جائےگا۔ ایہہ اے پہلا مقصد – مسلسل دعا ضروری اے نئیں تے ساڈی انجیلی بشارت ساڈے گرجا گھر وِچ مسیح چہ پائیدار تبدیلی لوکاں چہ پیدا نئیں کرے گا۔

2۔ دوجی سچائی، مستقل دعا کرنا ضروری اے کیوں جے جیس دی سانوں لوڑ اے اُوہنوں پان دا واحد ذریعہ ایہو ای اے۔

یعقوب رسول نے ایس گل نوں بالکل صاف کیتا جدوں اُوہنے کہیا،

’’کُج ہتھ نئیں لگدا کیوں جے تُسی خُدا توں نئیں منگدے‘‘ (یعقوب 4:2).

ایہہ الفاظ ظاہر کردے نے کہ کیوں ساڈی انجیلی بشارت صرف چند اِک ای حقیقی مسیح چہ تبدیل شُدہ لوکاں نوں پیدا کردی اے جیہڑے گرجا گھر وِچ ٹکدے نے۔ ایویں کیوں ہوندا اے کہ محض چند اِک ای مسیح وِچ تبدیل ہوندے نے؟ کُج ہتھ نئیں لگدا کیوں جے تُسی خُدا کولوں نئیں منگدے۔‘‘ مسلسل تے مستقل دعا نوں نظر انداز کرنا ای اُو واحد وجہ اے کہ ساڈے کول مسیح وِچ تبدیل شُدہ لوکی نئیں نے جیہڑے ساڈے گرجا گھر وِچ ای رہین۔

رسولاں نے دعا نوں اپنی منادی دا سب توں اہم حصہ بنایا۔ جدوں کلیسیا دے روز مرّہ دے کماں دا بوجھ اُوہناں تے زیادہ پیندا سی، تے رسول کہندے،

’’لیکن اَسی تے دعا کرن تے کلام سُنان چہ مشغول رہواں گے‘‘ (اعمال 6:4).

’’اَسی دعا کرن چہ مشغول رہواں گے۔‘‘ پولوس رسول نے کہیا کہ اُوہدا زیادہ تر ویلہ دعا کرن چہ لنگدا سی۔ اُوہنے کہیا کہ اُوہنے تسالونیکیوں چہ کلیسیا لئی ’’دِن تے رات انتہائی دعاواں‘‘ کیتیاں (1۔ تسالونیکیوں3:10 صفحہ نمبر 219)۔ اُوہنے تیموتاؤس نوں دسیا، ’’کہ تینوں رات تے دِن اپنی دعاواں چہ یاد کرنا آں‘‘ (2۔ تیموتاؤس1:3)۔

اپنی مسلسل تے مستقل دعا کرن دی عادت دی وجہ توں پولوس رسول مسیح دی مثال دی پیروی کر رئیا سی۔ سانوں دسیا گیا اے کہ مسیح یسوع،

’’… سجری سویرے جدوں کہ انیہرا ای سی، اُٹھیا تے گھر توں باہر اِک ویران تھاں چہ جا کے دعا کرن لگا‘‘ (مرقس1:35)۔

’’… دعا کرن لئی اِک پہاڑ تے گیا، تے رات بھر خُدا کولوں دعا منگدا رئیا‘‘(لوقا 6:12).

الفاظ ’’دعا کرنا‘‘ تے ’’دعا‘‘ چاراں انجیلاں وِچ مسیح دی پیش کیتی ہوئی حیاتی دے چھوٹے جئے ریکارڈ وِچ کم از کم 25 وری استعمال کیتے گئے نے۔ تے اُوہدی دعا دا تذکرہ بے شمار دوجی تھاواں تے کیتا گیا اے جیتھے الفاظ ’’دعا‘‘ تے ’’دعا کرنا‘‘ کیتے گئے نے۔ اِک بندہ یا عورت جیہڑے اپنا زیادہ تر ویلہ دعا چہ نئیں لنگاندے نے اُو پولوس رسول تے مسیح دی پیروی نئیں کردے نے۔

یسوع دے آسمان تے خُدا باپ دے سجے ہتھ تے واپس چکے جان دے بعد، اُوہنے ساڈے لئی اپنا دعا دا عظیم کم شروع کیتا۔ سانوں دسیا گیا اے کہ،

’’جیہڑے لوکی اُوہدے وسیلہ دے نال خُدا دے کول آندے نے اُو اُوہناں نوں پوری پوری نجات دے سکدا اے کیوں جے اُو اُوہناں دے شفاعت کرن لئی ہمیشہ جیوندا اے‘‘ (عبرانیوں 7:25).

