ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کُج لوکی جیہڑے ساڈی ویب سائٹ تے ایہہ واعظ پڑھدے نے اُوہناں نے پُچھیا کہ ایہہ کیوں ایہنے چھوتے ہوندے نے۔ ایہدی وجہ انتہائی سادہ اے – میرے ہر جملے دی تبلیغ دے بعد میرے الفاظ دا فیر ترجمہ دو دوجے لوکاں دے ذریعے کیتا جاندا اے، پہلاں چینی زبان وِچ تے فیر ہسپانوی زبان وِچ۔ اِسی تینوں [بندے] بغیر رُکے بولنے آں لیکن، ایہدے باوجود وی، ایہہ چھوٹے واعظ تقریباً پنچا منٹ لے لیندے نے، کوئی وی ہِلدا یا بے چین نئیں ہوندا اے۔ ہر کوئی پوری توجہ دے نال سُنندا اے، ایتھوں تیکر کہ بچے تے او لوکی وی جیہڑے پہلی وری آئے ہوندے نے۔

ایس واعظ وِچ میرے تبصریاں دے اضافے دے نال ترمیم کیتی گئی اے تے چھوٹا کیتا گیا اے۔ ایہنوں جارج وائٹ فیلڈ دے واعظ ’’مسیح روح دا طبیب‘‘ توں اخذ کیتا گیا اے (جارج وائٹ فیلڈ، واعظ Sermons، پائیعٹن اشاعت خانے Pietan Publications، 2008، جلد چہارم، صفحات 46۔62)۔ وائٹ فیلڈ دا جنم 1714 وِچ ہویا سی، آکسفورڈ یونیورسٹی توں اپنی ماسٹرز دی ڈگری پان دے بعد، انگلستان دے گرجا گھر نے اُوہناں نوں مذہبی عُہدے تے فائز کیتا۔ اُوہناں نے اپنا پہلا واعظ 1736 وِچ دِتا۔ وائٹ فیلڈ اپنے آکسفورڈ دے دوستاں جان ویزلی تے چارلس ویزلی دے نال بطور مشنری امریکہ ٹُر گئے۔ جدوں اُو واپس انگلستان آئے تے اُوہناں نے پایا کہ گرجا گھراں دے اراکین لئی نوے سرے توں جنم لین دی تبلیغ دی وجہ توں انگلستان دے تقریباً سارے مذہبی اداریاں دے بوہے اُوہناں دے بند کر دِتے گئے سن۔ اُوہناں نوں سارے انگلستان دی واعظ گاہواں وِچ واعظ دین توں اِعلانیہ منع کر دِتا گیا سی، لیکن صرف اِسی وجہ نے لوکاں وِچ ایہناں نوں مذید ہُور سُنن دی چاہ ودھی۔ گرجا گھر دے اراکین دے ایس پیغام دی مسلسل منادی کرن تے اُوہناں نوں گرجا گھراں توں نکال دین دی وجہ توں، اُوہناں نے کُھلے میداناں وِچ بولنا شروع کیتا۔ جیویں جیویں اُو سفر کر کے وھیلز، سکاٹ لینڈ، انگلستان، امریکہ تے دوجے مُلکاں وِچوں لگندے گئے، ہزارہاں لوکی ہجوم در ہجوم اُوہناں نوں سُنن لئی آن لگے۔ اپنی حیاتی وِچ آرام لئی کوئی ویلہ کڈے بغیر، اُو اوسطاً ہفتے وِچ پندرہ وری منادی کردے سن۔ اُو ہمیشہ انتہائی جوش تے قوت دے نال منادی کردے سن۔ اُوہناں دی واج اِک میل دور توں وی سُنی جا سکدی سی، تے اِک وری اُوہناں نے کیمبس لینگ Cambuslang، سکاٹ لینڈ وِچ 138 ہزار توں وی بوہتی لوکاں نوں تبلیغ کیتی سی (بے شک بغیر مائیکروفون دے)۔ اُوہناں دا انتقال نیوبری پورٹ، میساشوسیٹز وِچ اپنا آخریلا واعظ دین دے کُج گھنٹیاں بعد 30 ستمبر، 1770 وِچ ہویا سی۔ بلی گراھم دے آن تیکر (جیہڑے جدید الیکٹرانک آلات دا استعمال کردے نے) جارج وائٹ فیلڈ نے تاریخ وِچ کسی وی شخص دے مقابلے وِچ زیادہ لوکاں نوں منادی کیتی سی۔ لیکن بلی گراھم دے ’’فیصلہ سازیت‘‘ دے پیغام تے طریقیاں نے اُوہناں نوں وائٹ فیلڈ دے مقابلے وِچ کئی گُنا درجے گھٹ حیثیت دی شخصیت کر دِتا۔ بلی گراھم نے آپئے ایہدا اقرار کیتا کہ اُوہناں دی صلیبی جنگاں دے دوران کوئی وی حیاتِ نو نئیں آیا۔ جدوں کہ دوجے پاسے، وائٹ فیلڈ نے مسلسل خدا دے پیجے ہوئے حیات نو نوں اپنی منادی دے نال نال ہوندیاں ہویاں وی ویکھیا۔ سانوں بلی گراھم وگرے مذید ہُور لوکاں دی لوڑ نئیں اے! سانوں جارج وائٹ فیلڈ وگرے لوکاں دی اَج فیر لوڑ اے! مہربانی نال متی9:12 آیت دی تلاوت کھولو، تے خُدا دے کلام دے پڑھے جان لئی کِھلو جاؤ۔

