ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
مینوں کرسمس توں محبت اے – ڈاکٹر جان آر رائس توں اخذ کیتا گیاI LOVE CHRISTMAS – ADAPTED FROM DR. JOHN R. RICE ڈاکٹر آر۔ ایل۔ ہائیمرز، جونیئر وَلّوں ’’فیر اُو اُوہدے گھر چہ داخل ہوئے تے بچے نوں اُوہدی ماں مریم دے کول موجود پا کے اُوہدے اَگے سجدہ چہ ڈِگ گئے تے اپنے ڈبے کھول کے سونا، لوبان تے مُر اُوہدی نذر کیتا‘‘ (متی2: 11)۔ |
ڈاکٹر جان آر۔ رائس Dr. John R. Rice (1895۔1980) اِک نیک تے سجھدار مسیحی سن۔ اَج دی شامی میں تہانوں اُوہناں دے واعظ ’’مینوں کرسمس توں محبت اے I Love Christmas‘‘ دے اہم نکات پیش کراں گا۔ واعظ نوں مختصر کیتا گیا اے تے کُج حصیاں دے الفاظ ذرا جیہئے مختلف طور تے نے۔ ڈاکٹر رائس نے کہیا:
مینوں کرسمس دے موسم توں محبت اے۔ مینوں کرسمس تے فرشتیاں، چرواہیاں، چرنی، کنواری پیدائش، مجوسیاں دے مرکزی موضوعات تے منادی کرن چہ شدید مُسرت محسوس ہوندی اے۔ مینوں کرسمس دے موقعے تے گائے جان آلے خوشی دے نغمیاں توں شدید خوشی ملدی اے۔ سارے کرسمس دے عرصے دے دوران میرے گھر چہ تےخداوند دا شکر ہو میرے دِل چہ عبادت دا اِک مسرت توں بھرپور تے خوشگوار ماحول ہوندا اے۔ کرسمس تے میرے پیاروں تے خاندان دے لوکاں دا یکجا ہو کے اِکٹھے ہونا مینوں پیارا لگدا اے۔ مینوں تحفے دینا پیارا لگدا اے تے مینوں جِنہاں نال میں پیار کرنا واں تے اپنے دوستاں دے ذریعے توں توں یاد کیتے جان توں خوشی ملدی اے۔ مینوں کرسمس دے موسم توں محبت اے (ڈاکٹر جان آر۔ رائس، مینوں کرسمس نال محبت اے I Love Christmas، خُداوند دی تلوار Sword of the Lord، 1955، صفحہ7)۔
مگر ڈٓاکٹر جان آر رائس نشاندہی کردے نے کہ کُج لوکی ’’کرسمس دے بارے چہ کڑواہٹ، بدمزاجی یا تلخی محسوس کردے نے تے اعتراضات توں بھرپور ہوندے نے‘‘ (ibid.)۔ اُو اُوہناں لوکاں تے تنقید کردے نے جیہڑے مسیح دی پیدائش نوں مانندے نے۔
I۔ پہلی گل، اُو کہندے نے کہ کرسمس مسیح دی سالگرہ دا دِن نئں سی۔
ایہہ گل سچی اے کہ اَسی ٹھیک اُوہی دِن نئیں جاننے آں جیس تے یسوع دی پیدائش ہوئی سی۔ بائبل سانوں نئیں دسدی۔ مگر ایہہ گل کرسمس دے دِن مسیح دی پیدائش نوں یاد کرن نوں غلط یا گناہ توں بھرپور تے نئیں بنا دیندی