مسیح سانوں بچان دے قابل اے، صرف ایس لئی نئیں کیوں جے اُو صلیب تے مریا سی، بلکہ ایس لئی وی کیوں جے اُو آسماناں چہ رہندا اے تے ساڈے لئی مسلسل دعا کر رئیا اے۔ اُو ’’ساڈی شفاعت دے لئی‘‘ جیوندا اے، ساڈے لئی دعا کرن لئی زندہ ہے۔ اَج سب توں اہم گل جیہڑی یسوع کر رئیا اے اُو دعا اے۔ اَسی بچائے گئے آں کیوں جے یسوع ساڈے لئی دعا کر رئیا اے۔ پولوس رسول نے کہیا کہ مسیح ’’جیہڑا خُدا دے سجے پاسے موجود اے، ساڈی شفاعت وی کردا اے‘‘(رومیوں 8:34)

جے تُسی تے میں مسیح دے نال رفاقت رکھنا چاہنے آں تے سانوں وی زیادہ تر ویلہ دعا چہ لنگانا چائی دا اے۔ میں یقین کرنا آں کہ مسیحیت بہت عرصہ پہلاں ای نابود ہو چکی ہوندی جے مسیح ساڈے لئی دعا نہ کر رئیا ہوندا۔ چین چہ تقریباً اِک ملین مسیحی سن جدوں 1950 دی دہائی دے شروع چہ اشتراکیت پسنداں نے ساری غیرمُلکی مشنریاں نوں نکال باہر کیتا سی۔ لیکن اَج چین چہ اِک سو ملین توں وی بہت زیادہ مسیحی موجود نے۔ دھشت تے ایذارسانیاں دے باوجود جیہڑی اشتراکیت پسند مسیحیاں نوں تباہ کرن لئی استعمال کردے سن، پچھلے 60 وریاں چہ چین وِچ مسیحیاں دی تعداد چہ 10,000 فی صد اضافہ ہو چکیا اے۔ ایہہ کدی وی ممکن نہ ہوندا جے مسیح ’’اُوہناں دی شفاعت لئی‘‘ آسمان چہ نہ رہ رئیا ہوندا (عبرانیوں 7:25)۔

چین چہ جو کُج ہویا اے اُو مسیح دی دعاواں دا نتیجہ اے، تے آزاد دُنیا چہ وی ہزارہا لوکاں دی دعاواں دی وجہ توں ہویا اے۔ تے خُدا سانوں، تے ہر تھاں دعائی جنگجوواں نوں جیہڑے شفاعتی دعاواں دی ماندی چہ نے یسوع دے نال رفاقت وِچ شمولیت لئی بُلاندا اے۔ جے اَسی اپنے گرجا گھر وِچ مذید ہُور زیادہ مسیح چہ تبدیل شُدہ نوجوان لوکاں نوں ویکھنا چاہنے آں تے ضروری اے کہ اَسی خُدا دے کول دعا وِچ تنہا جان دے لئی وقت کڈیے، تے بہت زیادہ وقت کڈیے۔ سانوں ایہہ روز دی عادت بنا لینی چائیدی اے کہ اُوہناں لئی دعا کریے جنہاں نوں اَسی مسیح چہ تبدیلی لئی بُلانے آں۔ دعا کرو کہ خُدا تہانوں اِک دعائی جنگجو بنائے، جیہڑا اپنا زیادہ تر ویلہ اُوہناں کھوئے ہوئے لوکاں لئی دعا وِچ لنگائے جنہاں نوں اَسی مسیح چہ تبدیلی لئی گرجا گھر لے کے آنے آں۔ تاریخ چہ سارے عظیم مسیح چہ لوکاں نوں جِتن آلے دعا کرن آلے مرد تے عورتاں سن۔ اُو اِک دوجے توں بہت طریقیاں نال مختلف سن۔ لیکن اُو اِک گل چہ ایس طرح نال اِک جیہئے سن – اُو، اُو سارے مرد تے عورتاں سن جنہاں نے کھوئے ہوئے لوکاں نوں مسیح چہ بچان لئی بہت ویلہ لنگایا سی۔

’’پاک روح دی ہدایت نال ہر ویلے تے ہر طرح دعا تے منت کردے رہوو تے ایس غرض نال جاگدے رہوو تے سارے مقدساں لئی بِلاناغہ دعا کردے رہوو‘‘ (افسیوں 6:18).