’’تندرستاں نوں طبیب دی لوڑ نئیں ہوندی، بلکہ بیماراں نوں ہوندی اے‘‘ (متی 9:12).

تُسی تشریف رکھ سکدے اُو۔

اَج ساڈی تلاوت دے معنی تقریباً کھو گئے نے۔ ساڈے تے اُوہناں واعظاں دی بہتات کر دِتی جاندی اے جیہڑے سانوں دسدے نے کہ کیویں خوشحال ہونا اے، کیویں بہتر محسوس کرنا اے، کیویں بہترین گھر حاصل کرنے نے، کیویں مذید ہُور خوش ہونا اے، کیویں کامیاب ہونا اے، تے کیویں جسمانی طور تے شفایاب ہونا اے۔ اَسی ’’عالمانہ انداز وِچ لکھے‘‘ ہوئے واعظاں دے زیر اثر آئے ہونے آں، کلام پاک دے لمبے حوالیاں تے تھکا دین آلے لیکچراں دے زیر اثر آئے ہونے آں۔ ایس طریقے نوں پلائےماؤتھ بھراواں Plymouth Brethren نے متعارف کیتا سی، تے ایہہ ساڈی بپتسمہ دین آلی وراثت وِچوں نئیں نکلیا اے۔ ایہہ عموماً کافی اُکتا دین آلا ہوندا اے۔ سارے واعظ اینج ای یکساں لگدے نے۔ لوکاں نوں یاد نئیں رہندا اے کہ کی تبلیغ کیتی گئی سی، کیوں جے بے شمار خیالات ایناں جدید تفسیراں وِچ پیش کر دِتے جاندے نے۔ ایہہ حقیقتاً واعظ نئیں ہوندے، بلکہ بائبل دا پیچیدہ مطالعہ ہوندا اے جیس دا نشانہ مسیحی ہوندے نے، حالانکہ مذہبی جماعتاں وِچ زیادہ تر مسیح وِچ نجات پائے ہوئے نئیں ہوندے۔

