خُدا دا فراموش کیتا ہویا نجات دہندہ | The God-Forsaken Saviour

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

گتسمنی دی تاریکی وچ دعا توں اُٹھن دے بعد، یسوع دا سامنا ’’فریسیاں تے سردار کاہناں دے پیجے ہوئے افسراں تے لوکاں دے اِک گروہ نال ہویا۔‘‘ اُو ’’اپنے ہتھاں وچ مشعلاں، چراغ تے ہتھیار لیے ہوئے‘‘ آئے سن (یوحنا 18:3). اُوہناں نے یسوع نوں بنھیا تے اُوہناں لے کے سردار کاہن لئی ٹُر پئے، ’’جیتھے شریعے دے عالم تے بزرگ لوکی جمع سن‘‘ (متی 26:57). اُوہناں نے یسوع تے کُفّر بکن دا الزام لگایا۔ فیر اُوہناں نے اُوہدے چہرے تے تھُکیا، اُوہنوں اپنے مُکیاں نال ماریا، اپنے ہتھاں دیاں ہتھیلیاں نال اُوہنوں چپیڑاں ماریاں، تے اُوہدی داڑھی دے وال نوچے (اشعیا 50:6).

سردار کاہناں تے بزرگاں نے اگلی سویر یسوع نوں مار ڈالن دا فیصلہ کیتا۔ اُوہناں نے اُوہنوں فیر بنھیا تے اُوہنوں رومی گورنر، پینطُس پیلاطُوس دے کول لے گئے۔ پیلاطُوس نے اُوہنوں سوال پُچھے۔ فیر پیلاطُوس نے ہجوم نوں کہیا، ’’میں کی کراں… یسوع دے نال جیہڑا مسیح کہلاندا اے؟ لوکی چلائے، ’’اُوہنوں صلیب دِتی جائے‘‘ (متی 27:22). پیلاطُوس نے اپنے ہتھ دھوئے تے کہیا، ’’میں ایس راستباز دے لہو توں بری ہونا واں‘‘ (متی 27:24). فیر پیلاطُوس نے یسوع نوں کوڑے لگوا کے اُوہنوں مصلوب ہون لئی اُوہناں دے حوالے کر دِتا۔ رومی سپاہیاں نے یسوع دے لہو نال رسدے جسم تے قرمزی چوغہ پہنا دِتا۔ اُوہناں نے کنڈیاں دا تاج بنا کے اُوہدے سر تے کھبو دِتا۔ اُوہناں نے اُوہدے سجے ہتھ وچ اِک سرکنڈا تھما دِتا، ’’تے اُوہدے سمنے گھُٹنے ٹیک ٹیک کے اُوہدی ہنسی اُڈان لگے کہ اے یہودیاں دے بادشاہ، آداب!‘‘ (متی 27:29). اُوہناں نے اُوہدے تے تھُکیا تے اُوہدے توں سرکنڈا لے کے اُوہدے نال اُوہدے سر تے ماردے سن۔ تے اُوہدی تحقیر کر چُکن دے بعد اُوہناں نے اُوہدا چوغہ لہایا، اُوہدے اپنے کپڑے اُوہنوں پہنائے، تے اوتھوں لے کے ٹُر پئے تاں جے اُوہنوں صلیب دین۔

اُوہدے لئی نہ سونے دا نہ چاندی دا کوئی تاج سی،
   اُوہدے سر تے رکھن لئی کوئی سرتاج نئیں سی؛
لیکن لہو نے اُوہدی پیشانی آراستہ کیتی تے ایہہ داغ جیہڑا اُوہنے سہیا اُوہنے قابلِ قدر کیتا
   تے جیہرا تاج اُوہنے پہنیا اُو اُوہنوں گنہگاراں نے عطا کیتا۔
اِک کٹھن صلیب اُوہدا تخت بنی،
   اُوہدی بادشاہی صرف دِلاں ای تے سی؛
اُوہنے اپنا پیار سُرخی مائل لال رنگ چہ لکھیا،
   تے اپنے سر تے کنڈیاں نال بنا تاج پہنیا۔
(’’کنڈیاں دا تاج‘‘ شاعر عرا ایف. سٹین فِل Ira F. Stanphill، 1914۔1993).