ڈاکٹر جان آر رائس اِک چھوٹی جیہئی بچی نوں کدی جانندے سن جیہڑی 29 فروری یعنی لِیپ سال چہ پیدا ہوئی سی۔ چونکہ اُو دِن چار سال بعد اِک ای وری آندا اے یا لِیپ سال چہ آندا اے، اُو نشاندہی کردے نے کہ ایہہ گل اُوہدے والدین لئی غلط نئیں سی جے اُو اُوہدی سالگرہ نوں 20 فروری نوں منا لیندے سی، جدوں اُوہدی سالگرہ دی اصل تاریخ نئیں ہوندی سی۔
مسیح دی پیدائش توں 25 دسمبر ایہنا ای قریبی اے جِنہاکہ اَسی جا سکنے آں۔ اَسی پیارے خداوند یسوع مسیح نال محبت کرنے آں، تے اَسی چاہنے آں کہ ہر کوئی اُوہدی سالگرہ نوں یاد رکھے۔ اَسی چرنی چہ بچے دے بارے وِچ اپنے بچیاں نوں تعلیم دینا چاہنے آں، اُوہناں مجوسیاں دے بارے چہ تعلیم دینا چاہنے آں جیہڑے مشرق توں اُوہدی پرستش دے لئی آئے سن، مریم نوں فرشتے دا پیغام سنان دے بارے چہ تے فرشتیاں دے گیت دے کورس دے بارے چہ جِنہاں نے چرواہیاں [دے لئی] گایا سی تعلیم دینا چاہنےآں۔ تے کیوں فیر 25 دسمبر ایس گل دے لئی ایہنا ای خوشگوار دِن نئیں ہو سکدا جِنہا کوئی ہور دِن ہو سکدا اے؟ تہاڈے خیال چہ مسیح دی سالگرہ نوں اُوس دِن جیہڑا کہ اِسی قدر قریب اے جِنہا کہ اَسی مسیح دی پیدائش دے دِن دے قریب ہو سکنے آں یاد کرنا غلط گل اے؟
II۔ دوجی گل، اُو کہندے نے کہ کرسمس دا مطلب صرف ’’مسیح دی عبادت Christ’s Mass‘‘ اے جیہڑا کہ بوہتیاں دے لئی چُھتی دا اِک کاتھولک دِن ہوندا اے۔
اُو کہندے نے کہ لفظ کرسمس کرائسٹز ماسChrist’s Mass توں نکلدا اے، کہ ایس نوں کاتھولک لوکاں نےشروع کیتا سی تے ایسے لئی پروٹسٹنٹ لوکاں نوں ایہنوں نئیں منانا چائیدا اے۔ ایہہ اعتراض مینوں تھوڑا جیہا بیوقوفانہ سا لگدا اے۔
[کیلیفورنیا چہ بے شمار شہراں تے قصبیاں دے ناں کاتھولک لوکاں دے نے۔ لاس اینجلز اصل چہ کاتھولک ناں اے۔ لیکن اَسی جدوں ’’لاس انیجلز‘‘ دا ناں استعمال کرنے آں تے کاتھولک لوکاں دے بارے چہ نئیں سوچے آں۔ جدوں اَسی ’’سان ڈایاگوSan Diego،‘‘ یا سان فرانسسکوSan Francisco‘‘ یا ساکرامنٹوSacramento‘‘ کہنے آں تے کاتھولک لوکاں دے بارے چہ نئیں سوچدے۔] ایس توں کوئی فرق نئیں پیندا ابتدا کی اے۔ ناواں دا مطلب اُوہی ہوندا اے جیہڑا ہوندا اے۔
سیونتھ ڈے ایڈوینٹسٹ دے لوکی کدی کدی ایس حقیقت دے بارے چہ بوہتا وڈا مسئلہ کھڑا کر دیندے نے کہ اَسی اِتوار دے دِن عبادت کرنے آں تے اِتوار دے دِن دا ناں سورج دی پرستش کرن توں پیہیا اے۔ میں جواب دینا واں کہ ہفتہ Saturday دے دِن دا ناں کافر خدا سیٹرنSaturn دی پرستش کرن توں پیہیا اے! لیکن کوئی وی سورج دی پرستش کرن دے بارے چہ نئیں سوچدا جدوں اُو اَج کل ’’سنڈے‘‘ دا لفظ استعمال کردے نے۔ مصنوعی اِختلاف بنا ڈالنا اِک احمقانہ گل اے جدوں کہ اُوہناں لوکاں دے دِل تے دماغ چہ جیہڑے کرسمس مناندے نے ایہو جیہئی کوئی گل نئیں ہوندی۔ جنوری دا ناں رومی خدا جینُسJanus دے ناں توں پیہیا سی۔ تے کی مسیحی گناہ کر رئے نے جدوں اُو اُوس مہینے نوں اُوس ناں نال پکاردے نے؟ ہر اِک سمجھدار اِنسان دے لئی کرسمس دا مطلب کرسمس ای ہوندا اے۔ ایس دا مطلب کسی قسم دی عبادت Mass نئیں ہوندا۔ کاتھولک شاید ایس نوں اِک مسیحی یوخرست [عبادت] دے طور تے ویکھن مگر پروٹسٹنٹ اینج نئیں کردے۔III۔ تیجی گل، اُو کہندے نے کہ کرسمس کافران چھٹی دا اِک سابقہ دِن سی۔
میرا خیال اے کہ کرسمس کافرانہ چھٹی دا اِک سابقہ دِن سی۔ ایہہ بحث اہم نئیں اے۔ کافر لوکی ہر روز کُج نہ کُج کردے سی۔ اُوہناں دی فصل بیچن تےکٹن دے تقریبات ہوندیاں سن، زمین دا اپنے مُدار چہ سورج توں سب توں دور تے نیڑے فاصلے دے دِن دی تقریبات تے نئے چانداں دی تقریبات مناندے سی۔ لہٰذا، جے کافر لوکاں نے پچیس دسمبر نوں بُت پرستی دے لئی استعمال کیتا تے فیر کیوں نہ مسیحی ایس نوں یسوع مسیح تے اُوہدی پیدائش نوں تعظیم دین دے لئی استعمال نئیں کر سکدے؟ ایس نال کوئی فرق نئیں پیندا کہ مسیح دی پیدائش نوں یاد کرن دے لئی کیہڑا دِن استعمال کردے نے، ایہہ اِک دِن ہووے گا جِنہوں کوئی ہُور بُری وجوہات دے لئی استعمال کردا ہووے۔ مگر خدا دا شکر ہووے ہُن سارے دِن یسوع مسیح توں تعلق رکھدے نے تےکوئی وی دِن کافر خداواں توں تعلق نئیں رکھدا جیس وِچ 25 دسمبر وی شامل اے! اِک طرح نال یا دوجی طرح نال 25 دسمبر نوں اُوس [یسوع] نوں تعظیم بخشن دے لئی استعمال کیتا جانا چائیدا اے۔
IV۔ چوتھی گل، اُو کہندے نے کہ کرسمس دا درخت تے سجاوت قابلِ نفرت عمل نے۔
کُج لوکی کہندے نے کہ یرمیاہ10: 3۔4 چہ بائبل نے کرسمس دے درختاں توں منع کیتا اے۔ مگر اُو تلاوت کرسمس دے درخت دے بارے چہ گل نئیں کردی۔ ایہہ لکڑی توں بنائے گئے اِک بُت دے بارے وِچ گل کردی اے جیہڑا سونے تے چاندی نال ڈھکیا ہویا سی۔ تے باقی دی تلاوت دسدی اے کہ کیس قدر پیچیدگی تے بوہتی زیادہ قیمت دے نال اُو بُت بنایا گیا تے جامنی کپڑے پہنائے گئے۔ [ڈاکٹر ہائیمرز دی غور طلب گل: ایہہ حوالہ دو وجوہات دی بِنا تے کرسمس دے درخت دے بارے چہ گل نئیں کر رہیا (1) یرمیاہ دے زمانے چہ کوئی کرسمس تے کوئی کرسمس دے درخت نئیں ہوندے سن (2) اَج کوئی وی کرسمس دے درخت دی پرستش نئیں کردا]۔ جی جئیں، بائبل کرسمس دے درخت نوں منع نئیں کردی۔ [اُو اُوہناں پُھلاں دے گلدستیاں دے مقابلے چہ جیہڑے کرسمس دے موقعے تے بے شمار لوکاں دے کول اُوہناں دے گھراں تے گرجا گھراں چہ ہوندے نے کوئی بوہتے گناہ توں بھرپور نئیں نے]۔
کی گھر نوں سدا بہار درختاں دے پتیاں دی سجاوٹ یا سدا بہار اکاس دے پودیاں یا دوجے سدا بہار پودیاں دے نال سجان چہ کوئی برائی اے؟ شکرگزاری دے موقعے تے گھر نوں کدو پیٹھے تے مکئی دی شاخاں دے نال سجانا وی اُوسی دے برابر ای اے! برسی دے دِن قبراں نوں پُھلاں دے نال سجانا وی اُوسی دے برابر اے! یقینی طور تے خدا ناراض نئیں ہوندا جے اَسی اُوہدی کُج قدرتی خوبصورتیاں تے توجہ دیندے آں۔
[ڈاکٹر ہائیمرز دی غور طلب گل: ایہہ کہا جاندا اے کہ کرسمس دے درخت آلی گل پروٹسٹنٹ اصلاح پرست مارٹن لوتھر دے پائن دے درخت دے پتیاں وِچوں چمکدے ہوئے ستاریاں نوں ویکھن توں شروع ہوئی سی جیہڑے اُو اپنے گھر چہ لے آئے سن تے موم بتیاں نال سجایا سی کہ اُوس ستارے دی یاد دلان جیہڑا اُوس ویلے چمکیا سی جدوں یسوع پیدا ہویا سی۔ جے اُو قصّہ سچا اے تے فیر کرسمس دے درخت دا آغاز پروٹسٹنٹ فرقے توں اے]۔
مینوں کرسمس تے کرسمس دی سجاوٹ بہوتی چنگی لگدی اے تے میں نئیں سوچدا کہ اُو غلط نے۔ اُو صرف اُوس خوشی دا اِک اظہار اے جیہڑی میری دِل چہ اے جدوں میں سوچنا واں کہ کینج خدا اِک انسان بنیا، کینج اُو خالق اِک بچہ بنیا، کینج، ’’اُو دولتمند سی فیر وی تہاڈی خاطر غریب بن گیا تاکہ تُسی اُوہدے غریب ہو جان توں دولتمند ہو جاؤ‘‘ (2کرنتھیوں8: 9)۔
V۔ پنجویں گل، اُو دنیاداری تے غیر مسیحی رنگ رلیاں دی وجہ توں اعتراض کردے نے جیہڑیاں چُھٹیاں دے دوران ہوندیاں نے۔
ایہہ سچی گل اے کہ بے شمار لوکی کرسمس دے موقع تے یسوع مسیح نوں تعظیم نئیں دیندے۔ میرے خیال چہ اُو بوہتے زیادہ گناہ کردے نے۔ کدی کدی لوکی سانتا کلاز دے بارے چہ احمقانہ جھوٹ بولدے نے تے کافرانہ قِصّے دے نال چھوٹے بچیاں نوں دھوکہ دیندے نے، جدوں کہ اُوہناں نوں پیارے خداوند یسوع دے بارے چہ دسنا چائیدا اے۔ میرے خیال چہ ایہہ مکاری اے۔ جھوٹ ہمیشہ اِک غلط گل اے تے ہمیشہ خدا دے لئی نفرت توں بھرپور ہوندا اے۔ یسوع مسیح دی پیدائش نوں دھوکے نال تعظیم دینا بدتر ترین ممکن طریقہ اے۔ یقینی طور تے اِک جھوٹ دے نال چھوٹے بچیاں نوں سانتا کلاز دے بارے چہ دھوکہ دینا گناہ اے۔ کسی وی مسیحی نوں ایہنوں درگزر نئیں کرنا چائیدا اے۔ جی ہاں، لوکی اکثر کرسمس دے موقع تے خدا نوں بے عزت کردے نے۔ مینوں افسوس اے اُو اینج کردے نے۔ میں اُمید کرنا آں کہ کوئی وی مسیحی جیہڑا ایہہ واعظ سُنندا اے اینج گناہواں توں خدا نوں دُکھ دے گا۔
مگر سانوں کرسمس نوں شیطان تے مکار لوکاں دے حوالے نئیں کر دینا چائیدا اے کیوں جے چند لوکی کرسمس تے گناہ کردے نے۔ کی سانوں اِتوار دے دِن نوں چھڈ دینا چائیدا اے کیوں جے ایہہ اکثر غلط استعمال ہوندا اے؟ ہفتے چہ کسی ہور دِن دے مقابلے چہ اِتوار نوں بوہتی شراب پیتی جاندی اے۔ بوہتی رنگ رلیاں منائی جاندیاں نے۔ تے کی مسیحیاں نوں اِتوار دے دِن نوں چھڈ دینا چائیدا اے تے ایس نوں ابلیس دے دِن دے طور تے شمار کیتا جانا چائیدا اے؟ یقین طور تے بالکل وی نئیں! بے شمار لوکاں دے اِک بوہتی وڈی تعداد اے جیہڑی تعلیم دیندی اے نجات دے لئی بپتسمہ ضروری اے۔ اُو مسیح دے لہو دے مقابلےچہ پانی نوں بوہتا تعظیم دیندے نے۔ ایہہ غلط گل اے۔ لیکن کی، ایس وجہ توں، سانوں بپتسمہ دے بارے چہ یسوع مسیح دی نافرمانی کرنی چائیدی اے کیوں جے کُج لوکاں نے ایس تے ضرورت توں بوہتا زیادہ زور دِتا اے تے ایس دے بارے چہ اِک جھوٹا عقیدہ قائم کیتا اے؟ یقین طور تے بالکل وی نئیں!
مسیح دی آمد ثانی دے نال بے شمار لوکاں نے شدت دے نال غلط بیانی دی تعلیم اپنائی ہوئی اے تے غلط طریقے نال استعمال کیتا جا رہیا اے۔ جھوٹے فرقیاں نے شدت دے نال مسیح دی آمد دے عقیدے نوں مسخ کیتا ہویا اے۔ لوکی تاریخاں طے کر بیندے نے۔ تے کی اَس باقی سارے لوکاں نوں، فیر، مسیح دی قریبی آمد ثانی دی بائبل دی واضح تعلیم نوں نظر انداز کر دینا چائیدا اے کیوں جے اُوس تعلیم نوں غلط طریقے نال استعمال کیتا جا رہیا اے؟ یقینی طور تےبالکل وی نئیں!
تے سانوں روح دی بھرپوری دی بائبل دی تعلیم نوں وی نظرانداز نئیں کرنا چائیدا اے محض ایس لئی کیوں جے بے شمار لوکی ایس دا تعلق بے گناہ کاملیت نال تے غیرزباناں وِچ گلاں کرن نال جوڑدے نے۔
اینج ای، اَسی انتہائی احمق ہواں گے جے اَسی کرسمس نوں شیطان تے دُنیاوی لوکاں دے حوالے کر دیندے آں۔ جے دُںیا دے لئی کرسمس بے ہودہ پارٹیاں دا ناں اے تے آؤ ایس نوں مسیحی محبت تےرفاقت دا اِک دِن بناؤ تےاِک اینج جیہا دِن بناؤ جیہڑا مسیح نوں تعظیم بخشدا ہووے!