کیتھے نے، اُوہ ، کیتھے نے، اُو مبشر جنہاں دا مرکزی پیغام نوے سرے توں جنم لینا تے مسیح وِچ تبدیل ہونا ہوندا اے؟ کیتھے نے اُو جنہاں دا اہم موضوع مسیح تے مرکوز ہوندا اے، روحواں دا طبیب – جیہڑا تنہا ای سانوں گناہ، جہنم تے قبر توں بچا سکدا اے؟ ایہو ای ساڈے ویلے دی چیخدی ہوئی لوڑ اے! ایہو ای اے جیہدے تہاڈی نسل نوں تاریخ دے ایس انیرے دور وِچ واضح تے شفاف سُنن دی لوڑ اے۔ جیویں کہ ساڈا ملک ٹکڑے ٹکڑے ہوندا جا رہیا اے تے دُنیا دی قوماں افرتفری تے بغاوت وِچ اُٹھ رہیاں نے – اَسی ایہنوں فیر اپنی واعظ گاہواں وِچ سُناں گے ساڈے آباؤاِجداد دے روحواں نوں بچان آلی خوشخبری! سانوں اُونج دے ای جوشیلے خوشخبری آلے واعظاں دے تبلیغ دی لوڑ اے جیویں وائٹ فیلڈ دیا کردے سن۔ تے آؤ ایس بیہودہ موسیقی نوں چُک کے باہر سُٹیے، تے آؤ حمدوثنا دے اُوہناں پرانے گیتاں تے شرمندہ ہونا چھڈیے، بلکہ اُوہناں نوں دوبارہ جوش وخروش تے سرور دے نال گائیے!

اَسی سرور بھری واج سُنی اے: یسوع بچاندا اے! یسوع بچاندا اے!
   ساری دُنیا چہ خوشخبری پھیلا دو: یسوع بچاندا اے! یسوع بچاندا اے!
ہر سرزمین تے خبر سُنا دی، ڈھلوانوں تے چڑھ کے تے لہراں نوں پار کر کے؛
   اَگے ودھو! ایہہ ساڈے خداوند دا حکم اے؛ یسوع بچاندا اے! یسوع بچاندا اے!
(’’یسوع بچاندا اے Jesus Saves‘‘ شاعر پرسیلہ جے۔ اونز Priscilla J. Owens، 1829۔1907)۔

یسوع سانوں کیہدے کولوں بچاندا اے؟ کوئی ضروری نئیں کہ غربت توں۔ تاریخ وِچ عظیم ترین لوکاں وِچوں کُج نے اپنی حیاتی غربت وِچ بسر کیتی۔ کوئی ضروری نئیں کہ بیماری نال۔ تاریخ وِچ عظیم ترین لوکاں وِچوں کُج نے علالت دی تباہیاں نال بُہتیریاں مصیبتاں تے تکلیفاں برداشت کیتیاں۔ یسوع صلیب تے مویا تے سانوں گناہ توں بچان لئی مُردیاں وِچوں جی اُٹھیا! ایہہ بائبل دا مرکزی پیغام اے! ’’کلام پاک دے مطابق مسیح ساڈے گناہواں لئی قربان ہویا‘‘ (1 کرنتھیوں15:3)۔ ایہہ انجیل دا دِل اے۔ آؤ ایہنوں فیر سُننے آں، ساڈی واعظ گاہواں توں جوش و خروش دے نال منادی کرو!

’’مسیح یسوع گنہگاروں نوں نجات دین لئی دُنیا چہ آیا‘‘ (1۔ تیموتاؤس 1: 15).