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

یسوع ایس ای صلیب نوں چُکے ہوئے باہر گیا سی۔ اُو بار بار اُوہدے وزن نال ڈِگیا سی۔ آخرکار سپاہیاں نے شمعون کُرینی نامی اِک بندے نوں مجبور کیتا کہ اُو صلیب چُکے۔ جدوں اُو گُلکتا لئی آئے تے اُوہناں نے اُوہنوں تُرش مے پین نوں دِتی، جیہنوں اُوہنے پین توں انکار کر دِتا۔ سپاہیاں نے اُوہدے ہتھاں تے پیراں وچ صلیب لئی کِل ٹھوکے، اُوہنوں سِدھی حالت وچ رکھن لئی چُکیا، ’’تے اوتھے ای بیہہ کے اُوہدی نگہبانی کرن لگے‘‘ (متی27:36)۔

اُوہناں نے اُوہدے سر دے اُتے کِلاں نال اِک نشان لگایا، جیہدے تے لکھیا سی ایہہ یہودیاں دا بادشاہ یسوع اے۔ دو ڈاکواں نوں وی اُوہدے نال مصلوب کیتا گیا سی، اِک نوں اُوہدے سجے پاسے تے دوجے نوں اُوہدے کھبے پاسے۔ اُو جیہڑے صلیب کولوں لنگدے اُوہدے تے ایہہ کہندے ہوئے طعنے کسدے، ’’جے تُو خدا دا پُتر اے، تے صلیب توں اُتر آ‘‘ (متی 27:40). سردار کاہناں نے وی ایہہ کہہ کے اُوہدا تمسخُر اُڈایا، ’’اُوہنے اوراں نوں وچایا لیکن اپنے آپ نوں نئیں وچا سکیا۔ ایہہ تے اسرائیل دا بادشاہ اے! جے ہُن وی صلیب توں اُتر آئے تے اسی اُوہدے تے ایمان لے آواں گے‘‘ (متی 27:42)۔

اُوہنے ہاتھی دند دے تخت تے حکومت نئیں کیتی سی،
   اُو کلوری دی صلیب تے مویا سی؛
گنہگاراں لئی اُوہنے اوتھے جیہڑا کُج شمار کیتا مگر نقصان ہویا،
   تے اُوہنے صلیب توں اپنی بادشاہت دا جائزہ لہیا۔
کٹھن صلیب اُوہدا تخت شاہی بن گئی،
   اُوہدی بادشاہت صرف دِلاں وچ سی؛
اُوہنے اپنا پیار سُرخی مائل لال رنگ چہ لکھیا،
   تے اپنے سر تے کنڈیاں دا تاج پہنیا۔

یسوع سویر دے نو وجے مصلوب کیتا گیا سی۔ دوپہر دے بارہ وجے توں لے کے بعد از دوپہر 3:00 وجے تیکر زمین تے تاریکی چھا گئی۔ تے تقریباً 3:00 وجے یسوع اُچی اواج نال چیخیا، ’’ایلی، ایلی، لما شبقتنی؟ جیدا مطلب اے، اے میرے خُدا، اے میرے خُدا، تُو مینوں کیوں چھڈ دِتا؟‘‘ (متی 27:46). ’’کٹھن صلیب اُوہدا تخت شاہی بن گئی۔‘‘ ایہنوں گاؤ!

کٹھن صلیب اُوہدا تخت شاہی بن گئی،
اُوہدی بادشاہت صرف دِلاں وچ سی؛
اُوہنے اپنا پیار سُرخی مائل لال رنگ چہ لکھیا،
تے اپنے سر تے کنڈیاں دا تاج پہنیا۔

یسوع زور نال چلایا، ’’اے میرے خُدا، اے میرے خُدا، تُو مینوں کیوں چھڈ دِتا؟‘‘ صلیب توں اُوہدی چیخ تِن گلاں نوں ظاہر کردی اے۔