کی دوجے لوکی تحفے دین نوں محض اِک دِکھاوا بناندے نے؟ تے ٹھیک اے، مسیحیاں دے لئی ایس نوں کرن دی کوئی لوڑ نئیں پیندی۔ مسیحی اُو تحفے دے سکدےنے جیہڑے واقعی چہ محبت دا اظہار کردے نے۔
کی خوشی دا دِن منانا غلط گل اے؟ کی کرسمس دا کھانا پکانا تے دوجیاں نوں ونڈنا غلط گل اے؟ بِلا شُبہ نئیں! جدوں بابل دی اسیری توں نکل کےنحمیاہ دی ماتحتی وِچ اسرائیل دے باقی ماندہ لوکی واپس سرزمین چہ گئے سن تے شریعت نوں پڑھیا گیا سی تے سمجھایا گیا سی تے لوکی رو پیہئے سن۔ لیکن اُو رون دےبجائے خوشی منان دا اِک ویلہ سی، لہٰذا نحمیاہ نے کہیا:
’’ایہہ دِن خداوند تہاڈے خدا دے لئی مقدس اے۔ نا ماتم کرو نا روؤ کیوں جے سارے لوکی شریعت دی گلاں سُنندے ویلے رو رئے سن۔ نحمیاہ نے کہیا کہ جاؤ تے اپنا پسندیدہ کھانا کھاؤ تے میٹھے شربت پیو تے اُوہناں دے لئی وی کُج پیجو جِنہاں دے کول کُج تیار نئیں۔ کیوں جے ایہہ دِن ساڈے خدا دے لئی مقدس اے۔ رنجیدہ نہ ہوؤ کیوں جے خدا دی شادمانی ای تہاڈی قوت اے‘‘ (نحمیاہ 8: 9۔10)۔
پھر آیت 12 کہندی اے:
’’فیر لوکی کھانے پینے تے کھانے دا کُج حصہ پیجھن تے خوشی نال جشن منان دے لئی ٹر گئے کیوں جے ہُن اُوہناں نےاُوہناں گلاں نوں جیہڑیاں اُوہناں نوں سُنائیاں گئیاں سن، سمجھ لہیا سی‘‘ (نحمیاہ8: 12)۔
چونکہ اُوہناں اسرائیلیاں نے خوشی دا اِک دِن منان نال تے ضیافتاں کرن نال تے اِک دوجے چہ کھانے ونڈن نال خدا نوں تعظیم بخشی سی کیوں جے خدا دی پرستش بحال ہو چکی سی تے فیر اَج مسیحی ساڈے نجات دہندہ یسوع مسیح دی پیدائش تے خوشی دا دِن منان تے صحیح نے!
جی ہاں، میں کرسمس نال محبت کرنا واں! میں کرسمس دے موقعع تے خدا دے نیڑے محسوس کرنا واں۔ مینوں کرسمس دے موقعے تے خدا دے کلام نال محبت اے۔ میں گنہگاراں نال کرسمس دے موقع تے یسوع دا خدا وَلوں کرسمس دا عظیم تحفہ قبول کرن دی تمنا کرنا واں۔
تے آؤ، فیر، اَسی اِک خوشگوار کرسمس منائیے، تے مسیح نوں ایس دِن تے اقتدارِ اعلیٰ بنائیے جیہدی اَسی اُوہدی پیدائش دی تعظیم وِچ یاد منانے آں!
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب مینوں کرسمس توں محبت اے – ڈاکٹر جان آر رائس توں اخذ کیتا گیا I LOVE CHRISTMAS – ADAPTED FROM DR. JOHN R. RICE ڈاکٹر آر۔ ایل۔ ہائیمرز، جونیئر وَلّوں ’’فیر اُو اُوہدے گھر چہ داخل ہوئے تے بچے نوں اُوہدی ماں مریم دے کول موجود پا کے اُوہدے اَگے سجدہ چہ ڈِگ گئے تے اپنے ڈبے کھول کے سونا، لوبان تے مُر اُوہدی نذر کیتا‘‘ (متی2: 11)۔ I. پہلی گل، اُو کہندے نے کہ کرسمس مسیح دی سالگرہ دا دِن نئیں سی۔ II. دوجی گل، اُو کہندے نے کہ کرسمس دا مطلب صرف ’’مسیح دی عبادت Christ’s Mass‘‘ اے جیہڑا کہ بوہتے لوکاں دے لئی چُھٹی دا اِک کاتھولک دِن ہوندا اے۔ III. تیجی گل، اُو کہندے نے کہ کرسمس کافرانہ چھٹی دا اِک سابقہ دِن سی۔ IV. چوتھی گل، اُو کہندے نے کہ کرسمس دا درخت تے سجاوٹ قابلِ نفرت عمل نے، 2کرنتھیوں8: 9 . V. پنجویں گل، اُو دُنیاداری تے غیر مسیحی رنگ رلیاں دی وجہ توں اعتراض کردے نے جیہڑے چھٹیاں دے دوراں ہوندیاں نے، نحمیاہ8: 9۔10، 12 . |