ہُن، اَسی جدوں تلاوت تے پہنچنے آں، تے ویکھنے آں کہ یسوع مستی دے گھر وِچ اِک دعوت وِچ بیٹھا اے۔ بوہتے شرابی تے گنگہار اُوتھے آئے تے یسوع دے نال کھان کھان لئی بیٹھ گئے۔ ’’شراب خانے آلے‘‘ محصول جمع کران آلے سن جیہڑے رومی حکومت لئی کم کردے سن۔ کٹر یہودی اُوہناں کولوں نفرت کردے سی کیوں جے اُو روم لئی کم کردے سن تے محصول وِچوں جیہڑا پیسا اُو جمع کردے سن اُوس وِچوں زیادہ تر اپنے لئی بچا کر رکھدے سن۔ فریسی اُوس دور دے کٹر یہودی سن۔ اُو سوچدے سن کہ شراب خانے آلے تے محصول لین آلے یہودی قوم لئی چور تے غدار سن۔ اُو ’’گنہگار‘‘ سن جنہاں نوں فریسی بیکار یہودی سمجھدے سن کیوں جے اُو ربّیاں دے رسم و رواج تے قائم نئیں رہندے سن۔ فریسیاں وَلوں اُوہناں دے بارے وِچ ہولناک ’’گنہگار‘‘ وانگوں سوچا جاندا سی کیوں جے اُو ربیوں دے قوانین تے دستوراں دی پیروی نئیں کیا کردے سن۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

سانوں ایہہ گل سمجھ لینی چائیدی اے کہ ’’شراب خانے تے محصول لین آلے‘‘ تے گنہگار کوئی گلی محلے دے بھکاری یا شرابی جواری نئیں سن، نشے دی لت وِچ پئے ہوئے لوکی نئیں سن، یا خیرات تے پلن آلے لوکی نئیں سن۔ اُوس زمانے وِچ کوئی الگ توں بے حال غربت دے علاقے نئیں سن تے نا ای سماجی بہبود دے ادارے سن۔ تے نا ای اُوہناں لوکاں وِچوں کوئی اِک جیہڑے یسوع دے نال کھان لئی آئے سن نشے دی لت وِچ پہیا ہویا سی۔ اُو سارے دے سارے شراب خانے آلے تے محصول لین آلے تے گنہگار سن جیہڑے کم کرن آلے لوکی سن۔ لیکن فریسی اُوہناں نوں آوارہ یا سماج توں خارج شُدہ سمجھدے سن۔

جدوں فریسیاں نے یسوع نوں اُوہناں سماج توں خارج شُدہ لوکاں دے نال اُٹھدے بیندیاں ہوئے ویکھیا تے اُوہناں نے [یسوع دے] شاگرداں نوں کہیا، تہاڈا اُستاد محصول لین آلے لوکاں تے گنہگاراں دے نال کیوں کھاندا اے؟‘‘ (متی9:11)۔ جدوں یسوع نے ایہہ سُنیا کہ فریسی کی کہندے نے، تے اُوہنے اُوہناں نوں کہیا،

’’تندرستاں نوں طبیب دی لوڑ نئیں ہوندی، بلکہ بیماراں نوں ہوندی اے‘‘ (متی 9:12).

فریسیاں نے سوچیا کہ اُو سچے سن – کہ اُو راستبا سن تے اُوہناں نوں نجات دی لوڑ نئیں سی کیوں جے اُو کٹر یہودیت دے قوانین دی پابندی کردے سن۔ سماج توں خارج شُدہ محصول لین آلے تے گنہگار جانندے سن کہ اُو راستباز نئیں سن۔ ایہہ گل اُوہناں نوں خود نوں راستباز کہلان آلے فریسیاں دے مقابلے وِچ نجات لئی بہتر اُمیدوار بنادی سی۔

’’تندرستاں نوں [جیہڑے بھلے چنگے نے] طبیب دی لوڑ نئیں ہوندی، بلکہ بیماراں نوں ہوندی اے‘‘ (متی 9:12).