I. پہلی گل، صلیب توں یسوع دی چیخ پُرانے عہد نامے دی پیشن گوئی نوں پورا کردی اے۔

’’اے میرے خدا، اے میرے خدا، تُو مینوں کیوں چھڈ دِتا؟‘‘ (زبور 22:1)۔

یسوع نے عمدا کلام پاک دی ایس آیت نوں مکمل کیتا سی۔ زبور 22 پندرہ موضوع پیش کردا اے جیہرے مکمل ہوئے سی جدوں یسوع صلیب تے سی۔ ایہدے توں ابتدائی کلیسیاؤاں دے بے شمار مصنفین زبور 22 نوں ’’پنجویں انجیل‘‘ کہن لئی مجبور ہوئے۔ زبور 22:18 کہندی اے، ’’اُو میرے کپڑے آپس چہ ونڈدے نے، تے میری پوشاک تے قُرعہ پاندے نے۔‘‘ ایہی درحقیقت سپاہیاں نے مسیح دی پوشاک دے نال صلیب دے تھلے کیتا سی۔ زبور 22:16 کہندی اے، ’’اُوہناں نے میرے ہتھ تے میرے پاؤں چھید ڈالے نے۔‘‘ عبرانی زبان وچ ’’کھودن، چھیدن، یا کھوکھلا‘‘ کرن دا مطلب ظاہر کردا اے (جان گل)۔ زکریا 12:10 کہندی اے، ’’تے اُو میرے تے نظر پان گے جیہنوں اُوہناں نے چھیدا سی۔‘‘ ایتھے عبرانی لفظ دا مطلب اے ’’گھونپنا، چھیدنا، (شدت دے نال) آرپار کاٹ ڈالنا‘‘۔ سکوفیلڈ Scofield دی بائبل دا مطالعہ کہندا اے،

زبور 22 تصلیبی موت دی اِک بالکل درست تصویرکشی کردا اے۔ ہڈیاں (ہتھاں دی، بازؤاں دی، کندھیاں دی، تے چُکنیاں یعنی ہیڑاں دی) جوڑاں توں اُکھڑ گئیاں (آیت 14)؛ شدید مصائب دی وجہ نال حد توں تجاوز کردے ہوئے پسینے دا وگنا (آیت 14)؛ دِل دے موم ہو جان دا عمل (آیت 14)؛ قوت دا ٹھیکرے وانگوں خُشک ہو جانا، بوجہ پیاس زبان دا تالو نال چپک جانا (آیت 15)؛ ہتھاں تے پیراں دا چھیدنا (آیت 16)؛ حیا لئی تکلیف دے نال جُزوی عریانی (آیت 17)، سارے دے سارے موت دی روش لئی ضمنی نے۔ ایہہ حاصل شُدہ حالات بجا طور تے اُو نے جیہڑے مسیح دی تصلیب وچ مکمل ہوئے۔ پہلی آیت دے غم توں نڈھال چیخ (متی 27:46)… 18 ویں آیت قرعے دا ڈالنا (متی 27:35)، سارے دے سارے بالکل پورے ہوئے۔ جدوں ایس گل نوں یاد کیتا جاندا اے کہ صلیب دے کے مار ڈالن دا عمل رومی سی نہ کہ یہودی طرز دی موت، تے اِلہامی گلاں دا ثبوت ناقابلِ مزاحمت ہو جاندا اے (سیکوفیلڈ دی بائبل دا مطالعہ The Scofield Study Bible ، صفحہ 608؛ زبور 22 تے اِک یاداشت).

زبور 22 خُدا دے پُتر دی مستقبل دی صلیبی موت دی اِک حیرت انگیز انبیانہ تفصیل اے۔ ایہہ زبور اپنے مکمل ہون توں 1000 ہزار ورے قبل لکھیا گیا سی تے مسیح دے مصائب نوں تصویری جُزیات دے نال بیان کردا اے، اُوس ویلے جدوں کہ صلیب دے ذریعے موت دِتے جان دا طریقہ وی جانا نئیں گیا سی… (ہنری ایم. مورِس، پی ایچ. ڈی.، محافظ دا مطالعۂ بائبل The Defender’s Study Bible، ورلڈ پبلِشرز، اشاعت 1995، صفحہ 608؛ زبور 22:1 تے اِک یاداشت).