دعا چہ طاقت، خُداوند، دعا چہ طاقت
ایتھے گناہ دی زمین دے وچکار تے دُکھ تے نگہبانی چہ؛
لوکی کھو رئے نے تے مر رئے نے، لوکی مایوسی چہ نے؛
اُوہ، مینوں طاقت دے، دعا چہ طاقت!

3۔ تیجی سچائی، مسلسل تے مستقل دعا کرنا ضروری اے کیوں جے ضرورت دے ویلے ساڈی مدد لئی رحم تے فضل پان دی ایہو ای راہ اے۔

عبرانیوں4:16 وِچ رسول دے الفاظ سانوں ظاہرکردے نے کہ ساڈی انجیلی بشارت دے کم چہ مدد لئی رحم تے فضل کیویں پایا جائے،

’’لہٰذا اَسی خُدا دے فضل دے تخت دے کول دلیری نال ٹُریے تاکہ اُو ساڈے تے رحم کرے تے اَسی اُوس فضل نوں حاصل کریے جیہڑا ضرورت دے ویلے ساڈے کم آئے‘‘ (عبرانیوں 4:16).

ایہہ آیت ایس قدر اہم اے کہ میں چاہواں گا کہ تُسی اینوں کلامِ پاک وِچوں کھولو۔ ایہہ عبرانیوں4:16 اے۔ ایہہ سیکوفیلڈ بائبل دے مطالعے دے صفحہ نمبر1294 تے اے۔ مہربانی نال کھڑے ہو جاؤ تے اینوں پڑھو۔

ایہہ آیت سانوں وکھاندی اے کہ ’’ضرورت دے ویلے چہ مدد لئی‘‘ رحم تے فضل حاصل کیتا جائے۔ ایہہ یقیناً ساڈے گرجا گھر وِچ ’’ضرورت دا ویلہ‘‘ اے۔ ہُن اَسی داخل ہو رئے آں جنہوں میں ’’خزاں دی تیار فصل کٹن دا موسم‘‘ کہنا واں۔ جدوں اَسی خزاں دے موسم چہ داخل ہونے آں تے ہمیشہ بہت زیادہ نوجوان لوکاں نوں ساڈی انجیلی بشارت دی کوششاں دے ذریعے لے کے آنے آں۔ لیکن اُوہناں وِچوں بہت سارے جیہڑے ساڈے گرجا گھر لئی آندے نے کدی نجات نئیں پاندے یا ساڈے گرجا گھر وِچ نئیں آندے۔ ایہہ مایوس کُن اے۔ اَسی ایہدے بارے چہ سوچنا پسند نئیں کردے۔ لیکن ایہو ای اے جیہڑا وریاں توں ہون ڈیا اے۔ صرف چند اِک لوکی ساڈے نال رہ جاندے نے جدوں خزان دی تیار فصل کٹن دا موسم لنگ جاندا اے۔ جے حالات ایویں چلدے رئے تے اُوہناں وِچوں چند اِک ای کرسمس تیکر ساڈے نال ہون گے۔ یاد رکھو، کرسمس دا موسم چھیتی آن آلا اے – شاید تہاڈی سوچ توں وی بہت پہلاں۔ کرسمس دا موسم محض 17 ہفتیاں چہ شروع ہو جائے گا۔ ایہہ چند ہفتے ساڈے اَگو اینی چھیتی لنگ جان گے کہ ایہہ محض چند دِناں دی گل لگے گی! یقین کرو یا نہ کرو، کرسمس تقریباً ایتھے آن پہنچیا اے! ساڈے کول نئے لوکاں نوں اپنے گرجا گھر چہ لہیان لئی محض ایہو چند دِن رہ گئے نے۔ صرف چند اِک ہفتیاں چہ خزان دا موسم ختم ہو جائے گا۔

کی اَسی اُوہناں وِچوں زیادہ تر نوں کھو دیاں گے جنہاں نوں اَسی لہیائے آں؟ اَسی تقریباً ہمیشہ ایویں ای کرنے آں۔ کی ایس ورے وی ایویں ای ہووے گا؟ ایویں ای ہووے گا جے شیطان نوں اپنی چال چلن دا موقع لبھ گیا! شیطان نئیں چاہندا کہ تُسی بیدار تے چُوکنا ہوؤ۔ شیطان نئیں چاہندا کہ تُسی ایس بارے چہ فکرمند ہوو۔ شیطان چاہندا اے کہ تُسی سُتے ہوئے تے سست رہوو – تاکہ اُو اُوہناں ساریاں لوکاں نوں کھو کے لے جائے جنہاں نوں اَسی خزان دی تیار فصل دی کٹائی دے موسم وِچ لے کے آنے آں۔ لیکن خُدا تہانوں بیدار رہن لئی بُلا رئیا اے۔ خُدا تہانوں چوکنا رہن لئی بُلا رئیا اے۔ خُدا تہانوں اُوہناں کھوئے ہوئے نوجوان لوکاں دی شدید، مسلسل، مستقل دعا لئی بُلا رئیا اے۔ شیطان نوں شکست دین لئی ضروری اے کہ اَسی کلام دی فرمانبرداری کریے،