میں تلاوت دے الفاظ نوں تین گلاں وِچ تقسیم کراں گا۔

I۔ پہلی گل، اُو جیہڑے سوچدے سن کہ اُو ٹھیک سن۔

ایتھے مسیح اپنے آپ دے بارے وِچ اِک ’’طبیب‘‘ دی حیثیت نال دسدا اے، یا اِک طبعی ڈاکٹر، جیہڑا گناہ توں بیمار جاناں لئی ہوندا اے۔ لیکن اُو جیہڑے سوچدے سن کہ اُو پہلاں توں ای بھلے چنگے نے اُوہناں نوں مسیح دی کوئی خاص لوڑ محسوس نئیں ہوندی سی۔ ایہہ اُوہناں فریسیاں وانگوں سن جیہڑے ہیکل وِچ جاندے سن۔ اُو اِک انسان سی جیہڑا اپنے آپ تے پروہسا کردا سی۔ جیہڑا سوچدا سی کہ اُو راستباز اے۔ اُوہنے کہیا، ’’اے خُداوند، میں تیرا شکر ادا کرنا آں، کہ میں دوجے بندیاں وانگوں نئیں آں جیہڑے لُٹیرے، ظالم تے زناکار نے تے ایس محصول لین آلے وانگوں وی نا ہون‘‘ (لوقا18:11)۔ اُو اصل چہ ہیکل وِچ دعا کرن لئی نئیں آیا سی۔ اُو شیخی مارن لئی آیا سی، اپنا موازنہ دوجیاں نال کرن لئی آیا سی تے دوجیاں دے مقابلے وِچ خود نوں بہتر ثابت کرن دی شیخی مارن لئی آیا سی۔

کی تُسی اُوہدی مانند اُو؟ کی تُسی اُوہناں دے بارے چہ سوچدے اُو جیہڑے تہاڈے مقابلے وِچ بدترین گنہگار نے؟ کی تُسی سوچدے اُو کہ تُسی اُوہناں توں بہتر اُو، تے خود وِچ واقعی ایہنے بُرے گنہگار نئیں اُو؟ جے تُسی اینج دے اُو، تے بے شک تُسی روحاں دے عظیم طبیب لئی کسی خاص لوڑ نوں محسوس نئیں کردے اُو۔ نجات دہندہ یسوع، تہاڈے لئی کوئی خاص دلچسپی نئیں رکھدا اے کیوں جے تُسی اپنی حیاتی تے دِل وِچ کدی وی گناہ دے جرم نوں محسوس ای نئیں کیتا اے۔ میں تہاڈے لئی کوئی اُمید نئیں وکھنا آں جدوں تیکر کہ تہانوں تہاڈے گناہ دے قصور نوں ویکھن دے قابل نئیں بنا دِتا جاندا۔ اِک جدید مبشر انجیل دے مقابلے وِچ جو سوچدا اے کہ اُوہنے نجات پا لئی اے کیوں جے اُوہنے اِک وری دعا پڑھ لئی اے یا بائبل دی کُج آیتاں سیکھ لہیاں نے اُوہدے مقابلے چہ اِک بُدھ مت آلے یا اِک رومن کاتھولک لئی زیادہ اُمید اے! منادی دے پنجا سالہ لمبے تجربے دی وجہ توں، میں لبھیا اے کہ خود تے تسلی رکھن آلے نوے مبشران انجیل جیہڑے کہ جدید ’’فیصلہ سازیت‘‘ دی وجہ توں اَنّہے ہو گئے نے اُوہناں دے مقابلے وِچ دہریاں، شاکیاں، بدھ مت آلیاں تے کاتھولک مسیحیاں وِچ حقیقی تبدیلی دے لئی بہتر اُمیدوار نے۔