ڈاکٹر جان آر۔ رائیس Dr. John R. Rice نے پرانے عہد نامے دی اِک دے بعد دوجی پیشن گوئی فہرست وچ درج کیتی جیہڑی کہ اُوس ویلے پوری ہوئیاں سن جدوں یسوع نوں صلیب دِتی گئی۔ اُوہناں نے کہیا، ’’ایہہ ناممکن اے کہ ایہہ پیشن گوئیاں حادثاتی سن۔ ایویں ساڈے کول کلام پاک دی اِلہامی گلاں دا تے مسیح دی خُدائی دا ناقابلِ تردید ثبوت موجود اے (لوقا 24:25۔27). صرف اِک بے وقوف ای ایہدے تے یقین نئیں کرے گا۔ چونکہ خُدا نے ساڈے کلام پاک وچ پوری کیتی گئی پیشن گوئی تے خصوصی اہمیت دِتی اے … اسی ویکھنے آں کہ ایہہ خُدا دے منصوبے دا دِل اے‘‘ (جان آر. رائیس، ڈی. ڈی.، بابئل دا باغیچہ The Bible Garden، خُداوند دی تلوار شائع کرن آلے Sword of the Lord Publishers، 1982، صفحہ 31).

II. دوجی گل، صلیب تے یسوع دی چیخ کسی نہ کسی طور جہنم وچ گنہگار دی چیخ پیش کردی اے۔

’’اَے میرے خدا! اَے میرے خدا! تو مینوں کیوں چھڈ دِتا؟‘‘ (متی 27:46).

مہربانی نال دھیان دیو کہ میں یقین نئیں کرنا واں کہ یسوع جہنم وچ گیا سی، جیویں کہ ڈاکٹر فریڈرک کے۔ پرائس Dr. Frederick K. Price غلط تعلیم دیندے نے۔ کلام پاک وچ کِتھے کوئی اینج دی تلاوت نئیں اے جیتھے ایہہ لکھیا ہووے کہ یسوع ’’نے ساڈے گناہواں لئی جہنم وچ مصائب برداشت کیتے،‘‘ جیویں کہ ڈاکٹر پرائس نے کہیا سی۔

لیکن میں ڈاکٹر جان آر۔ رائیس دے نال متفق آں کہ یسوع دی اذیت بھری چیخ، ’’اے میرے خُدا، اے میرے خُدا، تو مینوں کیوں چھڈ دِتا،‘‘ جہنم وچ گنہگاراں دے مصائب دی اِک تصویر اے۔ ڈاکٹر رائیس نے کہیا،

اسی یقین کرنے آں کہ صلیب تے یسوع دے مصائب کسی نہ کسی طور جہنم وچ مصائب دی تصویر پیش کردے نے۔ صلیب تے یسوع چیخا سی، ’’میں پیاسا،‘‘ بالکل ایویں ای جیویں جہنم وچ امیر آدمی پیاسا سی (لوقا 16:24). کی تُسی امیر آدمی نوں چیخدے ہوئے تصور نئیں کر سکدے، ’’اے میرے خدا، اے میرے خُدا، تُو مینوں کیوں چھڈ دِتا؟‘‘ جہنم حقیقی اے۔ گناہ ضرور عذاب لہیاندا اے، حقیقی جسمانی تکالیف… خُدا توں جُدائی۔ جہنم وچ گنہگار ہُن وی انھے ای ہون گے، ہُن وی بدکار ای ہون گے، ہُن وی پُچھ رئے ہون گے، ’’کیوں؟‘‘ (1۔ کرنتھیوں 2:14). یہوداہ، اپنے عذاب چہ مبتلا ذہن وچ ایہہ گل جانندا سی کہ اُوہنے معصوم لہو دے نال دھوکہ کیتا سی (متی 27:4)، لیکن اپنے گناہواں توں نئیں پھرے گا (رائیس، ibid.، صفحات 31، 32).

ایس لئی، صلیب توں یسوع دی چیخ کیس نہ کسی طور جہنم وچ گنہگاراں دی چیخ دی عکاسی پیش کردی اے،

’’اَے میرے خدا! اَے میرے خدا! تو مینوں کیوں چھڈ دِتا؟‘‘ (متی 27:46).

جیہڑا کوئی وی جہنم جاندا اے اُوہدے لئی اوتھے کوئی اُمید نئیں اے۔ یسوع نے سانوں دسیا اے غیر محفوظ یا نا وچائے گئے لوکاں نال کی ہوندا اے جدوں اُو مر جاندے نے۔ اُو اُوہناں نوں کہے گا،

’’میرے سمنوں دور ہو جاؤ، تُسی ملعوناں، تے ہمیشہ جلدی رہن آلی آگ وچ ٹُر جاؤ‘‘ (متی25:41).