پورے سال چہ ساڈے گرجا گھر لئی ایہہ سب توں اہم ویلہ اے! ایہہ ساڈی ’’ضرورت دا ویلہ‘‘ اے! ایہہ ویلہ اے کہ جیدے چہ سانوں خُدا دے رحم تے فضل دی لُوڑ اے! ایہہ ویلہ اے جدوں سانوں خُدا دی مدد دی لُوڑ اے! ’’آؤ اَسی خُدا دے فضل دے تخت دے کول دلیری نال ٹُریے‘‘ کھوئے ہوئے لوکاں لئی گہری، مسلسل، مستقل دعا کردیاں ہوئے! شیطان نوں ایہہ جنگ نہ جِتن دیو! ساڈے نال جنگ چہ شامل ہوو، ’’پاک روح دی ہدایت نال ہر ویلے تے ہر طرح دعا تے منت کردے رہوو تے ایس غرض نال جاگدے رہوو تے سارے مقدساں لئی بِلاناغہ دعا کردے رہوو‘‘ (افسیوں6:18)۔ میں چاہنا واں کہ تُسی اُوہناں لئی جنہاں نوں اَسی آئیندہ چند ہفتیاں دے دوران لہیاواں گے انتہائی بھرپور قوت دے نال تے بہت اِرادے دے نال دعا کرو۔ میں چاہنا واں کہ تُسی کہوو، ’’میرے لئی دعا، دعا، دعا ضروری اے۔ میں اپنی ساری قوت تے دِل دعا کرن چہ ضرور لاواں گا۔ میں پاویں جو کُج وی کراں، میں دعا ضرور کراں!‘‘ میں چاہنا واں کہ تُسی کم از کم ہر اِک دِن 15 منٹ ضرور دعا وِچ گزارو۔ ہُنے توں ای تدبیر کرو کہ ہر روز کھوئے ہوئے لوکاں لئی کم از کم 15 منٹ ضرور کڈہو گے!

تہاڈے وِچوں اُو تمام لوکی جیہڑے کم از کم 15 منٹ روزانہ میرے نال مل کے کھوئے ہوئے لوکاں لئی ایس موسمِ خزاں دی تیار فصل دی کٹائی دے دوران دعا کرن گے، مہربانی کر کے ہُنے ایتھے اَگے آ جان، تے مسٹر لی Mr. Lee تے مسٹر بیب آؤٹ Mr. Bebout تہاڈے لئی دعا لئی آن گے، کہ تُسی کھوئے ہوئے لوکاں لئی روزانہ دعا دے ایس وعدے نوں نبھاؤ گے۔ ہُنے فوراً آؤ، جدوں کہ اُو بند رَل کے گانے آں!

ہُن میں اُوہناں نوں جیہڑے ساڈے گرجا گھر وچ نوے نے اِک ہور گل دسنا چاہنا واں۔ مسیح تہاڈے گناہ دا کفارہ ادا کرن لئی صلیب تے مریا۔ اُو جسمانی طور تے مُردیاں وچوں جی اُٹھیا تے تہاڈے لئی دعا منگن لئی واپس آسمان چہ چُکیا گیا۔ مسیح چہ ایمان دے نال آؤ تے اُو تہاڈے گناہواں نوں معاف کرے گا تے تہانوں دائمی حیاتی دیوے گا۔ تے چاہے تُسی کُج وی کرو، ایس گل نوں یقینی بناؤ کہ اگلے اِتوار گرجا کرن لئی ایتھے ای واپس آؤ! خُداوند تہانوں برکت دے! آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت گایا سی مسٹر بنجامن کینکیڈ گریفتھ Mr. Benjamin Kincaid Griffith نے:
’’مینوں دعا کرنا سکھا Teach Me to Pray ‘‘
(شاعر البرٹ ایس۔ رِیٹز Albert S. Reitz ، 1879۔1966).