’’تندرستاں نوں طبیب دی لوڑ نئیں ہوندی، بلکہ بیماراں نوں ہوندی اے‘‘ (متی:12). 9

عظیم مبشر جارج وائٹ فیلڈ نے کہیا، میرے کول اُوس بندے دے مقابلے وِچ جیہڑا خود آپئے سوچدا اے کہ اُو پہلاں توں ای کافی بہتر…. سبت نوں توڑن آلا، لعنتی، قسماں کھان آلا، اُوہدے لئی بوہتی اُمید اے۔ [مسیح نے کہیا] ’محصول لین آلے تے فاحشہ عورتاں تہاڈے توں پہلاں خُدا دی بادشاہی وِچ داخل ہون گیاں‘ [متی21:31]… اُوہنے [جیہڑا خود دے بارے چہ کافی بہتر سوچدا اے] ہُنے تیکر مسیحیت دے بارے وِچ پہلا سبق نئیں سیکھیا اے، اُو اے اپنے آپ نوں [بطور] غریب جاننا، مرُدہ، احمق [جاندار جو نئیں] ویکھ سکدا کہ [اوہنوں مسیح دی لوڑ ہوندی اے]… جدوں منادی کرن آلا گنہگاراں دے نال بولدا اے، اُو سوچدا اے کہ اُو دوجیاں دے نال بول رہیا اے، تے خود نال نئیں بول رہیا اے‘‘ (وائٹ فیلڈ، ibid.، صفحہ53)۔ ایس قسم دے شخص لئی مسیح وِچ اِک حقیقی تبدیلی لئی بہت گھٹ اُمید ہوندی اے!

’’تندرستاں نوں طبیب دی لوڑ نئیں ہوندی، بلکہ بیماراں نوں ہوندی اے‘‘ (متی 9:12).

II۔ دوجی گل، اُو جیہڑے جانندے نے کہ اُو بیمار نے۔

مسیح ایتھے جسمانی بیماری دی گل کر رہیا اے۔ اَج دے ایناں آخری دِناں وِچ پینتیکوست مشن آلیاں تے کرشماتی مشن آلیاں دے ذریعے نال جسمانی بیماریاں دی شفاواں تے ایس قدر لوڑ تون بہوتا زور دِتا جا رہیا اے کہ اُوہناں وِچوں کُج ایس تلاوت دی تبلیغ سیاق و سباق توں ہٹ کے کردے نے، جیویں کہ ایہہ جسمانی شفا لئی حوالہ دِتا گیا اے! لیکن پرانی کہاوت سچی اے، ’’بغیر سیاق و سباق دے تلاوت بہانہ ہوندی اے۔‘‘ آیت 13 ایس نوں بالکل دُرست طور تے واضح کردی اے۔