’’جیتھے کیڑا مردا نئیں تے اگ وی کدی نئیں بجھدی‘‘ (مرقس 9:44).

’’اُوہنے عالمِ ارواح وچ عذاب چہ مبتلا ہو کے اپنیاں اکھاں اُتے چُکیاں‘‘ (لوقا 16:23).

اُو جیہڑے یسوع تے پرہوسا کرن لئی انکار کردے نے، اُوہناں لئی جیہڑے عذاب یسوع نے صلیب تے جھیلے جہنم وچ ہمیشہ لئی جاری رہن گے۔ اُو دائماً ’’ہمیشہ جلدی رہن آلی اگ‘‘ وچ مبتلا کیتے جان گے (متی 25:41). ایویں ظاہر ہووے گا کہ اُو غیر منقطع طور تے ’’اے میرے خُدا، اے میرے خُدا، تُو مینوں کیوں چھڈ دِتا؟‘‘ چیخدے رہن گے۔ جی ہاں، اسی یقین کرنے آں کہ کسی نہ کسی طور مسیح دی صلیب تے تکالیف جہنم وچ کھوئے ہوئے گنہگاراں دے مصائب دی عکاسی پیش کردیاں نے۔ ایس لئی اسی تہانوں مسیح تے پرہوسا کرن لئی تے ہُنے اپنے گناہواں توں وچائے جان لئی التجا کرنے آں، ایس توں پہلاں کہ ایہدی وی ہمیشہ لئی تاخیر ہو جاوے۔

III. تیجی گل، صلیب تے یسوع دی موت ظاہر کردی اے کہ اُو انسان دے گناہ دا کفارہ ادا کرن لئی مویا سی۔

’’یسوع بڑی اُچی اواج نال چلایا، ایلی، ایلی، لما شبقتنی؟ جیہدا مطلب اے، اے میرے خدا، اے میرے خُدا، تو مینوں کیوں چھڈ دِتا؟‘‘ (متی 27:46).

اُوہدی چیخ دے بارے وچ بہت کُج اے جیہنوں سمجھنا انتہائی مشکل اے۔ مینوں یاد اے کہ میں کِتھے پڑھیا سی کہ لوتھر اپنی مطالعہ گاہ وچ کئی دِناں تیکر بغیر کُج کھائے پیئے یا اپنی تھاں توں ھلے، نجات دہندہ دی چیخ دی گہرائی ناپن لئی کوششاں کردے رئے۔ آخرکار اُوہناں نوں احساس ہو گیا کہ اُو انسانی طور تے کدی سمجھ ای نئیں پان گے کہ کیویں پیو تے پُتر جُدا نے۔ کیویں پاک تثلیث دی پہلی ہستی اُوہدی دوجی ہستی نوں فراموش کر سکدی اے؟ آخرکار اُوہناں نے کوششاں کرنی چھڈ دِتیاں، تے اپنی ووہٹی تے بچیاں دے نال شام دا کھانا کھان لئی باہر چلے گئے۔ نجات دہندہ دی چیخ دی عظیم پُراسراریت دے بارے وچ پیوریٹن تبصرہ نگار جان ٹریپ John Trapp (1601۔1669) نے تزکرہ کیتا سی، اُوہناں نے کہیا، ’’اُو انسان دے طور تے چیخیا سی، ’اے میرے خُدا، اے میرے خُدا [تُو مینوں کیوں چھڈ دِتا]،‘ جدوں کہ بحیثیت خُدا دے، اُوہنے پشیمان چور لئی جنت فراہم کیتی سی‘‘ (جان ٹریپ، پرانے تے نئے عہد نامے تے اِک تبصرہ A Commentary on the Old and New Testaments، ٹرانسکی اشاعت خانے، فیر اشاعت 1997، جلد پنجم، صفحہ 276؛ متی 27:46 تے اِک یاداشت).