ساڈی تلاوت وِچ مسیح اپنے بارے وِچ بطور ’’روح دا طبیب‘‘ دی گل کر رہیا اے، اُو اُوہناں لوکاں نوں شفا دین آلا شخص اے جنہاں دیاں روحواں موت تیکر بیمار نے۔ وائٹ فیلڈ نے کہیا، ’’جدوں ساڈا خداوند لوکاں دے بیمار ہون دے بارے وِچ گل کردا اے، تے اوہدا مطلب اُوہناں لوکاں توں اے جیہڑے اپنے دِلاں وِچ بیمار ہوندے نے، اُو جیہڑے اپنی روحواں وِچ بیمار ہوندے نے… جے تُسی کدی وی آسمان دے پھاٹکاں وچ داخل ہون دی اُمید رکھدے اُو، ہمیشہ لئی بابرکت خُداوند دے نال رہن لئی، تے دائمی خُدا نوں، تہانوں اپنی بابرکت روح دے ذریعے نال ضرور بیمار کرنا چائیدا اے۔ کیس گل لئی بیمار کرنا چائیدا اے؟ … اُو اِک [گمراہ ہوئے] بندے نوں کسی وڈے گناہ نال بیمار کردا اے، ایسے گناہ نال جیس دا اُو قصوروار ہوندا اے … ایویں اِک بندہ اینج گناہ دا بیمار ہونا شروع ہو جاندا اے … گل ایتھے ای نئیں مُکدی، جے خُدا دا کم گنہگار دے دِل وچ پورا ہو جاندا اے، تے خُداوند دی روح بشر وچ گہرائی تیکر جاندی اے، تے [گنہگار] نا صرف اپنے اصلی گناہواں لئی بیمار ہونا شروع ہو جاندا اے، بلکہ اپنے حقیقی گناہ لئی وی … ’اوہ،‘ [گنہگار] کہندا اے، ’ہُن مینوں پتا چلیا کہ میرے کول فوری طور تے اِک بدکار دِل اے، ہُن جدوں کہ میں جان گیا واں کہ میرا دِل تمام گلاں دے مقابلے چہ بوہتا دھوکے باز اے، تے ہُن مینوں حقیقی گناہ دا نظریہ نظر آندا اے‘ … ہُن [اُو جو سوچدا سی] کہ اُوہدا اِک چنگا دل سی، اُوہنوں پتا چلنا شروع ہوندا اے کہ اُوہدے کول ماسوائے گناہ دے ہور کُج وی نئیں اے … فیر [اُو] انتہائی بھرپور گناہ دے ہون دے گناہ نوں ویکھدا اے [تے] کہندا اے، ’اوہ میں کیس قدر تباہ حال انسان آں! کون مینوں ایس موت دے جسم توں نجات دلائے گا؟‘ [رومیوں 7:24] … آخر کار گمراہ ہوئے گنہگار نوں گناہ دا بیمار بنا دِتا جاندا اے … بےاعتقادی دا بیمار بنا دِتا جاندا اے … اُو غریب بیچارہ پہلاں سوچدا سی [کہ اُوہدے کول] ایمان سی … اُو سوچدا سی کہ اُو مسیح وچ یقین کردا سی، کیوں جے اُوہدے مسیح وگرے اِک بندے دے بارے وچ سُنیا سی … لیکن ہُن اُو غریب بیچارہ سوچدا اے کہ اُو سورج نوں ہلان دے مقابلے وچ ایس توں زیادہ یقین نئیں کر سکدا اے۔ [ہُن گنہگار] کہندا اے، ’مینوں نجات پان لئی کی کرنا چائیدا اے؟‘ [اعمال 16:30]۔ [ہُن اُو کہندا اے] ’مینوں کی پیش کرنا چائیدا اے‘ کاش میں ہور کُج نئیں تے اِک غریب کھوئے ہوئے منسوخ شُدہ لعنتی مخلوق دی حیثیت نال یسوع مسیح تے قسمت آزمائی کر سکاں؟ میں کی پیش کراں، کاش میں ہور کُج نئیں تے خُداوند یسوع مسیح تے اُوہدی راستبازی تے ایمان دا اِک عمل ای کر سکاں؟‘ ہُن گنہگار بیچارہ بلاشبہ بیمار اے؛ بیچاری روح نوں [ہُن] لوڑ ہوندی اے [اُوس] طبیب دی… ہُن بیچارہ غریب تمام دِن ماتم کردا رہندا اے؛ اُو تسلی پان توں انکار کر دیندا اے … اُو غریب بیچارہ ہُن کہندا اے، ماسوائے مسیح دے لہو دے ہور کُج وی مینوں شفا نئیں دے سکدا۔‘ ایہو جئے بندے نوں لوڑ ہوندی اے [اُوس مسیح] طبیب دی‘‘ (وائٹ فیلڈ، ibid.، صفحات 54۔57)۔

’’تندرستاں نوں طبیب دی لوڑ نئیں ہوندی، بلکہ بیماراں نوں ہوندی اے‘‘ (متی 9:12).