ڈاکٹر آر۔ سی۔ ایچ۔ لینسکی Dr. R. C. H. Lenski (1864۔1936) نے کہیا، ’’اپنی مردی ہوئی قوتاں دے نال اُو خُدا لئی چلاندا اے تے اُوہدے وچ مذید پیو نوں نئیں ویکھدا اے، کیوں جے پیو تے پُتر دے وچکار اِک جُدائی دی دیوار کھڑی ہو چُکی اے، یعنی دُنیا دا گناہ تے اُوہدی لعنت جیہری کہ ہُن پُتر تے پئی ہوئی اے۔ یسوع نوں خُدا دی آرزو سی، لیکن خُدا نے اپنے آپ نوں ہتا لہیا سی۔ ایہہ پُتر نئیں سی جیہنے پیو نوں چھڈیا سی، بلکہ پیو سی جیہنے پُتر نوں چھڈیا سی۔ پُتر خُدا لئی چیخدا اے، تے خُدا اُوہنوں کوئی جواب نئیں دیندا… جدوں اسی ایس پُراسراریت دے زودوفہم نوں سمجھن لئی سوچنے آں تے زیادہ توں زیادہ اسی ایہہ اُمید کر سکنے آں کہ یسوع لئی دُنیا دے گناہ دے نال تے لعنت دے نال ڈھکیا ہویا سوچئیے تے کہ، جدوں خُدا نے یسوع نوں ویکھیا ایس لئی، اُوہنے اُوہدے وَلّوں اپنا منہ پھیر لہیا۔ خُدا دے پُتر نے ساڈا گناہ تے اُوہدی لعنت برداشت کیتی… ایس ای لئی یسوع ’اے میرے پیو دے بجائے ’اے میرے خُدا‘ چیخیا سی۔ لیکن مضاف الیہ [’میرے‘] اہمیت دا حامل اے۔ حالانکہ خُدا نے اُوہدے توں منہ موڑ لہیا سی تے اُوہنے چھڈ دِتا سی، اُو اُوہدے لئی چیخیا سی تے اُوہدے لئی بحیثیت اُوہدے خُدا دی پیوستگی ظاہر کیتی سی۔ ایتھے یسوع دی الٰہی کاملیت ظاہر ہوندی اے۔ اُو بے داغ برّہ سی بے شک قربانی دے لمحے اُوہنوں ملعون تے گناہ بنایا گیا سی‘‘ (آر. سی. ایچ. لینسکی، پی ایچ. ڈی.، مقدس متی دی انجیل دی تفسیر The Interpretation of St. Mathew’s Gospel، اُوگسبرگ اشاعت خانہ، اشاعت 1964، صفحات 1119۔1120).

ڈاکٹر رائیس نے کہیا، فیر، کُج عجیب جئے انداز وچ، یسوع مسیح نے دُنیا دے گناہ چُکے تے بحیثیت گنہگار دے مصائب برداشت کیتے‘‘ (رائیس، ibid.، صفحہ 31). پولوس رسول نے کہیا،

’’کلامِ پاک دے مطابق مسیح ساڈے گناہواں لئی قُربان ہویا‘‘ (1۔کرنتھیوں15:3).

’’اُو خود اپنے ای بدن تے ساڈے گناہواں دے بوجھ لئے صلیب تے چڑھ گیا تاں جے اسی گناہواں دے اعتبار توں مُردہ ہو جان تے راستبازی دے اعتبار توں زندہ ہو جان: اُوہدے ای مار کھان توں تُساں شفا پائی‘‘ (1۔پطرس2:24).

یسوع ہمارے گناہواں دا کفارہ ادا کرن لئی ساڈی تھاں مویا، ’’جیہڑا ساڈے لئی لعنتی بنیا‘‘ (گلتیوں 3:13).

یسوع نے ساڈے نال ایس قدر پیار کیتا کہ سانوں گناہ تے جہنم توں وچان لئی اُو صلیب تے مر گیا۔ اینج دا پیار ساڈا ایمان تے اُوہدے لئی ساڈا پیار منگدا اے۔ ڈاکٹر واٹز Dr. Watts نے کہیا، ’’پیار ایس قدر حیرت انگیز، الٰہی، میری جان، میری حیاتی میرا سب کُج منگدا اے۔‘‘ یسوع ول مُڑو تے اُوہدے تے پرہوسا کرو۔ اُو تہانوں گناہ دے کفارے توں وچائے گا۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