III۔ تیجی گل، اُو جیہرے یسوع نوں پان لئی بوہتے بیمار ہوندے نے۔

نجات دہندہ نے کہیا، ’’اے محنت کشو تے بوجھ نال دبے ہوئے تمام لوکو! میرے کول آؤ، میں تہانوں آرام بخشاں گا‘‘ (متی 11:28). جے تُسی محنت کشی کر رئے اُو تے اپنے گناہ دے بھاری بوجھ تلے دبے ہوئے محسوس کر رئے اُو، تے یسوع دے کول آؤ۔ اُوہنے تہاڈے گناہ لئی صلیب تے کفارہ ادا کیتا۔ اُوہنے تہانوں ’’تمام گناہ توں‘‘ پاک صاف کرن لئی اپنا قیمتی لہو وگایا (1۔ یوحنا 1:7). اُو ہُن آسمان چہ خُداوند خدا دے سجے پاسے زندہ موجود اے۔ یسوع دے کول آؤ تے اپنے گناہ توں شفا پاؤ! وائٹ فیلڈ نے کہیا، ’’میں سُننا واں کہ تہاڈے وچوں کُج کہندے نے، ’تُسی میرے نال [گلاں کردے رئے] اُو؛ میں بیدار ہو چُکیا واں؛ میں اپنی روح وچ اِک جہنم محسوس کرنا واں؛ میں [اپنی] خود دی کوئی وی راستبازی محسوس نئیں کرنا واں، میرے گناہ میرا چہرہ تکدے نے؛ میرے اخلاقی زوال نے میرے تے سبقت پا لئی اے؛ مینوں پتا چلدا اے کہ میں خُداوند یسوع مسیح تے یقین نئیں کر سکنا واں؛ مینوں ایمان چائیدا اے؛ مینوں [اُو] طبیب چائیدا اے؛ تُسی کی سوچدے اُو میرا کی بنے گا؟ مینوں ڈر اے کہ میں لعنتی نہ ہو جاواں … میں ڈرنا واں کہ میرا معاملہ ناقابلِ علاج نہ ہو جائے … میں بیمار آں، میں بہتیرے گناہ کیتے نے، مین اُوہناں نوں کافی ویلے توں کردا رہیا واں… مینوں ڈر اے کہ خُدا میرے [تے] کوئی رحم نئیں کرے گا‘۔

مینوں کیویں تہاڈی حوصلہ افزائی کرنی چائیدی اے؟ میں تہاڈی حوصلہ افزائی کراں گا کہ تُسی پیارے یسوع دے قدماں وچ اپنے آپ نوں نچھاور کر دیو … تُسی جنہاں دے دِل ٹُٹے ہوئے نے، میں تہانوں یسوع دے کول لہیانا چاہواں گا۔ [مت بھُلو] اُوس عظیم لفظ تمام نوں۔ ’اے محنت کشو تے بوجھ نال دبے ہوئے تمام لوکو! میرے کول آؤ، میں تہانوں آرام بخشاں گا‘۔ یسوع دے کول آؤ، روحاں دے عظیم ڈاکٹر دے کول … اوہ، آؤ، فیر اُوس عظیم طبیب لئی آؤ۔ اُو تہانوں بغیر کسی لالچ دے شفا دیوے گا، ’’بغیر پیسے تے بغیر کسی قیمت دے‘‘ (اشعیا 55:1). جے تُسی اُوہدے کول آؤ تے اُوہدا فضل مفت وچ اے۔ جے تُسی [یسوع] تے ایمان دے اِک عمل لئی وی قسمت آزمائی کردے اُو تے تُسی بالکل [درست] … کر دِتے جاؤ گے …. مسیح تہانوں پاک صاف بنا دے گا‘‘ (وائٹ فیلڈ، ibid.، صفحات 60۔61). آمین۔ مہربانی نال کھلو جاؤ تے اپنے گیتاں دے ورق وچوں حمد و ثنا دا گیت نمبر 7 گاؤ۔

اوتھے عمانوئیل دی رگاں وچوں کھچیا گیا لہو نال بھریا اِک چشمہ اے؛
   تے گنہگار اُوس چشمے دے ہیٹاں ڈبکی لاندے نے تے اپنے تمام قصوراں دے دھبے دھو لیندے نے؛
تے گنہگار اُوس چشمے دے ہیٹاں ڈبکی لاندے نے تے اپنے تمام قصوراں دے دھبے دھو لیندے نے؛
   اپنے تمام قصوراں دے دھبے دھو لیندے نے، اپنے تمام قصوراں دے دھبے دھو لیندے نے؛
تے گنہگار اُوس چشمے دے ہیٹاں ڈبکی لاندے نے تے اپنے تمام قصوراں دے دھبے دھو لیندے نے؛
   (’’اوتھے اِک چشمہ اے There Is a Fountain‘‘ شاعر ولیم کاؤپر William Cowper، 1731۔1800).

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